مجدولين جـبريل ،،قيد التحقيق

[أبو يوسف]

قالوا... تكلموا لساعات
نسجوا الحكايات
نشروا الإشاعات
طالبوا بالسجن ،،، و الويلات
نشط الأمن ،،، و أجريت تحريات
أعلنت حالة الطوارئ ،،، و خلت الطرقات
و أصبحت مدار الحديث ،،، في كل الجلسات
و لم يعد مهماً ما يقال عن تكبيل الحريات
فلابد من اعتقال ،،، لتوضيح المبهمات
فجيء بها ، لتقضي في المعتقل ، أياماً و ليلات
و لتقف أمامكم ،،،، تتلقى أسئلة و استفسارات
فألقوا إليها ما لديكم من الغازٍ أو متاهات

http://img408.imageshack.us/img408/4928/98531563jk5lc3xj3.gif

بعد توقف طوعي لدولاب التحقيق نعود إليكم بنشاط قبل العيد و بعده و تشاركنا أخت ثارت حولها الكثير من الأسئلة و علامات الاستفهام و حتى الاتهامات...

http://img408.imageshack.us/img408/4928/98531563jk5lc3xj3.gif

مجدولين جبريل

http://img408.imageshack.us/img408/4928/98531563jk5lc3xj3.gif

تمثل أمامكم لتتلقى أسئلتكم و تجيب عليها ثم ليصدر حكم اللجنة الخاصة التي تشكلت للحكم في قضيتها و المكونة من :
طائر الليل الحزين
ابنة فلسطين
جارة الأقصى

http://img408.imageshack.us/img408/4928/98531563jk5lc3xj3.gif

و سيستمر الاستجواب ثلاثة أسابيع ، أي حتى نهاية يوم 24 -12 -2008 و ستـتاح لكم الفرصة بعد ذلك للتعقيب على مجرى التحقيق و ردود المتهمة ، لمدة ثلاثة أيام ، يصدر بعدها الحكم في هذه القضية.
لتبدأ أسئلتكم بعد رد المتهم على السؤال الذي سنختم به لائحة الاتهام ..


http://img408.imageshack.us/img408/4928/98531563jk5lc3xj3.gif

[أبو يوسف]

تقفين مندهشة ، و ربما مذهولة

ما الذي أتي بي إلى هنا

كيف تنتهي رحلاتي بين هذه الجدران

و قد جبت العالم الرحب كما يطوف طفل أرجاء حديقته المنزلية

نقلت أخبار الوردات

و شربت قهوتي مع العصافير في الصباحات

و إذا ما جاء المساء ،،، عزفت بكلماتي أجمل لحن تتناقله النسمات

و في الليل أقيم مملكة الحرف ، و أمارس طقوس الكلمات

و بعد هذا أقف هنا

لأواجه اتهامات !!!!
http://img408.imageshack.us/img408/4928/98531563jk5lc3xj3.gif
سيدتي ،، كل ما دار بخلدك ... حقائق مثبتات

و كل من صادقتهم ، وجهوا لك اتهامات

و طالبوا بنفيك و سجنك سنوات

فالورد يشكو أنامل قطفته و أبعدته عن الشوكات

و العصافير تندب يوما هجرتِها ، و صادقتِ الكلمات

و القمر يشجب إفشاءك أسراره و الحكايات

حتى فنجان قهوتك يتساءل : أما عادت تطيب لك مني الرشفات ؟

و نسمات الليل تدعو عليكِ و على من ابتكر المنتديات.

و بشراً مثلك ، ينظمون المظاهرات

لديهم أسئلة و ملاحظات

يبغون معرفة و اكتشافات

فقد صعد نجمكِ و ارتقيتِ درجات

يريدونك هنا لتواجهي الاتهامات

و تقضي في سجنك أياما وليلات

بعيدة عن قلمك و اللوحات !

فهل
تستسلمين و تسقط الرايات
أم
يكون لك ما يغير الأوضاع ،،، بقول و كلمات

http://img408.imageshack.us/img408/4928/98531563jk5lc3xj3.gif
بحضورك نبدأ أولى الجلسات

فلتقفي ،،،، مقسمة بصدق الكلمات

و لتعلني على كل الشاشات

كل ما تحويه بطاقتك من بيانات
ثم ... فلتقدمي لكل الأسئلة

إجابات

http://img408.imageshack.us/img408/4928/98531563jk5lc3xj3.gif
و في ختام كلماتي ،،، أقدم لك كلمات

كوني أنت و ابتعدي عن الانفعالات

فكل ما ستقولينه ستحفظه السجلات

نحن نحقق العدل و نرفض الظلم و الظلمات

و إن وجهنا لك اليوم تهمة
فقد نتقدم غداً ،، بالتهنئات

http://img408.imageshack.us/img408/4928/98531563jk5lc3xj3.gif

[مجدولين جبريل]

مساء الخير...
هذا الصباح شددت رحالي للمسجد الأقصى..
اليوم قررت التوجه لرب العباد والصلاة له وحده... والدعاء للجميع...
دعوته من أجل أحبتي... ورجوته أن يبعد شر كارهيني... وكارهيهم..
وتمنيت الخير للجميع...
بكيت بحرقة... خشوعا... ورهبة... وفي نفس الوقت حزنا ولوعة وتحسرا على من حرموا رؤية هذا البهاء وهذا الصفاء... وحرموا من الشعور الذي شعرته.. صليت وجلست بالساحة أتلفت حولي.. وأمسح دموعي... التي بدأ النسيم البارد بتجفيفها..

وشددت الرحال مرة أخرى لعملي...
وأول ما فتحت بريدي الالكتروني.. ومن ثم انتقلت وبسرعة إلى ملتقاي العزيز ملتقى العبادلة لأجد هذا الاتهام... الذ والله وأحب إلى قلبي من العسل...
كلمات جعلتني لا أستطيع الكلام... رقيقة وجميلة وتفرح القلب...
وها أنتم تستضيفونني في سجنكم الجميل...
ستشتاق لي طيوري وزهوري... وطرقاتي الجميلة المسكونة دائما وأبدا يالذكريات...
سأشتاق لها وهي من اتهمتني وطلبت وضعي لديكم...
سأشتاق لفنجان قهوتي المرمري الأبيض...
وسأشتاق لقطط الحارة التي تتقافز فرحا كلما أطعمتها وسقيتها...
بطاقتي الشخصية:more30::
الاسم: مجدولين جبريل
تاريخ الميلاد: 27/04/1977
البلد: بيت صفافا - القدس - فلسطين
الطول: بوصل للرفوف العالية بسهولة :)
الوزن: الحمد لله تمام
الهوايات: الأكل (طبيخ ونفيخ وأكيد تذوق)، الرسم بقلم الرصاص، التطريز، وكتابة القصص والخواطر، والقراءة أكيد، وأخيرا لعب كرة السلة كنت في فريق المدرسة والجامعة وهله بلعب بالمناسبات.
التحصيل العلمي:
BA صحاففة وعلوم سياسية
MA دراسات دولية
من جامعة بيرزيت
لوني المفضل: أكيد البنفسجي
طعامي المفضل: المعكرونة بكل أنواعها
من أنا؟؟؟
وماذا أكون؟؟؟
أنا ابنة هذا الوطن...
ولدت في صباح ربيعي في آخر نيسان... وبعد حرب الأيام الستة وبعد زمن النكسة بعشرة أعوام...
وكنت البكر لأبي وأمي... ولدت فوق الأرض المقدسة... ولدت في مدينة القدس الجميلة...
ولكني عشت النصف الأول من حياتي على ضفاف الخليج العربي بداية في مدينة رأس الخيمة... ونهاية في مدينة الكويت...

وعدت لبلادي الجميلة بعد حرب الخليج الثانية... وتعلمت في مدرسة قريتنا بيت صفافا التي تختنق بأسنة رماح مستعمراتهم... حتى أنهيت الثانوية العامة...
هنا بدأت مرحلة جديدة من حياتي فلقد انتقلت للعيش في مدينة رام الله وعاصرت كل تحولاتها منذ إعلان السلطة... مرورا بالاجتياحات... ونهاية بتوديع الختيار... خلال مكوثي في مدينة رام الله حصلت على درجتي الجامعية الأولى... ودرجتي الجامعية الثانية من جامعة بيرزيت... فقد أنهيت درجة البكلوريوس في الصحافة المكتوبة والعلوم السياسية، ودرجة الماجستير في الدراسات الدولية.

وأول ما عركت الحياة العملية اشتغلت 3 أشهر مع وكالة الانباء الفلسطينية... ومن ثم وجدت نفسي في الاحصاء الفلسطيني وللآن أنا هنا رئيسة لقسم خدمات الجمهور... ولكن مكتبي وبشهادة جميع زواره... لا يمت بصلة لأي مؤسسة رسمية... هو كمعرض فني مليء بالزهور الحقيقية والمجففة الشموع والبخور ولوحاتي التي أرسمها بقلم الرصاص....
لقد خلقت عالما موازيا أستطيع فيه احتمال كل ما يجري حولي... فنحن الفلسطينيين... نحتاج لما ينتشلنا من الحياة اللاحقيقية التي نعيشها....

أنا أقرأ كل ما ينزل تحت يدي... كل شيء.. ومنذ نعومة أظافري وقبال أن أعرف ما تعني هذه الحروف... أنا أقرأ ...كان عمي الأصغر يشتري الكتب والمجلات من بغداد... ويحضرها لمجدولين... مجدولين تفرح بالصور.. وتكبر لتفهم الكلام والفكر...
وكنت أكتب لمدة طويلة... ولم يقرأ أحد ما أكتب... كنت أكتب لنفسي وفجأة وبلا انذار يتحول موضوع إنشائي كتبته في الصف العاشر لقصة قصيرة تتوج صفحة إحدى المجلات المقدسية والفضل يعود لأستاذ اللغة العربية...
بعدها لم أتوقف... أكتب وكل من حولي يقرأ...
أكتب وأفرغ كل ما في عقلي وفكري وكل ما يطرأ...

وكلما سافرت لبلد أو مدينة غريبة... وقبل أن أعود لفلسطين الحبيبة لابد أن يكون في جعبتي كتاب جديد... وحكايا كثيرة لا بد أن تكتب...

هذه أنا زهرتكم البنفسجية.. عاشقة البنفسج...
مستعدة لأسئلتكم... فالبيت بيتكم... وأنا ضيفتكم...:more19:

[ابنة فلسطين]

السلام عليكم ورحمة الله وبركاته

يا هلا اختي مجدولين جبريل

منورة الدولاب والله

والشكر للأخ طائر الليل الحزين على هذا المحضر الجميل

يلا شدي الهمة أختي مجدولين...وما تخلي هالاتهامات " الغريبة " واللي بترفع الراس تضعف عزيمتك

بدنا اياكي بالتميز اللي عرفناكي فيو

وسأسألك سؤال واحد هلا...ولكن لي عودة طبعا بمجموعة من الأسئلة

نثرت ردودك في كل أنحاء المنتدى...وقرأت مواضيع قديمة صارت تعتبر من أرشيف المنتدى...ما الشيء الأكثر الذي أعجبك..وما الشيئ الذي لم ينل اعجابك أكان في الملتقى كله او مواضيع او ردود او قوانين...اي شيئ...؟؟؟

[مجدولين جبريل]

مساؤك عطر أختي ابنة فلسطين...
من ناحية انها اتهامات رائعة فهي رائعة وبترفع الراس...
أكثر ما أعجبني في الملتقى هو تنوع المواضيع التي تناقش وتطرح فيه... ويعجبني أيضا الكم الهائل من الأعضاء المثقفين... وصاحبي الموهبة والابداع... لمدة طويلة لم أجد من أناقشه، أو أتبارى معه في الأدب والمعلومات، لقد أزحتم الغبار الذي بدأ يتكون على خلايا مخي بسبب مشاغل الحياة وروتينها الممل، وفيما يخص القوانين.. لا غبار عليها بالعكس لو أن كل الملتقيات الأخرى تتبعها... أما الذي لم يعجبني هو أن بعض الأعضاء يدخلون على مواضيع يكون النقاش فيها محتدم... وتجده ترك كلمتين مثل شكرا لكم.. أو ما هذا الموضوع الرائع، وهكذا بدل أن يشارك في النقاش، كأنه فقط مر ليسجل مشاركة... وأيضا وجدت مواضيع رائعة ومفيدة لم يعلق عليها أحد أو لم تناقش هذا هو لاغير...
وكل شيء آخر مفرح وممتع ويعود علي بالفائدة :):more19:

[RaHaF]

بسم الله الرحمن الرحيم

بعد التحية ... والسلام ...

زهرة بنفسجية .. رهـــــن الاعتقال ..

هالشي كتير وحرام .. ولكن المدة قصيرة والحمدلله
وعسى الله ان يفك اسرك عزيزتي

... مجدولين ...

يقولون واثق الخطوة يمشي ملكاً .... هل وصلت الى هذا الحد

هل انتِ مغرورة ؟؟

هل انتِ غيورة ؟؟

هل تقفين عاجزة عند حد معين ؟؟ أم تختاري المحاولة ؟؟

ماذا تعني لكِ دمعة طفل تعجزين عن استبدالها ببسمة ؟؟

ماذا تقولين في دمعة تنزل على خدك بلا سبب ؟؟

الأم مدرســـة
ماذا تعلمت من هذه المدرسة
واكثر شيء احببته منها

أخيــــــــراً

ورقة صغيرة وقلم رصاص .. ماذا سترسمين
ولمن ستهدين


وشكــــــــراً

[مجدولين جبريل]

عزيزتي رهف....
واثق الخطوة يمشي ملكا..
الثقة بالنفس شيئ مطلوب ولكن الغرور ليس في الحسبان...
ربما يخالجني شعور بسيط في بعض الأحيان بأنني الأفضل وبأني قادرة على ادارة بعض المواضيع بطريقة افضل ممن حولي...
ولكني أعود وأذكر نفسي بأنني بشر ومهما حاولت لن أكون كاملة فالكمال لله :)

غيورة...
قليلا فمن لا يكون غيورا يكون ميت القلب... وأنا لا أريد موت القلب.. فأنا إن احببت شخصا سواء كان شابا أو فتاة... أحب أن أكون محور الاهتمام... وربما أحس ببعض الضيق ان فقدت قليلا من تركيزهم معي... ولكني لا أراجعهم بذلك خوف من أن أسبب مشكلة معهم فأنا مدركة بأنني لست الإنسانة الوحيدة على الكرة الأرضية...
أما تلك الغيرة المجنونة التي تسبب المشاكل... وتخرب البيوت... لا والعياذ بالله ولكني وبشكل عام عندما أحب شيئا ما أو شخصا ما أعتبر نفسي مسؤول بشكل شخصي عن راحته وأصاب بضيق كبير ان اختفى عن عيني ولم أستطع معرفة أخباره لسبب ما... خصوصا الحيوانات الأليفة واسألوا أسامه (هو بشبه الهمستر بس حجمه كبير يعني قد الأرنب الصغير أجا هدية لأخوي وطبعا أنا حنيت عليه وصرت أدير بالي عليه لأنه أخوي لا حس ولا خبر) بروح من الشغل أول شي بروح على القفص... بتمم عليه وبسأل امي طعمتوه اليوم...
مرات بخاف إنه أخنق اللي بحبهم بقلقي وحبي الزايد بس ما اعتقد انه هاي غيرة؟؟؟؟
ولا شو رأيك؟؟؟ شكلي طلعت عن الموضوع :more30:
هل أقف عاجزة أم أستمر بالمحاولة؟؟؟
أنا أحب أن أحقق النجاح في جميع الأمور.... ولكني مع الزمن وصلت لقناعة بأنني لست سوبر مان... وبأني سأقف عاجزة في لحظات كثيرة.... ولن أستطيع عمل أي شيء....
فهناك قضايا وأمنيات.... يكون من الصعب العمل على انهائها أو تحقيقها.... مهما حاولنا.... لأن تيار الحياة والنصيب سيكون أقوى منا.... ولكني أصر على المحاولة لأقصى ما أقدر... ولكني عندما اصل للحد الذي لا أستطيع فيه أن أعطي أكثر أتوقف وأعلن باني إنسان وهذا حدي لا أكثر.

عدم قدرتي على تحويل دمعة الطفل لابتسامة؟؟؟
تعني لي الموت... فهذه أحد الأمور التي تجعلني عاجزة.... فأنا اخاف من أن اسبب الحزن والالم لأي كان... لدرجة إني عندما أغضب أي انسان وخاصة إذا كان عزيز على قلبي، حتى لو لم أكن مخطئة... لا استطيع النوم وأنا أعلم بأنه متألم أو حزين أو غاضب.... وتجدني أحاول بكل جهدي أن أعيد المياه لمجاريها...
فكيف بطفل صغير يبكي ولا استطيع أن أفعل معه شيء... على كل أنا الصغار بضحكو بوجهي لله في لله... فيعني بجوز تكون صعبة شوي.. إنه تضل دمعة وما تتحول لابتسامة...

دمعة بلا سبب؟؟؟
لا يمكن!!! كل الدموع تنزل بأسبابها...
أكيد تعلمين بأننا طوال الوقت نبحث عن أي مبرر لنسمح لدموعنا بالتساقط... رغم أننا نملك العديد من المبررات... سواء على الصعيد الشخصي أو على الصعيد العائلي أو الوطني....
فلن يكون هناك دمع بلاسبب.. وفيما يخصني أنا أملك مخزونا لا ينضب من الدموع.... ممكن لأي شيء أن يحركني ويجعل دموعي تتساقط.. فرحا، وحزنا، قهرا، وغضباً.... وطبعا دموعي هي سلاحي عندما أقف عاجزة أمام أي شيء... وربما لا أكون عاجزة ولا يخونني التعبير... لكن دموعي تسبقني وتسبق كلماتي...
وأنا لا أخجل من دموعي أبدا فهي راحتي عندما لاأجد منفس... رغم إني تمنيت كثيرا أن لا أبكي طوال الوقت... لكن هذه أنا وهذه حياتي.... وهذا مشروبي دموع مالحة :)

أمي....
الله يمسيها بالخير....
تعلمت منها الكثير....ولكن أهم شيء تعلمته هو الجد والاجتهاد.... والتفاني وبأن كل الأمور في الدنيا أمانة بأعناقنا لابد من أن نهتم بها بشكل كبير...
أكثر شي بحبه في أمي.... إنه رغم كل جنوني وعصبيتي... وكلامي اللي زي الدبش مرات... إنه كلمة حلوة مني وبوسة ايد... بترجع زي العسل الله يخليها إمي ويخلي أمهاتكم جميعاً:more19:
ورقة صغيرة وقلم رصاص....
سأرسم أرض فلسطين، بلا حدود ولا معابر ولا حواجز... ولا جدار.... ولا منافي...
وأهديها لجميع الفلسطينيين...
يلا بلكي عرفنا نزور الحبايب ونرجع القرايب على الوطن بلكي....
فكرك الرسمة سحرية.... وراح تتحقق؟؟؟؟


يسعد مساك ولا هو هله تصبحي على خير :)

[جارة الأقصى]

مجدولين السلام عليكم
بما انني من لجنة التحقيق فسامحيني فلن استخدم اسلوب الدوبلوماسية
ولا المجاملة معك ولانك ابنة قريتي فسوف احاول ان اكون حيادية لابعد الحدود
حتى لا اتهم بالانحياز:)
اهلا وسهلا بك في الدولاب
مع تمنياتي لك بقضاء وقت ممتع معنا وبدون (صراصير وسحالي وفئران):)
لن اثقل عليك بالاسئلة اليوم واكيد لي عودة مرة اخرى لاستكمال الاستجواب:

السؤال الأول من هو مثلك الاعلى في الحياة
-السؤال الثاني :اذكري خمس صفات في شخصيتك(سلبية وايجابية)
السؤال الثالث:الى اين وصلت ولاين تنوين الوصول في هذه الحياة
السؤال الرابع:معك وردة وبندقية لمن تعطي الوردة وعلى من تطلقين النار
السؤال الخامس:عندما تكتبين من اول شخص تحبي ان تقرئيه ما كتبتي

شكرا لك ايها البنفسجة

[مجدولين جبريل]

مساء الخير عزيزتي جارة الأقصى.. أعلم بأنك ستكونين موضوعية... وستأخذين جانب الحياد معي... ولكن لا تخافي فتهمتي تهمة لذيذة وافتخر بها وما زلت أشكر أبو يوسف لهذه اللحظة على لائحة الاتهام... الله يمسيك بالخير أبو يوسف :)

السؤال الأول من هو مثلك الاعلى في الحياة
بلا منازع أمي، فهي من اصبو لأن أكون مثالية من أجلها.. واحس بأن كل ما أنجزه في حياتي أنجزه من أجل أن تعجب به :)

-السؤال الثاني :اذكري خمس صفات في شخصيتك(سلبية وايجابية)
صفات سلبية:
1. عصبية
2. عنيدة بعض الأحيان
3. سريعة التأثر
4. مسرفة بعض الشيء
5. أحكم العاطفة قبل العقل.

صفات اجابية:
1. متسامحة
2. عطوفة
3. قلبي كبير
4.كريمة (زيادة عن اللزوم )
5. ما بحب أزعل حد ولا حد يزعل مني

السؤال الثالث:الى اين وصلت ولاين تنوين الوصول في هذه الحياة
وصلت للمكان الذي قدره لي ربي... وساصل حيث ما كتب ربي
السؤال الرابع:معك وردة وبندقية لمن تعطي الوردة وعلى من تطلقين النار
وردتي سأزرعها وستصبح بستان.. واهدي جميع أحبتي وردة، أما البندقية... فليس هناك من اريد ان اطلق عليه النار مهما كان
السؤال الخامس:عندما تكتبين من اول شخص تحبي ان تقرئيه ما كتبتي

في الماضي كان استاذ اللغة العربية في المدرسة... والآن ليس هناك احد محدد أنا أكتب وأرسل ما أكتب عبر البريد الالكتروني لكل اقاربي.. واصدقائي.. او أنشره على الصفحة مباشرة... (يا عمي الثقة ):more30:

[عبدالله العبادله]

الاخت مجدولين
واضح انك واثقة من نفسك جدا واجاباتك تدل على ذلك وبالتالى فترة اعتقالك حتكون لذيذة وانشالله تنتهى على خير

انت أنهيت درجة البكلوريوس في الصحافة المكتوبة والعلوم السياسية، ودرجة الماجستير في الدراسات الدولية. وواضح من مواضيعك وردروك فى المنتدى انك تمتلكين موهبة جيدة فى الكتابة وقدرة على التفاعل مع شتى المواضيع بل واثرائها....
وهذا يجعلنى اتسائل ....
اليس غريبا اننا لا نقرا لك مواضيع وكتابات فى المنتدى السياسي خصوصا انه جزء من تخصصك الدراسى ؟.....
كتبت فى مجمل ردك على الاخت ابنة فلسطين...
أما الذي لم يعجبني هو أن بعض الأعضاء يدخلون على مواضيع يكون النقاش فيها محتدم... وتجده ترك كلمتين مثل شكرا لكم.. أو ما هذا الموضوع الرائع، وهكذا بدل أن يشارك في النقاش، كأنه فقط مر ليسجل...
مالذى تقترحينه لوقف هذه الظاهرة ؟ وما هو الحل الامثل لتفعيل هؤلاء الاعضاء مع المواضيع المطروحة فى المنتدى ؟
اخيرا ...
لو سمح لك الخيار فمن تضعين بعدك بالدولاب ؟
وانشاءالله لى عودة ثانية واتمنى عندها ان تكونى خاج قفص الاتهام
ودمت بحفظ الرحمن

[مجدولين جبريل]

أخي عبد الله ... سلام الله عليك ورحمته...
والحمد لله على كل شيئ :)
الثقة نابعة من الرضا... فأنا رغم أنني وككل البشر أصل لمرحلة أتعجب فيها من حالي وأتالم لبعض ما آلت له أموري... وطبعا ككل النساء ابكي حالي أغلب الوقت... لكني أعود لعقلي... ولقلبي... وقبل كل شيء لربي... وارضى بالنصيب... وأثق بأن كل شيء مقدر ومكتوب... وهذه حصتي من الدنيا... فلماذا لا أكون واثقة من نفسي ما دام الله في ظهري :)
اليس غريبا اننا لا نقرا لك مواضيع وكتابات فى المنتدى السياسي خصوصا انه جزء من تخصصك الدراسى ؟
مما يبدو أخي عبد الله أن هذا الموضوع قد أثار فضولك كثيرا فها أنت تسألني عنه مرة أخرى... على كل سأجيبك بكل صراحة... حقا لا أدري :more77: ميولي الأدبية أقوى من ميولي السياسية... رغم أني قادرة على كتابة مقالة سياسية وموثقة بالنظريات... والتوقعات والاستشرافات... ولكني لا أجد لها هوا في نفسي... لأني إنسانة تسوقها العاطفة... وفي السياسة العاطفة غير مجدية... فهل سأكتب مقالة عن توقعاتي لتصرفات هنية أو عباس السياسية وأفتتح المقالة بقصيدة غزل أو شعر...
لقد ذكرتني بأيام الجامعة لقد كان الدكتور المسؤول عن أبحاثي يشد شعره كل مرة... فلم أكن أسلم بحث من غير أن أرسم غلافه بلوحة من لوحات ناجي العلي أو ما له علاقة بالموضوع ومقدمتي تكون على شكل شعر... ويصيح مجدولين هذا بحث علوم سياسية... وليس بحث أدب معاصر... ولا فنون جميلة... ورغم هذا كنت دائما أحصل على أعلى علامات في مساقات العلوم السياسية... لهذا كان يتغاضى عن الفن والأدب... ويركز مع السياسة :)
كتبت فى مجمل ردك على الاخت ابنة فلسطين...
أما الذي لم يعجبني هو أن بعض الأعضاء يدخلون على مواضيع يكون النقاش فيها محتدم... وتجده ترك كلمتين مثل شكرا لكم.. أو ما هذا الموضوع الرائع، وهكذا بدل أن يشارك في النقاش، كأنه فقط مر ليسجل...
مالذى تقترحينه لوقف هذه الظاهرة ؟ وما هو الحل الامثل لتفعيل هؤلاء الاعضاء مع المواضيع المطروحة فى المنتدى ؟
صراحة لا يوجد لدي حل مجدي.. فقد اقول لك لنحذف مشاركتهم.. وليبحثوا عن مواضيع تليق بمستوى ثقافتهم وتفكيرهم... أو ممكن أن نقوم بعمل استفتاء للجميع ما هي المواضيع التي تستهويكم أكثر في الملتقى... ونصنف اشتراكاتهم حسب الاهتمامات... ولكن هذ سيكون مجحفا بحق الأعضاء... هذه مشكلة لابد أن يحلها كل شخص بنفسه... فيعني عندما تقرأ الموضوع وتجد نفسك غير قادر على مجاراة النقاش... لا تعلق... فذلك أفضل من أن تكتب أي كلام والسلام..
اخيرا ...
لو سمح لك الخيار فمن تضعين بعدك بالدولاب ؟
لا أدري... على ما أعتقد على الجميع أن يمر بهذه التجربة فهي مميزة وتسمح لنا بالتعرف على بعضنا البعض بطريقة مميزة وشيقة جداً...

وفي النهاية شكرا لأسئلتك المميزة... وطبعا يعطيك العافية.. ويعطيني أنا كمان :)

[أبو يوسف]

طبعا أنا مأجل اسئلتي لمرحلة متقدمة

و باعتقد انو الاسيرة ر اح تشعر بالملل خلال فترة العيد

علشان هيك عايز اتمنى لها عيد سعيد

و خلينا نشوف راي بعض الناس اللي بتطلع اشاعات على الزنازين اللي عنا !!!

طبعا في اخبار انو الأخ القائد ابو سليم راح يباشر التحقيقات ، خاصة بعد الجلسة المفاجئة التي عقدها قبل ساعات مع الجنرال عبدالله ، و تقييم نتائج جلسة الاستجواب التي قام بها الجنرال مؤخرا..

لي عودة ان شاء الله

[جارة الأقصى]

مجدولين انا متعاطفة معك بما انك رايحة تقضي العيد بين الفئران والصراصير
وباقي الحشرات اللطيفة صديقة الانسان
وخليتي جدك ابو العبد وخالك محمود مع العيلة وما صحلك تشبعي منهم قبل السفر
بعين الله السجن للجدعان وانت على قدها وقدود :)
لكن على قدر استطاعتي بحاول اونسك من وقت للاخر

حابة اسألك كم سؤال :
1-معك تذكرة سفر لاي دوله حابة تسافري ومين بتوخذي معك؟

2-لو وضعتي ابو مازن في كفة ميزان خاص فيكي وبالكفة الثانية اسماعيل هنية مين بترجح كفته منهم بالنسبة لمجدولين؟

3-كلمة عتب لمين بتوجهيها
كلمة ود واحترام لمن توجهينها
كلمة (حل عني) لمين بتوجهيها
كلمة اشتياق لمن ترسلينها
اجمل خاطرة كتبتيها بالنسبة لك متى كتبتيها ولماذا
طولت عليكي
كل عام وانت الى الله اقرب وكل عام وانت بخير
(على فكرة يوم كنت بالاقصى يوم الثلاثاء الفات انا كنت كمان بس للاسف ما حالفني الحظ والتقيت فيكي):(

[مجدولين جبريل]

مجدولين انا متعاطفة معك بما انك رايحة تقضي العيد بين الفئران والصراصير
وباقي الحشرات اللطيفة صديقة الانسان

مرحبا أختي جارة الأقصى... شكرا لمرورك من جديد،
على كل بس للمعلومات شكله الزنزانة اللي أنا فيها غير الزنزانة اللي انت كنت فيها...
لأنه زنزانتي قطعة من الجنة... يا صديقتي أنظف من الصيني بعد الجلي وحياتك... وشبابيكها واسعة... وهواها بحري... شفتي بله أنا مبسوطة كثير :)

وخليتي جدك ابو العبد وخالك محمود مع العيلة وما صحلك تشبعي منهم قبل السفر
بعين الله السجن للجدعان وانت على قدها وقدود :)
لكن على قدر استطاعتي بحاول اونسك من وقت للاخر

وكمان قصة تانية... جدي وخالي 24 ساعة في زيارة عندي ومونسيني طول الوقت.... ما تخافي علي.... وعلى قولتك قدها وقدود :)

حابة اسألك كم سؤال :
1-معك تذكرة سفر لاي دوله حابة تسافري ومين بتوخذي معك؟
على اسبانيا... عشان أشوف الأندلس وقصر الحمراء
وبوخد معي أي حدا حابب يشاركني الرحلة :)

2-لو وضعتي ابو مازن في كفة ميزان خاص فيكي وبالكفة الثانية اسماعيل هنية مين بترجح كفته منهم بالنسبة لمجدولين؟
ما راح ترجح أي كفة...

3-كلمة عتب لمين بتوجهيها
لكل إنسان رفاق طريقه يشعلون أنفسهم من أجله... وهو يبحث خارج حدود بيته عن أناس آخرين (بالعامية الناس اللي خيرها لبرة)
4-كلمة ود واحترام لمن توجهينها
لكل إنسان وفي مهما كانت الظروف
5-كلمة (حل عني) لمين بتوجهيها
لأي حدا بتفلسف وبطرح حاله إنه فاهمني عنجد، وفاهم كل شيء بالدنيا وبعرف كل شيء، وهو مجرد إنسان بلا قيمة وتافه
6-كلمة اشتياق لمن ترسلينها
لصديقتي رانية الله يذكرها بالخير... بس هانت راح أشوفها بعد العيد :)
7-اجمل خاطرة كتبتيها بالنسبة لك متى كتبتيها ولماذا

كلهم بالنسبة لي بنفس المستوى... لأني كتبتهم... (ما في حد بيحكي عن ميته عكرة :))
طولت عليكي
كل عام وانت الى الله اقرب وكل عام وانت بخير
(على فكرة يوم كنت بالاقصى يوم الثلاثاء الفات انا كنت كمان بس للاسف ما حالفني الحظ والتقيت فيكي):(

ولا يهمك إنت ما طولتي علي بالعكس... أهلا وسهلا بأي وقت، وبالنسبة لرحلة الأقصى يلا ما في حد بياخد إلا نصيبه، وكل عام وإنت بخير ويسلمه على هالأسئلة المميزة يا حكيمة:more19:

[عبدالله العبادله]

مجدولين انا متعاطفة معك بما انك رايحة تقضي العيد بين الفئران والصراصير
وباقي الحشرات اللطيفة صديقة الانسان
كيف لو ما كنتى بلجنة التحكيم يا اخت جارة الاقصى
ولا بدك حقوق اللانسان الى مش فاضيه تشعللها معانا
واذا كلامك صحيح بيكون اساءة لمنتدانا ودليل تامر مع الانظمة ال......؟؟؟؟
وبهيك الاخت مجدولين صار لازم يتم الافراج عنها لعدم توافر البيئه المناسبه
ولا بدكم يقولوا منتدى العبادله للرعب والتهويل


-لو وضعتي ابو مازن في كفة ميزان خاص فيكي وبالكفة الثانية اسماعيل هنية مين بترجح كفته منهم بالنسبة لمجدولين؟
ما راح ترجح أي كفة...

جواب ديبلوماسى يستحق النظر اليه ويثير العديد من التساؤلات .....؟؟؟؟؟؟؟
بصراحه انا مش جاى اطرح اسئلة جديده
ولكن بما انه اليوم اول ايام عيد الاضحى المبارك
انا بطالب هيئة التحكيم بالافراج الفورى بضمان محل اقامتها بالمنتدى وذلك كبادرة انسانيه من اعضاء التحكيم بمنتدانا الموقر ليتسنى للاخت مجدولين تعيد مع الاهل والحبايب
انا سمعت فى هجوم عنيف بدو يتم لاطلاق سراحها
ايش يقولوا عنا بنحبس البنات فى العيد
ولا شو رايك يا عقيد ؟

وكل عام وانتم بالف خير

[مجدولين جبريل]

السلام عليكم ورحمته وبركاته...
كل عام وأنت بخير أخي عبد الله وشكرا لمرورك المتجدد...
وفيما يخص الأخت جارة الأقصى لا تخف عليها.. مدبرة أمورها مع لجنة حقوق الانسان... ما تنسى إنها أسيرة سابقة :)

ومرة أخرى ردودي الدبلوماسية تثير الحيرة لدى الأخ عبد الله... الأخ عبد الله مش راح يرتاح إلا إذا رجعني للأمور السياسية شكله:more30:
وبالنسبة للاعتقال خلال العيد... يا أخي يا ريت كل المعتقلات زي معتقلكم... يا ريت حصار غزة زي هالمعتقل... كان مش بس العيد ضليت فيه... كان حجزت زنزانة مدى الحياة...
وعلى كل بس حبيت أصبح... وأشكرك على اهتمامك ومشاعرك التضامنية...
ولا بد للقيد أن ينكسر...
كل عام وانت وكل حبايبك بخير... وكل عام وجميع الأخوة والأخوات في الملتقى بخير:more19:

[أبو يوسف]

انا بطالب هيئة التحكيم بالافراج الفورى بضمان محل اقامتها بالمنتدى وذلك كبادرة انسانيه من اعضاء التحكيم بمنتدانا الموقر ليتسنى للاخت مجدولين تعيد مع الاهل والحبايب
انا سمعت فى هجوم عنيف بدو يتم لاطلاق سراحها
ايش يقولوا عنا بنحبس البنات فى العيد
ولا شو رايك يا عقيد ؟
مبادرة طيبة اخي عبد الله

و لكن كما تعلم أن الافراج غير ممكن في الظروف الحالية لان التحقيق لم يستكمل بعد
و بالتالي ...
فقد تقرر منح الاخت مجدولين حرية التحرك و استقبال الضيوف

يللا خلينا نشوف مين اللي بيحبها كتير و هييجي يزورها بالمعتقل !

[مجدولين جبريل]

مشكور أخي أبو يوسف على كرمكم وعدالتكم... والله يكثر الحبايب... تفضلو يا شباب وصبايا المعتقل مفروش بالرملة... وفوقه المنديل :more30:
أهلا وسهلا بالجميع

[عبدالله العبادله]

فقد تقرر منح الاخت مجدولين حرية التحرك و استقبال الضيوف
مشكـــــــــــــــــــــــــــــــــــــــــــــــ ـــــــــــــور
يا عقيدعلى حسن اخلاقك وكرمك وتواضعك لتجاوبك مع طلبى ولو انه مش افراج كامل ومقبول نظرا لظروف التحقيق
ولو انى بعد رد الاخت مجدولين خايف اكون بحرمها من معتقلنا اللذيذ..!!!!

واكيد راح نشوف كتير من محبيها بعد ما يخلصوا من زيارة الاقارب فى العيد والى ما بيجى يزورها اكيد بيجى يوم ويدخل المعتقل وساعتها..............؟؟؟؟؟؟؟؟يلا افراج جزئى يا اخت مجدولين
بعد كلام العقيد ما ضل حكى
وطبعا بما اننا مازلنا فى اول ايام عيد الاضحى المبارك ما فى مجال للاسئله بعتقد انك مشغوله بالخروف المسكين
العقيد
والاخت مجدولين
وكل من ياتى للزياره فى المعتقل
كل عام وانتم بخير
كل عام وانتم بخير



:more19::more19::more19:

[مجدولين جبريل]

شكرا أخي عبد الله على تضامنك ووقوفك بجواري وأنا في المعتقل...
وعلى كل أنا شايلاك لعوزة :)
وإن شاء الله في حالة ما راح تدخل المعتقل... راح أكون بنفس نشاطك بالدفاع عني... وراح أجيبلك عيش وحلاوة وشطة :)

سلام للجميع:more19:

[ابنة فلسطين]

والله انا كنت داخلة ومعي كوااااااااااااام اسئلة

لكن بما انو هالايام متل م حكم القاضي للزيارات

رح أأجلها كم يوم ان شالله

جبتلك معي حلاوة وخبز..."هيك بياخدو عنا للمساجين"..بتعرفيها للحلاوة الطحينية؟؟؟

ان شالله تعجبك

اشوفك على خير

وكل عام وانت بخير

[جارة الأقصى]

مجدولين كل عام وانت بخير
عيد سعيد عليك وعلى العيلة
يبدو انك من السجناء المميزون وذلك ظاهر للعيان من
الامتيازات التي منحك اياها القاضي ابو يوسف
مبارك عليكي على هذه العيدية الجميلة
وقد سمحوا لي بتمرير القهوة التي تحبينها
مع شوية شوكولاته من محلات( كيت كات):)
واذا بدك سجاير تهريب حياكي الله:)
والان وقت الجد :(

سؤالي لليوم :ارجو ان تفسري لنا ماهية عملك (خدمات الجمهور)؟
ولاي وزارة يتبع؟
وكيف تتنقلين من القدس لمدينة رام الله من خلال المعابر المقيتة
وهل اضطررت يوما بسبب الظروف السياسية ان تبيتي في رام الله ؟
هل تطمحين بالترقية في عملك ام انت مكتفية لما وصلت اليه وما بدك وجع هالراس

اكتفي بهذا القدر من الاسئلة (حاسه حالي في محكمة عن جد :)

دمتي طيبة

[أبو يوسف]

اختي جارة الاقصى

شكرا لاهتمامك المتواصل بمجدولين ، خاصة في ايام العيد
وذلك ظاهر للعيان من
الامتيازات التي منحك اياها القاضي ابو يوسف

طبعا واضح انك بتمزحي ، لانك في لجنة الحكم ، طبعا التوضيح لباقي الاعضاء و الزوار انو اللي صار مش امتيازات ، اكتر منها تطبيق لاخلاقنا و عادتنا خاصة في ايام الاعياد ، و اذا مجدولين كان نصيبها تنسجن ايام العيد ، احمدوا الله انكم برة في هالوقت..
تحياتي للجميع

[مجدولين جبريل]

والله انا كنت داخلة ومعي كوااااااااااااام اسئلة

لكن بما انو هالايام متل م حكم القاضي للزيارات

رح أأجلها كم يوم ان شالله

جبتلك معي حلاوة وخبز..."هيك بياخدو عنا للمساجين"..بتعرفيها للحلاوة الطحينية؟؟؟

ان شالله تعجبك

اشوفك على خير

وكل عام وانت بخير



شكرا على المرور ابنة فلسطين...
وآه بعرفها... الحلاوة الطحينية المصنوعة من السمسم...
يسلمه اديك يا رب...
ويسعد مساك مرة ثانية:more19:

[مجدولين جبريل]

مجدولين كل عام وانت بخير
عيد سعيد عليك وعلى العيلة

وأنت بخير يا أختي

يبدو انك من السجناء المميزون وذلك ظاهر للعيان من
الامتيازات التي منحك اياها القاضي ابو يوسف

على كل هاي رد عليها ابو يوسف
طبعا واضح انك بتمزحي ، لانك في لجنة الحكم ، طبعا التوضيح لباقي الاعضاء و الزوار انو اللي صار مش امتيازات ، اكتر منها تطبيق لاخلاقنا و عادتنا خاصة في ايام الاعياد ، و اذا مجدولين كان نصيبها تنسجن ايام العيد ، احمدوا الله انكم برة في هالوقت..
تحياتي للجميع

مبارك عليكي على هذه العيدية الجميلة
وقد سمحوا لي بتمرير القهوة التي تحبينها
مع شوية شوكولاته من محلات( كيت كات):)
واذا بدك سجاير تهريب حياكي الله:)

شكرا على القهوة والشكلاتة وما في داعي للسجاير والعياذ بالله

والان وقت الجد :(

عنجد

سؤالي لليوم :ارجو ان تفسري لنا ماهية عملك (خدمات الجمهور)؟
ولاي وزارة يتبع؟

طبعا لو اطلعتي كويس على أول مشاركة لي في هذا الموضوع راح تلاقي الجواب:

ومن ثم وجدت نفسي في الاحصاء الفلسطيني وللآن أنا هنا رئيسة لقسم خدمات الجمهور...

وخدمات الجمهور هو القسم المسؤول عن المتابعة على طلبات البيانات الإحصائية، يعني القسم المسؤول عن توفير البيانات الاحصائية حسب الطلب لجمهور المستخدمين، يعني حلقة وصل بين المؤسسة والجمهور
وكيف تتنقلين من القدس لمدينة رام الله من خلال المعابر المقيتة

عادي زي كل هالناس... وبعدين معبر قلنديا بالنسبة لغيره من المعابر رحلة... أجدع مشكلة هي انهم يأخرونا على الحاجز... من زمان بطل يصير في مشاكل.... وبعدين اللي بصير علي بصير على هالعالم... يعني كل فلسطين اتبهدلت... مجدولين على راسها ريشة...

وهل اضطررت يوما بسبب الظروف السياسية ان تبيتي في رام الله ؟

كمان انا حكيت في مشاركتي الأولى إني سكنت في رام الله لحد ما خلصت الماجستير...
أضطر اني أبات لا... بس مرات أنا بحب أبات في رام الله عند صديقاتي... يعني مزاج... لأنه مهما سكر الحاجز.. الباصات بتضل تستنى الناس...
ودائما في تكسيات طلب لما بتأزم..
يعني ما بضطر... بمزاجي ببات برام الله... وعلى فكرة أنا بحب رام الله كثير وبجوز أكثر من القدس على فكرة..
هل تطمحين بالترقية في عملك ام انت مكتفية لما وصلت اليه وما بدك وجع هالراس

اللي بيجي من الله حياه الله

اكتفي بهذا القدر من الاسئلة (حاسه حالي في محكمة عن جد :))
اذا هاي أسئلة محكمة... لا يا حبيبتي... عادي أسئلتك مش مزعجة أبدا... يا رب أكون بس جاوبت أسئلتك بطريقة واضحة...

دمتي طيبة

شكرا جزيلا

[جارة الأقصى]

مجدولين اعرف انك مسرورة ومرتاحة بالسجن
لكن بين فترة وفترة بيجي اطل عليكي علشان نكمل التحقيق والاستجواب
بدك تتحملينا :more8:

* اي نوع كتب بتحبي تقراي
*شو اخر كتاب قراتيه وماذا استفدت منه
*أمنية نفسك تتحقق(على الصعيد الشخصي والعام)
*أكثر اكلة بتحبيها
* عادة تمقتينها بالرجل
*عادة تمقتينها بالمرأة
*هل انت من النوع الذي يسامح بسرعة
*هل انت من متابعين الفن السوري ام المصري ام الاجنبي
*هل تعتقدين انك تسبقين عمرك بكثير اقصد بالنضج الفكري والمسؤولية التي على عاتقك)
*لو سمح لك بالعودة للوراء ما الذي تريدن وتتمنين محوه من ماضيك
وموقف تتتمنين لو تعاملت معه بطريقة افضل
هل تتمنين لو لم تكوني الاخت الكبرى

بكفي لليوم
وسامحينا على الاطالة
اتركك بحفظ الرحمن

[أبو يوسف]

صباح الخير

اولا : حابب اعرف اذا في اي شكوى من ظروف الاعتقال...

و ثانيا : خلينا نتابع التحقيق..

* أنتِ و الكلمة : حكاية و لغز ، فكيف تصنفين علاقتك بالكلمة و الكتابة؟
* كتاباتك ... هل هي وصف لحالة شعورية ، أم اسقاط على ما حولك ، أم من ابتكار خيالك؟
* ما دور فنجان القهوة في حياتك؟
* ما هي درجة و مرتبةالاصدقاء في حياتك ، و هل تعرضتِ لمواقف صعبة بسبب الاصدقاء؟
* ماذا يعني لك الليل ؟
* هل تشعرين انك انسانة مظلومة ؟
* مالذي تخافين منه ؟
* هل تتخيلين ان مؤامرة تحاك ضدك؟
* ما هي امنياتك؟

أكتفي بذلك في هذه الجلسة ..

[مجدولين جبريل]

مجدولين اعرف انك مسرورة ومرتاحة بالسجن
لكن بين فترة وفترة بيجي اطل عليكي علشان نكمل التحقيق والاستجواب
بدك تتحملينا
أهلا وسهلا أختي جارة الأقصى... راح نتحمل شو بدنا نساوي :)

* اي نوع كتب بتحبي تقراي
كل الأنواع.... طبعا أنا حكيت هذا الحكي في التعريف عن حالي :)

*شو اخر كتاب قراتيه وماذا استفدت منه
آخر كتاب قراته كان روية لكاتب فلسطيني اسمه وليد أبو بكر ،رواية الخيوط.... وهله بين ادي كتاب لكاتب عراقي بحكي عن رحلة وهمية لادوارد سعيد في مدينة القدس... وطبعا الرواية الأولى بتحكي عن قرية فلسطينية فترة الحكم الأردني... وطبيعة الحياة في تلك الايام وما يواجهه أبطال الرواية.... عرض جميل يجعلك تحس بأنك موجود بينهم وتشاركهم هذه الحقبة التاريخية، اما الكتاب الثاني... ولأنه عبارة عن قصاصات مجمعة لكاتب فلسطيني ضاع في حرب الخليج الأخيرة، حاول الكاتب العراقي أن يعرضها اكراما لصديقه... فتجدها غير مترابطة... ولكنها تحتوي على بعض القفشات المميزة... وبما أنني جزء من عالم الرواية... لقد شدتني رغم ضياعي فيها...

*أمنية نفسك تتحقق(على الصعيد الشخصي والعام)
أمنيتي وبكل بساطة أن تصبح فلسطين بلا حدواد ولا حواجز ولا معابر... وهيك بتتحقق أمنيتي على الصعيد العام والشخصي كمان:)


*أكثر اكلة بتحبيها
جاوبت سابقا على هذا السؤال بس يلا مش مشكلة : (طعامي المفضل: المعكرونة بكل أنواعها)

* عادة تمقتينها بالرجل
اللا مبالاة

*عادة تمقتينها بالمرأة
عدم الوفاء

*هل انت من النوع الذي يسامح بسرعة
أكيد بعد 5 دقائق بنسى شو صار

*هل انت من متابعين الفن السوري ام المصري ام الاجنبي
أنا بحب الشاشة الفضية والذهبية.... وإذا بدك خليجي كمان وهندي... أنا التخصص الثاني بعد الصحافة اللي كان نفسي ادرسه هو السينما:)

*هل تعتقدين انك تسبقين عمرك بكثير اقصد بالنضج الفكري والمسؤولية التي على عاتقك)
هذا والله مش أنا اللي بقدر أقرره الناس اللي حواليه وبتعرفني هيه اللي بتحكم... بالنسبة لي أنا شايفة حالي انسانة عادية لا سابقة ولا راجعة... والله أعلم

*لو سمح لك بالعودة للوراء ما الذي تريدن وتتمنين محوه من ماضيك، وموقف تتتمنين لو تعاملت معه بطريقة افضل
ولا شيء... قلت سابقا في مشاركة أخرى بأن الانسان تتكون شخصيته من مجموعة الأحداث التي يمر بها... فإن تغير اي حدث سابق سيغير مجدولين الموجودة الآن... وانا احب مجدولين هذه... فلماذا سأغير أي شيء؟؟؟

*هل تتمنين لو لم تكوني الاخت الكبرى
لا بالعكس أنا سعيدة لكوني الأخت الكبرى.. فهذا جعلني مميزة لدى والدي... ومميزة لدى عائلتي أيضاً... كنت أتمنى لو لدي أخت كبرى أو أخ أكبر.... ولكن الحمد لله فالله يعطي لكل انسان ما يناسبه :)

بكفي لليوم
وسامحينا على الاطالة
اتركك بحفظ الرحمن

يعطينا ويعطيك العافية... والله يسهل عليك وعلينا... وتحياتي للجميع

[مجدولين جبريل]

صباح الخير
صباح الورد

اولا : حابب اعرف اذا في اي شكوى من ظروف الاعتقال...
أبداً.... الله يسعدك ويخليك... كل شي تمام وألسطة

و ثانيا : خلينا نتابع التحقيق..
أهلا وسهلاً

* أنتِ و الكلمة : حكاية و لغز ، فكيف تصنفين علاقتك بالكلمة و الكتابة؟
علاقتي بالكلمة!!!! الكلمة في الماضي كانت منفذي الوحيد للتوازن... فهناك الكثير الذي لا تستطيع الافصاح عنه بسبب أننا اصغر من أن نتكلم في مواضيع معينة... فتصبح الكتابة المنفذ.... فأنت تكتب الكلمات على الأوراق كأنك تحدث شخصا قريبا وعزيزا على نفسك... لن يخونك يوما ولن يفضح أمرك... رغم أنها لم تكن شخصية طوال الوقت... فقد كان إخوتي الصغار يستمتعون بسرقة دفاتر مذكراتي لقراءة ما اكتب وليشوا بي لأمي ويقرئونها ما أكتب :)
ولكن فيما بعد أصبح الأمر أكثر احترافا ولم أعد أكتب لأوراقي وحدها أصبحت أكتب للجميع... وأصبحت مخطوطاتي بالنسبة لي كأولادي الصغار الذين تصنعهم روحي... وأفتخر بأن يعرفهم الجميع وخصوصا إخوتي الصغار وأمي :)
* كتاباتك ... هل هي وصف لحالة شعورية ، أم اسقاط على ما حولك ، أم من ابتكار خيالك؟
كتاباتي.... اممممممم هي كل هذا.... وصف لحالتي الشعورية... واسقاط على ما حولي... مع قليل من الخيال.... ولكنها كلها وليدة لمخاض يخلط الحقيقة والواقع بالخيال والوهم... وفي النهاية قليل من روح مجدولين ونحصل على مخطوطة خاصة بمجدولين :) فلا يمكن أن نخلق شيئ من لا شيئ.... والعياذ بالله لست اله لأقوم بذلك :)
ولا أستطيع أن أنكر بأني روح ما أكتب... مع قليل من البهارات والملح وزيت الزيتون الأصلي نحصل على ابداعات منقطعة النظير... ولا شو رأيك يا أبو يوسف؟؟؟؟
* ما دور فنجان القهوة في حياتك؟
فنجان القهوة كل حياتي... نحن عائلة تشرب القهوة قبل أن نتعلم الكلام والمشي.... ربما كثرتها مضرة.... ولكننا نعتبرها جزءً من تقاليد العائلة فنحن عندما نلتقي بالصيف في بيت جدي في الأردن.. أعمامي وعماتي... وأولادهم وزوجاتهم وأزواجهم... وجميع الأحفاد وتصبح غلايات القهوة ذاهبة وراجعة :)
ولذا لا تستغربوا بأنها رفيقتي أنا ايضاً... وموجودة في أطراف كتاباتي طوال الوقت... لتحيا المعشوقة السمراء.... وليحيا أبو يوسف الذي سألني عنها:)

* ما هي درجة و مرتبةالاصدقاء في حياتك ، و هل تعرضتِ لمواقف صعبة بسبب الاصدقاء؟
هناك انواع عديدة من الأصدقاء.... منهم من يصبحوا كعائلتك وجزءً منك... وهناك من يبقون في الهوامش... صباح الخير يا جاري انت في حالك وأنا بحالي... وهناك من يصنفون بين بين :)
أصدقائي الذين يصبحون كعائلتي ليسوا كثيرين... ولكني أكون مستعدة لفدائهم بروحي... وتفضيلهم على نفسي في أغلب الأوقات....
وطبعا تعرضت لمواقف صعبة بسبب الأصدقاء.... فنحن نتعرض لمواقف صعبة من العائلة فكيف من الأصدقاء؟؟؟
ولكني في هذه المواقف أحكم عقلي... وربما أكثر قلبي... وفي الأغلب أسامحهم وأنسى... اذا استطاعوا هم النسيان والمسامحة سيكون رائعا أيضاً :)
* ماذا يعني لك الليل ؟
الليل؟؟؟ يعني لي السكون... الهدوء... الراحة... زمان كنت أحب اسهر كثير وبعدين أضلني نايمة للضهر بس هله بعرف انه بدال ما أضلني سهرانة طول الليل وأنام في النهار بصحى بدري وبستمتع بالدنيا في النهار... وبرتاح بالليل :)
بس هو الليل حلو لما بتحتاج للهدوء والجلوس مع نفسك من غير ازعاج... بس برضه أنا ما بحب الوحدة كثير :)
* هل تشعرين انك انسانة مظلومة ؟
أبدا والحمد لله.... لأنه الانسان ما بياخد غير نصيبه... والحمد لله أنا راضية... بس هو الواحد لما بكون مخنوق بيجي على باله أنه كل الدنيا على راسه وضده... ووقتها بحتاج لأهله وصحابه اللي زي أهله يرفعوا من معنوياته... وبحتاج لأوراقه كمان عشان يرجع لتوازنه... والحمد لله
* مالذي تخافين منه ؟
الوحدة
* هل تتخيلين ان مؤامرة تحاك ضدك؟
ما اعتقد مين أنا اصلا عشان حدا يتآمر علي؟؟؟ وبعدين دائما الله الحامي.
* ما هي امنياتك؟
زي ما حكيت لجارة الأقصى... فلسطين من غير معابر ولا حدود ولا حواجز... وهيك تلقائيا كل أمنياتي الأخرى راح تتحقق :)

أكتفي بذلك في هذه الجلسة ..
ليش ما لسه بدري :)
الله يسعد مساك...

[ابنة فلسطين]

يا هلا مجدولين

ان شالله تكوني استمتعتي وانبسطي بأكل الحلاوة...لكن بعد م عرفت اهمية القهوة عندك...تندمت اني ما جبتلك كيلو قهوة معي

المهم خلينا بالاسئلة...اسئلتي متعارف عليها سهلة

وبأسئلتي حابة اسمع قصص ومواقف منك من ضمن التحقيق

1- احكيلنا عن شي مقلب عملتيه برفقاتك او اهلك او هني عملوه فيكي؟

2- طبعا كل بنعرف انو نهفات الصف والاساتذة بتخلصش....احكيلنا شي نهفة صارت ايام الدراسة

3- ماذا يخطر ببالك اول ما بتسمعي هالكلمات
الخيل
المدير
لبنان
البدر
واخر شي انا " ابنة فلسطين"

4- هل تتقنين الأعمال المنزلية "كلها"؟ وما هو أكثر عمل تكرهينه...او تتعبي لما تعمليه؟

5- احكيلنا عن حكايتك مع اول طبخة بتطبخيها؟

6- ماذا كنت تفعلين قبل ان تفتحي المنتدى الان؟

7- لو اضطررتي لتقديم هدية لكل من هؤلاء...ماذا تقدمي لكل واحد؟
طائر الليل الحزين
RaHaf
عبد الله العبادلة
النورس الحزين
فولكانو
جارة الأقصى
وأنا شو بتهديني؟:more30:
8- ما رأيك بموضوع دولاب التحقيق؟؟

9- سؤال يدور في ذهنك تحبين ان نسألك اياه..اسأليه لنفسك وأجيبي عليه

رح يكون في جولة تاني
راجعتلك

[مجدولين جبريل]

يا هلا مجدولين

أهلا وسهلا حبيبتي

ان شالله تكوني استمتعتي وانبسطي بأكل الحلاوة...لكن بعد م عرفت اهمية القهوة عندك...تندمت اني ما جبتلك كيلو قهوة معي
طبعا حبيبتي انبسطت، ومش غلط المرة الجاي بتجيبيه كيلو القهوة :more30:

المهم خلينا بالاسئلة...اسئلتي متعارف عليها سهلة

وبأسئلتي حابة اسمع قصص ومواقف منك من ضمن التحقيق

1- احكيلنا عن شي مقلب عملتيه برفقاتك او اهلك او هني عملوه فيكي؟
أنا عني ما بعمل مقالب بحد... وما بحب حدا يعمل مقالب فيه... وعموما بتلاقيني بخرب المقالب ... يعني اذا عرفت انه حد بده يعمل مقلب بشخص معين بحذر الشخص اللي راح ينعمل فيه المقلب... فما في قصص عن مقالب للأسف :)

2- طبعا كل بنعرف انو نهفات الصف والاساتذة بتخلصش....احكيلنا شي نهفة صارت ايام الدراسة
مرة من المرات... عملت مشكلة مع مدير المدرسة... أيام التوجيهي.. كان عندنا حصة رياضة (تربية بدنية، ألعاب) وراح المدير قرر انه يعملها حصة رياضيات... فكيف يعمل هيك؟؟؟ (مش المفروض نفرح راح ندرس أكثر ونجيب علامات أعلى، بس بلاش:more30:)
وانا طول عمري زعيمة في المدرسة وأروح عند المدير... إنت كيف تعمل هيك؟؟؟ إحنا بدنا الحصة وإنت ما إلك حق تغيرها!!! وطبعا المدير المسكين حكالي مجدولين إنت بدك مراية تشوفي حالك وإنت بتحكي (المفروض إني أحس بالتهزيء، بس ولا يهمني) المهم ضليتني وراه لحد ما أخدنا حصة الرياضة...
المهم بالفرصة (الفسحة) أجت أختي ياسمين وحكتلي مجدولين إنت إيش عاملة؟؟؟
بحكيلها ليش؟؟؟
حكتلي المدير حكالي أحكي لأبوي يسألك شو صار معك اليوم؟؟؟
حكتلها اسمعي روحي على البيت وما تحكي لبابا شي؟؟ بس اروح بحكيلك سو صار؟؟
طبعا انا ركاض عند المدير... وبعد ما سلمت عليه حكيتله إنت كيف بتسمح لحالك تشغل إخواني جواسيس علي؟؟؟
وبعدين لمعلوماتك أول شي راح أعمله راح احكي لابوي ايش صار.. بس إنت ما تتصرف بهاي الطريقة معي ومع إخواني.. وطبعا هو ما فتح تمه بالمرة.. من الصدمة أكيد (طبعا اليوم أنا ما بصدق إني عملت هيك!!!)
روحت على البيت وحكيت لأبوي بالتفصيل الممل شو صار... طبعا بهدلني... واتصل بالمدير وتاسف له...
في النهاية.. في ذلك اليوم كل اللي كان هاممني آخد حصة الرياضة.. وأخدتها... صحيح انه اتبهدلت خيرات الله بس شو يعني :) وطبعا اليوم ولا يمكن اعمل هيك... (طيش شباب :more30:)

3- ماذا يخطر ببالك اول ما بتسمعي هالكلمات
الخيل: حرية
المدير: ماشي الحال
لبنان: قطعة سما
البدر: ونيس
واخر شي انا " ابنة فلسطين": حرة وصامدة

4- هل تتقنين الأعمال المنزلية "كلها"؟ وما هو أكثر عمل تكرهينه...او تتعبي لما تعمليه؟
أنا الأخت الكبيرة.. وشي طبيعي أكون محترفة خصوصا إنه أمي كانت حريصة على تعليمي كل الأسرار... أكثر شي بكرهه في شغل البيت تنفيض الغبرة والكناسة حوالين البيت.. لأنه أنا عندي حساسية... والغبرة بتموتني... وأكثر بحب اشتغله هو الطبيخ:more30:

5- احكيلنا عن حكايتك مع اول طبخة بتطبخيها؟
أول طبخة كان عمري 10 سنين... وهي مش طبخة بمعنى الطبيخ... بس يومتها كان عندنا ضيوف وكان اخوي وإختي الصغار جعانيين... وقال أنا بدي أعشيهم.. رحت جبت مقلى المنيوم (ركزو مو تيفال) ومن غير زيت فقست 12 بيضة في المقلى وولعت الغاز... وانسي خلط خلط.. وبعدين شكله ماما اجت على الريحة.. واكلت قتلة (علقة) نصها موووت... وطبعا نمنا من غير عشا... ودمعتنا على عينا :(

6- ماذا كنت تفعلين قبل ان تفتحي المنتدى الان؟
كنت بجهز للطبيخ.. بدي أطبخ كفتة بطاطا بالصنية... وعملت غلاية قهوة إلي ولسيدي ولأولاد عمي واخواني :)

7- لو اضطررتي لتقديم هدية لكل من هؤلاء...ماذا تقدمي لكل واحد؟
طائر الليل الحزين (عبائة عربية مقصبة)
RaHaf (مطربان كبير زيتون أسود، وكباية سحلب من ركب)
عبد الله العبادلة (رحلة إلى القدس)
النورس الحزين (شركة بيل غيتس للكمبيوتر )
فولكانو (قمباز فلسطيني)
جارة الأقصى (ورقة وقلم)
وأنا شو بتهديني؟:more30: (مصنع شوكلاتة باسمك راح أكتبه)
8- ما رأيك بموضوع دولاب التحقيق؟؟
موضوع شيق وقد قلت سابقا هي تجربة مميزة... ولا بد للجميع من خوضها حتى نتعرف على بعضنا البعض.

9- سؤال يدور في ذهنك تحبين ان نسألك اياه..اسأليه لنفسك وأجيبي عليه
ما في شي بدور بذهني صراحة ربنا ما خليتو شي ما سالتوني عنه.

رح يكون في جولة تاني
راجعتلك
وأنا بالانتظار الله يسعدك يا رب

[Sameh]

اول تألق واضح من ابو يوسف الغالي
صباحك ومساءك فل ونرجس
ثانيا مجدولين
اسم رائع جدا
وانت تحملين هذا الاسم وبين طياته المجد واللين
المجد وخاصة هذه الايام
المجد في الايام الماضية والعصور السالفة
اللين وهل تحملين هذه الصفة الجميلة
امنياتي للجميع
تحياتي ابنة فلسطين الغالية
والى الجميع

[حافظ العبادله]

مساء الورد

نصيبي أدخل دائما بعد حبيبي سامح
اللي دخل شرحلنا معنى اسم مجدولين ..
كتر خيرك يا ابن العم يا غالي والله الك وحشة ..

بصراحة ..
لو بيطلع بإيدي بنخلي التحقيق شهرين تلاته
يعني انا في حالة استمتاع غير عادية بقراءة ردودك يامجدولين
تلقائية مش طبيعية
لباقة رائعة
سرد قصصي بديع
شو أحكي كمان ...
هو في شغلة كمان كتير مهمة انا لحد الان مابعرف سببها
لما قريت ردودك على ابنة فلسطين وصلت لهدية فولكانو

فولكانو (قمباز فلسطيني)

من ساعتها وانا بأضحك
ليش مش عارف والله العظيم
الله يسامحني يارب على هستيريا الضحك
وكتر خيرك يا عم على اللي انا فيه هههههههه

وطبعا لي عودة لأحاورك عقلك المنظم
بدي ارتب اموري معك ,, انتي مش سهلة ابدا ابدا ابدا في الحوار

تقديري
ابو سليم

[مجدولين جبريل]

أخي سامح... أخي بو سليم مرحبا بمروركم...
وشكرا لاطراء... وإن شاء الله أكون زي اسمي... أحمل المجد في ثنايا روحي الرقيقة التي تعامل الجميع بلين...
على كل أنا بانتظار أسئلتك أخي بو سليم...
ولا تخف... لن تفقد المتعة في محاورتي... أخي سامح المجد صفة جميلة ولكن كما قلت سابقا لست أنا من أقرر ان كنت أحمل صفة معينة، ولكن من حولي ... ولذا اتمنى أن أحمل صفة المجد واللين بصدق:)
شكرا مرة أخرى لمروركم:more19:

[ابنة فلسطين]

يا هلا بالاخ سامح

منور المنتدى والدولاب والله...وين هالغيبة:sm236:

وشكرا للاخت مجدولين على اجاباتها الممتعة على الاسئلة...ويسلمو عالشوكولاته

بس بصراحة انا ما فهمتش شو يعني قمباز فلسطيني...وبس شفت الاخ حافظ داخل وضاحك"الله ييبسطو دايما" صار عندي فضول اكتر اعرف شو القمباز...؟؟

[عبدالله العبادله]

فولكانو (قمباز فلسطيني)
والله اول ما قراتها وانا بضحك بتخيل منظره فيها اكيد حيكون تحفه نبروزها....

عبد الله العبادلة (رحلة إلى القدس)

انشالله يارب ومشكوره عليها سلفا
الاخت مجدولين اكتر من مره افتح الموضوع واقرا ردودك واطلع بدون ما يخطر ببالى سؤال
والله حيرتينا معك فى المنتدى وففى الدولاب
انتى بدك اديب ولا فيلسوف يحقق معك
ولكن نظرا لانك سياسيه واعذرينى لانك ما بتحبى السياسه بس عندى سؤال بعتقد انه مهم
بالامس صرحت وزيرة خارجية الكيان الصهيوانى انها بتدعم اقامة دولة فلسطينية لكى يتم ارسال عرب ال48 لتلك الدولة وبالتالى تصبح دولتهم عبرية خالصة...
ما هو شعروك عند سماع تلك التصريحات ؟
وما ردك عليها؟؟؟
وماهو تعليقك على عم وجود رد فلسطيني عليها؟
مع تمنياتى لك باقامة سعيدة بدولاب التحقيق خصوصا
وبالتاكيد لى عودة ثانيه للدولاب
الاخت مجدولين
دمت بحفظ الرحمن

[مجدولين جبريل]

ابنة فلسطين صباح الورد....
أنا اعتبرت سؤالك عن القنباز سؤال من التحقيق وعليه سأجيب عليه بشكل وافي :)
للرجل الفلسطيني زيه الشعبي الخاص به، يعطيه هيبتا وشموخا واعتزازا بالنفس ، ويمكن تصنيف هذا الزي الى الاجزاء التالية

أولا: ثياب الجسم وتشمل

-القمباز ، الروزه ، الدمايه : وهو رداء طويل يشبه الجلابية ضيق من عند الصدر ويتسع ابتداء من الخصر إلى القدمين وهو مفتوح من أعلى إلى أسفل من الأمام يشبه الروب ويربط أحد طرفيه في داخل الطرف الآخر بقيطان ، ثم يرد الطرف الآخر الظاهر على الجهة اليسار ويربط بقيطان أيضا ويكون فوقه زام من الجلد ، وتختلف نوعية القماش في الصيف عنه في الشتاء ويمكن تقسيم الدمايه إلى:
§ الدمايه العادية : تصنع من القطن أو الكتان وتلبس في البيت أو العمل
§ دماية الروزا : تصنع من الحرير وتلبس في الأعياد والمناسبات
§ دماية الأطلس : وهذه خاصة بالمدن والقرى وتصنع من قماش يسمى الأطلس
§ دماية الصوف : تصنع من الصوف

السروال أو اللباس أو الشروال :

وهو مصنوع من قماش قطن بفت أسود أو أبيض، وهو واسع فضفاض وله رجلان ضيقان وله دكه من الخيط القوي حيث يشدها الرجل ليحزم بها اللباس حول وسطه . العباءة : يرتدي الرجل العباءة فوق القمباز أو الساكو وهي أنواع متعددة مثل الارجباويه البغداديه ، الحمصية ، الصديه ، العجميه ، الحضرية ، الباشية ، الخاشيه ، وتصنع من الجوخ أو الصوف حسب موسم لبسها .

البشت :


وهو أقصر من العباءة وله عدة أنواع هي : الخموصي ، الحلبي ، الزوف ، البوز ، الرازي .

الساكو :

وهو يشبه في صنعه وشكله الجاكيت ولكنه طويل يصل إلى أسفل الركبتين تقريبا ويصنع من الصوف أو القماش الخفيف حسب موسم لبسه ويرتديه الرجل فوق القمباز .

الشيته :

تشبه القمباز ولكنها تصنع من الكتان وتكون مقلمة ولومها فضي .

الثوب :

وهو يشبه الجلابية مصنوع من القماش القطني الخفيف يلبسه الرجل وقت النوم .

ثانياً::غطاء الرأس عند الرجل الفلسطيني ويشمل ما يلي:


العقال أو المرير : يصنع العقال من صوف الغنم ويشبه الحبل المجدول لونه أسود له شراشيب تتدلى على ظهر الرجل ويختلف سمكه حسب سن الرجل حيث في جيل الشباب يكون سمكها رفيعا ولكبار السن يكون أكثر سماكة ، وللعقال مكانة هامة جدا عند الرجال ترتبط بكرامتهم فإذا انزل عن رأسه عهدا تنشأ مشكلة كبيرة ويوضع المرير فوق الحطة أو العقدة . وللعقال أنواع هي
العقال العادي : لونه أسود يصنع من صوف الأغنام وهو نوع سائد في القرى والبادية والمدينة .
العقال المقصب : يلبس في المناسبات والأفراح ويكون لونه فضي حيث خيوطه تكون من السلك الفضي بدلا من الصوف
الحطة : وهي قطعة من القماش النقي الخفيف جدا الناعم ، يختلف طولها وعرضها حسب مقياس الرأس ورغبة الرجل ، وتوضع فوق طاقية الرأس

وتنقسم إلى نوعين ·


1) حطة الصوف ويشتهر بها رجال البادية .


2) حطة الشماخ تصنع من القطن وتزين أرضيتها بأشكال هندسية معينة ترسم باللون الأحمر أو الأسود وهذه جاءت لأسباب سياسية ارتداها زعماء الثورة الفلسطينية كتوحيد للباس الرأس وهذه جاءت بعد الاستغناء عن العمامة والطربوش .

العمامة أو العمة (الطبزيه) : وهذه لبست قبل السلام ، كما كان الرسول يعمم بعمامة بيضاء . وتلبس العمامة عادة عند ظهور لحية الرجل وعند سن بلوغه وتلف العمامة ب (66) طريقة وعدد لفاتها لا تقل عن (40) لفه ، ويلبس القرويين في فلسطين عمامة ذات ألوان مختلفة وعلى نطاق ضيق .

الطربوش : غطاء لرأس الرجل في المدينة ، وكان يستخدم غالبا في عهد العثمانيين وهو مخروطي الشكل أحمر اللون على سطحه مجموعة خيطان تسمى شراشيب ويلبس الطربوش أيضا في كل من لبنان ومصر والمغرب إلا انه وفي وقتنا الحاضر لن يعد ير على رؤوس الرجال .

الطاقية : تلبس الطاقية لرأس الرجل وهي على عدة أنواع :

الطاقية الصيفية : وتصنع من الحرير أو القطن وهي في الغالب بيضاء اللون تلبس في الربيع والصيف . الطاقية الشتوية : تصنع من وبر الإبل أو الصوف وتلبس في فصل الشتاء أو الخريف .

:ثالثا : الأحزمة الرجالية

تصنع من الجلد وتلبس على الدمايه أو تصنع من القماش الحريري المزركش أو المقلم .

http://photos-f.ak.fbcdn.net/photos-ak-snc1/v1277/20/94/553078066/n553078066_1294893_8467.jpg (http://www.facebook.com/photo.php?pid=1294894&id=553078066)

http://photos-g.ak.fbcdn.net/photos-ak-snc1/v1277/20/94/553078066/n553078066_1294894_8775.jpg (http://www.facebook.com/photo.php?pid=1294894&id=553078066)

هيك كويس الجواب وواضح يأخت ابنة فلسطين ولا عايزة كمان تفاصيل؟؟؟؟
:more19::more19::more19:

[مجدولين جبريل]

فولكانو (قمباز فلسطيني)
والله اول ما قراتها وانا بضحك بتخيل منظره فيها اكيد حيكون تحفه نبروزها....

"مش فاهمة ليش بتضحكوا إنت وأبو سليم، على كل هيك أنا حسيت إنه مناسب إله!!!!"

عبد الله العبادلة (رحلة إلى القدس)

انشالله يارب ومشكوره عليها سلفا
"إن شاء الله طبعاً، وعفوا اليوم وكل يوم"

الاخت مجدولين اكتر من مره افتح الموضوع واقرا ردودك واطلع بدون ما يخطر ببالى سؤال
والله حيرتينا معك فى المنتدى وففى الدولاب
انتى بدك اديب ولا فيلسوف يحقق معك
"ليش يا عبد الله ولا فيلسوف ولا أديب، بني آدم عادي بحكي اللي في قلبه ومن غير لف ولا دوران... أحسن واحد يحكي معي :)"
ولكن نظرا لانك سياسيه واعذرينى لانك ما بتحبى السياسه
"عبد الله مُصر إنه يخرج الدرة السياسية المكنونة، بس مش مشكلة راح أرد على السؤال!!!":more30:

بس عندى سؤال بعتقد انه مهم
"طبعا مهم يا أستاذ عبد الله"

بالامس صرحت وزيرة خارجية الكيان الصهيوانى انها بتدعم اقامة دولة فلسطينية لكى يتم ارسال عرب ال48 لتلك الدولة وبالتالى تصبح دولتهم عبرية خالصة...
ما هو شعورك عند سماع تلك التصريحات ؟
وما ردك عليها؟؟؟
وماهو تعليقك على عدم وجود رد فلسطيني عليها؟



"شعوري عند سماع هذه التصريحات، هذا سؤال عاطفي وليس سياسي... وطوال فترة دراستنا في الصحافة كان هذا السؤال المنبوذ، دائما كنا نحذر من طرحه!!! ولكن سأقول لك ما هو شعوري... لم يتغير شعوري كثيرا فهو ليس اقتراحا جديداً، هذه أمنية اليهود منذ البداية، طردنا جميعا من الأرض... ليس فقط فلسطينيو الأراضي المحتلة في الـ 48 بل جميعنا... فحسب رأيهم نحن عرب وأرض العرب واسعة... فلماذا نتمسك بهذه القطعة الصغيرة، ولماذا لا نترك اليهود المساكين بحالهم؟؟؟؟ ولقد حاولوا بشتى الطرق القيام بذلك ولكننا استمرينا بالتمسك بأرضنا رغم كل شيء، وأنا أعلم بأن حكام العرب على استعداد ليجدوا لنا مكانا خارج الوطن العربي ليحلوا مشكلة اليهود ولكي لا يحملوا نفسهم مشكلة جديدة... فنحن مشكلتهم الأزلية، رغم أننا كنا الحل لإلهاء شعوبهم عن فسادهم وطغيانهم في فترات كثيرة،
ولكننا الآن أصبحنا كالسيف المغروس بخاصرتهم... وأصبحنا مشكلة بدلا من وسيلة الهاء... في النهاية ليس لدي اي شعور حديث جديد حول هذا التصريح لأنهم يهود وهذا ما يريدونه... بالعربي يعني ما انصدمت,,, ولم احس بالذهول أبداً على كل ربما في يوم من الأيام سنستطيع الوصول لحل جذري لمشكلتنا مع اليهود... فقط عندما يبدأون بالنظر إلينا كبشر حقيقيين وليس مجرد اشياء يجب إزالتها من فوق الأرض... وفي وضعنا الحالي نحن الأضعف طبعا من غير شك... لأننا وحيدون وبشكل لا يطاق... ومختلفين فيما بيننا بشكل مقرف :(
والحل السياسي الوحيد المتوفر هو التعايش السلمي فيما بيننا وبينهم... وهذا الحل يمكن أن يكون على نموذج جنوب أفريقيا... ولكنني لا أعتقد بأن حلا مثل هذا سيعجب اليهود في يوم من الايام لأنهم لا يريدوننا فوق هذه الأرض أبداً... ولا يريدوننا أن نتعامل معهم باي شكل...
وبالنسبة لي الحل المثالي... هو الحل الذي تحدثت عنه النبوئات النبوية... إذا لا بد من انتظار المهدي وسيدنا عيسى عليه السلام...
وبالنسبة لي اي يحل يضمن حقن دماء المسلمين (اي أن لا نُقتل بلا فائدة، أما إذا كان لاستشهادنا مردود للاسلام والمسلمين فمرحبا بالموت) أي حل يضمن لنا حقن دماء المسلمين وأن نكون نحن اليد العليا وليس اليد السفلى فأهلا وسهلا به...
أما فيما يخص العرب لم يعد هناك أي ردة فعل بالنسبة لهم... وكما قال الشاعر وهل يضر الشاة سلخها بعد ذبحها، ما لجرح في ميت إيلام...


مع تمنياتى لك باقامة سعيدة بدولاب التحقيق خصوصا

وبالتاكيد لى عودة ثانيه للدولاب
الاخت مجدولين
دمت بحفظ الرحمن

" يسعد مساك أخي عبد الله":more19:

[ابنة فلسطين]

شكرا يا مجدولين على الشرح الوافي

طلعت بعرفو بس اول مرة بسمع بإسمو هيك

شكرا كتير

السلام عليكم

[مجدولين جبريل]

لا شكر على واجب أختي ابنة فلسطين...
أنا ليش موجودة في الدولاب بس عشان أجاوب على أسئلتكم.. وأحقق أمانيكم إذا بقدر طبعاً بإذن الله
ويسعد مساك اليوم وكل يوم :)

[ضياء عاصى]

السلام عليكم و رحمة الله و بركاته

أنا فوجئت إنى داخل فلاية اسأله و مبقيتش لاقى علامة استفهام أدخل بيها الموضوع .... عارفين الفلايه ... ؟؟

هاعتبرها اول سؤال ليا بس مش عاوز جواب منك عليه لأنى عارفها

مجدولين ...

1- متى تشعرين بانطلاقك الحــُـر نحو السماء ... و تفقدين كل ما حولك من اشياء و بشر و هموم و غبار السنين من ذكرى و رحيل و خلافه .... ؟؟

2- ماهى الصدفه التى غيرت مجرى معين فى حياتك ... ؟؟

3- ما هى اكثر علامات القدر تأثيرا فى حياتك ... ؟

4- ما هى اطول لحظاتك و ماهى اقصرها ... ؟

5- ماذا يعنى لك ...

النصيب

الحلم

النسيان

القصر

مجدولين

الواقع

الغربه

الموت يبقينى حيـــاً

الصديق

دراما لا وجود لها فى الحياه

الشيزوفرينيا

6- ما هو الدور الذى تمنيتى ان تقومى به فى الحياه و لم تشأ الظروف ... ؟؟

7 - حالا دلوقتى .... إنتى مبسوطه .. ؟

8- أيه الحاجه اللى تتمنى انك مكونتيش عملتيها .. ؟ أقصد بتندمى على ايه ..؟ و اوعى تقولى مفيش حاجه .. ؟؟

و السلام ختام

[Sameh]

لمة خير والله
يا هلا بالجميع
حافظ ، ابو يوسف ، عبدالله ، عادل بيك ، ابنة فلسطين ، ضياء ، مجدولين
وانا مشتاق اكيد للجميع
اللي وحشتهم وحشوني اكيد
المهم
مجدولين فهمت غلط سؤالي
اكيد انت من المجد وابنة المجد
ولكن سؤالي يا غالية
الايام هذه اللي شايفة انت فيها العرب والمسلمين
انت شكلك ما كنت موجودة يا ليل يا عين
انا قصدت مجد العرب والمسلمين اللي راح من ايام الاندلس ،،،،،،،
الا من رحم ربي .................
اللي يحدث في فلسطين وخاصة غزة
في لبنان ، في العراق وما ادراك ما العراق
اكيد انت شفتي الحذاء اللي ضرب في وجه بوش ،،،،،
زعيم اكبر دولة
يا ترى لو بدي اضرب انا في الحذاء حدا من هالزعماء او او او
ما قلنا يا ليل يا عين وما حدا رد ،،،،،، بس بصراحة لازم الصحفي ضرب اول فردة على بوش والثانية على اللي جنبه ،،،،، والا
المهم
يا حافظ شو هالمواضيع اللي دخلتنا فيها .....................
سؤالي الى مجدولين ....
ما هو الاسم الذي اذا سمعته تحرك القلب لديك ؟؟؟؟؟؟؟؟؟؟؟؟ صار يدق دق
وسؤال شوي ما اله دخل
لو معك سكين هلا ،،،،، مين تذبحي بالاول حافظ والا ابو يوسف ؟؟؟؟؟؟؟
انا مش حاب افتن بينك وبينهم ..............
امنياتي

[مجدولين جبريل]

السلام عليكم و رحمة الله و بركاته

*وعليكم السلام


أنا فوجئت إنى داخل فلاية اسأله و مبقيتش لاقى علامة استفهام أدخل بيها الموضوع .... عارفين الفلايه ... ؟؟

هاعتبرها اول سؤال ليا بس مش عاوز جواب منك عليه لأنى عارفها

*على ما أعتقد إنه الفلاية هي المشط ذو الأسنان المتراصة والذي نستعمله لتنظيف الشعر من القمل!!!!

مجدولين ...
*نعمين

1- متى تشعرين بانطلاقك الحــُـر نحو السماء ... و تفقدين كل ما حولك من اشياء و بشر و هموم و غبار السنين من ذكرى و رحيل و خلافه .... ؟؟
*عندما أجلس على شرفة بيتنا المغطاة بالزجاج، أشرب فنجان قهوتي عند الغروب وأمسك أوراقي وقلمي وأبدأ بخط كل ما يجول بخاطري وأراقب السماء مهما كان الجو...

2- ماهى الصدفه التى غيرت مجرى معين فى حياتك ... ؟؟

* عادة لا أقبل أي شخص لا أعرفه أو لا يمت لي بأي صلة على المسنجر أو الفيس بوك... ولكن بالصدفة قبلت شخصا قبل فترة... وبعدها أصبحنا أصدقاء أعزاء.. ومن خلال أحاديثي معه تغيرت طبيعة تفكيري وطبعا مجرى حياتي... وبصدق أدخل بعضا من التفاؤل لحياتي.. فهو شخص مثقف ويعرف الله ولطيف... اعتبرته هدية من الله.. وإن شاء الله يبعث لكم جميعا هدية منه:more19:

3- ما هى اكثر علامات القدر تأثيرا فى حياتك ... ؟
*الموت

4- ما هى اطول لحظاتك و ماهى اقصرها ... ؟
*أنا أحب السفر، ولكني أكره المطارات والمعابر، لذا رغم حبي للتنقل من بلد لبلد إلا أن اليوم الذي أسافر فيه يكون يوم لحظاته طويلة وخانقة مهما كانت وسيلة السفر، أم أقصر اللحظات هي التي أقضيها مع من أحب وأكون سعيدة فيها

5- ماذا يعنى لك ...

النصيب: حقيقة

الحلم: أماني

النسيان: آفة العلم، ودواء القلوب

القصر:عبودية

مجدولين: أنا

الواقع: حياتي

الغربه: موت

الموت يبقينى حيـــاً:
لو علم الناس ما بعد الموت لاختاروا الحياة أبدا

الصديق: الروح

دراما لا وجود لها فى الحياه:
"صراحة ربنا مش فاهمة شو قصدك، بس على ما أعتقد ياما نعيش ويا ما نشوف"

الشيزوفرينيا:
*شخص يبكي على أطفال العالم..
وهو جالس في غرفة دافئة على أريكة مريحة يشرب أجود أنواع الشراب ويأكل بنهم... ثم يمسح دموعه بطرف منديله الحريري


6- ما هو الدور الذى تمنيتى ان تقومى به فى الحياه و لم تشأ الظروف ... ؟؟
بائعة زهور

7 - حالا دلوقتى .... إنتى مبسوطه .. ؟
طبعا :more30:

8- أيه الحاجه اللى تتمنى انك مكونتيش عملتيها .. ؟ أقصد بتندمى على ايه ..؟ و اوعى تقولى مفيش حاجه .. ؟؟
بندم على كل لحظة زعلت فيها حدا عزيز علي


و السلام

الله يسلمك يا رب:more19:

[مجدولين جبريل]

لمة خير والله
يا هلا بالجميع
حافظ ، ابو يوسف ، عبدالله ، عادل بيك ، ابنة فلسطين ، ضياء ، مجدولين
وانا مشتاق اكيد للجميع
اللي وحشتهم وحشوني اكيد
المهم
مجدولين فهمت غلط سؤالي
اكيد انت من المجد وابنة المجد
ولكن سؤالي يا غالية
الايام هذه اللي شايفة انت فيها العرب والمسلمين
انت شكلك ما كنت موجودة يا ليل يا عين
انا قصدت مجد العرب والمسلمين اللي راح من ايام الاندلس ،،،،،،،
الا من رحم ربي .................
اللي يحدث في فلسطين وخاصة غزة
في لبنان ، في العراق وما ادراك ما العراق
اكيد انت شفتي الحذاء اللي ضرب في وجه بوش ،،،،،
زعيم اكبر دولة
يا ترى لو بدي اضرب انا في الحذاء حدا من هالزعماء او او او
ما قلنا يا ليل يا عين وما حدا رد ،،،،،، بس بصراحة لازم الصحفي ضرب اول فردة على بوش والثانية على اللي جنبه ،،،،، والا
المهم
يا حافظ شو هالمواضيع اللي دخلتنا فيها .....................
سؤالي الى مجدولين ....
ما هو الاسم الذي اذا سمعته تحرك القلب لديك ؟؟؟؟؟؟؟؟؟؟؟؟ صار يدق دق
وسؤال شوي ما اله دخل
لو معك سكين هلا ،،،،، مين تذبحي بالاول حافظ والا ابو يوسف ؟؟؟؟؟؟؟
انا مش حاب افتن بينك وبينهم ..............
امنياتي

أخي سامح... مساء الخير...
إنت بتلعب معي لعبة القط والفار؟؟؟

مجد العرب مين والناس نايمين...
العرب باعوها مع المسلمين..
من يوم ماسقطت الأندلس وعمله حالهم نايمين...
ولحقتها القدس لولا رحمة ربنا ما رجعها صلاح الدين..
وضيعوها مرة ثانية وعمله حالهم نايمين...
وما تزعل على بغداد... مين حكا انه بقية أراضي العرب آمنين

والاسم الذي لما بسمعه بتحرك كل كياني
هو "عبد الجليل" لوقعه على قلبي رنين
ولست من حملة السكين
فلذا حافظ وأبو يوسف من خطري آمنين

ويارب جوابنا يعجب يا سامح يا ابن المسلمين :)

[أبو يوسف]

اهلا و سهلا سامح باشا

من اولها سكين ؟؟؟؟

طيب انتا زعلان من حافظ علشان الموضوع اياه...

مع انو الحل مش بالسكين ، لكن انا مالي بالقصة

و بعدين كون مجدولين بتحكيا نها مبسوطة بالسجن تقوم ، تدفعها لجناية

انتا حلك الوحيد انو عادل و عبدالله يتولوا ملفك

و الله يكون بعونك

[ضياء عاصى]

*على ما أعتقد إنه الفلاية هي المشط ذو الأسنان المتراصة والذي نستعمله لتنظيف الشعر من القمل!!!!
ده انا اتكسفت أقولها ..
إذا هل تعتبرين ردك جرأه ... ؟ أم ماذا ..؟

* عادة لا أقبل أي شخص لا أعرفه أو لا يمت لي بأي صلة على المسنجر أو الفيس بوك... ولكن بالصدفة قبلت شخصا قبل فترة... وبعدها أصبحنا أصدقاء أعزاء.. ومن خلال أحاديثي معه تغيرت طبيعة تفكيري وطبعا مجرى حياتي... وبصدق أدخل بعضا من التفاؤل لحياتي.. فهو شخص مثقف ويعرف الله ولطيف... اعتبرته هدية من الله.. وإن شاء الله يبعث لكم جميعا هدية منه:more19:
غريبه موضوع التأثير على شخصيه زى شخصيتك .. لانك من الشخصيات المؤثره عادة و ليست المتأثره

هل هناك نقاط معينه فى الشخصيه كى تتأثرين بها ... غير الثقافه طبعا و الافلام الحمضانه دى ...

5- ماذا يعنى لك ...



القصر:عبودية
رد رائع

مجدولين: أنا
قديمه

الموت يبقينى حيـــاً:
لو علم الناس ما بعد الموت لاختاروا الحياة أبدا
إجابه مالهاش علاقه بالسؤال
مارأيك عندما تفكرين بالموت و ما بعد الموت ... هل هذا يبقيك حيا فى معاملاتك مع ربك و الآخرين ... ؟؟ ما رأيك فى ذلك ... ؟

دراما لا وجود لها فى الحياه:
ماهى الصوره الدراميه التى تعيش فى روحك و لا وجود لها حولك ... أذكرى حاجه يعنى .. مش كيميا هى



أنتى كشاعره و فنانه مميزه ... هل تقصدين التميز فى فنك ..؟ .. و هل تحبين البروز فى القمه عادة ... فى حياتك العامه ... ؟؟

و برضو سلام

[مجدولين جبريل]

ده انا اتكسفت أقولها ..
إذا هل تعتبرين ردك جرأه ... ؟ أم ماذا ..؟
ردي عادي هو ايش الغلط بموضوع الفلاية والقمل. الموضوع عادي والكل بعرف عنه... الله يسهل على أيام المدارس :more30:


غريبه موضوع التأثير على شخصيه زى شخصيتك .. لانك من الشخصيات المؤثره عادة و ليست المتأثره

هل هناك نقاط معينه فى الشخصيه كى تتأثرين بها ... غير الثقافه طبعا و الافلام الحمضانه دى ...
هو شيء كالحاسة السادسة عندما أقابل شخصا أو أحادثه يغمرني إحساس بالراحة فأعلم بأنني سأكون علاقة أبدية معه...
أو إحساس بالاختناق فأعلم بأنني لن أصبح قريبة أبدا من هذا الشخص..
أما ما يؤثر في؟؟؟
سأكون صريحة معك... ليست الثقافة... ولا أن تكون في القمة بكل شيء... ما يؤثر في هو إحساسي فقط لا غير...


5- ماذا يعنى لك ...



القصر:عبودية
رد رائع

مجدولين: أنا
قديمه
مجدولين أنا قديمة :( على كل أنا حكيت أنا ما بعرف كيف يعني مجدولين بس بقدر أقول إني مرتاحة ومبسوطة لأني مجدولين فممكن أقولك
مجدولين : قدري

الموت يبقينى حيـــاً:
لو علم الناس ما بعد الموت لاختاروا الحياة أبدا
إجابه مالهاش علاقه بالسؤال

مارأيك عندما تفكرين بالموت و ما بعد الموت ... هل هذا يبقيك حيا فى معاملاتك مع ربك و الآخرين ... ؟؟ ما رأيك فى ذلك ... ؟
الحياة بعد الموت والإيمان بالآخرة هو ركن من أركان الايمان
وعليه أكيد أنا أضع هذا الأمر نصب عيني في كل مراحل حياتي... وكلما أبتعد عن الله أو أفقد الاتجاه أتذك بأن هناك يوم لابد أن احاسب على كل شيء وأعود لربي فهي أعمل للدنيا كأني سأعيش أبداً... وأعمل لآخرتي كأني سأموت أبداً..
هيك تمام؟؟؟



دراما لا وجود لها فى الحياه:
ماهى الصوره الدراميه التى تعيش فى روحك و لا وجود لها حولك ... أذكرى حاجه يعنى .. مش كيميا هى

أهاااااااااااااااااااااا
صورة درامية؟؟؟
والله يا ضياء وجعني راسي وأنا بفكر بالصورة الدرامية؟؟
بس ممكن أحكي إنه هيك محل لبيع الزهور والحيوانات الأليفة... وزاوية لبيع السي ديز فقط موسيقى كلاسيكية
وكشك صغير لبيع الكتب والجرائد
والمحل بقرب شاطئ البحر...
وأنا أجلس قرب النافذة أقرأ بكتاب طوق الحمامة...
واشرب القهوة السادة بفنجان لونه أبيض..
وتجلس في حضني قطة سوداء ذات فرو ناعم.. واستمع لعزف نصير شمة



أنتى كشاعره و فنانه مميزه ... هل تقصدين التميز فى فنك ..؟ .. و هل تحبين البروز فى القمه عادة ... فى حياتك العامه ... ؟؟
هذا شيء لا أفكر به أبدا... لا قمة ولا تميز ولا بروز...
أنا وبكل بساطة أعيش على السبحانية، وبكتب اللي بطلع من قلبي... وبكون سعيدة لما بشوفه قدامي... وبكون بقمة الراحة والسعادة لما بكون على طبيعتي..

و برضو سلام

الله يسلمك يا رب وإن شاء الله المرة أجوبتي تعجبك أستاذ ضياء:more30:

[Sameh]

مجدولين
انت بتحكي شعر والا خواطر
عجبني ردك اكيد
والى ابو يوسف الغالي
الموضوع اياه
قصدك عبدون
هههههههههههه
لا يا حج
ليكون في شيء وانا ما بعرفه .....؟؟؟؟؟؟
امنياتي

[مجدولين جبريل]

مجدولين
انت بتحكي شعر والا خواطر
عجبني ردك اكيد




أنا مش عارفة اذا هو سؤال ولا مجرد تعبير!!! بس بما انه من غير علامة استفهام فهو مش سؤال

وأنا مبسوطة لأنه ردي عجبك :)
يسعد صباحكم كلكم:more19:

[حافظ العبادله]

سلام
كيف الحال يا مجدولين ؟ يارب تكوني مبسوطة في زنازين العبادلة المكيفة
أنا جيت ,, وجايب معايا شوية أسئلة على ما قُسُم
بدون مقدمات .. ولا تعقيدات ندخل في المضمون

السؤال الأول :
كيفك إنتي والصغار بتحبيهم / بيحبوكي ؟ ولا الامور ماشية خلف خلاف؟

السؤال الثاني :
يافا .. وما أدراك ما يافا ؟ شو أول حاجة عملتيها لما شفتيها ؟ وكيف كانت ردة فعلها هي لما شافتك ؟ (بخلاف الرعب إياه اللي كان )
وشو الشي اللي اتفاجئتي فيه منها ماكان مبين عليها طول الوقت ؟
الا بالمناسبة صحيح .. مين يافا ؟ هاهاهاها

السؤال الثالث :
هو مش سؤال ,, انا راح احكي شوية جمل وانتي تعلقي عليها بجملة واحدة صغيرة :

- أوف يا ساتر ,, في حد بيشرب قهوة على وش الصبح ؟!!
- يا الله قديش بكرة ريحة السجاير ...
- بالك مين بينخنق من خالتو أكتر : انا ولا انتي ؟
- شو أخبار رغيف الخبز إياه ؟ مين أكلو .
- الصفافية بخلا .. ودمهم تقيل !!!!
- أكبر سقطة في تاريخ العرب وجود تيارات يسارية فيها لحد الأن ولسه مقتنعين بحالهم .. أعوذ بالله على قلة العقل ..!!

السؤال الرابع :
لو معاكي 12 الف شيكل شو بتعملي فيهم ؟ مع تمنياتي انو تكوني بخيلة يارب .. الله لا يعطي اللي في بالي عافية يارب ..

السؤال الخامس :
شو هي أول خاطرة كتبتيها ؟ وقديش كان عمرك ؟ موجودة ولا راحت مع الزمن ؟ لو موجودة ممكن نشوفها ؟

السؤال السادس والأخير :
عادة نفسك تتخلصي منها - وصفة نفسك تكون فيكي - وحد نفسك تتخلصي منو - وصديقة بتفتقديه بشدة - وموقف صعب بحياتك مابتنسيه ابداً ابداً مهما طال العمر ..

خلاص كدة كفاية .. وإفترا كمان
يلا جاوبي .. إنتي وضميرك
:sm235:

مع تحيات المفتش كرومبو

[مجدولين جبريل]

سلام
سلامين :more30:
كيف الحال يا مجدولين ؟ يارب تكوني مبسوطة في زنازين العبادلة المكيفة
طبعا مبسوطة... وحالي حالي حال.... ومالي مالي مال:more19:
أنا جيت ,, وجايب معايا شوية أسئلة على ما قُسُم
بدون مقدمات .. ولا تعقيدات ندخل في المضمون
أيوة أدخل في المضمون

السؤال الأول :
كيفك إنتي والصغار بتحبيهم / بيحبوكي ؟ ولا الامور ماشية خلف خلاف؟
أنا والصغار سمنة على عسل... زي السحر ما في طفل صغير الا بضحكلي.. وكثير بحبهم بطريقة مش طبيعية

السؤال الثاني :
يافا .. وما أدراك ما يافا ؟ شو أول حاجة عملتيها لما شفتيها ؟
أول شي عملت بستها بوسة طويلة :)
وكيف كانت ردة فعلها هي لما شافتك ؟ (بخلاف الرعب إياه اللي كان )
طبعا ما كان في رعب ولا شي بالعكس ضحكت بطريقة رائعة خلتني أبكي على طول، ونسيت أسلم على امها وأبوها:more30:
وشو الشي اللي اتفاجئتي فيه منها ماكان مبين عليها طول الوقت ؟
اسم الله عليها شو بتجنن، وعاقلة وهادية بطريقة مش طبيعية، اتفاجأت في انها عرفتني على طول، لأنه احنا دائما بنحكي معها ومع أهلها من خلال المحادثة التلفزيونية عبر الانترنت، وما كنت متوقعة انها راح تتعرف علي بسرعة:more30:

الا بالمناسبة صحيح .. مين يافا ؟ هاهاهاها

يافا بتكون بنت أختي:more19:

السؤال الثالث :
هو مش سؤال ,, انا راح احكي شوية جمل وانتي تعلقي عليها بجملة واحدة صغيرة :
طبعا إنت حطيت جمل على كيفك... وأنا راح أجاوب على كيفي :more30:

- أوف يا ساتر ,, في حد بيشرب قهوة على وش الصبح ؟!!
* الله يسامحك هو في شي أحلى من طعم القهوة وريحتها على وش الصبح!!!!
- يا الله قديش بكرة ريحة السجاير ...
* آه والله وأنا كمان ما بطيقها..
- بالك مين بينخنق من خالتو أكتر : انا ولا انتي ؟
*لا حول ولا قوة إلا بالله يعني لازم نجيب سيرتها ما فش فايدة يا صفية غطيني وصوطي عليّ.
- شو أخبار رغيف الخبز إياه ؟ مين أكلو .
*مش بس رغيق خبز، كفتة وجاج وكسترد وكمان خس:more30:
- الصفافية بخلا .. ودمهم تقيل !!!!
* بالعكس كرمه... وقلبهم طيب.
- أكبر سقطة في تاريخ العرب وجود تيارات يسارية فيها لحد الأن ولسه مقتنعين بحالهم .. أعوذ بالله على قلة العقل ..!!
* للأسف الاتحاد السوفيتي سقط... واحنا بنفكر حالنا ملكيين أكثر من الملك.

السؤال الرابع :
لو معاكي 12 الف شيكل شو بتعملي فيهم ؟ مع تمنياتي انو تكوني بخيلة يارب .. الله لا يعطي اللي في بالي عافية يارب ..

إذا كانوا إلي أنا بس أكيد راح أسافر فيهم على بلد جديدة وأنبسط، بس إذا كانوا لعائلتي... فراح نعمل فيهم شي نستفيد منه كلنا... وأنا أبدا مش بخيلة... والله يسامح اللي في بالك... ويكف بلاهم عنا

السؤال الخامس :
شو هي أول خاطرة كتبتيها ؟ وقديش كان عمرك ؟ موجودة ولا راحت مع الزمن ؟ لو موجودة ممكن نشوفها ؟

أول خاطرة حقيقية كتبتها كانت عبارة عن موضوع انشاء فجائي في الصف العاشر، طلب منا الأستاذ أن نتخيل حيوان مفترس يهجم علينا ونحن في الغابة، وكتبت خاطرة صغيرة، وفي اليوم التالي حضر الاستاذ وهنئني بشدة وقال لأول مرة في حياته يعطي علامة كاملة لموضوع إنشاء، وقام بنشرها لي في المجلة التي يعمل فيها، الخاطرة موجودة وسأقوم بكتابتها غدا إن شاء الله عندما أعود للبيت :) وراح تشوفوها تكرم أبو سليم:more19:

السؤال السادس والأخير :
- عادة نفسك تتخلصي منها: العصبية الزائدة
- وصفة نفسك تكون فيكي: طولة البال
- وحد نفسك تتخلصي منو: ما في حد
- وصديقة بتفتقديه بشدة: رانية اليوم سافرت :(
- وموقف صعب بحياتك مابتنسيه ابداً ابداً مهما طال العمر: يوم تلقيت خبر وفاة جدتي :(



خلاص كدة كفاية .. وإفترا كمان
يلا جاوبي .. إنتي وضميرك
:sm235:
لا مش كفاية أنا كنت متوقعة أسئلة أصعب من هيك على فكرة، بس إنت شكلك كاين مسلطن وإنت بتكتب فيهم، وأنا دائما براعي ضميري:more19:



مع تحيات المفتش كرومبو

آه عرفت مين الحرامي عبدو سشوار :more30:

مع تحياتي أنا مجدولين جبريل:more19:

[حافظ العبادله]

آه عرفت مين الحرامي عبدو سشوار :more30:
والله رغد بنت اخويا عندها رأي تاني
بتقول انو الحرامي هو لمبة الكهلبائي (الكهربائي) وانا واثق فيها صراحة ..
بالنسبة للأسئلة شو بدك أعمل يعني ..
ماانتي ماحدا قادر ياخد معاكي حق ولا باطل من المحققين .. كل سؤال إلو عندك جواب فوري ومنطقي وزي الفل .. الله يكون بعون لجنة الحكم

بس ما تخافي المفتش كرومبو اتصل بجهات خارجية للحصول على معلومات أكثر بخصوص تحركاتك الدولية والسرية .. وأكيد راح أرجعلك بشوية أسئلة من اللي هما .. شو ورانا احنا السنة غير التحقيقات ..
راجع بعد شوية انا وكرومبو والأسئلة ..

تقديري
ابو سليم

[حافظ العبادله]

سلام من جديد

بما إنو مزاجي رايق اليوم وزي الفل والكهربا قطعت بس 7 ساعات , استطعت التواصل مع هيئة المخابرات العبادلية - قسم العمليات الخارجية لمعرفة تفاصيل ومعلومات جديدة يمكن من خلالها مناقشة المتهمة اللوذعية مجدولين بنت جبريل الصفافية المقدسية .. وبناء على ما تأخر من مقدمة لا بد منها لتسييب ركب المتهمة وجعلها مرتعدة الفرائص , راغبة في الإعتراف والتخلص من الزنقات اللي راح تنزنقها في هالأسئلة اللي معمولة عمولة عند واحد نجار من دمياط ما تعرفهوش .. وبإشراف المفتش كرومبو شخصياً ...

ندخل في الموضوع .. الأسئلة يعني
الرجاء ربط الأحزمة أثناء القراءة , في مطبات كتير على الطريق ..

السؤال الأول :
نما إلي علمنا ووصل إلي سمعنا عبر عملائنا في منطقة أسيا أنك قضيت فترة لا بأس بها في اليابان , بلاد الناس اللي كلهم شبه بعض ومابيهمدوش من كتر الشغل ..سؤالي بقى مالوش علاقة بسبب زيارتك واللي الحمد لله استطعتي في أخرها إنك تتعلمي وبإحتراف كيفية فتح برنامج الوورد بكل سهولة وبدعسة زر واحدة ,, يابان ياعمي مش أي كلام .. المهم , خلينا في المهم , سؤالي راح يكون مركب من جزئيات سريعة :
- شو أكثر شي لفت إنتباهك هناك وضل مأثر عليكي كتير
- شو هي الأكلة اللي حبيتيها واللي لحد الان متعلقة فيها بعد ما رجعتي
- شو أهم شي اشتريتيه من هناك ؟ ولمين ؟
- شو هو المكان الأجمل اللي مابتنسيه هناك ؟
- شو هي الصفات اللي عجبتك في اليابانيين اثناء التعامل معاهم ؟ بخلاف انك اكيد ماكنتيش تعرفي تميزيهم من بعض لإنو اظن مستحيل قبل 10 سنين عيشه هناك ؟
- اخر سؤال ودا أهم سؤال " بدي تذكريلي الأسماء الكاملة لتلات أشخاص يابانيين إتعاملتي معاهم في أثناء زيارتك , طبعا راح نكتفي بالإسم الثلاثي عشان المنتدى ما يخربش ..

السؤال الثاني :
هذا السؤال عائلي ومن حقك ما تجاوبيش عليه لو ما حبيتي تجاوبي طبعاً
السؤال هو " انتوا عائلة متقاربة جداً حسب مابعرف .. وفي لغة حوار وتفاهم بتجمع بينكم وهي قاسم مشترك ممكن يخلي الواحد يعرف انكم اخوات بكل سهولة .. سؤالي هو :
صفي كل واحد من اخواتك بكلمة او جملة قصيرة هي الأقرب له حسب رؤيتك الخاصة ..
طبعاً انا ما ذكرت الأسماء عشان لو ما حبيتي تجاوبي .. لو حبيتي اكيد انتي راح تذكريها..

السؤال الثالث :
سؤال كلمات لها مدلولات ,, يعني راح احكيلك كلمة الها مدلول معين بحياتك أو بقاعدة البيانات في عقلك .. وعليكي انو تقولي شو مدلول الكلمة قدامها .. يلا نبدأ :

- جالاتا سراي
- The Kite Runner
- ثعبان مقلي
- مايكل جوردان
- جرار
- عماشة في الأدغال
- غزة تحت الحصار
- وجــع يطلق العنان للموت ,حكايات عن جــلود أطفــال ممزقة , و بيوت مهدمة,ودماء تستباح عند كل صباح( لو عرفتي هالمدلول إلك جائزة 10000 كورونا)

السؤال الرابع :
لاحظت من خلال متابعتي للموضوع إنو الحكيمة جارة الأقصى ما شاء الله عليها ما قصرت معك لين وتطييب ومهادنة ,, وسجاير وأكل ولابتوب بيدخلولك على السجن , ناقص تنظملك رحلات للخارج للترفيه عن سيادتكم بالسجن .. وهادا كلو طبعا بيدخل في إطار المحاباة لإنها بنت البلد الاصيلة اللي هي خير سفيرة للصفافيين في أنحاء المعمورة .. بس طبعاً هادا مابينفعش في سجننا هنا .. لإنو خلاكي تاخدي راحتك وتفردي جناحاتك وتتحدي المحققين .. وكل ما حدا يسألك تقولي هل من مزيد ؟ صراحة هيك كتير .. وذلك قررنا نجن المحقق حافظ العبادلة وكيل نيابة قسم الدرب الاحمر (فش قرابة بينو وبين النجم الأحمر) سؤالك سؤال مباشر بيخص الاخت الفاضلة جارة الأقصى لما كانت متهمة وقبل ما تاخد البراءة وتتحول لقاضي وتدللك كل هالدلال .. ندخل على السؤال اللي نتمنى انو نقدر من خلاله نفسد حبل الود بينك وبين الحكيمة فتقلب عليكي وبكدة نقدر نضيق عليكي الخناق ..
- جارة الاقصى قالت في اثناء التحقيق معاها أن عائلتها " عائلة صبحي " عائلة مشهورة بجمال شكل أفرادها " ماشاء الله اللهم لا حسد يعني " وطبعاً إحنا ثقتنا في جارة الأقصى لا حدود لها وكلنا صدقناها وما قلنا غير أمين .. ولكن !!! تناهي إلي مسامعنا إنك لما قريتي الكلام هادا مصمصتي في شفايفك .. ورفعتي حاجب ونزلتي التاني وقلتي بالحرف الواحد مثل كتير كتير مشهور في بلادنا واللي هو " قالوا الجمل طلع النخلة , قلنا هاي الجمل وهاي النخلة " ومن وين جابوا الجمال والحلاوة ما هياتهم جيراننا وبنعرفهم من مية سنة , وبعدها شوحتي بإيدك وقلتي " بلا مبالغاااااااااااااااااات " بصوت عالي سمعوه الجيران اللي حكولي !!!!
معقول يا مجدولين انتي حكيتي هيك على حكيمتنا ؟ اللي طول الوقت تدافع عنك وتمدح فيكي ؟ ليش قلتي هيك ؟ اعترفي وانا راح اتوسطلك انو تسامحك وما تزعل منك ؟
احنا جايين نهدي النفوس والله , لا بننقل كلام ولا بدنا نعمل مشاكل ...

ولحد كدة وكفاية قوي قوي قوي
وربنا يجيب العواقب سليمة
ودامت دياركم عامرة بالأفراح

ابو سليم + المفتش كرومبو

[مجدولين جبريل]

السؤال الخامس :
شو هي أول خاطرة كتبتيها ؟ وقديش كان عمرك ؟ موجودة ولا راحت مع الزمن ؟ لو موجودة ممكن نشوفها ؟

أول خاطرة حقيقية كتبتها كانت عبارة عن موضوع انشاء فجائي في الصف العاشر، طلب منا الأستاذ أن نتخيل حيوان مفترس يهجم علينا ونحن في الغابة، وكتبت خاطرة صغيرة، وفي اليوم التالي حضر الاستاذ وهنئني بشدة وقال لأول مرة في حياته يعطي علامة كاملة لموضوع إنشاء، وقام بنشرها لي في المجلة التي يعمل فيها، الخاطرة موجودة وسأقوم بكتابتها غدا إن شاء الله عندما أعود للبيت :) وراح تشوفوها تكرم أبو سليم:more19:




بما أنني رجعت للبيت هذه الخاطرة...
طبعا بتضحك :) أو مؤثرة إنتم من يقرر.... بس بهديك الأيام كانت فنعة خصوصا إنها كانت وليدة اللحظة... ومختلفة عن جميع أفكار زملائي في الصف :)

وهاي الخاطرة:

لحظة فكر (مجلة العودة، سنة 12 عدد 145، 15 تشرين أول 1994، صفحة 54)

"كنت في الغابة الخضراء، بجانب شجرة أستريح وأفكر بهمومي، وإذا بوحش مفترس يظهر لي من بين الأشجار.
كان هذا الوحش كنقطة سوداء في ورقة بيضاء تمثل الغابة الجميلة.
وفي اللحظة الأخيرة استطعت الابتعاد عن طريقه، ولكنه لم ينتبه إلي فقد كان نظره متجها لشيئ آخر...
وعندما نظرت إلى ما ينظر إليه، وجدت حيواناً أخر يهاجم صغار الحيوان الذي ظننته سيهاجمني. وكان صراعا مريرا بين الحيوانيين، واستنتجت أن هذا الحيوان كان أنثى تصارع من أجل صغارها صراع المستميت، وبقيت تصارع حتى قضت على الحيوان الآخر... ثم عادت إلى صغارها تطمئن عليهم وهناك بدأ الصغار بلعق جراح أمهم.
وهنا نظرت إليهم، وأحسست بشعور جميل يطغى على روحي لأنني علمت بأن الأم لا يستغنى عنها فهي تقاتل من أجل صغارها، وتتحول من حمل وديع مع أبنائها، إلى أسد جسور مع كل من يحاول إيذاء فلذات كبدها.
وحننت إلى أمي وتأملت إلى أن تكون إلى جانبي."

على كل أنا نقلت الخاطرة زي ما هيه ما غيرت فيها شي عشان تشوفو كيف كان أسلوبي قبل 15 سنة :)
مش طبيعي صح:more30:

[مجدولين جبريل]

طبعا بعد ما قعدت ساعة وأنا أرد على أبو سليم فصل النت وهوب ما بعرف شو صار وضاع كل اللي كتبته وهيك راح أضطر أعيد الأجوبة وأكيد مش راح تكون نفس الشي راح أحاول أتذكر :(


سلام من جديد
أهلا وسهلا

بما إنو مزاجي رايق اليوم وزي الفل
إن شاء الله دائما:more30:
والكهربا قطعت بس 7 ساعات ,
بسسسسسسسسسسسسسسسسسسسس
استطعت التواصل مع هيئة المخابرات العبادلية - قسم العمليات الخارجية لمعرفة تفاصيل ومعلومات جديدة يمكن من خلالها مناقشة المتهمة اللوذعية مجدولين بنت جبريل الصفافية المقدسية ..
والله، لله في خلقه شؤون
وبناء على ما تأخر من مقدمة لا بد منها لتسييب ركب المتهمة
ركب سايبة مين والناس نايمين
وجعلها مرتعدة الفرائص , راغبة في الإعتراف والتخلص من الزنقات اللي راح تنزنقها
من فرج عن مسلم كربة من كرب الدنيا فرج الله عنه كربة من كرب الآخرة ( وبلاش زنقة الستات)
في هالأسئلة اللي معمولة عمولة عند واحد نجار من دمياط ما تعرفهوش ..
بالزبط هي أسئلة ولا موبيليا؟؟؟؟ على كل دمياط مش بعيدة واللي يسأل ما يتهوش :more30:
وبإشراف المفتش كرومبو شخصياً ...
أهلا وسهلا " كريمبو" مش هو نفسو الأسكمو الشتوي؟؟؟ ولا راس العبد!!!!:more30:

ندخل في الموضوع .. الأسئلة يعني
الرجاء ربط الأحزمة أثناء القراءة , في مطبات كتير على الطريق ..

بييب بييب أهلي.... بيب آنابيب متأسفة فكرت حالي راكبة سيارة مش احنا عائلة محزمة :more38:

السؤال الأول :
نما إلي علمنا ووصل إلي سمعنا عبر عملائنا في منطقة أسيا أنك قضيت فترة لا بأس بها في اليابان , بلاد الناس اللي كلهم شبه بعض ومابيهمدوش من كتر الشغل ..سؤالي بقى مالوش علاقة بسبب زيارتك واللي الحمد لله استطعتي في أخرها إنك تتعلمي وبإحتراف كيفية فتح برنامج الوورد بكل سهولة وبدعسة زر واحدة ,, يابان ياعمي مش أي كلام .. المهم , خلينا في المهم , سؤالي راح يكون مركب من جزئيات سريعة :
- شو أكثر شي لفت إنتباهك هناك وضل مأثر عليكي كتير
أخلاقهم العالية، حسيت انهم مسلمين من غير اسلام
- شو هي الأكلة اللي حبيتيها واللي لحد الان متعلقة فيها بعد ما رجعتي
طبعا السوشي، وما أدراك ما السوشي يا ولدي
- شو أهم شي اشتريتيه من هناك ؟ ولمين ؟
عصي الأكل، وشريتها للجميع
- شو هو المكان الأجمل اللي مابتنسيه هناك ؟
أكيد مدينة هوريشيما.
- شو هي الصفات اللي عجبتك في اليابانيين اثناء التعامل معاهم ؟
زي ما حكيت الأخلاق العالية، النظام والترتيب واستغلال الوقت والمساحات والمواد بأحسن طرق.
بخلاف انك اكيد ماكنتيش تعرفي تميزيهم من بعض لإنو اظن مستحيل قبل 10 سنين عيشه هناك ؟
على فكرة بعد اسبوع واحد بدأت بالتميز بينهم، همه أبدا ما بشبهوا بعض:more30:
- اخر سؤال ودا أهم سؤال " بدي تذكريلي الأسماء الكاملة لتلات أشخاص يابانيين إتعاملتي معاهم في أثناء زيارتك , طبعا راح نكتفي بالإسم الثلاثي عشان المنتدى ما يخربش ..

طبعا همه ما بستخدموا الاسم الثلاثي، فقط الاسم الثنائي، وعادة يفضلون استخدام اسم العائلة متبوعا بكلمة "سان" وهي قريبة بالمعنى من "المحترم، أو حضرتكم"
وهاي الأسماء:
1. السيدة ناريكو فوكودا ، المسؤلة عن مجموعتنا التدريبية.
2. السيدة يوكو كيتاجاوا، صديقتي بالمراسلة قبل أن أسافر لليابان.
3. السيد ساداكو أوجاتا، مدير جايكا - المؤسسة اليابانية للتعاون الدولي.


السؤال الثاني :
هذا السؤال عائلي ومن حقك ما تجاوبيش عليه لو ما حبيتي تجاوبي طبعاً
السؤال هو " انتوا عائلة متقاربة جداً حسب مابعرف .. وفي لغة حوار وتفاهم بتجمع بينكم وهي قاسم مشترك ممكن يخلي الواحد يعرف انكم اخوات بكل سهولة .. سؤالي هو :
صفي كل واحد من اخواتك بكلمة او جملة قصيرة هي الأقرب له حسب رؤيتك الخاصة ..
طبعاً انا ما ذكرت الأسماء عشان لو ما حبيتي تجاوبي .. لو حبيتي اكيد انتي راح تذكريها..

أنا عندي ثلاث أخوات وأخ واحد الله يخليهم،
ياسمين: رفيقة دربي
محمود: الجنتل
جمانة: أمي الثانية
رزان: حافظة أسراري


السؤال الثالث :
سؤال كلمات لها مدلولات ,, يعني راح احكيلك كلمة الها مدلول معين بحياتك أو بقاعدة البيانات في عقلك .. وعليكي انو تقولي شو مدلول الكلمة قدامها .. يلا نبدأ :

- جالاتا سراي : آخ على أيام تركيا واسطنبول، هذا اشهر فريق كرة قدم بتركيا، وملعبه قريب من مضيق البسفور، وذكرتني بزيارتي لقصر الدولما باتشا المطل على المضيق.... آخ على تلك الأيام:more30:
- The Kite Runner : فلم نفسي أحضره خصوصا انه بعد ما قرأت عنه بالنت جذبتني قصته، الي بتحكي عن الأفغاني الذي يسكن في الولايات المتحدة ويعود لافغانستان ليساعد صديقه هناك، طبعا الفلم من انتاج العام 2007. على ما أعتقد، وهو عن رواية لكاتب أفغاني أيضاً يعني بنقرأ الكتاب وبعدين بنحضر الفلم عشان نقارن :)
- ثعبان مقلي : هذا بذكرني بايام طوكيو، لما أكلت ثعبان البحر بس هو كان مشوي مو مقلي، ويومتها أكلت كمان حبار وأخطبوط وبطاطا حلوة كمان:more30: وكله كان مشوي :)
- مايكل جوردان: أيام المدرسة كنت العب كرة سلة، وكنت أحب مايكل جوردن كثير، وكنت أتابع الـ NBA وأشجع فريق الشيكاغو بولز، أما هله بالنادر أتابع أو حتى العب، يرحم.
- جرار: امممممممممممم بنات جرار أعز صديقات على قلبي وأحلى شي انهم توأم :)
- عماشة في الأدغال: حلوة المفارقة فلم أجنبي بالأول وهله فلم قديم لفؤاد المهندس برضه مش غلط في الأدغال في الأدغال :)
- غزة تحت الحصار: مش بس غزة
- وجــع يطلق العنان للموت ,حكايات عن جــلود أطفــال ممزقة , و بيوت مهدمة,ودماء تستباح عند كل صباح( لو عرفتي هالمدلول إلك جائزة 10000 كورونا)

كورونا ؟؟؟ هو إنت ناوي تسفرني على السويد؟؟؟؟
هاي جملة قرأتها في مكان ما... وذكرني بها صديق عزيز قبل قليل، الله يسعد مساه:more19: وهي صادقة 100% ،وتذكرني أيضا بكلمات هذه الأغنية:
"أحكي للعالم أحكي له
عن بيت كسروا قنديله
عن فأس قتلت زنبقة
وحريق أودا بجديلة
أحكي عن شاة لم تحلب
عن عجنة أم ما خبزت
عن سطح طيني أعشب
أحكي للعالم أحكي له"
طبعا أكيد بتتذكروا هاي الأغنية لفرقة البراكين

السؤال الرابع :
لاحظت من خلال متابعتي للموضوع إنو الحكيمة جارة الأقصى ما شاء الله عليها ما قصرت معك لين وتطييب ومهادنة ,,
يسلمه اديها
وسجاير وأكل ولابتوب بيدخلولك على السجن , ناقص تنظملك رحلات للخارج للترفيه عن سيادتكم بالسجن ..
ايه مو غلط "الزلقوط، من مسلسل نهاية رجل شجاع"
وهادا كلو طبعا بيدخل في إطار المحاباة لإنها بنت البلد الاصيلة اللي هي خير سفيرة للصفافيين في أنحاء المعمورة ..
الله يمسيها بالخير
بس طبعاً هادا مابينفعش في سجننا هنا ..
ولو!!!
لإنو خلاكي تاخدي راحتك وتفردي جناحاتك وتتحدي المحققين ..
أنا ما تحديت حدا، يا حرامك :(
وكل ما حدا يسألك تقولي هل من مزيد ؟ صراحة هيك كتير ..
ليش كثير، لأنه أسئلتكم ممتعة وبتمثل تحدي أنا بطلب المزيد :)
وذلك قررنا نحن المحقق حافظ العبادلة وكيل نيابة قسم الدرب الاحمر (فش قرابة بينو وبين النجم الأحمر)
أنعم وأكرم فيك وفي النجم الأحمر:more30:
سؤالك سؤال مباشر بيخص الاخت الفاضلة جارة الأقصى لما كانت متهمة وقبل ما تاخد البراءة وتتحول لقاضي وتدللك كل هالدلال ..
إنت ما صدقت يا سيد
ندخل على السؤال اللي نتمنى انو نقدر من خلاله نفسد حبل الود بينك وبين الحكيمة فتقلب عليكي وبكدة نقدر نضيق عليكي الخناق ..
سجنكم واسع كالأرض بما رحبت
- جارة الاقصى قالت في اثناء التحقيق معاها أن عائلتها " عائلة صبحي " عائلة مشهورة بجمال شكل أفرادها " ماشاء الله اللهم لا حسد يعني "
عين الحسود فيها عود يا حلاوة
وطبعاً إحنا ثقتنا في جارة الأقصى لا حدود لها وكلنا صدقناها وما قلنا غير أمين ..
أكيييييييييييييييد
ولكن !!! تناهي إلي مسامعنا إنك لما قريتي الكلام هادا مصمصتي في شفايفك ..
طيب!!!!!
ورفعتي حاجب ونزلتي التاني
وبعدين؟؟؟؟
وقلتي بالحرف الواحد مثل كتير كتير مشهور في بلادنا واللي هو " قالوا الجمل طلع النخلة , قلنا هاي الجمل وهاي النخلة "
بشرفك؟؟؟؟
ومن وين جابوا الجمال والحلاوة ما هياتهم جيراننا وبنعرفهم من مية سنة ,
هيك يعني؟؟؟
وبعدها شوحتي بإيدك وقلتي " بلا مبالغاااااااااااااااااات " بصوت عالي سمعوه الجيران اللي حكولي !!!!
إنت مش مصلي على النبي!!!!
معقول يا مجدولين انتي حكيتي هيك على حكيمتنا ؟
طبعا مش معقول!!!
اللي طول الوقت تدافع عنك وتمدح فيكي ؟ ليش قلتي هيك ؟ اعترفي وانا راح اتوسطلك انو تسامحك وما تزعل منك ؟
تعوذ من الشيطان يا أخي أبو سليم، لم أعرف بأنك من اياهم!!! لا حول ولا قوة إلا بالله
احنا جايين نهدي النفوس والله , لا بننقل كلام ولا بدنا نعمل مشاكل ...
فيك الخير ياأخينا، إنت اطلع منها بس وهي تروق وتحلى

ولحد كدة وكفاية قوي قوي قوي
لا ليش، ما تكمل لسه في اتنين بآخر بيت صفافا ما بدك تعلقني معهم :(
وربنا يجيب العواقب سليمة
طبعا سليمة، لأنه
أولاً: إنت أكيد مش قاصد تعمل أي مشكلة، وإنت بتعرض الموضوع بحسن نية... وبتحب تتأكد مني إذا هذا الكلام صحيح ولا لا
أنا بقلك طبعا لا ولا يمكن أنا أحكي كلام مثل هذا عن الأخت جارة الأقصى، ومن نقل لك هذه الرؤية أو المسلسل الدرامي (من نوعية الحسان والشجعان، البولد آند ذا بيوتيفول) مش صادق أبدا. وابصر شو بده.
ثانيا: أنا متأكدة إنه الأخت جارة الأقصى مش راح تصدق إنه هذا راح يكون موقفي منها مش هيك.:more30:
ودامت دياركم عامرة بالأفراح
إن شاء الله للجميع

ابو سليم + المفتش كرومبو

أهلا وسهلا ميلودي أفلام " وعجبي"
كيف بله ما تحكيلي ولا عالم البحار :more30::more30::more30::more30:

[جارة الأقصى]

يا ساتر ...بصراحة حسيت في اشي مش مزبوط
ابو سليم
مجدولين
حظكم اني مش فايقة في الوقت الحالي وبالي مش فاضي
والقصة بدها تحقيق مزبوط
سلام

[حافظ العبادله]

يا ساتر ...بصراحة حسيت في اشي مش مزبوط
ابو سليم
مجدولين
حظكم اني مش فايقة في الوقت الحالي وبالي مش فاضي
والقصة بدها تحقيق مزبوط
سلام

ياهلا بجارة الأقصى
وين هالغيبة .. ولا انا اللي غايب ولا شو بالزبط

شايفة انتي اللي بيصير من وراكي
يعني خير تعملي شر تلقي ..
انا قلت لمجدولين .. له يابنت الحلال ,, لا تحكي هيك على الحكيمة
الحكيمة بتتاقل بالذهب ,, وهي أبداً راسها وألف سيف إنو هي صح
مابعرف ليش غيرت كلامها في المنتدى ..
وعموماً انا معاكي التحقيق لازم ياخد مجراه لكشف الحقيقة

وبرجع وبقول
إحنا جايين نهدي النفوس ,, ومش بتوع مشاكل أبداً أبداً

سلامونات

[مجدولين جبريل]

يا ساتر ...بصراحة حسيت في اشي مش مزبوط
ابو سليم
مجدولين
حظكم اني مش فايقة في الوقت الحالي وبالي مش فاضي
والقصة بدها تحقيق مزبوط
سلام
مسا الخير يا جارتي العزيزة
إن شاء الله بالك يروق... وتفضي لنا...
والله وكيلك أنا مش عارفة شو الحكاية والقصة...
والله يسعد أيامه أبو سليم شكله فايق ورايق...
وبده يتسلى فينا...
اتسلى يا اخويا... اتسلى...
خلينا نشوف آخرتها معاك:more30:


ياهلا بجارة الأقصى
وين هالغيبة .. ولا انا اللي غايب ولا شو بالزبط

شايفة انتي اللي بيصير من وراكي
يعني خير تعملي شر تلقي ..
انا قلت لمجدولين .. له يابنت الحلال ,, لا تحكي هيك على الحكيمة
الحكيمة بتتاقل بالذهب ,, وهي أبداً راسها وألف سيف إنو هي صح
مابعرف ليش غيرت كلامها في المنتدى ..
وعموماً انا معاكي التحقيق لازم ياخد مجراه لكشف الحقيقة

وبرجع وبقول
إحنا جايين نهدي النفوس ,, ومش بتوع مشاكل أبداً أبداً

سلامونات



يا ابن الحلال شو قصتك؟؟؟
طب أنا لسه ما طلعت من المعتقل... وهيك بتلبسني بتهمة جديدة شو أعمل بحالي :(
وبعدين يعني عشان جارة الأقصى قلبها علي بدك تعلقنا...
على كل أنا عارفة إنه مش قصدك تعمل مشاكل انت بس بتتناغش :more30:
مش هيك؟؟؟؟
يا خوفي من الأيام ومما تخفي...
خليني أعرف أطلع من المعتقل الله يوفقك... صحيح أنا مبسوطة بالمعتقل... بس ما بدياها تصير تأبيدة:)

سلام يا اخويا يا ابو سليم

[Sameh]

مجدولين
انا شايف انه الجماعة مشددين عليك بالتحقيق
كأنه بينك وبنهم ثار ودم لا سمح الله
اذا تحتاجي مساعدة المسدس جاهز
ما في مشكلة

سيدتي الجميلة

سؤال يتوارد الى ذهني الان في هذا الصباح وانا في مكتبي والجو بارد خارجا
هل هذه البرودة وهذا الطقس وتقلباته يعطينا الامل انه سيكون هناك تغير في طقس العرب والمسلمين يتحولوا من درجة التجمد الموجودين فيها الى نسبة ولو قليلة من الدفء والحرارة وخاصة مع حرارة الدم واشعاعات المآسي اليومية وصرخات الاطفال والنساء وأنين الاقصى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

سؤالي الاخر ليس له علاقة بالاول ::::
الحب عندي له شأن وله معاني غير البشر ،،، ولكن انت ما يعني لك ؟؟؟؟؟؟؟؟؟؟

سؤال علمي ثقافي اجتماعي رياضي :::
منتدى العبادلة ،،، بالنسبة الى مجدولين ماذا يعني ؟؟؟؟؟؟؟؟؟؟؟؟؟؟؟؟؟؟؟؟؟؟؟

سؤال آخر ،،،،،
ما هو اجمل بيت شعر تحبينه وترددينه دائما
ومن هو الشعر المفضل لديك

مع شكري وتقديري

[مجدولين جبريل]

مجدولين
نعم يا سامح
انا شايف انه الجماعة مشددين عليك بالتحقيق
كأنه بينك وبنهم ثار ودم لا سمح الله
اذا تحتاجي مساعدة المسدس جاهز
ما في مشكلة
كثر خيرك يا سامح، احنا شايلينك لعوزة..وبالنسبة للمسدس.. يسلمه أنا ما بحب السلاح أبداً وبالنسبة للتحقيق.. ما تخاف علي أنا قده وقدود... وراح تشوف بالآخر راح ينقلب السحر على الساحر وأطلع زي الشعرة من العجين...
وبعدين همه لجنة تحقيق وهاي شغلتهم :)
سيدتي الجميلة
إيش يا راغب علامة... قصدي سامح يسلمه

سؤال يتوارد الى ذهني الان في هذا الصباح
معناه صباح الخير
وانا في مكتبي والجو بارد خارجا
المهم دفء القلوب
هل هذه البرودة وهذا الطقس وتقلباته يعطينا الامل انه سيكون هناك تغير في طقس العرب والمسلمين يتحولوا من درجة التجمد الموجودين فيها الى نسبة ولو قليلة من الدفء والحرارة وخاصة مع حرارة الدم واشعاعات المآسي اليومية وصرخات الاطفال والنساء وأنين الاقصى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
آخ يا سامح، يعني لازم تقلب علينا المواجع؟؟؟؟ على كل أنا صارلي 16 يوم معطلة واليوم أول يوم دوام.. وأصلا صحيت غصب عني... لحد هله ما جاوبت بس جايتك بالجواب استنى انت بس... والدنيا برد مووت برة... بس الحمد لله حزنو علينا بالشغل وشغلوا التدفئة وأنا ولعت شمعتين برائحة التفاح الأخضر فريحة مكتبي هله بتجنن... ومزاجي كان رايق.. قبل ما أقرأ سؤالك هذا؟؟؟
على كل أنا دائما عندي أمل... وبعرف إن الله كبير.... وبجوز الصورة العامة قاتمة... لكن كلنا بنعرف انه الفجر ما بطلع إلا بعد الظلام الحالك... فصبرا آل ياسر موعدكم الجنة...
وبعدين وضع العرب هله مش أحسن من وضعهم وقت صلاح الدين... نفس الشي خلافات ودسائس... وقوى غربية محتلة مساحات كبيرة من بلاد المسلمين... ولكن لما رجعوا لدينهم وبوجود قائد مسلم حقيقي وحدهم وقدروا ينتصروا، فبإذن الله إذا رجعنا لدينا الله ببعتلنا قائد مسلم حقيقي... لأنه " كما أنتم يولى عليكم"...

سؤالي الاخر ليس له علاقة بالاول ::::
الحب عندي له شأن وله معاني غير البشر ،،، ولكن انت ما يعني لك ؟؟؟؟؟؟؟؟؟؟
لا يا سامح إله علاقة...
فأنا برأي الحب هو محرك لهذه الدنيا...
كيف؟؟
طبعا هذا يعتمد على إنت بتحكي عن أي حب فيهم؟؟؟
الحب بين الرجل والمرأة ؟؟؟ أم الحب بالمعنى الأشمل؟؟؟
أنا بالنسبة إلي الحب زي المثل القائل: اللذي ليس له كبير يدور على واحد، يعني اللذي ليس له حب يدور على واحد...
يعني أنا بحب أحكيلك أنا عايشة حالة حب من أول يوم قابلت فيه الدنيا..
وزي ما حكيت في موضوع آخر هنا في الملتقى...
إذا الانسان ماكنة والقلب محرك فالحب هو الوقود الذي يحافظ على حركة هذه الماكنة...
بكفي هيك ولا بدك كمان... إنت بس أطلب واتمنى :more30:
فيعني لو ما كان صلاح الدين يحب الله أولا ومن ثم الاسلام وأرض المسلمين... ومن ثم زوجته وأولاده ما فكر أن يجاهد ليوفر لهم حياة كريمة فوق أرض المسلمين:more19:

سؤال علمي ثقافي اجتماعي رياضي :::
منتدى العبادلة ،،، بالنسبة الى مجدولين ماذا يعني ؟؟؟؟؟؟؟؟؟؟؟؟؟؟؟؟؟؟؟؟؟؟؟
آه ملتقى العبادلة.. زي ما حكيت سابقاً بتعرف لما سألو جحا وين بلادك شو قال؟؟؟
قال بلادي محل مرتي وولادي :more30:
وأنا حكيت إنه كل كلمة بكتبها بحسها زي ولادي...
فمعناه وين بلادي أكيد ملتقى العبادلة:more19:

سؤال آخر ،،،،،
ما هو اجمل بيت شعر تحبينه وترددينه دائما
ومن هو الشاعر المفضل لديك

الشاعر المفضل وأجمل بيت شعر؟؟؟
شاعري المفضل فاروق جويدة :
*شاعر مصري معاصر ولد عام 1946، و هو من الأصوات الشعرية الصادقة والمميزة في حركة الشعر العربي المعاصر، نظم كثيرام ن ألوان الشعر ابتداء بالقصيدة العمودية وانتهاء بالمسرح الشعري.
*قدم للمكتبة العربية 20 كتابا من بينها 13 مجموعة شعرية حملت تجربة لها خصوصيتها، وقدم للمسرح الشعري 3 مسرحيات حققت نجاحا كبيرا في عدد من المهرجانات المسرحية هي: الوزير العاشق ودماء على ستار الكعبة والخديوي.
*ترجمت بعض قصائده ومسرحياته إلى عدة لغات عالمية منها الانجليزية والفرنسية والصينية واليوغوسلافية، وتناول أعماله الإبداعية عدد من الرسائل الجامعية في الجامعات المصرية والعربية.
*تخرج في كلية الآداب قسم صحافة عام 1968، وبدأ حياته العملية محررا بالقسم الاقتصادي بالأهرام، ثم سكرتيرا لتحرير الأهرام، وهو حاليا رئيس القسم الثقافي بالأهرام.

وطبعا أنا أكثر قصيدة بحبها : "لو أننا لم نفترق"
وإذا أي حد بحب يقرأ أشعاره :
http://www.adab.com/modules.php?name=Sh3er&doWhat=lsq&shid=10&start=0


وأجمل بيت شعر:
لبيتٌ تخفقُ الأرياحُ فيهِ
أحبّ إليّ من قصر ٍ منيفِ

مع شكري وتقديري
أهلا وسهلا :more19:

[Sameh]

مجدولين
صاحبة المجد الدائم
قرأت فيك الثقافة العالية والفكر الرزين
شكرا على تفاعلك الجميل
وان شاء الله لي عودة

[مجدولين جبريل]

أخي سامح...
شكرا لكلماتك...
وأنا كما دائما لست إلا على بعد خطوات :)

[Sameh]

سيدتي الاجمل مجدولين

عندما اتحدث عن الحب ،،، فأقصد الحب بيني وبين تلك الانسانة التي اتمناها دائما
هي التي تسكن قلبي ووجداني ، وانا بانتظارها دائما ، سواء في الواقع الو الخيال
في الحقيقة او الوهم ، اعيشها ام اتخيلها ...............................

مجدولين

1. في الصباح بماذا تدندنين ( اغنية ترددينها في الصباح ) ؟؟
2. الان وانت تقرأين وفي مكتبك ،، لو قلت لك غني ،،، وش تحبي تغني ؟؟؟
3. ممكن تعطيني ثلاث اسماء اعضاء في المنتدى مغلبينك ،، اعضاء او عضوات ؟؟؟
4. ممكن تعطيني ثلاث اسماء اعضاء او عضوات في المنتدى تحبي تواجدهم دائما ؟؟
بعرف الكل بس التحديد مطلوب ........................
5. بلاد تحبي السفر اليها وزيارتها
6. انا بحب الافلام اللي كلها تدمير وووو غيرها ،،، انت شو تحبي تشاهدي ؟؟؟؟
7. احب من الاسماء ما شابه اسمها ،،، فأي الاسماء تحبين انت
ثلاث اسماء ذكور وثلاث اناث ( بالحياة وليس بالمنتدى اقصد )
8. ما هو الشيء الذي يبعثك على التفاؤل دائما ،،،، ؟؟؟؟؟؟؟؟؟؟؟؟؟؟؟؟؟؟؟
9. الورد وما اجمل الورد ،،، ما هو النوع الذي تفضلينه وتحبيه اكثر وتحبي ان يهدى اليك ؟؟
10. انا من خلال تواصلي معك وقراءة مشاركاتك بصراحة شدتني شخصيتك ولفتني الانتباه الى حضورك وتواصلك المميز ،،، هذا مش سؤال هذا جواب

امنياتي لك دائما مع باقة الورد الاجمل

[مجدولين جبريل]

سيدتي الاجمل مجدولين
نعم يا صديقي

عندما اتحدث عن الحب ،،، فأقصد الحب بيني وبين تلك الانسانة التي اتمناها دائما
هي التي تسكن قلبي ووجداني ، وانا بانتظارها دائما ، سواء في الواقع الو الخيال
في الحقيقة او الوهم ، اعيشها ام اتخيلها ...............................
أها... معناه سؤالك صار جوابه غير شكل...
هذا الحب أنا بتنفسه طوال الوقت... وكما قلت أنت سواء كان حقيقة أم وهم...
حالة الحب هي اللتي تخلق الابداع... سواء كان المحبوب نصفي الآخر... أو توأم روحي... أو ربما كان الله جل جلاله...
بس الحب اللي انت بتقصده... هو الذي يحرك الخلجات ويزيح الغبار عن خلايا القلب والدماغ... وهو الذي يطلقني في بحور الابداع:more19:

مجدولين
نعم يا سامح

1. في الصباح بماذا تدندنين ( اغنية ترددينها في الصباح ) ؟؟
كل صباح أغنية تختلف... حسب المزاج :) مثلا اليوم كنت أدندن بأغنية أحد أفلام الكرتون :more30: ألا وهي " توتة توتة توتة يا حلوة يا توتة... للمريخ نرحل... نشاهد هالحتوتة..." هذا لأنه طوال البارحة وأنا أسمع فيها مع ابنة أختي الصغيرة :more30:
2. الان وانت تقرأين وفي مكتبك ،، لو قلت لك غني ،،، وش تحبي تغني ؟؟؟
أغنية أعراس فلسطينية " رنة سيويرة يا حلات هالرنة.. نادو على امه تاتشوف هالكنة :)"
3. ممكن تعطيني ثلاث اسماء اعضاء في المنتدى مغلبينك ،، اعضاء او عضوات ؟؟؟
أمتنع عن الاجابة :more62:
4. ممكن تعطيني ثلاث اسماء اعضاء او عضوات في المنتدى تحبي تواجدهم دائما ؟؟
بعرف الكل بس التحديد مطلوب ........................
1. أبو يوسف
2. مرهفة الاحساس
3. أبو سليم

5. بلاد تحبي السفر اليها وزيارتها
نفسي أزور اسبانيا... وايطاليا.. والبرازيل وروسيا وإذا ممكن كوك آيلاند " جزيرة في المحيط الهادي لدي صديقة تسكن هناك" والصين وبس :more30:
6. انا بحب الافلام اللي كلها تدمير وووو غيرها ،،، انت شو تحبي تشاهدي ؟؟؟؟
كل أنواع الأفلام بس بحب الأفلام الاجتماعية والرومنسية..
7. احب من الاسماء ما شابه اسمها ،،، فأي الاسماء تحبين انت
ثلاث اسماء ذكور وثلاث اناث ( بالحياة وليس بالمنتدى اقصد )
ولا يهمك :
* ذكور:
1. عبد الجليل
2. محمود
3. محمد
* اناث:
1. سارة
2. جليلة
3. يافا :)


8. ما هو الشيء الذي يبعثك على التفاؤل دائما ،،،، ؟؟؟؟؟؟؟؟؟؟؟؟؟؟؟؟؟؟؟
الورد:more19:
9. الورد وما اجمل الورد ،،، ما هو النوع الذي تفضلينه وتحبيه اكثر وتحبي ان يهدى اليك ؟؟
أنا بحب جميع أنواع الورود والزهور بس بحب اللي بكون لونهم بنفسجي أكثر:more19:
10. انا من خلال تواصلي معك وقراءة مشاركاتك بصراحة شدتني شخصيتك ولفتني الانتباه الى حضورك وتواصلك المميز ،،، هذا مش سؤال هذا جواب
:more30: شكرا يا صديقي :)

امنياتي لك دائما مع باقة الورد الاجمل

الله يسعد مساك ياااااااااااااااااااااااا رب

[Sameh]

م ج د و ل ي ن
شكرا لك على هذه الاجوبة
ولكن سؤال رقم 3
بدك تجاوبي عليه
والا شو رأيك

[مجدولين جبريل]

م ج د و ل ي ن
شكرا لك على هذه الاجوبة
ولكن سؤال رقم 3
بدك تجاوبي عليه
والا شو رأيك



3. ممكن تعطيني ثلاث اسماء اعضاء في المنتدى مغلبينك ،، اعضاء او عضوات ؟؟؟

أمتنع عن الاجابة :more62:





راح أجاوب ما في حد يا سامح مدايقني... ولا مغلبني أنا مش بسهولة بتغلب أو بدايق :)

[Sameh]

راح أجاوب ما في حد يا سامح مدايقني... ولا مغلبني أنا مش بسهولة بتغلب أو بدايق :)


شكرا على جوابك

[مجدولين جبريل]

ولك كل العفو :)

[جارة الأقصى]

بسم الله
لقد عدت بعد ما فقت ورقت :) والحمدلله
وبدون مقدمات يا ابو سليم لم اصدق اي كلمة من الكلام اللي حكيته
لسببين اولا لاني اعرف ابو سليم ليس من النوع الذي ينقل الكلام وينم ويشبك في الناس والعكس صحيح تماما واذا في شخص بالدنيا بحب الخير للناس بكون ابو سليم
والسبب الثاني ثقتي بمجدولين العمياء وباخلاقها
والثالث زيادة البياع لاني لا اكذب وانا اعرف نفسي ولا اعرف التلفيق :)
ابو سليم بلاش تصطاد بالمية العكرة مش رايحة احققلك حلمك بان تعمل عليه وعلى مجدولين افلام تخليك تضحك من وراء الشاشة ،مش رايحة اخلي اسنانك يبينوا :)

مجدولين بدون مجاملة من خلال قراءتي لمشاركاتك ومن خلال تعاملي معك فيالملتقى كل يوم ازداد اعجابا بك
والعجب انني اعرف جميع اسرتك ما عداك للاسف وها انا اتعرف عليك ليس بالقرية لكن في غزة :)
لذلك اتوجه بالشكر الجزيل لملتقى العبادلة ولابو سليم اللي عرفني على انسانة رائعة مثلك (احبك في الله)

بالنسبة لاسئلتي اليوم ارجو ان لا تكون مكررة كعادتي فانا كثيرة النسيان :)
وان تكون خفبفة عليك:

*لو خيرتك بان تختاري حقبة زمنية من هذه الحقب فاي حقبة تختارين :
فترة حكم هارون الرشيد
في الاندلس
فترة حكم مصر في عهد جمال عبد الناصر


*اكملي الجمل التالية بطريقتك :

يا أمتي ....

انا ابنة....

في طريقي...

ابكي وانا......

لو لم يكن....

تعساً لمن....


*لو قالولك بدك تروحي على حي القرارة وتزوري العبادلة من و ماذا ستأخذين معك
ومن اول شخص تحبين رؤيته منهم؟


انشالله يكونوا الاسئلة خفيفة
والله يرضى عليك يا رب

[أبو يوسف]

مساء الخير

شايف سامح عامل جو حلو ، و الورد ريحتو وصلت لعندي مع انو الكمبيوتر كان عطلان

منور اخي سامح ، و تقديري لتعطيك الجميل مع المحققين يا مجدولين

بصراحة و مع بداية العد التنازلي لفترة التحقيق كنت عايز منك توضحي ...

1- انطباعك عن الفترة اللي قضيتيها بالدولاب

2- اسئلة انتظرتيها ،،،، ولم تصل

3- محقق بعينه اردت سماع استجوابه

4 - شو بتتوقعي الحكم؟

..

[مجدولين جبريل]

بسم الله
لقد عدت بعد ما فقت ورقت :) والحمدلله
الحمد لله
وبدون مقدمات يا ابو سليم لم اصدق اي كلمة من الكلام اللي حكيته
آخ يا أبو سليم معناه حركاتك مع جارتنا ما زبطت :more30:
لسببين اولا لاني اعرف ابو سليم ليس من النوع الذي ينقل الكلام وينم ويشبك في الناس والعكس صحيح تماما واذا في شخص بالدنيا بحب الخير للناس بكون ابو سليم
والله يا جارتي بدأت أشك في هذه القصة... فمما يبدو بأنه كان مصرا على افتعال اشكال... والله أعلم بنيته:more30:
والسبب الثاني ثقتي بمجدولين العمياء وباخلاقها
شكرا جزيلا:more19:
والثالث زيادة البياع لاني لا اكذب وانا اعرف نفسي ولا اعرف التلفيق :)
والنِعم والسبع تنعام
ابو سليم بلاش تصطاد بالمية العكرة مش رايحة احققلك حلمك بان تعمل عليه وعلى مجدولين افلام تخليك تضحك من وراء الشاشة ،مش رايحة اخلي اسنانك يبينوا :)
ياي أبو سليم طلع عندك أسنان :sm179:

مجدولين بدون مجاملة من خلال قراءتي لمشاركاتك ومن خلال تعاملي معك فيالملتقى كل يوم ازداد اعجابا بك
أخجلتم تواضعنا :more34:
والعجب انني اعرف جميع اسرتك ما عداك للاسف وها انا اتعرف عليك ليس بالقرية لكن في غزة :)
مجدولين الخفية :icon103:
لذلك اتوجه بالشكر الجزيل لملتقى العبادلة ولابو سليم اللي عرفني على انسانة رائعة مثلك (احبك في الله)
المحبة من الله :more2:

بالنسبة لاسئلتي اليوم ارجو ان لا تكون مكررة كعادتي فانا كثيرة النسيان :)
لا ولا يهمك حتى لو مكررة أنا شو وراي :more30:
وان تكون خفبفة عليك:
أكيد خفيفة :more71:

*لو خيرتك بان تختاري حقبة زمنية من هذه الحقب فاي حقبة تختارين :
فترة حكم هارون الرشيد
في الاندلس
فترة حكم مصر في عهد جمال عبد الناصر

فترة حكم الأندلس... وطبعا فترة الازدهار... مش الفترة الأولى ولا الأخيرة أكيد، يعني الفترة التي كان فيها المسلمين يفكرون بمصلحة الاسلام... وليس كيف تنتصر الدولة الأموية... وليس عندما أصبح الشقاق بين الإخوة أكثر من الاتفاق :(

*اكملي الجمل التالية بطريقتك :

يا أمتي .... كفاك نوما

انا ابنة.... أمي وأبي

في طريقي... ورود عطرة... أحلام برائحة المسك

ابكي وانا...... وحدي

لو لم يكن.... وطني فلسطين لاخترت أن أكون من فلسطين :more19:(بس هذه مش عارفة إذا كانت صحيحة لأنه طول عمري فلسطينية.... وما بعرف كيف الواحد بكون مش فلسطيني وكيف شعوره... بس إن شاء الله لو ما كنت فلسطينية... إن شاء الله طبعا أحب أكون فلسطينية :more30:)

تعساً لمن.... يخون


*لو قالولك بدك تروحي على حي القرارة وتزوري العبادلة من و ماذا ستأخذين معك
ومن اول شخص تحبين رؤيته منهم؟
راح آخد معي قهوة تكفي الكل، وراح آخد معي أهلي كلهم لأنهم كلهم مشتاقين لغزة...
أحب رؤية الأخت محتاجة لك.. بعرف إنه ساكنة في خانيونس بس الوعد أمانة... لأنه هي حكتلي راح تدفع نص عمرها وتشرب معي فنجان قهوة... عشان هيك هي أول وحدة بدي أشوفها


انشالله يكونوا الاسئلة خفيفة
والله يرضى عليك يا رب

الله يسعد صباحك.. وإن شاء الله أجوبتي كانت تمام ؟؟؟؟

[مجدولين جبريل]

مساء الخير
مساء وصباح الخير بما انه الدنيا هله صبح

شايف سامح عامل جو حلو ، و الورد ريحتو وصلت لعندي مع انو الكمبيوتر كان عطلان
يا أخي أبو يوسف أولا حمد لله على سلامة كمبيوترك والهارد ديسك :more30: وثانياً عاشق الورد الأخ سامح... استيقظ من سباته الطويل وبدأ بنثر العبير صباح الأمس... وبحمد الله مواضيعي في المنتدى تعطرت بمروره

منور اخي سامح ، و تقديري لتعطيك الجميل مع المحققين يا مجدولين
الله ينور أيامك يا أبو يوسف :more19:

بصراحة و مع بداية العد التنازلي لفترة التحقيق كنت عايز منك توضحي ...

1- انطباعك عن الفترة اللي قضيتيها بالدولاب
انطباعي...
والله يا طائر الليل الحزين... كما قلت سابقا دولاب التحقيق تجربة مميزة... تساعدنا بالتعرف على الشخصية المعتقلة... وتساعد الشخصية المعتقلة على ايصال أفكارها ومكنونات قلبها للجميع :)
وبالنسبة لي أنا كنت سعيدة جدا ومستمتعة بالاجابة على جميع الأسئلة بلا استثناء

2- اسئلة انتظرتيها ،،،، ولم تصل
ما أعتقد إنه في أسئلة معينة كنت بانتظارها :) لأنه والحمد لله كفيتو ووفيتو

3- محقق بعينه اردت سماع استجوابه
فولكانو

4 - شو بتتوقعي الحكم؟


تقفين مندهشة ، و ربما مذهولة

ما الذي أتي بي إلى هنا

كيف تنتهي رحلاتي بين هذه الجدران

و قد جبت العالم الرحب كما يطوف طفل أرجاء حديقته المنزلية



نقلت أخبار الوردات

و شربت قهوتي مع العصافير في الصباحات

و إذا ما جاء المساء ،،، عزفت بكلماتي أجمل لحن تتناقله النسمات

و في الليل أقيم مملكة الحرف ، و أمارس طقوس الكلمات


و بعد هذا أقف هنا

لأواجه اتهامات !!!!



http://img408.imageshack.us/img408/4928/98531563jk5lc3xj3.gif


سيدتي ،، كل ما دار بخلدك ... حقائق مثبتات

و كل من صادقتهم ، وجهوا لك اتهامات

و طالبوا بنفيك و سجنك سنوات

فالورد يشكو أنامل قطفته و أبعدته عن الشوكات


و العصافير تندب يوما هجرتِها ، و صادقتِ الكلمات

و القمر يشجب إفشاءك أسراره و الحكايات


حتى فنجان قهوتك يتساءل : أما عادت تطيب لك مني الرشفات ؟


و نسمات الليل تدعو عليكِ و على من ابتكر المنتديات.


و بشراً مثلك ، ينظمون المظاهرات


لديهم أسئلة و ملاحظات

يبغون معرفة و اكتشافات


فقد صعد نجمكِ و ارتقيتِ درجات


يريدونك هنا لتواجهي الاتهامات


و تقضي في سجنك أياما وليلات


بعيدة عن قلمك و اللوحات !


فهل


تستسلمين و تسقط الرايات


أم


يكون لك ما يغير الأوضاع ،،، بقول و كلمات



http://img408.imageshack.us/img408/4928/98531563jk5lc3xj3.gif



بحضورك نبدأ أولى الجلسات


فلتقفي ،،،، مقسمة بصدق الكلمات


و لتعلني على كل الشاشات


كل ما تحويه بطاقتك من بيانات


ثم ... فلتقدمي لكل الأسئلة


إجابات

http://img408.imageshack.us/img408/4928/98531563jk5lc3xj3.gif


و في ختام كلماتي ،،، أقدم لك كلمات


كوني أنت و ابتعدي عن الانفعالات


فكل ما ستقولينه ستحفظه السجلات

نحن نحقق العدل و نرفض الظلم و الظلمات


و إن وجهنا لك اليوم تهمة


فقد نتقدم غداً ،، بالتهنئات



http://img408.imageshack.us/img408/4928/98531563jk5lc3xj3.gif




بما أنه الاتهام كان الأروع... فأنا من هنا أطالب بأن أكون مذنبة مع سبق الاصرار والترصد

..

يسعد صباحكم جميعاً:more19:

[Sameh]

هلا بالغالي ابو يوسف
انت منور دائما
تحياتي الغالية مجدولين
مميزة دائما
تحياتي للجميع

[أبو يونس]

:sm137:
:more23:]
ما شاء الله ... أسئلة مهذبة ... واجوبة أكثر تألق
والله اعجبت بدون مبالغة بأجوبة السجينة مجدولين جبريل اعجبت بلباقتها في الرد وحكمتها وانتقائها اجمل الالفاظ وابلغها
ولكي نتواصل في متابعة تألق اجوبتها .. نسألها *السؤال الاول ؟؟افكار تداهم ذهنك فجأة وتكون دائما تباعا للحالة النفسية التي تعيشينها ما هي وما سببها ؟؟السؤال الثاني ؟؟نفترض انك تعملين في مؤسسة اعلامية وكلفت ان تكتبي مقال بدون ان تحدد لك المؤسسة عنوان او اهداف المقال ؟؟ ما هو المقال الذي ستختارينه وما هي اهدافه ؟؟السؤال الثالت؟؟ما هو اخر كتاب قرأتيه وما الاشياء التي استفدتيها منه ؟؟

[أبو يوسف]

بما أنه الاتهام كان الأروع... فأنا من هنا أطالب بأن أكون مذنبة مع سبق الاصرار والترصد


بس كدة ،،، ولا يهمك

ان شاء الله أحلى اصرار و ترصد راح يكونوا في الحكم ( و بدون تأثير على النزاهة )

هو انتي عنا بحكم


منورة

[مجدولين جبريل]

هلا بالغالي ابو يوسف
انت منور دائما
تحياتي الغالية مجدولين
مميزة دائما
تحياتي للجميع


يسعد هالصباح وشكرا للمرور يا سيد الورد:more19:

[مجدولين جبريل]

:sm137:
:more23:
ما شاء الله... أسئلة مهذبة ... واجوبة أكثر تألق
والله اعجبت بدون مبالغة بأجوبة السجينة مجدولين جبريل اعجبت بلباقتها في الرد وحكمتها وانتقائها اجمل الالفاظ وابلغها

شكرا أخي أبو يونس هذا من ذوقك
ولكي نتواصل في متابعة تألق اجوبتها .. نسألها *السؤال الاول ؟؟افكار تداهم ذهنك فجأة وتكون دائما تباعا للحالة النفسية التي تعيشينها ما هي وما سببها ؟؟
أكثر شيئ يداهمني من الأفكار فكرة البقاء وحيدة دون رفقة... فالاحساس بالوحدة قاتل... ويذكرني بامكانية فقدان من أحب... أكره الوداع... وأخاف من الفراق.. والموضوع لا يتعلق بالحالة النفسية... بل بحالة الجو.. فأنا أكره فصل الشتاء لأنني أصبح مثله... باردة مظلمة... وأمطر دموعا كلما أمطرت... فأنا لست كائنا شتوي... أما في الفصول الأخرى فحالتي النفسية أفضل بكثير... ربما تستطيع القول بأني كائن ربيعي... بمميزات الصيف :)

السؤال الثاني ؟؟نفترض انك تعملين في مؤسسة اعلامية وكلفت ان تكتبي مقال بدون ان تحدد لك المؤسسة عنوان او اهداف المقال ؟؟ ما هو المقال الذي ستختارينه وما هي اهدافه ؟؟
المقال سيكون بعنوان "حقي بأن أكون مجرد إنسان"
أهدافه ستكون بعرض الأسباب الحقيقية لوجودنا فوق هذه الأرض.. وأهمية كوننا بشر... وكيف أن من حق الجميع الحياة والاستمتاع بهذه الحياة بما يرضي الله... :more77:

السؤال الثالت؟؟ما هو اخر كتاب قرأتيه وما الاشياء التي استفدتيها منه ؟؟
طبعا هذا السؤال سألتنيه الإخت جارة الأقصى سابقا وهأنا أعيد الجواب :more30:
آخر كتاب قراته كان روية لكاتب فلسطيني اسمه وليد أبو بكر ،رواية الخيوط.... وهله بين ادي كتاب لكاتب عراقي بحكي عن رحلة وهمية لادوارد سعيد في مدينة القدس... وطبعا الرواية الأولى بتحكي عن قرية فلسطينية فترة الحكم الأردني... وطبيعة الحياة في تلك الايام وما يواجهه أبطال الرواية.... عرض جميل يجعلك تحس بأنك موجود بينهم وتشاركهم هذه الحقبة التاريخية، اما الكتاب الثاني... ولأنه عبارة عن قصاصات مجمعة لكاتب فلسطيني ضاع في حرب الخليج الأخيرة، حاول الكاتب العراقي أن يعرضها اكراما لصديقه... فتجدها غير مترابطة... ولكنها تحتوي على بعض القفشات المميزة... وبما أنني جزء من عالم الرواية... لقد شدتني رغم ضياعي فيها...
إن شاء الله يا أخي تكون أجوبتي قد أرضتك:more19:

[مجدولين جبريل]

بس كدة ،،، ولا يهمك

ان شاء الله أحلى اصرار و ترصد راح يكونوا في الحكم ( و بدون تأثير على النزاهة )

هو انتي عنا بحكم


منورة



منورة بوجودك...
على كل أنا بشوق لمعرفة الحكم يا أخي أبو يوسف... ويسعد صباحك وأيامك كلها :)

[حافظ العبادله]

بسم الله
لقد عدت بعد ما فقت ورقت :) والحمدلله
وبدون مقدمات يا ابو سليم لم اصدق اي كلمة من الكلام اللي حكيته
لسببين اولا لاني اعرف ابو سليم ليس من النوع الذي ينقل الكلام وينم ويشبك في الناس والعكس صحيح تماما واذا في شخص بالدنيا بحب الخير للناس بكون ابو سليم
والسبب الثاني ثقتي بمجدولين العمياء وباخلاقها
والثالث زيادة البياع لاني لا اكذب وانا اعرف نفسي ولا اعرف التلفيق :)
ابو سليم بلاش تصطاد بالمية العكرة مش رايحة احققلك حلمك بان تعمل عليه وعلى مجدولين افلام تخليك تضحك من وراء الشاشة ،مش رايحة اخلي اسنانك يبينوا :)

مجدولين بدون مجاملة من خلال قراءتي لمشاركاتك ومن خلال تعاملي معك فيالملتقى كل يوم ازداد اعجابا بك
والعجب انني اعرف جميع اسرتك ما عداك للاسف وها انا اتعرف عليك ليس بالقرية لكن في غزة :)
لذلك اتوجه بالشكر الجزيل لملتقى العبادلة ولابو سليم اللي عرفني على انسانة رائعة مثلك (احبك في الله)



اهاااااااااااااااااااا
هيك بينت القصة ,, سجينة وقاضي تحقيق من نفس البلد
وإدارة السجون محبوسة في حصار غزة ,, ونايمين على ودانهم ومش حاسين شو بيصير من وراهم .. وينك يا سيد ابو يوسف انت والأخت ابنة فلسطين شوفوا ايش بيصير من وراكم ..
انا قلت احكي بالحسنى وألمح من بعيد لبعيد بلكي الامور بتهدا
لكن خلص لازم أحكي .. سيبوني بدي أحكي

طبعا الحكيمة شو بدها تقول عن الفيلسوفة .. بعد الإجتماعات السرية في باحات أل صبحي وأل عوض .. ومناسف وهدايا وصور تذكارية طبعاً .. والله أعلم شو في من تحت الترابيزة
ماهو بالعقل يا عالم ويا ناس

قاضية تحقيق نازلة تغزل بالمتهمة زي ما يكون متهمة في الهيلتون ولا السميراميس
هيك يعني من الله ... أي لا ولا يمكن أبداً
والدم بيحن يا عمي .. والجيرة والقربى ومليون شغلة ..
وبناء على ما ذكر أعلاه .. بطلت تحقيق انا مع الفيلسوفة مجدولين .. وطالع براسي انو ننحي الاخت الحكيمة لإنو مجدولين عيني عينك بتقول للجيران والأصحاب والمعارف انو الحكيمة صارت بجيبتي .. ووضعنا زي الفل ... والله ماهي بعيدة كمان تستغل وجود يافا في البلد وتعزم وبصورة علنية الاخت جارة الأقصى على فنجان قهوة .. ويافا حبابة وبشوشة راح تاخد قلب الحكيمة .. وراح تشفق على خالتها ....

لا هيك كتير .. كتير كتير بصراحة ..
شوفولكم حل .. وإلا والله ثم والله ثم والله ... مش عارف (بأشاور أبو يوسف) بعدين بنكمل القسم عشان نعرف ننفذه مش ناقصين مشاكل ..

ومادام هيك القصة
الأسئلة المرة الجاي راح تكون محلية صفافية وفي الصميم .. وعليا وعلى أعدائي ..

والله عال .. عشنا وشفنا التعايش السلمي بين السجين والسجان ..
في أمريكا إحنا .. ولا سويسرا ؟!!

راجع .. وبيصير خير ..
لو ضل في كهربا طبعاً ..
سلامات .. يا حكيمة ويا فيلسوفة .. ياجيران .. يا أحباب في الله ..

ملحوظة : ( الشرر يتطاير من عينيا )
وملحوظة تانية ( لا بينوا سناني يا حكيمة وضحكت بملء فمي كمان ) ..

كمان مرة سلامات
ابو سليم (بدون المفتش كرومبو)

[Sameh]

اول شيء الف سلامة مجدولين
وللمحققين خفوا يا عمي شوي
امنياتي

[مجدولين جبريل]

الله يسلمك يا سامح...:more19:
حافظ شو قصتك بالزبط...
بالاول بدك تخربها بينا وهله بتتهم الأخت جارة الأقصى بالتحيز...
وكمان شوي راح تعملها ميمعة...
أصلا لمعلوماتك أكثر أسئلة كانت خانقة (معلش يا جارتي لزوم الدفاع عن نزاهتك)... آه والله أكثر أسئلة خانقة وبتوجع الرأس كانت أسئلة جارة الأقصى:more30:
وبالعكس إنت أسئلتك اللي كانت سهلة...
فيعني شو برأيك نخليهم يتهموك بالمحاباة:sm236:
على كل الكلمة الأخيرة لأخونا أبو يوسف وهو اللي راح يقرر إن كانت الأخت جارة الاقصى بتغاوز معي ولا لا...
هلا عمي هلا...
والله إنه أنا مريضة ومفلوزة حرام عليك يا شيخ :(

[أبو يوسف]

احنا قلنا يا ابو سليم ( في مكان تاني ) انو الامن مستتب و كل الفرق شغالة

بس مش كل حاجة بينعلن عنها


صحيح يا سامح ...

انتا ايش اللي جابك؟

استنى شوية لحد ما نفضى لك !

[مسك الجنة]

احلى تحقيق واحلى عبادلة

مالكم اشوي اشوي على جارة الاقصى ومجدولين

تعرفوا امنيح اني لحقت التحقيق هاد

وهاد من حظ الاخت مجدولين طبعا

ويا ابو سليم امبين ناوي تشعللها وتحركها هو لازم بدهم حركة وهز كمان

انا بصراحة ضحكت كثيرا ومبسوطة عليكم كتيير ..

والان يا حبايبي يا حلوييييين

شوفوا اسئلتي للاختي مجدولين :

السؤال الاول : ما رايك بوضع القضية الفلسطينية عالميا حاليا ؟؟؟؟؟؟

السؤال الثاني: هل تحتفلين بعيد راس السنة يعني تخرجين للسهر في حفلة ليلية ساهرة ؟؟؟وما رايك باللذين يحتفلون بعيد راس السنة الميلادية من المسلمين؟؟؟؟؟؟

السؤال الثالث: ما رايك بانتشار الاسلام في العالم ؟؟؟؟؟

السؤال الرابع: من الشعراء تاثرتي بهم ...الشعراء من عصر القديم وايضا اذكري من العصر الحديث؟؟؟

وهذه اسالتي اختي العزيزة مجدولين وموفقة بالاجابة عنها مع التوضيح طبعا ..:more8::more19::more19::more19:

[مجدولين جبريل]

احنا قلنا يا ابو سليم ( في مكان تاني ) انو الامن مستتب و كل الفرق شغالة

بس مش كل حاجة بينعلن عنها


صحيح يا سامح ...

انتا ايش اللي جابك؟

استنى شوية لحد ما نفضى لك !


وين بالزبط الأمن مستتب؟؟؟
والله صرت خايفة على حالي كنت بالأول مبسوطة وهله بطلت...
بدي أطلع :more24:مشان الله طلعوني :(
وبعدين صحيح ولا بلاش بنحكي بعدين :more30:

[مجدولين جبريل]

احلى تحقيق واحلى عبادلة
أهلين عمي "الحياة حلوة بس نفهمها"

مالكم اشوي اشوي على جارة الاقصى ومجدولين
ما تخافي يا مسك ما بقدروا يعملوا شي... "أدي الله وأدي حكمته.... ايه دنيا"

تعرفوا امنيح اني لحقت التحقيق هاد
معناه الحمد لله إنك لحقتي... :more51:

وهاد من حظ الاخت مجدولين طبعا
أكيد ما في شك... حظي بفلق الصخر:more30:

ويا ابو سليم امبين ناوي تشعللها وتحركها هو لازم بدهم حركة وهز كمان
:more3::more49::more6::more39::medium-sm:sm157::sm225::sm35:
أكثر من هيك حركة وهز ما أعتقد

انا بصراحة ضحكت كثيرا ومبسوطة عليكم كتيير ..
الله يبسطك كمان وكمان... ويضحك سنك كمان وكمان :sm261:

والان يا حبايبي يا حلوييييين
وحشني يا غاليين :more30:

شوفوا اسئلتي للاختي مجدولين :

السؤال الاول : ما رايك بوضع القضية الفلسطينية عالميا حاليا ؟؟؟؟؟؟
آها
والله سؤال أبدا مش جاي على بالي أجاوبه... بتسألي عن وضعها عالمياً... لو تطلعي على وضعها على مستوى الوطن... وقديش تدهور الاهتمام فيها بتعرفي إنه مش كثير مهم وضعها عالميا في الوقت الحالي ؟؟؟
بقدر أقلك عني وبشكل شخصي... فلسطين صارت بالنسبة إلي حلم كبير... وممكن مجرد قلادة بعلقها في رقبتي...
إذا أنا بموت عشان أوصل رام الله وبحلم إنه أوصل غزة.. ومش كثير بفرح لما بوصل حيفا...
فكيف بله بدي أفكر بفلسطين..
يعني وبشرفك بدك تقتعيني إنه هالفلسطينيين اللي في البلاد واللي برة أول ما بفتحو عينهم بقولو آه اشتقت لفلسطين..
لا طبعا
ابن غزة بحكي أبصر في كهربا اليوم... لو انزلت على المخبز راح يكون في خبز
ابن القدس بقول الله أعلم سددنا الأرنونا الولد دفع الفواتير؟؟؟
ابن 48 بفكر فكركم العيد الجاي راح نروح نشوف القرايب برام الله، وبجوز ننزل نتحوج في نابلس؟؟؟
ابن الضفة فكرك راح يطلعلي تصريح... بنشتغل وبجوز نروح نصلي ركعتين بالأقصى...
وكلهم بفكروا الجدار لشو؟؟؟؟ راح يفتحو الحواجز والمعابر... بكرة راح نلاقي محل لولادنا أو لقمة عيش؟؟؟
وآخر شي أبناء المهجر
الفقرا نفسهم يرجعوا على فلسطين لأنه حسب ما بعتقدوا إنها قطعة من الجنة، والخلاص كله هناك "مش عارفة مين ضحك عليهم بس برضه وجهة نظر"
والأغنياء.. بزيدوا غنا وبضلهم يحكوا هديك البلاد أحسن بلاد ولما بتحكيله ارجعوا بصيروا يطلعولك مليون حجة... وكل ما شموا ريحة ربح بيجوا كم شهر... ولما بتقوم قيامة بلادنا "كالعادة طبعا" بشمعوا الفتلة :more30:

إذا احنا هيك بنفكر فما تسألي عن وضعنا عالمياً لأنه والحمد لله كل شي تمام ومستتب..
وديري بالك ما تحكيلي مش كل الناس هيك.. وتبدي تبيعيني شعارات.. من نوعية أناديكم وأبوس الأرض تحت نعالكم... لأنه ما في منه هذا الحكي... والدليل طبعا قالولوا :more30:

السؤال الثاني: هل تحتفلين بعيد راس السنة يعني تخرجين للسهر في حفلة ليلية ساهرة ؟؟؟وما رايك باللذين يحتفلون بعيد راس السنة الميلادية من المسلمين؟؟؟؟؟؟
رأس السنة الذي وجدوا فيه قملة :more30:
لا يا أختي العزيزة ما بسهر عشان رأس السنة... أصلا أنا لا أحضر حفلات ساهرة، ورأي بالمسلمين الذين بحيون رأس السنة الميلادية أهلين عمي... ما في شي تاني مفيد تعملوه.. مش لو وفرتوا المصاري أحسن ودفعتوهم في شي مفيد مش راح أحكي للبشرية وأبيعكم شعارات شي مفيد لأولادكم وحالكم بدال ما تضيعوها في أكل وشرب ما إله طعم.. وتسمعوا واحد ولا وحدة بتغني ويا ريت صوتهم حلو:more30:

السؤال الثالث: ما رايك بانتشار الاسلام في العالم ؟؟؟؟؟
الاسلام منتشر وبشكل كبير بس زي ما حكى الرسول صلى الله عليه وسلم :سيأتي زمان تتكالب عليكم الأمم كما تتكالب الأكلة على القصعة , فقيل له صلى الله عليه وسلم : أعن قلة يا رسول الله ؟ فقال عليه الصلاة و السلام : لا أنتم كثر ولكن كغثاء السيل .)


السؤال الرابع: من الشعراء تاثرتي بهم ...الشعراء من عصر القديم وايضا اذكري من العصر الحديث؟؟؟

أنا كما قلت سابقا أقرأ كل شيء...
ولكن أحب الشعراء لي من العصر القديم قيس بن الملوح، أما العصر الحديث فقد سبق وان جاوبت على هذا السؤال الشاعر هو فاروق جويدة:more19:

وهذه اسالتي اختي العزيزة مجدولين وموفقة بالاجابة عنها مع التوضيح طبعا ..:more8::more19::more19::more19:

ما أعتقد إني ممكن أكون أوضح من هيك :)
يسعد مساك يا رب:more19:

[أبو يوسف]

مجدولين جبريل

شكرا لتعاونك و تفانيك في الردود

الاخوة المحققين

يعطكيكم العافية

الأخوة الزوار

عايزين نشوف بصماتكم ( علشان الفيش و التشبيه )

شكرا لكم جميعا

خلاص سكرنا و ما عادش في اسئلة جديدة !

و معكم 3 ايام تسمعونا اراءكم

و بعدها الحكم

هادا لو قدرنا نفتح الكمبيوترات

طبعا مجدولين سيتم نقلها لجناح خاص بالمعتقل لحين صدور الحكم

سلام

[مجدولين جبريل]

يسعد مساك أبو يوسف...
وهذا الجناح في كهرباء وماء....
في طحين وبنزين....
ولا زي قطاع غزة.... منتجع 500 نجمة؟؟؟؟؟

على كل يسعد مساك...
وشكرا لاستضافتي... وإن شاء الله زيارتي ما كانت ثقيلة على قلوبكم:more19:

[حافظ العبادله]

الله يسلمك يا سامح...:more19:
حافظ شو قصتك بالزبط...
بالاول بدك تخربها بينا وهله بتتهم الأخت جارة الأقصى بالتحيز...
وكمان شوي راح تعملها ميمعة...
أصلا لمعلوماتك أكثر أسئلة كانت خانقة (معلش يا جارتي لزوم الدفاع عن نزاهتك)... آه والله أكثر أسئلة خانقة وبتوجع الرأس كانت أسئلة جارة الأقصى:more30:
وبالعكس إنت أسئلتك اللي كانت سهلة...
فيعني شو برأيك نخليهم يتهموك بالمحاباة:sm236:
على كل الكلمة الأخيرة لأخونا أبو يوسف وهو اللي راح يقرر إن كانت الأخت جارة الاقصى بتغاوز معي ولا لا...
هلا عمي هلا...
والله إنه أنا مريضة ومفلوزة حرام عليك يا شيخ :(


اهااااااااااااا
خدوهم بالصوت ليغلبوكوا
عن جد كيدكن عظيم
عموماً انا راح اتركك بس عشان مريضة والله يسامح الجميع

ووين جارة الاقصى مختفية
شو في ليكون صاير شي بالبلد ؟ باعرفها نشطة لا تكل ولا تمل من متابعة احوال الرعايا العبادليين في كل مكان شو القصة ؟؟

[حافظ العبادله]

احنا قلنا يا ابو سليم ( في مكان تاني ) انو الامن مستتب و كل الفرق شغالة

بس مش كل حاجة بينعلن عنها


صحيح يا سامح ...

انتا ايش اللي جابك؟

استنى شوية لحد ما نفضى لك !



مكان تاني وزمان تاني
شايفك بتحكي ألغاز يا ابو يوسف من يوم قصة الهارد ديسك
عموما اللي تشوفه يا سيدي
انت فصل واحنا بنلبس يا عقيد

تحياتي

[مسك الجنة]

مجدولين بالنسبة لاجاباتك على اسئلتي بقدر اقوول واعطيكي علامة مئة في المئة ...

بالنسبة للسؤال الاول لقد كتبتي واسهبتي بوضع القضية محليا فكيف يا ترى عالميا

الله يرحمه ياسر عرفات اللي ابقى القضية حية لا تموت حتى لحظة موته ..بعد وفاته اعتبر القضية قد بدات بالاحتضار عالميا ومحليا ايضا مع الاسف ...

فبهنيكي لصبرك وتحملك لاسئلتي ...واعجبني اسلوبك في الاجابة حقا ...والى الامام دوما مجدولين العبادلة :more19::more40:

[مجدولين جبريل]

اهااااااااااااا
خدوهم بالصوت ليغلبوكوا
عن جد كيدكن عظيم
عموماً انا راح اتركك بس عشان مريضة والله يسامح الجميع

ووين جارة الاقصى مختفية
شو في ليكون صاير شي بالبلد ؟ باعرفها نشطة لا تكل ولا تمل من متابعة احوال الرعايا العبادليين في كل مكان شو القصة ؟؟


اي صوت يا حسرة
اصلا انا مش قدك يا ابو سليم
ولا كيد ولا ما يحزنون
وعلى كل يسلمه كثير على المسامحة وتركي لانه مريضة
صح والله الاخت جارة الاقصى كانت دائما تطل علينا بالمنتدى بكل ما هو جديد وممتع
وينك يا جارتنا:more19:
سلام للجميع
وخصوصا لمسك الجنة والحمد لله اعجبتك ردودي:more30:

[حافظ العبادله]

لما بتقوم قيامة بلادنا "كالعادة طبعا" بشمعوا الفتلة :more30:
يشمعوا الفتلة ؟! إنتي متأكدة انك شغالة في دائرة الإحصاء المركزية مش في سجن عسقلان ولا أبو كبير تعبيراتك غير شكل ما شاء الله مش قادرين عليكي

إذا احنا هيك بنفكر فما تسألي عن وضعنا عالمياً لأنه والحمد لله كل شي تمام ومستتب..

طبعا مستتب وضعنا .. في غزة مثلاً الكهربا بتقطع بإنتظام متناهي لا مثيل له في الكون كله شو بدكو احسن من هيك نظام بس ؟! والله بطرانين

وديري بالك ما تحكيلي مش كل الناس هيك.. وتبدي تبيعيني شعارات.. من نوعية أناديكم وأبوس الأرض تحت نعالكم... لأنه ما في منه هذا الحكي... والدليل طبعا قالولوا :more30:

بالنسبة للجزم والنعالات فش أكتر منها اللي حابب يبوس أهلاً وسهلاً جاهزين لكل المقاسات .. والله يا مجدولين هاي العبارة في الصميم .. بس مبارح وفي لحظة صفا فكرت كتير واكتشفت إنو إحنا لحالنا .. اه والله العظيم غزة لحالها بتتعذب هي وأهلها والكل بدون استثناء متفرجين .. تألموا زي مابدكم بالصوت والصورة بس ولا واحد بيتألم عن جد زي أهل غزة المنكوبة .. ولا حياة ولا حياء .. كلو بيفكر شو راح يعمل براس الزفت اللي جاية قال يعني راح تكون سنة أحسن علينا أمة المسلمين التعبانين العدمانين ..
لا بدنا حد يبوس جزمنا ولا كنادرنا .. بس كلوا وجبة واحدة كل يوم زي كتير من أهل غزة .. طفوا النور كل يوم بالليل ساعتين وبعدها اكتبوا عن شعوركم .. استغنوا عن كل الكماليات لشهر واحد بس وشوفوا بينفع تعيشوا هيك زي أهل القفص اللي في جنوب فلسطين ؟ انا صراحة مش عارف ليش باكتب ولا باحكي .. بس كلماتك عن التعاطف الكلامي والوقتي فعلاً اتعبني زي ماهو متعبني من زمان
اللهم أهدنا وأهدي سائر عبادك يارب العالمين
وغزة إلها الله بدهاش بني ادمين تعاطف صيني ,, بيكفي ..

[حافظ العبادله]

مجدولين بالنسبة لاجاباتك على اسئلتي بقدر اقوول واعطيكي علامة مئة في المئة ...

بالنسبة للسؤال الاول لقد كتبتي واسهبتي بوضع القضية محليا فكيف يا ترى عالميا

الله يرحمه ياسر عرفات اللي ابقى القضية حية لا تموت حتى لحظة موته ..بعد وفاته اعتبر القضية قد بدات بالاحتضار عالميا ومحليا ايضا مع الاسف ...

فبهنيكي لصبرك وتحملك لاسئلتي ...واعجبني اسلوبك في الاجابة حقا ...والى الامام دوما مجدولين العبادلة :more19::more40:

يا هلا وغلا
عاش مين شافك يا استاذة مسك الجنة

شو حكاية مجدولين العبادلة
هي طلبت حق اللحوء السياسي للقرارة ؟
لو مثقلة عليكم بناخدها يا عمي ..
شايفة كيف يا مجدولين .. مش بأقولك في مؤامرة ضدك ..
يلا معلش ..
صباحكم ورد

[مجدولين جبريل]

والله ضحكتني أبو سليم خصوصا بعد ما بهدلني ضياء قبل شوي في خاطرته...
على كل شو بدي اسوي والله الحق علي اللي كتبت... قال مش فاهمة كلامه وبرد بأي كلام
راح أنتحر خلص:cry2:
على كل بجوز معه حق... وبجوز فهمته غلط
بعدين يا أبو سليم انت شكلك حالف يمين تخليهم يطردوني من البلد بالاول جارتي وهله ام المسك
يسعد مساكم:more19:

[مجدولين جبريل]

وغزة إلها الله بدهاش بني ادمين تعاطف صيني ,, بيكفي ..




كله كوم والتعاطف الصيني كوم تاني؟؟؟؟
هو حتى التعاطف بقلدوه بالصين؟؟؟
أفهم بس؟؟؟
على كل من أول يوم حكيتلك للبيت رب يحميه.... وغزة مش أعز من ولادها ولا من البيت
وما بدك تعاطف طب تسامح بصير؟؟؟
أو بجوز تبادل ثقافي إذا ممكن على اساس إنه غزة أصبحت عالم آخر.. يعني تبعت رسالة لصديقك ايفان في سيبيريا ولا لصديقتك انجليكا في الالسكا أسهل من انه تبعت ورقة لابن عمك محمد في القطاع
وبتحكولي تضامن وتعاطف معلش يا عاطف قصدي حافظ برضه يا بني آدمين كل عام وأنتم بخير براس السنة الهجرية والميلادية وذكرى ميلاد المسيح وكله بقى بثوابه واشعال الشمع لذكرى الجميع رومنسية
وبس خلاص:more19:

[مسك الجنة]

يا هلا وغلا
عاش مين شافك يا استاذة مسك الجنة

شو حكاية مجدولين العبادلة
هي طلبت حق اللحوء السياسي للقرارة ؟
لو مثقلة عليكم بناخدها يا عمي ..
شايفة كيف يا مجدولين .. مش بأقولك في مؤامرة ضدك ..
يلا معلش ..
صباحكم ورد




والله يا ابو سليم اعتذر عن بعادي عنكم بفترة معينة ...

ولكني ساحاول ان اكون متواصلة دووما معكم ...لاني ما بستغني عن الغاليين علي كتيير ...

نعم اخي حافظ انتم لوحدكم تعانون لانه ايدو في المي مش متل ايدو في النار ...

ولكننا ايضا نتالم على المكم ومقهورين بما يحصل لكم فعلا ...وما الكم غير الله تعالى بالدعاء لعله يفرج عليكم ياااااااا رب ...

تعرف اخي والله جربتها ...في فترة معينة لم نستطع شراء الخبز والخضرا والفواكه حتى الرز ..فكان اكلنا المعكرونة فقط تصور ...يعني بس يومين ..

فقلت في نفسي فكيف اخواننا في غزة كيف صابرين وعايشين بالرغم من انقطاع كل شيء اساسي تقريبا ...يعني ما اقدرنا نصبر يومين فكيف انتم الكم شهور في حصار لا يرحم ...الله يكون في عونكم فعلا ...

فلا تقل باننا نتالم عليكم بشكل صيني ..نحن شعب وافراد لا حول ولا قوة ..نستطيع ان نتضامن معكم كل واحد بطريقته الخاصة ...نحن معكم وانتم معنا اينما كنا ..والمكم المنا ..وحسرتكم حسرتنا ...اللهم فرج عن اخواننا في غزة ..اللهم فرج عن اخواننا في غزة يا ارحم الرحمين ..

ويا اخي ابو سليم يعني تركت كل اللي كتبته وبس ركزت على مجدولين العبادلة ...والله الها الشرف ان تكون كذلك وهي كذلك :more30::more40:

[مجدولين جبريل]

شكرا جزيلا...
يا أختي مسك الجنة...
كل الناس خير وبركة....
والعبادلة على راسي... بس أنا مجدولين جبريل
ومن عائلة جبريل...
والله يخلي العبادلة اليوم وبكرة...
بلاش يصير اختلاط أنساب الله يخليك...:more30:
وشو قصة اللجوء السياسي... هو في حد بيقدر يوصل غزة؟؟؟ ليش ما حكيتولنا كنا اجينا واحتفلنا بالميلاد المجيد في حي الرمال:more19:
وبعدين حركات التشريفات في المعتقل أبو يوسف بسلم على سامح... وابو سليم بهلي بالأخت مسك الجنة
وأنا حزينة في سجني...
اطلعوا فوق منيح أيوة فوق ... بالزبط... شفتوا كلمة إضافة إهداء....
هناك بتسلموا على بعض... مش على جدران زنزانتي :)
مش تصدقوا بمزح معكم....
والله يسعد مسا الجميع وخصوصا الأخ ضياء عاصي... الله يذكره بالخير:more19:

[جارة الأقصى]

السلام عليكم
اولا احب ان اقول لمجولين عظم الله اجركم بوفاة ابن عمك ،الله يرحمه يا رب
والحمد لله على سلامة الاحباب اللي وصلوا على البلد
اما بعد
مجدولين يعطيكي العافية وشكرا لتعاونك مع لجنة التحقيق وشكرا على اجاباتك التي لها طعم ونكهة خاصة
الحق يقال كانت بالنسبة لي ليست مهمة ولكن كانت فترة تعارف على انسانة رائعة رغم المحاولات من هنا وهناك ورغم المكائد التي كانت تنصب وتطبخ في فترة التحقيق
يعني انتي فرجيتينا بنت البلد الاصيلةو الصفافية الحقيقية,,, الصافية القلب وطيبة المنيت:more30::more8:
بالنسبة لي ارفع راية البراءة لنحلة المنتدى واقول لها

سعدنا بك
نفتخر بك وبهذه الشخصية الجميلة الرائعة المثقفة
الشخصية المسلمة يعني انا شبهتك لغاندي
وادعو الله ان يحميك ويحفظك وان يعطيك كل ما تتمنيه
تحياتي وتقديراتي واحتراماتي

[مجدولين جبريل]

عظم الله أجركم أختي جارة الأقصى... لا أراكم مكروها بعزيز
وشكرا على لقبي الجديدين النحلة وغاندي
وشكرا على كل التقدير والكلمات الرقيقة التي تصدر عن إنسانة قديرة وقمة في اللباقة
شكرا على كل شيء
:more19:

[حافظ العبادله]

السلام والرحمة

البقاء الله يا استاذة مجدولين .. ماكنا بنعرف سامحينا ..
وبعدين بعد قول الحكيمة لا يوجد كلام

هي مصرة على البراءة .. و أعتقد أنها محقة وإن كانت ستحرمنا من سجينة ولا أروع
استمتعنا معك .. بحوارنا .. خفة دمك .. ثقافتك العالية
نقلتينا إلي كل ما هو جميل ومفيد .. عرفناك اكثر عن قرب ..

لنا الكثير من الفخار بوجودك بيننا
وأعتقد أن ما اقوله لن يفيك حقك عن الفترة التي قضيتها وستقضينها في بيتك هنا
القدس تقترب بوجوك ووجود مسك الجنة والحكيمة جارة الأقصى والمتنبي المختفي وكل المحبين والأصدقاء من البلد القريب البعيد ..

تقديري .. وإحترامي للجنة الحكم
إبنة فلسطين اللي غايبة قسرياً عنا وين مختفية مش عارف
والحكيمة .. والله إنو صبرها كبير وقلبها واسع واتحملت محاولاتي للإيقاع بينكما بكل رحابة صدر للأسف ما عرفنا نولعها بينكما ..
وأخيرا وليس أخراً هذا الفارس النبيل السيد عقيد حارتنا وتاج راسنا ابو يوسف .. الذي يقوم بمجهودات جبارة ودائمة للوصول للتميز في كل اقسام الملتقى ..

تحياتي وتقديري
ابو سليم

[مجدولين جبريل]

شكرا أخي أبو سليم...
كما قلت بأننا أحضرنا لكم القدس في الملتقى...
وأنتم نثرتم رائحة بحر غزة الذي حرمنا منه في الأجواء...
كنت أريد كتابة الكثير للرد عليك... واستحضار خفة الدم والثقافة التي وصفتني بهما...
لكني الآن لا أستطيع أن اكتب أي شيء...
سامحني...
وسامحوني جميعكم...
لقد فقدت شهيتي للكلام...
والاستهزاء...
لم أعد أستطيع التنفس...
ولكن الشهداء أكرم منا جميعاً...
ليرحمهم الله...
وليلطف بنا....
وعلى فكرة شكرا للتعزية...
ولكن الآن هناك عشرات العائلات في غزة تنتظر العزاء...
فهل لنا عزاء في فلذات أكبادنا...
لتبكي الأمهات....
ولتبكي الزوجات.... والبنات والأخوات.... والحبيبات...
ليبكي الرجال...
فلقد رحل الأحباء....
وفقدت خفة دمي...
وفقدت روحي....
فهناك غوالي قد رحلوا....
وهناك من يطالب أحباءهم بالصبر...
وهناك من فقد الاتصال بالواقع...
وانا هنا متسمرة أمام التلفاز والحاسوب...
لست ادري هل استمر بالبكاء...
أم اضحك على أيدي المقطعة...
التي ربما انا من قطعها....
هل تعتقدون بأن الصباح ما زال جميلا؟؟؟
ليرحمنا الله... وليرحمهم الله.... لقد قطع لساني... وقطعت يدي... وفي داخلي سواد رهيب... مختلط بدمائكم... سامحوني أنتم وهم... لست أدري على ماذا؟؟؟

[أبو يوسف]

مجدولين

احسن الله عزاءك ،،، وعزاءنا جميعاً

كان يفترض في هذه اللحظات انعقاد هيئة المحكمة للبت في قضيتك

خاصة بعد المهلة التي منحت للاعضاء للتعليق و الادلاء بارائهم

و لكن نظرا للظروف الراهنة

فقد تم الغاء المراسم

و اصدار القرار بالافراج عنك فورا و بدون كفالة

على ان يتم تحديد موعد النطق بالحكم لاحقاً

[مجدولين جبريل]

أخي طائر الليل الحزين :(
لست أدري ماذا سأفعل خارج المعتقل...
للأسف معتقلكم أكثر أمنا ودفئا من العالم الحقيقي...
على كل شكرا على الافراج... وشكرا على البراءة...
وهذا هو فلم يعد لي قوة على الكلام أو الكتابة
ليكن الله بعون الجميع :(

[مجدولين جبريل]

مجدولين

احسن الله عزاءك ،،، وعزاءنا جميعاً

كان يفترض في هذه اللحظات انعقاد هيئة المحكمة للبت في قضيتك

خاصة بعد المهلة التي منحت للاعضاء للتعليق و الادلاء بارائهم

و لكن نظرا للظروف الراهنة

فقد تم الغاء المراسم

و اصدار القرار بالافراج عنك فورا و بدون كفالة

على ان يتم تحديد موعد النطق بالحكم لاحقاً




مساء الخير...
أود أولا أن أشكر جارة الأقصى فهي ذكرتني اليوم بدولاب التحقيق..
عندما شاركت في موضوع التحقيق مع الاخ أبو يوسف...
كنت أريد الاستفسار فقط لا غير..
هل سيكون هناك نطق بالحكم أم أن القضية انتهت...
وأسقطت كل التهم يا أبو يوسف؟؟؟؟

[أبو يوسف]

بصراحة الموضوع محير

فأنتِ ،،،، مجدولين !

لا يمكن ان تسقط عنك التهم

ولكن ...

الرؤية التي تشكلت قد تعفيكِ من الملاحقة القضائية

فأنتِ متهمة ، و لكنك ابدا لم تكوني مذنبة

ستكوني متهمة ، و حرة

هذا هو العنوان

اما بالنسبة للحيثيات فسيتم الاعلان عنها ريثما تنعقد هيئة المحكمة

و قرار الافراج عنك ما زال ساريا !

تحياتي

[مجدولين جبريل]

بصراحة الموضوع محير

فأنتِ ،،،، مجدولين !

لا يمكن ان تسقط عنك التهم

ولكن ...

الرؤية التي تشكلت قد تعفيكِ من الملاحقة القضائية

فأنتِ متهمة ، و لكنك ابدا لم تكوني مذنبة

ستكوني متهمة ، و حرة

هذا هو العنوان

اما بالنسبة للحيثيات فسيتم الاعلان عنها ريثما تنعقد هيئة المحكمة

و قرار الافراج عنك ما زال ساريا !

تحياتي


صباحكم مقاومة :)

شكرا أخي العزيز...
كلماتك كالعادة
لبقة مفرحة...
ولا يجد الإنسان ما يرد به عليها...
فكل ما تقوله يختصر ما نريد أن نقول
شكرا مرة أخرى..
من المتهمة الحرة :)

[عبدالله العبادله]

ايش يا عقيد
احنا صرنا زى الدول العربيه الحكم بعد خمس سنين
ولا لازم تضل القضيه شغاله والسلام
والمتهم يستنى فرج ربنا واذا كان حيرجع السجن تانى ولا لا

ودمت قاضيا عادلا

[مجدولين جبريل]

عبد الله إنت قلقان على الحك أكثر منس شكله :)

على كل طول ما أنا مش ممنوعة من السفر إحكموا وقت ما بدكم :)
:more26:

[أبو يوسف]

مساؤكم سعيد

مجدولين ،،، انا باعرف انك مش قلقانة

بس انا صرت حاسس انو عبدالله عايز يصدر حكم من عندو

معلش يا عبدالله ، سامحنا هالمرة

بينفعش نغير باللجنة بعد انتهاء الاجراءات

تحياتي

[مجدولين جبريل]

عبد الله حكم وخلص...
هو حكم على حاله عزومة على حسابه في خانيونس
أو في القدس..
أي المكانين أولاً سنلتقي فيه إن شاء الله...
عبد الله العزومة إلي لحالي ولا للكل :)

[عبدالله العبادله]

انا ما بدى تغير اللجنه يا عقيد
لكن مستنى اشوف الحكم
والله لا يقدر اكون حكم فى يوم من الايام
والا يا ويل اهله الى بيوقع تحت ايدى وانت سيد العارفين
وبما انه العزومه الك يا مجدولين حددى انتى الى بدك اياه
ويارب اعضاء المنتدى ما يفهموها غلط
حينعزموا لما اتجوز ن شاء الله
انتظرونى
ودمتم على مائدة غداء
:more15::more15::more15::more15:

[مجدولين جبريل]

إن شاء الله
الله يسعدك يا رب
أنا معزومة على العرس كمان
:)

[عبدالله العبادله]

انتى صاحبة عرس
وكل اعضاء المنتدى يعنى انتم الى بتعزموا
بس المهم استنوا وطولوا بالكم
بـــالـــــــــــــــــــراحـــــــه

وبالالوان كمان

[جارة الأقصى]

وطبيخ العرس على الصفافيات
واحلى مناسف صفافية+مقاليب+جرايش اللي بدك اياه يا عبدالله
انت بس نقي
والتحلاية على اهل الشمال على ابنة فلسطين كم صينية كنافة نابلسية

شو يا مجدولين انا شايفة قضيتك صايرة اصعب من قضية فلسطين :)

[عبدالله العبادله]

والله اهل كرم
هيك بدكم تخلونى افكر جد بالزواج
مش ضايل على حاجه
كمان شويه حتقولولى العروسه موجوده ومن غير ايش رايك فيها...
طيب شوفوا حافظ الاول
الى فينا يتجوز التانى وراه على طول

الاخت جارة الاقصى
شايفه صارت قضية مجدولين عويصه لدرجه ان القضاه وهيئة المحلفين فى اجتماع متواصل من شهر
ويا ساتر يارب من النتيجه

الاخت جارة الاقصى
تسلمى على ذوقك وكرمك
وصباحك سعيد

[مجدولين جبريل]

ما تتعبي حالك يا جارة الأقصى :)

الأعراس هاي الأيام على الطريقة الإسلامية...
عقد قران وإعلان....
وممكن نحليكم بشوية فلوزج...
وبالنسبة لقضيتي...
أنا مبسوطة هيك ما بدياها تنحل...
وأبو يوسف على راحتك إنساك ما بدي تحكم :)

عبد الله كل واحد مسؤول عن نفسه...
إنت بتجيب العروس...
وإحنا بناكل الفلوزج...

وبالنسبة لحافظ... الله يرزقه...
بعروس أو بفلوس... أو حتى بكتاب نصوص... "آخر وحدة عشان القافية بس"
المهم يرزقه والحمد لله...
يسعد صباح الكل

ملاحظة لجارة الأقصى...
هيك هيك عبد الله ما بحب المنسف...
وتوضيخ للجميع...
الجرايش هي قمح مجروش مطبوخ باللبن وماء اللحم... وبنحط على وجه الصواني رز وطبعا قطع من اللحم...
هذا طبيخ الأعراس عند الصفافية :)
وعقبى لجميع العايزين :more49:

[عبدالله العبادله]

لا للاعتقال التعسفى

ابويوسف
وباقى لحنة التحكيم
بعد ما طلعتنى مجدولين من الاسر
صار لازم ارد الواجب
خلصنا وانطق البراءه من التهم الملفقه لمجدولين
ولا بدك تقصر رقبتى قدام المقدسيه
مع انه طلبى قبل هيك لم يؤخذ بعين الاعتبار وياريت تبطلوا نظام العرب
الحكم بعد تنفيذ العقوبه
لا حدا عارف التهمه ولا العقوبه
المهم انه محبوس فقط
وياريت يكون حبيبي مهند خير خلف فى دولاب التحقيق

[مجدولين جبريل]

يا عبد الله أصلا شو بده الواحد يطلع بره المعتقل يعمل؟؟؟؟
ما احنا قاعدين :)
في المعتقل لا بندفع ضرايب ولا اجور ولا خلو رجل
والاكل بيجي لحد عندنا
وعمرها عضلاتنا ما تتشنج لأنه مساج 24 ساعة
والكهربا ما بتنقطع أبدا
وسباحة كل يوم
ودائما في صحبة طيبة بشرية وغير بشرية...
وأشياء ترفيهية وترويحية كثير كثير
طبعا انا بحكي عن معتقلات العرب والصهاينة مو معتقل العبادلة

وبعدين عبد الله تهمتي تهمة لذيذة ما بدي منها براءة...
بس هو حرام الأنانية... وصار لازم حد غيري يستمتع بهالجو الحلو
وانا طلعتك من الاسر لوجه الله
ولكن كما دائما مشكور جدا على وقفتك معي منذ بداية اعتقالي لليوم
وأخي أبو يوسف..إذا بدك تطلعني خلص طلعني
رغم إنه والله لا يمل
:more3:

[أبو يوسف]

بعد مراجعة كافة القوانين

و الاطلاع على سير التحقيق و ملفات الاستجواب

و مع الاخذ بالاعتبار رغبات المتهمة

و استجابة لرغبة الاخ عبد الله

فقد توكلنا على الله و من ثم قررنا
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.

تحديد مساء يوم الجمعة القادم ، السادس آذار ، موعدا أخيرا للنطق بالحكم

و تكليف لجنة الصياغة بصياغة قرارات المحكمة و الاعلان عنها

و نرجو الا تحدث اي معيقات

كي لا ندع الفرصة للمشككين بنزاهتنا.

[مجدولين جبريل]

يسعد هالمسا ابو يوسف...
شكرا جزيلا على تحديد موعد للنطق بالحكم
إن شاء الله ما يعوقكم شي :)
إن شاء الله عبد الله يكون مبسوط بس
:more27:

[عبدالله العبادله]

ولو كيف ما بدى اكون مبسوط خصوصا كرم ابو يوسف المعهود
والله كبير يا ابويوسف
ويلا خلو حبيبنا يآنس فى المعتقل

[مجدولين جبريل]

والله هو أنا شكلها قضيتي عويصة....
كل ما بدهم ينطقو بالحكم....
بتصير قصة :)
مرة الحرب...
مرة الملتقى...
وهاي المرة شو؟؟؟
على كل يسعد مساء الجميع

[أبو يوسف]

و لا يهمك يا مجدولين

خلاص هانت

بكرة ان شاء الله بنصدر الحكم

بس اوعي تعترضي !!!!!
:more15:

[مجدولين جبريل]

لا ما أعتقد راح أعترض الله يخليك يا رب
شو ما كان الحكم أنا موافقة على شو بتحكمو
ويسعد مساك يا رب

[أبو يوسف]

انتهت منذ زمن التحقيقات
العديد من التهم - كما قالت - ممتعات
تأخر الحكم ، و طالتنا الإشاعات
ظلم الأنظمة و الخزعبلات
و من ذوي القربى ،، جاءتنا الطعنات
تناسوا حرباً أذاقتنا ويلات
قابلونا بأسواطهم ،،، و على الوجه ... بسمات
يطالبون حكماً ... براءةً أو عقوبات
و لم يعلموا ...
كيف نقول ، بحق متهمة ، بحضرتها تفر الكلمات !
اتُهمِت بإبداع و حضور يفوق النجمات
و شهد عليها فنجان قهوتها و النسمات
وقفت ثابتةً ، و كان لها في التحقيق صولات
أظهرت حكمةً ، و لم تنكر التهمات
في السجن صنعت رفقةً و ذكريات
و لمثل حالها أصبح للبعض ... أمنيات
فهل يُختزل حالها ببيان و كلمات ؟
متهمتنا ،،، ضيفتنا
صاحبة البيت و الغرفات
مذنبة بكل التهم الجميلات
بينها و بين كل قبيح فلاوات
لو ابتعدت ستفتقدها قوبنا و الصفحات
....
و سيف مسلط !
احكموا عليها ... بكلمات!
فهاكم الحكم ..
أذيعوه ، بلغوا به كل الجهات
و تناقلوه في صحفكم و الجلسات
و لاتنسوا ،،، أن تلتقطوا صورة لملامحكم و القسمات
فمثلها ، ليس كل يوم / لزنزانتكم ... آت

[أبو يوسف]

بعد جلسات تخللتها مشاورات... صدرت القرارات
1- إدانة المتهمة بكل ما سيق بحقها من اتهامات.
2- إلزام المتهمة بالتعهد بمواصلة نشاطها و فاعليتها.
3- تكليفها بكتابة مقالة / خاطرة حول الفترة التي قضتها في التحقيقات.
4- رفع توصية للاخ المدير لمنحها وساما خاصا.
5- تكليف الاخت ابنة فلسطين بمتابعة تنفيذ بنود الحكم.

تذكروا دائما
الأمن أولا ...
و كل تحقيق و انتم بخير.

[ضياء عاصى]

يحيــــــا العدل

يسلم لسانك يا بو يوسف

[مجدولين جبريل]

على فكرة بعد ساعة من كتابة الرد الأفلاطوني طار كل شيء :(
على فكرة أنا من زمان بكره التكنولوجيا :(
بس مو مشكلة بحاول أرجع أتذكر.... وبجوز الحكي هله يكون أحسن....

مرت الأشهر....
وها أنا أجمع أمتعتي... وأترك دولاب التحقيق الذي قضيت فيه أياما سعيدة برفقتكم....
وأياما صعبة برفقة الحرب على غزة...
مر عيد... وافراح.... ومر عزاء... وأتراح....
وثبتت التهمة أخيرا علي...
ولأول مرة بتاريخ المعتقلات يطالب متهم بتثبيت تهمته... ويفرح بتثبيتها....
فهي منذ البداية تهمة لذيذة بلا شك :)
لقد كانت تجربة رائعة....
لا يمكن تفويتها وكنت محظوظة... بالمرور بها... تجربة أتمناها للجميع...
يجب أن تشرفونا جميعكم هنا....
لقد استمتعت بكل سؤال... واستمتعت بكل جواب... عرّفتكم على نفسي فعرفتوني عن قرب... وعرفتكم جيداً... أصبح لدي كم هائل من الأصدقاء الرائعين... الذين ابحث عنهم كل صباح وكل مساء...
والآن وأنا اترك الدولاب... ابتسم... ودمعة تتسلل من طرف عيني...
أشكركم جميعا لمساعدتي ومشاركتي في هذه التجربة...
أنا سعيدة بكم جميعاً...
سعيدة بالملتقى... وبلجنة التحقيق الأختين ابنة فلسطين وجارة الأقصى، وسعيدة بالأخ أبو يوسف.. واوجه تحية شكر وعرفان للجميع... وأخص بالتحية الأخ عبد الله لقد كان مدافعا شرساً عني... وطبعا اشكر الأخ العزيز أبو سليم الذي دعاني للاشتراك في الملتقى... وبسببه تعرفت على كل هالناس الطيبة...

ها انا راحلة نحو مستقبل أفضل... يضم فلسطين واسعة بلا معابر ولا حواجز ولا جدار...
وها أنا مقبلة لأنثر كلماتي الجديدة والقديمة بين ثنايا ملتقانا الحبيب...
لأترك مكاني لضيف جديد... سيعرفنا على نفسه عن قرب... ونفرح به... كما فرحت بكم وفرحتم بي...
وكما شاركتموني..كل هذه الايام كل شيء... الحرب... والعيد... والموت... والحياة... ربما الايام كانت صعبة... وما زالت... فبدايتها استشهاد ودمار للبشر والشجر والحجر في غزة... وها انا اودع الملتقى... ومدينة أخرى تخلى من ساكنيها... ومن تفرج على موت ابنائنا في غزة يتفرج على تشريد ابنائنا في القدس...
ولكن ما زال لدي أمل بأن استقبلكم في رحاب الأقصى.. واسير معكم فوق الأرض المبلطة... وتحت السقوف المقنطرة... وأمل بأن تستقبلوني على شاطئ البحر الأحب لقلبي... شاطئ بحر غزة...
استودعكم الله يا إخوتي الأعزاء...
:more35:

[ضياء عاصى]

اخت مجدولين جبريل ...

هوه انتى مقريتيش الحكم كويس ... ؟؟

هوه ايه اللى استودعكم الله ... ؟؟

انتى محكوم عليكى بالاعدام مؤبد تقريبا فوق

ده انتى واخده خمس احكام يسدو عين الشمس ... و اى فدائى فى الدنيا يتمناهم

امتعتينا حقا بوجودك المميز بالفعل

و اتمنى ان لا تغيبى اطلاقا عن اعين المنتدى

كل الاحترام و التقدير لكى

[مجدولين جبريل]

شكرا يا أخي ضياء....
يعني لما بدنا نحكي أستودعكم الله....
مش معناه إحنا رايحين مش راجعين... والله أعلم طبعا.....
على كل أنا كثير مبسوطة لأنه أمتعتكم...
وبإذن الله لن أغيب عن الملتقى...
كما لن تغيبو عن قلبي
:more27:

[MoHaNaD]

أنا بالنسبة لي مش عارف
اعزيكي ولا اهنيكي
ولكن الواحد يقول الحق
انت كنت في السابق عضوه نشيطة ومميزة
ولكن اليوم بعد عودة المنتدى
مازلت عضوه نشيطة وفعالة
في الصباح تطلين علينا بإهدائك الجميل وابتسامتك العطرة
وفي المساء ترحلين بمساء الورد

وعلى فكرة يا ضياء أضحكتني جملتك
"محكوم عليكي بالإعدام المؤبد"
عن جد ضحكتني ضحكة
كتيرررررررر كبيررررررررررة

[مجدولين جبريل]

أول شي مرحبا أخي مهند
ثاني شي دائما تعليقات الأخ ضياء مميزة...
ومش بس أنا نشيطة وفعالة يا مهند إنت كمان...
موجود في كل موضوع
:more18:
سلامات....

[ابنة فلسطين]

السلام عليكم ورحمة الله وبركاته

عذرا على التأخر في الرد من ساعة م انصدر الحكم..لكن كان عندي مشكلة بتصفح المنتدى وتقيل كتير من الاكسبلورر

المهم...تشكراتي رح اوزعها على

الاخت مجدولين المتهمة من السنة الماضية...واللي عانت ظروف حلوة وهي بالسجن...وظروف قاسية وهي تنطر اصدار الحكم

وللأخ القاضي ابو يوسف...اللي تابع الموضوع من أولو...وأصدر حكم عادل بالأخت مجدولين...وكان محضر الحكم ولا احلى " عيشي بهالنعمة يا مجدولين "

وبالنسبة لمهمتي بمتابعة الحكم....انا وراكي وراكي يا مجدولين... وديري بالك من أي تقصير...ساعتها كل بنود الحكم بنرجع نعيد النظر فيها..

سلامات عليكم

[مجدولين جبريل]

عزيزتي ابنة فلسطين...
إذا بدك تضلي وراي أنا أكيد راح أكون أسعد انسانة بالوجود
خليك وراي
وأنا إن شاء الله ما بقصر بتنفيذ حيثيات الحكم
:more39:

[جارة الأقصى]

مبارك الحرية يا مجدولين
والشكر الجزيل لاخ طائر الليل على جهوده في القضية التي كانت مختلفة عن كل القضايا
والتي اصطدمت بعراقيل وملابسات من هنا وهناك بسبب الحرب الهوجاء على غزة
واغلاق الموقع

حبيت اهديك جزء بسيط من قصيدة احمد مطر (الحرية)
خطرت على بالي الان وانا اكتب بالرد
فلا تسأليني لماذا
او انها لربما لا تليق بهذا المقام


قالوا الحرية أشكال ولها أسس تفصيلية
حسب البلدان وحسب الدين وحسب أساس الجنسية
والتعديلات بأكملها والمعتقدات الحالية
ديني الإسلام وكذا وطني وولدت بأرض عربية
حريتكم حددناها بثلاث بنود أصلية
فوق الخازوق لكم علم والحفل بيوم الحرية
ونشيد يظهر أنكم أنهيتم شكل التبعية
ووقفت بمحراب التاريخ لأسأله ما الحرية
فأجاب بصوت مهدود يشكو أشكال الهمجية
إن الحرية أن تحيا عبدا لله بكلية
وفق القرآن ووفق الشرع ووفق السنن النبوية
لا حسب قوانين طغاة أو تشريعات أرضية
وضعت كي تحمي ظلاما وتعيد القيم الوثنية
الحرية ليست وثنا يغسل في الذكرى المئوية
ليست فحشا ليست فجرا أو أزياء باريسية
والحرية لا تعطيه هيئات الكفر الأممية
ومحافل شرك وخداع من تصميم الماسونية
هم سرقوها أفيعطوها؟ هذا جهل بالحرية
الحرية لا تستجدي من سوق النقد الدولية
والحرية لا تمنحها هيئات البر الخيرية
الحرية نبت ينمو بدماء حرة وزكية
تؤخذ قسرا تبنى صرحا يرعى بجهاد وحمية
يعلو بسهام ورماح ورجال عشقوا الحرية
اسمع ما أملي يا ولدي وارويه لكل البشرية

[مجدولين جبريل]

شكرا لك أختي جارة الأقصى على كلماتك الجميلة...
وشكرا لهديتك... رغم أنني لست من مريدي أحمد مطر...
لكن شكرا :)

[عبدالله العبادله]

متهمتنا ،،، ضيفتنا
صاحبة البيت و الغرفات
مذنبة بكل التهم الجميلات
بينها و بين كل قبيح فلاوات
لو ابتعدت ستفتقدها قوبنا و الصفحات

مبروك الادانه بكل التهم الجميلات !!!!
بس ايش الحكم هدا يا ابو يوسف لا برائه ولا حكم خصوصا انه لم يذكر اسم متهم جديد
الموضوع ما بيطمنش ؟؟؟؟؟؟؟؟

[مجدولين جبريل]

أهلا أخي عبد الله
ما هي من الأصل تهمة غير شكل ما في زيها..
وأنا كنت أول حد بطالب بإثباتها...
وعقبى لكل العايزين يشرفونا بالدولاب :)
يسعد صباحكم يا أحسن ناس:more10:

[أبو يوسف]

مالك يا عبدالله
هو انتا عمرك سمعت انو القاضي بيحدد مين المتهمين

صحيح النظام عنا عربي

بس مش لدرجة تدخل القضاة في عمل الامن

صباحك سعيد

[عبدالله العبادله]

عن اى امن واى قضاء بتحكى
يارجل احنا اختلط الحابل بالنابل فى بلدنا وخليها على الله
المهم مبروك اطلاق سراح مجدولين
وبانتظار ضيف الشرف الجديد
؟؟؟؟؟؟؟

[مجدولين جبريل]

الله يبارك فيك يا أخي عبد الله
وأنا كمان بدي اعرف مين الضيف الجديد
:more49:

[جارة الأقصى]

مجدولين انت عاملوك بالسجن معاملة خاصة تعاطفا مع ظروف الحرب
لكن اللي جاي وراك الله يعينه من
الجرذان

http://i43.tinypic.com/350ud.jpg

&

الصراصير
http://i39.tinypic.com/30i9ope.jpg

&

البق

http://i40.tinypic.com/vnjfk5.jpg

&

العناكب
http://i44.tinypic.com/2w5m1b4.jpg

دير بالك يا مهند تكون انت على الدور
ويغشوك ويقولولك مكان استجمام

[مجدولين جبريل]

الله يسامحك يا جارة...
خوفت الشب...
وخوفتيا إحنا كمان بهالصور :more52:
بس إحنا لسه مش متأكدين إنه هو الي راح يشرفنا بالسجن...
وبعدين السجن للرجال
مهند شد حيلك...
وما تخاف والله كنست الزنزانة تمام..
وأكيد راح تكون إقامة مميزة...
هذا طبعا إذا اختاروك :)
:more60:

[جارة الأقصى]

بصراحة انا شميت رائحة دسائس تحوم حول مهند فحاولت نصحه قبل ما تقع الفاس في الراس :)

[حافظ العبادله]

هاهاهاهاها
وأنا اقول مهند هاليومين ما بيرد على جواله
وكل ما ابو يوسف يقوله بدي أجي ازورك يقوله مش فاضي ..
الله يسامحك ياحكيمة .. والله انا لو قاضي مش متهم بعد هالصور راح ابطل وأهاجر على كينيا ..
مهند حبيبي .. تصدقش قصة العناكب .. انت بس تعال وأنا في ضهرك .. ما تنساش بأضل من أخوالك يا شيخ .. وزي ما قالت مجدولين السجن للرجال :more72:

صباح الورد عليكم ..
ابو سليم

[مجدولين جبريل]

امممممممممممممممممممممممم
على كل وينك يا مهند ليش ما بترد على كل هالحكي على كل أنا برجع وبقول انساك من كل هالحكي...
السجن في رحاب العبادلة نزهة قريبة من القلب :)
وكمان السجن مدرسة إن دخلتها راح تكون قبضاي
هع هع هع
وعل كل مهند مش ابو سليم بس معك أنا كمان وكل العيش والحلاوة والشطة على حسابي :)
يسعد هالمسا

[عبدالله العبادله]

هدا صار مش سجن
صار قسم الحشرات بحديقة حيوانات
الله يكون بعون اللى يزوره اكيد بياخد معاه عينه

[مجدولين جبريل]

هذه مزحة يا إخوان
ما في حشرات ولا شي....
بس صحيح إنه شكلهم بكشش البدن
بس بعين الله
:more20:
ما تخافوا السعادة بالدولاب راح تنسيكم كل القرص والهرش ورحل السفاري لاصدياد المخلوقات السالف ذكرها
:sm129: