المساعد الشخصي الرقمي

مشاهدة النسخة كاملة : نعمانيات

هشام
05-10-2009, 02:06 AM
بسم الله الرحمن الرحيم

أول الخواطر التى كتبتها لصديقى العزيز "نعمان شنَّان" فى غربته التى طالت فى المملكة السعودية.. وهو شخصية فريدة من نوعها بها كل المتناقضات فهو يجمع بين الطيبة الشديدة لدرجة السذاجة واللؤم الذيذ..الجدعنة الواضحة الممزوجة بالندالة (ساعة الزنقة يبيعك وقتى)..هو محظوظ جدا كما أنه فقرى جدا جدا... من يلقاه يتخذه أخ وصديق وكاتم أسرار من أول مرة _ خصوصا البنات_وتلك عقدة حياته فأقرانه يحسدونه على صداقته لأجمل البنات بسهوله وهو يلعن هذه المسألة لأنه يريد منهن أن يرينه الشاب الروش لا الأخت النصوح ويحاول دون جدوى... هذه مقدمة لا بد منها لسلسلة " نعمانيات" التى إذا أعجبتكم أكملها إن شاء الله...


(1)
صديقى الغالى نعمان
الراجل الجد الإنسان
دى تحية حب وعرفان
واحشنى ياصاحبى من يوم
ما الغربة خدتنا للاَن
والغربة دى صعبة أنا عارف
مايهونهاش إلا معارف
ومنين هاتجيب حد ياصاحبى
زيى .. تاَمن له ومش خايف
والله واحشنى يانعمان
أنا بعدك تايه حيران
ولا لاقى صديق يملا حياتى
ولا لاقى طريق للنسيان
معلش يا نونو من فضلك
إسمح لى شوية أفضفض لك
مين غيرك أشكى له همومى
واحكى له عن أمسى ويومى
من يومى يانعمان وباَسى
وزمانى واخدنى "عالعاصى"
وبعاند فيها وأعافر
و اهو كله على حساب إحساسى
ولا عمر الحظ ادانى وشه
لو حتى أحايله أو اغشه
أنا طير مليان قلبه غناوى
والطير مسجون داخل عشه
وأخيراً ماتغيبش عليا
جواباتك كترها شويه
وسلامى لأهلك وحبايبك
فى جميع أنحاء السعوديه
هشام عطايا
القاهرة فى 17/8/1998
ضياء عاصى
05-10-2009, 11:42 AM
اخى و اخ أولاد خالتى و ابن خالة اولاد خالتى و أخيرا إبن خالتى / د. هشام

عاد يا راجل من إمبارح العصريه قاعد اسطب فيك تطلع مواهبك و كنت قربت احطلك على وشى مكركروم و فى الآخر جاى تبدا بنعمان .. ؟
نعمان ينفع يكون نهايه , خاتمه , حاجه كده زى الكنكه اللى من غير ايدين و متعرفش تمسكها منين و هى مولعه.

ندخل فى الجد المستقيم ...

اعرف جيدا ان لديك الكثير و الكثير و ان تذوقك للشعر بكل انواعه ايضا تذوق مميز جدا ومنفرد بذاته.



(1)
صديقى الغالى نعمان
الراجل الجد الإنسان
دى تحية حب وعرفان
واحشنى ياصاحبى من يوم
ما الغربة خدتنا للاَن
والغربة دى صعبة أنا عارف
مايهونهاش إلا معارف
ومنين هاتجيب حد ياصاحبى
زيى .. تاَمن له ومش خايف
والله واحشنى يانعمان
أنا بعدك تايه حيران
ولا لاقى صديق يملا حياتى
ولا لاقى طريق للنسيان
معلش يا نونو من فضلك
إسمح لى شوية أفضفض لك
مين غيرك أشكى له همومى
واحكى له عن أمسى ويومى
من يومى يانعمان وباَسى
وزمانى واخدنى "عالعاصى"
وبعاند فيها وأعافر
و اهو كله على حساب إحساسى
ولا عمر الحظ ادانى وشه
لو حتى أحايله أو اغشه
أنا طير مليان قلبه غناوى
والطير مسجون داخل عشه
وأخيراً ماتغيبش عليا
جواباتك كترها شويه
وسلامى لأهلك وحبايبك
فى جميع أنحاء السعوديه


بصراحه واضحه جدا انى رايت هنا سهوله و امتناع و موسيقى و الفاظ جديده و فريده ( و زامنى واخدنى عالعاصى) ( وده كله على حساب إحساسى)

هذه المشاعر التى تنطلق مع نزيف العمر الذاهب الى مدى لا ندرى مجراه و لا منتهاه

اتقنت الصنعه اخى الدكتور هشام و جلبت هنا معك عبق الحب الفطرى و الصداقه بلا حدود.

اعجبتنى جدا بالرغم طبعا من اننى سمعتها منك وقت كتابتك لها فى اوضة الجلوس ( فاكر اليوم ده )

لكن الغريب و العجيب انها اول قصيده تنشرها هنا بالرغم من إنك لسه عارف أمس إن نعمان قام بسرقة ايميلك الشخصى ... ما اصدق مشاعرك اخى الدكتور تجاه صديقك نعمان (اللى كل البنات بتحبه و إحنا لا)

أحييك مره اخرى و تقبل إعجابى اللى بجد و لك منى رنه من موبايلى اللى فى الامارات ...

تحياتى القلبيه للمره الثالثه

جو اون
مجدولين جبريل
05-10-2009, 03:24 PM
:more30::more30::more30::more30::more30:
جميل أن تركز بالحديث عن صديقك
وجميل أن تشركنا بماضيك الجميل
ولكن إن كان ما يقوله ضياء
ابن خالة ولاد خالتك
صحيحاً
فهذا يعني أنت تتمتع بروح رياضية عالية
فلو أنا كنت مكانك
لتحولت هذه القصيدة الأخوية
من الغرام إلى الانتقام
على كل
لا بد أن نشكرك على هذه التحفة الطريفة
يعطيك العافية
إنت ونعمان وشقائقه
:more19:
فارس الحقيقة
06-10-2009, 02:35 AM
مساء الخير

بصراحه قصيده جميله جداً والرد أجمل

والتعقيب منصف

ولو استمريتوا على كده

بالنسبالي مش حتابع في المنتدى الإ إنتوا

لأنوا شئ ممتع

تحياتي
ضياء عاصى
06-10-2009, 04:12 PM
اهلا بك اخى فارس الحقيقه

الحقيقه ان الاخ هشام لديه الكثير و الممتع لكن لا ادرى عن سبب بخله علينا

و يمكن يكون تقل احيانا

ده من يوم ما نزل هذه المشاركه الرائعه و انا مشوفتش رجله هوبت عالمنتدى تانى

ربنا يستر و يكون نعمان مسرقش الاكاونت بتاعه عالمنتدى كمان

و احيانا نقول ياريت يكون سرقها ... لأن من الملحوظ ان الدكتور هشام بيتأثر عكسى مع كل حركه من حركات انتيمو نعمانو

فى انتظار مشاركاته الجديده من نعمانياتو

تحياتى للمره الرابعه و انا حاطط ايدى على قلبى
هشام
07-10-2009, 01:53 PM
الاخت مجدولين والاخ فارس الحقيقة :شكرا لمروركم الكريم وتعليقاتكم الرقيقة وأرجو أن تكون أعجبتكم... لكم منى كل التحية والتقدير
اما اخى وابن خالتى المهندس الشاعر : ضياء عاصى , فأنا كان اتفاقى معاك انى لو كتبت حاجة عايز كمية مدح لا مثيل لها فى المنتدى وانا اعترف ان كلماتك فاقت توقعاتى لدرجة أشعرتنى بالخجل من قصيدتى العامية التى لا ترقى لكلماتك.....أما بالنسبة لنعمان فأنا مدين له بأشياء كثيرة فعلتها معه قإن كان سرق إيميلى مرة فأنا مرة سرقت محفظته وبها كل فلوسه وكنا راكبين ميكروباص فى الزقازيق وتنكرت له تماماً عندما طالبه السواق بالأجرة وحكم عليه السواق انه يرجعه لنفس المكان الذى ركب منه بعد توبيخه بشدة وتدخلت أنا فى اخر لحظة كأنى واحد عادى متعاطف معه وأخرجت محفظته أمامه بكل ثقة ودفعت الأجرة وهو مذهول تماما ولا ينطق بشيئ.. غفر لنا الله جميعا...
قصيدتى الثانية عن محنة نعمان عندما ارادوا اهله ان يغصبوه على زواجه من ابنة عمة وواقعة طرده وتشريده.....قريبا ان شاء الله
ضياء عاصى
07-10-2009, 04:00 PM
اخى الدكتور / هشام

انا لم أفتعل إعجابى بما كتبت لأن الخاطره أعجبتنى بالفعل موضوعا و الفاظا. و هى تمتاز بانها غير مكرره .

اما بالنسبه لنعمان و ما وراء الاسوار

فـ اتمنى ان تدلى بدلوك فى بيت ستى فأنا اعرف ان هناك الكثير من الذكريات الممتعه بينك و بينه تكفى ان يكون موضوعا مثبتا لها

فى إنتظار ما تبقى من روائع كتابتك و اعتقد انها غير نهائيه

شكرا لك على التواصل و على إنى اطمئنيت إن نعمان لم يقم بسرقة الاكاونت الخاص بك على المنتدى ... و ذلك عندما رأيت رجلك هوبت ناحية المنتدى ... و مش اى رجل طبعا تبقى مقاس 46 و ما فوق

تحياتى القلبيه للمره الخامسه على نفس الموضوع المميز
حافظ العبادله
17-10-2009, 05:56 AM
صباح الخير عليكم
هو إنت بتأجر ناس تمدحك في المنتدى يا هشام ..
ومش أي ناس دا المشرف الأدبي للملتقى الحمد لله ..
ماشافوناش واحنا بنسرق شافونا واحنا بنتقاسم

عموما يا هشام انت مش محتاج لحد يمدحك كلامك سلاسل ذهب من يومك
بس أنا اعترض على حاجة واحدة .. وأرجو أن تراجع نفسك فيها قليلاً ..
يعني أظن أن في بعض ما تكتب إنتهاك لخصوصية الاخ نعمان وهو بصراحة راجل محترم وعسل
يعني لو حابب تكتب قدام الناس اكتب عنا بلاش حد مش موجود .. حتى لا تقع في شرك الغيبة لا سمح الله
هذا رأيي ولك مطلق الحرية في النهاية ..
وفي إنتظار كل جديد منك .. يا أبو محمد

تقديري
ابو سليم
ضياء عاصى
17-10-2009, 11:35 AM
صباح الخير عليكم
هو إنت بتأجر ناس تمدحك في المنتدى يا هشام ..
ومش أي ناس دا المشرف الأدبي للملتقى الحمد لله ..
ماشافوناش واحنا بنسرق شافونا واحنا بنتقاسم

عموما يا هشام انت مش محتاج لحد يمدحك كلامك سلاسل ذهب من يومك
بس أنا اعترض على حاجة واحدة .. وأرجو أن تراجع نفسك فيها قليلاً ..
يعني أظن أن في بعض ما تكتب إنتهاك لخصوصية الاخ نعمان وهو بصراحة راجل محترم وعسل
يعني لو حابب تكتب قدام الناس اكتب عنا بلاش حد مش موجود .. حتى لا تقع في شرك الغيبة لا سمح الله
هذا رأيي ولك مطلق الحرية في النهاية ..
وفي إنتظار كل جديد منك .. يا أبو محمد

تقديري
ابو سليم


هوه واضح ان ابو محمد مطلعش مأجر مشرف المنتديات الأدبيه بس ... الظاهر ان المدير العام كمان.

ده ابو محمد كده حيصرف كتير فى الدعايا

فكرنى بصديق قليبه الددمونى لما دخل الانتخابات سنة 2013 ... و إتضح إنه بعد ما عمل الدعايا و قلب الدنيا إن اصلا مكانش فيه إنتخابات مجلس شعب فى السنه دى.

الظاهر انه كان بيوفى ندر ... او بينفذ رؤيه شافها بعد صلاة المغرب


تحياتى الجميله .... إنت حد جميل اوى يا إتش.
حافظ العبادله
18-10-2009, 01:20 AM
هوه واضح ان ابو محمد مطلعش مأجر مشرف المنتديات الأدبيه بس ... الظاهر ان المدير العام كمان.

في إعتراف على الملأ من هشام انو قايلك عايز أحلى تصفيق وانت عملت الواجب وزيادة يعني انا لم اتهمك زوراً وبهتانا يا معلم .. راجع كاتب الموضوع يا أديب ..

اما أنا فما كتبت رأيي في خواطر هشام إلا لإنني وجدتها مميزة حينما قرأتها ثم شاركت بالرد عليها وانت عارف انا نادراً ما أدخل قسم الخواطر ومش عيب لما يكون في حد كاتب موضوع مميز يستفز فيا الرغبة في قول كلمة جميلة في حقه أن افعل ..

ويا ريت يا سيادة النائب ما تطلعناش عن السياق .. الديداموني صاحب التأثير الاكبر في تكوين شخصيتك الفريدة والمميزة .. لازم تدين ليه بالفضل وتحترمه شوية :more72: وبلاش تريقة على الناس يا مشرف

محبتي
أبو سليم