جاوب ... يا شيخ الصيادين ؟؟؟

[ضياء عاصى]

شيخ الصيادين

سأل السؤال ...

مين مشبّعش العيال ...؟

مين فى بيته مية حنك ...؟

مين يا بر الصيادين ...

بيصطاد فى الشبك شبك ... ؟

مين اتهلك ....؟

مين بينام من غير عشا ...؟

مين بيقلق م الدفا ...؟

مين لسه خايف م الفلك...؟

جاوبو يا بر المحرومين

ده عيب البحر وللا السمك ؟؟؟

*** *** ***

جاوب اياد ... ...

ابويا بالبحر اتخدع ...

اخده الموج ... وما رجع

ابويا سابلى مية حنك

عيال بتبكى من الوجع

وصوت ابوهم فى الودع

مشَفِتش م البحر الشبع

ابونا اتهلك ...

وانت يا شيخ خدت الشبك

وجاى بتسأل عالسمك ؟؟؟

*** *** ***

عدت شموس من غير عدد

والبلد هيا البلد

جالنا شيخ الصيادين

ونفس السؤال ...

مين مشبعش العيال ...؟

مين فى بيته مية حنك ...؟

مين يا بر الصيادين ...

بيصطاد فى الشبك شبك ... ؟

مين اتهلك ....؟

مين بينام من غير عشا ...؟

مين بيقلق م الدفا ...؟

مين لسه خايف م الفلك...؟

جاوبو يا بر المحرومين

ده عيب البحر وللا السمك ؟؟؟

*** *** ***

رديت أنــــــــــا ... ...

يا شيخنا ... ... ابويا اتهلك

فى بحر مليان بالعناد

موجه فتت الشبك

والسمك ملوش معاد

وجوعنا زاد ... ...

فى بيتنا مفتوح مية حنك

والجوع أمَر من الفلك

منين نجيب ياشيخ سمك ...؟؟؟

وفين راحو اصحاب الشبك ؟؟؟

لامتى هتشيل هم العباد ؟؟؟

آسف يا شيخنا ...

يا ممتلك ... بحر البعاد

قللى فين وديت اياد ... ؟؟؟

[أبوحاتم]

ورد أبوخاتم فقال:

والشعب اللي الغلبان

غرق في بحار الفساد

والتهمته حيتان وقروش لا تعرف الشبع

[ميرا فلسطينية]

العامية تصنع بين يديك باتقان
كصانعي الفخار
تجيد لفها بين يديك
وتنطلق منك وحدها

فعلا لم اتوقع ان اعجب بشعر عامي
لكنك نجحت
وارضختني

ابداع ذكي جدا

عندي ملاحظات صغيرة.. للفائدة..
لكن قلنا بلاش ..
لا اريد ان اهتم بما هو جانبي
لان الاصل والاساس رائعين

[ضياء عاصى]

شكرا على مرورك الكريم ...



ولا مانع من تسجيل اى ملاحظات



وعندى شكوى احب انك توصليها للأخ طائر الليل



حيث اننى لا اجد تقيدا فى المنتدى بالشروط الذى ذكرها

وشكرا عزيزتى الجميله .....

[عبدالفتاح السيد]

شكرا لك اخى ضياء على هذا الشعر الجميل

وارجوا منك المزيد مثل هذا اشعر الاكثر من رائع

واتمنى لك التوفيق
وشكرا

[ضياء عاصى]

شكرا على مرورك الكريم اخى عبدالفتاح

ومرحبا بك ...

[أبو يوسف]

وعندى شكوى احب انك توصليها للأخ طائر الليل



حيث اننى لا اجد تقيدا فى المنتدى بالشروط الذى ذكرها

.....

اهلا بك اخي ضياء....

رائع جدا ما كتبته....

و ارجو ان تفصح لي عن ملاحظاتك و شكواك بالتفصيل فهكذا يكون التكامل...

فنحن نجتهد و لا ندعي الكمال

تحياتي

[بنت القسام]

:heart: جاوب اياد ... ...:heart:

:heart: ابويا بالبحر اتخدع ...:heart:

:heart: اخده الموج ... وما رجع:heart:



تاني خاطره :icon31:رائعة بالمنتدي

لأنها كمان نتيجة تجربة شخصية

مع البحر والسمك والصيد

و شخصية اياد إلي اصبحت

رمز لجميع الخواطر الخاصه فيك

واكيد ده نوع من الابداع

بارك الله فيك
:raheeb:

[ضياء عاصى]

هلا فيك عزيزى طائر

والله اكيد انت واخد بالك من عدم التقيد اللى انا اقصده

بدون تجريح لاى حد

لكن احنا ممكن نتكلم فى الموضوع فى اجتماع مع المدير

وياريت ده يحصل

وشكرا لك بنت القسام