إعتذار ... لازم توقعوا عليه

[ضياء عاصى]

مساء الفل والنرجس ...

وعود ياسمين

مساء الشوق ...

ولفوق ... يارب طالعين

على اهل اجمل منتدى ...

على الحلوين ...

ميرا وريتا وهديل

وعاشقة الاقصى

و كل أبناء فلسطين

*** *** ***

مساء يجمعنا فى تلاقى

والوفا اللى فينا باقى

بنلاقيه فى منتدانا

يبوح بأحلى كلام معانا

فى سطور فينوس والفراشه

والخجوله نسرين

وياخدنا لدنيا المشاعر

طائر الليل الحزين

*** *** ***

مســـــــــــــــاء ...

ويارب يطول بينا

لاجل يمحى تباكينا

لاجل نوصل للصديق

لاجل يكمل الطريق ...

اللى ياما فيه بدينا

... ولا إبتدينا

*** *** ***

مساء المواعيد و الصدف ...

مساء الدمع اللى اتخطف ...

مساء الاحساس يا رَهَف

بشتكيلك مُر يأسى

والضلام اللى فى اسمى

بشكى نفسى ... للأسف

والقانى ناسى للآلام

لما تبدأى فى الكلام

وأنسى الكآبه والضَعَف

ياريت فى الدنيا مية رَهَف

*** *** ***

مساء الحب يا حموكشه

يا اغلى عندى من دوكشه

يابن العراق ... يا متمنع

طول عمرك مظلوم وبتبلََع

والحب الوافى فيك يوجع

فاكر طريقنا و تماسينا ؟؟؟

فاكر احلامنا وأمانينا ؟؟؟

معلش ياصاحبى انا عارفك

بتموت لو شوفت دموع صاحبك

أصبر لو زاد عليك جرحك

لو كان لقانا غاب عنا

أكيد حيعود فى يوم لينا

ونعيش فى براءة تماسينا

*** *** ***

مساء النَدى يا مدير

يابو قلب طيب ... يا كبير

يا حافظ جواك أحلى ليالى

ياصديق الوعد الغالى

والحلم الدافى فى حياتى

لسانى بيقولها يوماتى

انت الطير اللى بيحلم ...

لاجل كل قلوبنا تطير

معلش يا طيب ... يا كبير

*** *** ***

شكرا ليكم ... وانا آسف

لو غبت فى تيارى النازف

وبعدت فى ليل مهوش صافى

ومكونتش انا الصاحب الوافى

انا راجع ... وقدامكم واقف

أقول كلام ... ومش عارف

لكن قلوبكم قدامى

بتنادى عليا فى مكانى

وانا تايه حيران وواقف

شكراً ليكم ... وانا آسف

*** *** ***

[أبوحاتم]

وانا وين ضياء ...؟؟

مشكووووووووور على الخاطرة الرائعة

[نورالدين المهاجر]

يامساء يوم الخميس ياضياء عليك , وبكرة معادك مع جرعة الفوسفور الأسبوعية اللي الملح الإنجليزي طعموا أرحم منها بس يلا حتعمل ايه يالجرعة ياإما صاحبنا يروح يدعي عليك في الكعبة ويخلص عليك في ساعتها لاحسن ده ايدو طايلة باين عليه , وأما المدير أنا مش فاهم هو فين ماعلقش أي تعليق على مقالي الجميل الخاص بأبولمعة والخواجة بيجو , أما إبن العراق فهو نايم من وقت ماصحي من النوم ومش ناوي ييجي إلا لما يناملو شوية كمان , يعني أيامو كلها أحلام أهو أرحم من كوابيس الدنيا اللي نازلة عليه ليل نهار في الكلية ... سلامي للجميع وكلوا ياخد بالو من نفسه الأيام الجاية مش مضمونة ونسألك يارب الستر

[أبو يوسف]

اهلا بك اخي ضياء....

دائما اهلا بك ... و بكلماتك المعبرة و احساسك القوي

اهلا بك و بحضورك المميز ..

[ميرا فلسطينية]

اسمح لي ان استرق لهجة مصرية
حنونة..
وابتكاراتك الفنية ..
المجنونة:smilieA3: ..
واقول بدون منيه ..ولا سوء مكنونة


"شكرا ليكم وانا اسف"

قالها لينا والكل شايف
ومش عارف
او من غيابه خايف..

منقول جوانا يمكن مزحة
ولا همس شفايف
من غير قصد طلع (الهمس)هايف


طيب واحنا لما نكون..
منقول عليه حساس
وحنون..
كنا ايمتى رضينا يفارق!؟
هو فاكر نوافق؟!!


طيب جرب
يا اخونا تهرب..
وشوف بوابة منتدانا
كم متر لفوق
حتضرب!!


مش حتسيبنا
يا اخونا..
وبحرنا مش حتفارق
حتى لو اشتريت
مية زورق والف قارب


ملاحظة: 1)اسفة على كلمة كلام هايف (وهي تعود ل "الكلام") - لزوم القافية وانت الادرى
2) انا يمكن اتحداك بالعامية المصرية فخد بالك
3) حسابك مع حافظ مفتوح. وماليش دعوة ولا بالسر حبوح


سلام

[ضياء عاصى]

هو الكلام المصرى خلص علشان هايف دى ؟؟؟؟

عموما مقبوله منك ... لحسن اسمك

وكفايه عندى ... انى اصالحك

ده انتو رجعتونى لاهلى

كأنى حاضن بيت ستى

كفايه بقى عتاب وملامه

وبلاش تقطعوا فى سيرتى

تحياتى لك ميرا وطائر .... ومتشكر طحن

[ضياء العبادلة]

:halaWgala
مشكور اكتيييييير اخ ضيييييييياء على الخاطرة الجميلة ان شاءاللة دايما ابتتحفنا بالاشياء الجميلة
يعطيك الف عافيه

[ابن العراق]

يا مساء العنب ..

يا أبو الضيء يا حتة من القلب ..

ياللي جواك ألف آه ..

وألف ضحكة ع الشفاه ..

وحضن واسع ما أعرف مَدَاه ..



إياك تغيب في مُفتَرَقْ ..

وأهيم لوحدي واحْتِرِقْ ..

يِبَانْ الحلم مِتجَرَّدْ ..

بَواقِي العُمر تِتْشَرَّدْ ..

أدوَّر ع اللي آلِمني ..؟؟

ومين عُمْرُو ما خاصِمني ؟؟

دموع الغَصْبْ تهزِمْني ..

لأنك .. بِعيد ..

وبعدك .. أكيد ..

أكيد فارِق ..

يا أحلى من الندى المارِقْ ..

يا عِشْرِة عُمري يا مْفَارِقْ ..



أديك بتحلم من جديد ..

تطير وتعلى من جديد ..

تُقَعْ ..؟؟

جايز ..

تِنكِسِرْ ..؟؟

استحالة ..

تغضب ..؟؟

ممكن ..

تكره ..؟؟

ده درب من المُحَالْ ..

وإزاي يكون الحَالْ ..؟؟

والقلب أبيض م الخيالْ ..

في دُنيا عَتْمَة ..

وحلم لابِدْ فوق جبالْ ..



وليل في ليل ..

في ألف ألف ليل ..

وسنين نِدُوقْ الويل ..

ضَيَاعْ في غُربة .. وإحْتِمَالْ ..

وجَرح نازِف .. وإمْتِثَالْ ..

وموت مِرَافِقْ الآمال ..


ده الفَرْحْ ليه أوْجَاع ..

وإزاي ما أحس الوَجَعْ ..

وأنا اللي كان مَوْجُوع ..

يا عمرنا المَدْفُوع ..

وضيِّنا المخدوع ..

آمِنْ بلا تأويل ..

ده اتْقَال في مُحْكَمْ التنزيل :

( واستعينوا بالصبر والصلاه ) ..

ولا يوم كرهنا الحياه ..

ياللي جوّاك ألف آه ..
وألف ضحكة ع الشفاه ..

[بنت القسام]

http://img480.imageshack.us/img480/4972/p0164iv.jpg


مع تحياتي بنت القسام

[فينوس]

*
*
*

ضياء عاصي


شكراً لأنّك
الأكرمُ هطولاً
نثرتَ صدق الحروف

تحيتي

فينوس
/
\
/

[الروح المغربة]

داحنا طلعنا ولاحاجة يا راجل.......... امشي يا بـــــــــــــــــت

بس واللـــــــــــــــه الاحساس رائع وسيولة الكلمات ولا اجمل

[ضياء عاصى]

شكرا احبائى على مروركم الكريم

وتلبية دعوة التوقيع

وتحياتى لك ابن العراق على خاطرتك الروعه طحن

[ملك الحب]

فكرة المشاركة وموضوعها ومضمونها يستحق الإشادة

مع خالص حبي وتحياتي:loveu:

[بنت النور12]

شو هادة كلو والله ده انا غيرانة كثيررررررررر
كل ده حب بينكم
يا سلام والله شوقتوني للمنتدى اكثر
تسلم
ندى

[المهاجر]

:Mbravo:
مبدع يا ضياء

تعبير ووصف جميل جدا وبكل بصراحة أصحابه يستاهلوه
لانهم أساس وعماد هذا المنتدى

تحياتي للمبدع ضياء العاصي .. انت اكيد مطيع ومش عاصي

الى الأمام يا ضياء

http://img118.imageshack.us/img118/5779/smile155mk.gif