واتارى ... فى الدنيا حقايق

[ضياء عاصى]

كدبتها ...

كل الحاجات ... لما قالتلى وقتها

متسبش قلبك للسهر

وتقول قدر ...

انك تموت تحت القمر

وتعشق الكدبه البريئة

وتنسى فى الدنيا الحقيقة

وتضيع سنين الشوق هدر

*** *** ***

نسيت فى العمر الساعات

وهربت من كل الحاجات

سبت قلبى اللى انتظر

يلملم مـ المرسى الودع

ويعشق فى البحر الوجع

يفوت علينا كام قمر

نسهر ... ولا ييجى القمر

نصغر .... وتدور الساعات

يا ريتنا صدقنا الحاجات

*** *** ***

واتارى فى الدنيا حقايق

وجراح عايشاها الخلايق

ورقه وريشه والوان

وطفل عاش فى البستان

مات واتحدى الزمان

فى صورة لاجمل احزان

تموت مع نزول المطر

قبل ما الون القمر

وأقول قدر ...

أرسم صورتى الانسان

وأخسر الصورة فـ دقايق

وابقى زى كل الخلايق

واتارى فى الدنيا حقايق

*** *** ***

[أبو يوسف]

احساس و قدرة و تمكن
كل ذلك تحمله كلماتك

و تجسد ابداعا يلازمك

تحياتي

[Rita]

دومــا" نلقــي اللــوم علـــى القـــدر
ونــرســـم بــريشتنـــا آلامنـــا والسهـــر

تــاخــذنـــا آمـــالنـــا فتسكننـــا آلامنــــا

نصـــدق الــوهــم
ونخــرج مــن الحلـــم
إلــى حقيقــة فيهــا كــل الظلــم

حقــائــق لا بــد أن ننكـــوي بهـــا
وجــراح لا بــد أن تتــرك وشمــا" بنـــا


ضيـــاء
إحســاســك رائـــع
وتعــابيــرك بسيطـــة تحمـــل فــي طيــاتهـــا معـــانــي دفينـــة يحسهـــا كــل مــن يقــرأهـــا

دمــــ متميــزا" ـــــــت