مشاهدة النسخة كاملة : المجــدرة و المـدردرة
المجـدرة و المدردرة
http://www.farfesh.com/article-images/b06111961309.jpg
في كتــار منــا بيـاكلوا
المجدرة
ويمكن يكونوا سامعين بـ
المدردرة
وكمان كل ناس وكل بلد إلهم طريقتهم
بـ التحضير
يلا خبرونا كيف بـ تحضروا هـ الأكلة
تقديري
ريتــــــا
رح شارك معاكم
واقدم بعض الطـرق
بس وينكم إنتو كمان لازم تساعدوني
المجدرة المصفاة
(السوداء)
المكونات
ـ كوب ونصف من العدس الأسود
(المغسول والمصفى)
ـ نصف كوب من الزيت النباتي.
ـ ملعقة صغيرة من الملح.
ـ نصف كوب من الأرز
(حبته صغيرة)
منقوع لمدة 60 دقيقة.
ـ نصف كوب من البصل المفروم ناعما.
طريقة التحضير
يغمر العدس بالماء ويوضع على النار حتى الغليان
بعد ذلك تخفف النار تحته لمدة ستين دقيقة أو حتى ينضج
يطحن مع مائه في مطحنة الخضار ، وبعد أن يضاف اليه الأرز والملح وكوب من الماء
يغطى الوعاء ويترك المزيج على نار معتدلة لمدة 15 دقيقة.
ثم يضاف اليه البصل المحمر بالزيت، وبعد أن ينضج الأرز وتتبخر المياه
تفرغ المجدرة المصفاة في أطباق وتقدم باردة أو ساخنة مع سلطة الخضار
المجدرة بالبرغل
( أو ما تعرف بالمجدرة الجنوبية )
المكونات
ـ كوبان عدس (حبة صغيرة)
ـ كوب ونصف برغل خشن
ـ 8 حبات بصل أحمر
ـ نصف كوب زيت نباتي
ـ 4 أكواب ماء
ـ ملعقة ملح
طريقة التحضير
يقطع البصل قطعا ناعمة ويقلى بالزيت حتى يصبح لونه بنيا غامقا .
يغسل العدس ويسلق ثم يصفى
يؤخذ من مائه كوبان يضافان الى البصل المقلي على نار خفيفة لمدة 15 دقيقة .
بعد أن يغسل البرغل ، يوضع فوق العدس والبصل
ويترك المزيج على نار متوسطة لمدة 45 دقيقة حتى ينضج
ثم يوزع في أطباق ويقدم مع سلطة الخضار أو اللبن
المدردرة
المكونات
ـ كوب من العدس الأسود العريض
ـ 4 بصلات متوسطة الحجم مقطعة بالطول
ـ نصف ملعقة من الملح
ـ كوبان من الأرز(حبة طويلة)
ـ ربع كوب من الزيت النباتي
ـ ليتر من الماء
طريقة التحضير
ينقى العدس ويغسل جيدا ثم يسلق لمدة
30 دقيقة
ويضاف اليه الأرز والملح مع بعض التحريك
يغلى المزيج على نار هادئة لمدة 30 دقيقة حتى ينضج
يحمر البصل ليزين به طبق المدردرة
يقدم ساخنا مع اللبن أو سلطة الخضار
RaHaF
26-04-2008, 02:51 AM
اهلا وسهلا بريتـــــــــــا
جذبني العنوان كتير
المجدرة انا بعرفها وعلى الطريقة الفلسطينية طبعاً
لكن المدردرة ما بعرفها
قريت الموضوع
بس كمان ما لقيت فرق بين المجدرة والمدردة حسب الطريقة يلي وصفتيها عزيزتي
ياترى انا ما انتبهت ولا في فرق حقيقي بينهم
:sm235:
بالنسبة لطبق المدردرة
انا بعمل نفس الطريقة ولكن بسميها مجدرة
اما المجدرة الي بالبرغل انا حابة جربها كتير
انا دقتها مرة عند رفيقتي برام الله وحبيتها كتير بس كانت على الطريقة
النابلسية معمولة يمي يمي يا ريت ترجع هديك الايام واكلها تاني
لحسن انا بحب اني اكل من ايدين حدن تاني لانو لما بطبخ انا بستمتع بالطبخ
فقط وليس الاكل
:more41:
تحياتي
ابنة فلسطين
28-04-2008, 08:49 PM
السلام عليكم ورحمة الله وبركاته
والله انا مريت عالموضوع من فترة وما قدرتش ارد عليه
ولفت نظري العنوان كمان...
ورح احكيلكم معلوماتي
المجدرة اللي انا بعرفها وما شاطرة الا بطبخها ... هي اللي سميتيها مدردرة:sm236:..وبعتقد كل الفلسطينية بيعملوها على اساس انها مجدرة...والطريقة نفسها ان كان برغل وان كان رز
وهاي هي مجدرتنا نحنا...لكن انا تفاجأت بس حكتلي صديقة لبنانية انو هاي هي المدردرة ...
وانو المجدرة هي بتنعمل بالعدس الاصفر وبيحطو عليها رز وبتضلها رخوة شوي..والطعمة بتتشابه تقريبا....
لكن انا لساتني مقتنعة بالمجدرة انها مجدرة مش مدردرة
شكرا الك يا ريتا على هالموضوع
نصرة الاسلام
28-04-2008, 08:57 PM
يا جماعة المجدرة هي مدردرة وانا اكيده من المعلومة.. !! بس اسمعوا مني ولا تصدقوا!!!
رهــف .. إبنة فلسطين .. نصرة الإسلام
أسعد الله صباحكم
:more40::more40:
التسميات بـ تختلف من بلد لـ بلد
والطريقة بـ تختلف مش بس من بلد لـ بلد
لأ كمان من قرية لـ قرية
:more29:
وحتى المكونات تختلف أيضا ً في بعض الأحيان
علشان هيك حطيت الكم
كل شخص عنده طريقة ينزلنا إياها
حتى يكون عنا ملف شامل عن الطرق والمقادير
يا هلا فيكم
تقديري
ريتــــــــــــا
vBulletin 3.8.2