بيت ستي...أفتح قلبك [الأرشيف] - ملتـقى العــبادلة

ابن العراق

15-10-2005, 03:07 AM

يييييييه شوفتك .. وكهرب ... وشد الكوبس ..
تصدق من يومك متفوق في الكهربا ..
فاكر كهرب ... واللي يطير وراك يدوبك تعمله حركة مخادعة من حركاتك اللي بتعملها دايما واللي بيقلدها صح أخونا نور الدين , المهم انت تعمل الحركة من هنا واللي يكون طاير وراك يفطس على روحه من الضحك وتنفد منه ...
ولا فاكر فرقة المزداوية اللي كنا عاملينها ؟؟؟
هشام يمسك إيد الهون على أساس إنها ميكروفون وتطلب معاه يغني " جبار " مع إن اللحن مش لحن "جبار" خالص ولا حتى لحن " على قد الشوق " ولا أي لحن ..
وحافظ لاعب الأورج الأعظم والمايسترو في نفس الوقت يتكتك على زراير الكاسيت على أساس إن هو ده الأورج المتاح ومعاه عصايتين يشاور بيهم للفرقة الموسيقية واللي مايسمعش الكلام ويشذ عن النوتة الموسيقية اللي هي صفحات من روايات رجل المستحيل تبقى شورته طين ومسيره إن يفقد 7 ضلوع " آت مينيمَم " ..
وابراهيم الله يمسيه بالخير ماسك مضرب التنس وهاتك يا شغل بالأسبانيش جيتار ..
وانا ماسك المضرب التاني ونايم على روحي كالعادة وبدور على أي حاجه أعور بيها نفسي ..
وانت واقف في نص الأوضة وهاتك يا شغل بالصاجات ..
أما نور الدين شاغل نفسه كالعاده وهو على سلك المطار بالسؤال الأبدي ليه أبو الزعيزع الطويل ما بيظهرش إلا قبل المغرب بنص ساعة وليه أصعب أنواع أبو الزعيزع في المسكان هو المنقَّط "بيج في إسود " ..
أما بيبو بيه فكان لسا بيتباحث مع محمد أبو عبد السلام وشاهر إزاي يقدر يبادل بطرمان البلي اللي مخبيه تحت السرير بالتليفزيون الملون اللي شاهر لاطشه من المطاااااااار ..
واحمد أفندي ماكنش لسا مقتنع إن داؤوود طلعت أنثى بالرغم من إنها كانت والدة بتاع 50 قطة في البيت ..
ياااااااااااااااااه على الذكريات ..
شفت الزمن الواطي اللي بيفرَّق ؟؟؟
أدفع نص عمري .. أدفع عمري كلله وأرجع طفل مش عارف أي حاجه ولا عايز يعرف أي حاجه ولا عايز أي حاجه بس أعيش اللحظة وبعد اللحظه أنسى أني عشتها وأعيشها تاني لحد لما يقضي الله أمرا كان مفعولا ونرتاح من الدنيا دي.

الخطيب محمد

15-10-2005, 05:11 AM

انا بقى عايز اريح الاخت ميرا واكشفلها صاحب الشخصيه السريه (بيبو)

بس انا داخل عشان اقول لابن العراق اللى اول لما شافنى اون لاين

عايز يشترى سكوتى ويفطرنى بكره ببط ومكرونه واكيد لسان عصفور :smokin:
عايز اقوله ايامك اللى جايه معايا هتبقى سودا...:z058:
ميعرفش انى شايل قلبى وحاطط مكانه علبه (بلك اسود) :argue:
. احسنلك سيب المنتدى واطلع منه خالص :Mthanks:
:icon35:

عبدالله منصور

15-10-2005, 09:36 AM

:twobb: انا مش من العيله بس عشت في البيت ده انا وصديقي العزيز بيبو بس البيت ده مش بيت العيله بس لا ده البلد كلها عاشت فيه وانا اولهم وبعدين كان متوي لشرب السجاير طبعا فهمني ياخ ولا بلاش

عبدالله منصور

15-10-2005, 09:39 AM

:medium-sm ملحوظه يبيبو فاكر الطعميه واللنشون ايه اوعا تكون نسيت لو نسيت اول وانا احكي

بنت القسام

15-10-2005, 06:18 PM

ممتاز رائع برافو

انتظر المزيد :jump: من الذكريات

شدواااا الهمة

ضياء عاصى

15-10-2005, 09:49 PM

والنبى ياختى ؟؟؟؟؟؟؟؟؟؟؟؟؟؟؟؟؟؟؟

العيال دول ممكن يقطعوا بعض علشان تبقى عارفه خاصة ان كبيرهم مش موجود ( مسافر السعوديه ) .

انا فاكر اول مره شوفت فيها نور الدين ... اخواتى الكبار كانو بيقولولى انه فى سنى وانتظرت قدومه من غزه على ناااااااار .

فضلت لازقله طول الليل من اول مارجع من فلسطين .. واضح جدا ان انا وهوه كنا متفقين جدا وتحاببنا من اول يوم وتشاركنا بقلوبنا فى لم الكازوز ( أغطية زجاجات البيبسى ).

تانى يوم من الفجر روحت صحيته من النوم ... ساعتها خالتى مكنتش طايقانى .. ايه العيال اللى مبتنمش دى ؟

وراحت ماسكاه من لياقة البيجامه الليمونى ومخططه بأخضر غامق وحدفاه من الشباك ليا .. خده اهوه اشبع بيه ..............

اخدت نور الدين ورحنا على الخليج اللى فى الجنينه ... كنت بعلمه لعبة ان احنا نجيب اوراق شجر المانجه ( اللى كنا بنسرقها يا ميرا ) ونعملها مراكب ونفضل نرش عليها ميه لغاية متوصل الناحيه التانيه ....

المهم .... انا لا بيه ولا عليا ومندفع فى تعليم التلميذ المؤدب اللعبه ... فجأه لقيت نفسى مدفوع فى وسط الخليج ومش عارف اطلع ...:blush:

خالتى لقتنى عمال اجرى وراه وبعيط من الغيظ ... الواد كان سريع سرعه :excl:

قالتله ايه اللى انت عملته فى ابن خالتك ده يااااااااااااااااااااااااااااااا.

ودى كانت اول مغامراتى انا وعز الدين .

انتظرونى فى ( أبو الزعيزع ) .

ابن العراق

16-10-2005, 02:09 AM

عز الدين مين بس ؟؟؟؟

وأنا شايف إن الموضوع ده فعلا هيوصلنا لقسم الحروق بمستشفى الجامعه ...
أنا بره اللعبه دي ..
أنا زي مانتو عارفين وسيم وخايف على ملامح وشي اللي ما حصلتش ..
خصوصا إن في ناس هنا بتكنِّف شفرات أمواس في حناجرهم ..
أنا بره ... تمنياتي للناجين من المعركه بحياه سعيده من غير لغاليغ ..

الخطيب محمد

16-10-2005, 08:59 PM

استنى يابن العراق... انا لسه مقولتش حاجه ومحكيتش اى شى ... انت كشيت ليه من الرد تبعى...الموضوع ده معمول عشانى انا وانت ..بيت ستى ده ياجماعه انا اتعلمت دخوله على ايد ابن العراق الى هوه سبب فشلى فى الثانويه العامه ... ولو انت خابف على وسامتك وجاذبيتك . فانت ناسى انها اتشوهت من بعد الحادثه اللى فى مناخيرك. يعنى مبقاش هناك اى شى تخاف عليه. زى ما بدات الموضوع لازم تنهى والا انت عارف البوب ممكن يعمل ايه.

ومن اهم العادات الل علمهالى ابن العراق سرقه الجوافه وكنا ديما نقوم بالدور ده من الساعه 6 الصبح بس هوه ديما كان جبان كان يقف بعيد الشجره وميقربش منها عشان لو حد شافنا يبقى هوه اول الهاربين لبيت ستى وعشان هوه نظرو ضغيف كان بيقع خمسين مره فى الطريق بس انا طبعا مكنش حد بيشوفنى عشان انا ديما كنت بكون انا فوق الشجره...........واترك الرد لابن العراق يكمل هوه ......وبقلو معلش احنا جايين نهدى النفوس

انتظروا البقيه

ضياء عاصى

16-10-2005, 11:31 PM

{رتوش بعد التعديل ( من غير صوت )}

كنا اطفال ... كانو اطفال

عمر بسيط لكن ابطال

كان يجمعنا حنين مستني

كنا نغنى ...

كانت أول غنوه معانا

حمد الله عالسلامه

ياجى من السفر

وحشانا الابتسامة

وشك وللا القمر...

كان الشوق الحلو ندوقه

حب عشنا جوه عروقه

احلى سنين عاشت جوانا
*** *** ***
*** *** ***

فاكر مره وكنت صغير

فى جنينه ستى شجرة توت
وانا وصحابى .. ابوراس وحمامه

كنا فى طعم التوت بنموت

هُبا طلعنا فوق الشجره

جالنا ابوعوده بالنبوت

يضرب يضرب ...

واحنا بنهرب ...

وفى عز ماكان صحابى بيبكو من غير صوت

كنت بغنى .........

منا لازم اغنى ...........
*** *** ***
*** *** ***

ياعينى علينا ...

منك يا جنينه

مالياها علينا

مانجه وبلح
... ... ...

كان فيكى جوافه ...

ويمكن كُنافه

ياما كلنا فى خباثه

المانجه والبلح

*** *** ***
*** *** ***

ضياء عاصى

16-10-2005, 11:46 PM

الاخت ميرا ..............

واضح جدا انك بتبادلينا نفس الشعور بعشق ايام الطفوله والحنين ليها

ومين قالك ان مواقفك مش كوميديه ... بالعكس ده نفس الرتم اللى كنا عايشين عليه

يعنى ممكن نعتبر بيت ستك وبيت ستنا واحد وتشاركينا فيه بحكاياتك

وفى انتظار ردودك .........

ضياء عاصى

18-10-2005, 12:05 AM

كانت خالتى كل سنه لما تنزل فى الصيف من فلسطين

تفضل اول يوم ده تحكى طول الليل عن اليهود والافتراءات اللى بيعملوها

كنت دايما اسمعها تقول انهم بيدخلو المطابخ فى البيوت ويلمو منها السكاكين

ولو لقيو زيت على النار يقلبوه فى وجه اللى قدامهم

انا كنت فاكر ان اليهود دول ناس معندهمش سكاكين ... علشان كده دخلو فلسطين علشان يستولو على شوية السكاكين اللى فيها .

وان احتلال اليهود لفلسطين تم بالزيت المغلى ... او سمنة النخلتين .

وهيا دى كانت ابشع اسلحه وصل ليها عقلى

وبما انى فتوة الشارع بدأت استعمل اساليب اليهود ... امسك قزازة الزيت واقف فى نص الشارع
( والراجل يورينى نفسه ) .

طبعا الموضوع ده كان بيفيدنى كتير فى سلب الكلاب عنوة من العيال اللى فى الشارع

ابن العراق

18-10-2005, 12:43 AM

هههههههههه ..
ما قولتليش حكاية الزيت المغلي دي ..
وانت كنت موعّي كل البشر " حِدّق وشاهر ورشيدة وسحر بريزة وباقي العصابة " إن اللي في القزازة دي مية نار ..
ع العموم كمل حكاياتك .. بس خللي بالك من هنا ورايح ماحدش فينا يعرف التاني , مبدأيا إنت خسرت حافظ إنهردة ..
وخسرتني من أول يوم شاركنا فيه ..
أما بالنسبة للأخ بيبو .. الشهير ب " بيبو برضه " ..
فأنا لي الشرف بأني كنت قائد العمليات للسطو على شجر الجوافه والمنجه ..
أرسم الخطط وأبعت أحمد أخويا الصغير في مهمة إستطلاع وأرسم لبيبو الخطة على الأرض " إنت يا بيبو تطلع من الباب هتلاقي نظيرة بتاخد حمّامها في الجنينة إعمل نفسك مش واخد بالك .. تطلع على شجرة الجوافه الحمرا.. ترمي الجوافه من فوق هتلاقي أحمد مستنِّيك تجيبو الجوافة وتيجو" .
أحمد راح وما رجعش وبيبو غايب مش شايفه خصوصا إن الضباب نازل مغطي كل المكان .. وانا طبعا كنت مؤمن بمبدأ الجري نص الجدعنه وعيش ندل تموت مستور علشان كده واقف على بعد ..
المهم بيبو أفندي رجعلي ب10 كيلو ليمون , يا بيبو أنا قايلك تجيب جوافة ..؟؟ بيبو المولود بنضارة أساسا ما شافش شجرة الجوافة وطلع على شجرة اللمون :icon31: إستخسر يرجع إيده فاضية .. راجعلي جسمه مرشق شوك ..
ولسا الكلام ما خلصش ..
هتخرسوا بلاش فضايح .. ولا نقول كمان ؟؟

بنت القسام

18-10-2005, 12:55 AM

وليش أنا مشاركة بالموضوع :angry3: عشان يسكتوا

ما حدا يرد عليه ومره :jump: تانية شاركونااااااااااا

ريم نبيل العبادله

18-10-2005, 02:12 PM

بيت ستي

احلا ايام حياتي اناوبنات خالتي كان في هالبيت

كنا في رمضان نبات هناك...ومره من المرات خالو عمللنا سحور ,

السحور عبارة عن 16 بيضة مسلوقة شوية وما اكلناش منهم غير 6 تقريبا

وخالو يغصب علينا ناكل ابدا ما حد قادر يمد ايده...

وميتين على حالنا من الضحك وهو يشرحلنا فوايد البيض والبروتينات اللى فيه واهميتها للصغار :biggthump
بس على مين..ماحدا مد ايده بالمره ...اصلا يومها ماكان مسلوق زى الناس
وراحت عليه...
سلام

ابن العراق

19-10-2005, 08:12 AM

سلام يا حلوين ..
أكتب إليكم في الصباح الباكر , علشان أنا أفتكرت موقف ظريف خفت لأنساه ..
بمناسبة إن أحنا داخلين على العيد وكل سنة وانتو طييبن , فدايما واحنا اطفال كنت انا وأحمد وبيبو لا نفترق ..
ننزل الصبح بدري بعد ما نلبس لبس العيد ونعيد على أهالينا نشتري أول حاجه المسدسات .. وندور الطخ في بعض ..
طبعا العجل وركوب العجل وتأجير العجل كان طقس مقدس في الأعياد لا يمكن نفوته .. وعشان صاحب العجل يضمن حقه ويضمن إن إحنا هنرجع له مش هنملص بالعجل ونبيعه في سوق الأربع مع إن العيد ماكنش دايما بييجي كل سنه يوم الأربع .. بس تفكيره القاصر كان بيقوله كده ..
المهم علشان يضمن حقه أحيانا كان بياخد الجزم واحيانا البناطيل كيفما يرتئيله ..
في عيد من ذات الأعياد .. بيبو أفندي طلبت معاه يتأجر عجل ويمشي مع نفسه من غير ما يعدي علينا ..
بيبو ماكنش بيعرف يسوق العجله غير في إتجاه واحد الراجل صاحب العجله يظبطله العجله في الأتجاه وبيبو يركب ويبدل ولما يحب يقف يدور على أقرب حيطة ويدخل فيها مكنش لسا الفرامل نزلت في الفيرجان ده من العجل ..
المهم بيبو أفندي ركب العجله وعدّى حدود البلد ودخل على بلد تانيه وهو عايز يلف ومش عارف .. جه حظه الأسود إنه في طريق فيه " ترعة " والترعة دي عبارة عن شئ وسط بين الخليج وبين النهر واللي ما يعرفش الخليج ما يدخلش على الموضوع ده تاني لأن الحكاوي كلها الخليج واخد فيها دور محوري , المهم الأفندي جه يلف لأول مرة في حياته وبيبدل في نفس الوقت رشق بالعجلة في نص الترعة ولولا ستر ربنا إن فيه واحد كان معدي بالصدفه إصطاده بالظبط زي ما بيصادو السمك ما كنش فيه بيبو ..
وكنا زماننا من غير بيبو ..
الشخص اللي مسكه كان إسمه إيه تخيلو : ( بَبَّو ) أي والله كده بتشديد الباء الثانية وفتح الباب الأولى وفتح دماغي طبعا بعد ما بيبو يقرا الموضوع ده .

بنت القسام

19-10-2005, 09:34 AM

السلام عليكم ورحمة الله وبركاته

أنا بالنسبه ليه مش فاكره مواقف كتير في بيت ستي

لكن أمي الله يخليها قالتلي علي حاجة كنت أنا بحبها هناك

وبحبها لليوم وهي اللعب بالطينه أنا عندي هواية اللعب بالرمل والطينه وبحب البحرعشان العب بالرمل فلما كنت اسافر علي مصر علي بيت ستي طبعاًكنت اقعد قدام البيت والعب بالطينه وكل إلي بالشارع يقفوا يتفرجوا عليه هادا حكي أمي أنا مش فاكره بس شو بدي أعمل بدي أشارك :sad-smile سلام

الخطيب محمد

19-10-2005, 09:38 AM

والله يابنت القسام انت كده هتخلينا نقطع بعض وناكل فى بعض بالذات انا وابن العراق لان ذكرياتنا كلها تودى فى داهيه لو اتحكت.

عموما انا ماسك نفسى يمكن ابن العراق يعقل بعد لما اعورلو وشه

ضياء عاصى

19-10-2005, 10:43 PM

ولا يهمك يا خطيب

انا مش شايف ان فيه حاجه تستاهل فرتكة الوش

بعدين ياسيدى انت مش اول من وقعوا فى الترعه

فاكر مره كنا بنصطاد انا وحافظ وابن العراق وهانى وابراهيم ومحمد
المهم اغرونى بأنى انزل الترعه مع العيال اللى بيستحموا

ومع منظر مياه الترعه الرائع لقيت نفسى بأخلع ملابسى وبرمى نفسى وسط الميه

للأسف انا نزلت بدماغى وكانت الترعه فيها طين اكتر من الميه

راسى انشتلت فى الطين ومكنتش عارف اطلعها ... كنت حافطس والله

المهم اصدقائى المخلصين اللى اقنعونى انزل الترعه مكدبوش خبر

روحت البيت لقيت احمد ابوسليم وخالد وخالى منتظريننى وكل واحد ماسك فى ايده سلاح مختلف عن التانى... واحد ماسك خرطوم الغساله والتانى جريده والتالت ماسك خرزانه

وهاتك ياضرب وطاتيش

وكانت علقه عمرى ماحنساها

RaHaF

20-10-2005, 01:38 PM

السلام عليكم

حبيبتي وغاليتي بنت القسام

اشتقت لك كثيــــراً

يا زهرة البنفســـج

مميزه ومبدعه كما عرفتك

موضوع جميل جداً جداً

راح شارك في قريبــــاً

ومع احلى ذكريات بيت ستي

رهــــــــــــــــف

ابـــ فلسطين ـــن

20-10-2005, 01:56 PM

ياجماعة الخير فهموني شو القصة
يمكن إللي بتحكوا عنها تكون ستي أنا كمان
أرجو التوضيح أووووووووووووووووووووكي
آآآآآآآآآآآآآآآآآآآآآآآآآآآآآآآآآآآآآآآآ
:haha1: :haha1: :haha1: :haha1: :haha1:

رنا

20-10-2005, 02:49 PM

انتو اطلعتوا بره الموضوع بنت القسام حكت بدها ذكريات و احلام مش كوابيس

وذكريات لطيفه مش الايام الوحشة اللى قضتوها مع بعض

وخليكوا جوا الموضوع مش بره وبلاش معاكسات على بعض**

وانشالله نحاول نلاثى مشاركه قريب عن بيت ستى

:medium-sm

الخطيب محمد

20-10-2005, 04:05 PM

بمناسبه موضوع نزولك الترعه ياضياء. فاكر لما كنا بنتمشى على الترعه انا وانت وبعدين وصلنا للمكان اللى العيال بتوع البلد مخصصاه لنزول الترعه عشانو نضيف شويه من تحت يعنى لو نزلت براسك مش هتنزل فى طينه . كان فيه رمله بيضه تحت . المهم انت اول ما شوفت العيال كنت عايز تنزل الترعه بس انت كنت خايف منى . قولتلى روح هات الصنارات عشان نصطاد وعشان كان المكان بعيد عن البيت بتاعنا انت كنت فاكرنى انى مش جى تانى . المهم لما جيت وشوفتك وانت لمحتنى روحت غاطس تحت فى الميه ومطلعتش الا لما كنت هتموت . وقولتلى متقولش لحد وكنت كل شويه اخوفك بيها . فاااااااااااااكر (يادياااااااء)

ابـــ فلسطين ـــن

20-10-2005, 11:59 PM

أما أنا فكانت ذكرياتي في هالبت ذكريات لاتنسى
وخاصة لما رحت أسكن عند ستي وبابا كان مسافر السعودية وانا كان عمري 5 أو6 سنين وقتها
كنت مصاحب أصيح عيال البلد
والاخ ضياء انتا والخطيب عارفينهم كويس وياريت بلاش فضايح
كنت أحيانا بطلع ألعب من الصبح واكون بالليل تعبان وبكسل أروح البيت انام
واروح أنام في أي بيت قدامي
تقريبا في فترة 3 أشهر كنت مجرب بيوت البلد كلها
لغاية السيد ابو سالم
آآآآآآآه
الله يرحمك ياستي كانت دايما يوميا تعطيني الفلوس وتقوللي روح اشتري اللي بدك اياه
وكان كل يوم ماما لازم تنقني في مي سخنة عشان البلاوي اللي جت على جسمي من كتر اللعب في الرمل والبوس في اسماعين ابو ميدان وغيرهم من ابطال زمانهم

اما لما كبرت كانت نهاية كل إجازة مأساة حقيقية بالنسبة الي

كنت دايما بروح اودع ستي قبل السفر بيوم وتاخدني بحضنها وتقوللي
:sad-smile ((حاسة اني مش حاشوفك تاني ياأحمد)):sad-smile
وكانت تزعل كتير لما تعرف انو احنا مسافرين
والله اشتقتلها واشتقت لهالايام
:wub: :wub: :wub: :wub: :wub:
هي من الذكريات العزيزة والغالية علي كتير
ولو رح اعبر عن اللي جواي يمكن أكتب من هون لبكرة

مع تحياتي لكم:icon82:

ضياء عاصى

21-10-2005, 12:25 AM

ده مين اللى بيهزر من ورا الباب الخشب ده ؟؟؟؟؟؟؟؟؟؟؟؟؟؟؟

انت مين ياه .............

ايه ياجدعان هيا ستكو كانت ليها احفاد غيرنا وللا ايه

وبعدين جدنا متزوجش الا هيا بعد مافشلت قصة الحب اللى بينه وبين بلقيس ملكة ابو عويضه ..

متقولولى الواد ده مين ........ ليكون البيت ده مسكون بالعفاريت واحنا منعرفش

ضياء عاصى

21-10-2005, 12:34 AM

اما بالنسبه لذكريات بنت القسام اللى عامله نفسها بتنسى :icon30:

افكرها بس لو اسمى اتمسح من المنتدى اعرفو ان هيا اللى مسحته ....

لازم ينولها من الحب جانب طبعا

بداية الموضوع انتو عارفين طبعا موضوع ان المدرسات ( الابلوات ) المصريين بيعتبروا اجمل واحده فى الفصل هي اشطر واحده ...
وطبعا علشان بنات ابوحماد بنات ضرب ونص كم الا ماندر .. فكانت بنت القسام تعتبر الاحسن نوعا . فتجاوزا كانت هى اشطر واحده فى الفصل

المهم علشان متملوش .... فى صف اولى ابتدائى

فى يوم الابله بتسأل احد التلامذه 2*3 بكام

رد التلميذ : 2 * 3 بببببببببببب بخمسه

قالتله : غلط يا حما اتنيل اقعد ... قومى يابنت القسام جاوبى كالعاده طبعا

بنت القسام : 2 * 3 بتسعه طبعا

الابله : برافوووووووووووووووووو كلو يسقف

وطبعا علشان التلامذه متعودين على التسقيف لاجمل فتاه فى الفصل راحو مقطعين ايديهم من التسقيف ...

وطلعت نتيجة الفصل فى اخر العام ::: لم ينجح احد

بس برضه بنت القسام طلعت الاولى :icon82: :icon82: :icon82: :icon82: :icon82:

وعوضى على الله فى المنتدى اللى حتطيرنى منه

ابـــ فلسطين ـــن

21-10-2005, 01:37 AM

ياأخ ضياء إحنا بنحكي في أطار بريء ياريت بدون أي استهزاء
وبعدين((إنتا ليش في كلام كده،انا مافي إنسان؟؟))
:horror: :horror: :horror: :horror:
شكراً لك على مشاركتك

بنت القسام

21-10-2005, 01:45 AM

لا ياأخ ضياء

أنا قلت أنه 3*2 = 1

كده بتكون الحبكة أكتر

بس والله ما أنا فاكره لأنه أنا

ماكنتش أحلي واحده في الفصل

الفصل كله كان أحلي مني والله

وما تزعلش يا ابن فلسطين

حقك وصل

الخطيب محمد

21-10-2005, 01:51 AM

والله يابن فلسطين انا مش فاكر انو ليك ذكريات فى البيت ده من اساسو لان البيت ده اتهجر قبل ما انت تتولد .. اكيد انت قصدك على بيت ستك اللى فى ابو عويضه .
سلالالالالالالالالالالالالالالالالالالالام

ابـــ فلسطين ـــن

21-10-2005, 03:17 AM

هههههههههههههههههههههههههه

شكرا بنت القسام
والله يخليكي لي في المواقف الصعبة
أكيد الاخ ضياء ((لا تعليق بع هالكلام))
هههههههههههههههههه
:medium-sm :medium-sm :medium-sm :medium-sm :medium-sm :medium-sm :medium-sm

ضياء عاصى

21-10-2005, 08:12 PM

اوك ............. هيا بقت كده

ابن فلسطين حقه واصل من زمان

ده هارينى كرم وواجب :speechles :speechles وعينيه حارسانى فى الرايحه والجايه

بعدين ده حبيبى وعشرة عمرى بالسعوديه
.................................................. ............

:icon82: :icon82: :icon82: :icon82: :icon82:

ضياء عاصى

21-10-2005, 09:35 PM

بيت ستى ............

سنين عايشه بس الناس اللى عاشوها هما اللى مبقوش عايشين

بيت ستى ..........

حكايات لا تحصى ... ذكريات لايام واجيال تباعدو على مراحل ...

فاكر لما كنا بنلعب كوره فى البرانده

البرنده دى بقى عباره عن مترين فى متر ... وكنا 12 واحد ... معرفش كنا بنجرى فيها ازاى

وقال عاملينها ملعب ........

كنا بنلعب لعبة البطل

اعتقد ان مفيش حد فى الحياه لعب اللعبه دى قبل كده ولا حتى حد يعرفها

ارجو من الاخوه المشاركين تعليمها للناس المشاركين برضه ...

:MThumpsUp :MThumpsUp :MThumpsUp

بنت القسام

22-10-2005, 10:15 AM

صباح :heartpump الخير

شو :ask: وين

ما في حدا عنده ذكري:Looking_a علي هالصبح

رهف :MThinking ابن العراق :MThinkingسكوربيون :MThinking شادن
وباقي الأعضاء

أي حدا يلا :jump: شدوا الهمه يا حلوين

لأزعل :sad-smile بعدين

ضياء عاصى

25-10-2005, 12:43 AM

السلام عليكم ....

دمى ودموعى وتيشيرتاتى واخواتى واولاد خالاتى .... كيفكم جميعا ؟؟؟؟؟

هحكيلكو الليله حكاية ( مؤنس والهرم )

فى يوم من الايام لقينا الاخ حافظ نازل على مصر ومعاه واحد اسمه مؤنس ....

مؤنس ده انسان فطرى وطيب جدا ... بس نعمل ايه بقى فى الاخ حافظ ومقالبه اللى مبتنتهيش

الاخ حافظ عرفنا على مؤنس على انه مقاول وجاى ياخد عماله من مصر تشتغل فى غزه ... طبعا البلد كلها سمعت بالخبر

وراحت متجمعه فى البيت ( بيت ستى ) ....اللى يروش على مؤنس سجاير واللى يمدله بوصة الجوزه واللى يشربه فى الشاى ....والناس كلها قضت الليله فى خدمة المقاول مؤنس ..... تانى يوم لقيت مؤنس صاحى م النوم وعاوز بلهفه يروح الاهرامات ... ربكو والحق انا توقعت يا اما الراجل ده مبدع وعاوز يعمل فى غزه هرم زى اللى عندنا .... او عاوز يكمل مسيرة نابليون ويهد ابوالهول ...المهم انا اخدت معايا كيس لب سوبر نص كيلو وركبنا الميكروباص وطول منا قاعد فى

الكرسى اللى ورا حافظ ومؤنس وانا بقزقز وارمى عليهم القشر .... فوجئت بحافظ بينتش منى الكيس وبيرميه من شباك الميكروباص ... طبعا انا حسيت ان عين من عينيا بتترمى وراه ... وقال عمل كده ليه ؟ علشان صوت القزقزه قمىء
وبدأت رحلتنا الى الاهرامات .........

انتظرو البقيه علشان انا رايح انام :MThinking :MThinking :MThinking

هاني جمال الدين

25-10-2005, 05:31 AM

بيت ستي
الله علي هادا موضوع يا بنت القسام -جيتي علي الجرح-
بيت ستي بيمثلي الحياه كل الحياه
لان ستي كانت اعز انسانه عندنا في الوجود
هي الرابط اللي ربطنا من سنين
هي السبب اننا كلنا لعند الان مع بعض
كلنا اخوات ما في فرق واضح
حتي الشبه بهتنا علي بعض
الله علي دي ايام
لو الزمن يعود؟
انا بقي شخصيا مواقفي مع بيت ستي ملهاش عدد
والكل عارف
:MThinking
استنوني اعتقد ان الموضوع ده مش هيتقفل
حتي لو ستي صحيت تاني ومن المواقف
موقف رضا وهشام
موقف رمضااااااااان قطب
موقف ابو سعد
موقف جامد قوي لستي
موقف بيبو ومحمد (عبده اشتكي منهم)
موقف ابو سنجر
موقف دموي هاني وضياء
موقف ستي واحمد العبادله
موقف لخالتي زينب مش هنساه
ولسههههههههههههههههههههههههههههههه
ايامكواorange معايا ان شا الله

ضياء عاصى

26-10-2005, 11:15 PM

هلا اخوانى ....

هحكيلكم اليوم حكاية ( إنزل يا احمد ...... مش نازل يا ستى )

نبدأبتعريف احمد : هو فتى مدلل يكره المدرسه كره العمى ... غير محيط إحاطه كامله بكلمات اللغه العربيه سواء فصحى او عاميه من قلة استخدامها .

الموضوع انه احمد كان يتفنن فى الهروب من المدرسه ... وطبعا كل مره بيتمسك ... فقرر انه ميروحش اساسا المدرسه ... راح عامل ايه ؟؟؟؟؟؟؟؟؟؟؟؟؟؟

طلع فوق سطع البيت الذى لا يتعدى ارتفاعه متر ونص وقال لو خليتونى اروح المدرسه هأرمى نفسى من فوق .

وطبعا ستو كانت هيا السدر الحنين اللى كان سبب رئيسى فى فشل احمد فى الحياه .

احمد يهدد بالسقوط من فوق السطح
وستو تتحايل عليه ( إنزل يا احمد .. ملعون ابو التعليم لابو الناظر ابودريقه )

طار احمد طبعا من الفرحه لما سمع رأى ستو عن التعليم وعن الناظر ابو دريقه .. ومن كتر الطيران من الفرحه لقى نفسه مرمى من فوق السطح على حجر ستو اللى كان مليان ملوخيه خضرا .

ومن يومها واحمد بيخرط ملوخيه ... وفى طريقه لتعلم تقميع الباميه

ياريتك مانزلت يا احمد .

ابـــ فلسطين ـــن

28-10-2005, 05:04 PM

ممكن أعرف مين أحمد إللي تقصده ياأخ ضياااااااااااااااااااء؟:a7tg: :a7tg: :a7tg: :a7tg:

ميرا فلسطينية

28-10-2005, 05:20 PM

سلام يا احلى جماعة

ما تخافو مش رح نطلعكو من بيت ستهم للاخوة الحلويين
لاته في لسا كتير ونحنا متشوفين نسمع

ويا ريت تعجلو وتوصلو للمفيد:jump: بتاع الحديقة والسر المخبا فيها
هاااااااا يا حافظ وابن العراق؟؟
وينك يا بيبو استنيناك تيجي عشان تكشف السر
بعدين استغل الفرصة يا بيبو ابن العراق مش هون (حردان عند حماته بعيد عنك :grinning- وينك ابن العراق يلا ارجع -بس مش هلا :humm:تينكشف السر :grinning- )

اهلا بالاخ هاني في بيت ستكم (:bigtong: )
بانتظار القصص اللي وعدتنا فيها

دعوة للاخ ضياء:
الرجاء اكمال قصة مؤنس (((المقاول))) وكيس اللب

:halaWgala
فيكم جميعا

لباقي الاعضاء اللي مش من "بيت ستهم" لاحلى جماعة
ممكن تتفضلو وتشاركو
الدعوة للجميع
يا حلويين

ضياء عاصى

31-10-2005, 11:58 PM

والله انا شايف ان الاخت ميرا النشطه دايما واللى نالت كل اعجابى بشخصيتها وتعليقاتها مهتمه بالموضوع اكتر من الاخوه اللى مقطع نفسى اشعار علشان خاطرهم ...

انا حاسس انى باكتبلها الحاكيات هيا بس ؟؟؟؟؟؟

امال انتو فين ياخويا انت وهيا ... ده لو ستكو عرفت انكو مطنشين بيتها كده هتطلع من القبر تقلم لكل واحد فيكو ...

خلاص ذاكرتكو اتمسحت ؟؟؟؟؟؟؟؟ ياخسارة تربيتى انا وستى فيكو .........

والغريبه ان الاخ حافظ ماسمعناش صوته هنا ابدا ... زى مايكون كان شغال مدير بيت ستى كمان ؟

لا يابابا لالالالالالالالالالا .... اكتب حكاياتك ومتترددش وللا هتعمل انك مش فاكر حاجه زى بنت القسام ؟

طب فاكر بقى لما اتخانقنا مع العيال بتوع شارع النجار ونور الدين فخت عين ابوشعيب ؟

وقامت انتفاضه فى شارع النجار تطالب بالتعويض عن عين ابوشعيب براس ابن العراق ...

ومن ساعتها ابن العراق راسه ماشفتش عافيه :horror:

بنت القسام

05-11-2005, 04:32 PM

:a7tg:
(لا يابابا لالالالالالالالالالا .... اكتب حكاياتك ومتترددش وللا هتعمل انك مش فاكر حاجه زى بنت القسام ؟)

:angry3:
ما فهمت يا حج شو قصدك ياريت توضيح :ask:

وعمرة مقبوله انشاء الله

:icon35:

ضياء عاصى

07-11-2005, 08:09 PM

وانا اقدر برضو اقصد حاجه ؟؟؟؟؟؟؟؟؟؟؟؟؟؟

ده يتقطع لسانى ..........

انا بس بسخن الاخ حافظ علشان يجيب اللى عنده

وعقبال حجك كده ان شاء الله انتى وجميع الاعضاء

Rita

30-11-2005, 11:06 PM

ذكـــريـــــات جميلــــة أخــذتمــونـــا بهـــا حتــى لكـــأننـــا عشنـــاهـــا معكــــم

إن شـــاء الله ســأشــارك معكــــم

دمتـــ بخيــر ـــــم

ابن العراق

06-12-2005, 07:17 PM

سلام من جديد .. بيت ستي من تاني ..

أنا معايا أنهردة ذكريات من العيار الثقيل .. هي مش ذكريات قوي يعني , بس هتفتح على حاجات كتير ظريفة

اليوم يا سادة هأدي أصدقائي وأولاد خالتي الأعزاء هِنْتَات في الجون على أعلى مسرحيات عشناها وإحنا أطفال ..

مسرحيات ميتافيزيقا على ميلودراما على كوميديا خليط من ده كلله ..

والأبطال الرئيسيين مش إحنا .. ماكناش فاعل إطلاقا في المسرحيات دي , دايما مفعول بهم .. أبطال دور تاني وتالت لنجوم الترسو الجانات : ( أدخل عليا بالساسبينس ) ..

جاناتنا هما ( أبو عسكونه والسيد بِسَّة وأبو عودة وعبد الستار وزَبَدْ ) ..

وأنا أنهردة مش هأحكي أي حاجه عنهم , بس هعمل ريفريش لذاكرة إخواتي المانات , وبعدين نطلع لبعض العُق , حكم أنا يا قاتل يا مقتول في بيت ستي , طول ما في زبادي أنا رابص هنا ( واخد بالك يابيبو ) ..

والمفروض إن الملحمة المكتوبة أدناه كانت رد على خاطرة أخونا ضياء الحزينة جدا ( وحاجات لازم تموت ) .. بس وأنا برد بعد ما كتبت أول كلمتين لقيت نفسي داخل في موود تاني خالص , مود كلله تهييس وفرفشة وكان ناقص أجري وأقول يااااباااااااااا ... هموت يااابااااااااا ( واخدلي بالك انت يا ضياء ) علشان الجو يكمل .. ولأول مرة ف حياتي بعد ما كملت كتابة لقيت نفسي كاتب زَجَلْ .. ومش هطول عليكو , بس هستني حواديت الصبا والطفولة اللي ما بتنتهيش من كل الأعضاء وبالأخص ضؤة وبيييييييييييييييزو ( اللي هو بيبو يعني) .. ونور الدين .. وبلاش حافظ .

يلا إقرا يا دياااااااااااااااااء ...

تنويه : عن أبطال الأحداث ..

(1)أبو عسكونة شخص غلبان جدا لا بِيِه ولا عليه من بيتهم للحجه فراوله .. ومن الحجه فراوله للحجه كريمة .. ومن الحجةكريمة لبيتهم .. حياته على المنوال ده ومحدش يسألني يطلعوا مين فراوله وكريمه ,لأني فعلا ماعرفش .. ممكن يطلعوا أي حاجه ( غوازي .. مشايخ .. تجار شنطة ) أي حاجه بس الحرمتين دول كانوا كل عالم عسكونه .. لحد لما حصلت معاه حركة ما بتحصلش غير مع 1على 1000000 من البشر , ( ربنا يخليها للشعب الحكومه ) .. شقطته في ليله من ذات الليالي وهو راجع من عند الحجه فراوله ..

_ وإسمك إيه يبني ؟؟

_ إسمي السيد عسكونة يا بيه

_كنت فين يا حيوان يابن الشَشششششعب ؟؟

_ كنت عند الحاجه فراوله يا بيه .

_ وتطلع مين الحجه فراوله دي يا ...... أمك . ؟؟

_ ورحمة أمي يا بيه مااعرف .

_ إنت هتتلامض يا مقطف ( مَشّوها مقطف ) .. إديني بطاقتك .

_ معيش بطاقة ..

وهوب , نزل جوز عساكر شقطو عسكونه ورموه في البوكس ..

الحكومة إفتكرت عسكونه إرهابي وبيستعبط وبياخد أوامره من الحاجه فراوله الحمراوي عضو تنظيم القعدة .. ورايح يفجر نفسو في أي خرابة .. وهاتك يا تعزيب وتعليق وكهربا في كل فتحات جسمه التسعه ..

قعد كام شهر لعند لما طلع مايعرفش أي حاجه في حياتو غير الحاجه فراولة والحاجه كريمه ونسي بيته الضلع التالت في مثلث حياته .. ومن ذاك اليوم وهو هايم بينادي على الحجه فراوله والحاجه كريمه إلى أن توفاه الله (ربنا يرحمه) .

(2) الشخصية التانية .. هي أبو عودة .. وهو مثال مجسّد للرعب .. الرعب بكل معاني الكلمة .. عباره عن 100 متر طول و40 كيلو وزن و60 كيلو طوب وحجارة .. أنا أوعى عليه وهو عندو 80 سنة وماكبرش من يوميها ولا صغر لحد لما مات .. السكة اللي ينوجد فيها أبو عودة تُحرّم علينا أربعين يوم إن إحنا نمشي فيها .. وياما طار ورانا وطرنا وراه .

(3) الشخصية التالتة .. السيد بسّة .. وهو شخصية جلوبال شوية علشان كده مكنش بيظهر دايما في حياتنا بس كان بذيء جدا وإيدو ولسانو أطول من السنة السودة .. ومكنش بيفارقو نبُّوت غريب المنظر كان بيعمل بيه كل حاجه يضرب الناس ويتكأ عليه ويتطهر من الأحداث بجميع أنواعها بيه برضو .. وله فيه مآرب أخرى .

أسيبكو دلوقتي للزجل الظريف اللي كتبتو لضياء ..

ابن العراق

06-12-2005, 07:28 PM

لِسَّاكْ يَبْني فاكر التوت ..؟؟

والبلكونة وأحلى أغاني ..؟؟

فاكر محمد وأحمد وهاني ..

وأبو عسكونة ولا التاني ..

وعمَّك بِسَّة أبو نَبُّوتْ ..

فاكر يبني لما أبو عودة ..

قَطَع السِكّة ..

جينا نعدِّي واليلة سودة ..

وحصلت أزمة ..

سلِّم , سلِّم ع الهلفوت ..

وحسِّك عينك يطلع صوت ..

فتِّش فتِّش .. إبرِزْ إبرِزْ .. إقلَعْ إقلَعْ ..

خُدْ نضارتي ..

خُدْ حصّالْتي ..

وآدِي دماغك ..

يلاّ هبوسك ..

كده في البيس ..؟؟

سيبني أفوووت ..

وإبن الإيه , بعد الخضَّة ..

ما خلصهوشْ ..

يرضي خاطرنا ..

غير ب إتناشْ ..

قوول مِيِةْ شلُّوت ..!!

فاكر يَادْ أنا وانت وهُمّا ..

لما لعِبْنا وسط الزحمة ..

كنت قايلِّي .. باصِي وشُووت ..

أنا عايز ألعب .. أنا مش قِلَّة ..

جه هشام أخونا ..

كِده على غَفْلة ..

حَدَفَكْ يَبْني حِتَّة حَدْفَة ..

جَتْ في دراعَكْ ..

وانت بطِيبْتَكْ ..

وانت بتِبكي ..

قُلت يااالهوي ..

والقرآن لمَطَلَّع عينك ..

بس تجيلي في البيت عَنْدِي ..

بس أشوفك ..

وحياة أمي لآكل مصارينك ..

راح يا منيِّل في البيت عَنْدَك ..

وهو حمامه .. أيوه حمامه كان بيوِزَّكْ :

إضرَبْ إضرب خُد يلا حَقَّكْ ..

إكْسَرْ رِجْلْ وخَزَّقْ عِين ..

جِيِتْ يا خِيبِتْها تضرب , تِقْلِبْ ..

تضرب ميــــــــن ..!!

ده في طول جِدِّك ..

قُمت جرِيت ..

برِّة البيت ..

تخبط .. تِبْطَحْ ..

يخرب بيتك ..

ده انت حَوِيطْ ..

والله نَشَانْجِي يا إبن الإيه ..

جَتْ في دماغو إبن البيه ..

جبت سنانو , جبت عينيه ..

يادي النِيلَة .. يادي الوَقْعَه ..

هنعمل إيه ..؟؟

إجري .. إهرب ..

هنروح فين ..؟؟

أي مصيبة .. أي خرابة ..

إطلع بينا ع نور الدين ..

على بيت ستك ..

شُفْت النكبة ..

شفت الخيبة يابُوُزْ الإخْص ..

رُحْنا ف داهية ..

إحنا آخِرنا كده في الحَبْس ..

والله وكانت أحلي ليالي ..

والله وكانت أحلى سنين ..

أدفع عمري وأرجع تاني ..

طفل بيمشي مع الماشيين ..

يزعل , يفرح , يبكي ويضحك ..

في دقيقتين ..

ينسى الدنيا وينسى همومه ..

يعشق أمسه ويعيش يومه ..

ووقت اللعب ..

يطلع حتى برّه هدومه ..

آدي الدنيا .. وآدي حكايتنا ..

ياااه يا زمان .. على قصتنا ..

تهنا وتاهت بينا دنيتنا ..

ضياء عاصى

07-12-2005, 11:22 PM

شكرا حبيب كلبى ابن العراق

رجعتنا لموضوع رائع كاد ان يموت

وبما ان ذاكرتك قويه كده وقمأئتها لذيذه

انا جايلك فى السكه

ومعايا ضحكة محمد اخو ايهاب ( اهأ )

وتوجع محمد ابو عبده ( اشششششششششششش )

انتظرنى بكره

ابن العراق

07-12-2005, 11:49 PM

هههههههههههههههههههههه ...
المشكلة إن ضحكة محمد أخوا إيهاب ما تنحكيش ولا تنسمع ..
تنشاف بس :
( فتحة بقه الغريبة .. وسنانو كل سن بيدور في اتجاه مختلف غير التاني .. اللي بيدور مع عقارب الساعه واللي بيدور عكس عقارب الساعه .. واللي بيتحرك حركة أفقية .. واللي بيتحرك حركة رأسية .. والضروس وضعهم مختلف فيهم واحد شغال حلزوني والتاني يدور زي البريمة ف بقو ..والتالت بيتحرك زي البندول .. تحس ان جوفه فيه بير بترول بينقبو عليه .)
ولا أبو عبده ده أغرب رد فعل ممكن اشوفه ف حياتي ..
واحد داخل عليك وخبطك خبطة تجيب أجلك أو أقل شيء تعملك شلل نصفي .. المفروض انك تقول ايه :
( آآآي .. يالهوي ... ألحقوني ... هموت .. يابن ال....... ) لكن اششششششش .
اششششششش دي إيه مش فاهم ( حرف جر .. ولا أداة إستفهام .. ولا نستخدمها إزاي في قاموسنا ) .
هستنا منك الدلع كلله بكره .
كده العُقْ إشتغل .

ضياء عاصى

08-12-2005, 12:19 AM

هههههههههههههههههههههههههههههههههههههههههههههههههه ههههه

اشششششششششششششششششششش يارجلى

محمد ؟؟؟؟؟؟؟؟؟؟؟؟؟؟؟؟؟؟؟

فاكر لما مطر كان راكب الحمار ؟ حاول ينزل بس للأسف نزل بطريقه مينفعش تتحكى

من يومها مطر بقى مغيم على طول..

على فكره للناس اللى ميعرفوش الاخ مطر

مطر :: ده من ضمن اصدقاء طفولتى اللى هريتو مقالب وكان اخر مقلب هوه نزوله من على الحمار ... والحمار كان بيرفص من غير سبب

المهم : مطر ينزل زحلقه من على خلفية الحمار... راح الحمار رافص ورافع مطر لأعلى السماء برجليه .... وهبدو فى الارض ...

من يومها ومطر هوه اللى بقى يرفص

ابن العراق

08-12-2005, 12:47 AM

هههههههههههههههاااااااااااااااااااااااي ..
مطر من يوميها وهو انهبل يبني ...
يكون ماشي معاك وبنتكلم في موضوع خطير ( على فكره يا اخوانا مطر بيعمل دكتوراه دلوقتي في الفلسفه الإسلاميه , يعني المفروض يكون إنسان مثقف ) , المهم مطر نكون ماشيين في أمان الله وبنتكلم عن ( نيتشه وفلسفته ) .. فجأه يروح جاي ناطط على رقبتي وغارز سنانو في رقبتي (ناتش ) بتاع نص كيلو لحمه .
طيب ايه العلاقة بين( نيتشه) و(نتش) عروقي وأوردتي يا دكتور مطر ؟؟؟
ما تفهموش ... هو كده وخلاص ..
يا نسمع ونطيع ييكون نصينا رفصة محترمة من اللي حكى عنها أخونا ضياء ..
وبعدين وهو بيلعب معانا كوره .. بتسمعوا منه أعلى كلام وأعلى حركات ..
فجأه كده أكون واقف جنبه وواحد مباصيلي الكورة ألاقي اللي بيصرخ في ودني ويقول ( أبو حامد الغزاااااااالييييي ) .
طب إيه العلاقه بين أي حاجه ..؟؟
بيحسسني أن أبو حامد الغزالي ده البلاي ميكر بتاع الفريق مثلا ..
أكون داخل عليه بالكوره وهو معايا في الفرقه ألاقيه ناطط وخابطني بمؤخرتو في وشي .
والله اللي يشوف ماتش من ماتشاته يقعد سنه كامله يضحك ضحك متواصل ..
الله يسامحك يا ضياء أنا جاتلي هيستيريا ضحك دلوقتي .

ضياء عاصى

08-12-2005, 08:50 PM

النهارده بقى ياحلوين حفكركم بأغنيه الفها أعضاء بيت ستى على خناقه بين
( الدكتور عادل ابوزينب و محمد ابن جليله )
وعلى فكره الاغنيه على رتم أغنية ( طول الوقت ) بتاعة مصطفى كامل :

طول الوقت ...
داليا بتبطح وانا مش فاهم
ماسك راسى وبصرخ واهم
بتحدفنى يا ابن جليله ؟
طب والله لخليها ليله
هما يومين واخطفلك عيل
وانت دموعك سيبها تسيَل
وانا بما انى ... سايل دمى ..
سخسخت ..........
زيع يا بوميدان ...
هات الشيخ شعبان
هات الشرطه ... هات النقطه
ده عادل تعبان
*** *** ***
طول الوقت ....
رمضان نازل يلم حجاره
وانا فاكر سهتنتى شطاره
بعد صلاة الفجر نادونى
ولمبطحة شتيه خدونى
عادل أخويا صابو الزير
شال من راسو حلم كبير
يانى يا خيبتى ... طوبه صابتنى
وانا توهت ....
*** *** ***
روحى يا سوسو نادى العيله
بس ياخوفى السكه طويله
صابر بسه ايده حديد
جاب صلعة راسى الصييد
سيل دمى ... وكسر سنى
اتطرمت ....

RaHaF

21-12-2005, 04:16 PM

http://www.w6w.net/album/35/w6w_w6w_200504280521263a8fcf2a.gif

السلام عليكم جميعاً
انا كان لازم اشارك من زمان بهالموضوع الجميل
وذكريات بيت ستي ..
لانها فعلاً من اجمل الذكريات
-----
حسب ما تسردة لنا عائلة العبادلة الطيبه
وبنت القسام الغالية وابناء خالاتها
والجميع ممن
لم يحالفني حظي بذكر اسماؤهم
-----
انا عندي كتير ذكريات كمان
حابه اتزكرها وسجلها

اذن لي عودة قريبه

انتظروني

http://www.mowjeldoha.com/mix-pic/animated-gif/animat-3/fee064.gif

ضياء عاصى

11-01-2006, 02:24 AM

هلا بأختنا المنوره ( رهف ) وربنا مايحرمنا من طلتك على بيت ستى
بس انتى كل شهرين بتقولى نفس الكلام وتروحلى وترجعى بعد شهرين
انا حاسس انك بتروحى بيت ستك
*** ****
عموما كل سنه وانتى طيبه وكل اعضاء بيت ستى طيبين
( حافظ وهانى وابراهيم وهشام وعصام ونور الدين وابن العراق وبيبو واحمد عطايا وبنت القسام وميرا ورهف وبنات اخوات حافظ كلهم هبه ورنا وريم وريمان وسلاح التلميذ )
وانا طبعا فى الأخر لأنى انا الكبير بتاعهم ( كبير العيله من الاخر وبدون غرور )
فاكر انا ايام العيد الكبير ( قصدى الاضحى يعنى )
كنت اروح علشان اصلى العيد ( وملحقش الصلاه كالعاده ) بس كنت اعمل نفسى صليت وارجع مع الناس المصلين )
كنت الاقى كل اعضاء بيت ستى فى سابع نومه ( عيال كسلانه )
كل لما اصحى واحد يروح شاتمنى
مفيش غير انا وستى بس اللى صاحيين
المهم كنت اروح انادى عمى السيد ابو سالم علشان يدبح
وعمى السيد ابوسالم ده كان راجل صحتو على قدوا ومكنش بيقدر يكمل الدبح يعنى كان بيدبح نص رقبة الخروف ويسيبه
والخروف يجرى فى البيت وانا اجرى وراه والدم نازل منو ومغرق البيت
وطبعا عمى السيد ابوسالم كان نظرو ضعيف ( يروح ماسك الخروف وخانقو )
واهى موته والسلام
اقول لستى كل سنه : بلاش عمى السيد ده كل مره بيوكلنا الخروف فطيس
تقولى يابنى ده راجل مبروك وايده فيها البركه ودى عاده مش عاوزين نقطعها
ياستى حرام بقى كل سنه ناكل الخروف فطيس ( هوه احنا مسيحيين ؟)
ده احنا لو جبنا كلب ودبحناه احسنلنا.
ستى متخيله ان مناسك العيد مش حتتم الا بوجود عمى السيد ابوسالم ومصره انه احسن واحد بيدبح فى البلد ... فينك يا ستى تشوفى هانى ابن بنتك وايده تتلف فى حرير
بياكل رقبة الخروف فى وش واحد وبخبطه واحده . بس من غير ميتشاهد طبعا
ده انا مره طلعت نص الساطور من بطن بيبو
لقيت هانى معلق بيبو وبيسلخ فيه بدل الخروف
وللا ابن العراق اللى مره قطع ديل الخروف قبل ما يدبحو .... قال ايه ( علشان يشل حركتو ).
وعصام اللى لقيتو مره بيسرح شعر الخروف ومصر انويعملو كاريه علشان يموت روش .
وهشام كان بيحط الجوزة فى حنك الخروف علشان يموت متكيف.
واحمد عطايا كان بيموت الخروف بوضع ريشة وزه فى ودنه.
وحافظ كان بيموت الخروف بسبع حركات هوه عارفها .
وابراهيم بيموت الخروف من الضرب ( بوانى يعنى )
ونور الدين كان بيخزق عنين الخروف قبل الدبح ( اصل عنده عقده من موضوع العينين خاصة لو الخروف عنيه خضرا وكبيره )
وخالد كان بيموت الخروف من الضحك .
انما انا ماشاء الله عليا فى الحكمه والرزانه والتدين ( كنت بخلى الخروف ينزل رقص واطبلو لغاية مايغمى عليه واطب عليه يقزازة بيبسى مكسوره )
كنت بحس انى بموت دينا الرقاصه مش الخروف
.
والبهوات طبعا النايمين يصحوا يلاقونى شاوى اللحمه وعينى طالعه قدام الكانون ( الشوايه يعنى باللغه الحديثه يا شباب اليومين دول )
العيال دول تعبونى كتير وغلبونى انا وستى ربنا يرحمها ويرحم جميع الاموات .
ادعولهم بالرحمه بالله عليكم ( ستى وخالى ابواحمد وخالى ابوهشام )
وكل عام وانتم بخير
كفايه كده اصلى هعيط وانكد عليكم وانتو شوية عيال غم وهم

بااااااااااااااااااااااااااااااااااااااااااااااى

بنت القسام

11-01-2006, 03:50 AM

السلام عليكم ورحمة الله وبركاته

الله يرحم اموات المسلمين جميعاً

ومنهم ستي ووالدي وزوج خالتي

والله يرحم شهداء فلسطين والعراق والشيشان:icon36:

اما بالنسبة لذكريات الطفولة:icon36: فأنا مش كتير بتذكر اشياء عن

الطفولةلانه انا كنت بمصر وما كنت بختلط اختلاط كامل بحدا يعني كل ذكرياتي

مع امي:heartpump ولليوم هي الصديقة الاولي والاخيرة ليه بالاضافةلاخواتي

البنات وبنات اخواتي وزوجة اخي كمان الله ما يحرمني منهم جميعاً.

وبترك الذكريات للشباب:S_43: :smokin: لانهم اكتر لف بالشوارع منا البنات بس مش

كل البنات طبعاً:laugh2: لانه انا واثقة من انه انا حالة نادرة حسب ما :grins: بشوف البنات :icon103: إلي بعرفهم بيموتوا يطلعوا وينزلوا.

وتحياتي لابن العراق واحمد عطايا وضياء و هاني عاصي و الخطيب

بارك الله في الجميع:heart:

ميرا فلسطينية

11-01-2006, 04:16 AM

تحياتي لجميع اهل الدار
دار ستكم وستي وستات الجميع

حابة اتضامن اولا مع الخرفان.. كلهم واحد واحد وقرنا قرنا
خاصة خرفان ال10 سنين الاخيرة بيت ستكم يا ضياء
كلهم بلا استثناء من الخروف اللي مات بقزازة بيبسي:sad: للخروف اللي مات من :ups:الضحك:angry2:

اما بعد,
اخشى ان اكون.. مثلك يا هديل..
يعني بصراحة ذكرياتي كتير انفرادية وتفردية
مع اني عشت ب"حارة" خاصة بعيلتنا وكان في حياة طفولة
الا انه تنوع المدارس وتنقلي ما بين بلدتي وما بين القدس الشرقية شتتني شوي
واطلعت عصامية التفكير واللعب حتي :biggrin2: :ups:
فشو بدي اتذكرلكم؟؟

وبما انه احنا بالعيد..

خلينا نروح على يوم من ايام ما قبل العيد
صار ظروف اانه والدي جاب الخروف بدري
يعني قبل العيد يمكن ب3 اسابيع
وهالخروف اللذيذ (لذيذ المظهر :angry2: مش لذيذ اللحمة!:angry2: ) كتير كان ودود وطيب ومطيع
حبيته المفعووووص!
ما بعرف:confused-
مع اني مش بتوع الحيوانات الاليفة وهالقصص
واسكتو صار في بينا عيش وملح
http://www.lakii.com/vb/smile/19_9.gif
واللاذي منه

ولما اجا العيد يا حبة عيني
:sad:
كان بالنسبة لي نكبة جديدة على وشك الحصول
ووضعت فعلا خطة عملية لانقاذ الخروف
لكن المشكلة اني ما بقدر المس ولا اي حيوان بالدنيا انشاء الله عصفور ملون

ومن برائتيhttp://www.lakii.com/vb/smile/19_36.gif(سذاجتي متلا؟) http://www.lakii.com/vb/smile/19_36.gifفكرت اني ممكن اقنع بابا يخلي سبيلو للخروف

والنهاية معروفة طبعا
:sad:
اسفة اذا اللي بكوا على خرفان بيت ستو لضيااء
رح يبكو http://www.lakii.com/vb/smile/19_29.gifكمان على خروفنا

http://www.lakii.com/vb/smile/19_49.gif

ساااااااااااااااامحوني
وسلام يا احلى عالم

ضياء عاصى

11-01-2006, 04:20 AM

وبترك الذكريات للشباب:S_43: :smokin: لانهم اكتر لف بالشوارع منا البنات بس مش
كل البنات طبعاً:laugh2: لانه انا واثقة من انه انا حالة نادره

اه لو سمعتك واحده من البنات اللى بيحبوا اللف زى ( دعاء كرتونه وللا سماح ركب )
حتيجى تطربق بيت ستنا على دماغنا

ضياء عاصى

11-01-2006, 04:31 AM

الا انه تنوع المدارس وتنقلي ما بين بلدتي وما بين القدس الشرقية شتتني شوي
أهلا بسفيرة بيت ستنا فى بيت ست القدس الشرقيه والغربيه

مع اني مش بتوع الحيوانات الاليفة وهالقصص

لا ميره انتى كده غلطتى فى الكلب بتاعى ... ومالها انشاء الله الحيوانات الاليفه ؟؟؟ ناقصه ايد وللا ناقصه رجل ؟

ولما اجا العيد يا حبة عيني
:sad:

ههههههههههههههه رائع لفظ حبة العين ده ... الله يمسيكى بالخير يامامى
ديما بتقولى يا حبة عينى ... يعنى انا كده قيمتى عند امى زى قيمة الخروف عندك يا ميرا:horror:

تحياتى لك يا خفيفة الظل ودمتم بذكرياتكم الطيبه

ابنة فلسطين

11-01-2006, 06:16 PM

السلام عليكم

والله موضوع حلو كتير...كنت دايما اشوف العنوان من دون م افوت اقرأو لضيق الوقت

بس ما شالله موضوع ممتع وحلو كتير...خاصة مع ذكريات الاخ ضياء ماشالله عنو...

بالنسبة الي انا بفترة طفولتي م كنتش بلبنان وكنت بعيدة عن عيلتي ..بس عشت فترة من باقي طفولتي وكان في كتير مواقف حلوة تصير

بما انو هلا الحديث عن احداث تقريبا صارت بعيد الاضحى

رح احكيلكو حادثة حلوة صارت عند ستي

ستي من عادتها كل عيد اضحى بتحب تذبح خروف ..هي طبعا مش سيدي...
بتشتري الخروف من عند أعمامي لانهم لحامين ...وطبعا اللي بيذبحلها اياه ابوي لانو باقي العيلة بتكون مشغولة بمصالحها ..باللحمة يعني...

في عيد من الاعياد...اجا يوم عرفة وبعدهن مش جايبين اولاد عمي الخروف لستي
اجا تاني اليوم اول ايام العيد..وبعدو الخروف ما وصلش عالبيت
من اذان الفجر وستي تتصل فيهن يجيبولها الخروف..بس طبعا انتو بتعرفو اللحامين رزقهن بهالايام وما حدا فاضي يجيبها الخروف يا حرام
صارت الساعة 7 وما في خروف.....
كنت مجتمعة انا وبنات عمي والعيلة كلها نصلي صلاة العيد بالبيت عند ستي ...قالتلنا ما حدا بصلي الا ليجيبولي الخروف
رحت اتصلت فيهن يجيبوه..عشان نصلي ....حكولها اه ....بس كمان ما جابولها اياه
سيدي والكل يحكيلها مش مشكلة لو ذبحناه تاني يوم ..هلا الكل مشغول ..
بس بدكو ستي تقتنع...خلص عصبت وبدها الخروف ينذبح اول يوم يعني اول يوم...
صارت الساعة 11 والكل ناطر امير الامراء اللي هو الخروف ييجي ..بس ما اجا
واخيرا ..اتصلو حكولها انو الخروف عالطريق...كلنا انبسطنا وبعد شوي بدنا نزغرد
بس حكولها هيك..يا حزركو شو عملت؟؟؟؟
راحت عند عمي قالتلو خلص انا ما بدي الخروف.....م انا هيك هيك ما كنت ناوية السنة..خليها للسنة الجاي...تخيلو !!!
ضحكنا ..ورجعولها حق الخروف.....
بس فكركو القصة خلصت
سيدي عرف انو الخروف بطل ييجي عالبيت
طلع معاه العقل الصفوري وعصب على ستي يا حرام
وقالها الخروف بدو ييجي عالبيت يعني بدو ييجي
وبلشت مشاكل الختيارية الحلوة...
وحلف يمين سيدي على ستي انو لا هو ولا هي ياكلو لحمة هالعيد...واذا اكلت...شو رح يصير...خلص بلاش م احكي
بس اجا الخروف....مين بدو يذبحو.؟؟؟؟؟؟ طبعا ابوي......بس وين ابوي؟؟؟؟الله اعلم...يمكن راح يعيّد
عصبو الختيارية ساعتها ...
والله يرضى عليه سيدي رجع قوة 70 سنة لورا ...يعني صار ابن 17 سنة وذبح هو الخروف
وراحت اللحمة على ستي ...يا حرام...
ما اكلت لحمة ولا انبسطت العيد كلو...:z050:

هاي ابسط نهفة من النهفات تبعون بيت ستي ....

ضياء عاصى

12-01-2006, 08:53 PM

هههههههههههههههههههههههه

جميله حكايته اختى ابنة فلسطين

منتى شاطره اهوه وبتعرفى تحكى .. امال ساكته ليه ؟؟؟؟

تحياتى لك اختى وهلا بيكى ومنوره بيت ستنا

ابن العراق

15-01-2006, 11:45 PM

سلام يا حلوين .. ومساء الذكريات العذبة والأيام الحلوة وأحلى قفشات ..
أنا أنهردة هبدأ الحكاية من آخرها ... يوم وفاة ستي .
لا خلاص ما تمشوش .. ده موقف كوميدي مش تراجيدي .. حكم إحنا عيلة فقرية بتخلق النكتة في أحلك اللحظات ...
إسمع يابني إنت وهي ..ما تلزقش كده يا بيبو إبعد شوية هي مش ناقصة كبريتيد الحديديك يعني .. وإنت يا ضو وسِّع لأخواتك علشان يسمعوا( المفروض يشوفوا بس مشوها مجازا يسمعوا ) وما تنعسش الله يكرم أصلك ياشيخ .. هاتو أحمد يا ولاه ماسك في 15 واحد في الشارع برة طحنهم ضرب ... وهاني أفندي رابص في الباتروس حد يبعت يجيبه على يد عسكري , حكم هو بطل الحكِّيوَه دي ... ياعم نور الدين إرحم نفسك شوية وكفاية قراية ده إنت عينيك بقت تيبيكال بحلق رافسينجاني ( السعودي مش الإيراني ).. حافظ فين يا ولاه ؟؟؟ ..بيثبِّت في هلتون باريس وهيخليها تسجل في العبادلة وتشهر إسلامها , والله بارك الله فيه , أهو ندلع إرواحنا شوية ؟؟ . وإبراهيم ؟؟؟ الله أعلم ( الكل قالها في نفس واحد , ما شاء الله عليكو حافظين) ..
والبنات الظريفات .. كللهم موجودين ... طيب .. إسمعوا بقا يا ولادي ويا بناتي الموقف ده :
الزمان : يوم وفاة ستي الله يرحمها ويرحم موتى المسلمين جميعا .. لحظة الدفن .. كل الجمع صامت , منتظرين الشيخ حتى يشرع في وعظ الناس .. ورهبة الموت تلف المكان وكل الموجودين .
المكان : المدافن طبعا , مش هتكون في الشيراتون .
أنا واقف .. وواقف جنبي هاني بيبكي بصوت مسموع هااااااه ... هاااااااه ..... هااااااه ــــــــ وأنا واقف جنبه هفطس على روحي من الضحك مش قادر .. صوت هاني وهو بيعيط قادر إنه يقلب أي موقف لقمة الكوميديا ــــــــ وجنبي واقف نور الدين حاله من حالي ــــــ بعديه بيبو بيمَسِّد لحد ما ـــــــــ وأحمد حاطط عينه على الشيخ ياكله علقة بعد ما يخلص خطبة ــــــــ ضياء أفندي كان في الجيش عامل مصيبة هنحكيلكوا عليها بعدين ــــــ وبعدين ناس كتيرة.
لمحت بطرف عيني راجل كبير داخل على هاني والسكون يلف المكان , وبيقوله إيه .. ونبي يا دكتور أني حاسس بسخونية وجسمي بينشُر عليا ... هاني عالجه برد سريع وهو بينهنه روح يا آبا الحج إستحمى وتغطى ونام .. ريحتك بتقول إنك بقالك سنة و4 شهور ما استحمتش :ups: إحنا في ستي آآآآآآآه ولا في الجرب اللي عندك ... أنا طبعا سمعت الرد طلعت مني ضحكة عفوية داريتها في منديلي وعملت نفسي بعيط ..
ثواني ودخل عليه راجل تاني ومادد إيده بيعَزِّيه : البقاء لله يا توكتور ( نطقها كده ) والله المرحومه إلها وحشة ...
هاني رد عليه وقللو :إنت هتستعبط يا عم الحج ده بقالها 40 سنة ما طلعتش من البيت يا عند بناتها يا ف بيتها وإحنا عندها وأنا أول مره أشوفك في حياتي أساسا ( تخيلوا الكلام ده كلله إتقال وهاني بيعيط ) ...
فجأة دخل عليه راجل تالت وما زال السكون يلف المكان : أنا قلت هاني هياكله بالشلوت في بطنه ويخلص الميتم بخناقة .. هاني فاجئني بأغرب رد سمعته في حياتي قبل الراجل ما ينطق .. راح جاي هاني مرمي عليه وبوس وأحضان وفجأة هاني إبتسم إبتسامة عريضة وقللو بصوت جهور سمّع كل البشرية كل سنة وإنت طيب يا عم الحج .... أنا مسكت الخيط منه ومارضيتش أسيبه من إيدي ووجهت كلامي لهاني : إيه يا هاني هو أبوك الحج عيد ميلاده أنهردة ولا إيه ؟؟..طيب ربنا يطول في عمرك يابا الحاج وتعيش وتدفننا إحنا الكل ... وبالمناسبة السعيدة دي إحنا هنعدي عليك بربطة المعلم كلنا كدة (أهل المتوفاة يعني) وإحنا علينا التورتة وإنت عليك الشمع ..
فجأة لقينا كل الناس اللي جاية تدفن مرمية على بطونها من الضحك .. والشيخ اللي هيخطب كان بيتبعلط فوق القبور جاتله هيستيريا من الضحك ( طبعا محدش إتجرأ وحاول يوعِّيه إن البعلطة فوق القبور حرام ) حكم مشايخ القبور دي بتعض .
وكان يوم تعيس تعيس تعيس في حياتنا ..
الله يرحمك ياستي

ميرا فلسطينية

16-01-2006, 05:53 PM

تحياتي وسلاماتي
برافو ابن العراق
:Mbravo: :smilieA5: :raheeb:
رغم اني بعرف هاي القصة :action-sm :ask:
لكن فعلا ضحكتني وبشدة :wilted_ro
وحتى لو كان بالاصل هو يوم محزن طبعا..

لكن لله في خلقه شؤون:wilted_ro

الله يرحم الحجة ويجعل مثواها الجنة آمين
والسلام عليكم ورحمة الله

ضياء عاصى

20-01-2006, 12:52 AM

السلام عليكم ...
النهارده حنفتكر مع بعض شخصية ( رضا ) أحد الزائرين لبيت ستى ومن اصدقاء طفولتى الشخصيين ..

وانا فى اولى ثانوى كان نور الدين فى الصف الثالث الاعدادى ... كان بييجى من ابوحماد يذاكر معى فى بيت ستى ... طبعا كنا بنقضيها نكت ولعب واكل وخلاص
( رضا ) كان فى الصف الثالث الاعدادى للمره الخامسه ... وكل يوم يعدى علينا فى بيت ستى ويسأل نور الدين سؤال فى الجغرافيا وطبعا نور الدين مكنش يعرفوا ... ولا انا كمان ... اخونا رضا يفضل ينصح فينا ويقول لنور الدين لازم تذاكر ويوصفله الطريقه المثلى للمذاكره .

عدت السنه والامتحانات ... ونور الدين ربنا كرمو وجاب مجموع كبير ودخل الثانويه العامه .
ولما قابلت ( رضا ) سألته عملت ايه ؟؟
لقيته راح مرمى عالأرض ومتبعلط
قلت دى اكيد بعلطة الفرحه
مبروووك يا رضا
أخيرا ... ؟؟؟؟
قاللى هوه فعلا اخيرا .... دى اخر سنه ليا فى المدارس
*** *** ***
رضا ده من اكتر الشخصيات الفطريه فى العالم ...

مره جالنا واحنا سهرانين فى بيت ستى ( بربطة المعلم )
وسأل رضا أخونا حافظ ........... انت مبتتجوزش ليه ؟؟؟؟؟؟؟؟؟؟
حافظ قاللو : لسه مقابلتش بنت الحلال المناسبه
رد ( رضا ) : انا اعرف واحده سكتك ... ابوها ايه ؟؟؟؟
( وراح مشاور بأيديه تعبيرا عن رزم الفلوس اللى عند ابوها .... )
حافظ رد عليه : فين دى يا رضا ... ؟
قاللوا : من البر التانى ...
فين البر التانى ده يا رضا .. ؟؟
رد رضا : عند عرب جنديه كده
حافظ رد عليه : وابوها عندها ارض كبيره وبهايم ؟؟
قاللو : وغنم كمان وبط ووز وحمير حصااااااااااوى

يا صلاة النبى يا ( رضا )

طب وان شاء الله الغنم والبهايم والحمير الحصااااااوى دول سكتى ؟؟؟

وليه لأ ... مايمكن يعملو الادويه بعد كده من رفث البهايم والحمير الحصاااااااااوى

ساعتها بقى نفتح اكبر مجموعة صيدليات فى مصر ... ( عالج نفسك بنفسك )

شعار ( منك لبهايمك ) ...

وبدل ميكون ( ثعبان وكاس ) ... يبقى ( حمار وزريبه )

ياحلاوه ياولاااااااااااااااه .... والنبى يادكتور حافظ : إدينى بشيلن اسبرين حصاااااااااااااااوى وسجل عالنوته .

يمسيك بالخير يا رضا

وعلى رأى ستى الله يرحمها .... ماشاء الله عليك فى عمايل الشاى ....

نورالدين المهاجر

20-01-2006, 10:28 PM

والله هو رضا مشكلتو ماكانتش في انو بيذاكر أو لأ , المشكلة انو رضا كان بيذاكر الأسئلة فقط لذلك كان شاطر في الأسئلة وأول ماتطلب مننو يسألك تلاقيه نازل فوق دماغك أسئلة صعبة وكلها مالهاش إجابات , ولكن -- حد الله -- عمرو ماعرف إجابة سؤال واحد من اللي كان بيسألهم , لذلك أنا أعتقد ان رضا كان لما بيدخل لجنة الإمتحان بيعتمد طريقة نابليون بونابرت -- الهجوم خير وسيلة للدفاع -- فكان بينهال بالأسئلة الصعبة إياها اللي كان بيسألهالي على رؤوس القائمين على وضع الأسئلة وكان بيملا ورقة الإجابة أسئلة صعبة --- دي قدام دي --- ولذلك كانوا بيضطهدوه ويسقطوه كل سنة ياحرام
شفتو رضا مظلوم ازاي .....

ضياء عاصى

20-01-2006, 10:41 PM

أبنائى , أعزائى , ابناء خالاتى , فلذات اكبادى واكباد خالاتى ...

هحكيلكو النهارده حكايه حصلت مع احد اعضاء بيت ستى . ومنعا للحساسيات و الحزازيات ... سامحونى .. هكون على غير العاده ومش هقدر اصرح بإسم بطل القصه ... وجدلا ممكن نسميه ( الورده الحمرا ) .

أخونا ( الورده الحمرا ) مقاوح وبيحط نفسو فى مواقف هوه مش قدها دايما ... لكن المره دى حط نفسه فى موقف السيارات النقل وراح واقف قدام عربيه نقل حمولة ( 50.000 ) طن ... وقال ايه هيتحداها ؟؟؟

العربيه تقولله يا ( ورده ياحمرا ) ابعد عن طريقى ... وهوه يقول لا ... منتيش معديه من هنا ... الكلام ده طبعا ايام لما كان بينطق النون (نون) بجد وليست (دود) ... المهم العربيه النقل زهقت من المقاوحه وراحت داخله بحمولتها فى مناخير ( الورده الحمرا ) والغريبه انها دخلت فى المناخير بس ... من شدة الصدمه امتدت فتحات مناخير الورده الحمراه لغاية ما وصلت قفاه ... وبقت فتحه لدخول الهواء وفتحه لخروجه ( بقت حاجه كده زى مروحة الشفط ) ...

طبعا بسرعه طلبنا الاسعاف ... والحمد لله لم ينتقل (الورده الحمراء) الى رحمة الله تعالى ولكنه نقل الى مستشفى الجامعه ( قسم سد فتحات المناخير ) ... وطلبنا أكبر مناخير ( قصدى اكبر دكتور بالمستشفى ) . وراح الدكتور ماسك فتحتين المناخير وهاتك يا حشى القطن ( شوال قطن كامل ) تم تدكيكه فى كلا الفتحتين لوقف النزيف ... وبما انى اقرب الناس الى مناخيره ( قصدى اليه ) كنت دايما انا المرافق له فى المستشفى ... وفى اول ليله قضيتها معاه فى المستشفى ... كبس عليا النوم ... كان فيه فى الاوضه سريرين .. انا على سرير وهوه على التانى ... للأسف السرير بتاعى مكنش مريح ( سرير بلوحين خشب بس ) روحت منقول على سرير (الوره الحمرا) ... وغرقت جنبه فى النوم ...

ايجت خالتى أم ( الورده الحمرا )الصبح وصحتنى على الصوت ( إبنى راح فين ؟؟ ) إبنى مات ياضياء ؟؟ .... انا زهلت ... الواد راح فين ياخالتى ؟؟؟ ... كان نايم هنا جنبى عالسرير ... ليكون عمل فى نفسو حاجه ... ونجرى انا وخالتى والدكتور والممرضات ورا بعض فى المستشفى ... كان فيهم ممرضه حرشه وحبشه شويه ... افتكرت فى الاول ان الورده الحمرا كان مثبتها وملاغيها ... البت هرت عينيها من العياط ...

قلتلها معلش يا صبيه ... بنلاقيه حى ان شاء الله ... وسألتها ... هوه انتى ياختى تعرفيه من امتى ؟؟؟ راحت الممرضه زادت فى العياط وقلعت نص شعرها ... معقوله يا صبيه أثر عليكى للدرجه دى ؟؟؟

والله انك فارس ياورده يا حمرا ... وانا اللى كنت فاكره خيبه وسهتان ...

المهم لقيت الممرضه راحت مسكانى من لياقة التيشيرت اللى خالى كان جايبهولى من السعوديه ... وبتهددنى وبتقوللى ( لا ... انا حقى ميضعش هدر ... انا مش حسيبك الا لما تجيبلى كل علب المناديل اللى ابن خالتك ضربهم منى امبارح ) .

يالهوى بالى .... مناديل ايه يابنت ستين ... ... ....

الود طافش ... ولو طلع خارج المستشفى ممكن اى صاعقة رياح تدخل فى مناخيره وتطيرله ودانو ... وانتى جايه تقوليلى مناديل ؟؟؟ ... وانهلت عليها ضرب وبوانى وشلاليت ...

المهم ... ندور يمين فى شمال ... وانا كنت لسه صاحى من النوم ( واجاركم الله عليا لما اكون لسه صاحى من النوم ) الملاك البرىء الطاهر اللى انتو شايفينو دلوقتى بيكون زى الاشكيف وهوه لسه صاحى من النوم ... بتنقلب وسامتى وجمالى الى حربايه لا تسر عدو ولا حبيب ... بحس ان مقلوب عليا كوم طين ... معرفش اللحمسه اللى على وجهى دى بتيجى منين ... لكن لما اغسل وجهى بالصابونه الكامى واحط فير اند لفلى بكون احلى من محمد ثروت ...

وانا بجرى فى المستشفى سمعت صوت قطه وقط تحت بير السلم ... اتدحلبت وانقضيت عليهم لقيت قال ايه .....؟؟؟؟

الورده الحمرا ماسكه قطه بتلاعب فيها .... ياشورتك السودا ... احنا افتكرناك انتحرت وانت قاعد بتلعب مع القطه ... قاللى معلش يا ضياء أصلها بتفكرنى بدأوووود... دأود ايه ياله قوم من هنا ... قاللى حرام عليك سيب القطه ( دى بلالالالالالالاك بلالالالالالالالاك ) قصده ملاك ...

سألته ايه اللى خلاك تقوم من على السرير ؟؟؟ .... قاللى انا معرفتش طول الليل انام منك ...

ساعتها عرفت بالمأساه بتاعتى فى النوم ... وعرفت ايه سبب اللحمسه اللى بتكون على وجهى لما اصحى من النوم ... اتارينى طلعت بنام عالسرير بالعرض ... وساعات باقع من عالسرير واتبعلط عالارض ... قررت انى اغير من الطبع ده فى النوم ... ومن يومها وانا بنام عالأرض دايركت ... يعنى علشان المساحه اكبر وبأقدر اتجول اكتر ... وحفاظا على وسامتى واشراقتى باروح ملبس راسى فى كيس بلاستك ( زى الكيس اللى فيه عقد البيت بتاع ابويا ) ...

وبرضو بأصحى الاقى وجهى متلحمس ...

باااااااااااااااااى يا شوية عياااااااااااااال ...( عياااااااااااااالى ياراااااااااااااااااااااااب ) .

بنت القسام

21-01-2006, 06:24 PM

السلام عليكم ورحمة الله وبركاته

في البداية وزي كل مره أحب اقولكم أنه انا ماليش ذكريات كالعادة:grins: :laugh2: :grins:

عشان كده انا برحب بالاخت محبوبة الحبوبة بزواية بيت ستي :biggthump

وعقبال باقي الاعضاء لما يفتحوا قلوبهم وعقولهم لينا :wub:

وادينا بنستني( انهردة) علي رأي الأخ الوردة الحمراء :S_45: مشاركة الأخت محبوبة :bravo2:

وانشاء الله ( ذا) الموضوع ينال اعجاب الجميع :icon30:

ضياء عاصى

21-01-2006, 09:24 PM

عشان كده انا برحب بالاخت محبوبة الحبوبة بزواية بيت ستي :biggthump
زاوية ؟؟؟؟ بس الاخت محبوبه مبتشربش سجاير والنبى

وعقبال باقي الاعضاء لما يفتحوا قلوبهم وعقولهم لينا :wub:

والله انا رأيى كده ... أصل بينى وبينكم البيت ده يتحب واللى يعرفو يدخل الجنه

وانشاء الله ( ذا) الموضوع ينال اعجاب الجميع :icon30:

ان شاء الله الاخت محبوبه بالطريقه هاذ ... مش حنشوف وجهها تانى

ضياء عاصى

10-02-2006, 06:45 PM

اول ما تخرجت من الجامعه ... اشتغلت فى مصنع لتغليف الفواكه وتصديرها . المصنع كان عبارة عن صاله كبيره كلها ماكينات تغليف ... وغرفة الكهرباء اللى انا كنت قاعد فيها عباره عن غرفه زجاج متشعلقه فى سقف المصنع ..

المصنع كان عباره عن 900 بنت شغالين فى السرد والتغليف ... وأنا كنت الراجل الوحيد ( أيام لما كان فيه رجاله ) ... ومفروض انى أشرف عليهم وعلى الماكينات ... لكنى كنت بخاف انزل تحت واشرف عليهم وكنت أفضل قاعد فى الغرفه فوق ... وطول مانا قاعد الاقى البرتقال عمال يتحدف عليا والمعاكسات بقى ( اللى تقوللى انزل ياجميل الماكنه باظت واللى تقوللى يا مهندس يا تقيل انزل واللى تحدفنى ببرتقاله بسره مرسوم عليها قلبين وسهم ) ومعاكسات قميئه من اللى انتو عارفينها ...

وفى يوم لقيت بت اسمها كواكب طالعالى فوق ( كواكب دى بقى كانت طولها 3 متر او اكتر والبرتقاله المتقشره ساتره نفسها عن كواكب ) .

قلتلها : جرى ايه يا ماما ؟؟ أيه اللى مطلعك هنا ؟؟

قالتلى : عاوزه رقم تليفونك ... وش كده وبدون خجل

قلتلها : نعم يا ختى ؟؟؟ احنا معندناش تليفون ... لسه مدخلوش فى بلدنا تليفونات ...

قالتلى : أوك يابوب ... خد رقمى اهوه ...

قلتلها : ليه بقى ؟؟؟ انتى ناويه تعتزلى الفن وترقدى فى البيت ؟؟؟

قالتلى : لا ... بس علشان نبقى ندردش مع بعض

قلتلها : ندردش فى ايه يا كواكب ؟؟؟ ده انتى ركبك اطول منى ...

روحى اجرى شوفى واحد طولك تعرفو تدردشو مع بعض ...

ده انتى فاضلك 2 سنتى وتلعبى كرة طايره

قالتلى : أمال عامللى فيها مهندس ومربيلى سكسوكه على ايه ؟؟

قلتلها : جرى ايه يابنت الواطيه .. انجرى يلا من هنا ... بدل ما اجرجرك من شعرك على سير الفرز وأطلعك من غير الميك أب اللى انتى عاملاه فى سدادينك ده . دى ركب بنى ادمه دى ؟؟ مش تلبسى شراب طيب ؟؟؟ فيه شرابات طويله كده البنات بيلبسوها ... علشان تدارى القشف والجلخ اللى فى الرجلين .

راحت البت نازله جرى ومن يومها ماشوفتهاش فى المصنع .

بعد يومين لقيت واحده تانيه طالعه برضو للغرفه اللى انا فيها فوق ...

وبتقوللى انا اسمى عواطف ( عواطف دى كان طولها تقريبا 90 سنتى ... ولابسه بنطلون استريتش جايب لغاية زورها من فوق )

قلتلها : ايه يا عواطف بنطلون المريول اللى انتى لابساه ده

عاوزه ايه ؟؟؟ أى خدمه يعنى ؟؟؟

قالتلى : والله يا أستاذ ضياء انت محترم وانا بحس انك أخويا

قلتلها والدمعه حتفر من عينى : انتى اخوكى مات فى حادثه وللا حاجه ؟؟؟

قالتلى : لا بعد الشر ... بس انت زوق وانا معجبه بيك .

قلتلها : طب والمطلوب منى ايه دلوقتى ... خلصى قولى عاوزه ايه انى حيجيلى هبوط من كلامك . يا عواطف انا قربت اتشل .

قالتلى : عاوزه نبقى صحاب .

قلتلها : طب بصى بقى ... انى مش قاعدلك فى ام المصنع ده يوم واحد بعد كده .

قالتلى : والنبى ما تمشى يا أستاذ ضياء .. احنا اتعودنا عليك .

قلتلها : أستاذ ايه يابه .. هوه احنا فى مدرسه ؟؟ واتعودتو على ايه يخرب بيتكو .. ده انا خايف ليحصل فيا حاجه منكو ... انا لسه مدخلتش دنيا ... أبوس على ايدك يا ابله عواطف سيبينى انفد من هنا بجلدى ...

ورحت نازل لمدير المصنع ... قلتلو خلى بالك انا مش جاى هنا تانى

قاللى : ليه بس ؟

قلتله : أنا أشرفلى أروح اشتغل فى الغردقه ... ده انا ممكن أتاكل جوه ... ده عرب نمنم شغالين جوه يا ريس

ورحت قالع اليونيفورم الظريف وراميه فى وجهه وقلتله باى يا معلم وابقى سلملى على كواكب وعواطف . أنا أمى محتاجانى .... أروح اقعد جنبها أحسن بدل متفقدنى

قاللى : طب خد حسابك ( خمسين جنيه )

قلتلو : إبقى اديهم لكواكب خليها تجيبلها شرابين من الطوال دول .

أبوحاتم

10-02-2006, 07:14 PM

حلووة يا ضياء

هههههههه

طيب كويس الراجل اللي تذكر الخمسين جنيه

تحياتي

ضياء عاصى

24-03-2006, 01:08 AM

اهلا بالجميع

النهارده وانا قاعد عالنت ( النت كافى يعنى ) افتكرت مصطلحات كانت ستى دايما تقولها

دى شويه منها واللى قدرت افتكروا ... بس متضحكوش ومتتريقوش احسنلكو

أخيه وابيه دلدل رجليه ... ( كانت تقولهالى اول متشوفنى ... ده من فرحتها بيا طبعا )

تسلم ايدك ياضياء فى عمايل الشاى

انت بقيت حسيس ومزوق من يوم مارحت مصر ( القاهره يعنى )

سيبونى اتكلم ( هههههههههههههههه كانت دايما بترددها لانى كنت اشغل اغنيه عاصى الحلانى كتير .. شقى بقى )

الفلاح لما بيتمدن بيجيب لاهله اللعنه

أم كراسيع

أم هلاك

العارف لا يعرف

ابو حنك زى شرم البلغه ( ده كان على احد اعضاء البيت )

روح يا شيخ أنى ما سامحتك ( برضو لاحد أعضاء البيت )

حفيظ ( لما تيجى تدلع المدير )

الرفايع ( شوك ومعالق وسكاكين )

يا زربوووووووووووووووووووود

ضياء عاصى

03-04-2006, 10:07 PM

السلام عليكم يا أعضاء بيتنا النائمين

صحوا النوم و اسمعو الحكايه دى

يوم حفل تخرج أخونا الغالى ( خطاب ) من الاكاديميه البحريه

روحنا طبعا بربطة المعلم نحضر الأحتفال

أنا ( غنى عن التعريف طبعا ضياء عاصى على سن ورمح ملك الاحتفالات السعيده ... والحزينه لأ .. ) و حافظ وبيدو و أحمد يحيى ( ده صديقنا الأنتيخ ) وإبن العراق المختفى ....

المهم بدأ الاحتفال وناس حاضرين من كل بقاع الدول العربيه الشقيقه

مقولكوش بقى بريستيجات ايه واتيكيتات ايه وحاجات كده مبنشوفهاش غير فى الافلام الهندى ... المهم بدأ الاحتفال والطلبه الخريجين لابسين الروب الظريف اللى فضلت لابسه طول الليل من فرحتى بيه لدرجة انى نمت بيه و ( خطاب ) كان حيفعصنى الصبح لما شافنى نايم بيه .

بدأ الراجل اللى بينادى عالأسامى ينادى وكل ما ينادى على اسم الناس قرايب وصحاب الاسم يصفقوا ( برضو بكل بريستيج واتيكيت وحاجات كده مبنشوفهاش غير فى الافلام الهندى )

واحنا كل واحد فينا مشعلق كفينه فى الهواء ومستعد للتصفيق أول ما ينادو اسم خطاب ... وظابطين طبعا التصفيق على حسب رتم الاتيكيت اللى مغطى المكان .

وراح الراجل منادى : إبراهيم سليم حافظ ( خطاب ) .. فلسطينى .. جيد جدا ...

ولسه حنقول يا تصفيقة الاتيكيت بتاعة الأفلام الهندى ... وفوجئنا وتفاجئنا بصوت شحب رهيب وغريب خارج من منتصفنا ( من كرسى الأخ بيدو الحبوب ) ولقيناه برد فعله اللى زهل الجميع بيقول ( أأأأأأأأأأأأأأأععععععععععععع ) .

إحنا ايدينا اتجمدت وبدل ماكنا واقفين قعدنا لمدة ثوانى مبنتحركش ( حاله شبيهه بالشلل الجماعى ) كلنا مسبهلين والناس الاتيكيتات كلهم عمال يبصوا علينا بقرف ... يشوفو ايه الصوت المرعب اللى طلع وايه سببه ( إعتقدو ان فيه واحد مات أو جالو سرع ) اللى يستدعى عربيات إسعاف ... واللى يتصل بالمطافى ... واللى يناديلنا شرطة مكافحة المخدرات و الأداب.

وفجأه وفجائةً برضو انتابتنا حالة ضحك هستيرى رهيبه ... زلزال الهرج والمرج وعدم القدره على التحكم فى النفس ضرب بيننا .

والأخ ( خطاب ) لا حول له ولا قوه .... الشباب اللى بقالهم 3 أيام بيعلف فيهم فى الاسكندريه محدش فيهم صفق تصفيقه واحده تبل الريق .... قاعد عالمنصه وعمال يبصلنا وعنيه الخضر الواسعين زى عينيا بتضرب شرار ... كنت حاسس انه حيخلع الروب الرهيب بتاع الخريجين وينزل يطير ورانا بالخرزانه وسط حوش الاكاديميه ...

ده احنا لو كنا رايحين نبارك لواحد ساقط كنا عملنا منظر أحسن من كده .

وانتهت الحفله اللى فضلنا نستنا فيها من بداية الصيف هذه النهايه التعيسه .

وشكرا ليكم أيها النائمين

وكل عام وأنتم أخوانى وأولادى وأولاد خالاتى ... أأأأأأأأأأأاععععععععع عليكم ... وسلامات يا بيدو ...

ميرا فلسطينية

04-04-2006, 02:37 AM

:ups:

قصة مضحكة بجد..

لكن ما عرفنا شو عمل فيكم الاخ خطاب :beathim:

شكرا يا اخ ضياء على القصة... اللي انا سامعة فيها كأنوووووووووو
:112: :112:

ضياء عاصى

07-04-2006, 02:38 AM

هلا بيكى ميرا ..........

شكرا على اهتمامك بحكاوينا

والله الاخ ابراهيم ( خطاب ) كان مفروض ليلتها عاومنا عالعشا

بمناسبة نجاحه و تخرجه اللى محسش بيها

بس بعد موقفنا معاه ... ووقفتنا جنبه

حبكت معاه يقيم الليل فى الليله دى

وسابنا بناكل فى بعض فى الصاله ودخل قفل الاوضه عليه وهاتك يا صلاه

و أخر أكشن أخده إنه كلمنى إمبارح :

وحكالى كفايه فضايح الله يكسفك ... فرجت علينا الناس

ميرا فلسطينية

07-04-2006, 02:45 AM

:hala:
تحياتي اخي ضياء

تحياتنا أيضا للاخ خطاب..

ما في فضايح ولا شي.. :Ttongue:

اصلا صدقني حفلات التخرج هاي.. لازم يكون فيها نهفات.. منشان نتذكرها..
لو كانت عادية.. كلاسيكية.. ومملة.. :break: ما كونتوش حتتذكروها متل ما بتتذكروها الان..

:hala:

ضياء عاصى

17-05-2006, 12:58 AM

السلام عليكم و رحمة الله وبركاته

كيفكم يا أعضاء بيتنا الأعزاء .... وحشتونى ... عن جد وحشتونى

ايه رأيكم أحكيلكم عن أول يوم دخلت فيه الجيش ...

شديت الرحال , على ضهرى الشنطه الباجى الظريفه اللى عالموضه , وسلمت على صحابى الأنتيم ( ابوعكاشه والرطاطه والجخاخ وابوخيط و متولى وابوحنيدق و ابوزباله و نقريشه و الحرامى و العكاك و سنوسى و ابو رياله ) ... وطبعا لازم من وداع صديق العمر المدير ( حافظ ) .

وكالعادة المدير وصّانى بوصاياه الجميله اللى تعتبر من أهم اسباب نجاحى فى الحياه ( ده لو إعتبرنا انى ناجح اساسا ) .

وصانى المدير انى أخد معايا (20 ) علبة جبنه نستون ( لافاش كيرى ) على انى أكل نستونايه واحده كل يوم , محدش ضامن الظروف ايه ..؟؟ ده جيش يابا ..

ودعته وداعى الحار وذهبت على محطة رمسيس عشان أقابل الصول اللى حياخدنى لدهشور الشهيره ( لا ميه ولا نور والحمام بالطابور والأجازه من عالسور ) .

وصلت رمسيس ولقيت هناك 12 عسكرى مستنيين زيى ).

وبما إنى إجتماعى جدا وشخصيه لذيذه جدا وبتتحب من الوهله الأولى ... لقيت واحد خفيف الظل له ظب ( يعنى سنتين بارزين بروز حاد ) عامل زى الشوكه أم تلات سنان .

أبو ضب بيقوللى : أيه يابو الكباتن مالك مبتسم كده وشايل شنطه زى ميكون رايح رحله ... إنت مسمعتش عن دهشور يا بابا ... ؟؟

قلتله : متصلى عالنبى ياعم بالمدفع اللى انت حاطه بين شفايفك ده .... إنت ناوى تدخل الحرب على طول وللا أيه ..؟؟

قال : إلحقو يا شباب .. معانا واحد لذيذ أهوه و بيستظرف ... شكله مستكشف من بتوع المريخ .

قلتله : بس أنا عاوزلى كلبة إستكشاف معايا ... وعلى أيه منت سنانك زى جناحين الطياره ... يعنى ناقصلك مروحه وتطير بعون الله ... يا عم عباس ابن فرناس ... ببوزك اللى زى بوز الكلبه لاسى ده .

لقيت الواد راح مشمر دراعاته وهاجم عليا ... روحت ضارب الشنطه فى وجهه لقيتها لزقت فيه ..

أنا : ياد سيب الشنطه ... مالك مجمد فيها ليه

الواد : شد انت ياعم سنانى حتنخلع فى الشنطه .

و أتارى سنانه دخلت فى الشنطه ...

أنا : يابنى انا اسمع انهم بيستخدمو السليكون فى عمليات التجميل ... مش لتكبير السنان

الواد : إحترم نفسك بدل ما أعملها معاك

أنا : تعمل ايه معايا يخرب بيتك ... ده انت سنان وطالعلها بنى أدم ... انت شكلك شارب جردل سليكون . ده انت مش قادر تشيل حنكك .. شويه وحتقلب الفروه من تقل السنان .

وكان ده أول واحد عرفته فى الجيش ... كان اسمه ( حامد ) ... لنا مع بعض أروع مواقف حصلتلى فى الجيش هحكيلكو عليها بعدين فى الحلقات الجايه .

المهم ... بعدها وصل الصول وراح واخدنا على القطار الحربى اللى رايح لدهشور

القطار يمشى يمشى ويعدى فوق بيوت ودكاكين وخنادق واحنا نهزر ونضحك ونلعب وفجأه ...

كل العيال سكتت , زى ميكون سهم الله نزل علينا .... صحراء أجرد من الجرداء .... على مرمى البصر سراب من كل اتجاه .... يالهوى إسود ...؟؟ .. هوه فيه أماكن زى كده فى مصر ..؟؟

سألت الصول : يا حضرة الصول هوه لسه باقى كتير على دهشور...؟؟

قاللى : لسه بعد ما نعدى المزارع دى .

أنا : مزارع ...؟؟؟ فين المزارع دى ..؟؟ هوه المكان ده اسمه مزارع هنا ..؟؟

الصول : أيوه يا عسكرى إنت شكلك غلباوى ولمض ... إرتزى فى مكانك واسكت ... أمال انت فاكر نفسك رايح النادى يا خويا ... ؟؟؟ ده انتو سنينكو سودا... و ممنوع حد ياخد معاه أكل هناك .. كل واحد يرمى الأكل اللى معاه .

أنا : يا فندم انا معايا ( 20 ) علبة جبنه نستون الواحده بخمسه جنيه ونص أوديهم فين دول ؟؟

الصول : إطفحهم دلوقتى أو ارميهم .

ندهت عالواد ( حامد ) وسألته : معاك عيش يا حامد يا خويا ..؟؟

وراح حامد مطلع خمستاشر رغيف من شنطته ..

قلتله ايه يا ( حامد ) : انت كنت ناوى تقضيها عيش فى الجيش وللا أيه ..؟

قاللى : أصل انا ابن خالتى قاللى خد معاك عيش كتير و كل يوم كل نص رغيف .

قلتله : أكيد ابن خالتك ده هوه السبب فى نجاحك فى الحياه ( ده لو انت كنت ناجح أساسا ) .

و نزلنا انا وحامد هاتك يا أكل فى الجبنه النستون والعيش ... وكل لما أفتح نستونايه , الدمعه تفر من عينى ( الله يمسيك بالخير يا حافظ ) أول وصيه من وصاياك مقدرتش أنفذها , ربنا يستر فى الوصايا الباقيه .

باى دلوقتى علشان ايديا وجعتنى من الكتابه ...

تابعونى هتسمعو حكايات للصبح على موضوع الجيش ده .

سى يو سووووووووون

أخوكم عسكرى مجند / ضياء عاصى ( أحد أبطال حرب 2006 المفقودين فى السعوديه )

ضياء عاصى

28-05-2006, 01:19 AM

السلام عليكم

هحكيلكم حاجه عالسريع قبل منساها و بعدين نكمل مهازل الجيش

( مره كنت ماشى أنا و احد الاعضاء اللى مشيتهم سريعه ( تقريبا بيطير ) ... كنا فى الزقازيق ( أو فى روايه أخرى النقانيق ) وطبعا كانو لسه مسفلتين الطريق جديد و مظبطين محطة عرابى و زارعين فيها شجر و عاملين شوية حركات ..

المهم طبعا كنا بمثابة الشباب الروش ... و الأخ الفاضل كان ماشى يغنى ( أغنية زحمه يا دنيا ) ....

أنتو عارفين البتاعه الحديد اللى بيحطوها دايما عند المحطات عشان اللى معاه شنطه بعجل ... بتكون جنب السلالم كده ...

( يارب تكونو عرفتوها ) ... المهم الأخ العضو ماشى بيغنى وسرحان وبدل ماينزل عالسلم عمل فزلوك وراح نازل عالبتاعه اللى بتزحلق دى .. وفجأه وانا ماشى جنبه ( عالسلم طبعا ) لقيت رجليه فى مستوى دماغى ..

و بدون أى مقدمات ولا نهائيات ... لقيت شيلا من الشباب ورانا بيرددوا بأعلى صوت ... ( الله أكبر ... الله أكبر )

أيه ياجدعان جرى أيه ( إفتكرت أنا إن أحمد عرابى صحى تانى وطلع من التمثال ) ... أنا قلت ده أحمد عرابى يبقى ابو ستى .. أما ألحق أسلم عليه قبل ما يرجع تمثال من تانى ... ولسه بتحرك لقيت نفسى دايس على دماغ واحد ... و أتاريها دماغ الأخ العضو ( خفيف الحركه ) .. و من غير ما أشعر قلت ( الله أكبر ... الله أكبر ) .

ضياء عاصى

09-06-2006, 12:37 AM

السلام عليكم ...

وش أخباركم وعلومكم و موادكم الاجتماعيه ورياضياتكم و إنجليزيكم وفرنساويكم ( يعنى كل المواد ... ده بمناسبة إمتحانات أبنائنا وبناتنا الدراسيين ) .

بالمناسبه برضو فكرتونى بمهندس باكستانى صاحبى ... كل لما يتصل عليا يقول أيه :

ألسلام أليكم ورحمة الله وبركاااااااااااااتو ... الحمد لله رب العالمين

ده من غير ما أرد عليه السلام ... هوه متخيل ان دى على بعضها المقدمه بتاعة أى حديث ..

أقوله : ياخى مافى كده سلام

يقوللى : كيف أنت معلوم كويس سلام ... أنت فرعــــون ... انت ما فى معلوم كيف طريقه إسلام ... يور جراند فازر كتير سوى مشكل سوى سوى موسى عليه السلام .

أقولو : ماشى ياعم الشيخ جنكيز خان .

المهم عشان مطولش عليكو لأنكو بصراحه دمكو بقى تقيل على قلبى ومش طايقكم اليومين دولمن .

أحكيلكو حاجه على السريع من أيـــام الجيش :

أول ما بدأ توزيعنا على الوحدات إتوزعنا أنا و عشر مهندسين و خمس صيادله على حته اسمها ( جبل عتاقه أو جبل الظلام ) .

و كان ماسكنا صول من بلبيس ( الصول ابراهيم الشهير بكلب البحر )

الصول كلب البحر : إنتو لازم تنسوا حياتكم اللى فاتت .. إنتو خلاص بقيتو رجاله .. لازم تفتحو مخكو كويس وتشغلوه و تشيلو الصدا اللى عليه .

المجموعه المنكوبه ( إحنا يعنى ) : ماشى يا حضرة الصول كلب فتحهالنا .

الصول كلب : احنا طالعين جبل عتاقه عشان عمل وطنى ( وهو تنظيف الصواريخ المضاده للطائرات ) .

· * تخيلو بعد ما طلعت عين اهالينا فى تنظيف الصواريخ نكتشف انها صواريخ هيكليه ( يعنى معموله للتهويش وبس )

أنا : يا فندم … إنت كنت تقصد الصواريخ دى مضاده لأيه بالظبط ..؟

أى طائرات يعنى ..؟؟ طائرات الأطفال ..؟ … الصواريخ دى أخرها تبقى مضاده لِرُكَبْ العدو …

الصول كلب : إشتغل يا عسكرى وإنت ساكت بدل ما أدورك محاكمه عسكريه … يلا عشان حنبدأ فى تانى عمل فدائى اليوم .

الصول كلب : المهمه دى حتكون صعبه عليكو فى البدايه لكن عاوزه تفتيح مخ و تشغيل الجمجمه …. عاوزكو تنقوا الظلط ( الحجاره يعنى ) بس تحطو الزلط الذكر لوحده والزلط الأنثى لوحده .

المجموعه المنكوبه : نعم …؟؟؟ و نعرفهم إزاى من بعض ان شاء الله ؟

الصول كلب . إنتو يا متخلفين … محدش يعرف يفرق بين الذكر و الأنثى ؟

أنـــا : وليه طيب نحير نفسنا ..؟؟ هوه الأختلاط ممنوع فى الزلط برضو .؟

و بدأنا بالفعل … أمسك الزلطه كده و أدورها فى أيدى ( على انى بأفحصها ) و بعدين أروح راميها فى القفه الخاصه بجنسها .

و يا سلام لو غلطت و رميت زلطه من غير فحص .

الصول كلب : إنت يا عسكرى يا غبى … مفحصتش الزلطه دى ليه .؟

أنا فى عقل بالى : يخرب بيتك ..؟ هوه انت متخيل انى عرفت اللى قبل كده ؟

وتم العمل لساعات … و قمنا بحمد الله بتفريق الازواج والزوجات والأبنـــاء من الزلط … و الله خرّبنا بيوت وقفلنا بيوت و شردنا أطفال الزلط .

و كـــان فاضللى زلطه ومخى يتلحس … بس الحمد لله متلحسش

ميرا فلسطينية

13-06-2006, 12:14 AM

مساء الخير اخي ضياء عاصي

صحيح لم يبقى في بيت ستكم.. سوى انت يا اخي ضياء!

لكن هذا كما يبدو لا يؤثر على روحك المعنوية (ورح اطنش عن السطر في المشاركة الاخيرة اليل فيه كلام عن تقالة دم...............................)

بصراحة.. ذكرياتك جميلة جدا (رغم انها مؤخرا لا تمت بصلة ببيت ستك.. )

بصراحة جد اضحكتنا.. ومغامراتك جميلة

شكرا :Looking_a

ضياء عاصى

15-06-2006, 12:17 AM

قرشى قرواش قرشى حماده

*** *** ***

طبعا الكل حيسأل ده ايه العنوان ده ..؟

البعض حيقول ده إسم مبيد حشرى ( بديل الفليت ) و البعض الأخر حيقول ده إسم دواء ( الزهايمر ) و البعض التالت حيقول ده الإسم العلمى لداء الندعه ( أو النقطه ) ... يعنى لما واحد ينتقط .

لا يا بابا انت و هى ... ده إسم حكمدار غرفة العمليات

عريف مجند / قرشى قرواش قرشى حماده ... من عائلة حماده ( أرجل عائله بالصعيد الجوانى فى مصر ) .

اول ما مسكت العمل فى الجيش بغرفة العمليات ... الصول ( كلب البحر ) بتاع الحكايه اللى فاتت ... قاللى انت حتشتغل مع قرشى ..

طبعا انا كنت متخيل ان الاسم ده هو الاسم الحركى للغرفه ( كلمة سر الليل ) . لكن تفاجأت زيكو تمام .. إنه بنى أدم بياكل ويشرب .. بس مبيضحكش ...

المهم كان من ضمن مهامنا أنا و قرشى اننا بنروح يوميا الساعه 2 بالليل مشوار 3 كيلو متر لغرفة المراقبه ... وطبعا الطريق كان بيكون مليان كلاب ...

وانا مخافش من أى حاجه ( قلبى ميت ) .. لا تقوللى تعابين ولا أسود ولا حتى قرود ... بس موتى وسمى الكلاب ... اشوف الكلب من دول أروح موطى وحابب على ايده و رجله كمان ...

اول يوم طلعنا فيه لقيت قرشى بيقولى ( شوف يا ديــــاء يا ولد العم ) الطريق فيه كلاب كتير .. أوعى تنظر حواليك ... و أوعى تجرى .. خليك ماشى جنبى ومتخافش ... لو اتحركت من مكانك او خوفت الكلاب دى ممكن تاكلك ...

قلتله : أهم شىء يا قرشى يا ولد العم متسبنيش اصل انا باموت فى جلدى من الكلاب .

قاللى : لاماتخافش انا جنبك على طول .. أنا متعود عليهم .

المهم استمرينا فى السير نحو غرفة العمليات اللى فى آخر الدنيا .

قرشى ماشى قدامى وانا ماسك فى حزام بنطلونه و مش سايبه .

و اول ماسمعت أول كلب بيزوووووووووم من على بعد .. لقيت جسم قرشى كله بيجيب مياه من كل حته ... و انتابته رعشه كنت برقص من شدة التأثر بيها .

و فى لحظات شكيت إن قرشى ممكن يلعب بديله ويجرى منى .

روحت مشغل مخى ... وفى لحظات أخرى ( بعد اللحظات اللى فاتت ) ضربت قرشى مقص من الخلف طرحته أرضا ... و روحت طاير فى الهواء بارتفاع من ( 3-4 ) متر ونازل بكرسوعى على صدره ...

وعلى السريع قلعت الجزمه وهاتك يا فكيك ... وفضلت أجرى وصوت الكلاب يجرى ورايا .. أجرى وصوت الكلاب يجرى ورايا ... أجرى وصوت الكلاب يجرى ورايا . و حفره تشيلنى و حفره تحطنى ... حتى تعلق بنطلونى بسلك شايك ( طبعا الدنيا ليل ومش شايف اى حاجه ) روحت خالع رجل البنطلون المعلقه بالسلك ومستمر فى الجرى ... وصوت الكلاب يجرى ورايا .

حتى لقيت نفسى رجعت تانى للمكتب بتاعنا ... بس صوت الكلاب مكملش ورايا ... وفضلت مستنى بما يقارب من 15 دقيقه قدام المكتب ... ولقيت من بعيد قادم شبح لانسان ... مرتدى أشباه ثياب ... وبقدمه نصف جزمه من غير رباط ... و سابح فى بركه ... انا تخيلت انها دماء .. بس الغريبه انها كانت دموع .

قلتله : قرشى حبيبى ... إنت أيه اللى حصلك يا حبة عينى ( ايه يا ولد العم .. ؟ ) انت موتت كام كلب من اولاد الكلاب دول ... انت متعود على ايه بالظبط .

رد عليا بنرفزه ... حسيت إنه حينط فى كرشى من الغيظ ... هى دى الرجوله يا ديـــاء يا ولد العم ..؟

قلتله معلش يا قرواش والله ماكنت أقصد ... لكن الجرى نص الشجاعه ... وانا كفايه عليا قوى نص الشجاعه ... أنا أخرى مع الكلاب ( نص الشجاعه ) .

ابن العراق

15-09-2006, 01:21 AM

سلام يا بيت ستي .... وسلام لكل أعضائك نفر نفر .......
هأحكي انهردة عن مشروع تخرجي اللي طال إنتظاره ...
علشان ندخل في الموضوع علطول ... طبعا من المشهور عني إني من الطلبة الكسولين جدا وعدد الأيام اللي رحتها الكلية طوال سنوات التعليم الجامعي تكاد بالكاد تصل ل20 يوم ويمكن 22 لو حسبنا أيام الجُمَع يعني .
المهم في مشروع التخرج ده أتفقنا بعد ما خلصت السنة قبل الأخيره أنا وأصدقاء السوء إن إحنا ناخد مشروعنا مع رئيس القسم الدكتور عبد الحميد شعلان إفتكرو الإسم ده كويس ... المهم لفت الأيام ودارت , ونسيت تماما إني في بكالريوس ونسيت باالتالي إني عندي مشروع للتخرج ونسيت قطعا الجروف اللي أنا واخد معاه مشروعي ... الشيء الوحيد اللي كنت فاكره إيه هو ؟؟
أيون برافو عليكوا إسم الدكتور عبد الحميد شعلان , في ليلة غبرة ملهاش ملامح بعد ما قربت سنة البكالريوس من نهايتها قابلت أحد أصدقائي القدامى اللي بيروحو الكلية من النجمة دول ويروحوا منها بعد العِشَا ... المهم بعد الأحضان والسلامات وإزيك يا ريس وسلامات وفين أراضيك يا كبير , دي طلعت عليك أُشاعة إنك مُتّ محروق وعملنالك نعي وعلقناه على باب القسم .. لا اللي ماتت محروقة دي هي ( أُ.......كْ ) يلا , وبعد فاصل الهزار التقيل ده .... قالي إنت معانا في المشروع على فكره , والدكتور نفسه ومنا عينه يشوفك .... يعني عنده ياخده منه درجه الأستاذية ويرجعوه معيد تاني بس يشوفكْ ... ولازم تيجي بكره يا أبو عطايا , الدكتور هينشل خلاص من غيابك ده , وأنا هقوله إنك جاي .
المهم بعد تفكير عميق , قلت ياد تعالى على نفسك وإنزل شوف الناس , وألقي نظرة الوداع الأخيرة على المباني والمُزز , وتواجد بقا معادش في العمر أكتر من اللي مضى .
خدت القرار المصيري , وهذبت لحيتي الشيك دي اللي بتخليني شبه توم كروز في ذا لاست ساموراي ... ولبست الجاكت الظريف على قميص أظرف وبنطلون ولا أشيك , ما هو لازم أنزل بجو الإبهار ده علشان آكل الدكتور بكلمتين .
وهوووب تواجدت في القسم , لقيت الزيطة والزمبليطة وريحة العرق والشرابات الملبوسة ألف مرة قبل كده من غير ما تتغسل وصوات البنات ولطيمهم وريحة سندوتشات الهمبرجر والبيض المسلوق والشاي الكشري والعيال الهلافيت اللي بتجري ورا بعض دي في قلب القسم , واللي فجأةً كده على حين غرة إكتشفوا إنهم لازم يلعبو صلّحْ على السلم .... والجو ده اللي طول عمري بهرب منه .
فجأة دب في المكان صمت غريب مريب , وإتجهت الأنظار كلها للعبد لله اللي رجع من الموت حرقا ... أنا عرفت اللي فيها وقلت أكيد العيال اللي جاية من النجمه دي هتطلب معاهم بوس بقا وقرف وأحضان ... والبنات الهطل هتطلب معاهم تراحيب وسلامات ومنور وبيتك ومطرحك يا أخويا والكلام الأهبل ده اللي لا بيودي ولا بيجيب , إهرب يبني وإنفد بجلدك .
بصيت ورايا لقيت جروف المشروع مرمي على الأرض قدام مكتب ما , قلت في عقل بالي أكيد هو ده مكتب رئيس القسم اللي أنا ما شفتوش عمري قطعا ...... رميت السلام عليهم على عجل ودخلت فورا على الدكتور .. فتحت الباب ودخلت ... رميت السلام على الدكتور بثقة وتنطيط كالعادة ... بالرغم من إني خايف موت ليرميني بترمس الشاي اللي جنبه في وشي يعملي عاهه مستديمة في المكان الوحيد اللي لسا فيه الرمق في جتتي ... قعدت وحدث الحوار التالي :

الدكتور : يا مرحب سعادتك , انا مكتبي منور والله ... حضرتك شكلك كده لسا جاي من الخارج .
أنا : هو مش من الخارج أوي يا دكتور , آي واز أبرود , آند آي هاف جاست تولد أباوت يو , يو واننا سي مي ... حضرتك تأمرني .
( الدكتور طبعا ما فهمش حاجه وأنا تعمدت أكل تلات تربع الحروف المتاكلة أصلا وأقول أي كلام ملوش معنى )
الدكتور : حضرتك قلتلي إنك كنت بتدرس في جامعة أوهايو في الستاتس !!! , أنا ملفك قدامي أهو , طيب ده شيء جميل ... حضرتك تقدر تفيدنا في القسم على فكره , إحنا الخبرات اللي زي سعادتك دي محتاجينها أوي في جامعتنا وإحنا تحت أمرك ...... يا حيوان يا اللي بره ( بينادي على واحد من جروف مشروعي اللي مرمين على باب المكتب ) هات للباشمهندس حاجه ساقعه من الكافيتيريا ...
أنا ( موجها كلامي للحيوان المذكور بتناكتي المعتادة ) : هاتهالي آيس سيفين لو سمحت وتكون كان .... يا حيوان .
الجروف المرمي على باب المكتب : فاتحين أفواههم ببلاهه غريبة وحالة صمت مطبق بتلفهم .
أنا : أنا ريلي( قلت أستهبل فيها بأه .. حيث إن الموضوع فيها أوهايو والستاتس ) يا دكتور سمعت عن حضرتك كتير وعارف إنك شديد جدا وسو هارمفول يعني , آي ديدنت إكسبيكت ذات .. مقابلة حضرتك معايا مختلفة جدا عن اللي سمعته. بس أكيد المسئولية الضخمة اللي حضرتك شايلها بصفتك رئيس للديبارتمنت ده لازم تخليك شديد .
الدكتور ( وهو بيضحك ببلاهه .. ماهو إتثبِّت خلاص ) : ربنا يسمع من بقك .
أنا : (بكلم نفسي : ربنا يسمع من بقي , ده شكله مجنون رسمي ... ماهو يا أطرش يا أهبل ... بيني وبينكو جملته الأخره دي خلتيني أقلق) يعني الدكتور عبد الحميد شعلان ده أشهر من نار على علم , عبقري من عباقرة الإتصالات في مصر والعالم العربي ... ومش محتاج شهادتي نيزار مي أو أي آزار وان غيري يعني .
الدكتور ( وشه تحول للون الأحمر وعينيه كانت بتضرب بُمب ) : إنت حضرتك جاي لمين بالظبط ... أنا عادل زغلول يا محترم .
أنا : ( ضربت عينيا في اليافطة دي اللي بتبقا فوق المكاتب , بس للأسف لقيتها مقلوبة الناحية التانية) : قلت أكيد لمعاليك طبعا , هو يمكن حصل فوء تساهم شوية , أنا ما قطعنيش عن المشروع غير إني كنت مسافر أبرود فعلا .
الدكتور ( بمزيج من الدهشة والغباء ) : مشروع إيه ؟
أنا ( حاستي السادسة خلتني أتحفز , وأقعد واقف كده إستعدادا للجري ) : ماي بروجيكت يا دكتور بتاع التخرج , مع جروب الحيوانات ده اللي مرمي بره .
الدكتور ( بينادي على أحد الطلبة ) : تعالى يا حيوان يا اللي بره , أقفل الباب وناديلي حرس الجامعه , نشوف مين الأفندي ده ... ده شكله جاسوس إسرائيلي.
أنا طبعا كنت مستعد للحظة , رحت جاي واقف وضارب الحيوان المذكور ببوز جزمتي السافتي في بطنه .... ونزلت السلم خمس سلالم خمس سلالم ... في ثانية إلا ثانية كنت في أقرب تاكسي .
أنا : إطلع يا أسطى أرميني في أي مكان بعيد عن الكوريرا دي .
وكان مشروع تخرج ما حصلش فعلا ولا هيحصل .
يا سلام على الأيام , بتعدي هواا .

AbU-iKraYeM

15-09-2006, 12:20 PM

هههههههههههههههههههههههههههههههههه

هههههههههههههههههههههههههههههههه

بجد حلوووووووووووة القصص ...

يا سلام .. كم نفسي اقعد انا وحافظ .. ويجيبلي ربطة المعلم

تبعتكم ... الشلة كلها ... ونسمع قصص وضحك للصبح ...

ههههههههههههههههههههههه

على فكرة يا اعضاء بيت ستي ...

هاي اول مرة افوت انا هنا ...

وبعدين ... اغلب القصص حكالي اياها حافظ ..

طبعا كنت اموت من الضحك ... مش عارف ليه ...

كان حافظ بيحسسني اني انا معاكم في الموقف

ههههههههههههههههههههههههههههه

أحلى اعضاء بيت ستي ...

ودمتم بخير ..

(على فكرة انا قريت كل الحكايات في قعدة وحدة وفارط من الضحك ..)

"ربنا لا يحرمنا منكم . ومن حكاياتكم الرائعة"

ابن العراق

15-09-2006, 11:50 PM

يا مراحب يا أبو كريم ......
إنت شخصية لزيزة والله , وإن شاء الله عما قريب _ ولو إنه مش باين خالص _ ربطة المعلم دي تتجمع .
فين ؟؟؟؟؟؟؟؟؟؟
دي الله أعلم بيها
يمكن في قعدة عرب
تحياتي ليك يا أبو كريم يا سكر

ابن العراق

15-09-2006, 11:53 PM

مش عارف ليه طالبه معايا حكي اليومين دول , يمكن علشان خاطر أبو كريم السكر .

هحكيلكو إنهردة حكاية على الطاير كده من ذاكرتي الحديدية ...

كان يا ما كان ... يا سعد يا إكرام ... بنت ناس محترمين جدا إسمها منى ... منى كانت بنت شديدة الجمال وشديدة العنف في نفس الوقت ... وكانت بنت وحيدة لأم وأب توفى فور ولادتها , تقريبا من الرعب أو مثلاً جه يهشِّكها وهي طفلة مسكت في زمارة رقبته كلِتْها .... المهم إن حالة القتل قيّدت ضد مجهول .... وعاشت منى مع مامتها من معاش أبوها القتيل , وإتربِّت في الحارة الشعبيه جدا مع أولاد الحارة الشعبيين جدا .... وكانت لتربيتها دي في وسط الأجواء دي مع أصدقاء الحي الصبيان بس دول _ بعد أن تضائلت أعداد الإناث والجِراء والكراسي الخشب ومشابك الغسيل وصفافيح الزبالة بصورة ملحوظة في الحارة المشئومة _ أبلغ الأثر في صقل مهارة منى الدموية أو زِيكَسْ كما أُطلِق عليها في مرحلة الطفولة والصبا .... مرت السنين ولم يبقى في الحي الشعبي غير زِيكَسْ ومامتها وأشلاء ضحاياها , بعد أن هُجّرمن الحارة من هُجّر قصراً ... وقُتِل من قُتِل غدراً , ولم يجرؤ أحد أن يوجه أصابع الإتهام العشرة دول لأم زيكس وفتاتها الرقيقة كالندى , العليلة كالنسيم في شهر أمشير .

كدّت أم زيكس وتعبت وأتمرمطت في البيوت والشوارع علشان تربي بنتها المصونة صاحبة الملف إكس تربية صالحة ... إلى أن وصلت زيكس لسن التأهيل ... إتقدم لها راجل كبير في السن عينه زايغة حبتين وعنده من النسوان إتنين بس ياحبة عيني محروم من الخلفة , وقال يتلّتْ بزيكس وتجيبله الولد اللي نفسه فيه , إتقدملها وزيكس على وشك الدخول إلى أحد كليات القمة , وأم بطلتنا لما صدقت ترتاح من زيكس وهمها , خصوصا بعد ما كترت خروجات زيكس الليلة إلى سطح عمارتهم , ومن ثمّ النداء بصوت جهوري حياني ( عايزه إتجوز ياماااااااااااااااااا , معدش في رجاله في البلد الو.......... دي , آآآآه يا بلد ما فيكيش رااااااااجل ) _ { والحقيقة إن زيكس ما كانش حد لسا جرؤ يقولها إنها لا هي رجالة ولا ستات ولا ديناصورات حتى ... دي جنس تالت , علماء الأنثرابولوجي والميتافيزيكس بيطلعو لبعض العق الأيام دي على أحقية زيكس في الإنتساب لأي منهم } _ , لكن بمجرد ما وافقت أم زيكس على البعيد , تأجل حلم زيكس الوردي بالدخول إلى عالم الجامعه السحري وتأجل معاها إنهيار نظام التعليم الجامعي في مصر ... إتجوزوا في ليلة غبرة لا بان فيها قمر ولا نجوم ولا حتى صراصير , وكانت زيكس التالته وكانت التابته حقاً وصِدقاً .

توفى زوجها فوراً بعد ليلتين بالتمام والكمال, وقيّدت الوفاة كالعادة ضد مجهول , وتوفى معه حلمه بالولد والذرية وبرز لأهل المتوفي حلم آخر هو الهروب من العار اللي لاطيهم , خصوصا بعد ما أكتشف الطب الشرعي إن المرحوم قد تم التحرش به ويوجد به آثار إعتدائات واضحه , فـــ عيلة المذكور المكلومة قالت نِكَمْكِمْ على الخبر علشان الشرف وعيدان الكبريت والحاجات دي .. ولسان حالهم يقول : ملعون أبو الخِلفة اللي تجيب العار .

ترملت زيكس بعد يومين من دخولها على جوزها أو دخول جوزها عليها , دي حاجه عند ربنا محدش يقدر يتكلم فيها دلوقتي .. لكن حلمها الجامعي لم يكن قد ترمّل بعد .

دخلت زيكس كلية الهندسة في العام الجامعي 98 _99 , وكان هو ده نفس عام دخول العبد لله لنفس الكلية المشئومة .

ومن هنا بدأت مغامرات زيكس الجامعية , أحكيهالكو بعدين علشان أنا صدّعت والدمعة هتفر من عيني خلاص من السيرة

AbU-iKraYeM

16-09-2006, 12:08 AM

هههههههههههههههههههههههههههه

باين انو القصة ممتعة كتير اخي العزيز ضياء ...

بستنى اتكملة على احر من الجمر ...(زيكس)

اسم حلو ...

هههههههههه

يا مراحب يا أبو كريم ......
إنت شخصية لزيزة والله

مشكووور كتير عزيزي الاخ ابن العراق ...

وأهلا بعودتك إلى منتدانا الغالي ,,,

تسلم .. مع انو كان نفسي اشوفك ايام ما كان المعبر عومة !!!

لكن خيرها في غيرها ...

وإن شاء الله يكون اللقاء في مصر يا عسل برفقة العزيز عليا (حافظ)!!!

دمت بود وسعادة يا عسل !!!

ابنة فلسطين

16-09-2006, 11:44 AM

السلام عليكم

بجد قصص وذكريات ممتعة عند الاخ ضياء والاخ ابن العراق

وأكتر شي فاجأني..بقصة الاخ ابن العراق..عن مشروع التخرج.... الدكتور...:z050:
صدمني كتيرررررررررررررر والله..دكتور ومش عارف يفهم كلمتين انكليزي على بعض:MM3golah: ...العتب مش على طلابي لكان..مع احترامي لالو يعني
:laugh2:
بس موقفك يا اخي كان كتير جريئ ومضحك...

تحياتي الك وللاخ ضياء..وان شاء الله بتكون ذكرياتكو دايما سعيدة ومميزة ...:b&th:

ضياء عاصى

20-09-2006, 03:07 AM

السلام عليكم ورحمة الله وبركاته

اليوم ... سادت بيننا مشاعر كنت أعرف معظمها ... و فوجئت بوجودها ملتهبه .. فى قلوب الجميع :
( أنا ضياء , ابن العراق , بيبو ,هانى , عبدالله منصور , عصام ) ونور الدين المسافر ( المهاجر )
ذبنا جميعا فى ملامحنا الكئيبه والحنين الصاعق الذى اعتللنا به ... لم تكن اول مره يخلق بيننا موقف مشابه .. لكنها اقسى مره ... هكذا شعرت , وهكذا حزنت بشده , و حزن الجميع .

ذهب نورالدين الطيب ... ودعناه ... و فى كآبه صرنا نختلق ابتسامة طفولتنا .... نواسى هذا الموقف المميت ... ونسينا ان لا دموع لنا ... لانه لم تكن بيننا دموع من قبل.
الى اللقاء نورالدين ...
*** *** ***
ولكن حصل موقف انا كان نفسى محكيهوش ... بس ايدى واكلانى وحموت لو محكيتوش ... و استنادا لمبدأ طول لسانى مع انى عارف الطرقعه اللى هتلاحقنى ... والبلوكات اللى هتحزم اميلى .
لكن انا واخد عهد على نفسى اعيش بطول لسانى , واموت بسبب طول لسانى

واليكم الموقف المفجع ::

واحنا غارقين فى دموع وداع نورالدين المهاجر اللى غاب عننا اليوم الى عالم لا ندرى متى سنلقاه ثانية

وانا قاعد بمزمز فى حزنى و عمال امسح فى دموع بيبو المسحسحه و أقرأ فى خاطرة ابن العراق الموجعه ..

و أمى أكلت ودانى بكلمة ( ياعينــى يا محمد ) قصدها نور الدين المهاجر... و النبى يابنى ادخل عالنت كده شوفه وصل وللا لسه .... ( حسستنى ان محمد مسافر عالماسنجر ) ...

فوجئت وتفاجأت ... و أخيرا انشليت ... لا ... شبه انشليت لان ايدى لسه شغاله اهوه و بتكتب

و طاح بحزنى الدفين خبر رهييييييييييييييييييييييييب

قابلت الأخ الأكبر لينا جميعا عالماسنجر

سألته عن اخونا نور الدين ... هل وصل بالسلامه ... ؟؟

طمنى عشان خالتك حالفه عليا مباتش فى البيت الا لما تعرف اخبار محمد ايه ...

لقيته بيرد عليا عالماسنجر برضو و فى كلامه صوت أكل و مجغ و مدغ بنرفزه

و كان تقريبا بينقل الاكل من احد الفكين الى الفك المقابل له

و فى اثناء تراقص الاكل فى فمه و ابتلاع شهقه لا بأس منها من السفن اب .... توقف قليلا و قاللى :

انا مش فاضى دلوقتى لانى بأكل و بتفرج على فيلم .

رديت على امى وقلتلها ( ابن اختك راح هدر ) .. وانا مش عاوز اقعد فى البيت ده تانى ....

قالتلى ليه يابنى ... ؟؟

قلتلها الظاهر و الله أعلم ان فيه حد بياكل فيه عالماسنجر ...

عاشقة القدس

20-09-2006, 03:23 AM

هههههههههههههههههههههههههههههههههههههههههههههههههه هههههههه
هههههههههههههههههههههههههههههههههههههه
هههههههههههههههههه
ههههههههههه
شو ها التعبير و..لا عن جد بتليق تكون معلق بقناة العبادلة تنقل لنا الحدث بالصوت والصورة

عن جد ضحكتني
تسلم والله

حافظ العبادله

20-09-2006, 04:35 AM

مع السلام عليكم

رغم اضرابى عن الدخول لما يسمى ببيت ستى .. لما فيه من المغارز والمهالك وطبعا كل واحد فى اصحاب البيت عارف نفسه .. وخاصه ابو لسان طويل ... اللى متعود ياخد بلوكات فى وشه وايديه بتاكله على بلوك جديد ...

لكن حقيقة اشعر بمشاعر غير طبيعيه طوال اليوم ... لعلنى لا احاول اصلا الكلام عن سفر اخى محمد الشهير بنور الدين ... صحيح انه دائم الوجود فى مصر وانا فى خانيونس يعنى كده كده ماباشوفوش .. بس فعلا ماكنت احس يوما انه بعيد عنى .. لانه معايا وقريب منى يعنى لولا مشاكل المعبر كنا نشوف بعض بصفة دورية .. لكن صباح الامس ولأول مرة احسست بقلقه..كان عندى رغبه رهيبه فى توصيل الامان والطمأنينه له باى طريقة .. وحاولت واعتقد اننى نجحت فى ذلك .. يمكن انا بارد .. مابنكر بارد المشاعر ظاهريا على الاقل .. لكن هذه المرة لا انكر حاولت اتجنب ان اتكلم فى موضوع سفره مع اى شخص ..

وفى ظل كل هذه المتغيرات الداخليه النفسيه .. طلع عليا الاخ ضياء زى فرقع لوز .. عارفين دايما فى المشاهد القديمه بيكون فى واحد قاعد على جنب فجأه فى وسط تأجج الحدث ..بيطلع بيقول هو فيه ايه ؟؟؟... طبعا دا يااخ ضياء بيكون نصيبه قلمين على صداغه وبونيه بين عينيه من البطل ... اللى عادة ما بيكونش بيشرب سفن اب على العشا ... ليه هو انا باتعشى سمك شبار لا مؤاخذه :z050: .. ولا باتزغط بط بلدى اصله موسم بقى ..

طبعا الباشمهندس ضياء الشهير ب..... ولا بلاش خلينا حلوين احسن .. كل الحدوته دى بيقولها عليا ... بس بصراحه الفيلم كان حلو ..والعشا احلى ... وبالمناسبه كمان هو اخر فيلم حضرته انت نور الدين وابن العراق فى السينما من كام يوم ..شفت ازاى انا فاكر نور الدين اكتر منك ...

يمكن انا متعود على الفراق كتير .. عشان كده بيبان مابتفرقش معايا .. ممكن ليه الله اعلم..
بس انا حسب معلوماتى انه بيدو كان معاكو .. وبيدو متخصص وداعات .. يعنى فاكر اخر مره وصلنى عشان ارجع غزه الاوتوبيس جاى من بعيد وبيدو نزل دموع وعياط وشنهفه .. واتشعلق فيا كان هيخنقنى ماانت عارفه طويل اللهم صلى على النبى ..فى الاخر طلع الاوتوبيس بتاع شرم الشيخ ..قلتله يااخى حرام عليك هتموتنى على اوتوبيس غلط .. بس بصراحة هو اكتر واحد بيصعب عليا فى مواقف الوداع لانه مشاعره بتكون طافيه على السطح بعنف ..

اما ابن العراق وبيبو .. فدول كباتن بيت ستى ما قدرش اقول عليهم حاجه ... اظن هما بالذات نفسهم ترجع امجاده..بس ياخساره ماعدش في فراغات حواليه كله البيوت اتبنت ... اظن فاهمنى يا بوب وانت محمد ... حتى جنينه المانجا اللى كنتوا تلطشوها خالكو على قضى عليها بالكيماوى الله يوفقه ..محدش يقول امين .. طب هنروح نتخانق علي ايه هناك ..

اسف على الثرثره .. اعتبروا ما اقول مجرد تنفيس للمشاعر..
امااخى نور الدين المهاجر فى بلاد الطليان
فله منى احلى سلام وكلام .. وامنيات حارة بالتوفيق
وامنية بالالتقاء قريبا ..فى اى مكان ..سواء فى بيت ستى ..او حتى فى بيت الرعب
ولكم منى سلام مطعم بالحب

عاشقة القدس

20-09-2006, 04:50 AM

رغم اضرابى عن الدخول لما يسمى ببيت ستى .. لما فيه من المغارز والمهالك وطبعا كل واحد فى اصحاب البيت عارف نفسه .. وخاصه ابو لسان طويل ... اللى متعود ياخد بلوكات فى وشه وايديه بتاكله على بلوك جديد ...

كل اللي حكيتوا وبتقول يا اخ حافظ اضضراب ما اضراب

الله يجمعكم في اقرب وقت ان شاء الله

دمت بود

AbU-iKraYeM

20-09-2006, 03:00 PM

بجد بجد ...

بعد قراءة هذه السطور ...

من الأخ ضياء .. ومن الأخ حافظ ...

أحسست بغم وهم طغى على قلبي .. وحزن .. شديد ...

بصراحة .. الآن أنا أمر بموقف صعب ...

تقشعر بدني بعد هذه الكلمات ....

وأحسست بأن أخي ابن أمي وأبي ...

هو الذي سافر بلاد الطليان !!!

أفتقدك أخي العزيز نور الدين (محمد)

وشكرا لكل من وقف معه وقفة إجلال ... وإحترام ...

تحياتي أيضا لعاشقة القدس ... ولمرورها الرائع !!!!

دمتم جميعا أحبائي (ضياء عاصي - حافظ - عاشقة القدس - نور الدين)

بخير وسعادة .. وأمان !!!

لكم مني كل التقدير والمحبة !!

ابن العراق

21-09-2006, 11:59 PM

السلام عليكم ...

بعيدا عن الجو الملبد بالحزن والإكتئاب ده .... هحكيلكو حكاية ظريفة عن أطفال الزمن الجميل , أطفال ما بعد الحداثة وما بعد العولمة وما بعد شوربة لسان العصفور .

هحكيلكو إنهردة حكاية ( موتشي ونووول )

موتشي ( مودي يعني ) ده إبن أختي ( عنده 4 سنين ) وكُوبي مني وأنا طفل بس على أحدث كتير .

الزمان : يوم الأحد 17 سبتمبر 2006

المكان : الحضانة ومن ثم كا جي وان ومن ثم فصل أولى ( كا جي وان ) أوِّل .

الحدث : أول يوم لموتشي في الحضانه , ماشي تنتابه حالة شديدة من الرهبة والفزع والخوف من المجهول , شايل شنطة سبايدار مان على ضهره , فيها زمزميته وعصيرتفاحه وساندوتشاته وبتاع 3 كيلو مناديل .... ماشيين جنبه أنا ومامته , كل واحد ماسكه من إيد وجارّينه جر على فصله .

ماما موتشي : يلا يا مودي خليك راجل , الحضانة دي هي اللي هتخليك سواق زي ما أنت بتحلم !!!!! .... لازم تروحها زي رينا( رينا دي أخته ) ما راحت .

أنا : لو على السواقة بسيطة , أقدمله في مدرسة فودة لتعليم القيادة ... ولا الحاوجه لوجع القلب ده .... بلا تعليم بلا كلام فاضي .

موتشي : وهو بيبصلي بإستنجاد كده , يا مامي أنا قلتلك قبل كده ... أنا مش حايز ألُوح, ما بحبِّسْ الحضانه .

ماما موتشي : وهي بتبصلي بإستنكار وإستهجان شديدين , لما تروحها هتحبها يا مودي , هتتعرف على صحاب كتير وهتلعب الألعاب اللي أنت بتحبها .

موتشي : طيب توعديني يا مامي إنتشي وأونكل محمد لما أزهأ تشيجولي وتلوحوني .

أنا ومامته في نفس واحد : نوعدك يا مودي .

بعد 4 ساعات تقريبا :

صوت باس بيهَدّي ... وصوت بوّابه بتتفتح , ومن ثم صوت أقدام متراقصة صغيره على مشّاية البيت على صوت صفير مُتلعثِم , تتخللها مقاطع مُخْتَلقَة من فم طفل , من أغنية قصر الشوق لمروان خوري :

{ سااايف فيكي إم ولاتشي ,, سامِمْ لِيحِة لِجْلِين ميزو ( ميزو ده واحد صاحبه في الحضانه ) ,, عالِفْ إنك عَمْلْ ويوسف ( عمرو ويوسف دولا ولاد عمه ) ,, عالِفْ إنك أجمل من رينا وزي مامي } .

فتحت الباب وإذ بهِ مرميّاً في رُكَبي ...

موتشي : أنا بحبك أوي يا أونكُل محمد .... عايز أقولك على حاجه سِلْ .

أنا : طب تعالى يا موتشي ... هه , قول , عملت إيه إنهردة .!!!!

موتشي : شُفت نووول , يا أونكِل محمد ... بنت جميلة أوي .

أنا : نووول!!!!! ( بإندهاش شديد ) .

موتشي : لازم تيجي معايا بكره تعلّفني عليها , وتقوللها تلعب معايا وما تلعبسي مع حد غِيلِي .

أنا : طيب وإنت ما كلمتهاش ليه يا مودي من نفسك .

موتشي : خُفت لتعيّط , أصلها بنت لقيقه أوي .

أنا : يا نهال إسود ... لقيقة أوي .!!!!!

موتشي : هتيجي معايا بُكلة , ميس لِيم سألتني عليك وقالت مين اللي كان بيوصلّك ده !!

أنا : وميس ريم دي حلوة يلا .!!!!

موتشي : جميلة أوي سبه نووول كده .

أنا : طيب تعالى يا مودي يا حبيبي , تعالى أقعد جنبي , ونور دي شبه مين كده .

موتشي : سُفت رينا كده ؟؟

أنا : لا ما شفتهاش , إخلص يلا إنت هتستعبط .

موتشي : أهي تقاتيق وسها صِغيّلة وجميلة زي رينا كده .... بس سَعلَهَا مِسْ طالع لفوق زي رينا كده , ده ناعم أوي وطويل وأصفر ونازل كده ( وشاورلي بأديه الإتنين كده إشارة دالة الساين دي ) .

موتشي :هتلوح معاايا بُكْلَه , أعرفك على ميس ليم وإنت تعرفني على نووول ... خلاص خلاص .؟

أنا : خلاص خلاص , بس تعرف لو طلعت ميس ريم دي شبه أم عرفه كده هأعمل فيك إيه .؟

موتشي :عالِف , مش هتخلي مامي تعملي سُولْبِة العصافيل ( يقصد شوربة لسان العصفور ) اللي أنا بحبها .

أنا : برافو عليك .

وقد كان .

أضحكوا أو صوّتوا براحتكوا خالص ........ بس بصراحه يسلم موتشي .. ياريت ليا 15 إبن أخت وأخ زيه كده ........ حاجه تشرّف .

ابنة فلسطين

22-09-2006, 03:00 AM

بجد نيالك على ابن هالأخت

بس كأني حسيتو من هالكلام انو طالع لخالو...
مزبوط هالاحساس؟؟

تحياتي الك اخي ابن العراق ولقصصك الرائعة

AbU-iKraYeM

24-09-2006, 08:46 PM

هههههههههههههه

فعلا الولد .. ممكن يطلع أخطر من خاله !!!

ههههههههههه

تحياتي لك أخي ابن العراق !!!

دمت بسعادة وود . وإن شاء الله يتربى في عزكم (موتشي)

تقديري لك ولجميع من مرّوا هنا !!!

ابن العراق

25-09-2006, 08:56 AM

بجد نيالك على ابن هالأخت

بس كأني حسيتو من هالكلام انو طالع لخالو...
مزبوط هالاحساس؟؟

تحياتي الك اخي ابن العراق ولقصصك الرائعة
متشكر أختي الفاضلة إبنة فلسطين على وجودك وخفة ظلك ..
والأكيد بحكم شغلك كمدرسة لأطفال_ على ما أعتقد _ شفتي أطفال كتيرة بالشكل ده.. بس أطفال الزمن ده غريبين فعلا , يعني أنا أفتكر إني ألعب مع واحده ما أعرفهاش وانا طفل, ده كان تابو محرّم وكنت أحس إن في حاجه مش طبيعيه , بالرغم من إني كنت بسلط أحد أصدقائي البلطجية يضرب البنات اللي ما بحبهمش وأنا طفل ... لحد لما أنقلب السحر على الساحر ومسكت في صديقي البلطجي ده علشان خاطر واحده طفلة برضه من أصدقاء الفصل , وفضلنا نضرب في بعض لحد لما تقريبا أتعمينا.

بس الشيء العجيب فعلا إن الواد في حاجات كتيرة مني بالمللي , لدرجة إني ببقا عارف هيتصرف إزاي وهيرد عليا بإيه .
لما طبعا سيّحتله في حكاية نووول دي ......
جالي واتشعبط في بنطلوني كده , وقالي أنا سَعْلان منك ( كنت بقولها شعلان وانا في سنه ) , كده , كده ,كده , فضحت كل الأسلال ( الأسرار يعني ) .
تحياتي الحارة ليكي إبنة فلسطين وصوما مقبولا إن شاء الله .
هههههههههههههه

فعلا الولد .. ممكن يطلع أخطر من خاله !!!

ههههههههههه

تحياتي لك أخي ابن العراق !!!

دمت بسعادة وود . وإن شاء الله يتربى في عزكم (موتشي)

تقديري لك ولجميع من مرّوا هنا
متشكر العزيز أبو كريم ,,, وعقبال لما تيجي وتحكيلنا نهفات أولادك .
الواد والله بادي بداية مش مظبوطة , أنا عايز أجوزه , بس بقول أجوز نفسي الأول , بدال ما ننحرف إحنا الإتنين سوا , ونروح في سكة اللي يروح ويرجع بسحلية أورانج .
سلامي ليك أبو كريم , ورمضان كريم يا عسل .

AbU-iKraYeM

25-09-2006, 02:31 PM

بدال ما ننحرف إحنا الإتنين سوا , ونروح في سكة اللي يروح ويرجع بسحلية أورانج .
ههههههههههههههههههههههههههههههههههههههههههههههههه

أحلى رد والله من أحلى عضو .. وخفة دم مش طبيعية ...

ههههههههههههههههههههههههههههههههههههههههههههههههه

سلامي ليك أبو كريم , ورمضان كريم يا عسل .

لك مني كل التقدير .. والمحبة أخي ابن العراق ,,,

دمت بسعادة .. وكل عام وانت من الرحمن أقرب !!!

ضياء عاصى

12-10-2006, 01:53 AM

السلام عليكم

مع انى متأخر ومفروض أمشى حالا ... عشان الحق أصحى بدرى

أصل انا بقيت صاحب مسؤليه عقبال أملتكم بقيت المدير التنفيذى لقسم الكهرباء

و مفروض أصحى من بدرى أداوم فى المكتب الرئيسى و بعدها أطلع الف على المواقع ..

بس فجأه إفتكرت مولد ( الشيخ قطب ) ... كنا بنروح احنا و خالاتى واولاد خالاتى .. وكنا بنقعد فى مصليه على شط الترعه ..

فاكر أنا كنت دايماً انام منهم فى اليوم ده و اتجقلد من المصليه فى اتجاه الترعه ... وكان خالد اخويا يادوب يتلقانى من حنك سمكة القرش اللى فى انتظارى كل سنه ..

و فاكر برضو لما كنت أصحى تانى يوم الصبح و آخد الحصان البلاستك و أطلع على احمد ابو محمود ... قال وايه ...؟؟؟ نروح الزريبه نحمل سباخ عالحصان ...
و أرجع على البيت انا و الحصان و السباخ ( انتو عارفين السباخ ده ايه ... ؟؟؟ ) ... انا مش قادر اعرفكو بيه صراحه .. حاولو تسألو بعض ... أصل انا بقيت ستايل ... و مستوايا الاجتماعى يمنعنى انى الفظ بالحاجات البيئه دى ....

إنتو عارفين .... أحسن المواقف المريحه ليا أيه ... ؟؟؟

انى اروح اقعد مع احمد ابو محمود ( بس مش فى الزريبه ) ... و اتكلم معاه ومع اسماعيل ابو خيط ... عن سعر البهايم دلوقتى وصل لكام ... و الحته بتعمل كام عيل فى السنه ...

مع انى مبعرفش أفرق بين الجاموسه والبقره لغاية دلوقتى ... يعنى باعرف الحمار من الحصان بالعافيه ..

انتو حسيتو انى حكيت حاجه ..... ؟؟؟

انا حاسس انى محكيتش .....

يلا بقى مش مشكله اعوضهالكو فى الحدوته الجايه .... انا عندى مأموريات الصبح و لازم اهندب نفسى عالمستوى الاجتماعى الجديد ....

إحتمال من بكره أنسى كل الحاجات البسيطه اللى فى حياتى ... و المطار و أصدقاء الشوارع و الالفاظ البلدى ...

اسفخس عالبنى أدم .....

هوه يعنى ايه اسفخس صحيح ... ؟؟

AbU-iKraYeM

12-10-2006, 07:34 AM

ههههههههههههههههههههههههههههههههه

اسفخس عالبنى أدم .....

ههههههههههههههههههههههههههه

لا استطيع الترجمة لهاي الكلمة ...

لانو .......

مش حلوة أني أقول !!!

بس اكيد الكل عارف ...

ههههههههههههههههههههههههههههههههه

تحياتي !!!

ابن العراق

22-10-2006, 10:58 PM

السلام عليكم ورحمة الله وبركاته .......

وعدى شهر رمضان , كالعادة في ثانية إلا ثانية ... وجه العيد , والمفروض إن أحنا في ليلة العيد نفرح ونهيّص ونسهر مع أصدقائنا وصديقاتنا ونعمل إتصالات ونبعت ماشِزات للتهاني والتبريكات ونعمل فيها قال إيه فرحانين وهنفطس من كتر الفرحه ..

أفتكر زمان ( أيام ما كان فيه بركة ) كانت في فرحة للعيد , كنت أستنى اليوم ده بفارغ الصبر .. في كل ليلة من ليالي شهر رمضان , أختلس الفرص وأخد نظرة سريعة على لبس العيد بتاعي من بعيد , لا أجرؤ إني ألبسه أو أقيسه حتى , كان تابو مقدس ممنوع الإقتراب منه إلا في يوم العيد الصبح .... كان طقس مقدس من طقوس العيد اللي أتغيرت كتير من طقوسه وملامحه , وإحساسنا بيه حتى مع الزمن .

طقس آخر من طقوس العيد اللي تغيّر وتكحرت مع الزمن هو : بيبو ( أيام ما كان فيه بيبو ), الشهير بــ ( بابا بيبو ) , وكان أول الوشوش اللي لازم أصطبح بيها على خلا الريق من قبل ما أغمس حتى كعكة العيد بــ بكباية الشاي المقدسة ( أيام ما كان فيه شاي وكعك ) ,,, بابا بيبو كان أخويا وحبيبي وكفاءة ( ومازال طبعا لكن خد كام لقب زيادة كده لحفظ الألقاب وإحتراما لمركزه الحساس دلوقتي ولأن العين يا بابا بيبو عمرها ما تعلا على الحاجب ) ,,, بيبو كان يصحى من النجمه , وقبل ما أي بني آدم يطلع من بيتهم ألاقيه فوق دماغي وناصب على عيديته ( أيام ما كان فيه فلوس ) إللي غالباً أمي كانت ما بتديهالوش في الآخر ... طبعا على ما أصحى معاه كانت أول طلعه فات أوانها وراحت على بيبو الإصطباحه والإستفتاحه ...

على ما ألبِس بدلة الظابط الظريفة ( أيام ما كان في بدل ) وأعمّر بندقية الرش بتاعتي ( أيام ما كان في بنادق رش بتنباع قبل ما يعملولها تراخيص وتصاريح حيازة سلاح ) (اللي كنت بغتال بيها العصافير وحمائم السلام , وكانت في عداوة حقيقيه بيني وبين كل ما يطير في الزمن ده ) ... أطلع مع بيبو , وأول بيت نقصدة بيت ستي أو في لفظ آخر بيت خالي ( أيام ما كان لينا خال ) .

على ما نوصل بيت ستي كانو عيال الشارع كلهم ملقون على الطرقات ما بين جريح وقتيل ومفخوت عينه ومجدوع أنفه , وعيّلات الشارع ما بين أسيرة وسَبيّه ومِلْك يمين ... والفضل كل الفضل لبندقية الرش وبدلة الظابط , والأهم من ده كلله هالة الرعب والفزع اللي كانو بيعاملوني بيها العيال على أساس إني بلعب كاراتيه ( أموت وأعرف جابو الفكره دي منين ) ما كانتش بتخلي حد يجرؤ يتصدى لي وأنا طفل ( أيام ما كان في إحترام ) , مع إني كل علاقتي بالكاراتيه هو دكان (رمضان أبو قطب ) اللي كنت بشتري منه الكاراتيه واللب السوبر ( اللي مش كبير ) .. وعلى أساس أن أي حد بيروح البَنْدَر لازم يكون بيلعب كاراتيه ( شَذاجه بقا ) , كنت أنا من ضمن فريق مصر للكاراتيه للناشئين وواخد بندقية الرش دي جايزة من ضمن الجوايز اللي خدتها من لعب الكاراتيه ( لو كنت خدت فرصتي , كان زمان أسطورة مندور أبو الدهب بتتكرر من تاني وبحق وحقيق في دلتا مصر ) .

من الأشياء الكريهه برضه في العيد واللي ما كنتش واخد بالي منها وأنا طفل ولما كبرت قرفت منها :

متلازمة ( الأحضان , والقبلات , وكل سنة وإنت طيب ) , واللي المفرض إن أنا أتجاوب معاها وأتقمص شخصية الشاب السعيد المبسوط وأرد بدوري بمتلازمة ( الإبتسامة البلهاء , وتصدير الخدين , وإنت بــ الصحة والسلامة ) .... اللي منرفزني في الموضوع ده بالذات عدة أشياء :

أول هام إنني فعلا بلاقي نفسي بأعمل فيــد باك وفيــد فوروارد للمتلازمتين بتاع ألف مره في الساعه لأشخاص أنا لا أعرفهم ولا عايز أعرفهم ولا يمثلوا لي أي شيء , لكن غصب إن عني حيث إن الواحد المفروض يتقمص شخصية الشاب الإجتماعي اللي لازم يتجاوب مع الجماهير ويحسسهم إنه إبن المنتِشِئة المُخلِص .

تاني هام أثناء الأحضان والتقبيل بشوف العَجَب العُجَابْ , مبدأيا في ناس بتكون عرقانه ثاني أكسيد الفاسيوم وتطلب معاه يصدِّر باطه في لحظة إنبعاث الغاز لــ فتحتا مناخيري , على أساس إن مناخيري دي زهرة عباد الشمس اللي هتتحول لـ اللون الأزرق لو طلع الغاز من القلويات , وهتتحول للون الأحمر لو طلع من الأحماض .

وناس بتكون عرقانه بترول والجاز مسيِّل على رقابيهم وإيديه بتكون شاعّه يورانيوم 235 وتطلب معاه يمسكك ولا المخبرين من تي شيرتك البيضا الموباكو بتاعه المناسبات دي على أساس إن إنتو أصدقاء قُدامى وده واجب عليه إنه يجيب لتي شيرتك سرطان من مسكته , وإزاي الصحه يا ريس ( ويمسك التي شيرت ) , إنت كنت مسافر ولا إيه ( ويسيب الحته إللي عاصها من التي شيرت ويمسك حته تانيه ) , وقبل ما يسألني إنت خطبت ولا لسا , أكون سألته ( دراعك ده لازمك , خصوصا كف إيدك ده ) ... يحس من بلاهته إني بهزر ,,, أما أنا عندي ليك حتة عروسة ( ويسيب الحته التانيه اللي عاصها ويمسك في الكُم بقا ) ... أتجوزها أنت , جتكو القرف ( وأكون سبته ومشيت وكف إيده معايا ) .

وناس بتكون واكله بصل وطبيخ على الصبح ( أيام ما كان فيه صحه ) , ويا سلام بقا على العيد الكبير , برجِّع فيه ألف مرة في اليوم ,, الناس وشوشها بتكون مدهننه , بيدعكو وشوشهم بلِيِّة الخِرفان باين ( أيام ما كان فيه خرفان ) وفعلا بيكونوا واكلين طبيخ على الصبح ( أيام ما كان فيه طبيخ ) , وفي معاتيه بتطلب معاهم يبوسوك على حنكك على أساس إنه مش واخد باله وإنت برضه المفروض ما تاخدش بالك , مره واحد من الشباب السيكو سيكو طلبت معاه يستعبط ويسلِّم , صدِّرتله رجلي في ما بين رجليه ( أو ما يُفترض إنه بين رجليه يعني ) وخدتها جري على بيتنا .

تالت هام إنه فعلا لا ببقى عايز أشوف حد ولا أسلم على حد في أيام الأعياد دي , بحس إنها مشاعر مصطنعه وزايفه كده وحاجه ملهاش معنى( أيام ما كان فيه مشاعر ) , ما بحسش بصدق المشاعر دي إلا مع أهلي وأصحابي ودون ذلك أونطِة ( بكسر الطاء ) .

يلا نكّدت عليكو أنا ...... معلش عيد سعيد , وخدو مني أول متلازمة ( أحضان , قبلات , كل سنة وإنتو طيبين ) .

AbU-iKraYeM

23-10-2006, 03:49 AM

تاني هام أثناء الأحضان والتقبيل بشوف العَجَب العُجَابْ , مبدأيا في ناس بتكون عرقانه ثاني أكسيد الفاسيوم وتطلب معاه يصدِّر باطه في لحظة إنبعاث الغاز لــ فتحتا مناخيري , على أساس إن مناخيري دي زهرة عباد الشمس اللي هتتحول لـ اللون الأزرق لو طلع الغاز من القلويات , وهتتحول للون الأحمر لو طلع من الأحماض

هههههههههههههههههههه

لالالالالالالالالالالالا مش طبيعي اليوم ابن العراق!!!

يا بوي .. انا حطيه من الكرسي ..

انتا كده حتموتني ليلة العيد بقة يا محمد !!!

وناس بتكون عرقانه بترول والجاز مسيِّل على رقابيهم وإيديه بتكون شاعّه يورانيوم 235

هههههههههههههههههههههههههههههه

هاي نهفة مش طبيعية بجد بجد ...

انتا يا محمد ... لا يعلى عليك ..

عليا ما عليا اول ما انزل مصر .. لاشوفك ضروري جدا جدا جدا !!!

ههههههههههه

تحياتي لروحك المرحة ...

وكل عام وانت بخير يا احلى محمد ..

(وقبلات ... وبالصحة والسلامة.. ههههههههههههههه)

ابن العراق

25-10-2006, 02:04 PM

كل سنة وإنت طيب يا محمود .... وإنت تشرف ... بس إنت تعملها وتنزل وملكش دعوه .
متشكر على إطرائك , وده بعض ما عندكم يا ريس ... ولو إني كنت في مود ( ميلودراما ) مش ( فارْس كوميدي ) .. وكنت داخل وناوي أجيب إكتئاب لكل اللي هيقرا , خصوصا أعضاء أطلال بيت ستي , وده أقل واجب عليا والله .
بس تقريبا المسائِل شغاله عِكس عكَاس ..
عيد سعيد ليك ولكل الأهل ...

AbU-iKraYeM

26-10-2006, 07:34 PM

تحياتي أحلى محمد والله !!!

بس بانتظار ... قصة جديدة ممتعة منك !!!

تكون بعد العيد او اثناء ايام العيد وقد حصلت معاك ..

أكيد في قصص .. في جعبتك !!!

تحياتي الك يا عسل !!!

ضياء عاصى

27-10-2006, 04:17 AM

السلام عليكم

ما شاء الله عليك يا ابن العراق

نازل ذكريات علينا ... معرفش ايه اللى حصلك

يلا رجع كل اللى عندك هنا قبل مياخدك مننا الجيش

انت ثروه بالنسبه لنا دلوقتى ( أيام ما كان فيه ثروات ) و ثروت ابو خماش ( اشطر تاجر كتاكيت فى العفيره)

تحياتى الك و كل سنه وانت طيب و نشوفك العيد الجاى ملازم تاسع قد الدنيا ( ايام ما كان فيه دنيا )

ابن العراق

16-11-2006, 10:51 AM

حدثت هذه القصة بكل حذافيرها في إحدى الميكروباسات , وكعادة عيناي التي تعودت على تخزين كل ما تراه لتعيد ترجيعه مره أخرى , إلتَقَطَتْ لكم هذهِ المشاهد .

مشهد 1 / على الطريق الدائري ... مساءاً

أقف يكاد البرد يأكل أطرافي , في إنتظار أي ميكروباس ليحملني إلى حيثُ ألقت .. أرى ميكروباس يقترب .
أنا : هرم يا ريس .؟
التباع : إركب .
أنا : ( أَجْرِي بسرعه في محاولة فاشله للحاق بالميكروباس الذي بدأ بالفعل في الحركه , والذي إحقاقاً للحق لم يكن قد توقف حتى .. ألتفت حولي , حتى أتأكد أنه لا أحد هناك يراني .. بريستيجي يتضرب لو حد شافني ) .. إستنى يبني , ده أنت لو معدي على بُرص كنت هدّيت شويه عن كده .
التباع : إجري يا شِنتِل , إنت هتمثِّل ... وبعدين ده منظر واحد يركب ميكروباز ... ده أنت لو بعت جاكتك ده ممكن نعمل بيه عَمْرَه للميكروباز .
أنا : خليك في نفسك يبني .. ( محدثاً نفسي : ده إيه المشوار الطين ده ) .

مشهد 2 / داخل الميكروباز . مساءاً برضه

أنا : سامو عليكو ....... ( لا أحد يرد , محدثا نفسي : ده إيه الميكروباز الغريب ده , يكونش رايح صقر قريش ) ... وعليكم السلام , طب عمتم مساءاً يا أخواننا .
السواق : أدخل في الكرسي الآخراني يا شِنتل , إنت نازل آخر السكه .
مدام كبيره مُتصابيه : يسعد مِساك يا أخويا .. تعالى فـ رِيِحِي .
أنا : لا معلش , أنا هركب زِيقْ الأخ اللي في الآخر ده . ( محدثا نفسي , ريحك إيه دلوقتي , ده أنتي تلاقي ريحتك بيكربونات البوتاسيوم , ولو قعدت جنبك ممكن يِفضَل مُغمي عليّا أسبوع كامل ) .
( أخيراً وصلت الكرسي الأخير , أجلِس بينما يجلس على يساري شاب في مقتبل العمر , ملامحه وملابسه تَشِي بأنه صبي ميكانيكي ) .
أنا : ( محدثا نفسي : يادي النيله , ده إيه المشوار الطين ده , الجاكت والبنطلون لسا أول لبسه .. اللي يخاف من عفريت , يطلع له )
أنا : بسم الله الذي لا يضر مع إسمه شيء في الأرض ولا في السماء .
الشاب الجالس على يساري : بتقول حاجه يا أسطه ؟.
أنا : لا , ربنا يخليك .. بس بكلم نفسي .
الشاب الجالس على يساري : بحسِب يعني ليك شوق في حاجه , لو ليك شوق في حاجه قولها .
أنا : لا يا محترم , لا شوق ولا أم الفَرْحْ حتى ... ركّز في اللي كنت بتعمله إنت بس قبل ما أنا أركب .
أنا : ( محدثا نفسي : فعلا كونفوشيوس ده عبقري , أكيد طاقة عدم الإرتياح منِّي من ملابس صبي الميكانيكي , قابلت طاقة عدم إرتياح من صبي الميكانيكي تجاهي , قابلو بعض في السكه ... حصل الإنفجار ده ) .
الشاب الجالس على يساري : ( مركّزاً في ما كان يفعله قبل ما أركب ) أشتكي منه , تِيلي لِمْ لِمْ .. أنا أبعِد عنه , تيلي لِم .. لا كاني ولا ماني , ولا حتى سماح ... وسماح يا أما سماح .. ونبي لتسامحيني يا أما .. يا أماااااااااااا .... يا أما القمر ع الباب , نوّر قناديله .. يا أما أرُد الباب ولا أناديله .
أنا : ( محدثا نفسي برضه , بينما شبح إبتسامه لم أستطع أن أُخفِها يتلاعب على شفتاي : يا ريتك ما ركّزت , ده أنت لو إنفتحت في سكة رمضان البرنس اللي أنت داخل فيها دي , هتغرق الدنيا عياط , والعياط على الشحم , هبقى قاعد أنا جنب برميل بَلَكْ ) .
( صوت فرامل مفاجئة , ويقف الميكروباس , ليركب شاب في بداية الثلاثينات من عمره وبيده طفل عمره 3 سنوات تقريباً ) .
السواق : إركب في الكرسي الآخراني يا نجم , في مكان فاضي .
النِجم : خخخخخخ , حاضر ياعم ما تزُقِّش , إنت محسسني إني راكب الليموزين يعني .
أنا : محدثاً نفسي ( إذن خخخخخخخ هي تحية الميكروبازات , إزاي فاتتني دي , معلش ملحوقة ) .
النجم محدثا الطفل : قدامي يا أبن الكلـــ.... , إركب جنب الأستاذ . ( يجلس بجواري النجم , ومعه الطفل الذي يبدو إنه إبنه , ليصبح الموقف كالتالي , أنا في منتصف الكرسي , على يساري صبي الميكانيكي , المهووس بأغاني الميكس والمتحفز لإفتعال شجار معي , وعلى يميني الشاب الذي يبدو لي أنه أكثر تحفزاً لإفتعال شجار مع كرسي الميكروباز ذات نفسه , ناهيك عني أنا الجالس بجواره ) .
صوت الشيخ محمد حسين يعقوب( فجأه يدوي من سماعات الميكروباز التي لحسن حظي المعتاد مسَلّطة لتدوي في أذني المُرهَقَة ) : فتنة النسااااء .. إحذروا النساء .. الست من دول بتبقى ماشيه لابسه بنطلون محزّق والبتاع ده إللي إسمه بادي , والإسم إنها لابسه , دي لو قلعت كان أحسن يا أخواننا .
الشابان الجالسان بجواري( مؤمِّنان على كلام الشيخ ) : الله يفتح عليك يا فضيلة الشيخ , ياريت يقلعوا .. ربنا يسمع من بقّك .
الطفل الجالس على رجلي الشاب الجالس على يميني : ( يقوم بفتح زجاج النافذه على مصراعيه , ليدخل سهلوب هوا ساقِع , ثم يقوم بالبصق من فتحة الشباك , ليرتد البُصاق ويلزق في قفا المدام المتصابيه الجالسه أمامنا ) .
المدام المتصابيه : أحححح , إيه ده ؟
أنا ( وقد وجدت الفرصه سانحه للإنتقام ) : لا يا مدام مفيش حاجه , ده الواد الصغير بيعمل حمامه بس .. بس بدال ما يعمله في الشباك , عمله في قفا حضرتك .
المدام : نهاره أسود .. ( من ثم تلتفِت للطفل وأبيه ) , جرى إيه يا أخويا , مش تجيب لأبنك بامبَزْ , بدال ما أنت طالقه يعملها كده على الناس .
الشاب الجالس على يميني : يا خالتي بامبز إيه بس , البامبز ده بتاع ولاد الذوات .. بدال ما أجيبله كرتونة البامبز بالشيء الفلاني , أجيبلي عرنوسين بانجو يعلّوا دماغي .
أنا ( لم أتمالك نفسي من الضحك , فينظر إلي كل من في العربيه بما فيهم السواق في إستهجان وإستنكار شديد ) .
المدام , والدمعه هتفر من عينيها : معلش يا أخويا , معاك حق في دي , إمسحها فيّا أنا
أنا : ما هي أتمسحت خلاص .
الشاب الجالس على يميني : ما تخليك محضر خير يا أستاذ .
صوت الشيخ محمد حسين يعقوب : وتجد أن الزواج العرفي إنتشر في الجامعات و بين الناس , وهو زنا , زنا بيّن يا أخواننا .. وكلله من فتنة النساء .
الشاب الجالس على يميني : زناااااا ... إزاي دي ؟؟
( من ثمّ يلتفت إلي أحد الجالسين في الكرسي أمامي والذي لم أنتبه له من قبل , ثم يبدأ في الصراخ في وجهي )
الكهل الجالس أمامي : أيوة زنا يا ضلالي يا قليل الدين , إيّاكشي هتعمل نفسك مش عارف , بس هتروح من ربنا فين , ربنا قادر يسخطك قرد .
أنا( بينما لا أتمالك نفسي من الضحك ) : والله يابا الحج ما أنا اللي قلت , أنا عارف إنه زنا , ده الأخ اللي جنبي ده هو اللي معترض , أنا عارف يا عم الحج إن الزواج إشهار , وأيّما إمرأة تزوجت بدون إذن وليّها , فهي زانيه , زي ما الرسول عليه الصلاة والسلام قال .
الكهل الجالس أمامي : أيوة , أيوة , إعملهم عليا .. أنا عارفك وعارف كل العلمانيين والمرجئة اللي على شاكلتك , بتقعدو تتمحلسوا كده لحد لما تتمكنوا , بس على مين , الصحوة الإسلامية بعون الله قادرة على تلجيمكو , يا ضلالية , يا ولاد ديــ......
أنا : ( إنفجرت في الضحك بشكل هيستيري , فــ ردة فعل الرجل غير متوقعة على الإطلاق , و ما أن تمالكت نفسي حتى قلت ) : ربنا ينصركوا يا آبا الحج .
الشاب الجالس على يساري : هو يعني إيه مرجئة يا أستاذ .
أنا : يعني اللي عايز يضرب بانجو يضرب , اللي عايز يسكر يسكر , اللي عايز يسب الدين يسب , طول ما قلبه عامر بـ الإيمان .
الشاب الجالس على يميني : والله عين العقل , ما تاخدوني معاكو ونبي يا بيه !! .
أنا : لا دي حاجات الواحد بيعملها لوحده وما ينفعش حد يكون معاه فيها , ولا أقولك خد عمك الحج اللي قاعد قدامي ده معاك , يا تضله , يا يهديك .
صوت الشيخ محمد حسين يعقوب : تجد النساء يتصابَيْن ويرتدين ما لا يليق , بينما أحفادهن يرتدن المدارس والكليات ليمارسن ما أملي عليهن من آداب فاسده وتعاليم رقيعه من أمهاتهن وجداتهن ..., فأين أصحاب العقول , أين الرجال في هذهِ الأمة الثَكْلى ؟؟؟ .
المدام المتصابيه : مش كلهم والله , في ستات تحطهم على الجرح يطيب , وصاينين جوازهم وحافزين بيوتهم , أما اللبس فـ دي حرية شخصية , يعني أنا بحب اللون الأحمر , ما لقتش حاجه عجبتني غير البادي ده , والمنطلون الشينس ده .. أعمل إيه يعني , ما أشتريش , وأنا بموت في الموووده , بحب الموووده أوي ( ثم أطلقت ضحكة رقيعه لا تتناسب إطلاقاً مع سِنّها , ولا مع أي سن ) .
الكهل الجالس جوارها : ( ينظر إليها شذرا , ثم يقوم بالبصق في أرض الميكروباز ) .
المدام المتصابيه : جرى إيه يا أستاذ , أنت هتعمل فيها شريف , ما تخلينيش أفضحك وأقول للناس طول الطريق بتعمل إيه .. مش كفايه عليا كاوي أُورتَك بمكوه رجل , وعامل فيها بتعرف ربّنا .
أنا : يا نهار طين , مين الناس دول , أنا إيه اللي جابني هنا , وقّف يا ريّس , وقّف نزلني هنا .

مشهد 3 /خارج الميكروباز , لسا على الطريق الدائري ومساءا برضه .

أنا ( أخرج تليفوني , وأتصل بأحد أقاربي ليأتي بعربيته ليقلّني ,, فلا توجد تاكسيات على هذا الكوبري المنحوس ) .
قريبي : أيوة يا محمد إنت فين إتأخرت , مستنيينك من بدري .
أنا : تعالى خدني , يحرق , يلعن , يسخط , اللي يجيلك تاني .

AbU-iKraYeM

18-11-2006, 01:57 AM

المدام المتصابيه : أحححح , إيه ده ؟

هادا اكتر اشي خلاني افررررررط من الضحك ههههههههههه

بحب الموووده أوي ( ثم أطلقت ضحكة رقيعه لا تتناسب إطلاقاً مع سِنّها , ولا مع أي سن ) .
الكهل الجالس جوارها : ( ينظر إليها شذرا , ثم يقوم بالبصق في أرض الميكروباز ) .

هههههههههههههههههههههههههه

وهادا اشي مش طبيعي ...

تتحياتي الك اخي ابن العراق يا عسل ...

حكاويك كلها زيّك حلوة وممتعة ..

وننتظر المزيد ,,,

ابن العراق

21-11-2006, 09:48 PM

شكرا يا محمود على التِعدايه الظريفة دي ..
شالله تسلم يا زوق , إنت إبن ناس والله ..
بس أنا عايزك تعدي وتضحكنا , بزيادة عليا إقباسات
عايز أفرط من الضحك أنا كمان ,
المنطقة دي منطقة حره على فكره , ماهياش ملكية خاصه لبيت المرحومه ستي لا سمح الله ولا حاجه .
لما تلاقي نفسك مُتَضَايققق أو مبسوط أو مِقَرْيِف أو مش لاقي حاجه تعملها , شد الكي بورد على رجليك وإحكي ,
أنا واثق إنك مِخَزِّن حاجات كتير ...
الميكروفون مع سعادتك , خد نفس عميقققق ....
وعد من واحد لعشرة .............. وقول يا ريس .
كلنا آذان صاغيه .

ضياء عاصى

02-01-2007, 09:24 PM

السلام على الجميع

وحشتونى جميعا ... زى ماكانت بتعمل نجوى ابراهيم زمان فى برامج الاطفال

تختفى اسبوعين عن برنامج ( زهور من نور ) و فجأه تظهر تقول المقدمه اللى بتضحك على عقولنا بيها ... و اتاريها كانت بتغيب خمستاشر يوم عشان تولد

بيقولو ليها عيال كتير فى مصر ... تخيلو بقى برنامج قعد 15 سنه حتجيب منه كام عيل .

و الله الواحد ماله نفس يحكى ... حتى انا مستغرب نفسى ليه فتحت على بيت ستى النهارده .

لكن لما قريت موضوع ابن العراق حبيبى عن الميكروباسات ... كالعاده مكملتش قراية الموضوع للآخر ... لأنى تقريبا بابقى عارف هوه هيقول ايه ... و برضو بضحك

المهم الموضوع فكرنى بموقف قصير مش طويل زى اللى حكاه ابن العراق :

( وانا فى الكليه مره مروح انا و واحد صاحبى نذاكر عنده ... كانت ايام امتحانات نصف العام تقريبا )

و احنا على كوبرى الملك الصالح و راكبين الميكروباس ... ركب قدامنا واحد باين من منظره ضعف الشخصيه ... و معاه واحده اعتقد انها اخته الكبيره

الاخت الكبيره بتقول للواد : يا شلاطه انت بقالك 5 سنين متجوز ... مفروض تبقى فهمت اللعبه دلوقتى ... مراتك دى مالهاش الا المد على كراسيعها ... دى بنت كلب و انا عارفاها ..

الواد شلاطه : يا محاسن انا غلبت مع بنت صليب الوســ ... دى ... ضرب و بنضرب ... كى بالنار و بنكوى ... البت قربت تنشوى منى ... مش عارف اعمل ايه تانى معاها يا محاسن

الاخت محاسن : أشكمها يا خايب ... المره من دول لما بتنشكم بتنظبط , و الصنف ده وسخ

المهم عشان مطولش عليكو فى الحواز البذىء بينهم و اسمعكم كلام يخلو ودانكم تفحم

لانه حصل سب اديان و العياذ بالله و كفر ... فهلخص

فجأه ظهرت فى السما سحب كاتبه ( لا اله الا الله )

دى ظهرت فعلا ... و الست هى اول واحده شافتها

الست أخت الواد : شوف يا شلاطه السما عامله ازاى ...؟

انا : ده لا اله الا الله

شلاطه : يا سبحان الله .. سبحان من له الملك و الملكوت... ارحمنا برحمتك يارب

انا : ايه يا شلاطه ...؟؟ ... انت لحقت ترجع للإسلام فى دقيقه ..؟؟

صاحبى اللى قاعد جنبى : لا يا ضياء ... الاخ شلاطه كان بيجرب الكفر ... و لما حس ان ربنا حيسخطه فردة جزمه ... قال الحق نفسى ..

شلاطه : متتمسى بروح امك انت و هوه عالصبح

أنا : ايه يا شلاطه ... انت هتعمل دكر علينا ... متشوف مراتك اللى مشغلاك خمسه و اخميسه فى البيت عشان الحسد .

شلاطه : اه و الله ... دى مره بنت ديك كلـــ ...

و كفر شلاطه فى ثانيه

ضياء عاصى

08-02-2007, 03:43 AM

السلام عالجميع

اخوانى و اخواتى الكرام ... تحياتى الاوليه و الثانويه و الاعداديه لكم جميعا ...

دايما لما بتكعبل فى الموضوع ده بتتكعبل فى ذاكرتى اشياء بسيطه و قصيرة العمر ... لدرجة انى مبقدرش أعبر عنها ... لأنها أقصر من ان تُسرد فى كلمات ...

انا مش هحكى موضوع معين ... بعينكو ... خلي الأرضيه ناشفه النهارده ...

تعالو كده اتذكرو البعبع اللى دايماً ناطط فى و جهنا ... أول ما البيت او حتى الغرفه بتفضى عليك ... بتبدأ تتخيل ان فيه اشخاص أو ربما مسوخ ... لو بصيت ورا الدولاب حتلاقى عفريت طالعلك ... أو ربما حرامى ... لأنه على حسب الصوره المكونه للحرامى فى ذهننا لا تختلف كثيرا عن صورة العفريت ..

كان أوقات لو المخده اتزحلقت من تحت دماغى عالارض بخاف اجيبها لانى بتخيل ان فيه يد عفريت حتلقفنى من تحت السرير ( قال يعنى العفريت مستنينى لما أنزله عالارض ) ... و كأن العفريت متكسح ... طب بالذمه حد يخاف من حد مشلول ..؟؟

لو دققت النظر فى ملامح احد اصدقائى اللى مفروض انى اعرفهم طول عمرى ... أبدأ أتخيل انه هيتحول لعفريت و إن ملامحه دى لأول مره اشوفها ... انا حاسس انه فيه أكيد نظريه علميه للموضوع ده ... كونتها فى دماغى وانا صغير لكن معرفتش أعبر عنها فى خيالى ... هى تكوين صورة الاشياء و التزامن بين حركة الشىء و الصوره الفعليه التى تصل للعين ..

طبعا مش فاهمين حاجه .. ؟؟؟ أقوللكم مثال ... لو بصيت لنجمه فى السما .. طبعا المسافه بينك و بين النجمه تقدر بالسنين الضوئيه تختلف باختلاف بعد النجمه عننا ... فتخيل النجمه اللى انت شايفها ... ده مكانها و ده شكلها من سنين ضوئيه و هى المسافه بينك و بينها ...

كنت بتخيل الموضوع ده فى خناقه ... لو شديت فى الكلام مع واحد ... أخاف ليلكمنى فى وجهى و عقبال لما آخد بالى انه حيضرب كان شوه منظرى بوانى ... فأروح بكل سرعه و بمجرد إنى اشد معاه فى الكلام بإرسال قذيفة فى خلقته ... ده إعتمادا على مبدا اتغدا بيه قبل ميتعشا بيك ... و أكتشف فى الآخر انه كان بيهزر معايا ... ده بعد ميتعجن طبعا .

سلام

AbU-iKraYeM

08-02-2007, 04:58 AM

ههههههههههههههههههههههههههههههههههههههههههههه

ههههههههههههههههههههههههههههههههههههههههههههه ههه
هههههههههههه
ههههههههههههههههههههههههههههههههههه

مش عارف انا بقرأ الموضوع وواقع على الارض من الضحك

ههههههههه

تحياتي لصاحب القلم الرائع وخفيف الظل ضياء عاصي

منور يا ورد!!!

تحياتي الك

ابن العراق

09-02-2007, 09:29 AM

سلام يا أهل الدُار ... مش عارف ليه وأنا بين اليقظة والنوم , نفسي هفّتني على الدخول لحد غَادِي , وغادي دي وصلتني لبيت ستي , طبعا على رأي أبو كريم فرطت من الضحك على الأرض , لدرجة إن المدام صاحبة الشقة اللي تحتي , إتصلت بالبوليس علشان يشدني على القسم وتعرف تنام ... بس تصديقا على كلام ضو , أنا أشهدله بكل حرف قاله ...
وفعلا ضياء كان شرس جدا ... وسنانه معلمه على دراعات كل أصحابه , حكم هو كان تخصص عض ..
فاكر مره كان في واحد من قرايبنا راجع من السفر من جنة عدن , وأنا وضياء وبيبو وأحمد أخويا كنا مستنينه علشان قال إيه ( نسلم عليه ) , طبعا لو كنا أكبر 10 سنين بس أيامها , كنا أستنيناه وهو راجع من السفر برضه , بس علشان نحدفة بالطوب مش لأي سبب آخر .
المهم شلنا المراتب والمخدات من جوه بيت ستي وفرشناها قدام البيت , وقعدنا كل واحد يبرز مواهبه , في إنتظار حاتم الطائي ... ضياء يغني ( أعاتبك على إيه ولا إيه ولا إيه ) للأستاذ محمد البدوي الشهير بمحمد محي ... وأنا بغني ( وأنا وأنا وأنا وأنا ... وأنا أعمل إيه ) .. للأستاذ هشام عباس .. وبيبو وأحمد نعسوا قبل السهرة ما تبدأ ... المهم بيت ستي كان في حبال غسيل قدام الباب والدنيا كانت ضلمة كحل وأنا وبيبو وأحمد عبارة عن قنافد بالنسبة لضياء الي كان طولة بتاع متر وسبعين سم أيامها ...
المهم وإحنا في قمة اللعلعة وأنا وضياء بنباسي لبعض دويتوهاتنا الشهيرة , هو يبعتلي القرار وأنا أمسي عليه بالجواب , إلا وعربية بيئة زي اللي راكبها بتهدي قدام البيت , قلنا أكيد ده حاتم الطائي , صحينا بيبو وأحمد ولملمنا أوراقنا ومخداتنا ومراتبنا وبقايا برائتنا ,,, وهاتك يا جري على جوه البيت , قبل ما يلمحنا الوحيد اليتيم اللي مالوش حد .... جرينا في أم الضلمة الكحل بأقصى سرعه , عدينا أنا وأحمد وبيبو , وإذ بنا نلمح بطرف عنينيا الشمال كائن بيطير وبيرتمي فوق العربيه البيئة اللي زي اللي راكبها دي ....
طبعا حبل الغسيل شال أخونا ضياء وهبده في أحضان حبيبه ...
وأهي أيام وبتعدي , في أم الدنيا إللي ملهاش ملامح دي ...
سلام ... وإلى اللقاء يا أصدقاء , على رأي ماما نجوى ..

ضياء عاصى

10-02-2007, 03:52 AM

إبن العراق بقى و طلعاته اللى من تحت الطرابيزه ... طول عمرك بتموت فى المفاجآت يا حموكشه ... الواحد دايماً بيبقى ماشى لا بيه و لا عليه و فجأه يلاقيك طالعله من تحت طبليه او صينية عشا حتى ... إتفرجت على فيلم سبايدر مان .. ؟؟ كان كحروت و معفن و فجأه ... هههههههههههههه ... معلش اصل انا متعود اتزحلق فى نفس المكان ...
مش عارف ليه وأنا بين اليقظة والنوم
ايه الحاله الجديده دى يابوب ...؟؟ احنا متعودين عليك دايماً بين النوم والنوم ...
نفسي هفّتني على الدخول لحد غَادِي
أكيد فيه حدا من العيال قالك ان فيه كشرى غادى ...
وفعلا ضياء كان شرس جدا ... وسنانه معلمه على دراعات كل أصحابه , حكم هو كان تخصص عض ..
عض و خرم و حياة ودانك يا حموكشه
بس انت نسيت تقول ان احنا كنا قاعدين قدام بيت ستى ومقابل له بيت أعز و أغلى اصدقائك عماد ابو خيشه ... حتى انت كنت بتغنيلو يومها أغنية جانى مرسال الحب ....

سلام ... وإلى اللقاء يا أصدقاء , على رأي ماما نجوى ..

اها ... أصدقاء ... حاكم انت لك 3 أنواع من الاصدقاء ... الأصدقاء الغير مقربين ... ودول اللى لك عليهم تار أمثال عماد ابو عبدالسلام و احمد ابو البدوى ... و دول ميعتبروش أصدقاء ...
و الاصدقاء المفتعلين ... و دى نوعيه مش كتير عددهم ... تحس انك بتصاحب أفلام كرتون زى احمد ابو سرور و محمد ابو راس ... و داوؤد ... و دول ميعتبروش اصدقاء حقيقيين ايضا .

و الاصدقاء المقربين ... و دول اللى ممكن تبيع الواحد فيهم فى لحظه وانت حاطط رجل على رجل ... و ياويل من كان مقرب منهم ..

حموكشه حكايتك فطستنى من الضحك و فكرتنى بحكاية السيد ابو داغر ... ياريت تحكيها انت لانى بحس ان اسلوبك اكثر فكاهه منى

باى باى

ضياء عاصى

02-03-2007, 06:33 PM

السلام عليكم ...
أنا حاسس ان بقى عندى انفلوانزا بيت ستى ... كل لما اقول ياد كفايه نشر غسيلك قدام الاعضاء لستايل و اولاد الزوات الاقى كتافى بتنشر عليا ( على رأى امى الله يمسيها بالخير ) و النشر يروح متسرسب على دراعاتى و من دراعاتى على أقصى أطراف صوابعى اللى بتقوم بمهام الكتابه و التعبير بالحاجات اللى انا مش حاسس بيها اصلاً
... الله يسامح اللى كان السبب فى فتح موضوع بيت ستى ... و يهديه يارب ...
حاكم انا انسان انفجاعى عالبساطه و فتح القلوب ( القلوب البيضا آه و السودا لا ) ... إنفجاعى دى جايه من مفجوع ( النهم فى حب الشىء و الشعلقه بيه ) زى اتلاقى ناس مفجوعين بحب السريس مثلاً ... السريس ده عباره عن نبات بيطلع كده من غير تقاوى ... و مبيحلالوش الا انه يطلع لازق فى البرسيم ( يعنى علشان تاكل سريستين بتلاقى نفسك اكلت غمر برسيم جنبُه ).
آه لو كان ينفع ادخل بيت ستى ده باسم تانى غير اسم ( ضياء عاصى ) كنت عملتها ...
طب اقوللكو على فكره ... بما انكو متعرفونيش أصلاً ... متيجو تعتبرونى واحد تانى غيراللى انتو متعرفهوش .
واحد سوفاج و بيئه و مالوش اى كينونه بين الكاينونات اللى متكيننه حوالينا .
اسمعو بقى الحكايه دى من اخوكو المتخفى .... و للا بلاش اخوكو دى لتعتبروها شتيمه ... حاكم فيه ناس بتاخد الكلام زى الباك فاير على صدورها ...

*** *** *** ( السبنسه ) *** *** ***
فى يوم كنا رايحين انا و الأخ ( القلب الجرىء ) ده علشان يكون متخفى برضو لانه شخصيه مرموقه جدا فى مجتمع الامارات حاليا ... كل اللى ممكن اقولو عنو انه ابن خالتى , ومهندس برضو ... بس مش زيى طبعا ... انا ماليش مثيل اكيد ... هوه بالنسبه لى كرتونة اصفار عالشمال .
ييييييييييييييييييييييييييييييه ... كنت حنسى الحكايه ...
كُنا رايحين القاهره ... انا كنت رايح الجامعه و هوه كان رايح يخلص ورق خاص به .
المهم انا رحت طالع على جامعتى .. مسطرتى فى ايدى و مطوتى فى جيبى ... و من سوء حظى لقيت ان اليوم ده اخر يوم لدفع المصاريف و انا كنت بحب ابلطج فى موضوع المصاريف ده ... بس اعمل ايه ... قلت ياد خليك شاب استريت و جان و ادفع المصاريف السنه دى و أمرنا لله ... و دفعت المصاريف و مكانش باقى فى جيبى غير اتنين جنيه .
كنا متفقين انا و ( القلب الجرىء ) نتقابل فى رمسيس بعد منخلص مشاويرنا ..
خلصت انا مشاويرى و استأذنت من البنات صحباتى اللى كانو ملفوفين حوليا زى ميكون ملفوفين حوالين صباع محشى ... قلتلهم باردون يا بنات , بس عندى معاد مع ورق عنب .
و خلعت بالإتيكيت المعتاد منى ...
وانا فى الطريق لرمسيس نفسى الدنيه هفتنى على طبق كشرى من عند محل فوده ( أعفن كشرشجى فى حلوان ) ... قلت نَزِل واحد لوكس باتنين جنيه يا مرمطه ( ده اسم الجارسون اللى بينزل الطلبات ) .
ضربت طبق الكشرى من هنا طبعا و رجليا مكانتش شايلانى ... اديتها نوم فى مترو الانفاق لغاية رمسيس .
نزلت المحطه لقيت الاخ ( القلب الجرىء ) قاعد مقرفص على سلم المحطه ...
قلتله : خير يا مان ... ؟؟
قاللى :انا صرفت كل الفلوس اللى معايا و مش باقى غير جنيه و نص .
قلتله : و صرفتهم فى ايه بقى يا روح خالتى .. ؟؟
قاللى : فى تخليص الاوراق ... بس كل اللى اشتريتو بيتزا و اربعه كانز .
قلتله : أربعه كانز ..؟؟ ليه هوه انت كنت بترشح .. ؟؟ .. الجنيه و نص اللى معاك دول يادوب يركبوك فوق القطر .... و لقيته ماسك اربع بواكى مولتو ... رحت واخدهم منو و قلتله و الله منت ضايقهم ... طبعاً ينفعونى دول عشان مستودع الكشرى اللى مبلط بيه معدتى من شويه .
انا طبعاً كان معايا اشتراك درجه تانيه فى القطر ....
قاللى : طب و حتسيبنى فى السبنسه لوحدى يا ضو ... ؟؟
قلتله : و لا ضو ولا كُحل حتى .. انا معنديش استعداد اركب سبنسه فى ام القطر ده ... يلا يا هيمه باى و أشوفك فى ابوحماد ..
المهم ركبنا القطر ... و انا قلبى واكلنى عالواد ... ده عمرو فى حياتو ما ركب قطر ... حيتبهدل انا عارف ...
و رحت طالع عالسبنسه و انادى ... يا ابراهيم .. يا ابراهيم ... و اسأل البياعين اللى فى القطر ... يا جماعه محدش شاف شاب مُختلف عنكو تماما ... شاب طويل و عنيه خضرا و زى حسين فهمى بس على كُحلى ... ؟؟؟
لقيت واحده من البنات اللى بيبيعو بتقوللى : يكونش تقصد الكابتن اللى شبه ظباط الشرطه ده .. ؟؟
قلتلها : هما ضباط الشرطه بالنسبه الك مارلين مونرو طبعا ... ايوه يا ختى هوه .
قالتلى : ده قاعد فى البوفيه جوه . الحقو قبل ميتاكل ...
دخلت البوفيه لقيت الاخ ( القلب الجرىء ) ماسك كوباية شاى بيطفحها و الركاب كلهم ملمومين حواليه زى ميكون بيعملو سبق صحفى .
رحت بكل نرفزه و جبروت ساحبو من بين خمستاشر بنت من البياعين .
قلتله : انت جبت الشاى ده منين .. ؟؟
قاللى : لقيت ربع جنيه فى جيب البنطلون الورانى .
قلتله : طب خليلى شوية شاى طيب .
و رحت لاقط منو كباية الشاى و ضارب معاها باكو مولتو .

و سلام ....

هشام

29-03-2007, 07:38 AM

AbU-iKraYeM

29-03-2007, 03:41 PM

هههههههههههههههههه

ههههههههههههههههههه

هههههههههههههههههههه

ضياء عاصي ملك الفكاهة

وابن العراق العسل ...

لا اعتقد ان بيت ستي بيكون منور بغيابكم ..

انتوا النور اللي عايش عليه البيت

طبعا لا ننسى اخونا الغالي وحبيبنا حافظ وايضا نور الدين المهاجر اخوه

والمهندس العزيز ابراهيم

فكلكم نوارة هذا البيت !!!

اتحفونا بكل جديد ...

ولا تعتبروا قصص بيت ستي هي منشر غسيل

بالعكس هي بيت خفة الظل ... والمرح الذي عشتوه في اجمل ايام العمر !!!

كل التقدير لكم اخواني واحبائي الاعزاء على قلبي

ضياء عاصى

30-03-2007, 08:01 PM

وحشتونى جدا
ووحشتنى ستى وبيت ستي
رجاء قراءة الفاتحة على روحها وروح أبى وخال أبوأحمد وأرواح المسلمين جميعا
وإلى لقاء قريب وأسرار لم تكتب بعد عن سكان بيت ستى0
إوعى
اللى خايف على نفسه يروح00000000هشام عطايا
قائد الإمداد الطبى ونائب ثالث بيت ستى

هلابك يا صدام بيت ستى

و الله و لك وحشه يا بوعُدى ... قصدى يا بو محمد , أو بحبد بالألمانى

امطرنا بوابل ذكرياتك من عند لما رضا كحور اقتحم علينا بيت ستى و احنا بنشرب سجاير لغاية الدبكه الشامى

تحياتى الحاره جدا لك و خلينا نشوفك

ابن العراق

28-05-2007, 12:35 PM

سلام يا عم صلة الدم .. منك ليه ليه , لحد 27 ليه وليها ...

أنا جايلكو النهارده ومعايا هدية جامدة .. الهدية عبارة عن بني آدم ما أعتقدش إن في حد من أعضاء بيت ستي لاحظه قبل كده , بالرغم إنه كان متربي على السور الشرقي من الحصن , قصدي البيت .

الشخص ده هو حسن أبو السيد أبو سالم .. إبن الحج السيد أبو سالم الله يرحمه .. جيران ستي .
واللي فكرني بيه موقف حصل من مده معاه , والموقف جرجر معاه شريط من المواقف لـحسن .

حسن ده عنده حاجه وأربعين سنه , إنسان طيب جدا وساذج جدا ومتهور جدا ومتفاني في شغله بشكل غبي ..
جبته من 3 شهور علشان يقلِّم الجنينه اللي قدام بيتنا , وبالمرة يقلِّم شجر الزينة اللي قدام البيت واللي مبقيناش نعرف نفتح بوابة البيت منه .. الشجر ده بقا , أغبى شجر زينه شفته في حياتي , بيكبر بسرعه غريبة وممكن أفتح الدولاب ألاقيه في وشي , أو طالعلي من درج المكتب مثلا _ ده شجر الزينة مش حسن _ ... والأغرب من كده إن الشجر ده الشوك في أفرعه بالظبط ومن غير مبالغات طول الدراع ...
المهم إتفقت مع حسن باليل , وخلاص يا أبو علي بكرة من النجمة تيجي تغتال شجر الزينة ده , وتقلملي الشجر التاني ....
حسن : خلاص يا أستاذ محما .
أنا : يعني أعتبر ده وعد ؟
حسن : ما تغيرش الموضوع يا أستاذ محما , وعليه الطلاق لجاي , ما تتفقش مع حد تاني .

\ تاني يوم \

أنا قايم كالعاده من النوم متأخر بعد الضهر ومسافر على الشغل , طقوس بعد الصحيان خلصتها في ثانيه إلا ثانيه وفتحت باب البيت , ولسا بخطي كام خطوة في البرندة , لقيت في غِيطْ شجر مرمي على السلالم , وصوت خبط ورزع وتأوه بني آدم .

أنا :حسن ... إنت محاصرنا ولا إيه ,, أنا قايلك تيجي تغتال شجر الزينة مش تغتالنا يا حسن ...
حسن : أصبر يا أستاذ محما , الـجِدر ده معكرِس معايا ..
أنا : يا نهار أسود , جِدرْ إيه , إنت وصلت للجدر .... أنت جاي علشان تقلم الشجر يا بني آدم مش علشان تهد البيت على روسنا وتمشي ... طلعني أنا الأول , عندي شغل ومتأخر , تعالى شيل الأفرع دي من السلالم ...
بضرب عيني لمكان الصوت , لقيت حسن فوق البوابه _ فوق البوابه في سقف كده , قال إيه ديكور يعني _ بطول بتاع 6 متر وإرتفاع 6 زيهم كده من على الأرض .
أنا : إخلص يا حسن ..
حسن : حاضر يا أستاذ محما ... حاضر يا أستاذ محما .... يا أستاذ محما .
( حسن كده لما بيتلخبط بيقعد يكرر الكلام وساعات يقول الجمله ويقعد يعمل الصدى هو مع نفسه )
أنا : إخلص .
( حسن رجع 5 خطوات لورا , وطلبت معااه ينُط من فوق سقف البوابه ) .
هووووب ,,, حسن نط , ظَرَفْ نفسه وسط شجر الزينة المتقلِّم أبو شوك بطول الدراع ده .
حسن : يالهوي يا أماااااا , إلحقني يا أستاذ محما , إلحقني يا أستاذ محما , يا أستاذ محما .
الشجر كثيف والداخل فيه بحكم الميت فعلا أو المشوّه ..
أنا :( ما مسكتش نفسي من المنظر , وقعت على الأرض من الضحك , وبعد ما هديت )
إخلص يا حسن , عندي شغل , إخلص ...
حسن : حاضر يا أستاذ محما ,, أنا قربت أطلع أهوه , الله يخرب شورتك الطين يا أستاذ محما , وعليا الطلاق منا عنت جايلكوا تاني ... حسن طلع مشوه وهدومه متقطعه وجبناله دكتور خيّطه وعلّقْله محاليل , وكان يوم نكته .
اللي أكتشفته نفس اليوم باليل _ بعد ما قعدت وما عرفتش أطلع من البيت ولا أروح الشغل , و بعد ما حاصرنا حسن بالشجر والشوك طبعا , وكان ناقص يرمي علينا قنابل دخان من الشبابيك _ إن حسن وهو بيقلم الشجر , قلّم معاه , سلك التليفون , وسلك الدش , وسلكين من أسلاك الكهربا , وتقريبا كان هيقطع رجل أحمد أخويا بـ عِدِّة الاغتيالات بتاعته .

من المواقف القريبة برضه :

إن حسن بيشتغل غفير في شِفت الليل , يجيب بطانيته وجوزته ومعسّله ويتلكفت عند كوبري الشناينه , أول ما يلمس جسمه الأرض , ينام فوراً ..
في ليلة من ذات الليالي , ولاد الحلال سطوا على دكان من الدكاكين , الواقع على بعد 10 متر من مكان ما حسن نايم , وخدوا منه سلاحه وهو نايم , وقبل ما ينفضوا الدكان , رموا فيها ورقه مكتوب فيها :
_ لقد فعلها حسن _
حسن صحي من النوم , بعد الشمس ما صدّعته , لقي سلاحه متاخد منه , ومعسّله كمان , ومتهوم بسرقة الدكان اللي واقف علشان يحرسه .

من المواقف البعيدة :

هنرَجَّع حسن المطيع الطيب بالذاكرة أربعين سنة لورا , أيام ما كان في المدرسه ,, في حصة من حصص العربي , القراءة على وجه الخصوص ..
اليوم : الأربعاء .... وده طبعا يوم من الأيام المقدسة بالنسبه لحسن وسيأتي ذِكرُه .
الحدث :حسن نايم في ميِّة البطيخ , جوزته في درج تـَختِتُه .. ومعسَّلُه في جيب السديري , والحصة شغاله ..
الأستاذ : قوم يا حسن سمِّع علينا درس الحصة اللي فاتت _ في حصص كانوا بيسموها محفوظات , والمفروض إن في مواضيع منتقاة , مقالات على وجه الخصوص , بيحفظوها الطلبة , طبعا فكرة غبية جدا وملهاش معنى إني أحفظ مقال وآجي أطرشُه تاني يوم _ .
حسن : حاضر يا إستاذ , حاضر يا إستاذ , حاضر يا إستاذ ... بس فكرني بإسم الدرس وأنا هقول علطول .
الأستاذ : إسم الدرس ( السوق ) يا حسن .
حسن( بكل ثقة ) : أمي راحت السوق , جابت عيش وطعمية , وجابتلي أني وزبد أختي بوظة , وماجابتش لأبراهيم أخويا علشان بطح عمي محمود أبو أحمد وهو رايح يصلي الضحى , وأبويا حلف عليها بالطلاق لترجع تجيبله سوبيا من السوق تاني ......... إلخ
حسن بيحكي المقال من وحي البطيخ , ومن وحي إن يوم الأربعاء ده هو يوم التسوُّقُ الرسمي في البلد .. ينتصب السوق يوم الأربعاء والناس كلها تتسوق في اليوم ده وخِلصِت , للأسبوع إللي بعده .

هنرجِّع حسن بالذاكرة سنة كمان لورا , وعلى السيدات والسادة مرهفين الحِس أن يطلعوا من الصفحه حالا ..

حسن , أمه بتخبز , وقاعد هو وأخواته التِسعه بيفطروا من طبق واحد طبعا _ ترف الأطباق والصواني والكلام ده مكانش لسا طِلِعْ _ ... حسن الأكل وقف في زوره , طرشُه جوّه الطبق .
لم يبد على ملامح أي حد من إخواته الإمتعاض ... كمّلوا أكل عادي جداً , وكأن شيئاً لم يكن , من نفس الطبق , لا بل كانوا بيتخانقوا على مين ياكل من الحتة اللي حسن طرش فيها , _ جاست فور بريكين ذا روتين _ , علشان يكسروا قاعدة الطبق الواحد دي ... وحسن كمّل معاهُم , وإتخانق معاهم برضه على إنه ياكل من نفس الحتة اللي طرش فيها , وبصراحه معاه حق ....... طراشه ومن حقه يدافع عنّه .

يبقا فكروني المرة الجاية أحكيلكوا على ( زَبَدْ ) ... أخت حسن , وسيدة القصر ..

AbU-iKraYeM

29-05-2007, 07:51 PM

صراحة

مش قادر امسك نفسي من الضحك

والله قصص رائعة ,,

وممتعة جدا وانسجمت قوي معاها

هههههههههههههههههههههههههههههههههه

هههههههههههههههههههههههههههههههههه

* * * * *
تحياتي للمميزان

ابن العراق الغالي

وضياء عاصي الحبيب

دمتما بخير احبائي ,,

شاعر البادية

28-06-2007, 06:07 AM

الحقيقة عمري ما كنت أتخيل إني اقعد الوقت ده كله اقرأ موضوع واحد زي ده اللي قريته في قعده واحده برغم طبعي الملول جدا !!1
بس أنا جالي إحساس غريب ... حسيت إن أنا بشوف فيلم ابيض واسود علي تليفزيونا القديم الشارب ( اصفر اللون ال 14 بوصه ) اللي كان عندنا قبل مانشتري أول تليفزيون ألوان في المنطقة.. بالمناسبة كان نوعه جنرال 20 بوصه بالريموت... والريموت ده كان ثورة وقتها لان كل اللي كان يشوفه يفتكره آله حاسبه... ويا سلام لما يكون حد قاعد عندنا في أودة الجلوس .. ألمسماه بالأنتريه حاليا.. ودي كانت مقر الجهاز المعجزة و ييجي حد مننا ( عيال البيت يعني ) ياخد الريموت ويطلع الصالة و يفضل يقلب بين القنوات... تبص تلاقي اللي قاعد قدام التليفزيون يبسمل و يحوقل من اللي بيحصل للتليفزيون اللي علي عفاريت .... هييييييييييييييه كانت أيام.
المهم ... أنا لما قريت حكايات الشباب عن بيت ستي ماكنتش موجود فيها لان أنا اكبر منهم شويه يعني من الجيل السابق عشان كده الحكايات اللي هحكيها هتكون كلها عن كبار هذا البيت من الأحفاد والأخوال ... يعني مثلا حد فيكو يعرف حكاية فاتنة شارع العكاشات مع عبد الحميد اللي يعتبر خالي وحكاية اعترافاته اللي سجلهاله خالد.. ولا حكاية علاج الحموضه الخااااص جدا اللي بياخده... ولا حكايته مع نجوي ابراهيم أشهر مذيعة أطفال مصريه وقتها ..ولا حكاية نفس الفاتنة مع ( ا. س) اكبر الاحفاد وايه حكاية كلام الناس دي ... ولا حكاية (خالي جواد)اللي كنت هادبحه وأنا طفل صغير... ولا حكاية حسيب مع قرن الشطه المولع ناااااااااار... وحكايات كتيييييييييييييييييييير ادعولي بس اني افتكرها زي مانا فاكر حكاية ضياء في أول سنه جامعه لما كان مسافر معايا في قطار الساعة ستة و ربع المغرب ..و يادوبك القطر اتحرك من المحطة وصاحبنا ابتدي في العياط وقضينا الطريق ( حوالي ساعتين) انا و ابو بكر صاحبنا بنهدي فيه... ولما سألته مالك يا ضو ( علي رأي ستي ) ؟؟
قاللي اسكت ياخي اصل أمي صعبانه عليا قوي و ههئئئئئئئئئئئئئئئئئئئئ (( كريزة عياط ).... يا تري ايه الحال دلوقتي يا ضيا و احنا في الغربه اللي بتاخد مننا اكتر ما بتدي !!!!
عموما استنوني وحكايات لا تنسي من بيت ستي ...
(( اقروا الفاتحه لروحها و روح والدي و روح خالي ابو احمد ولجميع موتي المسلمين ))

ابن العراق

28-06-2007, 06:41 PM

:biggrin2:

إتوكل على الله يا جامد , قول وسمعنا ...كللنا آذان صاغية ..
الحكايات كلها شكلها جديدة لنج , بس فاكر حكاية عبد الحميد ( المسمى مجازاً بـخالك ) مع السيد أبو داغر , لما كانوا سهرانين وراجعين على المندرة اللي كان دايما بابها مفتوح واللي كانت جنب بيت ستي علطول , المهم الوقت متأخر وعبد الحميد عامل فيها راجل البيت , لسا بيدخل المندرة في أم الضلمة الكُحل , ورايح على النور , داس على قبيلة كلاب مسعورة نايمة جوة المندرة , طبعا السيد قفل عليه الباب من برّه مع الكلاب ... ويا فكيك على بيتهم , عبد الحميد كانوا بيدورا على بقاياه وأشلائه بالملقاط تاني يوم .
كمل إنت بقا ...

ضياء عاصى

28-06-2007, 10:43 PM

السلام ...

اهلا و سهلا بالأخ شاعر البادية

نورت يا مان البيت ... و مشكور فعلا على المعلومات القيمه .

و اتارينى مبقيتش بعيط من خمستاشر سنه

عموما انا هعديهالك يا بو عبدالرحمن المره دى

و لو اتكررت تانى يبقى عوضنا على الله فى وجودك بحياتنا الرجوليه

باى ... و كمل

شاعر البادية

29-06-2007, 04:23 AM

تسلم يا ضيا انت فعلا سريع الخاطر وطول عمرك ماتفوتكش حاجه .. بتلقطها بسرعه زي عوايدك
أما عن حكاية حياتك الرجوليه دي فربنا يسهلك وتدخلها من الأبواب الأماميه لما تلاقي بنت الحلال اللي بالي بالك....
عموما انتظر حكاوي من زمن فات...

ريهام

28-08-2007, 12:39 PM

ههههههه زكريات الزمن الماضى انا رح احكى مواقف فى المدرسة لانى السنة خلصت مدرسة كان عنا استاذ الجغرافيا بس يكتب على السبورة نقعد ناكل فى الصف وهو كان يعرف بس ما كان يكلمنا ليش ما بعرف؟ كنا فى كل حصه نحضر الاكل ونجيب اكلنا معنا ونخصص الاكل لهاى الحصة بس بيستاهل كانوا عيونه:z050: يا لطيف اما ذكريات البيت لا تعد ولا تحصى بس الواحد بينسى مع الزمن كنا نتقاتل احنا والجيران او اصحابنا وبعد ثوانى نتصالح هههههههه وكنا نغلب عمتو وتيتا وقصة ابو رجل مسلوخة .......... ناموا بسرعة قبل ما يجى ابو رجل مسلوخة ............................... هههههههههههههههه

ريهام

28-08-2007, 12:45 PM

يا سلام متت ضحك ههههههههههههههههه اول مرة الواحد ينسجم فيه هيك موضوع حلو ومسلى وبضحك

ضياء عاصى

13-11-2007, 09:01 PM

السلام عليكم و رحمة الله و بركاته

أنا حبيت ادخل امسى على اعضاء بيت ستى الطعمين اللى واحشينى جدا ..

لانى فعلا حسيت انى عاوز امسى عليهم نفر نفر ...

انا مش فاكر شىء معين اتكلم عليه النهارده ... لان تقريبا ذاكرتى ضعفت شويه ... لكن كل اللى انا حاسه فى اللحظه دى إحساس بانى مشيت مسافاااااااااااااااات طويله ... طويله فعلا و بعيده ...

عارفين الاحساس بالوهن من شىء غير ملموس خاصة لما يكون ماضى معادش له اى خيوط ... و خاصة كمان لما بتكون فى بداية مرحله جديده من حياتك ... زى السفر اللى مالوش معاد للنهايه ... و زى الزواج اللى مالوش معاد للبداية و لا للنهايه برضك .

حتى لو كانت المرحله الجديده افضل ... لكن بيت ستى نكهته عجيبه ... بتغلب عليه نكهة السذاجه و الجنون اللى تحس انك محتاجلهم ...
مش ساعات بتحس انك عاوز تعيش فى موووود ساذج بدون ما يعود عليك بمخاسر او مشاكل .. ؟

عارفين اغنية صدفه بتجمعنا و ساعات بتودعنا ... بتاعة انغام يا اولاااااااااااد ... :z050:

اها ... افتكرت حاجه حالا ... علشان بس المشاركه متكونش خالية من الذكريات ... افتكرت لما بنت بنت خالتى ( ريمان ) كانت طفله زى العسل و عمرها تقريبا كان 5 سنوات .. كانت كل لما تشوف خلقتى تروح مطلعالى لسانها و احس انها حترمينى باى حاجه فى وجهى ... كده من غير سبب ...

بيقولو ان محبة الاطفال بتكون من عند الله ... و ريمان كانت بتطلعلى لسانها لله فى لله

سلامى الكبير لــ ريمان

و دمتم

ضياء عاصى

16-12-2007, 04:42 PM

النهارده الموافق 16 / 12 / 2007

عدى على عيد ميلادى 9 أيام ... يعنى انا كده براوغ فى التلاتين ... يالهو بالى ... أو يالاكى بلهجه أخرى ... دى كلها سنين ..؟؟

إفتكرت عيد ميلاد ابن واحد صاحبى من 3 سنين تقريبا

صاحبى ده حب يعمل عيد ميلاد لإبنه فعزم عمامه و خيلانه و الحبايب و القرايب و انا طبعا ( أعز اصدقاؤه )

جبت الهديه اللى كانت طالعه من عينى و مكلفانى شى و شويات .. اصل انا مكونتش بـ طيق إبن صاحبى ده ... كان طفل بايخ و يقرف ... و كمان مرات صاحبى كانت بيئه من تحت الأسفلت.

دخلت سلمت و شغلنا موسيقى خلاص حـتجوز و حـبطل ابص عالبنات

و لسه سعد الصغير حيبدأ يهنى بودى بعيد ميلاده ... راح جد بودى ( ابو صاحبى ) طابب ساكت وسط البارتى و محطش منطق ...

الناس ذهلت و طفينا الكاسيت و الصويت إشتغل ...

أنا طبعا مياكلش معايا الجو ده ... رحت ساحب من جنب الحيط و هديتى فى أيدى و فكيكه عالبيت ..

قابلنى واحد صاحبنا جاى برضو بهديه بس كان شكلها اغلى من بتاعتى بكتيييير
قلتله رايح فين يا احمد ...؟؟ قاللى رايح عيد ميلاد بودى

قلتله : طب انا مش عاوز اشوف اشخاص معينين هناك .. ممكن لو سمحت تروح تشوفهم موجودين و للا لأ و تعالى قوللى .

راح احمد سايب الهديه بتاعته معايا و راح يشوف الطريق

رحت انا واخد الهديتين بتاعتى و بتاعة صاحبى و خالع

و أبقى اعمل عيد ميلاد تانى يا بودى ... عشان المره جايه تاخد خبر ستك ...

ضياء عاصى

21-12-2007, 10:30 PM

إمبارح وا نا بشيت انا و انتيخى حافظ العبادله .. فكرنى بموقف فظييييييييييع .. و لما طلبت منه انه يحكيه فى بيت ستى رَفَض .. أنتو عارفين بقى راجل مدير منتدى قد الدنيا مش معقول حينزل لمستوى حكايات طفوليه.

و انا زى منتو عارفين راجل على قد حالى خالص مالص .. يادوب حتة مهندس كهرباء نابغه و فى قمة النجاح بس .. يعنى آخرى انى احكى حكاوى زى دى ...

الحكايه ايه بقى ... :
بداية أنا انسان لا اعرف شىء عن السياسه الا إن حسنى مبارك رئيس الوزراء فى محافظة الدقهليه .. و إن العمده بتاع بلدنا اسمو الحاج ابراهيم ابو بقرى .. و هو اللى جوز ستى لسيدى ... و إن عمى شعبان ابو دسوقى هوه شيخ بلدنا و اللى علاقتى بيه كانت علاقة طوب ( تحديف طوب من الشبابيك على بعض )... غير كده أنا معرفش ولا حرف فى السياسه .

لما الواد محمد ابن خالتى لقيته فجأه بيتكلم كلام غريب .. و بيقول اسماء ناس كده عجيبه , واحد اسمه صدام و واحد اسمه بوش و واحد اسمه ابو تريكه و نانسى عجرم ...

قلت لا مينفعش كده ... الكلام ده باين عليه انه كبير و مهم و لازم اعرف ايه الكلام ده ..
رحت طبعا لأوسع صدر فى المنطقه و ارتميت جنبه على سرير الاعتراف ( اصل احنا عندما لازم الاعترافات تتم و انت ممدد على ضهرك) .

قلتله : حافظ
قاللى : أيوه ( طبعا اشهر و الذ ايوه ممكن تسمعها فى حياتك ... انا كنت دايما احب اقعد انادى عليه علشان اسمع ايوه دى )
قلتله : انا باسمع الواد محمد اخوك بيتكلم فى حاجت كده يعنى مش فاهمها
قاللى : دى اسمها سياسه يا بأف و مالكش دعوه بيها
قلتله : لا ... عندك ... انا لازم اتعلمها كلها من اولها لآخرها ... أنا الواد كاسر عينى ياعم مبقدرش اتخانق معاه من الفلسفه بتاعته دى ... ده أنا قربت اناديه يا إستاذ محمد ...
قاللى : خلاص يا سيدى انا اقولك يعنى ايه سياسه الاول و بعدين احكيلك الموقف السياسى الحالى

وراح حافظ سارح فى الكلام ييجي نص ساعه .... وانا و الله العظيم ما سمعت و لا كلمه....
المهم الظاهر ان حافظ كان عاوز ياخد رأآيى في حاجه و هوه بيتكلم ضمن السياسه ... و انا طبعا كنت فى سابع نومه ..
راح حافظ مقابلنى بالكف على وجهى و بكل غيظ راح قالب كباية الشاى على دماغى

رحت قايم منرفز طبعا ... و قعدت أزعق و قلبت الدنيا و حلفت منا بايت عنده فى البيت

و لسه زى منا لا عارف اتعلم سياسه و لا الطبخ حتى

ابن العراق

05-01-2008, 02:00 AM

سلام يا رجاله ...
أنا النهارده في مود غريب جدا ,, حاسس بـ حاجات كتيرة كلها ضد بعض ..
وبالرغم من إنه عندي حاجات كتيرة لازم أعملها .. فجأة لقيتني بتسكع على المنتدى ومنه إلى بيت ستي .
ومش معقول أفوتـِّها كده ,, هأحكيلكوا النهاردة على كام موقف - بمناسبة حالة التناقض اللي انا فيها دي - وبما إنّا عيلة فقرية برضو بـِ تلاقونا بنلقط الهزار في مواقف جادة جداً لا تحتمل أي هزار .

فاكر مرة كنت داخل أصلي العشا , لا بـِيَّ ولا عَليَّ , دخلت والصلاة شغاله , إلتمست الصف من يمينه .. وقفت جنب رجل طاعن في السن بلحية بيضا زي القطن إسمه محمد العجوز ... الله أكبر , دخلت في الصلاة , أعوذ بالله من الشيطان الرجيم , ركز بقا يا محمد ركز ( بـ أوجّه نفسي علشان الخشوع ) ..
الإمام : ( قد أفلح المؤمنون , الذين هم في صلاتهم خاشعون , والذن هم عن اللغو معرضون ) .
أنا : ( مركز في الآيات ومنفصل عن ما سواها ) .
الإمام : ( والذين هُم للزكاة فاعلون , والذين هم لفروجهم حافظون ) .
محمد العجوز اللي واقف جنبي في الصف بدون أي مقدمات وبصوت عالي مرعب : أوووللللللاااااااااااااااااااه. (الله يعني بس بمخارج حروفه هُوَّ ) ..
أنا : شعر راسي وقف , وللحظات والله قلبي وقف .
الإمام : إنكفا على رُكَبُه على الأرض , وبدون سابق إنذار إلتفت لينا وقال : يعني يا جماعه محمد العجوز علشان ملبوس لازم يلبسنا إحنا الكل , يا عم محمد معنتش تيجي تصلي ,, كل واحد فيكو يدخل الحمام من تاني واللي عايز يغير هدومه يغيرها وصلوا في بيوتكو .

بمناسبة المساجد .. اللهم إن كان ذنباً فلا تجعل هذا جهراً به .. داخل أنا وضياء نصلي الضهر من 6 سنين تقريبا في مسجد , لسا بندخل .. أعوذ بالله من الشيطان الرجيم , بسم الله , اللهم أفتح لي أبواب رحمتك يا رب .. بنخطِّي والمسجد ممتليء عن آخره وحلقة من حلقات العلم شغاله .. قابلنا طفل صغير عنده 5 سنين بيتأهب للخروج - والأطفال اللي زيو كل همهم إنهم ينشنوا على الجذم ولا الشباشب النضيفة - أعزكم الله - علشان يلقطوها ويهربوا والمحترم منهم تلاقيه بينشِّن بـ النِبَل على الناس وهي واقفة بتصلِّي - , المهم الطفل ده وهو خارج وإحنا داخلين .. أنا وضياء بصِّيناله في نفس اللحظة وركزنا في حاجه واحده في وشه في نفس اللحظة وبصينا لبعض في نفس اللحظة وفي نفس اللحظة برضو ضياء كان بيتدعفل جوه الجامع من الضحك , وأنا شرحُه .. بعد ما فُقنا .. دوران حوالين مركز القدم 180 درجة والصلاة في البيت من هنا ورايح لحد لما تمسك أعصابك يا معلم .
وكفايه عليكوا كده النهارده علشان مليت .

ضياء عاصى

23-07-2008, 07:10 PM

السلام عليكم و رحمة الله و بركاته ...

ياااااااااااااااااه و الله زمان

*** *** *** *** ***

المسرح مظلم ... و كل الجماهير منتظره النجم الشاب جاى من بعيد ... أضواء الليزر تترقب مكان النجم ... يا ترى هيطلع منين المره دى ... ؟؟

لكن النجم ذكى كالعاده .. بيحب يطلع مفاجىء للجميع ... علشان صراخ الفتايات يكون مناسب للمفاجاه ... اهو يعتبر سبب للصراخ ... لأن الصراخ من غير سبب قلة أدب ..

الغرام فى الدم سارح .... و الهوه طارح مـَعـَزه

و الحنين بالقرب بارح ... و النوى جارح يا عـزّه

والنبى يا خويا ما عرفت ذاعو نتيجة الثانويه و للا لسه ... ؟؟ الواد من امبارح نايم فى الجامع و مش عاوز يهوب ناحية البيت.

الواد حماده كان جايب 180 فى الإعداديه ... و اقول لابوه يا راجل خليه يدخل صنايع أحسن اهو يتعلم له صنعه تكسبه احسن من التعليم و قرفه ...
بس اعمل ايه فى ابوه اللى منشف دماغه و مصمم يطلع الواد دكتور ... و اهو دلوقتى بيقول يارب 50 فى الميه اهو نقفل عينين الوليه ام سعد اللى ياكلهم الدود ...

يابا مش عاوز ادخل طب ... انا عاوز ادخل اعلام ... عندى موهبه يابا حرام عليك تدفنها ...

موهبة ايه يابن الكلب يا واطى ... ده كله من شلة الصيع اللى انت ماشى معاهم ... يا تبقى دكتور يا تمشى من البيت و مش عاوز اشوف وشك ...

و النبى انا عامله حساب البت فى جهازها من و هى فى خامسه ابتدائى ... و كمان معلماها الخبيز و غسيل المواعين على جسر الخليج و طبيخ الرز و البطاطس ... بكره حتبقى فى بيت عيله ... بس خايفه عليها من عمايل الفطير ... حاكم الحموات بيتلككو .

ايه رأيك يابو مسعد تشاركنى فى البقره دى ... راخيه و مش كاسره و لا سن ... اهو تصرف على عيالك من لبنها و الولد يبقى بالنص بينى و بينك ..

ياعم الحج البرسيم غالى ... هوه انا لاقى اوكل العيال علشان اوكل بقرتك .... ؟؟؟

رمضان داخل و المصاريف حتزيد علينا ... اجيب منين يا عالم ... ؟؟

يخرب بيت الاعلانات .... بيجيبو اكل عمرنا ما شوفناه ... بيجوعونا و خلاص

إلاّ يابنى قوللى صحيح ... يعنى ايه قولة كشرى .... ؟؟؟

و النبى يا بو محمد تشوف للواد شغلانه معاك يشتغل فى اى حاجه يجيب مصاريفه ... الواد من ساعة ما خلص كلية الهندسه و هوه قاعد فى البيت ... قطيعه تقطع التعليم و سنينه.

إن شاء الله على حصاد القمح حجيب التليفزيون ابو اريال حرامى ... اللى بيسرق القنوات ده ..

ده حتى الغاز غلى ... انبوبة الغاز بقت بتلاته جنيه ..
ياختى و احنا مالنا ... ده للى عندهم بوتاجازات من اللى ب 100 و 200 جنيه ... إحنا خلينا مع بوابير الجاز ..... قطيعه

النجم لسه مطلعش على المسرح ... ؟؟؟
اكيد فى الدبليو سى .... انا عارفه طول عمره سايب على نفسه ... الله يرحم ... مخلاش و لا حماره فى البلد الا لما شال عليها سباخ ...

النجم ظهر ...

عامل شعره سبانيش ... و لابس جاكيت و تحته قميص بزرار واحد ... ضارب اللياقتين فى بعض ...

بس صدام ده ولد مجابتوش ولاده ... وقف امريكا كلها على رجل واحده ... ده و شكله حلو و النبى و شخصية .. لو يرضى يتجوزنى ... ؟؟

إنت ياراجل كل يوم تسبسب شعرك على خيبة أيه تاخدك ... إنت فاكر نفسك كلينتون ... ؟؟

ايه رأيك نروح نسمع شريط محمد محيى الجديد عند ابو عتريس ... ؟؟
طب منقولو يجيب التسجيل و ييجى نقعد فى بيت ستى ... علشان نعلى الصوت براحتنا ... اصل امو بتضرب بوز لما بنعلى الصوت

سلامى يا بيت ستى ....

ضياء عاصى

23-07-2008, 07:27 PM

حاجات و بتخلق حاجات

كان لينا فى عنينا امل

كان موجود ساعات

كان مولود ..

و كان محدود

و كان فى ليله علامات

ايه خلى نور العين ... بين و بين

أيه خلى عمر الولد يجرى فـ يومين

و الأمل مبقاش امل

بقى الملل ... معنى الثبات

ابن العراق

04-08-2008, 12:10 AM

مـــــــــــــــــُكررّه ,,

أرجع بضهرك لورا ...
بس حاسب لتدلش في الترعه يا مان أنت و هو

ابن العراق

04-08-2008, 12:21 AM

هذه الكلمات مهداه إلى ضياء ,, و إلي نفسي
وإلى آخرين نحبَّهم كثيراً ونهتمُّ لأمرِهِم كثيراً
ونـَفتِقدَهُم بـِ شِدَّة

ربما لم نتصارح بها , لكن آن أوان المصارحه
وأيضا مـُهداهْ , إلى كل من يرى نفسه فيها

إستـِهلاَلْ يـُمكِن عدم قرائَتـُه :
عن ليلةٍ كـَ غيرها , وفيروز , والنوم .. أحكِي

ذات ليلةٍ كـَ غيرِها , أعود مُـتأَخِـرّاً من عمَلِي .. أفتحُ التلفاز بعد أن صليَّت العشاءْ ..!!
لاشيء يستحقُّ المشاهدة فيه , و الوقت قد تأخر على فعل أي شيء
أحاول النوم , لكنهُ الأرقْ ..
هذا الإبتـِلاءْ ... كـ عَادتِه يُـبقيني حتى الفجرْ
أُبسملُ و أُحَـوْقِلْ وألعنُ في غضب إبليسِي
أُتمتِمْ :
هل يـَا تُـرَى هُناك أحدٌ غيري بـِ هذا الـْ حُـمقْ
ينام الرابعة فجراً كل يوم , لـِ يصحوا في السابعه صباحاً ..؟
أقرأ كل ما أحفظه من آيات القرآنْ , لكي يتسللُّ النوم إليّ
لكن هذا النوم اللعينْ , مثلُ الزئبقْ ,
كلما أردتَ أن أمسِكُه , تفَـلَّتْ
,,
إنصـِتْ ..!!
أجراسٌ تدُقْ في ذاكـَرتي عن أحداثٍ و مرَّتْ ..
أشخاصْ لازمـُوني طويلاً
وإعتدنا على أن نفعل تقريباً كل شيء معـًا
حتى ما لا يقبل القِسْمه ..!! إقتسمناه
لا أعرِفُ أن كانت كل الوجوه هذِهِ والأحداث مجرد حلم , وقد أتتْ لـِ تُهنِّئني لأنِّنيَ نمتْ ..؟؟
صوت المُكيِّفْ السمِجْ , يقول لي : ليس بـَعدْ يا طويل العـُمرْ.. ( أبشِرْ )
_ حتى المكيفات هنا تتحدَّث اللكنةُ السعوديه القميئة , التي لم أحبـُّها قطْ _
أقول لنفسي بصوتٍ عالٍ , حسناً فلنجعل يوم غدٍ شديدِ الـسَوَادْ
أجلس القُـرفُصـَاءْ ...
أتمنى أن أُحدِّثُ أحداً الآنْ , عن عدم تـَكيُّفي مع حياةٍ كـَ هذِهْ , وَ بـَشَرٌ كـَ هؤلاءْ ..
من ثم أُقرِّرُ أن أكتـُبْ .. بعد أن كنت قد أضـْرَبْت عن هذِهِ العاده الـْ غيرُ صـِحيَّه ..!
لكن أكتب عن أي شيءٍ بالظبط ..!!! لا جديد هنالكْ ..
نفس الشعور بـِ إنعدِام الرغبـَه و الجـَاذِبيّه ..!
وعدم أهميِّةُ أي شيء .. ربما زاد هنا قليلاً لـِ بُعدي عن كل ما , و من أُحِبْ
ثم إني لست بهذه الموهبة التي تؤهلني أن أكتُبْ ... حين أُريد ذلكْ ..!
,,
أمُدُّ قدَمَيَّ , و أتكـِيءُ إتكائةً قليلةً إلى الوراءْ
و دون وعيٍ منـِّي ,
أُخرِجُ الجهاز الذي لم يأخذ قسطاً من الراحةِ كـَ صاحِبِهْ ,
أفتح صفحة وورد جديدة و أداعب أزرار الكمبيوتر بعدم إقتناعْ ,
لعلّ حديثي _ كـِتابةً في هذهِ الحاله _ مع نفسي , يـُريحني قليلاً
_ والأهم إني قد أنامْ _
صوت فيروز يدوي بنعومتهِ هذهِ التي أعشقُها , لتخبرني عن شادي الذي لم يعُد يكبُرْ
عن ليالي الشمالِ الحزينـه
وعن حبيبها , عوسَجها الحـَزِين .. وعنها , زَنبقتهُ الصغيرهْ ..
أسرح في معنى العوسَج والزنبقة , بينما صوتها الساحر ما زال يشدو : )
وا أسفاً لـِ العمرِ كيف ضاعْ ..!!!!!
غريبٌ إحساسُنا بأعمارِنا هذا , فعلاً لا يُمكِنْ أن يُوصَفْ
حاولتُ كثيراً أن أُفسَّر القـَبضةُ هذِه التي لا تـُفارِقني كلما أرانـِي .. والناس حولي يُمرُّ بهمُ العمُرْ
لكن يهرُبُ التفسير منـِّي .... و تـَبْقى القبضةُ في صدري و المرارَهْ
( وما زالتْ تقولُ الساحـِرَهْ )
_ رُدَّني إلى بلادِي _
والوطن نفسَهُ , لا يمكن أن يُختزلْ , في أهل وأصدقاءْ
لأن أتُوا كلَّهُم هنا , سأظلُ تنقُصُني أشياءْ ... لا تـُحصَى
رائحةُ شجرُ البُرتقالْ , عقِب مـَطَر
الإلتفافُ حول الموقِد في ليلةِ شِتاءْ
الـجُلُوسُ في حديقة المنزِلْ , والتأمـُّل _ ساعةُ عـَصارِي _ السماءْ
من ثـَمّ أذكار المساءْ
شجر الورد والياسمين , الذي لا يهتم برعايتِه أحدٌ غيرِي
وصوت ركض وضحكـْ أحَدْ أبناء أو بناتْ إخوتي في المنزلْ ,
حـَملِي لأحبهم إلى قلبي ( فاطِمَه ) والتي لم تسمح لأحدٍ غيري بأن يحملُها ,
ومن ثم تبدأ في تقبيل وجهي حتى أحكي لها عن ( الـْ بُـبـِي ) وأُريها أيَّاه أمام المنزلْ
تظاهُرها بـِ الخوفِ منه , حتى تُطيلُ معانَقـَتي , وأُطيلُ حملـُها
_ آه يا ( فـَاطِمَه ) , هذي بلاد لم أرَى فيها أي كلب ..
بالرغم من أن الناس هنا أوسخ من الكِلابْ ,
ولم أرى أيضاً أحد فيهم يحمِلُ طفلتـُهْ , ناهيكي عن السيرِ بـِها _

صلاة العشاء في مسجد بـَلدتي الكبير , التجمع أمام المسجِدْ
و إبتسامةٌ تلوحُ على وجه أصدقائي حين أبدأ في السخرية من صلاة الإمامْ التى لم يُحسِن فـِيها شيءْ
( وما زالت الساحِرة فيروز تشدو : )
_ خـِدني على الأرضِ اللي ربِّتنـَا ,
إنساني على حفافِ العِنب والتينْ
إشلَحني على ترابات ضيعِتنـَا _
و بـِ الرغم من شبَح الإبتسامه الذي لم يُفارِقني عندما تخيَّلت الأُخت فيروز ( مشلُوحـَه ) على ترابات ضيعِتنا
لكنها _ الإبتسامه _ لم تـُطِل البقاءْ , فـَ قد تذكَّرت أن أمامي يوم طويلْ .. والآن قـَدْ بـَدَأْ
ولم أنعَمُ بعد بـِ ساعةِ نومٍ واحِدَة

,,
لم يدُم إغترابُكـِ يا فيروز ,
و لكن يبدو لي أن إغترابـَنا سَيطُولْ ... ما حـَيِيِنـَا

,,
الرياض 1 أغسطس 2008

يـُتبَعْ

ضياء عاصى

04-08-2008, 09:37 AM

ابن العراق ....

إستمر ... فلديك الكثير ما نعرفه و نود سماعه

رائع الدخله .... نحن بقلوبنا معك

ابن العراق

05-08-2008, 03:21 AM

أنا ... ضـِياء ... هـُمْ

ضِيـاءْ ..
صَدِيقي .. لـِ الأسَف
لهُ في قلبي بـِضعةُ غـُرَفْ
يـَسكُنُها أنـَّى شـَاءْ
يـَستلْقِي داخـِلُها , و يـُلقِي هُمومَـهُ .. و يـَرْحَلْ
يـُحاصِرُني دائماً بـَ أسئلةٍ لا إجاباتُ لها :

مـاذا بنا يا صديقي ..؟
في أيِّ شيءٍ عن الناسِ نـَختلِفْ
مـَا الذِي بـِهمْ قدْ حـَلّ
قتلتهُم بـَحثـاً , ولم أصـِلُ بعدُ لـِ حلْ
لا أُريدُ أن أحيـَا في عالمٍ كـَ هذا
سئـِمتُ من كلامَـهُم , وزيفَـهُمْ
و رَكـْبَهُم .. حلَّ أوِ إرتـَحـَلْ
ثـُمَّ إنـِّي ..
غـيَّرَتْ طـِباعيَ غُـربةٌ لا تـُحتـَملْ
لم أعُد كما عهِدتني
كـأنِّي أنظـُر لِـ حياتي من علٍ
لستُ الذي يفُوقُ عتمةُ الليالـي ..!
لم أعـُد ذات الطِفلُ المـُتحدِّي
لـستُ فارِسُ قـَبيلَتـَي
لا أرى سحاباً أُناطِحُه بـِ جبهتـِي ..
لا أرى أحدٌ مِمَّن حـَسِبتَهُم إخوتـِي
لا أرى ظلُّ حبيبتـِي
لا أرى غيري , وغيرِكـْ ..!!

تلـْهبُ ظهورِنا .. لاءاتُ الصِدقْ
وتضعُ فديةٌ على رؤُوسـِنا .. ألسِنَةُ البرَقْ
لا أرضُ تحتُ أقدامـِنا ..!
لا تـِبْرُ في طريقـِنا ..!
لا بيتٌ يـَأوي أمثـَالُنا..!
لا أمرأةٌ تـعِي فضاءُ عـُقولِنا..!
ولا ولدٌ صالـِحٌ يدعوا لـَنا ..!!!
,,
لم تعـُد أنتْ , ولم أعـُد أنـَا
لستُ الخجولُ المـُدلَّلْ
أرى شـِدَّةً لم أعهدُها فيـكـْ
لا أعرِفُ أأخشى عليـْكـْ .. أم أخـشَاكْ ..!
لـكِنِّني أُحبُّ هذا فيـِكـْ

وأنا أرى لـِينَـاً يا صاحبي يعترِيـكـْ
لم تعُـد ذاتَ الضاحـِكُ مع هذا و ذاكـْ
لم تـعُد إعصاراً من الـْ حُضورِ يـَضرِبْ

و صـَوْتي ..!!؟
أكـلَهُ الذئبْ
يا يـُوسِفُنا , يا أبنُ أبيـكـْ
و عـُصْبـَتِي ..!!؟
عـَنْكـْ غافِلونْ ..
,,

أنـاَ ..؟
صاحـِبكُمْ في هذا السجنْ
وصوتـَكُم العذْبْ
أنـا ..؟
أميركُم لـِ الحـُزنْ
دليلكـُم في الدربْ
حِـصنَكُمْ .. في السلمِ و الحربْ
أنا ...؟
أنا ..!!! .... ضياءْ ..!!!
فـَ كيفَ تركتُمُوني إذَنْ

,,
بلـَى أنتْ ..
نـَسُوكْ
وقالوا فيكـْ :
غريبْ .. وجـَدناهُ أحبُّ إلى الناسِ مـنَّا,
حفيظْ .. و مِـثلَهُ لا يُؤتَمَنْ ..!!؟؟
هُوَ أجملُ إخوتـُنا ..
ولذلك نـَسِيناهْ
ولذلكـَ لن يـَعُودْ ..
,,

و لا تفزعْ ..
فـَ لستُ في هذا وحـْدَكـْ
كـُلُّنا الآن ضـَائِعُونْ
ولنُ نـَفِتِّشُ اليوم عنـَّا
لن نـِجدُ فتـَانا البعيدْ
لن نجتِمعُ يـَوْمـَاً .. ذات عـِيدْ
ولا تـَحزَنْ ..
فـَ قْـدْ ماتْ ...
( الذين يسـْأَلـُونْ )
,,
ذهبنـا نستبِقْ ,
كـُلٌّ في طريقْ ..
حـُمقَى .. عـَابـِرُونْ
ضِـعنـَا , وأضعناكـْ
قـُتِلنا مـِنكـْ , وقـَتلنـَاكـْ
كُلُّنـا الآن خـَاسِرُونْ
كـُلُّنا الآنْ خــَوَاءْ ...
هذا ما أصبحنـَا عليه ,
وهذا ما هو عـِليْهِ ضـِياءْ
,,

مـُلكـاً أردنا ..؟؟
لا.. لم نـَرِدْ
بل جـِئنا بـِ بضاعَتـِنا ..
إلـَيْنا , مـُهاجِرينْ
تسبـِقُنا اللهفه , وَ حُسنُ الظنْ
جـِئنا محمولين على العيرْ
يـَشُلُّـنَا .. تردُّدُ العـُزَّلْ
جـِئنا , طـَارِقين بابَ المدينـَه
جـِئنا , و النفيرْ ..
يلفحُ وُجُوهُنا الحـَزِينـَهْ
,,
جـِئْنا فـُرَادَى , و مهزُومينْ
,,

آهٍ لـَوْ لـِيَ الـمُلكـْ ..
لـَوْ لـِيَ ألفُ ذِراعْ
لـَ أَبـْقيَتكُم حـَوْلِي .. مـُنذُ الأزَلْ
و لَـ ألزمتكُـمْ بيتكـُم الأوَّلْ ..
و لـَ كفَيتَكُمْ .. الدِفءْ و الحُبْ و الـمُؤونَـهْ
ولـَ تركتَكُـمْ .. صِغاراً , مـُتحَابِّينْ
ولأنسيتَكـُمْ ..زمَنَ الـحِدادْ
ولـَ ألغيتُ من قامُوسـَكُمْ .. الوَدَاعْ
,,
وَ لـَكِنِّي ,
إمتلأَ شـَيـْباً الرأسُ مـِنِّي
لاَ عُدَّةٌ لـِي , ولا عـَتادْ
وَ بـِ الكادْ ...
بـِ الكادِ أُجـَنِّبُ نفسيَ الضيـَاعْ

يـُتبَعْ

ابن العراق

05-08-2008, 09:44 PM

,,
من أجلِ ماذا يا صديقي نروحُ ونغترِبْ ..؟؟
بـِضعةُ آلافٍ من الجـُنَيْهاتْ ..؟؟
إحساسُكـَ بـِ الرضا و النشْوَهْ ..؟
إثباتٌ لـ الذاتْ ..؟
إمرأةٌ كـَ ملايينِ غيرِها ..؟
وإحساسٌ تجـاَهُها .. مـُشوَّهْ
,,
أم لعلـَّني أهرُبُ مـِنّي ..؟
لا أدري ..! لا أدري ..!

يقولُها - أقُولُها - ... و يذهبْ - و أذهبْ -

ويترُكـُني أُفكـِّرْ ... أُفكـِّرْ..!!
مـا بالـَهْ ..!!
- ما الذي بـَدَّلُ حـالَه - !!
ما الذي يـُخفيهِ عـَنِّي ..!
أينَ قسـَمهُ مـِنِّي ..!
أين قسمُ الرِجالْ ..!
أين حقُّ سهرِ الليالـِي الطِـوالْ ..!!
,,

و أذكـُرْ :
كم مرةٌ ضحـِكنا سوِّيـاً ..؟؟؟
لا أذكـُرْ
كم مرةٌ إقتسمنا الرغيف , والسرير ..؟؟؟
لا أذكـُرْ
كم مرةٌ قرأتُ خاطِرَهْ , دون أن أنظـُر ..؟؟؟
لا أذكُـرْ
كم مرةٌ أعرتـَهُ قميصي ..! و أعـارَني بـِنطالـَه ..!
لا أذكـُرْ
كم مرةٌ – لأجلـِهِ - تسلقَّتُ أنا تـِلالَهْ ..؟؟؟
لا أذكُـرْ
كـم مرةٌ آذاني سماعُ سـِعالَه ..؟؟؟
لا أذكـُرْ ... ولا دَاعـِي

لكـِنَّني , عن ظهرِ قلبٍ سَـأذكـُرْ
يوم يأتيـني كـَ عادتِه , بشوشَ الوجـْه
رائِعُ الصُحبـَه .. مُتأبـِّطاً ذِراعـِي
سـأزُفُّكـَ اليوم بـُشرَى :
إنـِّني أُحِبْ ..!!؟
- قُلتُـها من قبل ألفُ مرَّه -
وسـأتزوَّجْ
- هذهِ أول مرة تـُقالْ -
سـَأزُفُّكـَ و تـزُفُّني
وستترُكـُ أبنائي يلهُـو بـِ لِحيَتِكـْ
وسأُعلِّمُ أبنائُكـَ فنونُ القـِتالْ
,,
هذا وعدٌ مـِنِّي
و الوعدُ دَيـْنٌ علينا , معشرُ الرجالْ

يـُتبعْ

RaHaF

05-08-2008, 11:23 PM

مساء الخير

على فكرة من زمان وانا حابة اشارك في موضوع بيت سيتي .. افتح قلبك

بس مابعرف ليه ولا مرة اجى ببالي اني فعلاً اشارك ولكن خطر ببالي الان اني اقوم بمشاركة لطيفة للذكرى يمكن لانو اجى ببالي ستي الله يرحمها ويجعل مثواها الجنة

" ستي كانت حلوة كتير كتير وكانت دايرة بالها على جسمها وصحتها وكانت تعمل كل يوم رياضة الصباح على السرير طبعاً .. وكنا نضحك عليها مابعرف ليه لانو كنا صغار وما كنا فاهمين شو اهمية الرياضة او لانها ست كبيرة وبتعمل حركات رياضية متلنا .. كل ما اتزكر هالمنظر ويجي بين عيوني ببتسم ابتسامة عريضة وبضحك من كل قلبي ومرات ببكي كمان لانو بتمنى لو اني كنت كبيرة وافهمها متل هلا "

الذكريات اجمل ما نملك وبحبها كتير وبرجعلها باستمرار مرات كتيرة بحب اضلني عايشة فيها وبين سطورها وحكاويها ياااااااااااااااااااااه شو حلوة

:more61:

ابن العراق

06-08-2008, 12:32 PM

دُروبٌ و أروِقـَةٌ و ظـَلامْ ..
أسيرُ , ويـُجهِدُ عقلي , حـَدَّ الـْ صُخورْ
أُفكـِّرُ أكثَرْ ..!! فـَ لا الـْ ماضِي يـُوجِعْ ..!!!
و لا الآتي أُبـْصِرْ
ولا الـْ لحظةُ تـأْبـَى , بـِ ألاَّ تطـِيرْ
,,
أغيبُ زمانـاً , وأرجِعْ ...
أسيرُ لـِ وَحدي ,,
أُوجـِّهُ قلـْبـِي ..!! إلى الشامِ , تهرُبْ
إلى مصرِ , تهرُبْ ...
أغيبُ زمـَاناً , و أكتـُبْ
أحـاوِلُ فـَكـَّ طلاسِمُ لـُغَتِي
أُبسِّطُ فـَحْوَى الكلامْ
أُحـَاوِلُ عبثاً , بـِ أن أُقنِعُ نفسِـي :
بـَ أنِّي أَمـُتُّ لـِ مُدُنِ الـْ غَرامْ
و أنـِّي : أنـَا ...
و أن مـكانـِي هـُنـَا
وأن الحقيقةُ ستطلُعُ يومـَاً ,
لـَ تغتالُ فـِيَّ , كلُّ طُيورِ الـْ ظَلامْ
تُحوِّلـُها حمـائِمُ سـَلامْ
,,
فـَ يُغرِقـُني الـِ ظَلامْ
وتـَجتاحُني الـْ مُدُنُ الـْ قاتـِمَهْ
,,
أُغمـِضُ عـَيْنِي ,
أُهدِأُ نفسـِي
أحاوِلُ عبثـاً , بـِ أن أنـَامْ
و لا شيءْ يـَفتحُ بـَاباً أمامي ,
لأرسـِمُ شكل البـُحُورْ
ولا صوتُ أسمعُ حـَوْلـِي ,
لـِ أُنشِدُ مثلُ العصافيرْ
,,
شوارِعُنا سـَاكِنـَه , بـِ يدٍ آثـِمَة
شوراِعُنا قاتـِلَة ...
لا صوتُ فيها .. لا رَوْح
لا قـَافـِلَة

...

يـُتبَعْ

ابن العراق

10-08-2008, 04:47 AM

,,
مُبعثرون نحن ... والـ مُدُنْ ..!؟؟
مـَلئَى ... فارِغة ..!!

بلدةٌ صغيرةٌ أعشقُها بـِ شِدَّة
يعرِفُني كُلُّ شيءٍ فيها ..
شيوخُها , رجالُها , دُورُها
حتى شُجيراتُ البُرتُقالْ ..
,,
تُقسِم عليَّا حيطانُها بـِ العودة ..
بَعُدْتْ , و الحالُ فيكي وفيَّا ,
لم يعُدْ كـ ذاكـَ الحالْ ..!!!
توحشَّتي .. وأزدَدْتُ قُوَّة
حنَيْتي , يوم كُنتُ طِفلاً مع الأطفالْ
وعرِفتُ فيكي الفقدْ ,
حين بلغتُ مبلغِ الرِجالْ
,,
مراتٌ يا حُلوَتي مـرَّاتْ
تهُدهِدينني لـ أصمِتْ ..
وحين أفعلْ , تجلدِيني بـ حِدَّة
أوفى أبنائُكـِ أنا ..! أنا بـِ الذاتْ ..!!!

,,
قاهرةٌ أكرهُها ,
أكرهُ حتى أسفلتُها
مواعيديَ فيها ..!! مُؤجَّلة ..

مَـقْهـايْ ..!
مُكتظُّ بـِ الـْ بَشَرْ ..
عِناقْ الأصدِقاءْ الـْ حارْ
طاوِلَـتِيَ المُفضَّلة ..
إشارةٌ بـِ يدايْ
حالاً , أقداح الشايْ ..
- بـِ نفسِ النكهةُ الخانقةُ الـْ باهِتَة ..!!؟ -
السهر قُبـَيْلْ الفجرْ .. و إجتِرارِ الذِكرياتْ
أتذكُرُ يوم كُـنَّا ..؟ ويوم كُـنَّا ..؟
أُضحِكَهُمْ ... ما عدايْ
- ضحِكاتٌ مِنـِّي , مُفتعلةٌ خافِتَة -

فـ ِنقاشٌ ساخِنٌ حول هذا الوَطنْ :
من يشغلُ مركزَ هذا الـْ لاعِبْ ..؟
من يشري مني هذي الـْ عرَبـَه ..؟
من يعرِفُ هذي المرأة ..؟
من قيـَّمَ أفلام الصيفْ , حسَبَ الأفضلْ ..؟
من أبرَمَ عقدَ نِكـاحُه ..؟ ومن لم يـَفعَلْ ..؟
ومن لن يفعلْ ..؟
و من .....؟؟؟

نفس ما قيلْ في كل مرّة ..
كل هذا يُشيعُ في قلبيَ الوَهنْ
و يلُومُونَني , بعد هذا الـْ عفَنْ ,
عن تـَهرُّبِي , و موَاعيديَ الـْ مُؤجَّلَة

,,
- أتسكَّعُ وحدِي -
أحتَدُّ على ما بِي ..
ويتسلَّلُ منِّي عُذرِي ...
ولا عُذراً لـِي
فـَ مالي أستعذِبُ :
صَدَى الخُطَى وحيداً في الحاراتْ
ظِلاليَ المُتهادِيةِ الـْ مُثقَلْة
أحزانٌ لـِ الناس , لا يدٌ لي فيها
جُدران المساجِدْ ...
نُقُوشُها الـْ مُذهباتْ
ركعتينْ , فـَ إغفاءةٌ فيِها !!
مكتبةٌ أثَـريّةٌ مُتهالِكـة
صديقي , صاحبُها العجوزْ
العائِدُ من مـَوْتِهِ , مرَّتينْ !!
وحكاياتهُ الرتيبة
عن زمنٍ , لم يعُد كـ ذاكـِ الزمنْ
و طيبةٍ , لم تعُد طِـيبَةْ
وإصغائي لهُ ..!!؟
- غريبة - ..!!!

كُتـُبٌ لا يقرأُها أحدٌ غَيْري

مساءاتُ الـْ صمتْ
رائحةُ الـْ موْت
شواهِدُ القبُورْ ..
النسوةِ المُتشِّحاتِ بـِ السوادْ
والـ مُتدَثِّرات بِـ البخُورْ

والـباكياتُ بـِ صمتٍ حول الـكفَنْ
و أطفالِهنَّ الـناظِرينْ في وُجومْ

,,
مـُداراتِي لـِ حُزني
صـَمْتِي
وِحدَتـِي
و سـُخرِيَتي .. من كلِّ الناسِ , وكلِّ الأشياءْ
حتَّى مـِنِّي ..!!

- كل هذا يُشيعُ في قلبيَ الوهـَنْ -

,,

ضياء عاصى

05-09-2008, 10:50 PM

اول يوم فى الدراسه .... ده لما دخلت اولى اعدادى ...

رجعت من المدرسه عندى اكتئاب فظيع ... مع انى مكونتش ساعتها اعرف يعنى ايه اكتئاب

اتغديت و نمت ... صحيت على حلم ... اكيد كان حلم مش كابوس ... لانى مكونتش اعرف برضو يعنى ايه كابوس

حلمت باحد اصدقائى اللى كان معايا فى خامسه ابتدائى ( علاء ابو عيسى ) اللى محالفوش الحظ و نجح فى خامسه ابتدائى ... او يعتبر محالفنيش انا الحظ ... بدليل انى حلمت بيه ...

حلمت اننا بنلعب ماتش كوره فى المطار ... نظام تصفيات يعنى ... و علاء كان فى فرقتى و فعلا هزمنا فريق شارع الفسحايه ...

لكن لما جينا نكمل الماتش اللى بعديه فوجئت إن علاء مش معانا فى الفريق ... علاء راح فين يابنى انت و هو ... ؟؟

هنلعب من غير حارس ... يلا مش مشكله ...

عرفت ساعتها افسر الحلم ... بالرغم انى مكونتش اعرف برضو يعنى ايه تفسير حلم ...

لكن ساعتها تأكدت من حاجه واحده .... إن علاء مش هيكون معايا فى الفصل تانى و لا هاغششه فى الامتحانات تانى ... و لا هاروح معاه الغيط و اقعد العب بالحمار بتاعه على جسر بحر البقر تانى ..

فيه حاجات كتير مش هاعملها تانى .... بس ياترى مش هاحسها تانى ... ؟؟؟

الأشياء دى بتكون صغيره فعلا كحدث ... لكن كمعنى متقدرش تحدد وزنها فى ميزان حياتك اللى كل يوم بتكبر و بتوسع منك .... و انت كمان بتكبر معاها و افقك بيوسع .... طب دى حاجه وحشه ... ؟؟ ... خلى الواحد مكابر احسن و خلينا نفضل نقول طبيعة الحياه و تغيير الظروف و لازم تتلائم معاها ... حلوه برضو المسكنات دى ... ممكن يتعمل منها حاجه ..

انا فاكر حاجات كتير ... فاكرها و حاسسها كمان .. و يمكن احساسى بيها حاليا اكبر من احساسى بيها فى وقت حدوثها ....

ايه رأيكم ... ؟؟ ... أكمل .... ؟؟؟

مجدولين جبريل

10-10-2008, 05:23 PM

آخ يا بيت ستي...
هذا الموضوع بفرح القلب وبنفس الوقت بذكرنا بشغلات بدمع...
احنا عندنا زي كل الناس ستين... ستي ام العبد الله يرحمها... وهي ام ابوي احنا اصلا كنا ساكنين في بيت سيدي فكل ذكريات طفولتي بهذا البيت طبعا في الكويت.... وستي ام عمر الله يطول عمرها... كنا لما نيجي على الضفة نقعد في بيتها....
عندي ذكريات بالكوم بالبيتين... بتذكر لما كنا صغار أنا ومحمود وياسمين لما كانت تفطرنا ستي ام العبد تقعدنا احنا الثلاث على عتبة المطبخ... وتكون عاملة بيض بريشت تحطهم بصحن وتخفقهم مع ملح وتطعمينا بالمعلقة... عمري ما بقدر انسى هاي اللحظات...
ستي ام العبد الله يرحمها كانت تكره شكل شعري... لانه كيرلي ملفلف وتضلها تحكيلي انت ليش بتعملي فيه رغم انه والله شعري من الله هيك، والمشكلة انه أنا جبته وراثة منها :) بس هي ما كانت تصدق انه من الله وتضلها تحكيلي ليش ما تعملي زي البنات وتفردي شعرك...
ستى الله يرحمها هي اللي ربتنا وكانت تخاف علينا من الهوا.... والله انها لليوم بشوفها باحلامي ودائما بدلني على الخير...

فيما يخص ستي ام عمر الله يخليها يا رب....
كان بيتها بالنسبة النا جنة... ولليوم احنا لما بنروح عندها بنحس غير شكل... أحلى شي عند ستي ام عمر.. قطيع البسس اللي كنا كل سنة لما بنيجي بالصيف نتشارك كل شي معهم... الاكل والنومة... أنا اصلا تعلمت حبي للبسس منها...
وأحلى شي هله لما بتكون محوشتلي من كل الطبخات اللي عملتها طول الاسبوع... لانه أنا متعودة كل خميس أروح من الشغل عندها... وبتصير تطول بكل الاكلات الزاكية عشاني.... الله يسعدها ستي.... زمان قبل ما تتزوج أختي ياسمين كنا نتنافس انا وياها.... على الاكلات بس هله أنا الي حصة الاسد :)
لسه قصص بيت ستي ما خلصت....
وأنا حابة اشارك... لانه الستات أحلى شي في حياة الواحد... وأكيد كمان الأسياد....:more19:

مجدولين جبريل

ابن العراق

23-12-2008, 11:00 PM

كم مرّ مـَنسيٌّ
يفتحُ لـِ اليمامِ حدائِقَ صدرهِ
يمشي كـَ ذاكِـرةٍ
تُـؤرجِحُها الوجوهُ على الحوائطِ ..!
صدقوني ,
لستُ أعمى .. خانني ضوءُ المدينةِ
و قريتي هيَ ملءُ صاعٍ ,
مِـن ملاجيءِ حالِـمينَ ..
تثاءبَ القلمُ في يدي
بعثرَ ما احتويتُ من " مشاهِدِ الأطفالِ "
أراكُـمْ
- حيثُ أنتُمْ –
واقفين في صباحٍ بارِدٍ .. مائـِلينْ
أعْطَـبْتـُمُونـِي في الغيابِ
كُـلَّما أرسلتُ كرَّةُ لهفَـتِي ..!!!
عادَتْ ... كما عادَت عواطِفَكُمْ
جفاءاً لا يُفسَّرُ ,
والغبارُ , غُـبارُكُـمْ
أنهكتـُمُوني في اللهاثِ ورائـَكُمْ
وَ اصْطففْتم في وداعـِي مُلثَّـمِينْ ... بـِ دَهشَةٍ
" مـَالَهُ لا ينسَـى " ,
أيـَا حُـمقَى ..
إن فعلت , ما ضرَّني بعدَها أي جـُرْمْ
فـَ كيفَ أنسَى ..!؟
,,
كم منـْسِيٌّ ينتهي قيدَ الـتَجَاربِ
لا يعيشُ و لا يموتُ
بَكَتْهُ يوماً ما حـَبيبَتهُ
فظلَّ على النوافذِ مُلهِماً لـِ اليومْ

ضياء عاصى

21-02-2009, 10:24 PM

السلام عليكم و رحمة الله و بركاته

كيف حالكم

من شويه و انا باعمل البيض بالخضار الاكله المفضله بتاعتى فوجئت و تفاجئت و فاجئت نفسى بإبتسامه كان نفسى حد يشوفها علشان يقوللى معناها ايه ... او حتى شكلها عامل ازاى .. ؟

دغرى افتكرت بيت ستى ... و لما دلخت فوجئت و تفاجئت و فاجئت نفسى للمره التانيه انه تم الغاء تثبيت الموضوع ... و للأسف فقدت الابتسامه الغير مفهومه اللى كان نفسى اوريهالكم ...

و انا فى تالته اعدادى مكونتش عارف انتمى لحاجه ... و لا حتى دلوقتى بالمناسبه ... المهم خلونا فى تالته اعدادى

كنت اسمع عن الدكاتره النفسيين دول ... لكن عمرى ما شفت واحد ... و لا حتى كان ممكن اعرف اروحله ... لأنى ببساطه مكانش معايا فلوس اروحله ... و لا كان ينفع اقول لحد هات فلوس علشان اروح لطبيب نفسانى ... كان ممكن يقلع جزمته و يقلعنى جزمتى و يرميهم فى الترعه ...

قعدت افكر و افكر ... و اقب و اغطس .... لغاية ما افتكرت ان الطبيب النفسانى ده ممكن يكون بشر زينا عادى ... و كان اكتشاف رائع غير مجرى حالتى الشكويه

بدأت اتخيل انه فيه طبيب نفسانى و ان انا قاعد معاه ... مش فاكر شكله بالظبط دلوقتى الصراحه لأنه اكيد بقى عجوز دلوقتى و شكله اتغير ... بس اللى انا اعرفه انه لسه مماتش لغاية دلوقتى ... بس برضو معرفش بقا عنده كام سنه ...

يوووووووووووووووه مش عاوز اطلع من الموضوع بالرغى بتاعى ده ..

كنت اتخيل انه موجود و اقعد اكلمه و اقوله انا عامل ازاى .... و من غير ما ينطق بحاجه احس انى فرغت شحنات و بدات اعرف حاجات عنى مكونتش اعرفها

و اتعودت على الموضوع ده .... كل الحكايه انى اعرف اخد معاد مع نفسى بشرط انها تكون فاضيالى تماما علشان تقدر تسمعنى .... و احكيلها و هى تبدأ معايا واحده واحده

بس كده .... بس قبل بس كده ... عاوز اطالب بتثبيت الموضوع تانى

تحياتى

مجدولين جبريل

21-02-2009, 11:14 PM

عنجد ألغو تثبيت الموضوع ليش؟؟؟
شو بيت ستنا اتسكر؟؟؟
لاه لاه لاه

على كل يا ضياء أول شي صحتين...
ثاني شي معاك حق...
كلنا بحاجة لطبيب نفسي خصوصا لما نبطل نلاقي حد نحكيله عن اللي بصير معنا...
وأنا كنت زيك..دائما بفضفض لحالي...
بس زي ما انت حكيت حالي بطلت فاضية الي كمان..
مش بس اللي حولي...
يلا أنا كمان بضم صوتي لضياء ثبتوه للموضوع...
لأنه إحنا ناس عايشين بالذكريات...
واقعنا ما اله طعم..
وأحداث حياتنا يا اما مو موجودة يا اما مرة زي العلقم...
الله يهدي سر الجميع...

سلام

هاني جمال الدين

23-02-2009, 11:31 PM

السلا عليكم جميعا
ربما يكون وجودي مرغوب فيه من اناس بتلك الموضوع
وكثيرا ما سيكون مزعج للكثيرين
اولا ازيكوا يا ولاد خالتي
اساسا احنا تلت خالات
(منقول عن ابن العراق)
المهم احنا في اهم موضوع بالنسباللي في المنتدي اللذيذ ده
لان ستي انا كنت اكتر واحد مرتبط بيها
واكتر واحد عشت معاها
علشان كده كنت اكتر واحد بتتنرفز لما تشوفني
لان ستي ديما كانت بتحب التجديد
اللي تشوفه انهارده من عيال بناتها
متحبش تشوفه الا بعد اسبوع
لانا احنا احفادها تقريبا 27 كائن حي
ستي دي كانت الذ واحده شفتها في حياتي
عارف الحياه بتقلباتها
حزن وفرح عقل وجنون
هيه ستي الحياه بعينها
كنت اول ماصحي الصبح تقولي
سمعني يابني فاكريني مش منهم
انسان بعيد عنهم
بالمناسبه الاغنيه كانت لعاصي الحلاني
كانت بتواسي بيها نفسها
لان بعد ابنها عنها
كان دابحها بس كانت بتخبي جواها
اكتر حاجه كانت بتتمناها في حياتها
انها تقضي اخر ايامها
مع اعز الناس ليها
اللي هما ابنها وعياله
بس الظروف واشياء اخري حالت دون ذلك
انتوا بتحكوا عن بيت ستكوا بكل المواقف الظريفه والطريفه
والحلوه
ونسيتوا تحكوا عن الجانب المؤلم في حياه ستكوا
ليه ؟؟؟؟؟؟؟؟؟؟؟؟؟؟؟؟؟؟؟؟؟
عارفين ليه
لانكوا مفيش واحد فيكوا عنده شجاعه ادبيه
يحكي عن معاناه ستكوا
انتوا عارفين ليه؟
ستكوا عاشت اسود ايام حياتها في اخر سنين حياتها
وكلكوا عارفين كده
صح ولا انا غلطان يابشوات؟؟؟
بلاش اكمل لاني عارف ان الموضوع كده كده محذوف
معلش نكدت عليكوا شويه
ماحنا عيله كده
بنموت من الضحك والبكا في وقت واحد
هتصدقوني لو قولتلكوا اني لعند دلوقتي بتمني اشوف ستي تاني
يمكن بعد ماراحت
كلنا حسينا بقيمتها
مع اننا كلنا بدون استثنا
اهملنا فيها
محدش رد فيكوا جميلها
واللي رد رد جزء منه
بس ياريت نعترف
اننا كلنا اخطانا
في حق ستنا
اللي كانت بتمثل لينا الحياه
رحمه الله عليكي ياستي
ااااااامين
الفاتحه لروح ستي الطاهره
لنا عوده:sm253:http://www.hi5.com/friend/photos/displayMyPhoto.do?ownerId=118302968&photoFuid=00237538100300xEmavN753810

دمعة-يتيمة

24-02-2009, 06:00 PM

وانا بدوري بضم صوتي لصوت الاخت مجدولين وضياء عااااااااااااااااااصي
وبلييييييييـــــــــــــــــــــــــــــــــــــــ ـــز توافقو ع هالطلب
وشكرا سلفا:more2:
دمعة يتيمة

مجدولين جبريل

24-02-2009, 06:04 PM

الله يرحم ستكم...
ويرحم ستي...
ويرحمنا كلنا
:(

ضياء عاصى

14-04-2009, 09:54 PM

السلام عليكم و رحمة الله و بركاته

كان نفسى اكون داخل بإسم غير اسمى علشان مكونش معروف و انا باكتب المشاركه دى
و محدش يسأل ليه لأنى معرفش ليه .. بس حاسس بـ ليه دى ..

انا عندى صباع معووج فى صوابعى ... مش عايز اقول ان صوابعى كلها معووجه لتفتكرونى ماشى على ايديا ... او بالعب بيها كوره مثلا ...

السبب فى اعوجاج صباعى كان مدرس التربيه الرياضيه ( الالعاب ) و هوه الاستاذ رمضان ربنا يمسيه بالخير ... كل لما اشوف صباعى ( صوابعى ) أفتكره ... لأنه كان دايما بيخلينى اخلى صباعى يقلب الفروه و يلمس ضهر ايدى ... و من ساعتها و انا صباعى مش واخد وضعه الطبيعى ... كانت حاجه غريبه لما كنت اعملها قدام حد ... و لو عملتها قدام شخصيه رقيقه و سوفت وير زى الشخصيات الجميله اللى زيكم ... كنت بحس انهم حيغمى عليهم ... حاجه زى الناس اللى بييجو ياكلو زجاج و بلاستك و كراتين صابون سايل .

النهارده تحديدا و بعد بحث عميق و متوغل قدرت اوصل لرقم تليفون الاستاذ رمضان ... و كلمته مباشره و انا مشوفتوش من 24 سنه .

اول حاجه سألهالى ... انت الخطيب ... ؟؟

كنت عاوز اقفل السكه تانى من الاحباط اللى صابنى ... ده الخطيب ده اصغر منى بخمس سنوات و يادوب انا بافتكره بالعافيه رغم انه اخويا من زمان ...

قلتله يا استاذ ده انت اتسببتلى فى اعاقه فى الوينج الشمال كله عندى ... و دوغرى افتكرنى لما قلتله الوينج الشمال ... مدرس تربيه رياضيه بقى ..

رجعت كتيييييييييييييييييييير بالمكالمه دى ... رجعت لدرجة انى افتكرت لاول مره شكلى الرائع و الناضر و انا بمريلة المدرسه ... و افتكرت كمان زرايرها اللى ورا و اللى كانت معذبانى ...
كان لازم حد يلبسهالى و حد يقلعهالى ... و يا سلام لما كان ينقطع زرار من الزراير ... كنت احس ان الزرار ده بمثابة الجهاز التنفسى للمريله ... او ليا .

فرح خالص الاستاذ رمضان ... و انا كمان فرحت خالص لانه فرح خالص و لانى كنت محتاج بقالى فتره طويله إنى افرح خالص كده ...

بمناسبة الصوابع ابقو فكرونى احكيلكم على حاجه فى الجيش

تحياتى الحلوه خالص لكل من بيشرفنا و ينورنا هناهوه ...

مجدولين جبريل

14-04-2009, 10:38 PM

عجبتني قصة الأصابع المعوجة والله..
لأنه وبكل بساطة أنا أصابعي الوسطى وباليدين عقدتها الأولى مائلة قليلا نحو البنصر :)
هذه صفة وراثية اكتسبتها من جدة أبي لأمه :)
يعني مش بسبب حصص الرياضة.. الي كانت أحلى حصص عندي أيام المدرسة :)
شكرا لحالة اللا حالة التي أدخلتنا فيها يا أستاذ ضياء
:more77:
وبرضه الله يرحمك يا ستي ام العبد
ويطول عمرك يا ستي ام عمر

ضياء عاصى

15-04-2009, 05:20 PM

ستي دي كانت الذ واحده شفتها في حياتي
عارف الحياه بتقلباتها
حزن وفرح عقل وجنون
هيه ستي الحياه بعينها
كنت اول ماصحي الصبح تقولي
سمعني يابني فاكريني مش منهم
انسان بعيد عنهم
اكتر حاجه كانت بتتمناها في حياتها
انها تقضي اخر ايامها
مع اعز الناس ليها
اللي هما ابنها وعياله
انتوا بتحكوا عن بيت ستكوا بكل المواقف الظريفه والطريفه
والحلوه
ونسيتوا تحكوا عن الجانب المؤلم في حياه ستكوا
ليه ؟؟؟؟؟؟؟؟؟؟؟؟؟؟؟؟؟؟؟؟؟
عارفين ليه
لانكوا مفيش واحد فيكوا عنده شجاعه ادبيه
يحكي عن معاناه ستكوا
انتوا عارفين ليه؟
ستكوا عاشت اسود ايام حياتها في اخر سنين حياتها
وكلكوا عارفين كده
صح ولا انا غلطان يابشوات؟؟؟
بلاش اكمل لاني عارف ان الموضوع كده كده محذوف
معلش نكدت عليكوا شويه
ماحنا عيله كده
بنموت من الضحك والبكا في وقت واحد
هتصدقوني لو قولتلكوا اني لعند دلوقتي بتمني اشوف ستي تاني
يمكن بعد ماراحت
كلنا حسينا بقيمتها
مع اننا كلنا بدون استثنا
اهملنا فيها
محدش رد فيكوا جميلها
واللي رد رد جزء منه
بس ياريت نعترف
اننا كلنا اخطانا
في حق ستنا
اللي كانت بتمثل لينا الحياه
رحمه الله عليكي ياستي
ااااااامين
الفاتحه لروح ستي الطاهره
gdwl]http://www.hi5.com/friend/photos/displaymyphoto.do?ownerid=118302968&photofuid=00237538100300xemavn753810[/gdwl]

السلام عليكم ورحمة الله و بركاته

اولا منور الموضوع يا دكتور ( هنون ) ... أخويا الاكبر مباشرة

عجبتنى الحقيقه كلماتك و تعليقك ... خاصة إنها حقائق لا يمكن اخفائها مهما تراكمت السنين على الذاكره.
اعتقد انه كون هنا موضوع خاص بـ بيت ستى ده شىء من التقدير لشخصها ... أى نعم لا يمثل شىء من واجبنا تجاهها سواء فى محياها او مماتها ... لكن يكفى الإقرار من جميع من يدخل هنا بإستمرار الانتماء لتلك الشخصيه البسيطه و المحفوره فى ذاكرة الجميع.

انا مش شايف علاقه للشجاعه الأدبيه التى اتهمتنا بها بالموضوع هنا ... لسنا هنا للوم او المعاتبه او كشف المستور و المخفى أمام اعين الجميع .

الموضوع عباره عن سرد للذكريات المؤلم منها و السعيد دون خدش أو مساس شعور الاخرين ... سواء كان لهم وجود بيننا ام لا .. سرد للذاكره بوجه عام ... بوح من نوع الرجوع الى الوراء و مشاركة الاخرين فى الاستمتاع و خلق لغه بسيطه دون تكلف او رسم و مصمصة شفايف و رفع إحدى الكتفين و هز أحد الوسطين ( فاكر لما كنت بارقص فى فرح ابراهيم ابو حسين اللى الناس كانت راكبه فوق بعض من كتر الزحمه اللى عليا ... و فى وسط الزحمه و الدوشه سمعتك بتقول الواد ده هيفضحنا ... و فى نفس الوقت بصيتلك لقيتك قاعد بتسقفلى).
ساعتها مكونتش عارف اعبر بالرقصه ... هل هافضحكو فعلا ... و لا انتو مبسوطين .؟ )

يمكن يكون عندك حق كبير فى توبيخك او استفزاز الموضوع لك لعدم ذكر معاناة الشخصيه المحوريه بالموضوع ( ستنا ) ... لكن كيف يتثنى لنا ذكر مثل تلك المواقف فى موضوع عام ...

عموما سعدت جدا بمشاركتك رغما عن تأثرى بالكلام و إهتزازى منه لدرجة انى حاسس انى هاعمل الرعشه اللى كنت باعملها قبل كل رقصه ... فاكرها .. ؟

تحياتى لك و ننتظر مشاركاتك بضحكها و معاتبتها ... بس المهم ان الكلام يكون من القلب ...

مع حبى ... خالد عجاج

هشام

01-05-2009, 12:30 AM

اولا اسمحولي اعلق على موضوع إلغاء التثبيت لأنه كان مفاجأة بالنسبة لى ويتهيألى انه من أنجح المواضيع فى المنتدى بدليل هذا الكم من المشاركات فرجاء من مدير المنتدى ألا يغلق شباك فتحه فرأينا منه ذكرياتنا وتعطرت ارواحنا منه بعبق الماضى الجميل.....
اتفق معك ياضياء واختلف معك ياهانى فى كل كلامك مع احترامى لك وانا اعتقد ان ستى عاشت لاخر لحظة فى حياتها مصانة من الجميع ولكن سر عدم اكتمال سعادتها هو افتراقها عن ابنها الوحيد لظروف سفره وظلت لاخر لحظة تتمنى رؤيته ولكن هذا حال الدنيا...
بالمناسبة ستى كانت بتحب هانى قوى لأنه عاش معاها لوحده سنة تقريبا وكان دايما بار بها وملبى لكل طلباتها واذكر انى دخلت عليهم فى يوم لقيتها تعانى من اختناق وهانى بيحاول ينقذها والحمد لله انه اسعفها فى اخر لحظة ولما شافتنى قالت لى خدنى معاك ياهشام اشوف امك قبل ما اموت ...
ربنا يرحمها ويرحمنا جميعا

نداء حاج يحيى

01-05-2009, 12:56 PM

يا ستي يا ختيارة ... يا زينة كل الحارة
ممممم احكيلكو شغلة وبصراحة انا ما كنت مقربة من ستاتي
لا ام ابوي ولا ام امي. ام ابوي اسمها امينة وتوفت من زمان زمان من شي 30 سنة يعني ما شفتا ولا شافتني بس بتحسّر عليها كتير ... ابوي بيحكيلي عنها كتير خاصة لما كان يجيبلا شي طيب لما تاكله تحكيلي آمان آمان .. ما بعرف من وين جايبتا هالكلمة بس لليوم ابوي بيرددها والدمعة بعيونه وعشان هيك هالكلمة بتعنيلي. امي ام ابوي لما توفت كانت عم بتصلي- ساجدة وضلت لبين ما فات ابوي عليها واكتشف انها ميتة وطبعا لاقى بجيبتها حبة التفاح الي كانت مخبيتله اياها ... الله يرحمك يا تاتا.
بعيدا عن الحزن... في نكتة ظريفة .. بتضحك عن تاتا ام امي ..
وهي بعد ما توفى سيدي ابو امي من كم سنة وانا كنت حبيبة قلبه على فكرة .. المهم ببيت الاجر كانت تيجي امرأة فاضلة تقعد حد ستي وتهدي عليها ..
تحكيلا لا يا حجة ابو محمد كان انسان منيح وعبد ربه .. كان شيخ والناس سمعت كلمته كان وكان ... والا الله يجزيه كل خير ويعطعمه الجنة واكيد بيعطيه 77 حرية يتهنى فيهن .............
والله وراحت ايام واجت ايام .. وضلت تاتا تبكي وكل يوم تبكي اكتر من يلي قبله ...
يوم بنفوت انا وفداء اختي لعند تاتا بيوم خميس بتذكر .. وتاتا بتبكي كتير .. فداء بتسألها مالك يا تاتا ليه بتبكي ؟ ايش في؟ صار شي معك ؟ طب ايش نعملك ؟
وتاتا تعيّط وتعيّط ... وحالتها ما في متلا حال ..
وبعد اسئلة بتطلع الروح .. تاتا تنهدت وقالت .. معقول الحج معقول ؟
انا اشتغل واجيب واربي ولاده .. و سبع سنين خطبة معه وانا صابرة اشوفه وهو يطل عليي عن السلم ..
ول يا حج تنسى العشرة كلها وملتهي مع 77 حرية .؟
طب وانا ؟ شو اسوي يا ربي ؟

طبعا هاي نهفة من نهفات ستي
بتمنى اعجبتكو
والله يخليلنا ستاتنا يا رب
ويرحم الاموات منن يا رب
:sm253:

ضياء عاصى

14-05-2009, 10:14 PM

اتحدى لو حد افتكر اول يوم راح فيه المدرسه (ده بالنسبه للناس اللى راحو المدارس مباشره) او الحضانه ( بالنسبه للناس اللى راحو الحضانه مش مباشرة)
انا طبعا مش فاكر اول يوم رحت فيه المدرسه ( الحاله المباشرةً) ... لانى مروحتش الحضانه ( ده اهلى كانو يقطعونى ) ... علشان كده مش هاحكى على اول يوم رحت فى المدرسه ...
بس هاحكى على ما قبل المدرسه ( كتاب الشيخ محمد ابو ميدان )
هوه انا مش يعتبر هـ أحكى ... انا هأحاول اتحاكى ...
العيال كلهم كانو يروحو الكتاب و شايلين جزء عم و اللى شامم نفسه شويه كان يشيل جزء قد سمع ...
و انا كنت زيى زيهم ... اروح شايل جزء عم ... و مالى جيوب الجلابيه طوب ... كنت اسميها ذخيره ... ده على ايام لما كان الطوب بيعور ... دلوقتى الطوب مفيهوش بركه
اكيد مفيش حد حيسأل كنت باشيل الطوب ليه ... و علشان كده انا حجاوب ..
الشيخ محمد ابو ميدان مكانش بيقبلنى و لا كان بيطيق خلقتى ... و كان بيخلينى متواجد فى الكتاب بس بسبب انه فيه بينا قرابه من ناحية اجدادنا الفراعنه ... و الراجل كان عامل حساب التربه مش حساب العضم اللى فى التربه ... لأن التربه اساسا مكانش فيها و لا عضمه.

و كالعاده الباهيه الزاهيه ... اسيب الذخيره بره ... و ادخل اسمع ... المفروض مثلا يكون عليا حفظ (عبس و تولى ) ... الشيخ ابو ميدان راسه و الف سيف أسمع ( لم يكن اللذين كفروا)
ياعم الشيخ انا عديتها من زمان ... و لكمه منى و كلمه منه و حركه منه و حركه منى و التيت و الشريط ...
مفيش حل غير انى اروح اخد مكانى الجغرافى اللى حاطط فيه الذخيره ... و كان المكان هوه الزير اللى عمرى ما شفت فيه نقطة ميه بصابون حتى ... كان دايما فيه طوب بس ...
و هاتك يا تزقيل ...

و طبعا الصيد ده فن و هوايه من الصغر ... و بسبب الفن و الهوايه اللى من الصغر ... مكانش و لا طوبه بتيجى فى عمى الشيخ ابو ميدان ... كل الطوب كان بيبقى من نصيب صحابى اللى كنت بتخانق معاهم خمس مرات كل اربع دقايق و اصالحهم الخمس مرات تانى فى نفس الاربع دقايق .

و لما تخلص الزخيره آخد بعضى و اروح على منتزه العفيره ... ياااااااااااااه شجرة التوت اللى كان تحتها عدد مهول من الورد ... كل ورده اكبر من التانيه قصدى احلى من التانيه ..
هناك كان موجود كلاب من كل الانواع ... البلدى و البوليسى و الهجين ... و ريكس اللى مكانش فيه بينى و بينه عمار ...

احلى حاجه بعد الحرب و نفاذ روح الانتقام ... إنك ترجع لحياتك الهاديه بين جمال الطبيعه و روعتها .

و كده

ضياء عاصى

07-10-2009, 04:16 PM

كان نفسى اكون ممثل ... حقى الطبيعى طبعا كبنى آدم يعيش و يتعايش ... موهبه مكونتش عارف أوديها فين ... بس الحمد لله وديتها.
بس لو كان تمثيل هادف كان هيبقى أحسن ... زى الرقص الهادف كده ... بس الحمد لله برضو انا اكتفيت بالرقص الهادف ...

مره و انا فى تالته اعدادى دخل علينا مدرس أنجليش جديد ... من ابو حماد المدينه طبعا و متخيل إنه داخل مدرسه بجد

دخل يتعرف علينا ... قاللنا كل واحد يقول إسمه و بلده و نفسه يكون أيه ...
مش عارف ليه كل مدرس بيطلب يعرف البلد ... بالرغم ان كل المدرسه بما فيهم فراشينها و بياعين الساندوتشات اللى عالبوابه كلهم من كفر حافظ.

وقف الطلبه واحد واحد يقول الاسم و البلد و طموحاته ... و انا كنت قاعد فى التخته الاخيره

و انا طبعا لما سمعت كلمة الطموح دى ... على طول كرات الدم الحمرا ايجت عاليمين و كرات الدم البيضا راحت عالشمال و مبقتليش غير الخيبه التقيله و قزازة صبغة يود فى الاورده و خراطيم الدم.

فضلت مستنى و احفظ اللى حأقوله للأستاذ .. خوفا من انى اتلخبط ... اكيد الاستاذ هيكون مبسوط و فخور بيا لما يعرف ( ضياء محمد جمال الدين - كفر حافظ _ نفسى اكون ممثل ).

لغاية لما الدور ايجا على الطالب اللى قدامى ( رمزى ابو عبدالمعطى ) ... رمزى وقف و قال انا ( نفسى اكون لاعب كوره )

بعدها بلحظه واحده كان رمزى متكوم تحت التخته من القلم اللى الاستاذ نزله على جسمه كله و الاستاذ قالله ابقى قابلنى لو نفعت .... و بعدها بـ شهرين كان رمزى بيحشش فى فرح السيد ابو خليل الريس.

انا طبعا جه عليا الدور .. و طبعا كمان نسيت انا كان طموحى ايه من لحظه و شويه ... رحت قايم بسرعه و انا حاطط أيد على راسى لحمايتها و أيد على راس أحمد ابو لطفى ( علشان اسند عليها ) و قلت فى نفس واحد طويل اطول من نفس الشيشه ... ( ضياء محمد جمال الدين - كفر حافظ - مهندس ).

و الدمعه ح تفر من عينى ... و الموهبه باينه جدا عليا و انا باتكلم ... موهبه يا جماعه و الله بتتكلم عن نفسها دوغرى فى البصات و النظرات و الهمسات و الرجفات. و غسيل المواعين.

انا كنت خساره فى المدرسه دى و موهبتى كانت خساره فيها بمدرسينها و مدرساتها و فراشينها و فراشاتها و مطلقينها و مطلقاتها.
من بعدها و موهبة التمثيل حلم مبتور فى سدادينى ... بحس بيه بس وقت لما آجى اعطس ...

و الحمد لله انها متحققتش ... من وقت ما سمعت حادثة فندق سميراميس اللى اتمسك فيها ( نور الشريف و خالد أبو النجا و ناصر ابو محمود ) و انا بابوس ايدى وش و ضهر انى مبقيتش ممثل ... كان زمان البيئات دول أصدقائى دلوقتى و ملوثين سمعتى فى الشارع كله ...

و يا فرحة عبدالله ابو منصور و شماته فيا ... كان نفسه يبقى محمد منير بسواده و كدشه و صنادله اللى بيلبسها عالمسرح ... و محمد منير الراجل سمعته زى الجنيه المصدى ... محدش مسك عليه حاجه ...

تحياتى للبيت و ما فيه

و الى اللقاء مع موهبه جديده اندفنت و اتحاسبت و دخلت النار

ضياء عاصى

15-10-2009, 08:49 PM

صباح الخير ... او مساؤه ...طب و لما فيه للخير صباح و مساء ... اكيد له ظهيره و عصارى و مغاربى و الخ ... من الآخر انا حاسس إن التعبير ده مش صحيح و محدش يسألنى ليه لأنى عارف الإجابه.

بيقولو اللى بيكتب كتير عن حياته .... بيكون حاجه من التلاته ... إما بيحاول يتفاعل مع الحياه و يقرب أكتر من الواقع .. او بيحاول يهرب منها علشان مش عارف يخليها تحتويه و لا عارف يعيش الى بيكتبه فيها ... ماهو اكيد مش هيعرف يحتويها ... و إلا هـ يجيله إنتفاخ.

هى الحاجه التالته ايه ..؟ ... مش عارف ... شكلى احتويتها... دايما كده الواحد يحط نفسه فى مواقف يحسد عليها.

للمره العاشره مـ عرفش أعبر عن اللى عايز أقوله ... و إحتمال تكون المره الحداشر.

من كتر ما الواحد قال نفسه و نفسه ... و ميحصلش ... بقى بيتجنب انه يكون نفسه فى حاجه.

ماهو أصلا اللى بيكون نفسه فى حاجه بيكون عارف انه صعب أو مستحيل حدوثها ... طب و لما هوه كده بيخلى نفسه فيها ليه و يتعلق بيها و يدوخ التسع دوخات و فى الآخر ييجيله ميل للقىء ... و هكذا يكرر المحاوله و يحاول و يحاول ... متفهمش بقى القىء ده هوايه عند الناس و لا أيه بالظبط ... ؟

نفس الانسان عامله زى التربه ... و التربه انواع و كل نوع صالح لنبت مختلف عن الانواع التانيه ... فيه انفس صالحه للفرح و النغششه و لو ضربته بقالب طوب نى فى امعاؤه ح يفضل برضو يضحك و مبسوط , و أنفس صالحه للهم و الخيبه التقيله مدى الحياه و لو رقصتله باليه بدل نيلى كريم برضو ح يفضل مكتئب و حزين ... و أنفس غير صالحه لأى حاجه نوهائى. ( حكمه منى ليـــكو)

لالالالالالالا ... الموضوع مش كده .. مطلعتش حكمه للأسف ... الغو الحكمه اللى فوق دى.:more72:

جرى أيه ..؟ ... هوه مات الكلام و لا أيه الحكايه ... و لا إحنا اللى كبرنا عالهزار و النغششه ... ؟

ده أيه المشاركه الغريبه دى ..؟ ... أيه الراجل ده ... ؟:sm236:

أنا كنت جاى امسى و امشى ... امسى على حاجات كانت موجوده و مبقتش مش موجوده ... المصيبه بقى لـ تكون مكانتش موجوده و أنا اللى فاكر انها كانت موجوده.

أنا خايف لـ أكون انا اللى مش موجود ...

باى دلوقتى

نورالدين المهاجر

17-10-2009, 09:32 PM

والله يادكتور هشام هاني حنين من يومه وفعلا كان دايما معاه اسطوانات الاكسجين كل ماستك كان تحتاج جرعة كان بيديلها .... وياما دمعت عيناه وهي بتقدمله مشروبه الغازي المفضل .............. تسلم ياهنون يابن خالتي انا هنا معاك متابع وبقرأ كل كلمة من أجل التصويب والتوضيح ومش عايزين نفسر أكتر من كدة ............

مجدولين جبريل

18-10-2009, 10:40 AM

بعد 5 أعوام والفلم الفتوغرافي قابع في غرفة الكاميرا
قررت أخيرا اخراجه وتحميضه
رغم الدعابة التي قالها والدي على الأغلب الفلم حمض لحاله جوة الكاميرا
ليست مزحة، لقد وضعت الفلم داخل الكاميرا في عام 2004، وقمت بتصوير بضع صور وبقي قابعا حتى عام 2007 لأصور فيه آخر يوم لنا مع جدتي في الأردن قبل عودتنا للقدس
وأنا ذاهبة لإعطاء الفلم لمحل التصوير حدثت نفسي بأنه هناك صورة لجدتي.. صورة لآخر يوم لي معها بين هذه الصور أكيد
نظرت لصاحب المحل وسألته منهكمة هل ما زلتم تتعاملون مع هذه الأفلام!!!
وأخبرته بأن الفلم أثري ويجب الانتباه عليه
:more30:
ولأول مرة لم أحصل على الفلم كامل فقط بل حصلت على صور اضافية 39 صورة لم تحرق أي صورة، ولكن لون الصور كان مائل للبرتقالي ليس أكثر
وقلبت الصور وأنا في طريقي للبيت في الباص طبعا ومش أنا ماشية أحسن أخبط بأي حد
:sm236:
وكان هناك صورة لجدتي رحمها الله تجلس بجوار جدي وتنظر لعين الكميرا بعيون ذابلة حزينة... تأملت الصورة بتمعن وبدأت بالبكاء
كان هذا آخر يوم لنا مع جدتي رحمها الله
وكانت تجلس في حديقة بيتنا في عمان بالأردن... وبصدق كانت آخر مرة نجلس جميعنا في هذه الحديقة
منذ ذاك اليوم لم نجتمع بالحديقة
ولم نجلس كذاك اليوم أذكره جيدا قمنا بشي اللحم، وكانت أول مرة منذ وقت طويل تقبل جدتي الخروج من البيت والجلوس مع الجميع في الحديقة جلست تنظر الينا بسعادة ونحن نتقافز حولها كل يريد الحديث والضحك معها
رحلت جدتي ولم يبقى لنا منها سوى الصور والذكريات... لكنها كما دائما ترتسم بداخلي وكلما عدت إلى الأردن بلا وعي أبحث عنها في جوانب البيت... ربما هي بالحديقة تجمع بعض الزعتر الأخضر أو بعض التين والعنب... أو هناك في المطبخ تجلس على الأرض تقطع اللحم وتقول لنا عمركم ما راح تصيروا زيي أو تنظر لكأس النسكفيه بيدي لم يفارقها منذ أكثر من 3 ساعات وتقول لي الم يحن موعد انتهائه يا ستي... أو تعلق على شعري المفلفل عمرك ما راح تصيري زي البنات وتفردي شعرك
:more30:
أو تطالبني باخراج يدي من جيب بنطال الجينز وتقلي يا أبو المجد ايمتى راح تصيري صبية وتبطلي حركات الاولاد
:more51:
ستي رحلت... لبين يدي الله... ولكني لن أنسى طعم البيض البرشت من بين يديها هناك وأنا أجلس على عتبة مطبخ بيتنا في الكويت بجوار اخي وأختي ننتظر لقمة من ذاك الطبق اللذيذ
رحمة الله عليك يا جدتي... لن أنساك ما حيت

ضياء عاصى

14-11-2009, 12:30 AM

اخبـــاركم أيه ... ؟

ايه هو الشىء اللى ممكن يأثر فى شخصيتك ..؟؟ سؤال مفيش ناس كتير تقدر تجاوب عليه ... و معظم اللى حيقدرو يجاوبو عليه مخدعوين بأشياء فاكرين انها ممكن تأثر على شخصياتهم بس لو حصلتلهم فعلا حيلاقو انها مش مؤثره .

طيب لو خلينا السؤال أسهل من كده و قلنا ... ايه الأشياء اللى كان ليها تأثير على شخصيتك فى حياتك اللى فاتت .. ؟

انا حـ أقول حافظ ... إبن خالتى .. و الاقرب لى على الإطلاق ... هو الشخص الوحيد اللى فعلا أثر على شخصيتى و من ثم على حياتى و غرس جوايا حاجات و أصل حاجات ونمينا سوا حاجات تالته ... بس المشكله مش فى انك بتزرع ايه جواك ... الأهم انك هتحصد أيه و إزاى و هتعمل بالحصاد أيه ...
مفيش دافع معين خلانى اكتب كده ... أو ربما يكون فيه دافع و مش عارف أصيغه ...

ليه دايما بتحس ان الوقت فات على كل حاجه ... بالرغم ان فيه حاجات انت اللى بتفوتها على الوقت ... و تحس ان كل حاجه بتحصل فجأه ... أو تفاجىء نفسك ... زى بخ كده ..
و برضو بتلاقى نفسك على آخر سلمه ... يا تكمل ... يا ترجع بضهرك تانى و تنكفى على رقبتك تنقطم منك و تعيش من غير رقبه ... و احتمال من غير دقن و لا صف سنانك التحتانى ... ده لو كان السلم عالى شويه.

هوه الظاهر الموضوع ان حاجات منك بتعلى فوق و حاجات تانيه بتفضل مكانها تحت ... و لما يحصل ان الحاجات تشتاق لبعض علشان تنفذ الفعل ... تلاقى نفسك بتخبط فى بعضك ... بتعمل حادثه مع نفسك يعنى .
مش كل حاجه تقدر تتحكم فيها و لا تقدر تعليها معاك فوق ... و إلا كان فيه ناس كتير طايره فى السما و استغنت عن رجليها ... اهم كانو هيحلو أزمة البناطيل و الجزم و الشرابات أم أستك عريض.

اتصدقو بقى إن الواحد ساعات بيضحك على نفسه و يعمل نفسه بيفضفض ... مع انه مبيكونش عايز يفضفض باللى هوه قاله ... بدليل انه ساعات بيكتب حاجه غير اللى هوه كان داخل يقولها.

اى واحد جواه بير أسرار ... بير طبعا و أسرار ... مهما كانت بتفضل بالنسبه له بير .... يعنى كده موضوع الفضفضه طلع مشكوك فيه .... هما ضحكو عليا فى المصحه و لا ايه ... ؟

لا انا كده أقوم انام ... و بكره ابقى اعدل المشاكره دى لو أفتكرتها ...

أخبـــــاركو بجد أيه ... ؟

حافظ العبادله

14-11-2009, 02:18 AM

ضياء .. تاني في بيت ستك
طيب لحد ما ترجع وتعدل المشاكرة .. قصدي المشاركة سيكون لي رد
وإن كنت اعتقد أنه سيكون بيني وبينك مش هنا .. مش عايزين نفتح في أسرار الناس
اراك .. بعد الفاصل يا شاعر المليار .. و إنت شاعر بإيه دلوقتي ؟

إلي لقاء ..

ضياء عاصى

18-11-2009, 03:24 PM

الكـــــانون فوق القـــــانون

الحقيقه انا بحب اكتب المواضيع كده وش ... من غير لا تحضير و لا نقاط رئيسيه و لا مصمصة شفايف زى على الحجار... خاصة لما اتكلم فى السياسه ... بحب اكون على الهوا دايما ... أحلى كلام اللى بيطلع دايركت من مصارين الفنان فينا على ودان المشاهدين و المستمعين فيكو.

أعزائى و أعزاتى المستمعين فيكو ...

بدأت المشكله السياسيه يوم 5-8-2009 الساعه 2 الضهر فى عز الحر عندما بدأنا فى بناء الدور التالت فى بيتنا المتواجد فى أرقى مكان فى الشارع (كفر حافظ – العفيره- بيت رقم واحد جنب سلك المطار دُغرى).

البنايين كانو شغالين فوق ... و انا لابس جلابيتى الاستايل الخضراء قاتم (نزلت من قطر بـ 3 جلاليب خليط بين الاماراتى و السودانى مراعاةً لوحدة الزى العربى ... و كل جلابيه معاها شبشبها بنفس اللون و الاستايل الخليط بين المصرى و الجزائرى)

و فوجئت بـ حد مش جميل خالص (لا ينشاف و لا ينسمع و لا حتى ينلعب فى شعره) و لابس بدلة ضابط طيران و بينادى ... مين صاحب البيت ده ..؟

ولأن مكانش فيه حد خالص فى البيت غيرى انا و محمد إبن اخويا اللى لسه لغاية الآن فاكرنى خالو ضياء ... إضطريت أكشف عن نفسى و عن السر اللى محدش كان يعرفه ... و اقول ... خير يا باشا... انا عم محمد إبن اخويا خالد ... فيه حاجه .. ؟

قال الباشا اللى لا ينشاف و لا ينسمع و لا حتى ينلعبله فى شعره و لابس بدله ميرى ... لازم توقف البناء حالاً و إلا هاستدعى الشرطه تاخدك.

انا ... خلاص يا كابتن ليف إت و اتفضل إشرب حاجه واجب الضيافه على الله تاخد خبرك ... إعتبر إن البناء وقف من أول إمبارح ... أقولك إعتبرنى لسه منزلتش من قطر و لا حتى فصلت التلات جلاليب دول ...

بس اعرف ليه ... أنا عارف انه سؤال مش من حقى ... بس انت فى بيتى بتعمل ايه ...؟

قاللى ... ده قرار و لازم يتنفذ.

طب فين القرار ده ... ؟ ... لسه مكملتش تلات تربع السؤال ... و لقيت خمستاشر عسكرى شرطه عسكريه واقفين تقريبا على كتافى ... و الحمد لله انهم مشافوش غير كتافى ... لأن الجلابيه كتافها حلوه و موزونه و واكله عالموقف.

و بالفعل تم وقف بناء الدور التالت اللى كان المفروض انه من نصيبى ... لكن يبدو إنى اتزحلقت صح ... ربنا يوقف نمو قائد المطار و ما تعلاله و لا طياره ... يصحى الصبح يلاقى الطيران كله بيزحف على بطنه و بيرجع زى المسموم او اللى عنده سارس.

ده كله مش مهم ... مش مهم يكون عندى شقه و مش مهم اتزوج و لا مهم انى يكون عندى مستقبل من أصله ... و لا حتى مهم إن مصر تفوز النهارده على الجزائر.

لكن المستحيل و اللى من تاسع المستحيلات ... إن احنا ميكونش عندنا كانون فى البيت عالعيد الكبير ... ده بمثابة مأساه لا يمكن تخيلها ... معقول ... ؟ ... إزاى العيد حيكون عيد من غير الكانون.

ده الكانون بالنسبه لنا قيمته من قيمة الأضحيه نفسها ... و إزاى هانى ممكن يجيله نفس يدبح الضحيه و هوه عارف إن مفيش كانون فى البيت... ؟ ... طب و هنشوى لحمه إزاى .. ؟

تساؤلات كثيره تدور فى حيز أضيق من ضعف التصدى لقرارات هذه البلد المخبوله ... واقع يطعن القلوب الصغيره بماساه جديده ... لترسم آخر تعبير على وجه احزان عام 2009.

لـ مجرد قرار بلا أعين من قائد مطار مختل عقلياً تتوقف إحتفالية العيد ... ؟

ماذا ننتظر احبائى إذاً ... فى بلد تعددت فيها السلطات الهمجيه ... أصبح السيفان و نسر ريموت كنترول يتحكم فى قتل ذات احلامنا إن وُجِدت...

فى الماضى كان يداس على اعناقنا بالجزم و نسكت ... لكن الآن يداس عليها بالبيادات و برضو ح نسكت.

لكن العنوان يبقى كماه ( الكــــانون فوق القــــانون) لـ تنجلى مآسى هذا العام المكبد بالصراع النفسى بين شعب العفيره و رجال الجيش التاتارى الغاشم فى المطار (ربنا ياخد قائده بدبابيره و نسوره و سيوفه).

و بالفعل يتم بناء كانون جديد فى الدور الثالث بديلا عن شقتى اللى مش مكتوبلى اسكنها و لا اشوف حتى حيطها ... مع إنى كان نفسى يكون عندى انتريه أبرطع فيه رايح جاى .. رايح جاى ... رايح جاى ... و احط فيه تليفزيونى اللى متفرجتش على فيديو كليب واحد فيه لغاية دلوقتى.

بس ربنا يخليلى اخويا بيبو ... برطعلى و برطعله ... رايح بس ... و لغاية الان مرجعش لا هوه و لا التليفزيون و لا الفيديو كليب ...

كل سنه و انتم بخير

و إن شاء الله كل واحد يستمتع بـ عيد الأضحى و كانونه.

محبتى

ضياء عاصى

ضياء عاصى

07-02-2010, 10:03 PM

مساء الورد

التعدايه من هنا عالم تانى ... بقت بتمثلى زى حياة الحوت ... الحوت بيفضل عايش فى عمق البحر و يطلع على سطح المياه يضرب النفس الروش عالسريع و يتنعنش و ينزل تانى يعيش حياته مع الاسماك المتوحشه فى هدوء و رومانسيه و ليالى الحلميه.

انا بقى احب كل فتره آخد النفس بتاعى من هنا ... و اكيد كلكو عارفين إن الانفاس بتطلب زى ما تطلب ... مره سعاده و نغششه ... و مره كآبه و نغششه برضو ... و مره نغششه مش مفهومه

بس للأسف حتى الاسماك المتوحشه معادتش موجوده فى قاع البحر الفاضى تماما ... ياه و لا يوم من أيام الاسماك المتوحشه ... معرفش فيه حد رش سم فيران فى البحر و لا ايه ..

زمان فى الصيف عندنا فى البلد كان فيه عربيه لوناها ازرق بتنزل البلد المغرب مع صوت أبو ميدان و تنزل رش جاز فى الشوارع علشان تقتل الناموس ... الغريب إن الناموس مكانش بيموت و لا حتى بيقل ... بس صوت ابو ميدان هوه اللى كان بيعلى اكتر فى الادان .... العربيه الزرقا ترش ... و ابو ميدان صوته يعلى أكتر .... لغاية ما خلف حنجره.

نفسى أعرف أيه اللى رشوه علينا علشان احنا كمان نبطل حتى القرص و الزن زى الناموس ... و مين دول اللى رشو ... ؟

كنا نفضل نجرى ورا العربيه علشان نختفى فى ضباب الجاز اللى بتروشو ... واااااااااااااااو ... كان لسه ايامها بنتفرج على فيلم طاقية الاخفى لما كان بيجيبوه كل يوم تلات و كان عبدالمنعم ابراهيم فتى الشاشه التالت.... و لما كان برنامج امانى و اغانى هوه الديسكو بتاعنا ... بس هوه سهرته كانت بتبدأ بدرى شويه ... الساعه واحده الضهر ... تعمل دماغ امانى و اغانى و تروح تقيل علشان تصحى المغرب تروح على نادى الحبونى تلعب بينج بونج و تضرب دولسى من عند الزينى.... و نسهر بالليل على الرمله اللى قدام الجامع الجديد نطلع لبعض العق.

ياااااااااااااه معقوله ساعة البينج بونج ترجع بربع جنيه تانى و نلعب الغالب مستمر .. ؟

فيه حد هنا ... ؟

تصبحو على خير دايما دايما دايما ....

مجدولين جبريل

07-02-2010, 11:01 PM

كما قال ضياء....
نلف نلف نلف... وبرضه نرجع هنا
قصص الماضي والطفولة مزروعة بداخلنا بشكل كبير
هل تعرفون ماذا يلح علي الآن
ربما قلتها سابقا في مشاركة ما ولكنها تعود وتؤرق مضجعي
الذكريات
نعم الذكريات التي عندما تصبح أكثر من الأحداث الآنية
فإن الانسان يشيخ حتى لو كان في مقتبل العمر
على كل شكرا يا ضياء لانك بتحرك الموضوع كل شوي وشوي :)
وخلي شوية عليك خلي
الله يرحمك يا ستي

ضياء عاصى

05-05-2010, 11:56 PM

مصطفى قمر
اللى حافظ بيكرهه كره النضافه لـ نهر النيل
و خلينا يا حبيبى عايشين ... لايلو لايلو لاى

و محمد عصام صاحب بيبو اللى كان اوفر فى كل حاجه .. فى صوته و ضحكته و كوتشينته ... حتى فى الكشرى ... لما كان بيجيبلنا كشرى كان بيجيب قروانه أوفر ... كريم اوفر
حلوه على فكره كلمة اوفر دى ... تعبيرها سريع كده زى العطسه

بالمناسبه النهارده جت اول مولوده لبيبو ( روزانــا ) ... لقيته بيتصل بيا .... ديـــاء ... روزانا وصلت بالسلامه
قلتله حمدالله على سلامتها ... المهم بس انها متكونش سمعتك و انت بتقول ... ديـــاء

العيله اتملت عيال ... و لا زلنا فاكرين نفسنا عيال ... بنزعل زى العيال و نفرح برضو زى العيال ... طيب محنا كده محتاجين قائد

الله يمسيه بالخير قرشى ... صديقى فى الجيش ... كان اول ما يدخل عليا و يقول يا قائد ... باعرف على طول إننا حنطلع نقف خدمه على سلك الكتيبه اللى كان فيها الكلاب اكتر من البنى ادمين.

كنت دايما أستغرب على حياة البدو (الغجر) ... بدو و غنم و كل شويه فى مكان و فى بلد مختلفه ... أغراب مدى الحياه عن كل مكان بيروحوه .

بيتشبهو أنهم يعيشو على اطراف المدينه ... او أطراف حياة المدينه ... لانهم مالهومش أصول معروفه و لا عائله ممكن ينتمو لها ... و علاقاتهم الاجتماعيه محدوده و لو كانت بتكون غير واضحه أو غير موثقه بمعنى أصح ... لأن عادة الغريب بيكون منبوذ و الجميع يتجنبه او يستضعفه.

طيب فى عصر ضيق الوقت و الازدحام و المشاغل اللامحدوده ... كل الناس بقت تعرف بعض بالشكل و مفيش حد بيتكلم مع حد و لا هناك مجال مناسب لتداول الزيارات و حضور المناسبات.

تنزل الشارع تلاقى كل واحد ملهى باللى فيه ... اللى رايح الشغل و مستعجل ... و اللى راجع من الشغل و مستعجل ... و اللى مش وراه اى حاجه و مستعجل برضو
كل الناس بتبص لبعض بس ... حوار بالعيون فقط ... مفيش اى كلام او حوار ... غير حوارات الميكروباسات ... العيش و اللحمه و الاسعار و ... .... الحوارات اللى كل مره بتنتهى بكلمة حكومه وسخه دى ...

يبقى ازاى ممكن نقول على الغجر إنهم الناس الاغراب عن المكان و اللى مالهومش اصل فيه و محدش يعرف عن ماضيهم شىء ؟ ... طب ماهو محدش يعرف عن حاضر حد شىء.

بس كده

حافظ العبادله

06-05-2010, 11:09 AM

مررت لأقرأ وأتمرغ في ذكريات بيت ستي .. البيت الذي أعشق وأفتقد ..
كعادة ضياء يلخص كل شيئ في كلمات بسيطة تدخل القلب مرات كتير بتصيب الإنسان بالكثير من الحنين والإكتئاب لرحيل هذه الأيام ربما بلا عودة ..
وكالعادة لا أحب أن اعلق وأحافظ أكثر على القراءة والإبتسام والضحك أحياناً على قصص كنت محوراً لكثير منها ..
لكن انا قررت أدخل واشارك هذه المرة لتوضيح شيئ بسيط للعزيز ضياء ..
البدو يختلفون إختلافاً كلياً عن الغجر .. سواء في العادات أو التقاليد .. أو حتى النسب ..
من كنت تراهم ربما هما البدو أو العربان وموطنهم الدائم حيث يتواجد الكلأ والماء .. وصنعتهم الأولى والأخيرة هي رعي الأغنام والماعز .. أما الغجر فهم طائفة أخرى بعادات وتقاليد اخرى .. وفيهم طائفة من اللصوص ومنهم راقصات الموالد اللي أكيد مالحقتهمش انت ههههه كانوا مشفرين لإنهم لفوق 18 سنة ومولد الشيخ جبيل التغي وانت صغير يا ضوض ..
هذا بإختصار وتستطيع الإستزادة من خلال الإنترنت لو كنت محباً لمعرفة الأجناس البشرية يا معلم ..

كل بيت ستي وإحنا بخير ..

تقديري

هشام

08-05-2010, 01:21 PM

السلام عليكم ورحمة الله وبركاته
اولا اهنئ المهندس بيبو على المولودة الجديدة روزانا ( أو شوزان على رأى ستى)اخرالعنقود فى العيلة ربنا يبارك له فيها وعقبالك يابو الحافيظ انت وضياء .... انا مش عارف امتى هتتدبسوا فى الجواز عشان مفيش حد احسن من حد وبعد كده تترحموا على ايام العزوبية والحرية اللى انتو فيها ونعمل صفحة زى بيت ستى نترحم فيها على الايام دى....
ثانيا هو انا مش هاترقى فى المنتدى ده وللا ايه يا حوفيظ؟ كل ما ادخل الاقى اسمى لسه باللون الازرق وانتوا ماشاء الله قدامكوا اليفط اللى مدير واللى مشرف .... ياعم حافظ علق لى دبورة واحدة حتى زى ظابط المخلة ... السن بيجرى ياجدع وانا لسه ما اخدتش دورى ... وخللى بالك : ربنا مايرضاش بالظلم....
ثالثا ورابعا ستى الله يرحمها ويرحم ايامها ..... كل ما افكر فى حياتها اللى وعيت عليها الاقى انها ماكنش لها اى مطلب فى الحياة ولا اى متعة الا حاجة واحدة بس: إزاى ترضى اولادها واحفادها .... كله بيطلب منها ومحدش فكر فيها ولا قال شكرا حتى ... كإنه حق مكتسب ..........
من النوادر اللى بافتكرها لستى انها فى يوم خطبة احدى اخواتى البنات قالت لأمى :: عقبال عصام يابنتى .... فردت عليها أمى وقلت لها :: يامه مش تقولى عقبال هشام الاول عشان الكبير ... قالت لها :: لأ انا شايفة عصام بيطّـقْمش شوية ( يعنى بيتلمع)..... الله يرحم الجميع وإلى لقـــــــاء

ضياء عاصى

08-05-2010, 10:06 PM

ههههههههههههههههههههههههههههههههههههههه

جامد جامد جامد يا إتش
ياعمى كل الرتب ليك و تحت امرك ... بس الموضوع ده بييجى من المشاركات الحلوه زى المشاركه اللى فاتت كده

ضياء عاصى

14-07-2010, 12:28 AM

انا و بيبو كنا بنحب نسمع اغنية خالصين لعمرو دياب

كنا نقعد ننتظرها فى الراديو علشان نسمعها و كل واحد يغنى كوبليه منها

و انا فى اجازة اولى اعدادى الأغنيه جت عالراديو ... فضلت انادى على بيبو ... و ملقيتوش

رحت طافى الراديو و طالع عالشارع ادور عليه ... لقيته بيلعب (بلى) و نازل كشح فى المثلث

يا بيبو .... اغنية خالصين يا بيبو

إستنى يا ديــاء أنا كاشح المثلث

إستنيت لغاية ما بيبو كشح المثلث و قبل ما يلم البلى ... كنت ساحبه من قفاه و مجرجره عالراديو

فتحت الراديو ... لقيت الأغنيه خلصت ... و مقابلنى المذيع بتاع نشرة الاخبــــار وش ... ( إحتل صدام الكويت )

بيبو سألنى .... هى الأغنيه فين يا ديــــاء ..؟

قلتله الظاهر إن الكويت خدت عمرو دياب و خالصين رهن ... لغاية ما صدام يرجعلهم الفارغ

طب و الأغنيه هتيجى تانى ... ؟ ... و فعلا مسمعتش الاغنيه دى تانى فى الراديو

اهو الوقت عامل زى الراديو .... وان واى ... مفيش رجوع و لا وقوف ... و لا حتى بربع جنيه لب اسمر و ربع لب أبيض من الكبير.

ساعات بسأل نفسى انا ايه اللى مخلينى مستحمل هم الغربه ده ... علشان بكره اكون افضل ..؟ ... و انا ايه اللى ضمنى اكون بكره زى منا و افضل نفسى ارجع بيتنا و اشوف صحابى اللى مبقيتش عارف منهم و لا واحد ... هههههههههههههههههههههه ... إنتظار فى إنتظار ... و مش عارف منتظر ايه ... الغريبه إن الواحد عامل نفسه بيكره الانتظار ... و اتلاقى فى الآخر حياته عباره عن مجموعة إنتظارات فوق بعض.

فيه حد عنده اغنية خالصين يا جماعه ..؟ .... فيه حد بيسمع الراديو طيب ... ؟ ... يا جماعه برضو

مجدولين جبريل

14-07-2010, 08:07 AM

عندما تمر من هنا دائما تتوقع الجديد...
وبما أننا يا أخ ضياء من نفس الحقبة الزمنية....
حقبة الديناصورات... أو الطباشيرية ممكن
:)
على كل اضطريتني هذا الصباح لأن أبحث في ذاكرتي عن هذه الأغنية الرائعة بمعنى الكلمة
خصوصا أن
عمرو دياب
وراغب علامة
وكاظم الساهر
بالنسبة لنا
كما كان فريد وعبد الحليم لأبوي وأمي
وعبد الوهاب وأم كلثوم لسيدي وستي
:)
على كل مش بينا
الله على زمان دعاية السفن أب الرهيبة
اللي عمري ما راح أنساها
أصل أنا ميال ميال....
وعلى ذكر هذا اليوم بالزبط
كنت أنا في الكويت
ونائمة عند دار عمي
فجأة صحيت
لقيت كل أهلها لزوجة عمي عنا
بصراحة فرحت عشان ألعب مع خواتها الصغار
بس ارتعبت لما سمعت صوت الطيارات
وفجأة الكل كان منبطح على الأرض
وهيك صارت الكويت المحافظة التاسعة عشر
يلا الله يرحم كل أيام الطفولة
وأهم شي بسكوت الويفر أبو النجوم
اللي ما شفته بعد ما تركت الكويت أبدا أبدا
شكرا يا ضياء
سلم على بيبو
وقله
نبقى إحنا كده خالصين
وأصل أنا ميال ميال
سفن أب سفن أب
الله على التيشيرت الخضرة
جنان جنان
تحياتي

ضياء عاصى

28-11-2010, 10:32 PM

السلام عليكم

أقول انى مش عارف ايه اللى فكرنى بالبيت ده و دخلت ...؟ و لا أقول انى اصلا مبنساهوش ... ؟

مش مهم أقول ... المهم انكم وحشتونى جدا ... و واحشينى على طول ... واحد واحد و واحده واحده ... هنا اصلا مفيش استثناءات لحد ... اصل إحنا زى صينية الفته ... بيكون عليها مية حاجه مختلفه ... بس بتحبها كلها على بعضها بكل حاجاتها حتى لو كان عليها توم نى وواكل على وشه بأيد الهون لما قايل يا بس ... برضو هاحبو علشان محطوط فى الصينيه ... على رأى محمد حماقى ( التافه ) حبيت اسلم أعمل أيه أصلكم واحشينى.

مجدولين جبريل

29-11-2010, 09:54 PM

طيب يا أستاذ وردة الجزائرية :)
عى كل شكرا لانا وحشناك

تحياتي

مجدولين جبريل

07-04-2011, 10:00 AM

اليوم أمر فوق الطريق.. وفي الغد تمر الطريق من فوقي
هذا ما مر ببالي عندما صادفت قريبنا الذي لم أراه منذ عزاء ابنه
ذاك الطفل ابن السادسة عشر ربيعا
سقط من فوق الدرجات لتنتهي حياته بلمحة
لماذا هنا وبيت ستي أتكلم عن القصة
لأنها قصة تتعلق بجدتي رحمها الله
فهذا القريب هو ابن خالة أبي
يعني ابن أخت جدتي
:(
في البارحة عندما صادفته بالحافلة
كل الذكريات صدمتني..
وآلمتني كصدمة قطار
وأحمد الله على نظارتي الشمسية التي أخفت دموعي عن الفضوليين
هذا الصغير لحق جدتي بعد بضعة أشهر...
وصدمني حلم أمي الذي صرحت عنه بعد العزاء
أمي وأحلامها المرعبة لدرجة التحقق
شيء ورثته منها... ولست سعيدة بهذه الورثة
حلم رغم بساطته إلا أنه مرعب عندما تحقق
حلم حضرت فيه جدة والدي رحمها الله "أمها لجدتي" رحمها الله أيضا
وحملت قطعة نقود معدنية كبيرة... ووضعتها بجوار قطعة نقود معدنية صغيرة
ومن ثم أخذت القطعتين وذهبت
وهكذا رحلت جدتي ولحقها الصغير
لحقوا بجدتي بنورة رحمهم الله جميعا..
آسفة اليوم مزاجي مختلط بذكريات الموت والرحيل
آسفة
ليس بيدي
فقد صدمني القطار بالبارحة وسواني بالطريق

مجدولين جبريل

05-10-2011, 09:33 AM

" أصبحت الآن بلا جدة"
لم أقلها أنا لكن أخي خطها في مكان ما
:(
حقا أصبحت بلا جدة
20 عام متتالية منذ أن عدنا من الكويت
وجدتي كانت ملكة يوم الخميس :)
رحلت الملكة
وخويت المملكة...
وكلما اقترب يوم الخميس أحس روحي تحترق... تعتصر... وأحس بأنني أريد أن أتخطاه ليوم الجمعة
فهل لدى أحدكم اقتراح :(
لا أكذب عندما أقول أني أصبحت إليها أقرب خصوصا في الأعوام الثلاثة الأخيرة
أصبحت أستمتع بالعودة من العمل إلى بيتها كل خميس
لتستقبلني بالرضا وبابتسامتها المعهودة
رغم أن المرض هدها إلا أنها بقيت قوية للحظاتها الأخيرة
وأتمنى أن أكون بقوتها وبقوة إيمانها عندما أصل لعمر كعمرها رحمها الله
لقد مر على وفاتها شهر وأسبوع وفي البارحة عندما مررت من باب بيتها انهرت من جديد
جدتي كانت ألطف كائن مر بحياتي
لا أذكر يوما أنها وبختني أو صرخت في
ما زلت أحس بطعم حلوى السوس وقطع البسكويت الصغيرة التي كانت تخبئها في عب ثوبها
دائما ولآخر يوم كان هناك شيء لذيذ وكلام لطيف
ورضى ليس كمثله رضى
أذكر كيف انتفشت فخرا عندما جاءت لبيتنا يوما وأنا أحضر وصديقاتي مشروعا لحصة اللغة الانجليزية
ووقفت تقرأ ما نكتبه
فاندهشت البنات بأن جدتي لا تقرأ فقط وإنما تقرأ باللغة الانجليزية أيضا
حقا عندما نحبهم.. تصبح تفاصيلنا وتفاصيلهم واحدة..
وتمر الثواني مجبولة بأنفاسهم..
وعندما يرحلون تصبح الثواني والتفاصيل كالشوك والدبابيس..
تخز كلما لامسها القلب
وهذه جدتي
أشرب قهوتي في الصباح وتدغدغ رائحة الهيل أنفي فيجرح قلبي...
كانت تحب القهوة وتحب قهوتي كثيرا
تستقبلني القطط كل صباح قبل ذهابي للعمل...
وعند عودتي بموسيقى ترحيبية... من المواء والالتصاق بأقدامي لحد عرقلتي...
فأذكرها فهي من علمتني حب القطط وغيرها من الحيوانات...
وهي أهدتنا هاذين القطين قبل أن تموت بفترة قصيرة
ويحز بنفسي أنها طلبت أن تراهم قبل موتها ولم يسعفني الوقت
:(
والمحزن أكثر .. أنني كلما لبست قطعة ملابس أطرت عليها يوما..
أو قالت أنها تحب هذا اللون
بنشطر قلبي من جديد..
وكلما شاهدت برنامجا أو قناة كنا نتابعها سوية خصوصا عندما كنت أبات ليلتي معها
أغير القناة سريعا
فما زال قلبي لم يلملم أشلاءه... وما زال موتها يقهرني
والخميس ما زال يأتي
وما زلت أتألم كل خميس :(