رحلتى إلى غزه ... ملف مفتوح [الأرشيف]

ضياء عاصى

16-03-2008, 01:59 AM

السلام عليكم ورحمة الله و بركاته ..
رحلتى الى غزه تاريخ ... من اهم خطوات حياتى المليئه بالخطوات ...
هحكيلكم الرحله فى حلقات ... تابعوها دى فيها بلاوى متلتله

(الحلقه الاولى )
****
**
*
الساعه الخامسه صباحاً ... موبايلى بيرنلى بنغمة (مش كبرياء) بتاعة شيرين ... بصيت لقيت رقم الاخ حافظ سليم ... افتكرت نفسى بحلم ... و دُغرى بصيت للتليفون و نمت تانى ... و من جديد لقيت الاتصال بيتكرر ... حد يقرصنى يا جدعان ... و بما ان تحت السرير بتاعى فيه تحتُه جحر نمل من الستينات و كل لما اقفله يطلع تانى ... راحت نمله ملبيه ندائى الفاضل و دُغرى قرصانى من صرصار ودنى ... إذا الاتصال حقيقى
أنا : الوووووه ... ... مين ( مع انى عارف انه حافظ ) بس حبيت أطمئن نفسى ان اللى قرصتنى نمله مش أفعى
حافظ ... قوم قامت عليك حيطه ... وبالفعل كانت الحيطه قايمه على رُكبى ( إحساس بالكساح النفسى والشلل المعنوى)
أنا : حفيظ عـُمرى ... مش ممكن ... خير ... فلسطين عملولها تكرير احتلال .. ؟؟ ( حاكم اليهود تحس إنهم بيشغلو أوقات فراغهم بالإجتباحات)
حافظ : كلمه و تلت ... إلبس وتعالى بسرعه .
أنا : البس أيه بالظبط ... ؟؟ ... قصدى آجى فين يا حوحو ... ؟؟
حافظ : المعبر فتح و انجز
أنا : قابلنى حالا عالنت ... حاكم انا مبصدقش ودانى عادةً ... لازم أقرا الكلام بعنيا علشان أصدق ... أصل أنا عيونى حلوه و طيبين
و فى تلات ثوانى و بسرعتى الفائقه المعهوده كنت فاتح النت ... و كنت مش مصدق نفسى ان حافظ شال البلوك من عليا ( يا لهوك يا حافظ ... هوه البلوكات بتاعتك مرتبطه بالمعبر ... ؟) ده لو اعرف كده كنت حررتلك فلسطين من ستاشر سنه يا جدع.
حافظ : هاتلى معاك جبنه رومى , ولب سوبر , ولب أبيض و عسليه لـ بنت القسام و شوية أدويه كروكى كده عشان عسر الهضم و الانتفاخات اللى هتعملها العسليه ( حاكم احنا العسليه عندنا بتكون محشيه فطير مشلتت)
أنـا و بنفس سرعتى المعهوده اللى نطيت بيها من عالسرير كنت لابس و مجهز شنطتى ..
و خرجت من البيت و للأسف نسيت آخد معايا الجزمه السودا و أخدت البنى بس ( أصل انا عندى جزمه بنى بألبسها فى المناسبات الكروكى و جزمه سودا للمناسبات الرسميه و كوتشى أحمر بألبسه لما أحب اتفرج عالماتشات علشان أعيش فى المود )
و خرجت من بيتنا و تركت ورائى بكاء امى و نحيبها و كأنى رايح أفجر نفسى فى غزه بالجزمه البنى ....

و بدأت الرحله ..............

تابعو رحلتى مع غزه

بسمة أمل

16-03-2008, 05:12 PM

السلام عليكم ورحمة الله وبركاته

أخي
ضياء عاصي
أهلا بعودتك من جديد
لطالما إفتقدنا مشاركاتك

بالنسبة للمسلسل
هيكون كل يوم ...ولا كيف النظام

وبعدين راح أنتظر بشوق
متابعة الحلقات
وخاصةلحظة
إلتقاء العزيزين ( حفيظ وضياء علي أرض العزة)
أكيد كان مزيج من الدموع والفرح

دمت سالما

ضياء عاصى

18-03-2008, 01:50 PM

بدأت فى الاقلاع و الاتصال الهاتفى بأجرأ سواقين خط ابوحماد ( عبداللاه الطيــــار )
أنـــا : إلبس هدومك و يلا بينا ...
الطيــار : ألبس ايه يا باشا ..؟
أنـــا : مش مشكله تلبس ... إحنا كده كده حنقلع هدومنا عالحدود
الطيـــار : على فين ... ؟
انــا : أرض الرباط يا بيئه
الطيــار البيئه : معاك يا باشا لو فى جهنم الحمراء ... بس أيدك على 400 جنيه و شريط ابيتاريل.
وبدأت فى شراء الجبنه الرومى و الخمستاشر كيلو لب و الادويه لزوم التلبك المعوى .... و ظهرت مشكلة العسليه ... البلد معادش فيها عسليه ... طب إزاى بلد تعيش من غير عسليه ... دى سلعه رئيسيه زيها زى المياه و الهواء ... مش كفايه الخبز اللى مش لاقيينه فى البلد ... حيكون عيش و عسليه كمان ... ؟
اتكلنا على الله و مشينا بالعربيه لغاية سوبر ماركت مدفون تحت الكوبرى ... و لمحت بطرف عينى كرتونة عسليه ... حسيت انى شوفت ساعتها فتاة احلامى ... و نزلت كالفارس المنقض على زرعة بازلاء و فول حراتى ... و بالسرعه المعهوده أخدت كرتونة العسليه و طلعنا عالعريش ....
وصلنا لكوبرى الندامه و الخيبه ( كوبرى السلام ) وطبعا أنا مباخافش الا من التفتيش الذاتى ... و فجأه مسكنا الظابط متلبسين بكرتونة العسليه ...
الظابط : أيه ده يا أستاذ ... ؟؟
أنــا : دى معونه يا باشا لأهلنا فى أرض الرباط ... بنعوض الخبز بالعسليه
الظابط : إنت جايب الجاكيت الاسود الفظيع ده منين ... ؟؟؟
أنا : أخدته هديه فوق كرتونة العسليه يا باشا
الظابط : عدى إنت وهو ...
وعدينا فى سلام و وئام متجهين الى العريش ...
وكانت الفجأه فى العريش ....
هنا .... بدأت الحياه تظهر لى ما تخفيه ... بدأت و لأول مره فى حياتى أشعر بللاقيمه ... إحساس غريب بأن أصابع قدمى اليسرى إتكهربت ... تقريبا بداية إحساس بالشلل ... حركت قدمى اليسرى لقيتها الحمد لله لسه متشلتش ...
و كانت الصدمه

تابعونى فى الحلقه القادمه ( الصدمه1 )

بنت القسام

28-03-2008, 03:39 AM

السلام عليكم ورحمة الله وبركاته

و عسليه لـ بنت القسام
لمحت بطرف عينى كرتونة عسليه
و بالسرعه المعهوده أخدت كرتونة العسليه و طلعنا عالعريش ....
و فجأه مسكنا الظابط متلبسين بكرتونة العسليه ...

:sm128:بالأخ ضياء علي أرض غزة مع العسلية:sm154: لأنه ما ينفعش تكون غزة لوحدها كده علي فكره يا أخ ضياء أنا عندي أحساس أنه الهدف من الموضوع هو اظهار دور العسلية في الرحلة يعني العسلية هنا :more35:دور بطولة ارحمني يارب:1:.

تابعونى فى الحلقه القادمه ( الصدمه1 ):sm236:

الواضح أنه الأخ ضياء لسه مصدوم :sm138:

وتابعوني .....:more30:

ضياء عاصى

05-04-2008, 12:18 PM

السلام عليكم و رحمة الله و بركاته

معلش لو كنت غبت فتره و مكملتش الحلقات لكن اعذرونى كان عليا حكم فى السجن و كنت بقضيه

انا النهارده مش حاقول الحلقه التالته ( الصدمه ) لانى تفاجات و فوجئت برد الاخت العسل ( بنت القسام )

يا حلاوتها و يا جمالها و هى بتقول ( هيلب ) بالانجليزى ... تحسو ان الاسبانى بينقط عالصفحه

والله فعلا انا انبسطت جدا و نسيت الشهر سجن اللى انا قضيته

بس و حياة ربنا على رأى عبداللاه الطيار البيئه منا مفوت و لا هفوه فى الرحله لان المثل السودانى بيقوللك ( إتقى شر الحليب إذا غضب )

وانا قمة الحلب و روعته لكن شرورى بدأت استعيدها من جديد والحمد لله

شكرا للأخت نور اليقين عالمتابعه ... و إنتظرونى برضو و تابعو بنت القسام

تحيــــاتى

بسمة أمل

05-04-2008, 04:06 PM

هي العسلية مطولة وتصل.... :sm154: (javascript:add_smilie()

آه...... أخي ضياء عاصي
نسيت أقول

كفارة .... يامعلم
عسلية زي كل مره ...:sm289: (javascript:add_smilie()

لكن يشد لو ما كملت القصة أنت والأخت بنت القسام
من هين لطلوع الصيف

راح نشوفلكم أقرب سجن في المنتدي:sm68: (javascript:add_smilie()
ونخليكوا تصيفوا فيه:sm98: (javascript:add_smilie()

وما زلنا ننتظر...............

:more60: (javascript:add_smilie() تقديري لكما :more60: (javascript:add_smilie()

ضياء عاصى

07-04-2008, 07:20 AM

بمجرد وصولنا للعريش ... و مع إقتراب الشكل و الهيكل البدوى و أمامهم الرائحه البدويه العتيقه من السياره .. نط عليا من الشباك شارب معلق فيه شبه رجل ... ده اللى انا اكتشفته لما رد عليا السلام بكلام انا مفهمتوش .. لكن يبدو من تعبيرات الشارب انه كان بيقول السلام عليكم...
الشارب : وين رايحين .
أنــا : حيكون فين يعنى ..؟؟ رايحين ناخد غطس و راجعين ..؟ و للا إنت شايفنى مصطفى قمر و رايح اسجل حلقة دولارات دولارات .. ؟؟
الشارب : أكيد بتروحو على غزه
أنـــا : أيوه ياعم الوطواط رايحين غزه
الشارب بكل قماءة و بيئنه : هات 100 جنيه و انا ادلكم علطريق
أنـــا بكل رمامه : إن شاء الله لما تقدر تعرف مين الأقدم .. إنت و للا شنبك ... حأبقى اديلك الـ 100 جنيه
و فى ظل تداول القماءات و البذاءات بينى و بين شارب البدوى و حماقة عبدالاه الطيار البيئه داهمنى جيش من الكوفيات الفلسطينيه .. الشباب منهم اللى عايزين سياره توصلهم رفح و منهم اللى عايزينها توصلهم داخل العريش و منهم اللى عايزين يوصلو لسبب قدومى الى غزه ... و بينهم شارب البدوى عاوز الـ 100 جنيه لو حينام تحت كاوتش السياره.
فوج رهيب من البشر ... اللى يسب المصريين و انا طبعا بسياستى المعهوده و المعروفه كنت أسب معاهم ... و اللى يسب اليهود و انا بنفس السياسه المعهوده كنت العن صليبهم معاهم... ودارت مناوشات و مشاجرات و عبداللاه نازل فى اتفاقات عالأجره ..
المهم عشان مطولش عليكم .. رحنا محملين السياره شباب الى رفح .. و اتفق عبداللاه ببيئنته المعهوده إنه ياخد من النفر 5 جنيه ...
و عند الوصول الى رفح لم نجد و لا مخلوق فى صندوق السياره
نزلت م العربيه أجرى ورا العيال ... فين يابنى انت وهوه الأجره .. لقيت واحد بيقوللى لو مامشيتش من هنا حناديلك امن الدوله ... و بسرعة بديهتى المعهوده و المعروفه ايضا عرفت انه طالما الشخص ده يعرف انه فيه حاج فى مصر اسمها امن دوله يبقى اكيد الراجل ده واصل ..
حاكم احنا عندنا فى مصر امن الدوله دى بمثابة عفريت العلبه ... يعنى ممكن يعتقلوك عشان بتدخل الحمام برجلك الشمال مثلا أو لأنك بتاكل بأيدك اليمين ...
المهم نفدت بجلدى انا و عبداللاه و استمريت فى الاتصالات الهاتفيه بحافظ و احمد الحزنوى و كنت فى الانتظار عند ميدان صلاح الدين
تابعونى ...

ضياء عاصى

26-05-2008, 09:27 PM

السلام عليكم ...

عند ميدان صلاح الدين ... وقفت على احر من الجمر فى انتظار صديق العــُمر

قاعد اتخيل فى شكله ... خمس سنوات من الفراق حسيتهم عمر طال و طال أكتر من وقفتى فى ميدان صلاح الدين ..

قاعد احرس الشنطه شويه ... و شويه الشنطه تحرسنى ... و مركز على الشعور .. عاوز أطلّع انعم شعر فى الناس اللى بتعدى من حواليا لانه أكيد حيكون شعر حافظ ... حاكم انا وهو زمـــان الله يرحم زمان كنا مميزين بموضوع الشعر الناعم ده ... الله يرحم و يخليهولنا ...

ناس رايحه و ناس جايه ... و مولد ... و اخيــــــرا

فيه شعر ناعم اهوه جاى من بعيد ... بس البنى ىدم اللى شايل الشعر ده اطول من حافظ شويه ... بتاع متر و شوية سنتيمترات كده ...

ده فيه جنب منه شعر ناعم تانى اهوه بس على اسود ... ده اكيد حافظ

و بندائى الكروانى اللى عودت صديق عمرى عليه ... فضلت انادى ... حافظ حافظ حافظ ... تلات مرات و بعدين أخد نفسى ... و حافظ حافظ حافظ ..

و اخير حافظ حافظ حافظ انتبه ان فيه حد بينادى عليه ...

نفسى أجرى و اخده بالحضن ... بس خايف عالشنطه لتتقلب منى تانى ...

و اخيرا فوجئت و تفاجئت و كانى مقابل حبيبى حافظ حافظ حافظ بالصدفه ...

بالحضن يا بوب ...

و كان معه ثلاث أصدقاء ... اعرفهم بالسيره بس ...

عادل فولكانو ( تامر حسنى القطاع ) : انا عرفته بالشبه من أيام لما كانت صورته فى المنتدى معلقه فى ووجوهنا ... ده أيام لما كان طالع رحله العين السخنه مع جروب صهيونى لطيف ..
بس قعد فى المصيف سنتين ... تقدرو تقولو انه عجبه الحال ...

طائر الليل الحزين ( ابو يوسف ) : أهدأ الشخصيات اللى عرفتها فى حياتى ... باين عليه الصحافه من مشيته ... تحس و انت بتسلم عليه انه حيرزعك مقال الصبح ... حاجه تحسسك انك بقيت مهم او حتبقى بعد خمستاشر دقيقه.

عبدالله : اللى كنت فاكر اسمه ابوعبدالله طول الرحله ... شخصيه ثوريه .. يحسسك ان البلد لسه فيها رجاله ... طول منا ماشى معاه و خايف يغزنى مطوه فى جنبى فى اى لحظه من كتر الثوره اللى قريتها فى عينيه.

اخدنا بعضنا و مشينا لاجل نعدى من عالسور المهدود ...

لقينا عسكرى بينادى على عبدالله ... احنا طبعا و لا كأنا نعرفه ... فضلنا ماشيين .. الفاتحه لليبيع يابا ... أيه ياعم حافظ ... حنسيب الراجل يروح منا كده ... ؟ طب كنا نستناه طيب يا راجل عيب ... عالأقل كان حيساعدنا فى شيل الشنطه.

حافظ : إمشى وانت ساكت و إعمل نفسك فلسطينى .

انـــا: طب و اعملها ازاى دى ... ؟؟ اقول يلعن تلاتين ام مصر ... ؟؟ حتى لو قلت كده حيتأكدو بعده انى مصرى .

وبعد شويه ايجا عبدالله ... والله كنت عاوز آخده بالحضن ... انما حافظ وعادل و ابويوسف لقيتهم عادى و كانهم كانو مخططين مع العسكرى لاعتقال عبدالله .

قربنا من السور المرمى عالأرض ... انا فعلا مكونتش اعرف انه سور ... انا كنت فاكره كوبرى بيوصل بين البلدين ...

سألت حافظ ... كوبرى ايه ده .. ؟ ... قاللى ده مش الكوبرى ... ده السور ...

كانت مفاجأه فعلا ان الاقى السور بالضخامه دى ... لدرجة انى كنت حأقع على وجهى من الخضّه ..

و بعد السور لمست قدماى الشريفتين الأراضى المحتله .....

و تابعونى ....

أبو يوسف

26-05-2008, 11:46 PM

اسلوب حلو من انسان مميز
هيخليني انسى كل حاجة و اتابع المسلسل
الله يكون بعون الناس اللي مش عارفة و لا حاجة عن الرحلة
التشويق هيقتلها
....
بالنسبة لحكاية عبدالله و العسكري اخي ضياء ، ما كانش في امكانية نقلك حاجة
حرصا على سلامتك
" حسب تعليمات عبدالله"
الحمد لله انتا الان بخير ، بس يا ريت تخلص المسلسل قبل رمضان
و الا الفضائيات هتحاربك

لك تقديري

ضياء عاصى

01-06-2008, 11:30 PM

السلام عليكم و رحمة الله و بركاته ..

إحساس متداخل ... مش حاقول إنى مش عارف أوصفه ... لا يا بابا لا ... أنا اعرف اوصفه كويس جدا ... لانه عايش معايا حتى تلك اللحظه ..

كان المكان زحمه ناس بتخبط فى ناس و على ما يبدو ان فيه دوشه ... حاجه كده زى سوق الاتنين ...

بالرغم من ذلك حسيت بهدوء تام داخل نفسى ... حاسس بنقاء الهوا ... نفسى آخد أكبر كميه من الهوا اللى فى المكان .. بس خايف الحشود اللى حواليا يفطسو ... حابقى أنا و اليهود عليهم .. ؟؟

ناس داخله بموتوسيكلات و ناس شايله جراكن جاز .. و ناس شايله باكتات بانجو .. ما شاء الله حركة تجاريه فضيعه فى المكان ... و انا بقول انا حاسس انى عامل دماغ عاليه ليه اول ما دخلت البلد ... ؟

بالرغم من إنى كان عندى استعجال و شغف رهيب لحاجات كتير ....

انى اتعرف على ابو يوسف اكتر بحكم انى اعرفه عالمنتدى ... أعرفه شفهى يعنى .. باقى العملى

و عادل اللى حسيت انى اعرفه من سنين طويله معرفش ليه ... يمكن علشان عرفت انه اخو ا.وائل اللى كان فى مقابلات قديمه بينى و بينه ( ده ايامها كان لسه عادل صغير مطلعش عالشاشه ... كان لسه بيزحف تقريبا ) او ربما كان لسه فكره و كانت احسن فكره فكر فيها عمو ابو وائل الله يمسيه بالخير و يعطيه العافيه ).

وحافظ اللى كان فى وقت من الأوقات امنيه إنى اشوفه و احكيله عن الخمس سنين اللى فاتو بالتفصيل ... كنت طول الطريق قاعد اذكر فى نفسى هاحكيله عن أيه و ايه و أيه ...كانى خايف انسى حاجه
مع ان حفيظ عنده مهاره رهيبه فى الاستماع و ده بيخلينى أحط مصارينى قدامه ..

كل ده طار من دماغى ... و امتلكنى إحساس الاستمتاع بالراحه العجيبه اللى حسيتها بدون سبب ... لا مش بدون سبب .... كان فيه اسباب صراحه ... منها الخاص و منها العام ... حاجه كده عامله زى الحلم اللى بيتحقق ... تخيل كده لو لقيت حلمك عمال بيتحقق قدامك ... ؟ هتشعر بأيه ...... ؟؟؟.. خيوط من الإحساس الرائع عمال تربطنى بإمتدادات من السعاده لدرجة انى خوفت.

ركبنا عربية عادل ... انا طول منا قاعد اقول ... كيفك يا استاذ عادل ( قبل ما اعرف اسم دودو ) ... ؟ .... كيفك يا ابو يوسف .. كيفك يا اخ عبدالله ( ده بعد ما رجع بالسلامه )

هى خان يونس لسه بعيده يا حافظ ... ؟؟ الله ده فيه محلات ... و بوظه كمان ... ؟

و على ما يبدو ان الناس هنا مبتحبش ترد السلامات ... أو كانو متخيلين انهم جايين يقابلو نور الشريف ... و لقوه نجيب محفوظ.

عادل و عبدالله نازلين حوارات سياسيه انا مش فاهم منها و لا كلمه او حاسس انها ادنى من مستوايا السياسى .. وحافظ و ابو يوسف نازلين تنظير ...

غيامه من السكوت ... انا مبسوط بيها صراحه ... لانى كنت محتاج اعيش اللحظات دى مع نفسى ...

لسه كتير على خان يونس يا حافظ ... ؟؟

حافظ : إنزل يا خويا ... هيو وصلنا ...

بيت خالتى ... ؟ ... انا ازاى معملتش حسابى حقابل البيت ده ازاى ... ؟ عارفين انتو لما تحصل مواقف و تحسو انها حصلت قبل كده ... ؟ الحاله اللى فسروها علميا دى ... ؟؟
انا بقى محصلتليش الحاله دى ..

أنا حسيت ان عنيا بتدور على حاجات و بتشوفها لسه فى مكانها و للا اتغيرت ..كانى كنت هنا من فتره و رجعت بعد ما الحرب انتهت.. طب ايه هى الحاجت دى ..؟ ده انا اول مره فى حيانى آجى هنا ... ؟
انا فعلا حاسس بصراع داخلى و انانيتى إنى أشوف كل حاجه و اطمئن على كل حاجه .. معقول ده حقيقى ...؟

معقول اللى بيحصل ده ... ؟ أنا ليه حاسس انى باتولد من جديد ... مع انهم بيقولو عالبلد دى انها مقبره البشر ... ؟؟ ( ده دى العباره اللى عبدالله قابلنى بيها اول ما عدينا المعبر ) حاكم عبدالله استاذ تفاؤل و ترحيب .

أنا كنت فين العمر اللى فات ده كله ... ؟ ده فعلا السؤال اللى بحاول الاقيله اجابه لغاية الان ..

آسف طبعا لاحساسكم بالمبالغه .. لكن انا لا ابلغ ... يمكن مكانش مفروض انى احكى عما دار بداخلى للدرجه دى ... لكن اعتبروه هرتله و برضو حكملها ...

الراحه ... عمركو حسيتو بيها ...؟ الراحه المتناهيه ... و الامان الغريب من نوعه ... اهو الحاجات دى انا حسيت بيها فى مقبرتكم ....

طلعنا البيت ... بحاول ادوس على كل سلمه بقوه علشان اصدق انى هنا ... و كمان كان نفسى اطير ... كان نفسى حد يشيلنى من عالأرض ... أو على الأقل يشيل الشنطه اللى هدت حيلى .... لكن البهوات و لا هما هنا ....

قعدنا انا و حافظ و عادل و ابو يوسف و عبدالله و كانت سهره على مايبدو انها كانت سعيده ... عالأقل بالنسبه ليا .. بالرغم من انى مكونتش معاهم بكامل حواسى ... كنت قاعد انظر فى كل الاماكن حوليا و اتخيل ... يا ترى فلان كان بيقعد هنا ...؟ و فلان كان بيتحرك هنا ... ؟

يا ريتنى كنت عايش هنا ... يا ريتنى كمان اموت هنا ... ده كله مش مهم طبعا ... المهم ان لما عادل و ابو يوسف و عبدالله روحو اختليت انا بصديق عمرى ....

حفيظ ....

سلمت على خالتى طبعا سلامى الحار .... و حكينا شويه و دخلت انا و حافظ اوضته نكمل الليله بداية من الساعه اتنين لغاية الفجر ... و عند خلوتنا ... دخل علينا ( الحزنوى )

أحمد محمود صديقنا فى باقى الرحله...

تابعــــــونى ...

( معذرة لاسترسالى فى الحاله النفسيه الخاصه بى لكن مكانش ينفع انى انفض لنفسى )

بسمة أمل

01-06-2008, 11:44 PM

( معذرة لاسترسالى فى الحاله النفسيه الخاصه بى لكن مكانش ينفع انى انفض لنفسى )

لا عادي يا أخ ضياءعاصي

فضفض يا عم فضفض
البيت بيتك

بس هو طلب بسيط من(سياده المشاهدين)

ممكن تكون الحلقات الجايه بدون فواصل
أو دعاية ولا حتي خبر عاجل

والله تشوقنا لمعرف باقي القصه

بس طالما أنت الأ ن في بيت خالتك
أعتقد علي شروق الشمس مره أخري

حيكون الجزء الأول انتهي

ونكمل الجزء التاني

وأهلا بك علي أرض غزه
http://www.abadlah.net/vb/images/icons/68.gifفاصل ونواصلhttp://www.abadlah.net/vb/images/icons/68.gif

أبو يوسف

02-06-2008, 01:15 AM

http://www.abadlah.net/vb/images/icons/68.gifفاصل ونواصلhttp://www.abadlah.net/vb/images/icons/68.gif

هو انتي مش كنتي بتقولي

ممكن تكون الحلقات الجايه بدون فواصل
أو دعاية ولا حتي خبر عاجل

يعني كعضوة مميزة بيطلع لك هيك

و بعدين ضياء رغم التشويق اللي في القصة الا انو بيحاول ما ينساش حاجة و عايز الكل يعيش معاه اللحظات اياها.

معلش لازم نتحمل.

بعدين اخي ضياء عندي استفهام

انتا عملت القصة مسلسل ليه، ما كان فلم طويل شوية و خلاص، لانو الناس عنا مشغولة و مش فاضية غالبا و مع مشكلة الكهربا هيصير المنتدى يسكر بدري

فكر بالموضوع

بسمة أمل

02-06-2008, 01:31 AM

عدنا

يعني هو ضياء بيطلعله فاصل وأنا لا

بعدين اخي ضياء عندي استفهام

انتا عملت القصة مسلسل ليه، ما كان فلم طويل شوية و خلاص، لانو الناس عنا مشغولة و مش فاضية غالبا و مع مشكلة الكهربا هيصير المنتدى يسكر بدري

فكر بالموضوع

هو لو كان مسلسل عربي ممكن عادي يكون
بس الخوف يكون مسلسل مكسيكي

بجد يا أخ ضياء
فكره الأفلام حلوة
شو رأيك

والمره دي
نواصل بعد الفاصل

ضياء عاصى

02-06-2008, 08:50 PM

السلام عليكم و رحمة الله و بركاته ..

اولا .... احب اهدى التحيه للأخت نور اليقين ... انا فعلا مبسوط جدا انك متابعه الموضوع ... ده فعلا و معرفش ليه انا مبسوط لهالدرجه ..

ثانيا .... فكرة الفيلم مش هتنفع يا بو يوسف ... انا حالف عالأفلام صراحه ... من بعد ما آخر 3 أفلام فشلو و شركة الانتاج فلست ..

مشيها مسلسلات احسن ... بناكل من وراها عيش حلو

تحياتى لكما و نواصل ان شاء الله ....

بسمة أمل

02-06-2008, 09:25 PM

السلام عليكم و رحمة الله و بركاته ..

اولا .... احب اهدى التحيه للأخت نور اليقين ... انا فعلا مبسوط جدا انك متابعه الموضوع ... ده فعلا و معرفش ليه انا مبسوط لهالدرجه ..

والله ولا أنا يا أخ ضياء عاصي
عارفة ليه
بس بصراحة الموضوع شدني يمكن
بلحص حكايه بطريقه مختلفة ما
ويمكن لأني بجد أحب الإستماع إلي ما يكتبه قلمك
دمت دوما مبدعا
أخي ضياء عاصي

http://www.abadlah.net/vb/images/icons/68.gifومعكم علي السمعhttp://www.abadlah.net/vb/images/icons/68.gif

ضياء عاصى

05-06-2008, 03:27 PM

السلام عليكم و رحمة الله و بركاته

أبدا بالأسف الشديد للأخت الغاليه ( نور اليقين ) لأن هذه المشاكه ليست حلقه من حلقات السيناريو الرائع (رحلتى إلى غزه) .

حبيت اليوم اعمل فاصل من نوع جديد ( فاصل مودرن )

وهو التعليق على ردود المعجبين و المعجبات و الناقدين و الناقدات ...

طبعا فى البدايه اشكر جميع الاعضاء المعجبين بالموضوع و ان شاء الله بنكمل الموضوع للاخر و بنستفيد منه اكيد ..

الموضوع ليس تسلسل لاحداث فقط ... و لا وادى لطرح النكت و المواقف الطريفه ... بل هو تجربه حسيت إنى استفدت منها استفاده كبيره جدا ... و حبيت ايضا ان امتع اخوانى و اخواتى و افيدهم أيضا ...

و فى النهايه احب أرد على الأخوه و الأخوات الذين يهجوننى بأننى اكذب و أصطنع الأحداث و أقول لهم ..

أنا بالفعل لا أكذب و لا اصطنع أحداث و احاسيس بالمواقف ...

الكلام كله حقيقه ... و مش ذنبى إن الناس مش قادره تحس الكلام... اللى انا اعرفه ان الناس بينقدو الأخرين فى الافعال و التصرفات ... لكن من الصعب إن نلوم بعضنا على مشاعرنا ..

انا لا يوجد شىء يجبرنى على ان اضيع و قتى فى كتابة كلام انا مش حاسه ... خاصة انى ضعيف فى الكتابه .

هى فقط رساله اوجهها الى كل خالى و خاليه من المشاعر و الاحساس ... أنا متاكد انكم لستم كذلك .. وانكم تصطنعون ذلك ... ربما للبروز او الظهور بالشكل الآقوى ...او ربما لإطغاء صفة الغباء على مشاعركم

فعلا بتصعب كتير عليا الحالات المتحجرة او المصطنعه لتحجر الاحساس ...و الحالات الغبيه ايضا

وعموما اتمنى ان يراجع كل منا نفسه ... و انا فاتح صدرى لاى نقد فى الموضوع ... مع انى مش شايف ان الموضوع ممكن تنتقد احداثه ...

جربو تحسو الكلام يمكن يجيب نتيجه سلبيه و تتخلصو من احساسكم و من حياتكم بالمره ....و بلاش توهمو انفسكم باشياء مش موجوده ( رساله من فاعل خير و بس )

تحياتى و تابعونى ...

بسمة أمل

05-06-2008, 11:48 PM

السلام عليكم و رحمة الله و بركاته

أبدا بالأسف الشديد للأخت الغاليه ( نور اليقين ) لأن هذه المشاكه ليست حلقه من حلقات السيناريو الرائع (رحلتى إلى غزه) .حبيت اليوم اعمل فاصل من نوع جديد ( فاصل مودرن )

مساء الخير أخي ضياءعاصي

والله أول ما فتت الملتقي
ما بعرف كيف أناملي قادتني للموضوع
ولكني فوجئت بالفاصل

وبعد الإنتهاء منه
قادني الصمت للتفكير قليلا......!!

لكن بصدق

فاصل غريب

بالرغم من قوة الكلمات
وتناسق المعاني

فلا يمكن لأحد أن ينكر هذه القصة
فهي جزء من يومياتنا ستكون
قبل أن تكتمل حلقاتها
بتشويقها
بفواصلها
بأحداثها
تبقي مميزه
من كاتب مميز

أتمني أن يكون هناك حلقة قريبه

ومعكم بتواصلhttp://www.abadlah.net/vb/images/icons/icon50.gif

نــــــــ اليقين ـــور

أبو يوسف

06-06-2008, 12:15 AM

هما اللي بينقدوا بيكتبوا بالحبر السري و لاايه

بعدين يبدو انهم مش واخدين بالهم انو هالموضوع خارج اختصاصهم

يعني اللي عندو نقد قللوا ببساطة.........

مش شغلك

و استنى لما نوريك شغلك
:sm236:
:sm236:
:sm236:
:sm236:
:sm236:
:sm236:

اكتب ولا يهمك

ضياء عاصى

06-06-2008, 02:48 AM

السلام عليكم و رحمة الله و بركاته

تحيه طيبه للأخت ( نور اليقين ) و الأخ( طائر الليل الحزين ) و لكل الإخوه و الخوات المتابعين للمسلسل ( الدرامى , الإجتماعى و السياسى )

و علشان خاطر عيونكم الغاليه عليا جدا ... أنا حكمل الموضوع و لو هيكون آخر موضوع ليا فى المنتدى ...

**** **** **** **** **** **** **** ****

وصل الى المنزل ( بيت خالتى ) أحمد محمود ( الحزنوى ) فى صحبة أبيه ( أبو أحمد ) ... طبعا الأتنين أنا مشوفتهمش قبل ذلك غير مره واحده فقط ... و ده كان من عشرين سنه تقريبا ... كان أحمد عنده سنه على ما اظن او أقل ...

طبعا احمد أصبح طولى مرتين ... و والده ( أجدع راجل فى غزه ) على راى خالد اخويا .. بان عليه العمر صراحه ... انا انزعجت من موضوع العمر ده ... خاصة ان الموضوع اصبح مكرر معايا فى ناس كتير ... فكرنى باول مره رجعت من السفر ... بالرغم انى غبت سنتين بس إلا إنى فوجئت بظهور ملامح الكبر على ناس كتير ... اولهم أبويا و امى ... تخيلو لما أشوف شخص بعد عشرين سنه يعنى كان فى عز شبابو لاول مره وتانى مره اشوفو فى الخمسينات ( عز شبابو برضو ) ... تقريبا الموقف كنت شبه متعود عليه ... يمكن النقطه دى بالذات بتاخد اكبر من حجمها معايا ... لكن انا فعلا من لحظة طرق هذا الاحساس لصدرى ... وأنا فى انتظار رؤية و تخيل شكل ملامحى عندما يهرول عليها العمر ... ممكن تكون حاله نفسيه ... و ممكن يكون خوف من الفتره اللى حتكون بين الحاضر و ما بعد عشرون عاما ...ياترى حتجوز مين ..؟ و حخلف و للا ما اخلفش ..؟ و حخلف مين ..؟ و عيالى حيكونى شخصيات مرموقه مثلى و للا حيتربو تحت الكوبرى .. ؟ طب و لو متزوجتش من اساسه حتكون شكل حياتى عازب و مسن ازاى ..؟ طب دلوقتى اعزب و شباب و طباخ ماهر ... فى الآخر اكيد الموضوع مرتبط بقلة الإيمان ... ربنا يشفى و يهدى ..

احمد محمود ... كان اول الحالات اللى استحوذت على جزء كبير من انفعالاتى ... لقيته شاب ما شاء الله .. شعره طويل و رائع ... ملتحى ( كام شعره كده واخدين مساحات ضيقه فى وجهه ) .. بيصوم كل يوم ما عدا الجمعه ( كان نفسى اقول ما عدا اتنين وخميس بس معنديش استعداد حد يكذبنى تانى ) .... رأيت فيه رجل ناضج ... و يمكن كمان افضل منى ... لكنى فرحت بيه .. يمكن اكون اتمنيت انى اكون زيه و معرفتش .. ؟ و للا علشان خايف احس انه احسن منى فحبيته ... ؟مسألتش نفسى صراحه السؤال ده الا دلوقتى حالا .. و مش عاوز اعرف اجابته .. المهم انى فرحان بيه ....

فضلنا نتكلم و نحكى و نهزر موضوع يجيب موضوع و طبعا انا مش هنا خالص و لا حتى موجود فى حته تانيه ... ... لغاية لما اول كيس حمص خلص ... و سلب النوم منى أجمل و اهدأ إحساس قابلته منذ فترات طويله ....

صحيت تانى يوم الساعه الثانية عشر ظهراً ... زعلت جدا إنى ضيعت ساعات فى النوم .. لأنى عارف انى ممكن امشى فى أى لحظه ... و بالذات انى حتى الن لم انفرد بحافظ ... مش عارف ليه حسيت إن الكلام داب جوايا .. او يمكن الإحساس بالرغبه الشديده فى الكلام معاه طغى عليه أحاسيس تانيه ..؟؟
فيه حاله من عدم التركيز فى كل شىء ... فى تصرفاتى اللى لا تدل على ان هذا الشخص انا ... حاسس بعدم القدره على التمييز ...أو بلاش قدره دى .. لأنى محاولتش اميز أصلا .. إنتو عارفين البهجه فى يوم العيد اللى متقدرش تفسر سببها الدقيق ... ؟؟ انا كنت حاسس انه شبه يوم العيد ... بس ده مش عيد .. إدينى عقلك .. ده عيد و للا مش عيد ... ؟؟؟.. هوه الواحد ممكن شخصيته تتغير بالسهوله دى ... و التغير التام ده .. ؟ .. هوه انا كنت كده أصلا وكنت خايف أظهر كده..؟ و للا أنا مش كده خالص بس اضعف من إنى اقاوم اللى بيحصل معايا .. ؟

كنت متاكد إن فيه حاجات حتتغير معايا فى الايام دى ... بس ازاى و إمتى و أيه هى الحاجات دى ... لسه مش عارف ...وكنت ماكد ليه ..؟ برضو مش عارف !!!!!!!!!!!

عرض عليا حافظ ننزل القراره ... نشوف الناس ... منهم اللى معانا فى المنتدى و منهم اللى مش فى المنتدى ... و انا طبعا وافقت دون تفكير ... يمكن اكون كنت عاوز أشوف الناس دى فعلا .. و يمكن علشان حافظ عاوز كده .... مش حتفرق كتير بتهيالى ساعتها ...

و اتكلنا على الله على القراره ..... و كانت هناك أول السهرات ....

لكم منى اطيب الأمنيات .... و الى اللقاء

تابعونى .....

ابنة فلسطين

07-06-2008, 09:46 PM

السلام عليكم ورحمة الله وبركاته

هما اللي بينقدوا بيكتبوا بالحبر السري و لاايه

عندي نفس التساؤل والله...غريبة

انا متابعة الرحلة من اول مشاركة بديتها..وبصراحة طريقة كتابتك ممتعة كتير..خاصة انو الاحداث اللي حصلت معك بعتقد انها كانت مميزة...وهالشي زاد من تميز موضوعك وسردك للاحداث...وبالتالي تمتعنا نحنا بقرائتها..

فعشان هيك بعتقد انو اكيد النقد اجا من باب المزح مش اكتر ...

بانتظار احداث بقية الرحلة

سلامات

عبدالله العبادله

09-06-2008, 12:57 AM

مالك يا عم الامور
عاملى قصة ولا الف ليله وليله

اولا علشان ما انساش اذا تحرير فلسطين برفع البلوك عن ضياء رجع البلوك بسرعه يا حافظ لما نشوف

يا جماعه ادعو معى نشوف ضياء مره تانيه بغزه لانى اقل واحد فى الشله شافه والبركه فى حافظ وعادل الله يسامحهم وبس
يلا يا ضياء بنستنى تكملة الحلقات وانا معاك لبعد رمضان بس على الله الى فى المنتدى ما يحطوش عليك بلوك هما كمان لان الكل بدو تحرير فلسطين
والك احلى ورود فلسطينيه
:more19::more19::more19:

على العموم ربنا يعطيك الصحة والعافية علشان تقدر تكمل مغامرات السندباد ضياء فى الارضى الفلسطينيه

volcano

10-06-2008, 03:54 PM

يا ابو الضوض انا سايبك لآخر الرحله وقت ما تقول انك خلصت حنبدأ الردود عليك لأنه بصراحه انا مش قادر اقيم الى بتكتبه لانه في كل حلقه من حلقات الأبداع القصصي الى بتكتبه قصيده وكل لحظه بعيشه في رحله القراءه رونق خاص ولا استطيع إلا الإكتفاء بتعليقات إخواني وأخواتي في المنتدى لانه باب الحاره الى انت عامله عامل ربكه في احاسيسي والشعور لا يوصف والتألق والإبداع انفنتي .
لك حبي وتقدير ي حبيبي ضياء ولك في كل سطر كتبته في رحلتك الى غزه وقفه تقدير وإعجاب

شـكــ وبارك الله فيك ـــرا لك ... لك مني أجمل تحية .

أبو يوسف

10-06-2008, 04:41 PM

يللا يا عم

هي عبدالله دخل ع الخط و هيصيرمنافس قوي

حاول تخلص بسرعة و بلاش الفواصل الاعلانية و الا المسلسل هيطير منك

لك تحياتي

volcano

10-06-2008, 05:01 PM

مالك يا ابو يوسف مين عبدالله الى دخل على الخط ومين بلاميطه سيبك يا عم وبلاش وجعه دماغ وبلاش يا ابو يوسف من التكبير الى ملهوش داعي متحسسنيش يعني

وسلام ومن غير دمتم كمان ماشي يا طويل :sm236::sm236:
:sm236::sm236::sm236:

عبدالله العبادله

10-06-2008, 05:32 PM

والله بيطلعلك تعمل اكتر من هيك انا ما بدى انزل لمستواك بس على الله يا عادل ما تهدا بدى اجيبلك نقاب تلبسه لما تدخل المنتدى وانت حر
والكبير بيضل كبير
ويخليلك ابن خالك الى ما بيحذفلك

ماشى يا حافظ بس اشوفك

volcano

10-06-2008, 06:04 PM

ككل شوي ابن خالك كل شوي ابن خالك انا بدي اياك ترد وبدي اشوف ردك نفسي اشوف نقابك يا ابو نقاب انت
سلام يا عبودي عبودي رايح وجاي ومحمل سكر وشاي
سلالالالالالالالالالالالالالالالالالالالالالالالال الالالالالالالالالالالالالالالالالام
واحلى ورده:more19:

عبدالله العبادله

11-06-2008, 12:01 AM

الورده مقبوله بس التهديد لا

ضياء عاصى

11-06-2008, 10:50 PM

إنطلقنا الى القراره ...

وقفنا قدام بيت ( رامى العبادله ) كان عندى حاله من الصرع لرؤية رامى و رانى اللى هابلينى عالهوت ميل .. لكن ما فى حدا موجود ... عرفنا بعد كده إن رامى راح على رفح المصريه يشم هوا مصر ...

طبعا انطلقنا انا و حافظ سيرا على الأقدام الى داخل القراره ....

عدينا على محل ( أبو حاتم ) وهناك شوفت ( دراجون و ابو حاتم و ابو اكريم ) طبعا كنت اعرفهم قبل كده عالمنتدى و ابو اكريم اعرفه معرفه شخصيه ( كنا بنقول لبعض احدث نكت عالشاتينج )

لقيت حافظ بيختار شمع علشان ياخده طبعا لظروف الكهرباء اللى انتو عارفينها و عايشينها ... و لغاية الان يبدو ان حافظ مدفعش تمن الشمع لابو حاتم لانه مش عاوز ينور من ساعتها ...

انا مش هاوصف فى اشخاص علشان الموضوع ميتحولش لبحر غريق من المجاملات .. لكن سأكتفى بس إنى أقول رأيت أروع علاقات إنسانيه فى اللحظه دى بالذات ...

عارفين انتو الحاله اللى لما بتكونو اول مره تقابلو فيها ناس و متعرفش منهم غير واحد و لما يعجبوك قوى بتبقى عاوز تدخل بين حواراتهم الشخصيه . رغبه بإنك عاوز تصاحبهم بسرعه او انهم يحسو انك مش غريب عنهم .

اخدنا ابو اكريم على بيت فولكانو ( بيت عمه ) و هناك قعدنا شيله كلنا ... الحوارات السياسيه المستمره طول الوقت ... كل الناس بتفهم فى السياسه الا انا ... مش مشكله ..

بس لقيت جو بينى و بين ( ابو وائل ) والد فولكانو ... حوارات رجاله طبعا الباقى مالهومش فيها ... ده كله طبعا مش محتاج انى اخوض فيه ...

انا بس حتكلم عن إنطباعى ...

هل الناس دى مرتاحه فعلا بالشكل اللى انا شايفه ... ؟؟ معقوله تكون الحياه جوه الناس و مالهاش علاقه باللى بيجرى فى الخارج .. ؟؟

انا كنت متخيل انى جاى على ناس منكوبه و مش عارفه اليوم من امس من بكره ...

فى عز التخبط السياسى فى الحوارات اشوف الناس بتقول نكت ... طب انا المطلوب منى أعمل ايه .. ؟؟ أقول نكت و للا أكشر و أضرب بوز علشان محدش يحس انى مستهتر او مش حاسس باللى هما فيه ..؟

انا فكرت صراحه أقوم أتحزم و ارقص ... بس اتكسفت من ابو وائل ... الراجل ماسكنى من ساعة ما وصلت ما بينادينيش الا يا بشمهندس ... محدش قالهالى طول منا قاعد ... يبقى لازم اقعد و انصت و بس ...

فيه نقط ضايعه عنى كتير اكيد ... فين الهدم و الردم و الضرب ..؟ فين المجاعات .. ؟ ... فين حرب البطون اللى جابولنا بيها قرحه فى البلعوم ... ؟

ده انا حتى مقابلتش و لا حجر من ساعة ما جيت البلد ... مش معقول اليهود بالنضافه دى يعنى ... معقول بينضفو الشوارع بعد كل إجتياح ... ؟

عرفت و احنا قاعدين من الحوارات اللى دارت إن العبادله عندهم ديوان بيجتمعو فيه دائما و بيكون فيه نشاطات و كده ... و حوارات ... يا نهار ابيض ... ده الحاجات دى لعبتى ... أنا لو قعدت شهرين فى البلد دى ممكن امسك رئيس وزراء اسرائيل بقليله .

ده و مش بعيد يمسكونى معاها العراق كعمل اضافى كده ( اوفر تايم ) الساعه بساعه ونص .. انا كنت شغال كده فى السعوديه.

أكيد لسه مفيش نظره صحيحه تكونت عندى ... الناس اللى شوفتهم وانا داخل رفح المصريه و المناظر اللى تقطع القلب اللى بشوفها فى التليفزيون مالهاش اى علاقه بالأرواح المرحه حولى ... غير بس انهم بيتكلمو فى السياسه اللى مش عارف افهم فيها حاجه ... امال يا جماعه نشرات الأخبار بتصور المناظر دى فى الجيزه ... ؟

ده الشوارع فى القراره انضف من شارعنا اللى هوه ارقى حته فيكى يا شوامين ..

لازم أفهم ايه اللى بيحصل ...

دخل علينا فؤاد ( إبن فولكانو ) ... طفل عادى بيضحك و يبكى من غير سبب ... الحاجه المميزه اللى فيه انه شبه محمود اكريم ... مفروض عادل يحمد ربنا طبعا إنه طالع للرائع ابو اكريم.

تخيلو انا خوفت العب مع الواد ...؟؟ والله العظيم خفت العب معاه ... انا معرفش ردود افعال الاطفال هنا ايه ... تبقى مصيبه لو لقيت فؤاد بيلعب معايا فى السياسه كمان ... و للا يمكن الاقيه مطلعلى قرن غزال بيلعب فى وجهى بيه .. لازم من كورس ترويض الاول ..؟ ... أنا مش عاوز إحراج قدام الناس ... إركن يا فؤاد انت دلوقتى لما استوعب الكبار بعدين دورك جاى ...

و من هنا أخذنــا فى الإقلاع الى بيت ( طائر الليل الحزين ) أبو يوسف ...

و كانت السهره .....

ألقــــــــاكم .... عاصى

عبدالله العبادله

12-06-2008, 12:35 AM

حرام عليك فؤاد ابن عادل يطلعلك قرن غزال الحمل الوديع بيكفى انه شبه مخمود يعنى مستحيل يعملها
ولما تكمل حلقات السندباد ضياء فى غزه برد عليك علشان حافظ يحذفنى خارج المنتدى كله

معلش يا حافظ طلعلك منافس فى الكتابه

بسمة أمل

18-06-2008, 09:57 PM

السلام عليكم ورحمة الله وبركاته

مساء الخير للجميع وخاصة الأخوة المشاهدين
متابعين هذا المسلسل

بس هو سؤال بسيط لمخرج وكاتب هذا العمل الدرامي المتميز

يعني بقالي أسبوع أو أكتر ما فتت

أروح وأرجع وألاقي نفس الحلقة
هو أنتوا وقفتوا البث عشان غيابي:more30:
ولا بسب أمور فنيه
ممكن التسريع أكتر بالحلقات ..
لأن رمضان قرب
.بدنا نلحق نتابع الجزء التالت من باب الحارة

http://www.abadlah.net/vb/images/icons/68.gifوالسلام ختامhttp://www.abadlah.net/vb/images/icons/68.gif

أبو هاني

18-06-2008, 10:15 PM

بسم الله الرحمن الرحيم
شـكــ وبارك الله فيك ـــرا لك ... لك مني أجمل تحية .
التقدم والمزيد
مع تحياتي للجميع
أبو هانــــــــي

ضياء عاصى

19-06-2008, 12:53 AM

السلام عليكم و رحمة الله و بركاته

انا فعلا قبل قرائة الردود .. كنت داخل أقول انى مأخر الحلقه القادمه لسببين :

أولا انها مهمه جدا و عاوزه ذهنى يصفى ليها تماما ..

ثانيا كنت فى انتظار عودة الغاليه نور اليقين ... و سبحان الله دخلت لقيت ردها موجود

اهلا بك اختى العزيزه ... و ان شاء الله بنعدى المرحله دى

تحياتى

و تابعونى ..

الفارس

19-06-2008, 02:56 PM

أحداث رائعة ...

مشاعر جياشة ...

و الله لقد ترقرق الدمع فى عينىّ ...

على العموم أهلاً و سهلاً بكَ بين إخوانك ، وفى بلدك التانى ...

مع أرق تحياتى ,,,,,,,,,,,,,,,,,,,,,,,,,,

بسمة أمل

24-06-2008, 04:50 PM

كنت داخل أقول انى مأخر الحلقه القادمه لسببين :

أولا انها مهمه جدا و عاوزه ذهنى يصفى ليها تماما ..

ثانيا كنت فى انتظار عودة الغاليه نور اليقين ... و سبحان الله دخلت لقيت ردها موجود

معني كده أنه راح نشوف حلقة عما قريب

معك علي السمع

مع تقديرى:more61:

نور الشام

25-06-2008, 06:46 AM

مشكور
مشكور مشكور
مشكور مشكور مشكور
مشكور مشكور مشكور مشكور
مشكور مشكور مشكور مشكور مشكور
مشكور مشكور مشكور مشكور مشكور مشكور
مشكور مشكور مشكور مشكور مشكور مشكور مشكور

ضياء عاصى

22-07-2008, 12:09 PM

كان فى إنتظارنا ( طائر الليل الحزين ) أبو يوسف ... و فى بيته كان اللقاء ...
( حافظ , عبدالله , فولكانو , أحمد الحزنوى , آخر دموع الحُب , ضياء عاصى )
أنا هأعطى صوره عامه لحالة اللقاء ... و إنتو حللو و فسرو على مزاجكم .
الجو برد جدا ... مع وجود حاله عامه من الكبت (ده بالنسبه للسياسيين) الكهرباء اللى بتقطع, و البلد اللى مفيش لها ملامح لمستقبل قريب, و القهوه اللى ابو يوسف جايبها سكر خفيف وانا مكسوف اقولو عاوز سكر و قاعد باشرب فيها باكات.
بدانا القعده ( انا و فولكانو و ابو يوسف و حافظ و الحزنوى و عبدالله ) ... مفيش موضوع محدد يقدر يجذب حالتنا , و انا صراحه مش متعود عالمود ده , عاوز اهزر ياجدعان هموت ...
و فجأة دخل علينا الرائع ( آخر دموع الحب ) و طبعا جايب فى جيوبه صالة حديد .
بدأ بالسلام الحاد اللى ماشى مع حدة شخصيته و بنية جسمه الرياضى ... ردينا عليه السلام المناسب لحدة شخصيته و بنية جسمه الرياضى ...
بدون ان يسأل عنى .. لقيته بنفس الطريقه المناسبه لحدة شخصيته و بنية جسمه الرياضى بيعطينى ( بانبونى ) ... نظام مش متكلم مع حدا الا اذا خد بانبونايه .
طبعا انا اخدتها باقصى سرعه ... ده انا من أرفع و أسمى و أضخم أمنياتى انى اتحدث مع د. رمزى ... و مثلى الجميع ... كل واحد ضرب البونبونايه اللطيفه و التزم الصمت و كانهم فى انتظار إذن د. رمزى ( آخر دموع الحب ).
إعتلى د. رمزى كرسى الادارة ... و سمح لى بأن أُعَرِف بنفسى ...
أنا .. ضياء عاصى ... لقيت المايك اتسحب منى فجأه و الدكتور رمزى متجه نحوى بشدته المناسبه لحدة شخصيته و بنية جسمه الرياضى ...
أنا توقعت انه عاوز ياخد منى البونبونايه تانى ... بسرعه مديت أيدى فى زورى و طلعتها ... إتفضل يا كابتن .. أنا والله ما مصيت منها إلا مصتين بس ... لو تحب أعمل ريبلاى لزورى و اطلعهوملك مش مشكله ...
لقيته بيطبط على كتفى و بيقوللى ... إنت ضياء عاصى ... ؟؟
و انا بذعر ملازم لركبى و أطراف أصابعى وحنجرتى اللى بتندم عاللحظه اللى اخدت فيها البنبونى قلتله ... على حسب مانت عايز يعنى ...
سادت حاله من الطمأنينه على الكرسى اللى انا قاعد عليه ... ده بعد ما اكتشفت انى قاعد بالفعل .
ضرب الأخ عبدالله بصدره حائط القعده و قال لـ ( د. رمزى ) أقعدلك فى حته كده كفايه عليك ... و من ساعتها الـ ( د. رمزى ) مسمعتش صوته .
إنهال بعدها علينا الاخ ( فولكانو ) بروائع حكاويه عن تركيا و حياته فيها ... و كان اجدرها بالذكر حكاية العفريت اللى كان عايش معاهم فى البيت ...
قمة المتعه لما تقعد تستمع لفولكانو و هوه بيحكى ... إنسيابيه و خفة دم اكتر من اللى عندى ...
طبعا مفيش داعى لذكر القصص اللى حكاها فولكانو لانه ممكن ينطرد بعدها من المنتدى و إحتمال كبير من البيت كمان ... ده على اعتبار انه ممكن يكمل حياته فى القراره (انا مقولتش حاجه).
الأخ أبو يوسف هادىء الطبع و الطبيعه ... عجبنى هدؤه فعلا ... خاصة لما يكون مرتبط بالقهوه قليلة السكر...
عبدالله كل اللى فهمته عنه ... إنى متأكد انه لو معاه مسدس كان موتنا كلنا فى القعده
.... .... .... .... ....
إنتهت القعده على خير و وئام و سلام ... و انطلقنا ( أنا و حافظ و الحزنوى و فولكانو) الى منزل محمود أبواكريم لتناول العشاء ...
و كان هناك ماهو جدير بالذكر ...

تابعونى ....
عاصى

أبو يوسف

22-07-2008, 01:47 PM

لالالالا
شو هالابداع

يعني انا لو ما حضرتش الجلسة ما كنتش هازعل، الحبكة الدرامية و الاداء راقي جدا بصراحة و بيخلي الواحد يحس انو كان موجود في الجلسة.

بصراحة يا ضياء تستاهل وسام التميز ، و انا عاجبني كتير المشهد بتاع الكابتن رمزي ، لدرجة اني حسيت انك بتشتغل في المكتب الاعلامي بتاعه

بس فعلا فرصة كويسة تخلي الناس تتعرف عليه اكتر لانو دايما مشغول و ما عندوش وقت للعلاقات العامة.

طبعا فولكانو كانت المشاهد بتاعته سلسة جدا لدرجة انو عرضها اشبه بالفلاش باك، مع بعض المونتاج و الحذف طبعا

انا بس حبيت اعبر عن عدم رضاي عن قصة القهوة .....

يعني لازم اعرف الحكاية بعد ست شهور؟؟؟؟؟

ع العموم ان شاء الله بتكون فرصة تانية و بنعوضها.

...
بانتظار الحلقة القادمة( خصوصا اني ما كنتش موجود)

تقديــــــــــــــــــــــــــــري

روان عبدالله

23-07-2008, 08:08 PM

:more61:

بسم الله الرحمن الرحيم

شكرا لك طائر الليل الحزين

وشكرااااااااااا

روان

:more61:

ريما

23-07-2008, 09:59 PM

شكرا لك عمو
على الموضوع دمت بوود

أبو يوسف

13-09-2008, 02:29 AM

الاستراحة طالت كتير اخي ضياء

اوعى تكون بتراهن انا ننسى

لازم تقدم جدول بالحلقات خلال اسبوع بالكتير

و تنهي المسلسل في موعد اقصاه شهر

بدنا نفكر في الموسم الشتوي

لك تحية

ضياء عاصى

13-09-2008, 05:02 PM

السلام عليكم و رحمة الله

و الله يا بو يوسف ما اقدر ارفضلك طلب ..

إنتظرنى فى سهرة اليوم فى ضياء الدالى

بس موعدكش ان دى الحلقه الاخيره

لانى عاوز اسيب خيوط للأجزاء القادمه

غن شاء الله ناوى اربى اجيال فى المنتدى على مسلسلاتى

تحياتى

أبو يوسف

13-09-2008, 07:13 PM

سهرة اليوم قريبة

راح نستنى

و يا ريت م تكونش الاخيرة

خلي الشغل بضمير

لك تحية

ضياء عاصى

13-09-2008, 11:15 PM

و الله انا فاكركم و ما نسيتكم ... لكن مش حابب يكون كلامى مكرر , و فى نفس الوقت برضو مش عاوزه يكون مكرر ... و انتم عارفين الخيارين اصعب من بعض ... لكن لازم اختار حاجه من الاتنين مالهاش تالت ... و هى ان الكلام يكون مكرر ان شاء الله .

كنا معزومين عزومه عاديه عالعشا عن محمود ابو كريم ربنا يديله طولة العمر و يساعده فى اعماله الفدائيه ( و اولها قطع النت عن فولكانو ) ...

ذهبنا للعشاء ... و تناولنا العشاء بكل نفس مفتوحه ... و كان لابد و حتما من سد هذه النفوس المفتوحه ... و إلا كنا ممكن ناكل خدود محمود اللى أحمر من الطماطم المشويه ...

سألنى احد الجالسين ... و اللى كان نفسه مفتوحه ايضا ...

أيه هوه انطباعك عن فلسطين ... بصفتك اول مره تزورها ... ؟

انا بطبيعتى مبحبش اقفل نفسى اكتر من مره فى اليوم ... هى مره واحده كفايه عندى ... جاوبت عالسؤال جواب كروكى ... إجابة شخص بيتعمد انه ميدخلش فى حوارات .... عاوزين نحلى يا جماعه ...

كانت إجابتى ...

( انا فوجئت و تفاجات بإن الناس عايشه ... بمعنى انه فيه حياه عاديه جدا ... كما رأيت انا ... مش زى اللى باشوفو فى التليفزيونات صراحه)

لقيت فيه عملية استنكار رهيبه ... و ردود افعال غير متوقعه ... حسيت إنى شخص غير متوقع اصلا ... شخصيه كاريكاتيريه يعنى .

رد عليا الأخ اللى سألنى ( أوعى تفكر ان الناس اللى عايشن هنا كلهم زى قرايبك ... بيوتهم مرتبه ... بياكلو كويس ... بيلبسو كويس ... لا ده فيه ناس هنا ضنك ).

بس انا مقصدتش كده نهائى ... انا باتكلم انه فيه حياه و معيشه ... و لو حاتكلم عن الحياه الاقتصاديه فاحنا عندنا فى مصر حياه ضنك ... أقل بكثييييييييييييير مما ذكرته ... حالات من الفقر المستفحل ... لكنى لم اقصد ذلك بالطبع و لا حبيت انى اتوغل فى اجابتى عن الموضوع .

ماهو شوفو ... :.

لو القضيه قضية اكل و شرب .... فانا عشت فى مجتمع من أكدح و افقر ما يكون ... فطبيعى لو أقيس الموضوع كذلك فالناس فى غزه حياتهم اكثر اريحيه بكثير من الناس فى مصر ... و لو على النور و الميه ... فإحنا عندنا احتفالات يوميه بقطع النور و الميه ... من يوم ما اتولدت و متعودين على كده ... و غيره و غيره ... ( أمال نانسى عجرم اتصورت فى الفيديو كليب بتخبز ليه ..؟؟) مش موضه يعنى الخبيز ... لأ ده الست الفاضله بتحكى عن مشكلة شعب ( رغيف العيش ) و ربنا يوفقها و تكمل رسالتها او ياخدها ...

لكن هناك فرق فى الحياه الانسانيه طبعا .... فيه فرق بين ان حكومتك هى اللى تكون مقصره فى حقوقك الاجتماعيه و الماديه و الانسانيه ... و إنك تكون عايش تحت لهيب الاحتلال ...

لكن انت سألتنى عن وجهة نظرى اللى رأيتها ... و انا جاوبتك من خلالها ... إنه من الصعب حدوث توافق بين ما أراه فى الاعلام و ما رأيته على أرض الواقع ... يمكن اكون مشوفتش الصوره الحقيقيه أو الكامله ... لكن هذا ما رأيته بالفعل ... و ما تحدث به لسانى ...

الحقيقه الحوار وصل لمرحله شائكه جدا .... و خاصة إنى تفهمت من الموضوع ان هناك تضارب فى الافكار بين الناس الموجودين ...

سهل جدا إنك تهز مشاعر الناس بفقدانك للحريه ... و تستعمل اى اساليب دعائيه و كل الناس حتصدقك ...

لكن انا مكونتش شايف ان دى المشكله ... المشكله فعلا هى وجود مسافات بين الافكار ... تضارب و صدام غريب من نوعه ... مؤيد و معارض و حاجه تجيب الشلل ...

خرجت من الحوار و دماغى فيها حاجات كتير مكونتش متخيلها ...

أقولكم بصراحه و محدش يزعل منى ...

المشكله مش مشكلة إحتلال حاليا ... بقدر ما هى مشكلة طوائف فلسطينيه لا تستطيع أن تحدد النوايا الخفيه لكل منها... انا تخيلت إنى رايح لمناضلين .... لقيت عصابات بتحارب افكار بعض ... لازم فعلا يكون هناك حلول بين الناس اللى شويه و هتولع فى بعض بقزايز اسبرتو دى ... ...

شكرا لكم حتى الآن

و تــــــــابعونى

أبو يوسف

14-09-2008, 02:19 AM

انا حاسس الحلقة مقصود بيها تمجيد الاعمال الفدائية

خلي بالك يا ضياء

الموضوع رحلتي الى غزة مش ليالي الحلمية

بس بجد

حلقة حلوة بعد طول انتظار

و يا ريت اخونا ابو يونس ما بفهم انو كسر لحملة لا للمسلسلات

هالمسلسل انتاج محلي

و ابداع خاص

و كل الشخصيات محسوبة علينا

ضياء

انا حاسس انو هالحلقة هتجر وراها كمان كم حلقة

مش غلط بس تشوقناش كتير

مودتي

مسك الجنة

22-09-2008, 11:31 PM

انا فكرت من العنوان انه موضوع سياسي هيك ناشف بس عندما قرات حلو كتيير بوعدكم اني رايحة اكون من المتابعين ان شاء الله تعالى

أبو يوسف

22-09-2008, 11:49 PM

ابسط يا ضياء

جمهورك بيزيد

بس اوعى تكبر معك و تعمل اجزاء

مش هنصبر لرمضان الجاي

بسمة أمل

23-09-2008, 04:21 PM

مساء الخير

ضياء عاصي

أقولكم بصراحه و محدش يزعل منى ...

المشكله مش مشكلة إحتلال حاليا ... بقدر ما هى مشكلة طوائف فلسطينيه لا تستطيع أن تحدد النوايا الخفيه لكل منها... انا تخيلت إنى رايح لمناضلين .... لقيت عصابات بتحارب افكار بعض ... لازم فعلا يكون هناك حلول بين الناس اللى شويه و هتولع فى بعض بقزايز اسبرتو دى ... ...

هو احنا لسه راح نزعل أنت قلت وخلاص ...والي زعل انفلق:more30:

لكن أقولك بصراحة

أنت أصبت قلب الحقيقة

وإن كانت مؤلمة

وإن كان سعر الكاز مولع

لكن في عالم تستاهل الحرق

http://www.abadlah.net/vb/images/icons/68.gifضياء عاصيhttp://www.abadlah.net/vb/images/icons/68.gif

مبدع ومتميز كالعادة

ننتظر الحلقة القادمة

مودتي للجميع

ضياء عاصى

24-09-2008, 10:42 PM

السلام عليكم و رحمة الله و بركاته

اهلا اختى نور اليقين

و اهلا اخى ابو يوسف

الصراحه انا كتبت الحلقه الماضيه و كنت فى انتظار ردود و توضيحات

تقدرى تقولى انى محبيتش اعك .... بس و حياة ربنا المعبود .... لعاكك

امبارح كلمت فولكانو .... من الشخصيات المتميزه جدا اللى كسبتها من وراء رحلتى الى غزه زى ما وضحت من قبل ... و زى ما كسبت ناس كتير ايضا و اولهم احمد و شعر احمد السايح النايح

المهم خلينا فى مكالمة عادل ( فولكانو )

عادل قالى كلمتين ... بهزار طبعا ... بس كان فيهم الكثير ... أو أعنو لى الكثير ...

قاللى يعنى انت كنت متخيل فلسطين دى فيها كذا و كذا و جيت لقيت حاجه تانيه .... ؟؟

و الله انا شخصيا ما اعرفش حدود صحة الكلام اللى انا قلتله ... أيه مدى اقترابه او بعده عن الحقيقه ...

بس هوه الاكيد ان فيه امور و ملابسات مش واضحه و مش نظيفه فى نفس الوقت

عادل كان ورا كلمته كلام .... بس طبعا مش هيقوله ... لكن بصفة السينسور عندى شغال فأنا حاسس احساس شبه مؤكد انه عنده رد قوى .... و فى انتظار انه ربنا يسهل و يحصل حاجه من الاتنين :
يا اما ياخد محمود و عادل يوصل النت أو الشركه توصل لعادل الوصله اللى سرعتها 128 و عليه العوض فى التحميل ...

فة انتظارك يا فولكانو .... و يحرم عليا اخط بقلمى فى الموضوع قبل ما تدخل و تقوللى ردك ....

أبو يوسف

24-09-2008, 11:04 PM

و ليه العصبية كدة و الحلفان

احنا هنستنى معاك لحد عادل ما ييجي و يرد في الموضوع

خلينا نتضامن يا اخي

من زمان ما تضامنا مع حد

بس شاطرين و عايزين العالم يتضامن معانا

..

كمان عايز اقول لبعض الناس اللي هيستغربوا بعد احداث الحلقة اللي فاتت

يا جماعة ضياء كان بيراعي حاجات كتير اثناء الكتابة

و ما زودش ولا حاجة

و الراجل حكى اللي صار بواقعية ردوده في الجلسة و انطباعته عنها

شكرا لك اخي ضياء

اولا على يوميات الرحلة التي اخرجتها بهذا الشكل الجميل

وثانيا

على موقف التضامن مع فولكانو

لك تحية...

بسمة أمل

25-09-2008, 11:49 PM

اهلا اختى نور اليقين

تقدرى تقولى انى محبيتش اعك .... بس و حياة ربنا المعبود .... لعاكك

أخي ضياء عاصي
بدون حلفان ومقدمات

ولو حتي راح تعك راح نتابع معاك
المهم المسلسل يخلص علي خير
وكما قال أبو يوسف
المسلسل انتاج محلي ويهمنا نجاحه

وراح ننتظر أخونا فولكانو
ولو عايز ننظم حمله تضامن معاه
ونخلي أبو اكريم يتعاطف معاه ويوصله نت
أو حتي ممكن نغتال أبو اكريم

بس بلاش تعصب

وما زلنا ننتظر

ومن ثم لنا عودة مع الرد والتعليق

أبو يوسف

26-09-2008, 12:54 AM

انا شايف الامور بدت تتطور

و عضو هيئة القضاة بتهدد بالاغتيال

و اكيد كل شي هيكون قانوني

انا ناوي اطلع اجازة بعد العيد

خدوا راحتكوا

شيموو

03-10-2008, 10:55 PM

ايه ده يا ضياء ايه ياعم الطريقه اللى بتكتب بيها راااااااااااائعه فعلا خليتنى وكانى رايحه وياك غزه تكونش واخدنى معاك فى الشنطه وانا معرفش بس ما قلتش اللب السوبر راح فين
تسمح اقولك يابشمهندس انت هندست الكتابه بطريقه فظيعه تجنن يلا الله معك انا رايحه افوق من الحاله اللى عيشتنا فيها يا لهوى ياجدعان هى ده خفه الدم المصريه على الفلسطينيه حد سامعنى هههههههه

أبو يوسف

04-10-2008, 02:00 AM

اه طبعا سامعينك

هو احنا ما بنسمعش

الله يسامحك

بسمة أمل

12-11-2008, 01:15 PM

أغيب أغيب

ولسه صوت شيمو
ما وصل أخونا ضياء عاصي

أيوه ياجدعان

متي راح تنتهي هالرحلة

البنت صوتها راح

مجدولين جبريل

12-11-2008, 08:39 PM

عنجد وين بقية الرحلة يا ضياء...
أنا أول مرة بدخل على الموضوع اليوم...
وشكله مشوق... فلو سمحت كملنا الرحلة...
وخلينا نتحسر!!! أنا من الـ2000 ما شفت غزة...
يا الله على هديك الأيام..
يلا يا عاصي...
ولا بدك قصيدة عصماء..
على وزن انزل يا جميل عالساحة:)
يسلمه على هالسرد كأنه كنا معك :)

ضياء عاصى

05-12-2008, 06:08 PM

ايه ده .... ؟؟

هوه لسه فيه حد هنا ... ؟؟

و الله انكم اولاد و بنات حلال

انضم لينا الاخت شيمو و الاخت مجدولين كمان

يا سعدك يا هناك يا ضياء ....

بس انا مش شايف حد من الاعضاء المعنيين اهتم و رد يعنى

يعنى الاخ فولكانو معبرناش نهائى ... يبدو انه منبسطش فى اخر رحلاته للغردقه

عموما مش مشكله انتو منورين الانتريه كمتابعين للمسلسل

عندكم استعداد تسمعو بقين كمان .... ؟؟

طيب انا هاديلكم فرصه تراجعو نفسكم لان انا طريقى دايما طريق ندامه

الحقيقه انا مش زعلان و لا ندمان انه طريق ندامه

انا ماشيه كده بعبله ... مش مهم مبسوط و لا زعلان ... المهم انى اتكيفت معاه تماما

تماما جدا خالص

لدرجة انى فعلا مش عارف كان ممكن اكون عامل ازاى لو سلكت طريق تانى غيره

اهلا بيكم و لعنيكم اللى مشوفتهومش نهائى انا جايلكم بحلقه على زوقى ... و طبعا انا غنى عن التعريف فى الزوق .... !!!!

تحياتى

مجدولين جبريل

05-12-2008, 10:29 PM

ما دامك ماشي بعبلة...
امتى حتورينا الجلا جلا..
يا رجل احنا استنينا..
واتمنينا..
والمسلسل بتاعك ماشي حنجلة...
وجراسه مجلجلة...
وتوقعتنا بقت متلتلة...
والحلقة الجاية يا ريت ما تكنش مقندلة :)

أبو يوسف

06-12-2008, 01:47 AM

ضياء عاصى

31-12-2008, 11:21 PM

يا أغلى اُمنيةً صـُدى الحريقِ

حـَجـَبت نعال الكـُـفرُ كُـل طريقِ

كيف الوصول يا غزة الشـُـهداء

فـ العار نحن و سلاحنــا التـَـحديقِ

يا ألف مأساةٍ لكِ المولى

فمدائن الاسلامِ لم تعـُـد نعم الصديقِ

مـُـباركٌ عليك تخاذُل النـُـبلاءِ

و علينـــا نحنُ مـُـبارك التشديقِ

حسبـُـنا ياربِ فيه و فى الجـُـبناءِ

و فى كـُـلِ قلبٍ إنفثــأ و لم يفيقِ

ضياء عاصى

31-12-2008, 11:24 PM

قال كنا بدنا نخلص المسلسل قبل رمضان

شكلنا هنموت قبل ما يخلص

انتا ح

و الله يا ابو يوسف ربنا يسترها

انا خايف لامنيتك لاول مره تتحقق

كان الله فى العون و ربك ستار

طبعا انا حاسس انى لو اتنفست هنا نفس كمان زياده حآكل بنفس اللى كل بيه بوش

الله معين و يطلع غزه من المحنه دى على خير

مجدولين جبريل

01-01-2009, 12:35 AM

باشوف مشاهدينك بيزيدوا و انتا سايق الدلال

قال كنا بدنا نخلص المسلسل قبل رمضان

شكلنا هنموت قبل ما يخلص

انتا حر

بس احنا بندور سجين للسنة الجديدة علشان فولكانو عامل زنزانة جديدة

و في السنة الجديدة في اساليب هتغير

انا باهددش

سلام

و الله يا ابو يوسف ربنا يسترها

انا خايف لامنيتك لاول مره تتحقق

كان الله فى العون و ربك ستار

طبعا انا حاسس انى لو اتنفست هنا نفس كمان زياده حآكل بنفس اللى كل بيه بوش

الله معين و يطلع غزه من المحنه دى على خير

أولا سلامته ابو يوسف...
وبعيد عنه الشر هو وكل أعضاء الملتقى...
أنا بعرف الموت علينا حق...
بس يا رب لما نيجي نموت نموت شقفة وحدة مش 100 شقفة :(
ونلاقي حد يكفنا ويدفنا ويقرأ علينا الفاتحة ويدعيلنا بالخلاص...
بعرف قلبت تراجيدي...
بس مش بإيدي...
ويا رب يا ضياء تقدر تروح كمان مرة على غزة... وتشوف كل حبايبك..
وترجع تكمل المسلسل... وتعمل أجزاء منه كل زيارة بجزء...
وأقدر أزور أنا غزة... وأعمل مسلسل منافس...
ونشوف مين فينا
راح يكسب مشاهدين أكثر... :)
الله يحميكم كلكم...
وتصبحون على وطن:more19:

نسمات غزة

31-01-2009, 06:36 PM

السلام عليكم

بصراحة ..... بحب احييك على الروح الجميلة يلي بتتمتع فيها

وعلى القوة بازهار المشاعر اللي في ناس بتتصعب انها تبينها

وبصراحة الله يحميك

وربي ضحكت من كل قلبي ...... بستنى بالتكملة للمسلسل ........

تحياتي الك وللجميع

أختك

نسمات غزة

أبو محمود

07-11-2009, 09:48 PM

رحلة حلو يا اخ ضياء

وين باقي التفاصيل

ضياء عاصى

24-01-2010, 11:25 PM

السلام عليكم
انا حالا إكتشفت ان مسلسل الرحله لسه مخلصش ... ده و اللى جاى مفروض انه اكتر من اللى راح ..
شكرا لكل الاخوه و الأخوات اللى كانوا متابعين للحلقات الماضيه... و آسف طبعا للإنقطاع الفتره اللى مضت عن الموضوع
لكن هوه يبدو إن فيه اوقات معينه بتحب تقول فيها حاجات معينه و اوقات مش معينه بتحب تقول فيها حاجات مش معينه
لكن السبب كان مختلف المره دى و هوه الحرب على غزه ... الحدث الذى شل أقلام و أحيا أقلام اخرى.
المهم سيبكو من سيكولوجيات الكاتب و أدخلو على الموضوع او تكملة الحلقه السابقه
عشــــاء دودو
العشــــــاء خلص و الكلام و الحوار شغالين و بطرق مختلفه ... و أنا فى عز إنطلاقى و إندماجى الروحى و المعنوى و الثقافى أفاجىء و اتفاجىء و افاجىء نفسى بـ حلم معدى من جنبى ... و فى ديل الحلم صوت شخير من أروع و أعذب و أرقى ما يكون ( انا فعلا حبيت الشخير فى الوقت ده و تمنيت ان أكون صاحب هذه السيمفونيه التى تحمل لحن المقدمه لـ مسلسل ثمبل بعد المليون .
و كما عادتى فى مفاجاة نفسى ... رميت نظرات خاطفه لمصدر الصوت المناسب جدا للحوار ... و لقيت دودو أبو إكريم هو العازف المحورى للسيمفونيه.
عاد يا محمود إنت عازمنا على العشاء و لاّ على الموسيقى العربيه ..؟ .. ده انا طلعت راس محمود تسع مرات من طبق الفول اللى قدام حافظ و بنفس اللقمه ( متفهمش محمود كان حاطط عينه على اللقمه و لا ايه) ... كنت قاطع لقمه و حاططها جنبى كده مخصوص لمحمود ... كل لما يبدأ فى التمايل أروح مطلعهاله.
واضح على محمود انه شخصيه طيبه و مسالمه مالوش فى حوارات الشجب و فتح المطاوى ... رجل جيش طبعا و مرابط أكيد أسلحته أقوى من كده بكتير.

يبدو إنى كنت عايز اقول حاجه فى النقاش و ده اللى اكتشفته بعد ما خرجنا و دار كل الكلام فى راسى مره اخرى و هو :
هناك الكثير من الشعوب خارج الحصار تعانى, و اولى معاناتها هى الحصار نفسه و كم من القلوب المنفطره على ما يحدث لاخوانها داخل هذا الحصار النجس و لا باليد حيله سوى أقل القليل و هذا هو العجز الأكبر و الموت الأبطــأ.
ربما يكون الاعلام بالشكل المذعوم له دوراً إيجابيا فى التأثير على الشعوب ... لكن هذا الشكل سرعان ما يتحول إلى تعود على الكسره و المذله و الإهانه و ربما يتحول إلى التمزج بالحزن و البكاء ... لكنه لا يحيا دوما .. و لا يجدى بخطوات إيجابيه راسخه و موجهه دوما.... و ربما يقف هنا فقط ...
الى حلقه أخرى
شكرا و تحياتى