المساعد الشخصي الرقمي

مشاهدة النسخة كاملة : النورس الحزين في دولابنا.. ادخلوا وشاركوا

ميرا فلسطينية
11-01-2006, 12:52 AM
كل عام وانتم بخير

والله يعينا على الكوابيس اللي رح نشوفها بالخرفان اللي اندبحت

بصراحة العيد عيد

ومش معقول يمر العيد على الدولاب

بدون ضيف جديد

اسمحولي ..
وباختصار شديد وبدون مفرقعات

ان ادعو الاخ العزيز علينا جميعا

النورس الحزين

كي يقبع في سجون الانتداب العبادلية

اهلا بك سجيننا الموقر

ونتمنى لك اياما سعيدة مليئة بالاسئلة الطويلة
المتغلغلة في خبايا النفس البشرية

تحياتي
:victory:
ولا يا جماعة الدينا عيد
اسئلو بدون:firing: بخــــل
المهاجر
11-01-2006, 01:29 AM
:no:
ولو يا ميرا .... على الأقل خلي الزلمي يعيد معنا ...
ما بكفي عايش في المنفى في بلد حلوة كتير وبتجنن اسمها تونس الخضراء:icon31:
بس هو بيحكي عنها تونس الجرداء.. هههههه ... صح يا جنرال ؟؟؟
جنرال انا راح أعمل خطة جهنمية وراح احرك كل الجيوش من أجل دعمك والوقوف أمام
هذا الغزو وهذه الحرب الشعواء على الجنرالات ....:firing: :firing:

خليك صامد متل ما عهدتك ونحن لها يا جنرال يا رفيق دربي

الصبر الصبر يا جنرال والصمود الصمود وخروجك من السجن هي فقط مسألة وقت
لانك برئ براءة الذئب من دم يوسف (عليه السلام)

لا لا خيبتي أملي فيكي يا ميرا :angry3:

تحياتي
ميرا فلسطينية
11-01-2006, 01:33 AM
بصراحة يا المهاجر
انت اللي خيبت املي فيك
توقعت انه روح القتاال والهجوم تكون قوية عندك
واقوى من روح الانهزام:hahaha: والولولة:hahaha: وندب الحظ:hahaha:

:firing: يلا رد اشوف:firing:

تحياتي
ومننتظر راي النورس الحزين تنشوف ان كان قوة الارادة والهجومية الجنرالية
رح تصمد عنده :angry3:
اكتر من الجنرال المهاجر ولا لا
:7bteen:
المهاجر
11-01-2006, 02:04 AM
توقعت انه روح القتاال والهجوم تكون قوية عندك
واقوى من روح الانهزام:hahaha: والولولة:hahaha: وندب الحظ




ولولة وانهزام؟؟؟؟؟؟


هلا اذا كنت عم اشجع الجنرال رفيق دربي وبدعوه للصمود بكون منهزم وبولول؟؟
هدي تعبئة يا ميرا ... والتعبئة هي من روح الهجوم والقتال وليست الانهزام

بس انا استغربت من القساوة انك تحطيه يوم العيد في السجن للنورس
هالنقطة مش لصالحك :icon31:


بعدين روح القتال والهجوم والاصرار بتشهدلي فيها لعبة حرب الأرقام
ما بدها حكي يا ميرا .... صح؟ :b&th:



تحياتي

بالمناسبة .... كل عام وانت بخير يا ميرا
ليش ما حكتيلي اياها؟؟ وين الروح الرياضية ؟؟؟:biggthump
ميرا فلسطينية
11-01-2006, 02:11 AM
خلص اقتنعت
بعدين انا ممنوع اكون انحيازية
انا حيادية

وكل عام وانت بالف خيرhttp://www.lakii.com/vb/smile/1_49.gif
وبدنا نشوف الاسئلة يلاااااااا
انت كمان محقق والعهد اللي بينك وبين الجنرال النورس الحزين لازم تنسوه
انت هلا احد المحققين

تحياتي
ميرا فلسطينية
11-01-2006, 02:35 AM
السلام عليكم

ااسف ان اخبركم ان السجين مشغول
واننا سنراعي انشغاله (والسبب جدا مقنع - امتحانات)
ولذا سناجل التحقيقات الا ما بعد انتهاء الامتحانات
(سيوافق تاريخ 19\1\2006 متل ما فهمت)

تمنياتنا ليك خيا النورس الحزين بالتوفيق بالامتحانات
وعشان ما تقول:no: و انه سجنا مجحف

تحياتي ليكم جميعا
وكل عام وانتم بالف خير

وباقي الاعضاء ديرو بالكم
الخطر يحيط بكم الان لانه:bravo2: الدولاب فاضي
والجميع http://www.lakii.com/vb/smile/19_15.gif مشبوه بهم
النورس الحزين
11-01-2006, 03:39 AM
شو هذا :MThinking
أنا في الدولاب :MM3golah:
مش معقول :a7tg2:
هو احنا عيدنا عشان انلاقي حالنا في السجن :argue:
يا جماعة حرام عليكوا
أنا مسكين وبمشي تحت الحيط مين اللي بيشك في ؟
طييييييييب يا ميرا انتي والصبايا
انتو شكلكوا مش ناويين اجيبوها البر
أنا كنت ناوي استعمل معاكم عبادلة واحد وعبادلة اثنين
لكن لا :z060:
إحنا حنستعمل عبادلة 10 لنشوف آخرتها معاكم
هو وين المدير، تعال شوف يا حافظ
يرضيك المنتدى يصير فيه كده ، أنا لما كان عندي امتحانات وغبت كم يوم انت شفت شو اللي صار في المنتدى
لولا الله ثم الجنرال اللي صد الهجوم لكان الله أعلم شو ممكن يصير
ييجوا يحبسوا النورس كمان ؟
ويوم العيد؟
يرضيك كده ؟
هذه فعلا زي ما قال المهاجر حرب وغزو
أنا كنت بستنى اني آخذ نوط الشجاعة لأن المنتدى خرج سالم من الأزمة اللي اتعدت - طبعا بفضل الله ثم جيوشنا اللي بنقودها أنا والجنرال + العقل المخطط حافظ -
بعد هذا ألاقي حالي في الدولاب
بالله هذا كلام:no:
طيب أنا من اليوم أمن المنتدى حسيبه للصبايا :hahaha: :hahaha: لأشوف كيف ممكن يدافعوا
عن المنتدى
مش كده بس
أنا حاخذ رفيق الدرب المهاجر معي كمان ، يعني جنرالات من اليوم وطالع ليدافعوا عن المنتدى مفيش
لنشوف همة الصبايا
وانتوا حرين
وبناء على ذلك نعلن نحن الجنرالات انتهاء الهدنة بيننا وبين الصبايا الى اشعار آخر
ومن اليوم وطالع مفيش هدن ولا غيره
مبينفعش معكم زي ما بقول الجنرال المهاجر غير النووي :z058:
ويا جنرال يا أصيل بارك الله فيك وفي دفاعك عني
والله أصيل وفعلا جنرال يا رفيق الدرب
وحرك اللي بدك اتحركه من الجيوش
الجيوش كلها تحت امرك
المهم خلصنا من هالمشاكل تعت الصبايا اللي اوجعت روسنا
مع اني شايف الصبايا ما بستاهلوش انا انحركلهم جيوشنا لأنهم أضعف من هيك
استعمل بس معاهم صورايخ عبادلة واحد أو عبادلة اثنين على الأكثر وانت حتشوفهم كيف حيروحوا يجروا :z037: لحافظ ليطلبوا م نه يتوسطلهم لنرجعلهم الهدنة ، المدير على العين والراس ، بس لو اجوك الصبايا لتتوسطلهم حتى نرجع الهدنة مش ممكن :icon27: ، لأنك شايف هما اللي بدأوا
واحنا مش حنقبل هيك هدن .
هو اصلا المدير زهق منكم يا صبايا ، لأنكم ما بسيبوا حدا من شركم ، وهو حيكون مبسوط لشن الحرب عليكم

بس غريبة ؟!
هو وين حافظ مش مبين ، أنا لما لقيت الدولاب اشتغل اليوم قلت أكيد حافظ أول واحد جاب كوم الأسئلة تاعه وأجا يجري
اااااااااه
فهمت :beathim:
أكيد مديرنا قاعد بيشوي في نص هالليل على السكت وأنا بقول وين غاطس
يبو كريم الحق خوذ دارجون وأبو حاتم وطبوا على المدير
وادعولي ;) .

اه هااااا
نرجع للصبايا
( ليقوموا مصدقات الصبايا انه في حرب)
ربنا يعدي الإمتحانات على خير وبنتفاهم بعديها
وانشاء الله بعديها أنا على استعداد للإجابة على أسئلتكم جميعا
أنا بخلص في 19 /1 انشاء الله
ادعولي ربنا يوفقني وسائر المسلمين
ويا صبايا اوعوا تدعوا علي أنا بمزح مفيش لا حرب ولا صواريخ ولا غيره
(انتوا بس ادعولي وبعديها بنشوف :laugh2: )

وانشاء الله اقامة سعيدة ان كان في متهم حيشرف في الدولاب في غيابي
دمتم جميعا بخير ......
نسرين
12-01-2006, 08:27 PM
يييييييييييه يا الله ما بدي

يعني ما صدقت انه انا عندي عطلة عشان اقدر شن هجوم بالأسئلة على أخونا النورس
تقوموا تقولوا لي في امتحانات وما بعرف شو

طيب انت بتخلص ب 19 الشهر امتحاناتك
وانا باخلص ب 17 الشهر عطلتي

وشو الحل؟؟

هيك هربت مني يا جنرال

يلا بسيطة

منبقى منسألك كم سؤال بسيطين ومنوكل غيرنا يشن عليك هجوم
مثلا بحرض عليك المدير يزودلك الأسئلة شوي
بيسألك عني وعنه
ههههههههه

الله يوفقك بالامتحانات يا خيي

سلامي للجميع
النورس الحزين
13-01-2006, 12:07 AM
أهلا بيكي اخت نسرين

حرام عليكي بدك اتحرضي المدير ليزود الأسئلة ويسال عنك
هههههههه
أصلا أسئلة المدير اللي دايما بيجيبها وبدون تحريض هيه عن كل الأعضاء وزيادة حبتين .
انشاء الله بخلص امتحانات وبرجعلكم ، بس يا حرام حتكوني يا أخت نسرين بره التحقيق
يعني الجلادين حينقصوا واحد :D
يلله من نصيبي....
والله يستر
صحيح وين ميرا لتشوف متهم أو الأفضل متهمة للسجن
والا انتم أوفياء وما بدكم اتفرطوا بمكاني في غيابي
بعدين أنا شايف الشرطيhttp://www.lakii.com/vb/smile/19_15.gif اللي انتي حاطاه ما ناوي يمسك حدا ، يعني بيفتش وبيمشي الكل
والا بيعرف بس يمسكني أنا ؟؟
خليه يشد حيله ويمسكلكم حدا لتحطوه بالسجن .
سلام......:icon35:
ميرا فلسطينية
13-01-2006, 10:37 PM
اهلا :heartpump بيكم

والله احلى سجين ما في احلى من هيك

:soujojo: :soujojo:

بالنسبة للشرطي انا فعلا يئست منه خلص

واثق بالجميع وبيمرق عالماشي.. شكلو عشان الدنيا عيد مش حابب :icon36: يزعل حدا



بانتظارك النورس الحزين.. يا اطيب سجين
بعد :z060: الامتحانات
الله يكون بعونك


تحياتي
Sameh
22-01-2006, 11:23 AM
هو دولاب تحقيق والا دردشة

بدون كثرة كلام وبدون لف ودوران
يا نورس
1. ماذا يوحي اليك النورس
2. لما انت حزين
النورس الحزين
23-01-2006, 11:18 PM
أهلا بالغالي سامح نورتنا ...




يا نورس
1. ماذا يوحي اليك النورس
2. لما انت حزين

هو النورس يعيش مع البحار


حيث الشـروق والمغيب ،،،
حيث الطبيعة والنقاء،،،
حيث والصفاء والسكون ،،،
يرقب تلك الأمواج اللامتناهية الآتية من البعيد ،
يتساءل في نفسه
ترى ما الذي يأتي بتلك الأمواج التي تتكسر على رمال الشاطئ ثم تعود أخريات من جديد فلا تكل ،
ترى عما تبحث تلك الأمواج ،
وأي امر يدفعها للمجئ الى رمال الشاطئ ،؟!!
استهوته نفسه أن يعرف حكاية تلك الأمواج
بحث عن حكايتها ،،،
لم يطل مشوار بحثه فبانت له الحقيقة
تلك الأمواج تأتي لتبحث عن أخواتها اللواتي يأتين إلى الشاطي فيتكسرن على رمال الشاطئ فلا يعدن

نظر الى الإنسان الذي يقتل أخاه ،
قارن بينه وبين هذه الأمواج الباحثة عن أخواتها لما طالت غيبتهن ولم يعدن ،
أمواج تبحث عن أخوات لم يعدن ، وإنسان يقتل أخاه ،،،
عندها أدرك ما لم يفهمه من حكاية تلك الأمواج ،،،،
أصابه الألم و........ والحزن أيضا .....


تحياتي ......
النورس الحزين
زهـــ العبادلة ـــرة
24-01-2006, 12:24 AM
لماذا اخترت النورس بالذات ؟؟؟؟؟؟
Sameh
24-01-2006, 09:25 PM
:beathim: :beathim: :beathim: :beathim: :beathim: :beathim: :beathim: :beathim: :beathim:

وين المحققين
شكلها سايبة

1. ماذا يعني لك القمر ، الشمس ، البحر ، الليل
2. الاعضاء الذين تحب التواصل معهم
3. اذكر عشرة من الاعضاء في المنتدى مع صفه له
4. بتذكر القنبلة النووية التي القيت على هوريشيما وناكازااكي ، ما بدي اسألك عنها اي شيء لانك لس ما كنت مولود اصلا ، بس رح اسألك رأيك بالاوضاع العربية بشكل عام
بنت القسام
24-01-2006, 10:46 PM
السلام عليكم ورحمة الله وبركاته

اهلا وسهلا بالأخ نور الحزين


1/ ماهي اهم ثلاث امنيات تتمني :b&th:الحصول عليها ؟

2/شو اكثر بيت شعر وشاعر بتحبه ؟

3/ ما هي أكثر سورة بالقرآن الكريم قريبة إلي قلبك؟


4/شو الكتاب :rolleyes: إلي بتتمني أنه يكون عندك ؟



ماذا تفعل مع :firing:

* شخص مدخن.:smokin:

* شخص يكفر بالله ويسب الصحابة والرسول.:icon27:

* شخص فيه صفة لاتحبها .:eek:

* شخص لا يصلي .:beathim:


انشاء الله تكون الاسئله خفيفة ودمها خفيف .:grins:
النورس الحزين
25-01-2006, 01:16 AM
أهلا بك يا زهرة
لماذا اخترت النورس بالذات ؟؟؟؟؟؟


لأن النورس يعيش مع البحار
حيث الشـروق والمغيب ،،،
حيث الطبيعة والنقاء،،،
حيث والصفاء والسكون ،،،
لذلك النورس من الطيور المحبوبة بالنسبة الى

......
سؤالك خفيف الظل يا زهرة
شايف يا سامح الأسئلة الحلوة :confident
سلام ....
النورس الحزين
25-01-2006, 04:19 AM
اهلا يا سامح

1. ماذا يعني لك

القمر : الجمال
الشمس : الوضوح
البحر : الغموض
الليل : السكون والذكريات


2. الاعضاء الذين تحب التواصل معهم

كل أعضاء منتدانا ما شاء الله عليهم ، كلهم طيبين وحبوبين وكلهم بيفوا بالوعود غير اللي في بالي والحين حقلكوا عنه

3. اذكر عشرة من الاعضاء في المنتدى مع صفه له

:MThinking
1-الجنرال المهاجر : عسل المنتدى بلا منازع
وجنرال وقائد الإقتحامات
يعيني عليك انت يا جنرال يا كايدهم:appl:
2-أبو حاتم : البساطة وطيبة القلب
3-سامح : بيسكت فينا وهو كل يوم بيقلنا اليوم بكرة المنسف
وين المنسف يا سيد سامح أنا بديش أسميك بتلف وبدور:z060: لأني بعرفك كريم
4-ميرا: ذكية
5-بنت القسام :الجدية
6-نسرين: القلب الطيب
7-فينوس:صاحبة القلم
8-زهرة العبادلة : زهرة المنتدى
9-الغائبة الحاضرة ريتا :مافيا المنتدى
10-حسين : نشيط دوما يأتينا بالجديد

4. بتذكر القنبلة النووية التي القيت على هوريشيما وناكازااكي ، ما بدي اسألك عنها اي شيء لانك لس ما كنت مولود اصلا ، بس رح اسألك رأيك بالاوضاع العربية بشكل عام


الشعوب العربية لآ أمل فيها على ما يبدو والأمل في وجه الله
نايمة وشبعانة نوم وتشخير:horror:
وما بتصحى بالمرة غير عشان شخيرها بيطول فالكل بيصحى على صوت شخير اللي جنبه
والحمد لله انها بتصحى على الأقل شوية بتحضر فيها استار أكاديمي وكم برنامج من شاكلته
وطبعا بعدين فورا بترجع تنام وتشخر من ثاني بعد هالتعب والمجهود اللي بذلته
يعني هي بنفسها نايمة ومريحة اليهود وأمريكا والغرب من البحث عن دواء تخدير لها
هيك بيكفي :up2:
وبلاش أسئلة يا جماعة في السياسة لأني مبفهمش فيها
تحياتي ......
Sameh
25-01-2006, 09:26 AM
اذا طلعت براءة نعمل الك منسف
النورس الحزين
27-01-2006, 10:03 PM
أهلا فيكي أختي بنت القسام

السلام عليكم ورحمة الله وبركاته 1/ ماهي اهم ثلاث امنيات تتمني :b&th:الحصول عليها ؟


أمنيات أمنيات



اه

1-انه شارون ما يموتش أصله راجل طيب وانا شفقان عليه يا حرام

2- في عنا دكتور ومعيدة بدرسونا نفس المادة بالجامعة

والثنين بيحبوا بعض

وناويين يجوزوا

هذا الكلام طبعا على ذمة الطلبة المراقبين للوضع

طبعا حصة الإمتحان بييجوا الإثنين يراقبوا علينا

وبيضلوا يتحدثوا مع بعض وكل واحد فيهم بيطلع في عيون الثاني طول الوقت

وكل نص ساعة لما تيجي من واحد منهم لفتة بالغلط علينا احنا الطلبة اللي بنمتحن

وبينسونا واحنا بناخذ راحتنا

طبعا حتقلولي ايش دخل القصة في الموضوع

حقلكم

أمنيتي انه الدكتور وفتاة أحلامه ميتجوزوش

او على الأقل يجوزوا لما أخلص من عندهم دراسة

عارفين ليه ؟

عشان لو اجوزوا حيبطلوا في حصة الإمتحان يحكوا مع بعض كثير

لأنهم حيكونوا زهقانين وجوه بعض

وساعتها الإثنين مش حيرفعوا عنيهم عنا

واحنا بالإمتحان مش حنقدر نتنفس


3- هذه أهم وحده
جيرانا اللي ساكنين على باب العمارة لما اقف معاهم ميجبوش الكلب تاعهم ،وميخلهوش يقف معنا

أصل الكلب بدو اياني احضنه والعب معه وأنا مبحبش الكلاب ونجاستهم .



2/شو اكثر بيت شعر وشاعر بتحبه ؟

يعني بيت شعر تحديدا مش عارف

ولكني بحب كثير من الشعر

وححكيلكم اللي حييجي على بالي



أموالنا لذوي الميراث نجمعها **** ودورنا لخراب الدهر نبنيها

تلك المنازل في الآفاق خاوية ***** أضحت خرابا وذاق الموت بانيها
***


وفي أبيات شعر لشاعر يصف فيها يوم القيامة



وإذا الجنين بأمه متعلق **** خوف الحساب وقلبه مذعور

هذا بلا ذنب يخاف لهوله **** كيف المقيم على الذنوب دهور .


-أما الشاعر مش محدد ولكني أكثر شعر بحبه هو الشعر الجاهلي وشعراؤه



3/ ما هي أكثر سورة بالقرآن الكريم قريبة إلي قلبك؟

سورة الأحزاب بصوت العجمي خاصة آخرها


4/شو الكتاب :rolleyes: إلي بتتمني أنه يكون عندك ؟


كتاب " لا تحزن" لعائض القرني

كان موجودا عندنا لفترة قصيرة ثم انقطع من المكتبات بشكل تام ومفاجئ

دورت عليه كثير بس ملقتهوش


ماذا تفعل مع :firing:

* شخص مدخن.:smokin:


هو يعني إن كنتم اخوة فتقاسموا ، أنا نص وهو نص

وإذا اتبرعللي بالنص تاعه بكون كثر الله خيره



* شخص يكفر بالله ويسب الصحابة والرسول.:icon27:

بقله حرام يا شاطر

ربنا بحطك في النار لو سبيت ثاني

مش بس هيك

وأقله أشتريلك شبسي وبسكوت كمان إذا بطلت اتسب.



* شخص فيه صفة لاتحبها .:eek:

أنا مالي وماله الله يهديه

خاصة الناس هالأيام هذه الواحد ما بيسلكش معهم في رد السلام

بس لو كان قريبي أو صاحبي الأمر يختلف

طبعا أقله عدل اعوجاجك يا أخ العرب

وان مغيرش ومعدلش نفسه بستعمل معه الـــــ :beathim:



* شخص لا يصلي .:beathim:

أهديله أحد شريطين

الأول : لمحمد حسين يعقوب "لماذا لا تصلي "

أو

"عقوبة تارك الصلاة " لمحمد حسان

والله الهادي
تحياتي ......
ضياء العبادلة
28-01-2006, 06:45 AM
مرحبا النورس الحزين
اولا: بتمنى تطلع براءه
ثانيا : حابب اسالك كام سؤال ان شاء اللة بيكون اخفاف
هويتك اسمك كامل و عمرك ماذا تدرس .....الخ
هوايتك المحببه
اكثر موقف محرج مرره به
اكثر موقف مضحك
اتمنى ان تكون اسالتى خفيف
تحياتى
أبوحاتم
28-01-2006, 02:29 PM
تحياتي يا بطل


وان شاء الله براءة

عندي لك كم سؤال خفاف على قول ضياء

نبدأ.....


المجموعة الأولى اجب عن سؤالين من ثلاثة..
س1 - ما الجانب الابداعي لديك وتريد أن تنميه وتطوره..؟؟
س2 - بشكل عام ما رأيك في الاختراع اللي اسمه " منتديات " Vb ؟؟؟؟
س3 -هل تؤيد انشاء تشات في موقع ومنتدى العبادلة الكرام..؟؟؟

المجموعة الثانية من الأسئلة أختر سؤالا واحدا وأجب عليه ( يمكن بهالطريقة بذكرك بامتحانات الثانوية العامة )

س4 - ما رؤيتك المستقبلية لمنتدى العبادلة الايجابيات وتطويرها والسلبيات والتعلم منها وتجنبها...؟؟
س5 - ما الحكم الذي تتوقعه أن يصدر بحقك.؟؟؟؟ ( ان شاء الله براءة ما يكون فيه حكم )


ان شاء الله ما نكون تقلنا عليك

تحياتي يا جنرال
حافظ العبادله
29-01-2006, 09:54 AM
يا صباح الفل يا اخ نورس ياطيب

انا راجعلك الليله بكام سؤال من اللى يحبهم قلبك

انتظرنى جاى جاى
المهاجر
29-01-2006, 04:46 PM
هاي جيت ازروك يا جنرالنا يا عزيزوأطمن عليك وعلى جلسات التحقيق
يا عيني عليك يا جنرال ... ما بينخاف عليك أبدا .... قدها وقدود
هيك اطمنت عليك
على فكرة انا جايبلك شوية حاجات حلوة تتسلى فيهن وانت في سجن الدولاب
يعني انا مش ناسيك حبيبي يا جنرال

http://images.google.ae/images?q=tbn:S8ekcNTQsQCJZM:www.hsagroup.com/ar/admin/images/products/480 http://images.google.ae/images?q=tbn:AFxeXeiG7zpavM:www.faragalla.com/products/new%2520products/side_faragello_bottle_icon3.jpg http://images.google.ae/images?q=tbn:ClrPMg7MJXPt1M:www.faragalla.com/products/new%2520products/side_faragello_bottle_icon2.jpg http://images.google.ae/images?q=tbn:r7gPnZfAectNLM:www.sunna.info/souwar/data/media/46/www-sunna-info-167.jpg
http://www.syrian-ed.com/c/alhalabi/images/products_s_a/chips/Mister_20_s.gifhttp://www.syrian-ed.com/c/alhalabi/images/products_s_a/wafer/mini_yasmin-s.gif
يعني شوية بسكويت على شوية عصائر وكم كيس شيبس وعلى شوية مكسرات وشوية فواكه
انا بدي اياك تتغذى يا جنرالنا العزيز .....
بس بدي اثبت للصبايا انو احنا ديمقراطيين ومش متعصبين وعشان هيك ان
كلها يومين وجاييلك بشوية اسئلة خفيفة وعسل متلك
بس لما تجاوب على الأسئلة اللي بين ايديك :grinning-

تحياتي يا جنرال
Sameh
29-01-2006, 05:08 PM
ممنوع

دخول اي مواد اغاثة الى السجن
النورس الحزين
29-01-2006, 06:00 PM
والله مية هلا بالجميع
يعني أنا وقعت وما حدا سمى علي
ولكن جاييكم قرييييييييييب



معلش على تأخري بالرد لإنشغالي


الغالي ضياء
المبدع أبو حاتم
العسل المهاجر تسلمللي على الطلة والدعم:Mthanks:
بس يا عسل لو تتفكرني بشيشة بيكون تمام
وسامح بيه .... مشيها هالمرة :unsure:
........
المدير الغالي حافظ :raheeb:
الله يعيني على أسئلتك
الورد عاشق الورد سامح طيييييييييييييييييييييب :confident
يعني لا راحمنا ولا مخللي رحمة ربنا تنزل علينا
هلا بيكم جميعا
راجعلكم انشاء الله قريب
تحياتي .....
:Mthanks:
النورس الحزين
31-01-2006, 07:56 PM
أهلا بضياء نورت الدولاب بطلتك





:halaWgala
بالنسبة للسؤال الأول شو رأيك إنا نأجل الجواب عليه لأني ناوي أجيك لما أتمكن على البيت انشاء الله وأخسرك كاسة شاي وساعتها حتذكرني وتعرفني يا ضياء :twobb:

هوايتك المحببه

القراءة والمطالعة


اكثر موقف محرج مرره به


امممممممممممممممممممم

الي صاحب معندوش غسالة ، وأجى يغسل غسيله عنا ،

أجا صاحبي وحطينا الغسيل وتركنا الغسالة تغسل

المهم قعدنا وبعد تقريبا نص ساعة ، سمعت صاحبي اللي بيسكن معي في البيت بيقول الحقوا

قمنا انشوف شو في ؟

لقينا الغسالة بابها مش مسكر كويس وبتعبي ميه من هنا وبتفضي من هنا


فكرت الحكاية بسيطة

فتحت باب البيت لأشوف المية وين وصلت

ومن حد ما فتحت الباب لقيت سكان ال 8 شقق اللي تحتينا طالعين بقشطاتهم والكل يستنكر ويشجب

لأنه الميه داخلة على بيوتهم ومغرقاها ، وأنا وصحابي بنقلهم معلش يا جماعة سامحونا بدون قصد

الغسالة خربت وبنهدي فيهم من هالكلام

ووجهي صار أحمر أحمر والله لا يحطكم في هيك موقف
****




أكثر موقف مضحك

أنا ححكيلك اللي حييجي على بالي


رحت مرة اشتري خضرة وكان الوقت في رمضان المهم أنا واقف وأجت إمرأة تشتري ، قالت للبياع أعطيني كيلوا بندورة ، والبياع قاعد بيعبي الها قلتلوا بالله خليهم 2 كيلوا

قلها نعم؟

قلتلوا 2 كيلوا

قلها ماش انتي قلتيللي بدك كيلوا واحد قلتلوا اه قلت ، بس غيرت رأيي وبدي الحين 2 كيلوا

قلها لا مش معطيكي 2 ، انتي قلتي واحد وانا راح أعطيكي كيلو واحد ، يبن الناس الله يهديك اعطيني 2 كيلوا ماش انت هنا عشن اتبيع بضاعتك

المهم أنا وصاحبي واقفين بدنا نشتري وكان الوقت قبل آذان المغرب بساعتين تقريبا، قلنا هذا الراجل أبصر ماله

سبناهم وهما بيتكاتلوا

وانتي قلتي كيلوا وهيه بتقله لا :z060: أنا بدي الحين 2 كيلوا :argue:

سبحان الله اصحاب العقول في راحة

****

اسئلتك يا ضياء دمها خفيف زي صاحبها طبعا
:raheeb:
بس أتمنى انه جوابي يكون كافي ، لأنه المواقف اللي مثل هيك ممكن لما تنحكي تكون عادية لكن لما الواحد يعيشها بيموت ضحك










تحياتي .....
النورس الحزين
31-01-2006, 09:20 PM
أهلا أبو حاتم يا هلا
المجموعة الأولى :
س1 - ما الجانب الابداعي لديك وتريد أن تنميه وتطوره..؟؟

سأتكلم عن الجانب الذي أحب ممارسته في وقت الفراغ وفي أوقات معينة

أحب كثيرا الخواطر وكتابتها ، الا أنني لم أصل الى شكل يرضيني عما أكتب


وفي الفترة الأخيرة ليس لدي الوقت وهدوء البال لأكتب.

س3 -هل تؤيد انشاء تشات في موقع ومنتدى العبادلة الكرام..؟؟؟


أرى أنه زائد ولا حاجة له ، وأرى أن الإهداءات تفي بالغرض



المجموعة الثانية :



س4 - ما رؤيتك المستقبلية لمنتدى العبادلة الايجابيات وتطويرها والسلبيات والتعلم منها وتجنبها...؟؟


أنا برأيي أن منتدى العبادلة ناجح ومتميز ، ولا يوجد به سلبيات بالحجم الكبير الذي نستطيع أن نتحدث عنه ونسميه سلبيات ، الا أنني كنت أحب شيئا واحد فقط لنزداد رقيا ، وهو عدم نشر مواضيع عن الحزبية والحركات والتي من الممكن أن تفهم بقصد خاطئ ، يكفي أن الشغل الشاغل لأغلب الشباب في حديثهم وكلامهم في البيت والشارع عن الحركات وهذه الحركة أفضل وأحق من غيرها وما الى ذلك من الجدال الذي لا فائدة منه تذكر، والتناسي أننا كلنا أبناء شعب محتل في خندق واحد ، فأنا أرى عدم التطرق بشكل تام الى مثل هذه المواضيع والخلافات في المنتدى إلا لو كان موضوع النقاش بناء وبعيد عن التأويلات والحزبية العمياء.

ثم إن لدي تعقيبا آخر وهو أن بعض الأعضاء يعاملون معاملة لا أقول سيئة ولكن بالتأكيد هناك أسلوب للتعامل أفضل منها وذلك من قبل بعض المشرفين ، وأنا أعرف أكثر من شخص انسحبوا من المنتدى أو أوذوا بسبب الأسلوب من بعض المشرفين ، يا جماعة احنا مش في مدرسة ولما واحد يغلط معلش في 100 طرية حتى انفهمه انه موضوعه غير مناسب أو أن مكان موضوعه مش في المنتدى اللي وضعه فيه.

وأنا لا أتكلم عن المشرفين بشكل كلي وإنما بشكل محدود جدا

فالحمد لله كل مشرفينا وعلى رأسهم حافظ متميزين وحبوبين جدا

الا أن البعض ينقصه بعض الحذر للتعامل مع الأعضاء

أنا أتمنى أن تؤخذ ملاحظاتي بعين الإعتبار ، وذلك ايمانا مني أنها من أجل ..... نرتقي لنرتقي


تحياتي ....
ضياء العبادلة
02-02-2006, 03:31 AM
هلا بيك نورس
مشكور يا عسل
انا بنتظرك بس ما اطول اول ما تيجى من السفر ان شاء الله
ابتيجى تشرب الشاى عندى
تحياتى ليك
حافظ العبادله
02-02-2006, 04:28 AM
السلام عليكم ورحمة الله وبركاته

اهلا وسهلا اخى النورس الحزين
مش هاسأل اسئله كتير عشان الناس تعبتك اسئله

يلا قولى يا جنرال

اولا..
شخص تفتقده وانت فى الغربه؟ وتتمنى رؤيته كثيرا جدا وباستمرار؟

ثانيا
اكثر الاماكن التى تشتاق لها فى فلسطين ؟ ولماذا؟

ثالثا
ما هو اكثر مااحببته فى تونس...؟؟طبعا غير الوجه الحسن ههههه؟

رابعا
ماذا تقول لكل من

الشهيد يونس العبادلة

الجنرال المهاجر

ضياء العبادلة

طائر الليل الحزين

ميرا فلسطينيه

انا...حافظ يعنى

اخيرا وليس اخرا

اول منتدى تدخل له عند دخولك لمنتدى العبادلة؟
ضياء عاصى
03-02-2006, 01:03 AM
السلام عليكم

كيفك يا نورسنا بالسجن ؟؟؟؟

شايفك ماشاء الله عليك المساجين حابينك ومش عاوزينك تفارقهم وكلهم بيحلفوا بحياتك وحياة تونس الحمرا ...

اجهزلك بس الاسئله وراجعلك ...

نفسى اكون السبب فى اعدام اى حد .... ومش حلاقى اعز منك عندى
أبوحاتم
03-02-2006, 10:12 PM
شكرا وتحياتي الك يا أخ نورس بردك الرائع على أسئلتي
تحياتي وان شاء الله براءة
ميرا فلسطينية
04-02-2006, 01:31 AM
السلام عليكم

بصراحة انا حابة احيي الاخ نورس على روحه الجميلة جدا
في التعامل مع الدولاب
اجاباتك رائعة وكمان مسلية..
يعني بتخلي المحققين يتحولوا:wub: لحمامات سلام

وكمان شي... لا تفكر اني ما رح اسال.. :no:

مزبوط انا القاضي الموقر للمحاكمة:bravo2:

لكن انا حابة احجز دور..
:bravo2:
بعد اسئلة حافظ وضياء

والاسئلة تحت التجهيز :victory:

ويلا هيك بقدر اعمل مرافعة دفاع عنك خيا النورس
بعد الاخ ضياء اللي ناويلك على
اعدام :firing:

تحياتي,
ميرا
النورس الحزين
04-02-2006, 02:57 AM
ضياء العبادلة
حافظ
ضياء عاصي
أبو حاتم
وأخيرا ميرا
ولا تخافي ميرا دورك محجوز طبعا
أهلا بكم
ويا جماعة اللي بدو يسأل يسأل وميستحيش
أنتم على الرحب والسعة .

أيضا هذه المرة سأطلب منكم العذر لتأخري في الرد
وانشاء الله مش حتأخر كثير
بكرة عنا انتخابات وحدة الطلاب، والله يستر
انتظروني قريبا
لكم مني كل الحب والتقدير ويلله عيشوا أول مرة متهم بيرحب بجلاديه
شايفين ، وقولو النورس عاطل
سبحان الله ، ولله في خلقه شؤون .....
ابنة فلسطين
05-02-2006, 01:02 AM
السلام عليكم ورحمة الله وبركاته

صارلي فترة والله ما فتت على الدولاب وشفت ايش اخبارو

يلا من حظك اني فتت يا اخ النورس الحزين...وخدلك هالكم سؤال عالماشي ..خلينا نسبق دور الاخت ميرا

*الأخ النورس الحزين الملقب بالجنرال .. ماذا يمثل لك هذا اللقب وهل هناك ألقاب أخرى

لك؟

*هل تحب فن الطبخ؟؟؟وما هي اكثر طبخة مشهور فيها؟؟؟

* اذا كنت مربي اجيال يعني استاذ او معلم ..وفي يوم من الايام اكتشفت مشكلة لدى تلميذ من التلاميذ وهي السرقة...كيف يمكنك التعامل مع هكذا موقف خاصة اذا كان كل زملاء هذا التلميذ قد عرفو بامره وبدأو بنعته بالسارق

* ما هي حكمتك المفضلة التي تؤنسك في الاوقات الصعبة

أسئلة خفيفة ولطيفة...ولا شو رأيك؟؟
النورس الحزين
05-02-2006, 05:50 AM
هلا بيك يا مديرنا الغالي حافظ

الحقيقة بصماتك لا غنى لنا عنها

اولا..

شخص تفتقده وانت فى الغربه؟ وتتمنى رؤيته كثيرا جدا وباستمرار؟

أماه

إن جن ليلي ما غفلت أي مقلة *** ما لم تكتحل مقلتي بلقاك

طبعا مش ححتال عليك وأقلك أمي الحنونة لأنه هذا مسلم به
:heartpump
أستطيع القول بعد الأهل والقرايب

ليس تحديدا ولكن تقريبا خالد العبادلة
فلي معه ومع أغلى الناس أجمل الذكريات والبسمات

ثانيا

اكثر الاماكن التى تشتاق لها فى فلسطين ؟ ولماذا؟


القرارة وتحديدا أكثر المواصي ( البحر)لأن فيه أجمل شريط ذكريات منقوش في ذاكرتي، هناك كنا جيران البحر وأهل القمروالطبيعة

كنا نصطاد السمك ، كنا نسابق الطيور في بكورها لنصب شباك الفر
كنا نسامر القمر والناس نيام

كنا وكنا وكنا .... فكانت أجمل أيام العمر وأعذب الذكريات وأحلاها ....
ومش حدا يجيني يقللي يعني بتشتاق للقرارة أكثر من القدس :argue: ؟!!!

ثالثا


ما هو اكثر مااحببته فى تونس...؟؟طبعا غير الوجه الحسن ههههه؟


طيب بالأول انت قللي عشان انا أقلك

انت بدك الصراحة والا بنت عمها

الصراحة يا حافظ

أنا محبيتش :icon27: حاجة في تونس
لأنه مفيش حاجة بتنحب

صدقني

وعشان أكون دقيق معك

حبيت جمال الطبيعة فيها فقط
بس شو الفايدة ؟ الطبيعة حلوة بس الناس اممممممممممم


رابعا


ماذا تقول لكل من

الشهيد يونس العبادلة

لا نملك غير الدعاء
طيب الله ثراك ... وأسكنك مع النبيين والصديقين والشهداء
وجمعنا وإياك في جنان الخلد ....

الجنرال المهاجر


يعني يا جنرال أنا من أول ما عرفتك وانت جنرال

شو متى حتترقى وانشوفك وزير يا عسل

الصراحة الجنرال فجر قنبلة بالمنتدى بالتصاميم الرائعة اللي قدمها
جنرال ..... سلمت ذهبيتاك ياجنرال
وأنا مش عارف انت الآن حتحارب بيهم ولا اتصمم
المهم بالنهاية كلمتي الك ،،، المنتدى ملهوش طعم بدونك يا غالي
لك كل التقدير ...

ضياء العبادلة


ضياء ... ساهر المنتدى ،،، يا غالي لما أرجع ,واجيك على البيت يا ريت اجيبللي شاي في البراد لأنه شاي الكاسة ما بيعمرش مزاجي
يعني أنا ناوي أخسرك بزيادة
كمان
أنا اشتقت للبحر فانشاء الله لما أرجع بدنا انصيد من صخرة الحج رضوان سمك ونقللي
ونعمل كبدة عصفور
وانرجع أيام زمان الحلوة
واللي مش عارف يا جماعة شو هي كبدة العصفور يسأل ضياء
كمان أنا لما ألاقي ضياء بحس بشعور جميل
لأنه الآن تقريبا هو أحد شخصين أو ثلاثة من اللي بعرفهم بالمنتدى من القرارة كويس
والباقيين حاليا غايبين


طائر الليل الحزين
كلماتك دوما منتقاة من أجمل وأروع الكلمات .... واسلوبك أروع وأعذب ....
تصلح فعلا لتكون محامي القرارة لدى الأمم المتحدة
ولكن أسلوبك به بعض الحدة
فالرفق الرفق


ميرا فلسطينيه



ميرا صاحبة الأسلوب الأخاذ .... دمت متألقة وشكر خاص لك على تعبك وسهرك لمنتداك منتدى العبادلة
وبوجود شخص مثلك معنا انا أزداد ايمانا ويقينا أننا لا نلتقي الا لنرتقي
أيضا في النهاية بقلها .....ومع ذلك كله
ولكن
الحرب التي بيننا وبينكم لن تنتهي يعني مفيش سلام ..... لك كل الحب والتقدير ....

انا...حافظ يعنى

حافظ ... ستعجزالكلمات عن وصف ما يدور داخلي لمن قرب المسافات وأزال الحدود بين مغترب وأهل يحن لهم دوما ،،، ومن الحين يا حافظ ،،، عشان انكون متفقين أنا لما ارجع في الصيف حزعجكم حبتين ونص
أصلي حجيب الشلة ونلعب في شارعكم طائرة يعني بدك تتحمل الصوت والحس والطوش.... دمت لنا

اخيرا وليس اخرا
اول منتدى تدخل له عند دخولك لمنتدى العبادلة؟

الصراحة مفيش منتدى محدد يمكن بشوف المواضيع الجديدة بشكل عام ، والموضوع اللي بيعجبني بقرأه

أما في الغالب أترقب الجديد في منتدى الكمبيوتر .
عذرا للإطالة
تحياتي للجميع .....
النورس الحزين
05-02-2006, 06:31 AM
ابنة فلسطينالسلام عليكم ورحمة الله وبركاته


أهلا بيكي أختي ابنة فلسطين


*الأخ النورس الحزين الملقب بالجنرال .. ماذا يمثل لك هذا اللقب وهل هناك ألقاب أخرى لك؟





الشق الأول جاوبت عليه مرتين


أما الشق الثاني نعم
ربما أحدها "المشتاق"
طبعا لأني في الغربة

*هل تحب فن الطبخ؟؟؟وما هي اكثر طبخة مشهور فيها؟؟؟

اه فعلا أنا بحب الطبخ
بس زهقته ، لأنهم بيقولوا عني بعرف أطبخ كويس والشباب الفلسطينية بتونس ما شاء الله كل يوم والثاني اطبخلنا واعمللنا
لأنهم مساكين مبيعرفوش يجلوا الجلي
حتى الشاي مبيعرفوش يعملوه
طبعا أكثر أكلة أنا بعملها هي الكسكسي يعني بالفلسطيني المفتول
دايما كنت أعملها
انا بحاول دايما يكون فيها مزيج من المفتول الفلسطيني والكسكسي التونسي
وعلى فكرة أنا بتونس بطبخ تقريبا كل شئ
مثلا : بطاطا ، كوسا ، ملوخية ناشفة أصله خضرا لليوم مشفتش، زهرة ، رز ، كسكسي ، ملفوف ، دوالي ، محشي كوسا ، مجدرة ، واللي بدكم اياه
بس الملوخية الناشفة اللي أنا بطبخها مش زي ملوخية التوانسة
لأنه التوانسة بيخلوها تغللي على الغاز أكثر من 10 ساعات هذا اقل شئ وأحيانا بتصل الى يومين وهيه بتغللي
أنا مكلتهاش ولا حكلها
في النهاية
الحلويات مبعرفش أعمل منها حاجة





* اذا كنت مربي اجيال يعني استاذ او معلم ..وفي يوم من الايام اكتشفت مشكلة لدى تلميذ من التلاميذ وهي السرقة...كيف يمكنك التعامل مع هكذا موقف خاصة اذا كان كل زملاء هذا التلميذ قد عرفو بامره وبدأو بنعته بالسارق طبعا أنا مش حخترع أسلوب لهالحالة هذه




لأنه في أساليب علمية ناجحة لحل مثل هذه المشاكل

أما بالنسبة الى

أنا يعني حمسكهم كلهم وواحد واحد وأطعميهم فلكة وأولهم التلميذ

:speechles
















* ما هي حكمتك المفضلة التي تؤنسك في الاوقات الصعبة


كانت اعمل خير يا نورس وارمي في البحر
لكن طلعت في الآخر مغفل
ربما الآن الصبر مفتاح الفرج ، بس مش دوما لأني أحيانا لا أطيق الموقف اللي قدامي.
تحياتي ....
ميرا فلسطينية
10-02-2006, 08:40 PM
http://www.3e6r.net/data/media/19/jewelst-r7eb2.gif

بعد ان اثبت الاخ
http://www.cheesebuerger.de/images/more/feuer/a220.gif النورس الحزينhttp://www.cheesebuerger.de/images/more/feuer/a220.gif


عبقريته في التهرب من اسئلة المحققين



وجعلهم يتحولون الى
http://www.3e6r.net/data/media/4/1_5.gif
حمامات سلام



قررنا اعلان براءته التامة

http://www.cheesebuerger.de/images/more/feuer/a190.gifhttp://www.cheesebuerger.de/images/more/feuer/a270.gif

لكن طمعا في ان لا نتركه يذهب بسهولة



سيكون العقاب الواقع عليه هو



كتابة خاطرة في مسابقة
فرسان الخواطر 2


معلش اخي النورس
http://www.3e6r.net/data/thumbnails/12/ww.gif (http://www.3e6r.net/details.php?image_id=25054)
تعيش وتاكل غيرها


بانتظار قلمك في المسابقة


ويعطيك الف عافية

وشكرا على تواجدك المتالق معنا
http://www.3e6r.net/data/media/19/thanku.gif
النورس الحزين
11-02-2006, 01:10 AM
تحياتي أخت ميرا
وأحلى سلام لأحلى قاضي
أنا الى من بعد العيد بقلكم يا جماعة أنا برئ والله برئ وما حدا سامعني
الحمد لله اني طلعت براءة
بعدين هو يعني انتم كنتم قادرين تعملوا حاجة للجنرال
:z060: :argue:

تحياتي ......