مـذكــرة تـوقيــف بحــق المتهــم " ابــن العــراق "

[Rita]

مــذكــرة تــوقيـــف للعضـــو " ابـــن العـــراق "

ووضعـــه لمـــدة اسبـــوع علـــى ذمـــة التحـــقيق حتـــى نـــرى نتيجـــة التحـــقيق

علــى المتهــم الإجــابــة علــى كــافــة أسئلـــة المحـــقيقيــــــن

تــم إصــدار المــذكــرة بتـــاريــخ :
10/10/2005




يــرجــى مــن المحقيقيـــن البــدء بالإستــجواب

[ميرا فلسطينية]

ابن العراق الحق ههههههه رح يرجعوك مرة تانية
يا حراااااااام


على فكرة يجوز, واذا ما خانتني ذاكرتي, الاخت ريتا كانت غائبة عن المنتدى في الفترة التي القيتا القبض على الاخ ابن العراق(في المنتدى القديم), والقينا عليه سيولا من:firing: قصدي الاسئلة التي كانت تجعله يبقى طريح الفراش اليومين اللي بعديهم :icon31:

اختي ريتا, مظلوم ابن العراق خلص ثبتت براءته زمان


ننتظر منكي سجينا جديدا..
الا اذا رايتي اختي الكريمة ضرورة اعتقاله مرة ثانية.. فاحنا ما عنا مااااانع بالمرة :MThumpsUp ولا شو رايك ابن العراق؟:rolleyes:

[Rita]

يحــق لنــا إصــدار مــذكــرة تــوقيــف بحــق أي عضــو حتــى ولــو خضـــع للتحـــقيق مـــن قبـــل


ميـــرا الــدور الجـــاي عليكــي جهـــزي حـــالك

:MM3golah:

بعـــرف رح تقــولــي انــك خضعتــي للتحـــقيق

:z039:

مش مشكـــل

يـــلا الكـــل رح نــرجـــع نحـــقق معهـــم


:halaWgala


يـــا ريـــت تبــدوا اسئلـــة أكيــد المتهـــم نـــاطـــر

بعــديـــن لا تخــافــي هــون مــا عنـــا لا كــرســي كهــربــائــي

ولا دولاب نحــط السجيــن فيــه ونجلــده

:smilieA3:

نـــا طــريــن الاسئلـــة

[ابن العراق]

في الواقع أنا بفكر جديا بألغاء اشتراكي في المنتدى ..
حيث إني فعلا رفعت الرايه البيضاء بعد آخر مرة أتقبض عليا فيها ,
وفضلت 3 ايام ماكلش و3 ايام ما أنامش " على رأي بيدو المصري " و3 أيام مش قادر أتواصل مع الشعب اللي ناطر على مصطبة البيت , من التعب .. يعني نسألكم الرحمه بشخصي المسكين :smilieA3: .

[Rita]

يـــا جمـــاعـــة السيــد إبــن العــراق قــدم طلــب إستــرحـــام

:cry2:

فيـــا ريــــت تخفّـــوا عليـــه بالأسئلــــة

بيبقـــى أخـــونـــا

شـــوفــوا بلــش بكـــى يــا حــرام


بســـرعـــةيـــلا بلشـــوا أسئلـــة

وينكــــم نـــايميــــن

؟؟؟؟

[ميرا فلسطينية]

سلام يا جماعة

يصراحة, ومع انه على المحقيين ان يكونوا شريرين وبلا رحمة
لكن انا فعلا حاسة بالصدمة:z050: (http://www.abadlah.com/vb/misc.php?do=getsmilies&wysiwyg=1&forumid=0#)اللي صابته
لاخونا ابن العراق


والكركبة اللي ببطنه يا حرام من القلق..
هيك كانه رح ينخنق باول سؤالين رح يشوفهم :horror: (http://www.abadlah.com/vb/misc.php?do=getsmilies&wysiwyg=1&forumid=0#)رح يسكر الكومبيوتر ويهرب!
حتى يمكن يترك مصر ويهرب للسعودية
هناك يمكن اذا شافوه داخل النيت يعتقلوه برضه لكن
بدولاب تاني الله وكيلكو :icon31: (http://www.abadlah.com/vb/misc.php?do=getsmilies&wysiwyg=1&forumid=0#)


واحنا ما منرضاله هيك ولا شو؟:(



انصح بصراحة بمنحه الاسترحام الكامل بالافراج عنه, لانه فعلا يا جماعة تعب كتير واسالوني انا مهو كنت المحقق الرئيسي لحسن حظه :D وبعترف انه هلك والله :sad-smile (http://www.abadlah.com/vb/misc.php?do=getsmilies&wysiwyg=1&forumid=0#)

[Rita]

بــدايـــة

بطــاقــة الهــويـــة :
الإسم
العمر
الجنسية
مكان السكن
علامات فارقة

اللون المفضل
الأكلة المفضلة

بتعــرف تســوق ولا زي ميرا بتفوت بالحيط؟؟

شو افطــرت اليــوم؟؟ :grins:

يــلا عــالخــفيف هلأ

[ابن العراق]

يعني خلاص أنا كده بقيت متهم رسمي وكل توسلاتنا ورجائتنا أنا وميرا لم تجدي نفعا ..
لا والأكاده إيه إعلان عام في مربع الإهدائات على إني مطلوب للتحقيق ..
محسساني إن أنا ناجح وبتباركيلي مثلا أخت ريتا ..
ع العموم أنا عندي رجاء من الأعضاء القدامي :
ياريت بلاش الأسئلة اللي أتسألتها قبل كده علشان الملل وبشويش عليا ..
أما الأعضاء الجدد فسعادة سعادتهم يسألوا أي شئ .
توكلنا على الله

[بنت القسام]

صباح :booo2:الخير


يا :halaWgala فيك من جديد في دولاب التحقيق

الأسئلة جديدة زي ما أنت عايز وسهلة خااااااااااااالص طبعاً

1/شو إلي عجبك بفلسطين عندما قمت بزيارتها بعد الأنسحاب ؟

2/وكام مرة بتقوم بختم المصحف في رمضان بصفة خاصة وعلي مدار العام بصفة عامة ؟

3/شو القناة الأخبارية إلي بتحب تتفرج عليها ؟

4/يا تري بعد رمضان عندك النية بصيام 6 ايام البيض ؟


حلوه الأسئلة طلعت هيك معي ما بعرف كيف

[ابن العراق]

السلام عليكم ورحمة الله ..

أسعد الله صباحكم جميعا .. رجعنا لدولاب التحقيق وأنا من عشاق الهروب والملص لكن ما بيدي حيلة ..

__ بالنسبه للأسم :

كان نفسي أتنكر وأتقمص شخصية الشاب المناضل اللي عمر الدنيا كلله واقف على كشف حقيقية إسمه ومابوحش بحقيقة إسمي ..
وأقول زي ما أبو الأحاميد بيقول : إسمي بشر .. عمري ألوف.. والإنسانية مهنتي ..
عنواني دنيا من الحروف .. وجميع ما أملك كلمتي ..
لكن بما إن الناس كلها هنا عارفين بعض ويوم ما أروح في داهية هأجيبكوا انتو الكل بربطة المعلم تونسوني في نفس الزنزانة .. والله تبقى لمة ممتازة .. " إفتح زنزانة منتدى العبادلة يا صول إبراهيم ( واخد بالك يا ضياء ) .. حاضر يا فندم " .." هاتلي الأفندي اللي عامل فيها مدير والهوانم اللي عاملين فيها مشرفين" .. "حاضر يا فندم " .
آآآآآي ... نزل إيدك ... ما تضربنيش على قفايا أمال أنا مديك وشي ليه ؟؟, علشان تضربني على قفايا؟؟:z050: طيب إيه علاقة البنطلون بأي حاجة , عايز السوسته قوللي وأنا أديهالك..
ما تتلامضش يلا وكمان عاملي فيها عراقي .. وسلومه الأقرع ما يعرفش أخوه .. وهيبقى حدث في حياتنا .



__ أما العمر فأنا من مواليد برج الموهوبين برج السرطان " طبعا ده شئ واضح " 11_7_1982

__ الجنسية :
مسلم _ عربي " لأني لا أعترف بالحدود والقُطرية " . بس يقال إن أنا مصري .

__ مكان السكن الحالي :
مصر _ محافظة الشرقية _ مدينة الزقازيق _ شارع المحافظة _ أمام مدرسة شجرة الدر الثانوية للبنات ( فينك يا هاني :laugh2: ) .قدام فصل( تالته رابع) علطووول .

__ علامات فارقة :
طيب وده نحسبه سؤال ؟ ولا مقدمة كتاب ؟ ع العموم أنا هجاوب حسب ما فهمت السؤال .
بالنسبة لحياتي تنقسم إلى مرحلة طفولة وهي أجمل مراحل حياتي ولا يمكن بأي شكل من الأشكال أن أحدد بها أي علامات اللهم إلا علامات العض والخربشة اللي ياما أتحفرت في خلقتي وفي خلقة أصدقاء الطفولة ..
ومرحلة مراهقة وهي أسوأ مراحل حياتي كعادة كل المراهقين لكنها لم تأخذ معي وقتا طويلا وأنتهت سريعا سريعا ..
مرحلة الشباب والبحث عن الذات وهي التي أحياها حاليا والتي بدأت في سن مبكرة نوعا منذ السابعة عشر , وهي المرحلة التي يمكن أن نتحدث فيها عن العلامات الفارقة .
فأولى العلامات التي أحسست معها بعبثية الحياة هي وفاة صديق عزيز فجأة في بداية المرحلة الجامعية والتي تضائل عندها إحساسي بذاتي الذي كان متضخما وقتها .
ثاني العلامات هي إنتفاضة فلسطين والتي أحسست عندها بتفكيري المحدود وقتها بأن هناك أشياء موجوده في العالم يمكن أن نضحي لأجلها ونحن مطمئنين أن لتضحيتنا معنى وأن لوجودنا مغزى وأن لوفاتنا إن كُتبِت هدف .
ثالث العلامات هو إحتلال العراق وعندها تلاشى إحساسي بذاتي لأدرك إني كفرد ونحن كأمة ليس لنا وجود .
هذه هي العلامات التي أراها حاليا في حياتي بخلاف بعض العلامات الشخصية .

__ اللون المفضل :
الأبيض والأسود والرمادي والأزرق الغامق .
وبكره اللون الأخضر لو شفت حد لابس أي شئ أخضر بحس إني عايز أرجع عليه .

__ الأكلة المفضلة :
أنا قلت قبل كده إني غير بيتوتي في الأكل بحب الكريب والبيتزا .. وبأكل مكرونه بيتيه على إستحياء .. وشوربة لسان العصفور علشان نور الدين المهاجر ما يزعلش .
__ أما عن القيادة سعادتك :
فأنا حاولت في الموضوع ده لكن ياما خيِّشت عربية الوالد الله يرحمه , وقريب هنزل آخد كورسات تعليم قيادة لأني حاليا مش فاضي لكن الموضوع في دماغي , فكرتيني بواحد صاحبنا حب يسوق عربية وهو ما بيعرفش يركب عجل أساسا , المهم الأفندي جه يدوس على الفرامل داس على البنزين العربية _اللي كانت مش بتاعته بتاعة المُزة اللي راكبه جنبه_ نطِّت وأتعلقت في نافورة في وسط ميدان وكان يوم نكته .

__ أما عن فطور اليوم اللي هو امبارح , فأنا قاعد مع حالي " مجازا يعني " وبعمل فطار لنفسي ولأبني أحمد " أخويا الصغير " وده مش إشفاقا عليه لا سمح الله لكن غصم إن عني سعادتك ..
فأنا عملت إمبارح كفتة ورز وشوربة لسان العصفور:b&th: ولحما محمرا في الفرن وشرائح بطاطس وسلطة وبس .. أنفع ؟؟

شفتوا سعادة المحققين أهي دي الأسئلة اللي تفتح النفس وتجري الريق ..
متشكر ريتا على الإفتتاحية المبشرة دي .

[ابن العراق]

صباح الفل بنت القسام ..

1) اللي عجبني بفلسطين أثناء زيارتي :
عموما أنا ما قعدتش فيها الفترة اللي تسمحلي بتقييمها لكن :
البلد شوارعها منظمة كتير مش عشوائية زي مصر ..
الجو كمان نضيف ما فيهوش تراب , غير مصر مثلا أكون لابس قميص أبيض وأنزل الشارع ,أغيب ساعة واحدة وأرجع أبص في المرايا ,ألاقيه برتقاني .. يارب القميص ده كان أبيض , إتغير إمتى ؟؟ ولا جواب .
شباب فلسطين كمان داهش ورفقائه رجاله على حق ربنا يخليهم للبد ويخلي البلد ليهم ..
أبو سمير الشخصية الفذة , ربنا يخليه للسمع ويخلي السمع ليه ..
والزياره بصراحه حدث في حياتي مش هنساه لأنه كان غير متوقع على الإطلاق , لكن اللي عكر صفو الزيارة الجميلة زائر من زوار الليل وإبن من أبناء الزززمن الإسود اللي إحنا عايشينه ألا وهو " علي أبو دي إن أيه " ربنا يهده .


2) بالنسبة لختم القرآن في رمضان فأنا عادة بختمه مرة بالعافية وده لأني من يوم ما دخلت الكلية الكئيبة دي ودايما إمتحانات الميد التيرم اللي بأعمل فيها أقل درجات حصلت في التاريخ بتتعمل في النص التاني من شهر رمضان , فبالتالي بتضيع علينا فرصة العبادة أو حتى الفرجة على المسلسلات .
أما على مدار العام فأنا بحاول يكون لي ورد ثابت من القراءة حزب يوميا احيانا بتزيد وأحايين كتير بينقص .

[ابن العراق]

3) بالنسبه للقناة الإخبارية اللي بشوفها هي الجزيرة , لكن أنا مش من هواة التليفزيون يعني بشوفها بظروفها والمشكلة الحقيقية إن صناعة الميديا في عالمنا العربي أصبحت أمريكية الهوية والأهداف , وأنا تعاملي مع الإعلام العربي بشكل عام ومع الأخبار والمواضيع اللي بيلحوا على المشاهد وبيصروا على تمريرها إله , إني بضع أداة نفي أمام أي خبر أو موضوع من المواضيع سابقة الذِكر .. بعديها أصدق الخبر المنفي وفعلا بتجيب نتايج إيجابية معايا ..
وبستعيض عن القنوات الإخبارية بمواقع النت الموثوق منها زي مفكرة الإسلام أو وكالة الأنباء أو شبكة البصرة .

4) والله السنه دي بالذات لازم أصوم السبعه البيض مش الستة .. لأني كنت آخذ على نفسي عهد إذا الله وفقني ومريت السنه الماضية بنجاح الحمد لله _ وقد كان _ أني أصوم اسبوع لله وأتبرع بمبلغ ما من المال لأخواننا في التبت , ولا ده كان ولا ده .
علشان هيك لازم أصوم الستة البيض قبل إمتحاناتي ما تدخل خلينا نخلص وربنا يساهلها .


أسئلة بسيطة وهادفه .. هو ده شعارنا .وشعار باقي المحققين إن شاء الله ..
واخدين بالكو بسييييييطه دي أهم حاجه ..هادفه , في العرضه مش هو ده موضوعنا .

[Sameh]

اول شيء كيف حالك يا ابن العراق و ليش استسلمت يا ابن العراق بالسهولة
المفروض انت اتحقق معك ويكون في حدا غيرك
بس احكي بيني وبينك اكيد انت مستهدف في هذه العملية
وبما انك استسلمت
فانت اللي جبته لنفسك
وهذه شوية اسئلة وكلها شر وارجو الاجابة عليها
1- اعضاء في المنتدى ما تحبهم
2- اعضاء في المنتدى ثقيلين دم
3- اعضاء في المنتدى بتحسهم يبالغو
4- اعضاء في المنتدى ما تحب تشوفهم
5- لو وقع في ايدك عضو وانت مغلول عليه شو بتعمل
6- مين تحب يكون بعدك في قفص الاتهام
7- عضو بتحسو شمتان فيك

طبعا الجميع يستنى اجابتك
http://www.asmilies.com/smiliespic/People/004.GIF (http://www.asmilies.com)

[ابن العراق]

السلام عليكم صوما مقبولا , وإفطارا شهيا .. أكتب إليكم قبل أن أدوق طعم الزاد بالرغم من أن المغرب قد أُذِّن له ولكن أحمد بيه أخويا العزيز يصر إصرارا شديدا على إنه يفطرنا إنهرده , وبالرغم من أني أسمع صوت صراخ شديد قادم من المطبخ وصوت شئ ما يُسلخ حياً " أشك إنه إبن عمي عيد البواب البالغ من العمر 17 عاما , والشئ المريب إن عمي عيد _ يصر هو على تسمية نفسه هذا الإسم فهو ليس عيد ولكن عمي عيد_ يبلُغ من العمر 24 عاما !!!!! ..
والسؤال الأصعب الذي لم أجد له إجابه وافيه حتى الآن :
متى وصل عمي عيد البواب سن البلوغ ؟؟ في الكي جي وان مثلا !!
خلونا نبعد عن الأسئلة لأني هنا علشان أجاوب مش علشان أسئل ..

بالنسبه للأخ سامح وإصراره الشديد على إنه يوقع الناس في بعض ..
فأنا مبدأيا بقوله رمضان كريم يا سامح .. وكل سنة وانت طيب ..
ورمضان ده دايما أسمعهم بيقولوا عليه شهر النفحات , إنت كده خليته شهر النفخات ..
إنت متخيل إن أنا ممكن ألعب في عداد عمري وأجاوب على أسئلتك يعني ؟؟
ولا أقولك أنا هأعمل زي الممثلين لما بيتسألو أسئلة من النوع ده بيقولوا :
أني أشوف تِفْل بيعيَّت .. دي أكتر حاجه بتتعبني وتسهرني الليل وتخليني مش قادر أسكر , كل ما أسكر أفوق .. كل ما أسكر أفوق ..
إيه علاقة الكلام اللي أنا بقوله ده بأسئلتك ؟؟ مش عارف . بس أعذروني لسا ما فطرتش وريحة الشياط هتجنني .


نتكلم جد شوية :
مبدأيا احب أقدم إعتذار عام لكل أعضاء المنتدى لأني فعلا مقصِّر في المرور على المشاركات فبالتالي تقييمي للسادة الأعضاء والعضوات سيكون منقوص .

ــــــــ بالنسبه لمن لا أحبه من الأعضاء " هو عضو واحد لن أسميه " .

ــــــــ أعضاء في المنتدى ثقيلين دم :
" قطعاً لا يوجد " , ما شاء الله المنتدى كتلة من المميزين والمبدعين والشخصيات الظريفة .

ــــــــ أعضاء في المنتدى بتحسهم بيبالغو :
سأستعير إجابة بنت القسام على سؤال سابق لها مثل هذا بأن كل إنسان منا يرى الحياة من منظور مختلف والطبيعي أنه يدعِّم وجهة نظره وقد يأتي مع هذا التدعيم بعضا من المبالغات .. وماتراه أنت مبالغا فيه ,أراه أنا عين الحقيقة .. وهكذا .

ــــــــ أعضاء في المنتدى ما بتحب تشوفهم :
السيد الأبله:7bteen: بوش كل ما أشوفه أحس أن الغرائب والمعجزات في الدنيا لسا ما خلصتش .. بس بوش مش مشترك معانا في المنتدى!!!.

ــــــــ لو وقع بيدي عضو وأنا مغلول عليه :
الله لا يوريك يابو سامح هأعمل فيه اللي ما تعملش ولا هيتعمل:angry3: , نسيب الأيام اللي تجاوب على السؤال ده .

ـــــــ مين أحب يكون بعدي في قفص الإتهام :
البرنس ضياء , نفسي أشوفه مزنوق الزنقة اللي أنا مزنوقها , أكيد هيعمل حاجات كتيرة .. وخللي بالك يا دود ما فيش ملصان هنا ولا هروب , وضياء سريع الإنفعال وربنا يستر على المحققين اللي هيحققوا معاه .. إلبسوا خوذات يا أفنديه ويا هوانم ودروع وخللوا السلاح صاحي .. ده إذا كان هو اللي بعدي أو بعد اللي بعدي .

ـــــــ عضو بتحسه شمتان فيك :
مفيش غيره العزيز سامح العبادله , شمتان فيا ليه يا سامح مع إني بحبك :loveu: ؟؟؟ .

إلى لقاء آخر .. ألحق دراع من دراعات ابن عم عيد البواب قبل ما أحمد يدوس فيهم .

[نسرين]

يا هلا فيك بالتحقيق للمرة التانية يا ابن العراق
ما هو علشان نحنا انبسطنا باستجوابك المرة الماضية حبينا نحطك مرة تانية
برافو عليكي يا ريتا... اختيار موفق :MThumpsUp

انا متل العادة ما رح تقل عليك كتير، هو سؤال واحد

كيف بتقضي وقتك برمضان، بمعني شو هي العادات الي بتغيير عندك برمضان؟

بتمنالك تخلص من التحقيق على خير

تحيـــــــــــــــــــــــــــــاتي

[ابن العراق]

أهلا نسرين ورمضان كريم ..
لو كانت نسرين هي سكون الورد قديما , فسلام مخصوص وتحية من القلب لسكون الورد الرقيقة ..
ولو حد تاني فله سلامي ..
بالنسبة للعادات التي تتغير في رمضان :
ــــــ من فترة كنت من المحافظين على صلاة التراويح " القيام " , لكن من رمضان اللي فات وأنا مقصِّر في هذا الشيء وده لسبب هأحكيلك عليه :
أنا كنت من الحريصين على الصلاة في جامع يصلي التراويح بجزأ في الليلة وفي يوم من الأيام حبيت أغيّر ورحت جامع تاني .. المهم من مسافة 100 متر تقريبا كنت سامع صوت نواح وصراخ وعياط قربت شوية ولسا بدخل الجامع لقيت الرجاله بتعيط والستات بتلطم والعيال الصغيره مغمى عليهم , أنا قلت في بالي أكيد الشيخ اللي بيقرا ده جامد والناس متأثرة .. المهم دخلت الصلاة وأكتشفت ليه الناس دي بتعيط وتلطم , الأفندي بيقرا حزب كامل في الركعتين يعني 4 أجزاء في الليلة , ومن هذا اليوم وأنا بخاف أهوِّّب من قدام أي جامع في صلاة التراويح , وأرى إن ركعتين في جوف الليل أفضل من القيام " دي وجهة نظري " , وياحبّذا لو جمعت بين التراويح والقيام لكن للأسف الشديد مفيش وقت .

ـــــ وطبعا حرصي على أني أختم القرآن في رمضان .

ـــــ ومن العادات اللي بتتغير أني بآكل في مواعيد محددة لأني عادة في غير رمضان بنسى نفسي وممكن أقعد يومين مش واخد بالي إني ما أكلتش حاجه حقيقية .

ـــــ طبعا جو اللمة كنت بحرص عليه في رمضان وسط الأهل والأصدقاء لكن السنه دي للأسف نادرا ما نلتقي:cry2:ودي عادة أتمنى ألا تدوم ..

ده كل شئ .....

شكرا نسرين ..

[نسرين]

شكرا الك يا ابن العراق وعلى ردك الطيب
الله يعينا على الصيام والصلاة والقيام برمضان وغير رمضان
رمضان حلو بلمته للعيلة والله، حلو بكل شي.

بالنسبة لهويتي، سكون الورد هي نسرين ونسرين هي سكون الورد
:icon82: والك أحلى تحية:icon82:

[Sameh]

ابن العراق كيفك وان شاء الله امورك تمام

انا مش شمتان فيك يا عمي ، بس انت اللي جبته لنفسك
بس هذا مرور بدون اسئلة حتى ما تحكي ان شمتااااااااااااااااااااااااااااااااااان
بس بصراحة الاجوبة على اسئلتي دبلوماسية
المهم
انا بحيي الاخت نسرين واللي هي سكون الورد

[basma]

السلام عليكم اخ ابن العراق ويعطيك العافية على الاجابت الجميلة الي تفضلت وجاوبت الاخوه الاعضاء عليها وانا ماراح طول عليك وراح خفف التحقيق معاك

3 وردات لمن تهديها؟


اجمل هدية تلقيتها هدا العام ومن مين؟


مين الافضل بالنسبة ليك الهدية العينية ولا المعنوية؟

[Rita]

بسيطـــة ابـــن العـــراق بـــلاش تبكـــي


http://www.baldna.com/vb/images/smilies/cry.gif

روق يا ابن الحلال

:2thmup:

التحـــقيق شغـــال !!

http://www.baldna.com/vb/images/smilies/gun_rifle.gif

والسجيــــن بيجـــاوب ؟؟



إذا مــا جـــاوب فــورا"

http://www.baldna.com/vb/images/smilies/death.gif





هـــــلا بسجينــــا منـــور المنتـــدى

[ابن العراق]

أهلا وسهلا بسمه رمضان كريم ومتشكر على مجاملتك الرقيقة .

(1) بالنسبة للثلاث وردات :
ــــــــ الوردة الأولى لأمي الحنونه :loveu: .

ــــــــ الوردة التانية لمنتدى العبادلة بجميع أعضائه وعضواته .. :heart: أدام الله بيننا الود .

ــــــــ كان نفسي أبعت الوردة الأخيرة دي للمُزَّة .. لكن للأسف مفيش مُزَزْ , وحيث إنه مفيش فأنا ببعت بوكيه الورد ده بالكامل لضياء عاصي :iloveu: وبدوره ضياء هياخد بوكيه الورد من قبل ما يشمه حتى لبُحلُق .. تخيل يا أبو الضئ باكو الورد ده ومدام بُحلُق بادراه قُدامك على صينية السمك .. حاجه كده تفتح النفس , أنا بتهيألي إنت هتاكل الورد وتسيب السمك ,أقلله حاجه ليها طعم .. صح ؟؟.



(2) أنا عموما ما بحتفلش بعيد ميلادي , يعني نادرا ما بتوصلني هدايا .. ممكن تكون أظرف هدية مش أجمل هدية وصلت الشقة ما وصلتنيش أنا شخصيا كانت عبارة عن دُمية حيوان إبن آوى واحدة صديقة أحمد أخويا بعتته ليه هدية .. بصحى من النوم مفزوع ألاقيه نايم جنبي , أدخل الحمام أتصربع الاقيه بياخد دُش , وبينزل يشتري طلبات من السوبر ماركت تحت عادي جدا .




(3) الهدايا المعنويه أكيد ليها معنى تاني , ووقع على النفس أجمل بكتير من الهدايا العينية حتى لو كانت كلمة من القلب أو إبتسامة صادقة في وشك , وأنا عموما بفضل الهدايا المعنوية .. لكن _ وآه من لكن دي _ مادية الحياة اليومين دول بقت صعبة ... يعني مايبقاش واحد صاحبي متجوز قريب وخسران الجلد والسَقَط في جوازته ومستني النُقْطة من اللي يعرفه واللي ما يعرفوش .. وأنا أكون صديقه الأنتيخ ويوم ما أروحله أهنِّيه آخد له معايا بوكيه ورد , أو وأنا بسلم عليه بعد ما خدت الواجب في شقته أبتسم في وشه إبتسامه صافيه وأقولله كلمة مبروك من قلبي , أكيد هيخبطني :beathim: بالبوكس في صف إسناني ينزلهولي _ بلاش مناخيري ونبي _ وهيرميني من باب شقته على بير السلم رأساً .. يعني لازم يكون في سِنس بالبشر , وبمناسبه الكلام عن الهدايا المعنوية البنطلون الزيتي اللي إنت جايبهولي هدية يا حافظ طلع ضيّق , إبعتلي واحد غيره أكبر نمرة .



شكرا بسمه .. ربنا يجبُر بخاطرك يا شيخه زي ما جبرتي بخاطري .

[ابن العراق]

:hala: ريتا وانا اللي بقول عليكي طيبة وبنت حلال ..
كده تكون آخرتها سكاكين وكياس بلاستيك ..
يعني موقفاني ومعطلة مصالحي ومصنع الغزل والنسيج حاله واقف ..
وأسهم شركاتي اللي في البورصة فضلت تنزل لحد لما أستقرت تحت طرابيزات المضاربين ..
على العموم أنا هقول حاجه واحده بس :
حسبي الله ونعم الوكيل .

هلا بيكي ريتا ومنوره دولاب التحقيق ..
يعني كوباً من العصير للمسجون .. بعضاً من الأكلات اللتي جريتوا لُعابنا عليها في منتدى المرأة والطفل .. بيتزاية ظريفة بالسوسيس , أي حاجه للمسجون الصايم ده .

[basma]

سلام عليكم

:Mthanks: لك اخي ابن العراق على اجاباتك

بس بحب اقولك انو انا مقصدتش هدايا عيد ميلاد احكيت عن الهدايا بصفه عامه
على العموم شكرا لك

يلا طول بالك معنا وراح اهديك هلأ عصير منجا تنتعش بيه وتشربو لما تكون بتفطر بالمنتدى لانك امبارح اتاخرت على الفطار ياحرام اليوم على الاقل بتبلي ريقك وتكمل بخاطرك الاجوبه على اسئلة باقي الاعضاء

http://www.lakii.com/****portal/images/****images/mangojuci2.jpg

ويعطيك الف عافيه اخ ابن العراق وصحتين العصير:laugh:

[Rita]

السلام عليكم أخي

ابن العــراق

هــو صحيح لازم يكــون التحـــقيق جدي ورسمي للحفاظ على القانون

:amazed:

بس لا تخاف على حالك

:blush:

يعني عم خــفف عنك

بعــديـــن إنـــت مصـــدق الكــلام يلّــي بحكيـــه ؟؟

هـــاد كــلام مجـــازي بس لتشجيـــع المحـــققيــــن ليقـــومــوا بعملهـــن

بسيطــــة أخــي الكـــريم























سري للغاية :
ملاحظة هامة للمحققين:
يجب تكثيف الأسئلة وعدم التهاون مع المتهم ولا باي شكــل من الأشكال وإلا سترفع مذكرة بالمحقق المتهاون

ينفذ فورا"

[Sameh]

ابن العراق
:choler: بدك عصير :z058:
ان شاء الله خير
انت توكل على الله وشوف الك محامي شاطر احسن الك من العصير
احنا اجانا امر سري وشخصي ويجب تنفيذه وعدم التهاون معك
1. اي دولة في العالم تحب ان تهاجر اليها وتعيش فيها
2. من هي الشخصية المعاصرة الذي تتمنى ان تكون مثله
3. من هي الشخصية التاريخية والتي ترى فيها التميز في مواقفها وكل شيء عنها
4. هل احببت ، ومازلت ؟؟؟؟
5. ما هو تصرفك لو اجا شخص وقال الك س من الناس يحكي عنك بسوء ؟؟
6. احكي النا رأيك في المدرسين او معلمين هذه الايام ؟؟
7. مين الشخص اللي حاب يسألك في المنتدى ولسه ما سألك ؟؟
8. احلى بيت شعر غزل ؟
9. تصفيات كأس العالم 2006 ، من ترشح ولماذا ؟؟
10. تحب ارجع الك في الاسئلة والا ما ارجع ، طبعا القرار الي ؟

[Rita]

عيني يا عيني

يا هيك المحققين يا اما بلا

دا انت ذابحه يا سامح لابن العراق

شو كنك ما صدقت قرات الملاحظة وبديت تضرب مضادات أرضية عليه

طيب ابدا بمسدسك وبعدين اطلع عتقيل

خبط لزق ذبح

:angry2:

معلش ابن العراق

سماح لسامح هالمرة

:hala:

اتحملنا هانت ..

يا اما منلبسك البيجاما الحمرا _ سعادة المفتي _

يـــا إمــا منــورد على ســويســرا _ السجــن _

أو بدك تدفــع كفـــالـــة وهـــاي منحـــددهـــا بكـــرة ان شاء الله حتى تدفع :2thmup:



ويجهزوا حالهم الأعضاء لنشوف مين رح نختار من بيناتهم ؟؟؟؟؟؟

:medium-sm

[ضياء عاصى]

ابن العراق باشا

بما انى عارف خبايا حياتك كلها فإنى حسألك اسأله خاصه جدا :
1- ماهى اهم الاحداث بحياتك ؟
2- ايه سر العلاقه الخفيه بينك وبين الكشرى والحواوشى مع انك كل مابتاكلهم بترجع ؟

3- كام مره راحت عليك نومه ومروحتش الامتحانات ؟

4- ماذا يمثل لك محمد ابوراس بتاع النزله ؟

5- حتعمل ايه لو دخلت الجيش ووقعت تحت ايد الصول ابراهيم ؟

6- مين اخر نسل القطه داوووود ؟

7- مين الشخصيه المحببه لديك غير أحمد ابو سرور ؟

[ابن العراق]

السلام عليكم جميعا ...


سلام لسامح أفندي .. يعني يا ريس بشويش عليا ..
أنا واخد بالي إن سعادة العماد ريتا أمرت بس أخوك وف أزمة ما تجيش عليه كده ..
وبعدين يعني مش لازم تيجي مع الصبايا علطول الخط ..
كلمة حلوه هنا وكلمتين هناك ..
وبعدين تخيل كده لو إنت الشاب الوحيد في الأرض وجميع من عليها نساء ؟؟
أكيد كنت هتراجع نفسك ..
ربنا ما يوريك حكم النسا ولا كيد النسا ..
ولا أقولك ربنا يوريك أقلله تعرف أن وقفة الراجل بمية ست ..
شفت سعادة الحكمدار حافظ أدينا مع بعض أهو على طول الخط ..
ضد نون النسوة , وتاء التأنيث والجمع المؤنث سالم ..
وبعدين مش لازم ضرب نار علطول كده ..
يعني أخبطني بطوبة ف دماغي .. حذرني يا أخي بحق الأيام الخوالي ..
لكن ضرب نار علطول كده :firing: :firing: :firing: أخوك يهنِّج ما يقدرش يكمل ..
ع العموم لينا رجعه .. بس أجاوب على أسئلتك الأول ..



.1 اي دولة في العالم تحب ان تهاجر اليها وتعيش فيها؟




بص يا ريس الدولة التي لا أحب أن أهاجر إليها هي أمريكا .. خلاص الدولة دي فقدت كل بريقها بالنسبه لي وأكيد بالنسبه لناس كتير " الكلمة الكبيرة the land of opportunities " أصبحت فارغة المعنى والمضمون .. وبيني وبينك بلادنا لو كنا نقدر نحتفظ بآدميتنا وكرامتنا وحريتنا ونحقق ولو جزء من طموحنا... ما كنتش فكرت إني أسيب البلد دي لكن زي ما هو واضح الأحوال تزداد سؤاً ... وقواعد تحقيق طموحك مبقتش خاضعة لأرادتك إنت أو قدرتك على تحقيق هذا الطموح من عدمه ..

ومش معنى كده إن الدول الأوروبيه أو أستراليا الوضع فيها مثالي_ وهي دي الدول اللي بفكر في الهجرة ليها خصوصا استراليا _ .. لكن أقله هتقدر تعتمد على نفسك وتحقق ذاتك بدون أي معوقات من بيروقراطية أو روتين أو فساد إداري أو غيره ..ومش معنى إني بفكر في الهجرة إنها تكون هجرة إلى الأبد " ممكن 15 :20 سنه " بعد كده نرجع نعيش الكام سنه اللي باقيين ونموت وسط أهالينا .







2. من هي الشخصية المعاصرة الذي تتمنى ان تكون مثله ؟




شخصية معاصرة بعينها : ما أعتقدش أن في شخص ما أتمنى أن أكون مثله , علشان أوصل مرحلة التصالح مع نفسي لازم أقبل نفسي بكل مزايايهاوعيوبها .. لكن أكيد في أشخاص أكن لهم كل إحترام وحب ويعتبروا بالفعل رموز لأناس كثيرين لكن هذا لا يعفينا من ذِكر عيوبهم وأقرب الأشخاص المعاصرين إلى قلبي هو الرئيس العراقي صدام حسين المجيد والشيخ أسامة بن لادن .. بالرغم أن كل منهم ليس منزّه عن الخطأ .. وفي مشكلة مجتماعتنا العربية بتعاني منها إذا أحبِّت شخص بتتغاضى عن عيوبه وتنزهه عن الخطأ وده عيب قاتل بيخلينا نلف في دائرة الرمز المُفرغة بدون ما تكون عندنا القدرة على إنتقاده أو إنتقاد مواقفه السلبية .









3. من هي الشخصية التاريخية والتي ترى فيها التميز في مواقفها وكل شيء عنها؟




أبو سامح إحنا تاريخنا ملئ بالشخصيات التاريخية الفذة وكل منهم تاريخ لحاله .. لكن اللي حاضر في ذهني حاليا بقوة هو محمد الفاتح القائد العسكري الفذ .. ليه هو بالذات ؟؟ ..

يمكن علشانه فتح القسطنطينية وهو عنده 24 سنة , يعني أنا وهو عمر واحد , وأنا الشئ الوحيد اللي فتحته طوال سنوات عمري الأربعة وعشرون هو باب الشقة وبفتحه وأنا مقَلَّقْ كمان.







4. هل احببت ، ومازلت ؟؟؟؟





نعم أحببت ــــــــ صينية البطاطس بالفراخ ـــــــ , حلوه بشكل يا سامح , ومازلت أحبها .. أدفع نص عمري وأشوفها بس , ولو حتى من غير فراخ .







5. ما هو تصرفك لو اجا شخص وقال الك س من الناس يحكي عنك بسوء ؟؟




على حسب س من الناس ده يطلع مين ؟؟ لو هو شخص أنا بعزه وبهتم لأمره هحاول أتأكد من صحة الكلام اللي وصلني , لو فعلا حصل بأستبعده من حياتي , فأنا من النوع اللي بيعمل حفلة يوم ما يخسر صديق , لا أبكي على أحد , عندي النزعة الإستقلالية دي يا أخ سامح , بيكفيني صديق واحد ولو مفيش مش فارقة ... أما لو إنسان مقرّب جدا مني وحصل منه الكلام ممكن أتغاضى مرة وأديله فرصة يعتذر ويراجع نفسه ..

أما لو شخص أنا مش شايفه أساسا ولا ليه وجود في محيط حياتي , يولَع بجاز .. طول ما أنا واثق أن أنا صح .







6. احكي النا رأيك في المدرسين او معلمين هذه الايام ؟؟




ده على أساس إن احنا معانا مدرسين في المنتدى وعايز توقعني فيهم مثلا .. لا يا سيدي الفاضل أنا ما بتكلمش عن حد وهو مش موجود علشان عيب .. عيييييييييب .

وبعدين مرحلة المعلمين والمدرسين دي أنا نسيتها " أشاساً " .. الغريب إنك بتلاقي لسا فيه ناس لسا فاكرين معلمين الروضة ويسمعولك مواقف حصلت ليهم صم .. زي الأخت ميرا كده .

لكن أنا المدرسة الوحيدة اللي مش قادر أنساها درستلي وانا في الصف الرابع الإبتدائي وكانت حلوة بشكل ما تتخيلهوش .. وهي بيني وبينك كده كلام رجاله مع بعض كانت بتمووووت فيا .. كنت بروّح وشي كلله رووج والله يابو سامح .. كانت بتتحرش بيا يعني وانا كنت طيب بقف مكتوف الأيدي وهي بتمارس حقها الطبيعي في البوس .. يلا الله يسهِّل لعبيده .. إتمسكت في قضية آداب ولسا بتقضي المدة في سجن النساء .. حاجه تشرّف والله .









7. مين الشخص اللي حاب يسألك في المنتدى ولسه ما سألك ؟؟



كل الأعضاء اللي لسا ما سألوش .










8. احلى بيت شعر غزل ؟




أنا واثق إن الشعر الجاهلي فيه بيوت شعر غزلي أكثر من رائعه

زي مثلا بيت الشعر الشهير :



ولقد ذكرتُك والرماح نواهل مني .. وبيض الهند تقطُر من دمي



لكن أنا عموما بفضل الشعر المعاصر .. مثل فاروق جويدة له بعض القصائد الجميلة أو نزار أو الشاعر الرائع حسن المرواني صاحب قصيدة أناو ليلى الشهيرة واليتيمة له .. وبصراحة القصيدة تُحفة كل القصيدة والواضح إنه كتبها في عز الأزمة وإلا ماكانتش عملت الصدى ده كلله في العالم العربي ومنها الأبيات :



فليمضغ اليأس آمالي التي يبست ..

وليغرق الموج يا ليلى بضاعاتي ..

عانيت لا حزني ابوح به ..

ولست تدرين شيئا عن معاناتي ..

امشي واضحك يا ليلى مكابرة ..

علّي اخبِّي عن الناس احتضاراتي ..

لا الناس تعرف ما خطبي فتعذرني ..

ولا سبيل لديهم في مواساتي ..
ما تفهمش هل ده غزل ولا بيرثي نفسه ولا إيه هو التوصيف المناسب .. لكن عموما القصيدة لن تتكرر .

وقصيدة حلوه كتير لفاروق جويدة " اسمها عيناكي أرض لا تخون"
فيها بيت بيقول :
عيناكي أرض لا تخون ..
عيناكي إيمانٌ وشكٌ حائرٌ ..
عيناكي نهرٌ من جنون ..

ده على حسب قرائتي الضعيفة في شعر الغزل .














9. تصفيات كأس العالم 2006 ، من ترشح ولماذا؟؟




لو تقصد النهائيات .. مش التصفيات فأنا برشّح هولندا بالرغم من أن الفرقة دي مالهاش حظ في بطولات كاس العالم .. لكن الفرقة فعلا فظيعه فيها خط وسط وخط هجوم ما حصلوش" روبين وسيدورف وديفيدز ونيستلروي " يمكن نقطة الضعف الوحيدة هي خط الدفاع .. فأنا من عشاق الفرقة دي . بالرغم من كده ممكن تاخد البطولة توجو عادي خاالص .





10. تحب ارجع الك في الاسئلة والا ما ارجع ، طبعا القرار الي ؟




أبو سامح بالرغم من إنك مع الصبايا على طول الخط .. لكن ده ما يمنعش من إنك إلك طلة مميزة وحضورك الطاغي في أي قسم من أقسام المنتدى .. فياريت أخ سامح ما تحرمناش من وجودك ولا من أسئلتك اللي هتوديني ورا الشمس إن شاء الله .

[ابن العراق]

أحلى صباح .. لأحلى منتدى ..
صباح خاص وباقة من الورود:wilted_ro :wilted_ro :wilted_ro :wilted_ro لسعادة المأمور " ريتا " ..
كبيرة المحققين والآمر في نفس الوقت والمحلفين والقاضي ..
يعني بالصلاة ع النبي المدعي والحكم والجلاد ..
شفتوا قهر في الدنيا أكتر من كده ..
ده حتى الورد من الخضة طلع دبلان ..
يلا مش مهم ..
هنحاول قدر الأمكان الإجابة على أسئلة أبو الضئ ..
وأحب أقوله إمسك نفسك .. لأن السحر يا حلو هينقلب على الساحر ..
عايز تورطني .. طب خد عندك :beathim: :beathim: :firing: :firing: ..
ـــــــــــــــــ اتوكلنا على الله ــــــــــــــــــــ

[zineb]

السلام عليكمو رحمة الله تعالى و بركات
رمضان كريم وكل عام وانت بالف خير.

لن اطيل عليك بالاسئلة

و سأكتفي بسؤالين اثنين و امل ان يكونا خفيفين عليك



الاول ما هو احساسك لو كنت وحدك على متن باخرة وسط البحر ولا احد بجانبك



الثاني ما هو احساسك وجدار عال يحيط بك ولا احد يستطيع مساعدتك



:Mthanks:
و الى اللقاء مع اسئلة جديدة

[ميرا فلسطينية]

سلاااااااااااااااام يا اهل الدولاب



كيف الحال؟






اخي ابن العراق شايف ما احسني انا؟:smilieA5:

مش مقربة حتى منه للدولاب

ومتعاطفة معك
:up:







لكن قلت الكل ماخد راحته بالسوق اشمعنا انا


كنت حابة اعمل شوية اسئلة حلوين


:choler:








لكن! (برضه)




بعد ما عرفت انك بعزومة ورح تروح عالبيت تجاوب بنص الليل

وخااااااااااااااااااااااااصة بعد ما شفت اسئلة
الاخت زينب!!
:z058:














شفقانه عليك بصراحة

:happy:






خلص روووووووووح الله ينور طريقك ويحررك قريبا اااامين

[ahmed jo alex]

طب ايه احساسك لو انت بتحب حد ومتعرفش انك هتشوفه ولا لأ ؟

[أبو يوسف]

اخي ابن العراق
كل عام و انت بخير
انا مش عايز اتقل عليك
و خاصة اني شايفك لسة ما رديتش على على اسئلة زينب
ع العموم شو انطباعك عن التحقيق و بالتفصيل عن الاعضاء( المحققين )
و هل ترى ان التحقيق يسير بطريقة مستقلة ام يخضع لضغوطات خارجية؟

[ابن العراق]

سلام لأحلى ناس ..
سلام لجميع المحققين الأفاضل زينب , وميرا والطائر وضياء ..
وأحمد جو.. ولو إنه تقريبا كان داخل المكان الغلط ..
وكل عام وانتم جميعا بخير ..
أكتب إليكم وأنا في عز الأزمة لأني متسحر أمبارح وملحقتش أرشف أي رشفة ماء , لا وطلبت معايا أتسحر إيه؟؟ بيتزا :smilieA3: :smilieA3: !!!! .
شفتوا الأمله اللي أنا فيها .. يعني عايز 100كيلو متر مربع من الماء حتى يروي عطشي .. وحاليا يخيّل لي أشياء كثيره ..
الدولاب بيتحرك والحمّام بقى عند الجيران .. والسرير بقى فوق السطوح ..
والكي بورد مش لاقيها .. وشكلها كده البيجاما الحمرا آخر حاجه هنلبسها في الدنيا دي .
توكلنا على الله ..

[ابنة فلسطين]

السلام عليكم ورحمة الله وبركاته

والله يا اخي ابن العراق علقة وعلقتها مع اعضاء هالمنتدى بأسئلتهن اللي بتخلصش لدرجة اني ملحقتش اقرا شو سالوك وشو جاوبتهن...لاني مكنتش بس بعتولك مذكرة التحيقيق

عشان هيك رح اكون رحيمة معاك ما رح اسألك ولا سؤال ...

يعني بيني وبينك ما تقول لحدا

هي القصة مش قصة رحمة مني ....بس انا لو قعدت اقرا التحقيق من هون لبكرة المغرب مش رح اخلص ...ساعتها ما ضل لأهلي ولا للشغلات التانية اللي بعملها عالنت اللي اهمها كثرة الكلام على قولة بعض عالم وازعاجهن ( مع اني ناوية اريحهن شوي ) ..اي وقت


خلص اتركولي مجال مشاركة وحدة للاسبوع الجاي عشان اسالك فيها..اليوم ووبكرة بقرأ والاسبوع الجاي بسأل ان شاء الله

تحياتي لك ولصمودك اخي العزيز ...واذا حدا ازعجك انت بس ابعتلي وقولي وانا باخدلك حق ..هو فيك البركة انت طبعا ...بس المساعدة حلوة..ولا شو رأيك؟؟؟

بالتوفيق ان شاء الله ....والاسبوع الجاي بنسمع خير اطلاق سراحك

السلام عليكم

[ابن العراق]

ضياء أفندي ولو إن أسألتك دي مكانها الماسنجر بس هحاول قدر الإمكان أجاوب عليها ..
1- ماهى اهم الاحداث بحياتك ؟

أولا .. ما هو توصيفك إنت للحدث المهم ؟؟
أنا شخصيا أرى أن مجمل حياتي حدث غير مهم , تخيل محاولتك لأيجاد أحداث مهمة لحدث غير مهم ؟؟.. طبعا ستبوء محاولاتك بالفشل ..
حياة الإنسان إن لم تغير واقع فج .. إن لم تتبنى قضية ومبدأ وتزود عنه ولو حتى ماتت دونه .. وإن لم تحدث حراك في بحار الروتين والملل والإحباط التي يعاني منها الكثير وأنا منهم .. فهي ليست لها معنى ..
فلا تسألني أرجوك عن أحداث حياتي المهمة..
بل إسألني عن معنى حياتك التي تعيشها وعن معنى حياتي ..
وأنت وأنا خير من نعرف أنها بلا معنى ..

2- ايه سر العلاقه الخفيه بينك وبين الكشرى والحواوشى مع انك كل مابتاكلهم بترجع ؟؟

والله علاقة منيلة بستين نيلة .. بس بطلت أنا الكشري والحواوشي ..
حاولت أتغلب على فوبيا الكشري والحواوشي اللي كنت بعاني منها لكن ماقدرتش ..
إحنا تقريبا معدتنا دي بلاستيك يا دود أنت السمك وانا الكشري ..


3- كام مره راحت عليك نومه ومروحتش الامتحانات ؟

ييييييييييييه .. متعدش قول كام مرة صحيت وروحت إمتحاناتك ..
بس سيبك انت إحساس تاني , الناس تكون قاعدة بتمتحن اللي يغمي عليها واللي يرمي نفسه من الدور السادس , وأنا نايم بدون أي قلق أو تأنيب ضمير ..
يا سيدي إحنا مش بتوع تعليم والكلام الفاضي ده ..
مرحلة وهنحرقها ماتقلقش ..

4- ماذا يمثل لك محمد ابوراس بتاع النزله ؟

يمثّل لي أقمئ إنسان عرفته في حياتي وبعدين إسمه محمد أبو الروس مش محمد أبو راس " فيه فرق يافندي " ..
الله يساهله .. تخيلوا يا خوانا علشان بس تتأكدوا إن الدنيا دي ماشية بالمقلوب محمد ده ماكنش بيعرف يقرأ رقم من 4 أرقام " والله زي ما بقولكم " والكلام ده وهو طالب في كلية الهندسة ..
ثقافة أي كلب في أعفن مزبلة .. أقوى من ثقافته ..
كان إنسان ضحل بشكل لم ولن تتخيلوه ..
واشياء أخرى لو فكرت أقولها مش هأخلص ..
تخيلوا ده مسك رئيس إتحاد طلبة الجامعة ؟؟؟؟؟؟؟؟؟؟؟؟؟؟؟؟؟؟
وقس على ذلك ..
بتهيألي إحنا كده عرفنا الوزراء والرؤساء والمسؤلين خلفياتهم إيه ؟؟
كلهم " محمد أبو الروس " ..


5- حتعمل ايه لو دخلت الجيش ووقعت تحت ايد الصول ابراهيم ؟

هاعمل بالظبط زي مانت عملت .. آخدله في كل أجازة 2 كيلو هريسة وقاروصة سجاير ..

6- مين اخر نسل القطه داوووود ؟

والله أنا أشك إن داؤوووووود هي الإله " ست " الفرعوني المعروف واللي بيمثل القطه .. لأن القطة دي أنا أوعى عليها وهي كده .. ما بتعجزش ما بتتعبش .. بتعمل كل شهر نيو بوي فريند ..
ومخلفه بتاع 5000 قط وقطة من سنة 87الى الآن ..
استحاله أقولك مين آخر النسل بس بيتهيألي " مارو ذا جونيور " هو آخر نسلها .. وهي لسا حامل أدعولها ربنا يقومها بالسلامه يا أخواننا .

7- مين الشخصيه المحببه لديك غير أحمد ابو سرور ؟

أحمد أبو سرور هو كمان سقطة من سقطاتي ..
إنسان حالم يا أخواننا بشكل وبيتهيأله حاجت غريبة ..
بييجي يحكيلي عن ناس بتطارده وعربيات بتجري وراه وضرب نار ومدافع بازوكا وطائرت إف 16 بتواجهه ..
وهو بيهرب منهم .. إزاي ؟؟ ما تسالونيش .. إسالوه هو ..
حكالي قصة حب عميقة بينه وبين مين تخيلو ؟؟؟؟
مي عز الدين الممثلة ..
وأشياء من هذا القبيل ..
المهم لما أنا أنخنقت منه وأيقنت تماما إنه هوبليس كاس , نفضتله ..
جه مين ربصله وصاحبه ؟؟؟
ضياء أفندي ..
وكل يوم ييجي يقولي ياخي أحمد ده شخصية كرتونية كده ..
طيب لما هو كرتونية مصاحبه ليه ؟؟؟؟
يقولي : أصله بيحكي حكاويه بالمؤثرات الصوتيه والبعد التالت ..


أستريحت يافندي ..؟؟

[ابن العراق]

سلام للأخت العزيزة ابنة فلسطين وحمد الله على السلامة ..
والله أنا أنورطت ورطة ما يعرف بيها الا ربنا ..
المفروض أن نور الدين والخطيب مستيني حالا علشان نلحق نعمل فطار ونفطر ..
ورشقت في دولاب التحقيق مش عارف أطلع منه ..
بقولك ايه تعملي فيا معروف وتلغي كل المشاركات والأسئلة ..
ومحدش هياخد باله متقلقيش ..
وبعدين كل الكلام اللي انت كتبتيه كلمتين ونص .. أنا شايف إن كلامك الكتير دي إشاعه مغرضة ..
ومش معنى كده انك تغيبي عنا .. وجودك بيضفي بريق وسحر خاص على المنتدى ..
شفتي الكلمين الحلوين دول .. يلا بقى إلغي الأسئلة ..

[Rita]

بعـــد أن تـــم بعـــون الله التحـــقيق مــع السجيـــن
" ابـــن العـــراق "
ومــا آلـــت إليـــه الأمـــور مــن كشـــف مــلابستــات كثيـــرة وحقـــائـــف _ربنــا يستــر _ ضخمـــة

قـــررت محكمــــة دولاب التحـــقيق فــي منتــدى العبــادلــة الثقـــافـــي على ابـــن العـــراق الآتــي :
بـــأن يقــوم بكتــابــة قصيــدة شعــريــة صغيــرة _ مش طمــاعيــن _ يتحــدث فيهــا عــن ذوق النســـاء ( ناحية ايجابية )
وإن لــم يفعــل فينفــذ بــه حكــك إحــالــة أوراقــه لفضيلــة المفتـــي .. حتلبــس البيجـــامــا الحمـــرا
:bravo2:
ينفــذ هـــذا الحكــم يــوم الأحــد 16/10/2005


ملاحظــة :
طلب الإستئنـــاف مــرفــوض مسبقــا"




رفعـــــت الجلســـــــة

[ابن العراق]

السلام عليكم ورحمة الله وبركاته ..
ياااااااااااه أخيرا برااااااءه أو إعدام ..
مش مشكلة المهم إن إنا عرفت راسي من رجليَّ ..
أحب أعتذر لكل من لم يسعفني الوقت للرد على أسئلته أخونا الطائر وأختنا زينب ..
أرجو أن يتكرموا ويقبلوا إعتذاري ..
اما بالنسبه للقصيدة اللي بتحكي عن ذوق النساء فالمقصله أرحم ..
أهو كلُّه إلا النفاق ..
تسأليني سعادة الرفيق والفريق " ريتا " :
أكتر شئ بتكرهه في حياتك إيه ..؟؟
أقولك النفاق .. والمخلوقات طويلة الشعر ناعمة الصوت معسولة الكلام ..
إلى اللقاء في جنات النعيم إن شاء ..