هلا ابنة فلسطين فيكي بدولاب التحقيق

[Rita]

هلا ابنة فلسطين فيكي بدولاب التحقيق

إستغلالا" لوجود ابنة فلسطين في عطلة والقدرة على السيطرة في تواجدها هذا الإسبوع في المنتدى

قررنا وضعها في دولاب التحقيق



يلا يا جماعة بلشوا اسئلة


رح آكل قتلة معتبرة منها
:angry2:

الله يسترني

:sad:

[Sameh]

http://www.asmilies.com/smiliespic/People/015.GIF (http://www.asmilies.com)
ألف مبروك
ورح نحضر شوية اسئلة
والا خلينا نكون اول من يسأل
أ - اشياء تحبيها وتردديها دائما وهي :-
1- اية من القرآن الكريم
2- حديث شريف
3- بيت شعر
4- مثل
5- قصة قصيرة

ب - أحب الاسماء اليك ذكر وأنثى ( ليس احب الاشخاص بل اسماء )
ج- القمر ، البحر ماذا يعنيان لك
د - انت محجوزة في دولاب التحقيق واعطوك مسدس ودخلت عليك ريتا ، شو رح تعملي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟
مع خالص الامنيات
ان شاء تكون لنا عودة

[نسرين]

اهلا اهلا بابنة فلسطين بالدولااااااب
برافو عليكي يا ريتا
وانا كمان عندي عطلة يعني باقدر آخد راحتي بالأسئلة :booo2:

1. اذا خيروك بين زيارة أحد الأقرباء وبين تصفح الانترنت ماذا تفضلين ولماذا؟
2. كم ساعة في اليوم تقضينها على الانترنت (في وقت الصيف اكيد مش هالايام)؟؟
3. ما هي أحب أكلة على قلبك؟؟
4. هل تشعرين بالعيد مثل ايام زمان لما كنت طفلة ولا تغير عندك الاحساس؟

و لي عودة إن شاء الله

[Rita]

شـــو ســـامــح


مســدس

:horror:

الله يســامحـــك

:sad:

[عاشقة الأقصى]

وينك يا ابنة فلسطين :MThumpsUp

الهروب ممنوع:booo2:

يلا باني انا عندي اسئلة ابيك تجاوبي عليها :medium-sm

[ابنة فلسطين]

السلام عليكم ورحمة الله وبركاته

الله يسامحك يا ريتا على هيك عملة

يعني م انت اكتر وحدة بتعرف ظروفي ...انا حابة اكون بدولاب التحقق بس مش بهيك وقت

يعني مسكرة من مجاميعو..الله يستر

على العموم ما رح افشلك ولا افشل غيرك

بس ما تتوقعو مني اجوبة بسرعة ولا اجوبة على اسئلة كتير

يعني يا دوب هدول الاسئلة

وما شالله عنو الاخ سامح ما صدق انو حطوني بالدولاب رايح سائلني كذا سؤال هو والاخت نسرين

بس زعلتيني منك يا اخت عاشقة الاقصى...والله انا مش هربانة ...بس العطلة بتبدأ من اول ايام العيد وبتنتهي اخر ايام العيد..يعني عطلة مش محرزة...كان لازم الاخت ريتا تختار عطلة محرزة اكتر عن هيك

على العموم ...خلينا نشوف اسئلتكو ...بس يعني انا سامحة لكل واحد بسؤال او سؤالين مش اكتر ...وادعولي اقدر احلهن وتضلها الكهربا منيحة

يا الله خلينا نبدأ.........

[ابنة فلسطين]

السلام عليكم مرة اخرى

نبدأ ب بسم الله


- اشياء تحبيها وتردديها دائما وهي :-
1- اية من القرآن الكريم
بصراحة في كتير ايات من القران الكريم احب قراءتها وترديدها...ولكن هذه الاية هي اكثر اية ارددها في جميع الاوقات مؤخراً
قال الله تعالى : " ومن يتق االله يجعل له من أمره يسراً"...ارددها في اوقات الشدة
والاية الكريمة: "لو أنزلنا هذا القرآن على جبل لرأيته خاشعا متصدعا من خشية الله" كمان هاي الاية كتير بحبها

2- حديث شريف
ما في حديث محدد بكررو دائما
بس بحب هالحديث كتير
إن لله إذا احبّ عبداً دَعَا جبريل - عليه السلام – فيقول : أنى اُحبُّ فلاناً فأَحِبّهُ , فيُحِبّهُ جبريل ثم ينادي ( جبريل ) في السماء فيقول : إن الله يحبُّ فلاناً فأحِبّوهُ , فيُحِبُّهُ أهل السماء , ثم يوضع له القبول في الأرض , وإذا ابغض الله عبداً , دعا جبريل فيقول : أنى ابغضُ فلاناً فأبغِضهُ , فيُبغِضُهُ جبريل ثم ينادي ( جبريل ) في أهل السماء : إن الله يُبغِضُ فلاناً فأبغِضُوهُ , فَيَبِغضُوُنَهُ ثم توضع له البَغضَاءُ في الأرض

اخرجه الامام مسلم

" النظافة من الايمان" اكرره يوميا لطلابي:biggrin2:


3- بيت شعر...صحيح في كتير ابيات شعرية بحبها لانها بكون فيها حكم حلوة بس انا ما بحب الشعر كتير عشان هيك ما في ولا واحد بيتردد على لساني

4- مثل...يعني الامثال العامية كتير عنا ..بس هالايام في مثل كتير بقولو لمديرنا
" اللي عراسو بطحة بحسس عليها"

5- قصة قصيرة..ما فهمت ايش قصدك هون بقصة قصيرة...يعني بدك احكيلك قصة ولا شو؟؟؟

ب - أحب الاسماء اليك ذكر وأنثى ( ليس احب الاشخاص بل اسماء )
احب الاسماء من الاناث اسمان: "تسنيم "و "هديل"
اما الذكور فأحب اسم لي هو اسم "محمد"

ج- القمر ، البحر ماذا يعنيان لك
القمروالبحر احب شي على قلبي
القمر : الطمأنينة والسكون
البحر: الصدر الحنون الذي يسمعني اوقات الوحدة

د - انت محجوزة في دولاب التحقيق واعطوك مسدس ودخلت عليك ريتا ، شو رح تعملي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟
اكيد ما رح اطخها فيو....لاني عندي عقدة من الطخ انا:biggrin2: بس اكيد رح اعوّض الطخ بشي تاني

[ابنة فلسطين]

هلا دور الاخت الغالية نسرين

1. اذا خيروك بين زيارة أحد الأقرباء وبين تصفح الانترنت ماذا تفضلين ولماذا؟

والله يا اخت نسرين ما فيني اجاوبك جواب محدد لانو بيعتمد على حسب الاقارب ..يعني انا اقاربي كتار ومش كلهن بعرفهن يا دوب اعرف اسماء عماتي واخوالي وبيكفي..صحيح كلهن بحبهن بس مش كلهن بروح لعندهن لاني يمكن كل حياتي مش فايتة على بيتهن مرة..هني بييجو لعندي وبشوفوني دايما...

بس انا بتوقع اذا خيرتيني بين النت والاقارب بختار النت بأغلب الاحيان...لانو اقاربي كتار وما رح يعتبو علي اذا ما رحت لعندهن..بيكفي امي وابوي

بعدين في سبب تاني ما يخليني اطلع عند اقاربي اني ما بحب الطلعة من البيت كتير يا دوب على شغلي بروح بالزور

2. كم ساعة في اليوم تقضينها على الانترنت (في وقت الصيف اكيد مش هالايام)؟؟

بقعد كتير كتير كتير....يعني ما بحسبهن....مرات بقعد طول اليوم وما حاسة على حالي .....الا اذا اجتني شي لكشة او صرخة من وحدة من اخواتي بدها تقعد..بشفق عليها وبقوم شوي

3. ما هي أحب أكلة على قلبك؟؟

والله من يوم م استأجرت بعيد عن اهلي صرت احب كل الاكلات واشتهيها :biggrin2:
بس اطيب اكلة هي ورق العنب مع انو بتعذب بس بحبها...والمجدرة كمان

4. هل تشعرين بالعيد مثل ايام زمان لما كنت طفلة ولا تغير عندك الاحساس؟

اكيد تغيّر ....هلا كبرنا ( اللي بيسمعني بقول صار عمري 100 سنة )
بس طبعا ونحنا صغار كنا نلاقي للعيد فرحة لانو كنا نطلع ونلعب ونتمرجح ونعمل اللي بدنا اياه

يعني هلا عيدنا بس بيقتصر انو نستقبل الاقارب والاصحاب واروح ازور كم صديقة عندي..هاي ااذا رحت كمان..بستغل الفرصة انهن ييجو عندي قبلي

اصلا انا بس بعتبر العيد للأهل " الام والاب يعني " والصغار والعرسان

بس طبعا سبحان الله ..بتضلها بهجة العيد موجودة لو شو ما كان يعني الجمعة حلوة كتير ..جمعة الاحباب والاصحاب
والعيد عيد

وكل عام والجميع بخير

[عاشقة القدس]

حيا الله المستضيف والمضاف

اختي الفاضلة كل التحيات والشكر والدعوات لك على الجهد الرائع والمواضيع المعطرة التي تنيرين بها منتدانا الرائع

ولي عوده مع الاسئله ان شاء الله


اختكم عاشقة القدس

[عاشقة القدس]

اسمحي لي بجزء من وقتك لاطرح عليك بعض الأسئله ...
طبعاً ماراح أسئل أسئله عاديه أنا أحب أسئلة فلسفه :biggrin2:

1 كيف تعبرين عن حزنك ..؟؟
2 كيف تعاملين من أساء إليك ..؟؟
3 دائما العمل يقابل من البعض بالاستياء ، ومن البعض الآخر بالإعجاب (( أي عمل كان)) ، فماهي الأعمال التي واجهتك وكنت تتوقعين أن تنال إعجاب الكثير ، وجاءت النتائج عكسية ..؟؟
4 ما هي اللعبة التي كنت تحبينها وأنت طفلة ..؟؟
5 ماذا يعني لك الوقت بحياتك ..؟؟
6 وهل أنت من الأشخاص الدقيقين بمواعيدهم ..؟؟
7 متى تشعر ابنة فلسطين بمداعبة النسمات البارده وسط قيظ الحياه؟

8_من الشخص الذي يغرس في قلب ابنة فلسطين شتلات الأمل بغد مشرق ؟

9_في لحظة ضعف انسانيه او مشكله خاصه جدا هل تفضلين البوح بأسرارك ومكنون قلبك لصديقة/ لأخ او اخت/ لقريب
او من.........؟؟

10هنالك مقوله تقول الانسان يعشق مره واحده في العمر لكنه يحب اكثر من مره
هل تؤمنين بهذه المقوله ؟

11_بنظرك ماهي اهم قضايا الشباب التي تعتقدين انها يحب ان تكون مثار للبحث والنقاش؟

12_يقال ان المظهر لمعان في الخارج وانهيار في الداخل
هل تؤمنين بذلك وهل صادفتي اناس تنطبق عليهم هذه المقولة؟
13يقول فولتير : النزاع الطويل يعني أن كلا الطرفين على خطأ .
من خلال خبرتك ومشاركتك بالمنتدى ،
هل مر بك أن أطلت الجدال بموضوع نقاش ،وكيف تتصرفين وقتها ؟؟
14 كنت جالسة على كرسي في حديقة عامه وتساقطت عليك مجموعة من اوراق الخريف تناثرت حولك الا واحدة استقرت بجانبك ونظرت اليها فإذا بعبارة مكتوبه عليها
( اطلقي سراحي ولا تتلاعبي بي بارسالك احاسيس زائفه تتوددين بها معي ومع غيري)
ماذا يعني لك هذا واذا انطبقت عليك هذه العباره هل ستكون قدرك لتغيير حياتك ؟؟
15ماهو الخطأ الذي أرتكبته الأمة العربية لتصل لهذا الحال البائس ؟؟
16ماهو السؤال الذي تمنيتي ان تسالي عنه ولم اسألك اياه او احـد الاعضاء غيري ؟؟
وآخـر اسأليـه نفسك وجـاووبي عليه ؟؟
17 ردة فعلك اتجاه هذه الاسئلة ؟؟بكل صراحه ؟؟؟

وفي النهايـة
وسـعي صـدرك علي يالغالية واعـذريني على الاطـالة بالاسئلـة
وجـاووبي عليهم براحتـك .
* لاتقول لاأعرف تعلمين
* لاتقول مستحيل جربي
* لاتقول لاأقدر حاولي

دمت بخير



لي عوده والله يصبرك على أسئلتي
تحياتي لك..
اختك..

[بنت القسام]

السلام عليكم ورحمة الله وبركاته

كل عام وابنة فلسطين بألف خير:loveu:

:MM3golah:اسم هديل اكتر اسم قريب علي قلبك :Mthanks:


يلا نبدأ باسم الله الرحمن الرحيم :laugh2:

1/ شو هو اكثر كتاب قريب لقلبك :ask:
2/مين بتختاري يكون مشرف علي:ask:
*المنتديات الترفيهية
*المنتديات الأدبية
*المنتديات الدينية
*المنتديات الأسرية
*المنتديات الثقافية
*المنتديات العامة
3/ شو الكتاب إلي نفسك يكون بمكتبتك مش موجود:ask:
:halaWgala

[ابنة فلسطين]

السلام عليكم يا جماعة

بدكو تطولو بالكو علي بالاجابة

الكهربا مش مزبوطة عندي وتنسوش انو الدنيا عيد يعني يا دوب الحق

بعدين انا قلت كل واحد مسموحلو سؤال سؤالين مش 15 سؤال يا عاشقة القدس حرام عليكي..الله يسامحك

ليش استغربتي يا بنت القسام انو هديل هو احب الاسماء...فعلا هو احب الاسماء على قلبي وخاصة انو اسم انسانة عزيزة كتير على قلبي كمان

تحياتي للجميع

[ابنة فلسطين]

السلام عليكم ورحمة الله وبركاته



ها سوف احاول الاجابة على اسئلتك


يعني المشكلة وين انو انا بحكي كتير وانت سالتي كتير يعني كارثة رح تصير..والوقت مش مناسب

الله يسامحك على هيك عملة يا ريتا




1 كيف تعبرين عن حزنك ..؟؟


لا يوجد لدي طريقة واحدة ومحددة لاعبر فيها عن حزني ..لان ذلك يعتمد على الموضوع المحزن وعلى شدة الحزن...فمثلا..في بعض الاحيان عند حزني اظهر ذلك بطريقة عكسية..اي يظهر ذلك عندما اكون اضحك وامزح زيادة على غير عادتي ..ساعتها بكون عم احاول قدر الامكان اني اخفي هالحزن الشديد او اتهرب منو واحبسو داخلي ..هي شغلة صعبة كتير واحيانا ما بتزبط معي لانو بتنتهي بالبكاء
احيانا اخرى افضل الجلوس لوحدي



2 كيف تعاملين من أساء إليك ..؟؟


يمكن تستغربي اذا قلتلك اني اتجاهلها وانساها...يعني بحاول انسى الاساءة والشخص اللي اساء الي ..التجاهل والنسيان افضل حل بالنسبة لالي والمحولة قدر الامكان بمسامحة هالشخص لانني من النوع اللي ما بيعرف يكره
كتير ناس بتقولي نيالك على هالبساطة وهالبرود لكنهم ما بيعرفو الالم اللي بعانيه الانسان وهو يحاول ينسى
لكن تفكيري بيقولي اني اذا حاولت اني اردها باساءة اخرى او او الجأ لاسلوب العتاب هالشي رح يعقد الامور اكتر وممكن يأدي لاساءات اخرى وتعب بال اكتر
والله يسامح الجميع



3 دائما العمل يقابل من البعض بالاستياء ، ومن البعض الآخر بالإعجاب (( أي عمل كان)) ، فماهي الأعمال التي واجهتك وكنت تتوقعين أن تنال إعجاب الكثير ، وجاءت النتائج عكسية ..؟؟


بصراحة لا يوجد في بالي اي عمل قمت به ولم ينل اعجاب الاخرين
لا اقصد بذلك ان كل الاعمال التي قمت بها تلقيت التعزيز عليها والاعجاب التام
اذا تذكرت شي موقف رح احكيلك اياه من دون تردد


4 ما هي اللعبة التي كنت تحبينها وأنت طفلة ..؟؟


لعبة بيت بيوت كنت العبها انا واخواتي ...وكنا نلجأ لتقليد العائلات اصحابنا اللي كانو ييجو عنا زيارات


5 ماذا يعني لك الوقت بحياتك ..؟؟


الوقت شي مهم كتير في حياتنا ..وهو يعتبر دافع عندي للقيام بكثير من الامور ..عشان هيك بحاول استغل وقتي قدر الامكان باشياء ممكن تفيدني بدنياي واهم شي بأخرتي
لكن احيانا الوقت بيغدر الانسان..يعني الانسان بيتمنى لو انو الوقت يرجع لحتى يعمل شي ما لحّق يعملو او كان مهملو ... او يتمنى انو دقات الساعة تتباطأ او الوقت يمرق بسرعة ..كل انسان حسب ظروفو
لكن الانسان الفالح هو الانسان اللي بيقدر يستغل الوقت متل م هو
ما بخفي عليكي اني مهملة شوي ومرات بضيع وقتي باشياء عالفاضي وبأجل كتير امور ..وبكسّل اعملها
هاي مشكلة.. ودايما اتبهدل من اللي حولي عالبرود اللي عندي لانو بكون في شغلات لازم انجزها بس بتكون معي المدة طويلة يعني فيني استغل الوقت على راحتي واشتغلها على كيفي ...بس انا بضل اتكاسل لحتى ما يضللي من الوقت الا القليل القليل ولازم الحّق حالي لحوق...بس مع هيك بحياتي ما فشلت بعمل من هالاعمال ودايما يطلعو الاحسن ..."عشان هيك بتوقع انو هالكسل ناتج عن ثقة عندي بحالي اني رح انجز شغلي لو اخر لحظة " ....بصادف هالشي اكتر الاوقات وانا اعمل امتحاناتي وابحاثي او تحضيري لطلابي ..يعني معظم الاشياء


6 وهل أنت من الأشخاص الدقيقين بمواعيدهم ..؟؟


اه...انا من النوع اللي كتير دقيقة بمواعيدي ...لدرجة لا توصف وهالشغلة تعودتها واكتسبتها من ابوي لانو كمان عندو اهم شي انو الانسان يكون صادق بموايعدو..



8_من الشخص الذي يغرس في قلب ابنة فلسطين شتلات الأمل بغد مشرق ؟


لا يوجد شخص محدد من الذين اعرفهم يغرس الامل في داخلي ..فأنا ارى بريق الامل في عيون اغلبهم ..وذلك من خلال جدهم ومثابرتهم وصبرهم..كل ذلك يكون دافعا لي ويزرع نوعا من التفاؤل والتأمل بالفضل في المستقبل
احكيلك سر...في شي لازقني وين م اروح بذكرني بالامل ..اكثر عن هيك ما فيني اقولك



9_في لحظة ضعف انسانيه او مشكله خاصه جدا هل تفضلين البوح بأسرارك ومكنون قلبك لصديقة/ لأخ او اخت/ لقريب
او من.........؟؟


انا من النوع اللي بحكي كل شي بداخلي وهيك متعارف عني ..يعني كل شي مكشوف عني ...أما هناك اشياء خاصة جدا بالنسبة لي افضل عدم البوح بها لاي احد..مع ان برأيي اني اذا حكيت لحدا ممكن ارتاح واطلع كتير شي من داخلي ..لكن في شي بيمنعني ...مش بسبب مدى سرية الموضوع اللي مخفيتو...لانو الموضوع بكون كتير عادي ..ومرات اذا حكولي رفقاتي اشياء مشابهة احسدهم على قدرتهن على الكلام ..لكن انا !!!لا اقدر
شو السبب؟؟ ما بعرف.....


10هنالك مقوله تقول الانسان يعشق مره واحده في العمر لكنه يحب اكثر من مره
هل تؤمنين بهذه المقوله ؟



والله يا اخت عاشقة القدس بدك تسألي هون اللي بحبو وبيعشقو ..ما رح اقدر افيدك بهيك سؤال


11_بنظرك ماهي اهم قضايا الشباب التي تعتقدين انها يحب ان تكون مثار للبحث والنقاش؟



برأيي كل مشاكل الشباب لازم تكون مثار للبحث والنقاش ...ولكن اثر مشكلة عم اشوفها منتشرة بين الشباب هالايام هي البطالة...اللي صار الها نتائج سلبية كتير ..يعني منشوف الشباب مصفوفين عالشوارع لا شغلة ولا عملة كل شغلتهم وعملتهم انو يلبسو ويجخو "من دون حتى م يشتغلو " ويعملو اشياء بتأدي لضياعهن وانحرافهن .....



12_يقال ان المظهر لمعان في الخارج وانهيار في الداخل
هل تؤمنين بذلك وهل صادفتي اناس تنطبق عليهم هذه المقولة؟


نعم...كثيرا ما صادفت اناس كذلك...لذلك علينا ان لا نصدر احكاما على اناس غيرنا من الخارج ... دون انا نعاشرهم ونعرف صفاتهن من خبرات وتصرفات رأيناها وسمعناها بأنفسنا
بقولو " من برة هلاّ هلاّ ومن جوا يعلم الله "وانا كتير بقولو لاني بصادف كتير ناس هيك



13يقول فولتير : النزاع الطويل يعني أن كلا الطرفين على خطأ
من خلال خبرتك ومشاركتك بالمنتدى ،
هل مر بك أن أطلت الجدال بموضوع نقاش ،وكيف تتصرفين وقتها ؟؟


اذا بتقصدي انو اذا مر علي موضوع جدال بالمنتدى ...مرّ علي كثير بمنتديات اخرى ...مش بمنتدانا
وكانت الامور بالنسبة لقضايا دينية ..والحكم فيها معروف ...بس من بعد جدل طويل اكتشفت انو الانسان اللي عم اتجادل معو من فرقة اسلامية تانية..وانو هيك عندهن هني يعني مهما جادلتو ولو اقنعتو ...رح يضل يعمل بالشي اللي هو بيعرفو هو وفرقتو
كمان بالحياةو بواجه كتير مواقف بيطول فيها الجدال ..ومرات بيمتد ايام ...لانو بس الواحد يكون مقتنع بشغلة بيحاول قدر الامكان اقناع الغير ..
بس العلقة انو يبتوصل الشخص اللي عم اتجادل معو انو على خطأ ومع هيك بيمتد بالنقاش ..اخر شي بس يزهقو بقولو انسي الموضوع
يعني مش ضروري برأيي انو يكون الطرفين على خطأ..ان مستعدة اطيل النقاش باي موضوع واذا اقتنعت ممكن اغير وجهة نظري ...بس انا استنتجت انو اغلب المرات المناقشة مع ناس مختلفين عنك رح يكون عقيم اغلب الاحيان..خاصة بأمور دينية..هالحكي من تجارب شخصية



14 كنت جالسة على كرسي في حديقة عامه وتساقطت عليك مجموعة من اوراق الخريف تناثرت حولك الا واحدة استقرت بجانبك ونظرت اليها فإذا بعبارة مكتوبه عليها
( اطلقي سراحي ولا تتلاعبي بي بارسالك احاسيس زائفه تتوددين بها معي ومع غيري)
ماذا يعني لك هذا واذا انطبقت عليك هذه العباره هل ستكون قدرك لتغيير حياتك ؟؟


اتوقع ان هالورقة اخطأت الرسالة والعنوان
عذراً


16ماهو السؤال الذي تمنيتي ان تسالي عنه ولم اسألك اياه او احـد الاعضاء غيري ؟؟


لا يوجد اسئلة محددة..اصلا انا لو بيطلعلي ما بدي حدا يسالني ولا سؤال..مش قصدي طبعا بس لاني بس انحطيت بالدولاب كنت غير مهيأة ابدا ولا زلت يعني يا دوب افوت اقرا واطلع
بس ما شالله عنك ما قصرتي فيني يا اختي عاشقة القدس


وآخـر اسأليـه نفسك وجـاووبي عليه ؟؟


ما اكتر شيء نفسك تحققيه على المدى القريب؟؟

حفظ القرآن والذهاب لاداء فريضة الحج مع والدي


17 ردة فعلك اتجاه هذه الاسئلة ؟؟بكل صراحه ؟؟؟


بكل صراحة ...صدمتيني بهيك اسئلة وتعبتيني وشكيتك لبعض الاعضاء
خاصة اني طلبت منكو ما تتعبوني كتير لانو ظروفي ما بتسمحلي بس انت ما راعيتيني ابدا
على العموم بتموني اختي واهلا وسهلا فيكي واذا بدك اسالي بعد خلص تعودنا



شكرا لك اختي وخلينا نشوفك بس مش بدولاب التحقيق:D

[ابنة فلسطين]

السلام عليكم ورحمة الله وبركاته

اهلا فيكي يا بنت القسام

ورح اجاوبك على اسئلتك بسرعة لانو بعد 5 دقايق بدها تقطع الكهربا

اعذريني ...اي شي بدك تساليني اياه ..اساليني اياه بيني وبينك:wink_smil


/ شو هو اكثر كتاب قريب لقلبك :ask:

طبيعي اكثر كتاب قريب على قلبي هو كتاب الله " القران الكريم"

2/مين بتختاري يكون مشرف علي:ask:

والله يا اخت بنت القسام انا لاني متل م بتعرفي مش موجودة كتير بالمنتدى يعني اغلب الاعضاء ما بعرفهن ولا بعرف شو اتجاهاتهن بس رح احاول

*المنتديات الترفيهية

ما في ببالي حدا معيّن

*المنتديات الأدبية

الاخ " طائر الليل الحزين "

*المنتديات الدينية

ما في حدا احسن منك "بنت القسام"

*المنتديات الأسرية

الغالية " رهف "

*المنتديات الثقافية

العزيزة " ميرا "

*المنتديات العامة

الاخ "سامح"

3/ شو الكتاب إلي نفسك يكون بمكتبتك مش موجود

بالنسبة للكتب انا مش من اللي بيحبو انو امسك كتاب واقرأو ..لاني ما الي خلاق طويل ...بفضل قراءة المواضيع والمقالات ..هاي طبعا بالنسبة للمواضيع المقالية والادبية..
أما الكتب اللي عندي بالمكتبة اغلبها كتب علمية ..يعني عن موضوعات علمية...والكتاب اللي كان نفسي فيه انو اضمو للمكتبة عندي انا وابوي مش كتاب بالضبط انما مرجع...عن الادوية ..يعني فيكي تقولي قاموس للادوية بيحكي عن كل دواء موجود وكل المعلومات اللي بيحتويها...طبعا انا لاني عندي ميول طبية بحب هيك اشياء ..بس بفضل الله تعالى قدر ابوي يأمنلي اياه:action-sm
يعني حاليا ما في شي ببالي


اهلا فيكي بنت القسام وخلينا نشوفك دايما

[الروح المغربة]

salaaam for all....shwai shwaiiiiiii:confused: :confused: iiiiiiiiii 3a rfee2ti ya naaaas ....noOOfi nOofi ..its enough ..give her a break you guys...let her read then reply ..coz z electricity in her home is not go'n that good these days...so pleaseee give her a break and im wait'n you
to get done of her so i can start my own turn
take care all of you ...keep it up
:icon34:
my question is : why are you so close to my heart however betdalk zen5a kteeeeeeeeeeeeeeer ???

[ابنة فلسطين]

السلام عليكم ورحمة الله وبركاته

شكرا لك حبيبتي :heart: الروح المغربة لانك عم تدافعي عني

لكن شوي شوي خوفتيهن للاعضاء كل شي بالهداوة بصير.....وهني رح يوعدوني انو ما يسالو كتير

يا جماعة!!!! عم نمزح خدو راحتكو بالاسئلة الكهربا اليوم كانت منيحة يعني احسن من غير ايام بيكفي انها اجت حوالي 8 ساعات:grinning- هاي نعمة..

بس لحقو حالكو قبل يوم الاحد العصر لاني رح ارجع على بيروت....خلي يطلعلكو بالاسئلة نصيب

بالنسبة الك اختي الروح المغربة اللي سالتيني هالسؤال

" ليش انت كتير قريبة على قلبي مع انك زنخة "

يعني انت عم تبيضيها من ناحية وبتخربيها من ناحية تانية

بس بتوقع انو هالسؤال لازم يكون جوابو عندك انت لانك انت اللي حبيتيني بدك تسالي حالك ليش :ask:

يا ستي انا ما حدا عرفني وما حبني ...الكل بحبني حتى لو تقلت دم مرات " واثقة من حالي كتير..صح ؟؟ " ...اذا في حدا عرفني من الموجودين وما حبني يحكيلي ما عندي مشكلة بتقبل الموضوع عادي ..لانو المحبة من الله
يا ستي انا بعتبر محبة الناس الي نعمة الحمد لله

شكرا الك اختي الروح المغربة وابقي اسألينا شي سؤال يكون جوابو عندي مش عندك

وكل عام وانتم بخير جميعا

[الرهوان]

السلام عليكم ورحمة الله وبركاته

طبعا فرصة نستغل الاخت ابنة فلسطين لاطرح عليها سؤالا :

هل تعتبرين ان حياتك كفلسطينية كباقي الاخوة والاخوات وكمثلي في مخيمات فلسطينية فقيرة وباردة وفيها من المشاكل ما تعرفينها هل تعتبرين وبكل صراحة وصدق مع النفس ان هذا امر مقرف وانك تتمني لو ترحلي من المخيم لتسكني في اي مدينة اخرى في لبنان او سواه ؟؟

طبعا بدي صراحة تامة ما بدي اجوبة دبلوماسية عن الصمود والتحدي والاباء ومخيمات العزة عارفين كل هالامور بس بدنا نحكي بالامور الانسانية والمدنية:z058:

تحياتي وكل عام وانت بخير

[ميرا فلسطينية]

السلام عليكم

ابنة فلسطين يا قمرة يا حلوة هلا فيكي

طيب انتي غايبة الك ايام وايام كمان بدك تفقعينا على اكم سؤال:blink:

وينكو كل التهديدات اللي شفتوها انا شفت اضعاف منها من ابنة فلسطين هددتني اذا بسال كتير
او سؤال هيك ولا هيك:icon120:
:z058:

طيب شو بدي اسال :ask:


احكيلنا نكتة حلوة
:grinning- :grinning-


واذا مش جاي على بالك.. احكيلنا نهفة من نهفات الولاد بالصف المعجوق اللي بتدرسي فيه
هدا اللي بلا شبابيك:blink:

سلام وديري باللك عالكهربا هاليومين عشان ما تغيبي عنا:heart:

[ابنة فلسطين]

السلام عليك اخي الرهوان ورحمة الله وبركاته


اهلا بك اخي في الله



هل تعتبرين ان حياتك كفلسطينية كباقي الاخوة والاخوات وكمثلي في مخيمات فلسطينية فقيرة وباردة وفيها من المشاكل ما تعرفينها هل تعتبرين وبكل صراحة وصدق مع النفس ان هذا امر مقرف وانك تتمني لو ترحلي من المخيم لتسكني في اي مدينة اخرى في لبنان او سواه ؟؟



ابدا لا افكر بالرحيل من المخيم الذي اسكنه كي اسكن اي قطر اخر من اقطار لبنان...مع اني جربت السكن بكل مناطق لبنان من اقصى شمالها لاقصى جنوبها...يعني هلا انا ساكنة بمخيم تاني غير مخيمي الاصلي الي ساكنة فيو مع عائلتي ...لكن مشاكلنا الفلسطينية بلبنان وين م رحنا بتضلها نفسها.......اما تقول لي اني افضل السكن بمدينة على السكن بمخيم ......مستحيل افكر هيك تفكير ابدا....ووين م م رحت رح اضل غريبة عن بلدي وعايشة بين ناس ما بدهن ايانا على ارضهن

أما موضوع الفقر والبرود والمشاكل اللي عايشينها بلبنان ...فيعني وين م رحت بلينان رح تواجهني نفس المشاكل كوني انسانة فلسطينية...وما بحملش هوية....بحمل بطاقة تأكيد اني لاجئة فلسطينية..ساعتها اول م يشوفوها معي لهالبطاقة الزرقا يعملو اللي بدهن ايااه من الظلم والاستبداد والاحتقار بحقنا....

وانت هلا عم تحكي عن لبنان ...اكثر بلد برايي مضطهد فيها الشعب الفلسطيني من قبل الشعب " طبعا الا من رحم ربي" ومن قبل الحكومة وهالشي واضح بسلبها اشياء كتير من حقوقنا كانسان ...عشان هيك اخي المرار موجود وين م برمت ...فبفضل اكون بمخيم بقرفو وبين ناسي ... على انو اكون بمدينة موجود فيها ناس بتنظر لاللنا نظرة ...... ...

ما بعرف اخي اذا بكون حكيت شي ما دخلو بسؤالك ...ساعتها بكون فهمت سؤالك خطأ وبطلب منك التوضيح..اما اذا كان هذا اللي بدك اياه كان به

[ابنة فلسطين]

اهلا فيكي ميرا

والله انا شايفة استفردتو فيني مزبوط بهالعطلة ...واستغليتو انو الكهربا جاي اليوم...

يلا بسيطة الله يسامحكو

بس اللي بيسمعكو عم تقولو اني عم اهدد بيفكر اني ماسكة الفرد وبدي اطخكو ..او انكو بين ايدي بفش خلقي فيكو ايمتى م بدي ...حتى بهاي ظالميني

المهم سؤالك طريف وظريف يا ميرا

بس بنفس الوقت ما عم الاقي ولا نهفة لطلابي احكيلك اياها قدام كل الاعضاء ....لانو في الهن نهفات...الله يستر منها ...ببقى بحكيلك اياها بيني وبينك ..بلاش فضايح

يا ستي عندي ولد مقرف كتير بالصف الرابع ابتدائي ..مطلعلي عيوني بقرفو ..

شو بيعمل ...بس يكون عندو امتحان وبتعرفي انت مادة الانكليزي بيكرهوها الطلاب ...بييجي هالولد اللي الله يخليه لامو شو بيعمل ....بيجرح حالو ...او بكون مجهز الجرح من البيت ..بس ياخد ورقة الامتحان بخلي الدم ينزل منو ....شو بيعمل!!!!!بروح مطبعلي ورقة المتحان كلها دم...صفحة صفحة سطر سطر ...عشان اقرف منو وما اصححلو اياها..شي مقرف كتير والله ...

هذا غير الطلاب اللي عندي اللي بيتأثرو كتير باللي بشوفو عالتلفزيون من مسلسلات وافلام وبرامج وبييجو عندي عالصف بيقعدو يحكو لبعض او بيحكولي:z050:

مأساة مهنة التعليم والله

شكرا الك اختي ميرا واذا بدك اسالي اللي بدك اياه بس عالخفيف الله يرضالي عليكي ...وبالنسبة للنهفات التانية ذكريني احكيلك اياها :happy:

سلام

[الرهوان]

ما شاء الله عنك بشهدلك:raheeb:
بس اود لفت نظرك اختي الكريمة حين نتحدث عن الاخطاء التي يرتكبها بحقنا الاخرون ان نتحدث عن الاخطاء التي نرتكبها بحقهم ايضا ودعيني استخدم مصطلح بعد اذنك واسمحي لي فيه
لا تسئل لبنان ماذا قدمت لي اسئل نفسك ماذا قدمت للبنان!!
هذا الشعب شعب طيب بشكله العام وطالما ناصرنا بقضايانا لحكومته وبعض الجهات الحزبية المصلحة في ايذائنا نعم اؤكد هذا ولكن النسبة الاكبر تدعو للتأخي والمحبة واتمنى ان نبدأ نحن بانفسنا في تنظيم انفسنا في جبهة واحدة فما زلنا حتى الان اختي نطلق النار على بعضنا بسبب فتحاوي وحماسي وجهادي
اسف انا خرجت عن الموضوع لك تحياتي ومن حقك عدم التعليق ان اردت ومتابعة اللقاء الشيق
احترامي
بصدق

[عبدالله منصور]

السلام عليكم ..ابنة فلسطين
انا كان بد اسالك كام سؤال كده بس الاخوه والاخوات
عملو الواجب الله يكون بعونك
بس ممكن سؤال بسرعه
من تحبي من الزعماء العرب؟:ask:
افضل شاعر عربي:ask:
اقرب مكان الي قلبك:ask:
بتشجعي نادي ايه :ask:

:Mthanks:

[ميرا فلسطينية]

السلام عليكم

لا تخافي ابنة فلسطين ما في اسئلة جديدة:wilted_ro

عندي بس ملاحظة للاخ الرهوان..تحياتي لك

اخي الكريم نحن بدولاب التحقيق :action-sm وليس في حلبة نقاش سياسي


خاصة مع ابنة فلسطين وهي ما مصدقة وهي تطلع من هالدولاب..
داخت يا حرام :grinning-


يلا هانت حبيبتي ما ضل شي

شدي الهمة معنا:smilieA5:

تحياتي لكم جميعا

[ابنة فلسطين]

السلام عليكم

اهلا بك اخي عبدالله منصور في حلقة استجوابي


وشكرا على هذه الاسئلة الخفيفة

من تحبي من الزعماء العرب؟:ask:
ما في عندي ولا زعيم عربي مفضل عندي


افضل شاعر عربي:ask:
يعني انا ما بقرأ شعر كتير ...بس بتعجبني مرات اشعار محمود درويش

اقرب مكان الي قلبك:ask:
اقرب مكان قصدك يعني اكثر بلد بحبو ولا اكثر مكان بحب اكون وأجلس فيو ؟؟؟

يا سيدي المكان القريب على قلبي جدا ونفسي ازورو هو فلسطين الحبيبة

أما اكثر مكان بحب اكون فيو هو شاطئ البحر

بتشجعي نادي ايه :ask:

انا بشجع النادي اللي بيكون ضد النادي اللي بيحبو وبشجعو رفقاتي ...يعني ما في نادي او فريق محدد...المهم عندي مجاكرة رفقاتي

شكرا لك أخي عبدالله

واهلا وسهلا بك

وكل عام وانت بخير

[Rita]

ســـلام إبنــة فلسطيــــن

كيفـــك يــا جميـــل ؟؟

يعنــي حــابــي أطــرح عليك كــم ســؤال

ولا تقــولــي

:a7tg2:

بــدي أســأل

جهــزي حــالــك


1_ مــاذل تقــول إبنــة فلسطيـــن لكــل مــن :

-رهــف
-ميرا
_هديل
_حافظ سليم
_نور الدين المهاجر
_ريتا
_الروح المغربة
_ابـن العـراق


2_ إذا شي نهار كنت زهقانة وعزمتك رفيقتك المسكينة على كنافة .. بتروحي معها ..ولا بتقللي مروة وبتشكــريهــا ؟؟

3_ الغــربــة عــن أهــلك قــديــش فــادتــك ؟؟

4_أيــن تجــد إبنــة فلسطيــن السعــادة ؟

5_ما هي الصفات التي ترغبين بتواجدها بعريس المستقبل؟

6_لو كانت حماتك قوية .. وحطت حطاتك .. وإنت عاملتيها بإحترام وزي إم إلك .. ورغم هيك ما حلت عنك .. وابنها يلي رح يكون زوجك مش قادر عليها .. شو بيكون موقفك ؟

7_سؤالي الأخير إيمتى بدك تعزميني على بيتزا ؟؟

[ابنة فلسطين]

اهلا يا ريتا
شايفتك بتضربي عالتقيل
طيب بسيطة
الله يسامحك

رح نبداأ

_ مــاذل تقــول إبنــة فلسطيـــن لكــل مــن :
يعني هو ضروري نحكي يا ريتا لو بدي اقولهن شي بقولهن بيني وبينهن لشو كل هدا
-رهــف
السعادة تحيط بك في كل مكان....ابحثي عن هذه السعادة وحاولي ان تنعمي فيها قدر الامكان....ولا تنسي شغلة انو سعادتك من سعادتي ...واقولك اشتقتلك كتير على هالعيد
-ميرا
أحلى ميرا والله ..امنيتي الك ربنا يوفقك بحياتك ويناولك كل شي ببالك....واولهن انك تشوفيني صح؟؟؟ولا في شي تاني من وراي؟
لا تنسيني بكام كلمة من كلامك الحلو يا حلوة :2thmup:
_هديل
انت احلى رفيقة عرفتها ...خاصة انو في كتير اشياء مشتركة بيني وبينك ...قليل م لاقيتها بصاحباتي ...نفسي ازورك واقعد انا واياكي نرغي ونحكي وما نوقف ....ونجاكر بعض عالم:booo2:
_حافظ سليم
الله يعينك يا اخي عم تتعب كتير هالايام ...احسن شي تبعد وتطنش وتريح بالك...بس كمان ضلك حاول ...لعل وعسى....!!!!!
_نور الدين المهاجر

اخي نور الدين...اقدّم دعائي لك بالخير ...والله يسهلها معاك ويهبك نعمة الصبر ويفرجها ان شاء الله ...

و الله يقدرك تقرأ وتبحث كمان وكمان ....ويعينك على اللي بيزعجوك اثناء القراءة :medium-sm
_ريتا

أسعد ما يكون الانسان عندما يكون عقله حكما له في معظم الامور ...لا تجعلي قلبك يحكّم كل تصرفاتك ....وفكري قليلا بعواقب الامور وبما سياتي بعد ذلك ....لانك ان فعلت ذلك سوف تكونين سعيدة
_الروح المغربة
خففي شوي من روشنتك ......وديري بالك علي ببيروت ....وما تزعجيني كتير متل عادتك
_ابـن العـراق
وينك يا اخي ابن العراق ...شكلك تقلان مزبوط عالمنتدى....خلال عطلتي ما شفناك ولا مرة موجود......المنتدى ما بيحلى الا بوجودك وبمشاركاتك

_ إذا شي نهار كنت زهقانة وعزمتك رفيقتك المسكينة على كنافة .. بتروحي معها ..ولا بتقللي مروة وبتشكــريهــا ؟؟

يعني يا ريتا فهمت شو قصدك....بتعرفيني انا مش قصة ما فيني مروة ولا ما الي خلاق اطلع ...بس انا ما بحب الطلعة من البيت كتير ....يعني للشي الضروري بس ...خاصة للمحلات اللي بتعزميني عليها ...لانها بعيدة شوية وما بحب اروح عليها كتير.....بس اذا حابة تعزميني هلا ما عندي مانع بس جيبي الكنافة عندك عالبيت



_ الغــربــة عــن أهــلك قــديــش فــادتــك ؟؟



هي الغربة على اللي فادتني فادتني كتير....يعني تعلمنا نكون شوي مستقلين ونتحمل مسؤوليات كبيرة....وكمن تعلمنا كيف نكون اد حالنا ...خاصة انو بنت تتغرب شوي صعبة....وما مينم كان بيكون قدها ..الحمد لله

واهم شي من الغربة تعلمت كيف اروح اشتري خضروات وفواكه ...واحمل قنينة غاز واهتك بفاتورة الكهربا والمي ...وعدّي ومدّي ......


ادعولي يا جماعة ربنا يساعدني وانقل على مدرسة قريبة على اهلي بلا قرف بيروت والجامعة ....

5_ما هي الصفات التي ترغبين بتواجدها بعريس المستقبل؟

يعني يا ريتا كيف لو انك ما بتعرفيني .....يا ستي اهم شي عندي انا انو يكون انسان ملتزم بيخاف رب العالمين بكل شي ...طبعا مش بقول بدي واحد شيخ مربي لحية ومش عارفة شو...لانو هاي مرات بتكون شكليات......

-وكمان اهم شي عندي الحنية.....يعني يكون انسان حنون ....يعني هالشي بينعرف اذا كان حنون على اهلو او لا ....

-متعلّم او مش متعلم :confused- ....طبعا ما في مشكلة لانو مش كل اللي متعلمين بيفهمو....بس كمان التفضيل الاكتر للمتعلمين......

خلص بيكفي ....لانو هو انا نفس بفكرش بهيك اشياء ...اول مرة تخليني افكر :biggrin2:


_لو كانت حماتك قوية .. وحطت حطاتك .. وإنت عاملتيها بإحترام وزي إم إلك .. ورغم هيك ما حلت عنك .. وابنها يلي رح يكون زوجك مش قادر عليها .. شو بيكون موقفك ؟



شو بدي اساوي ....ساعتها بكون نصيبي هيك....بدي اتحملها....لاني انا من النوع المسالم كتير لدرجة كبيرة ......بحاول اعرف شو سبب كرهها لالي او تصرفاتها معي ...ساعتها بصير اعذرلها عشان ما اكرهها ....وربنا يسامحها اذا كانت هيك...بعدين متل م بتقول هبة رفيقتي ...المهم هو شو بدي فيها هي " اول مرة اقولها الله وكيلكو"


7_سؤالي الأخير إيمتى بدك تعزميني على بيتزا ؟؟

شو ايمتى هاي ...بس يبيض الديك ولا يهمك تكرمي رح اعزمك.....بس بفكر بالموضوع اذا بعزمك قبل هيك......كم ريتا عنا نحنا


ولو يا ريتا تكرمي ايمتى م بدك ...متعارف علينا اهل صفوري اهل الكرم...


شكرا لك ريتا واهلا فيكي ....

بس بلاها هالاسئلة ...بتعرفيني انا بخجل كيتر

[أبوحاتم]

:raheeb:
بصراحة الموضوع أعجبني

وان جاهز للاستجواب اذا بتريدوا


©§¤°يسلموو°¤§©¤ــ¤©§¤°حلوو°¤§©
©§¤°يسلموو°¤§©¤ـــــــــــ¤©§¤°حلوو°¤§©
©§¤°يسلموو°¤§©¤ـــــــــــــــــــــ¤©§¤°حلوووو°¤§ ©
©§¤°يسلموو°¤§©¤ـــــــــــــــــــــــــــــــــ¤© §¤°حلوووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــ ¤©§¤°حلوووو°¤§©
©§¤°يسلموو°¤§©¤ـــــــــــــــــــــــــــــــــــ ـــــــــــــــــــــ¤©§¤°حلوووو°¤§©
©§¤°يسلموو°¤§©¤ـــــــــــــــــــــــــــــــــــ ـــــــــــــــــــــــــــــــــ¤©§¤°حلوووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــــــ ـــــــــــــــــــــــــــــــــ¤©§¤°حلوووو°¤§©
©§¤°يسلموو°¤§©¤ـــــــــــــــــــــــــــــــــــ ـــــــــــــــــــــ¤©§¤°حلوووو°¤§©
©§¤°يسلموو°¤§©¤ـــــــــــــــــــــــــــــــــــ ــــــــ ¤©§¤°حلوووو°¤§©
©§¤°يسلموو°¤§©¤ـــــــــــــــــــــــــــــــــ¤© §¤°حلوووو°¤§©
©§¤°يسلموو°¤§©¤ـــــــــــــــــــــ¤©§¤°حلوووو°¤§ ©
©§¤°يسلموو°¤§©¤ـــــــــــــ¤©§¤°حلوو°¤§©
©§¤°يسلموو°¤§©¤ــ¤©§¤°حلوو°¤§©
مشكوووووووووووووووووووووور
مشكوووووووووووووووور
مشكوووووووووور

[Sameh]

ابو حاتم ، رح تندم يا جميل
وابنة فلسطين ،،، انا شايف انه في تساهل معك في التحقيق
وبعدين شو سؤالين سؤالين سؤالين
ههههههههههههههههههه
1. مين تحبي يكون بعدك مباشرة في دولاب التحقيق
2. مين العضو اللي حاسيته موقف معك وشاعر معك في التحقيق يعني متساهل معك
3. مين العضو اللي شمتان يا حرام وما صدق
4. مين العضو اللي حابة انه يسألك ويحقق معك
5. على فرض انك معلمة في مدرسة ، واحد الطلاب كان يتمرد في الحصة ، شو اسلوب التوجيه تبعك والا تتبعي اسلوب الضرب .
6. من هو الجاهل بنظرك هذه الايام
7. ثورة الخلويات ، من المؤيدين ام المعارضين
8. حسب رأيك ، هل المثقف يقتصر على المتعلم

[ابنة فلسطين]

اهلا بك يا اخ سامح

يعني انا كنت ناوية خلصما اجاوب وعلى على سؤال

لاني هلكت بالاسئلة هاليومين

بس يلاما رح نفشلك وامرنا لالله

1. مين تحبي يكون بعدك مباشرة في دولاب التحقيق

ريتا


2. مين العضو اللي حاسيته موقف معك وشاعر معك في التحقيق يعني متساهل معك

كل الاعضاء الا انت وريتا

3. مين العضو اللي شمتان يا حرام وما صدق

انت وريتا

4. مين العضو اللي حابة انه يسألك ويحقق معك

لا احد خلص سكرنا اليوم انا مش موجودة

5. على فرض انك معلمة في مدرسة ، واحد الطلاب كان يتمرد في الحصة ، شو اسلوب التوجيه تبعك والا تتبعي اسلوب الضرب .


اول شي يا اخ سامح انا معلمة :z050: مش شايف كيف عيوني طلعت...من دون م افترض
طبعا اخي سامح اسلوب الضرب هو اخر الاساليب اللي لازم يعتمدها المعلم في معاقبة تلاميذو.....هذا اذا مش لازم يستغني عنو ابدا....وهالشي بكون كمان حسب السبب اللي بدك تعاقبو كرمالو
بس يعمل شي غلط ..الاستاذ بدو يكون صاحب بديها وبعرف بالاساليب اللي يستخدمها مع كل موقف بيواجهو...
واذا بدك اقولك كيف بحطلك اياها موضوع بالمنتدى التعليمي عن اساليب الثواب والعقاب


6. من هو الجاهل بنظرك هذه الايام

لا يمكن حصر صفات الانسان الجاهل او نحدد مين هو الانسان الجاهل ...لانو الجهلاء كتار هالايام...
ولكن اكثر انواع الجاهلين كرها على قلبي هو الانسان اللي بيعمل عمل ومش عارف شو هو هالعمل او ليش عملو او ما وراء هالعمل...ومع هيك يقتنع كل الاقتناع انو عملو صحيح من دون اي مناقشة...ولو اجيت تجادلو او تحكي معاه بتطلع انت اللي م بتفهمش


7. ثورة الخلويات ، من المؤيدين ام المعارضين

انا لا مؤيدة ولا معترضة على هالشي ...في ناس بتستخدمو لقضاء حاجاتها وفي ناس بتستخدمو للمسخرة والمشاكل....والله يجيرنا

8. حسب رأيك ، هل المثقف يقتصر على المتعلم

طبعا لا ..مش دايما...مش ضروري انو يكون كل متعلم مثقف...وانا مر علي كتير حالات هيك ...يعني ما شالله عنو متعلم ومعو الشهادات الفلانية بس اسالو اي سؤال من برة علمو ولا دخلو ...
وياما في ناس مش متعلمة...وبتكون ثقافتها احسن مني ومنك ومن مليون انسان متعلم...
مش قاعدة هاي انو كل انسان متعلم يكون مثقف او العكس


اهلا بك اخي سامح....بس ما تعيدها مش كل يوم العيد:grinning- :grinning- ...عم نمزح


ويلا يا ريتا ريحينا وطلعي الحكم

مع انو مش فارقة عندي طلعت براءة ولا لا:blink:



سلامي للجميع وكل عام وانت بخير

[Sameh]

ما بعرف عن رأي ريتا بالموضوع
علما عندي اقتراح
انه نمدد التحقيق كمان يومين
بس يومين

[ابنة فلسطين]

السلام عليكم

شايفة يا اخ سامح انت ناويلي

وبدك تحقق معي اكتر

على العموم ما عندي مانع اذا مددتو التحقيق كمان يومين او تلاتة او اريعة

مش فرقانة عندي:z050:

لاني مش هون:raheeb:

رح تسالوا وما رح تلاقو جواب

تحياتي لك يا اخ سامح:smilieA5:

[Sameh]

http://www.asmilies.com/smiliespic/People/007.GIF (http://www.asmilies.com)
انت مش عارفة شو جزاء اللي يخالف التعليمات
هههههههههههههههه
يالله خليها مفاجأة
مع تحياتي

[RaHaF]

http://www.3e6r.net/data/media/19/Ary-BrightBlue-Thanks.jpg

السلام عليكم ورحمة الله وبركاته

غاليتي ابنة فلسطين

يعطيكي العافيه

بجد بجد

:Mthanks:

على طولة بالك وهدوء وروعة

ردودك


سلمتي يا غالية

[Rita]

الحكـــم يلــي رح تنفـــذه ابنـــة فلسطيــــن

:beathim:

بــايــدي رح نفــذه

هــدي حـــالــك يــا ســـامـــح

رفيقتـــي

:icon27:

بــس أنـــا بســوي فيهـــا

:beathim:

منـــورة يـــا بطـــة

[المهاجر]

والله يا جماعة انا شايف انو الأسئلة بتهل هل على الاخت ابنة فلسطين
وما حد راحمها لذلك انا راح اتضامن معها شوي وراح اسألها بس سؤال واحد :b&th:

خبرينا بهيك موقف طريف مر في حياتك :MThinking ... بس يكون طريف مش اي كلام

خلص بيكفي هالسؤال

وتحياتي لكي

[اخر دموع الحب]

مسا الخير ابنه فلسطين الصحيح الله يعينك وبحكيلك الكوماندوز وصل اي حد حابه تطخي احنا جاهزين ..بس ماشالله انت مجاوبه عليهم كلهم ..و يا جماعه يعني حبه حبه... ولا نحكي الله لا يوكلكم علي يتامي.......تحياتي

[ميرا فلسطينية]

اخي محراب الحب
ابنة فلسطين طلبت مساعدة في لعبة "الفقهاء والاسير" في منتدى الحوار الاسلامي

وليس هنا..
فدولاب التحقيق اتسكر من زمان وهي طلعت براءة

ههههههههه

مشكور عالكوماندوز وقولهم يغيرو المعلومات ويبحثوا عن شاب اسمو ابو حاتم

لانه هو هلا محجوز بالدولاب