المساعد الشخصي الرقمي

مشاهدة النسخة كاملة : تعازينـــــــــــا .... ؟

ضياء عاصى
08-12-2005, 09:27 PM
تعازينا...

لكل حلم كان عايش

ومات فينا ...

لكل قلب كان عاشق

ليالينا ...

لدموع بتسهر فى الليالى

تبكى عاللى كان لينا

... ومش لينا

*** *** ***

تعازينا ...

على ليله زوِدِت الاهات

على رعشة الحب اللى مات

وصرخة القلب اللى عاش

... رغم السكات

وحاجات ... بتبكى كتير علينا

*** *** ***

تعازينا ...

و إنتهينا ...

وإحنا لسه ما ابتدينا

انهزمنا ...

وانحرمنا ...

من اعز الناس علينا

وإفترقنا فى الطريق ...

و ياريت مشينا

كنت لسه هقول بحبك

ايوه ... كنت زمان بحبك

كنت لسه بلملم الشوق كله جنبك

بس طاح الريح فى وردك

خد حنينى ... وشوق سنينى

خدها قبل معيش فى قلبك

خد مطرنا الى فى سمانا

واحنا لسه ما اتروينا

وساب لينا ... تعازينا ...

*** *** ***

تعازينا ...

بصوت حزين مش سامعه

لقلب خبى كتير دمعه

لزمان خسيس زاد ظلمه

فى طريق يموت ويهدينا

ويرضينا ....

بدور كبير فى المسرحيه

وستاره مالهاش فى القضيه

تنهى كل معانى حيه

لحب كان اجمل ضحيه

يموت ...

وتبقى تهانينا ... تعازينا

*** *** ***

... و تعازينا
ضياء عاصي

الرياض... 7 / 12 / 2005
ابـــ فلسطين ـــن
08-12-2005, 10:37 PM
ماشاء الله ياأخ ضياااااااااااااااااااء


دايما بتحرك (مشاعيرنا)(وأحسيسنا)

هههههههههههههههههههههههههههههههههههههههه

شكرا على الكلمات الرائعة ومزيد من التميز إنشاالله
:bravo2: :bravo2: :bravo2: :bravo2: :bravo2: :bravo2: :bravo2: :bravo2:
نسرين
08-12-2005, 11:26 PM
ضيااااااااااء
انت بتعمل ايه يا راجل
ما كنتش عارفة انك كده

حلوة حلوة حلوة
:smilieA5: :raheeb:


:MThumpsUp


رغم انها حركت فيا مشاعر كتير
و ذكرتني بكتير اشيا ماتت وصار لازم نعملها عزا

:sad:

تحيــــــــــاتي الك
أبو يوسف
09-12-2005, 01:49 AM
كالعادة ... رائع يا ضياء ، بل اكثر .... تتفوق على نفسك و تثبت كل يوم كم انت متميز

كلمات جميلة ... تحمل او تحملها احاسيسك القوية..

ترحل بنا بعيدا ... و لكن هذه المرة الى عالم من الجراح المنسية..

.....

كل التحية و التقدير
ملك الحب
09-12-2005, 03:09 AM
بصراحة خاطرة جميلة وإبداعية حبيت أحييك عليها

وبتمنى ما نعزيك في غالي

مع خالص حبي وتقديري وتحياتي
ضياء عاصى
09-12-2005, 09:07 PM
شكرا نسرين وطائر الليل وملك الحب وابن فلسطين\

وان شاء الله ما نعزى بعض فى شىء
ابن العراق
19-12-2005, 11:31 PM
تعازينا ..
وإنتهينا ..
وإحنا لسا ما أبتدينا ..

العزيز ضياء :
لم يعد أي شيء كما كان ..
بريق العيون إختفى ..
وأصبح كظلمة القبر ذاته ..
والصوت الواثق ..
إمتلكته رجفة المحتضر ذاته ..
والأحرف العذباء ..
إغتصبها الألم ذاته ..
والإبتسامة التي ملأت عنان السماء ..
ألبسها القهر رداء المعاناة اللعين ..
والوعود الكاذبة ..
ذهبت أدراج الرياح ..
والوهم كالحلم كالحقيقة ..
لا شيء ..
تناقضات الحياة سوَّرتك ..
وأحرقتك ..
فزِعاً .. تركتك ..
فالأرادة التي ناطحت بها السحاب يوماً ..
هالها ما رأت ..
لتنسحب في هدوء ..
وتتوارى في صمت ..
لتنتهي في حزن ..
قصة قصيرة ..
مشهدها واحد ..
بطلها واحد ..
لا أثنان ..
زمنها ثوان ..
لشبح وحيد ..
عشق حتى الثمالة ..
هجر أرضه ورحل بعيد ..
حيث لا عودة ..
فسُحقاً لكل شيء ..
وسحقا لك يا حياة ..
يا من سلبتينا ..
كل شيء ..
حتى الضحكات على الشفاة ..
بنت القسام
20-12-2005, 11:08 AM
انهزمنا ...

وانحرمنا ...

من اعز الناس علينا





كما قال أخي ابويوسف كل يوم بتتفوق علي نفسك

كلمات رائعة ,وجميلة جداً حضرتك يعني نقدر نقولك

تهانينا ليك مش تعازينا :biggrin2:
ضياء عاصى
21-12-2005, 11:38 PM
تهانينا...

لكلمه حلوه ترضينا

لصحبه تعيش وتكفينا

يطير من القفص عصفور

حاول يطير

يحوم بره السور

يجمع صحابنا

بلحن يعيش فى غناوينا

وتهانينا