لازم نهرب م الورق

[ضياء عاصى]

لاجل نهرب م الورق

لاجل نبقى حقيقه صافيه

مش قلق ...

لازم نفوق ...

نبقى زى راياتنا فوق

أقوى من نار الحروق

وصوتنا عالى ع الملأ

مش ع الورق ...

*** *** ***

لاجل نوصَل للسما

لاجل نخلق كل ضحكه ممكنه

لاجل نرضى ربنـا

لازم نصرخ فى القفص

ويعود جناحنا اللى اتقصف

ننسى الأسف ...

ونفتكر ضى الشوارع

نحضن الحلم اللى ضايع

والحنين اللى إتكسف

يبوح بسِرُه اللى اتحرق

بقلم بيرسم ع الورق

*** *** ***

لاجل تانى نتجَمّع

وصوتنا يحلا ... ويتلَمّع

لاجل يعلا ويسَمّع

لازم تعود للعُقد حبّاتُه

لازم يبوح الصمت بآهاته

ِتبكى القلوب ....

جايز تحن ... جايز تحب

ويمكن تتــــــــــوب

تتغسل فيها الذنوب

ساعتها هتبوح بالعذاب

وتلوِن الحلم اللى شاب

ويبقى الأمل ...

اول عنوان للكتاب

نبنى جدارنا اللى غِرِق

وحلم زمان اللى اتسَرَق

ويعود العُقد اللى إفتَـَرَق

من بيت لسه عايش ع الورق

وقلوب مَوِتها الورق

لاجل نهرب م الورق

لاجل نبقى حقيقه صافيه

مش َقَلق ...

*** *** ***

[samira ali]

allah Kareem

[بنت القسام]

السلام عليكم ورحمة الله وبركاته :hala:

نيالك يا ضياء والله بتنحسد خالتو سميرة (أم هاني ) أول واحدة تعلق علي خاطرتك
يابختك صارلي أنا وهي أصحاب تقريبا سنة وما علقت علي موضوع من مواضيعي :a7tg2:

المهم أنه الخاطرة حلوة بس فيها تعبيرات غامضة أو عندي شعور أنه أفكارها شوي

مش مترابطة :ask: ما بعرف يمكن الأخ ابو يوسف يقدر يوضح الفكرة أكتر مني

ويعطيك ألف عافية :Mbravo:

[ابن العراق]

سلام يا أخونا ضياء حبيت أرد عليك فلم تجُد قريحتي غير بالمذكور أدناه ..
وهو إستكمالا لحالة الا ترابُط اللي أختنا بنت القسام بتتكلم عنها ..

لازم نهرب من الورق ..
أصْل الورق ..

فيه أسامي اللي سَرَق ..

واللي حَرَق ..

واللي فاتنا في مُفترق ..



اللي عاش وعمَّر ..

سنين يدمّر ..

يحمي ويأمَّر ..

أهل الفساد ..

يبيع في عرضه ..

يخون في أرضه ..

وكانت النتيجة :

الذل ساد ..



أصل الحكاية ..

من البداية للنهاية ..

إن الزعيم ..

إبن اللئيم ..

خان القضيَّة ..

وكان الضحيَّة ..

أهل الصلاح من العباد ..



عَمَّال يدوَّر ..

يجري ويحوَّر ..

يبعت لبوش .. وللمرشدين ..

يقول يا عالم .. يا أهل الكمال ..

تعالوا شوفو أذكى الرجال ..

إبني .. جمال ..

أعبط عيال العالمين ..



يا ناس ياهوووه ..

يا مسلميــــــــن ..

يا أهل الغَرَقْ ..

كفاياكوا نوم ..

إيّاكوا يوم ..

تُرُوحوا تنسُوا الورق ..

أصل الورق ..

فيه أسامي اللي سرق ..

واللي حرق ..
واللي باعنا في مُفتَرَق ..

[أبو يوسف]

اهلا بكم ...

شكرا لك يا بنت القسام على ثقتك ...و ان كنت اختلف معك قليلا ..

الخاطرة فعلا حلوة ... و اعتقد ان ما رايت انه عدم ترابط ، ناتج عن تزاحم الافكار في راس اخينا ضياء ..

ارى ان ضياء حاول الاختصار قدر الامكان ليوصل الفكرة التي ارادها..

طبعا .... كل من يقرا الخاطرة يرسم صورة او صور لما اراده الكاتب ...و يبقى المعنى الحقيقي لدى الكاتب فقط...

هذا لا يمنع ان هناك من يتوصل لما اراد الكاتب قوله...

و في هذا المقام اوضح اني لا احب تفسير افكار الاخرين ..

ابن العراق ..اعتقد انه فسر الصورة كما رآها ...و ان كنت اعتقد ان ضياء ارادها اكبر و اعم...

[ضياء عاصى]

شكرا اخى طائر على تفسيرك المميز

انا فعلا أقصد معنى اكبر من اللى ابن العراق قالو ولو ان رده اعجبنى كثيرا

لكن للأسف ان المعنى متفهمش بالصوره اللى انا حاسس بيها الخاطره

ومعرفش اذا كان ده نقص فى التعبير عندى ولا عدم اهتمام من القارىء

شكرا على توضيحك

وتحياتى

[ابن العراق]

سلام يا أخواننا .. أهدو أُمّال ..
أخونا ضياء إنت كلامك مفهوم ومشحون بالعواطف ( فاكر عواطف ؟؟:ups:) ..
وأنا كان غرضي شريف سعادتك ومحاولتش أخصِّص ما عممته أنت ( بس ياريت ما تنساش العمه ونبي حكم إنت عارف الجو هنا صقيع ( القلنسوة فاكرها :biggrin2: ) ) ..
لكن أنا قلت أكيد البرنس ضيا هيسمحلي أضيف شيء ومعنى أنا حسيته وأنا بقراك (وزي مانت عارف أحنا بنكمل بعض ) ..
والشيء ده يمكن يكون غايب عن هذا القسم بكامله ..
وهي الخاطرة التي تحمل طابع سياسي ..
وإن كانت مباشرة إلى حد ما لكن وحياتك عندي الكلام جه لحظي وعفوي بدون أي تخطيط..
وياريت ما أكونش أفسدت المعنى اللي كنت عايز توصله .
وماتنساش أنك كعهدي بك دائما مفتاح السعد والهنا لي ومصدر إلهام متجدد ( بدليل مادة الوصفية اللي فضلت شايلها 5 سنين وكل ما تذاكرها إنت لواحد أو لواحده يشيلها :biggrin2: ) ..
أبو الضيء .. والله ما قصّرت ..
وفعلا خاطرتك من أفضل ما قرأت في قسم الخواطر لأن معانيها كتير بيوضح جمالها بعد ما نقراها مرة وإتنين وتلاتة ..
دوووس ياريس .. وإحنا معاك ..
هنستنى منك حاجات أحسن ولو إني أشك إن ممكن يكون في أحسن من كده .

[ضياء عاصى]

يا حموكشه عيب

انت طول عمرك متألق والله

وبعدين انا قلت ان تعليقك رائع وينفع خاطره لوحده

بس انا خايف لجمال يقيم عليك الحد

مش دى برضو الديموقراطيه اللى يعنيها بابا الحج

تحياتى يا هوبى

من ارض الواك واك

[ابن العراق]

متشكر يا ضؤة .. على مشاعرك الرقيقة دي .. جمال وحد .. لا ده كده كتير .
حد إيه ياعم الحج .. ده ما بيعرفش غير يحط إيدو ف مناخيرو وبس ..
والله أحيانا بحس أن ممكن يكتشفو منجم دهب في مناخيرو , من كتر إهتمامو وإهتمام وسايل الإعلام بيها ..
وخللي بالك إحنا داخلين على أيام ملزقة السنين الجاية دي ..
وبصمة المناخير ده الشيء اللي هنغزو بيه العالم .. وهو ده فخر البحث العلمي المصري .
وبدال المفكرين والأدباء ما يتصورو وأديهم على خدودهم (قال إيه متعمقين في التفكير يعني) .. هتلاقيهم راشقين دراعاتهم في مناخيرهم ... ما هو ده الفكر الجديد اللي بيقولو عليه ..
مسائك عنب .. يا ضو .

[فينوس]

*
*
*
وكلماتك تزحف باتجاه
أعلى منحدرات الروح
وتسـتأثر بها أبجدية حروفك
القادمة من المدى البعيد
ربما كان هو الوطن ...
ربما المنفى ...
حيث الغربة والإغتراب
ومواطن الشتات
أنّا كان الأمر ....
سوف تجود أرغفة كلماتك
خُبزاً لـِ الجائعين ...
لـِ الثائرين
لـِ الباحثين
عن أملٍ ورجاء
وحلم بعيد ...

//
\\
//

المتألق
ضياء عاصي


وتتدفق المعاني والكلمات
ألقاً وجمالاً حد الدهشة
دمْ كماك
تقديري



فينوس
/
\
/

[ضياء عاصى]

فينوس

اردت ان ارد على تعليقك

لكن كلماتك هزمت خواطرى

شكرا لك

[بنت النور12]

كلمات حلوة ومعبرة
والله تسلم ايد ك
ندى

[ضياء عاصى]

أهلا بك اختى الكريمه

منورانا ومشرفانا

وشكرا على مرورك الكريم وردك الطيب

تحياتى لك ....

[Sameh]

كلمات حلوة ومعبرة يا اخ ضياء