المساعد الشخصي الرقمي

مشاهدة النسخة كاملة : يا الله يا بنات ع تنظيف الكرشات

بسمة أمل
17-12-2008, 01:07 PM
تحلا الكرشه وأكلتها..
وانت تسحب بسنانك الخيط...
لما تنثر حشوتها وتتجلى عَ أكلتها مع أهل البيت..

محشيه برز وحمص ..
وبهارات من كل الأشكال...
مشويه جوه الطابون ، تفحفح جوّاك عَ السكيت...

ولمن توكل وتوزن..
تقوم تناطح الحيط..
فيها قوه وبساله..
خبز القمح البلدي والزيت..

والمصران ملفلف عَ الرجلين..
مستوي ومشوي زين..
وبالأصبع تقلع العين..
ياللي أكلت وللبطن عبّيت...

وبإيدك تشلخ الراس...
وتسحب من النيع اللسان...
وعَ درس اللغاليغ تتجلّى..

وساق الله عَ ام الضراير ..
وياليت طبخة الكرشات ترجع إلنا...
وتصير مع العدس ثنتين..
ونبطل عَ الماضي نتكبر...
عَ القِدْرَه ولباس التوبيت..

و عَ فتتة العدس المعتبره..
في باطية العجين...
عَ الراس والكرشه والمصارين...


مما راق لي :more30:
ابنة فلسطين
18-12-2008, 07:29 PM
يا سلام يا بسمة امل

شو هالمشاركة هاي

فتحتي نفسنا عالكرش...مع انك اكيد حاطة الموضوع ومتأكدة انو الأغلب رح يهرب من عنوانو

ويلا لو بدك اساعك بتنظيف الكرش ما عنديش مالنع...م هو انا خبرة هههه

صحتين على قلب اللي بحبو

سلامات
فينوس
18-12-2008, 09:31 PM
هههههههههه
لفتني العنوان وبسرعة إجيت ركض
كلمات حلوة كتير ووصف فكاهي جميل...

بسمة أمل

من وين جبتيهم هالكلمات ..؟؟


سلمت وسلم اختيارك

مساؤك فرح



::
من قلبي سلام
19-12-2008, 05:17 PM
موضوع جميل ومميز ببساطته الصراحة ، خصوصا انه اكلة شعبية يتميز بها المطبخ الفلسطيني
وجاءت الابيات جميلة واضحكتنا

مشكورة :more19:
مجدولين جبريل
20-12-2008, 05:36 PM
ياي على فكرة أنا من محبي هذه الأكلة..
وطبعا لما بتعملها امي كلنا بنساعدها... بتذكر وأحنا صغار كنا نقعد كلنا معها نخيط الكرشات وكل واحد بخيط كرشاته... وكنت أنا أعمل حرف ام بالانجليزي على طرف كرشاتي قال عشان أعلمهم :more30:

شكرا بسمة أمل على هذا الموضوع الشيق والذي رسم الابتسامة على وجهي:more19:
ابنة فلسطين
20-12-2008, 09:36 PM
ياي على فكرة أنا من محبي هذه الأكلة


هاي صرنا تنين يا مجدولين


وطبعا لما بتعملها امي كلنا بنساعدها

كمان صرنا تنين


بتذكر وأحنا صغار كنا نقعد كلنا معها نخيط الكرشات وكل واحد بخيط كرشاته.


هههههه وهون كمان صرنا 1 ونص مش تنين لانو انا كنت اخيط مش كرشاتي..كنت اخيط لصاحب النصيب

انا متاكدة هلا في ناس لو دخلت رح تقول يععععععععععععععععععععععععععع
والله اللي ما بياكل كرش بعتبرو بياكلش اشي ههههههه

سلامات يا محبيه الكروووووووووش والمصارين وكل شي
مجدولين جبريل
20-12-2008, 11:10 PM
ابنة فلسطين...
أنا حكيت إنه الأكل وطبيخه من هواياتي...
ومن هنا ومن فوق أرض الملتقى بقول
جيرة الله عليكم... إذا الله قدرني وقدرت أشوفكم كلكم... الكم عندي عزومة كرشات ومصاريين :more30:

هلا عمي هلا
ابنة فلسطين
20-12-2008, 11:18 PM
ابنة فلسطين...
أنا حكيت إنه الأكل وطبيخه من هواياتي...
ومن هنا ومن فوق أرض الملتقى بقول
جيرة الله عليكم... إذا الله قدرني وقدرت أشوفكم كلكم... الكم عندي عزومة كرشات ومصاريين :more30:

هلا عمي هلا


والله عزومتك على راسي

بس شو بتحكي انت ...

معقول انت تعزيمنا عالمصارين والكروش....ونحنا اهل المصارين والكروش؟؟؟؟؟؟؟؟؟؟؟؟؟؟
هو انت مش عارفة انو عائلة ابوي كلها لحامين يعني معبيين شمال لبنان ملاحم وبقر وخرفان؟؟....والكروش والمصارين هي من اختصاصنا؟؟!!!!

اليوم اليوم اليوم عملناها هههههه
كان لازم اعزمك انت بالذات ..لكن ما كنتش قارئة ردك بعدني
مجدولين جبريل
21-12-2008, 12:23 AM
صحتين وعافية...
الله يسعدك يا رب وما في فرق بينا بنعملهم سوا وبنعزم الجميع
وأهلا وسهلا وهيني شمرت وجاي عشان أخيط معك :)
يسعد مساك يا رب:more19:
بسمة أمل
21-12-2008, 08:06 PM
ابنة فلسطين
فينوس
مشكورات للمرور والمتابعة
مجدولين جبريل
شو ما بيطلعلي عزومة ع كرش؟؟!!
أنا من محبي هالأكلة

مودتي :more61:
MoHaNaD
24-12-2008, 10:48 PM
عن جد هاي أكلة طيبة ولذيذة
:: بسمة أمل ::
مشكورة على هذا الموضوع الجميل
مجدولين جبريل
24-12-2008, 10:54 PM
معاك حق أكلة طيبة وبتشهي وأنا هله جوعانة وبردانة :)
رغم انه الدفاية شغالة :)
بسمة أمل
25-12-2008, 10:29 AM
عن جد هاي أكلة طيبة ولذيذة
:: بسمة أمل ::
مشكورة على هذا الموضوع الجميل

نور الشمس
مشكور للمرور والمتابعة
أنت أكيد معزوم معنا عند مجدولين جبريل
ولا شو ؟؟؟؟!!!

دمت بود
بسمة أمل
25-12-2008, 10:31 AM
معاك حق أكلة طيبة وبتشهي وأنا هله جوعانة وبردانة :)
رغم انه الدفاية شغالة :)


صباحك سكر
مجدولين جبريل

ادعي ربنا ما تقطع الكهربا وتظل الدفاية شغالة
مجدولين جبريل
25-12-2008, 02:36 PM
آمين يا رب...
وبخصوص العزومة أنا دقيت صدري خلص :)