ابن العراق
17-10-2005, 06:03 AM
# جريدة الخازوق :
يظهر على الشاشة واحد مسافر إسكندرية وواقف في إشارة في الهرم وباين عليه الإكتئاب وبيبص على بتاع الجرايد .. ينده له .. يقرب منه الواد بتاع الجرايد .
الرجل : عندك جرايد ..؟؟
الواد : ما فاضلش غير جرنان الخازوق , تاخده ؟؟
الرجل : إمشي ياد هو أنا ناقص خوازيق .
_ قطع على الرجل وهو يقف بعربيته قبل شباك دفع الرسوم في مدخل الطريق الصحراوي وبتاع جرايد يمر وينادي على الصحف : معايا الخازوق تاخده يابيه ؟؟
_ قطع على الرجل وهو يشيح بيده وينطلق بالعربية نحو شباك الرسوم .
_ قطع على الرجل يسوق العربية سريعا ويعمل حادثة والعربية تنقلب .
_ قطع على الرجل ملقى على الأسفلت ميتا وحوله ناس يضربون كفاً بكف وأحدهم يسأل :
الرجل : حد معاه جرنان عشان نغطيه ؟؟
رجل آخر : معايا الخازوق .. ينفع ؟
_ قطع على طابور العزاء والمعزون يمرون بتأثُّر ويعزون في الرجل وهم يقولون لمن يعزون فيه :
المعزون : البقية صفحة 16 .. البقية صفحة 16 .. البقية صفحة 16 .
_ قطع على الواد بتاع الجرايد وهو يلوح بالجرايد ويهتف :
إقرا الفاتحة .. إقرا الفاتحة .. إقرا الفاتحة .
ثم ينزل السلو جان ( جرنان الخازوق فخر الصحافة القومية .. الخازوق خده معاك )
قطع .
# ثلاجة الفترة الخامسة :
رجل يرتدي ملابس رسمية للغاية واقف قصاد ثلاجة بيطلع منها كل شوية واحد يصرخ ويشتم , وأمام الثلاجة يقف عسكري كلما خرج واحد من الثلاجة يقبض عليه أو يضربه .
الرجل المجمد في الثلاجة : حرام عليكو طلعتو عين أهالينا .
رجل آخر : إرحمونا بقى وحلّو عنا .
رجل ثالث : غوروا في ستين داهية .. كفاية .
_ ما يلحقش الرجل الثالث يكمل كلامه حتى يقفل عليه الرجل ذو الملابس الرسمية باب الثلاجة ويتحدث للكاميرا :
الرجل ذو الملابس الرسمية : عندي مشكلة مع شعبي دايماً يسخن مني وساعات يحمض , كل ده لأن الثلاجة اللي بحط الشعب فيها درجة تبريدها مش كويسة .
_ يدخل عليه رجل بملابس رسمية ليتحدث معه :
الرجل الثاني : طيب ما تجرب ثلاجة الفترة الخامسة أنا جايبها معايا من أمريكا ومن ساعة ما استعملتها وشعبي تمام التمام وعمره ما حِمِض .
_ قطع على الرجل الأول وهو يسير أمام الثلاجة ولا تبدو عليه علامات التعب والغضب وهو يتحدث للكاميرا :
الرجل الأول : ثلاجة الفترة الخامسة حلَّت لي كل مشاكلي مع شعبي ما بقاش يحمض خالص .. ثلاجة الفترة الخامسة تحفظ لك شعبك في درجة التبريد المناسبة .
_ يُفتَح باب الثلاجة لنرى الثلاثة الذي كانوا يصيحون في البداية وهم نائمون داخل الثلاجة بأستمتاع شديد وعلامة الراحة والرضا والطمئنينة تعلو وجوههم , والرجل ينظر لهم بإنسجام وسعادة شديدة وعلى هذا الكادر ينزل الشعار التالي :
( ثلاجة الفترة الخامسة .. اللهم احفظنا )
قطع .
ابن العراق
يظهر على الشاشة واحد مسافر إسكندرية وواقف في إشارة في الهرم وباين عليه الإكتئاب وبيبص على بتاع الجرايد .. ينده له .. يقرب منه الواد بتاع الجرايد .
الرجل : عندك جرايد ..؟؟
الواد : ما فاضلش غير جرنان الخازوق , تاخده ؟؟
الرجل : إمشي ياد هو أنا ناقص خوازيق .
_ قطع على الرجل وهو يقف بعربيته قبل شباك دفع الرسوم في مدخل الطريق الصحراوي وبتاع جرايد يمر وينادي على الصحف : معايا الخازوق تاخده يابيه ؟؟
_ قطع على الرجل وهو يشيح بيده وينطلق بالعربية نحو شباك الرسوم .
_ قطع على الرجل يسوق العربية سريعا ويعمل حادثة والعربية تنقلب .
_ قطع على الرجل ملقى على الأسفلت ميتا وحوله ناس يضربون كفاً بكف وأحدهم يسأل :
الرجل : حد معاه جرنان عشان نغطيه ؟؟
رجل آخر : معايا الخازوق .. ينفع ؟
_ قطع على طابور العزاء والمعزون يمرون بتأثُّر ويعزون في الرجل وهم يقولون لمن يعزون فيه :
المعزون : البقية صفحة 16 .. البقية صفحة 16 .. البقية صفحة 16 .
_ قطع على الواد بتاع الجرايد وهو يلوح بالجرايد ويهتف :
إقرا الفاتحة .. إقرا الفاتحة .. إقرا الفاتحة .
ثم ينزل السلو جان ( جرنان الخازوق فخر الصحافة القومية .. الخازوق خده معاك )
قطع .
# ثلاجة الفترة الخامسة :
رجل يرتدي ملابس رسمية للغاية واقف قصاد ثلاجة بيطلع منها كل شوية واحد يصرخ ويشتم , وأمام الثلاجة يقف عسكري كلما خرج واحد من الثلاجة يقبض عليه أو يضربه .
الرجل المجمد في الثلاجة : حرام عليكو طلعتو عين أهالينا .
رجل آخر : إرحمونا بقى وحلّو عنا .
رجل ثالث : غوروا في ستين داهية .. كفاية .
_ ما يلحقش الرجل الثالث يكمل كلامه حتى يقفل عليه الرجل ذو الملابس الرسمية باب الثلاجة ويتحدث للكاميرا :
الرجل ذو الملابس الرسمية : عندي مشكلة مع شعبي دايماً يسخن مني وساعات يحمض , كل ده لأن الثلاجة اللي بحط الشعب فيها درجة تبريدها مش كويسة .
_ يدخل عليه رجل بملابس رسمية ليتحدث معه :
الرجل الثاني : طيب ما تجرب ثلاجة الفترة الخامسة أنا جايبها معايا من أمريكا ومن ساعة ما استعملتها وشعبي تمام التمام وعمره ما حِمِض .
_ قطع على الرجل الأول وهو يسير أمام الثلاجة ولا تبدو عليه علامات التعب والغضب وهو يتحدث للكاميرا :
الرجل الأول : ثلاجة الفترة الخامسة حلَّت لي كل مشاكلي مع شعبي ما بقاش يحمض خالص .. ثلاجة الفترة الخامسة تحفظ لك شعبك في درجة التبريد المناسبة .
_ يُفتَح باب الثلاجة لنرى الثلاثة الذي كانوا يصيحون في البداية وهم نائمون داخل الثلاجة بأستمتاع شديد وعلامة الراحة والرضا والطمئنينة تعلو وجوههم , والرجل ينظر لهم بإنسجام وسعادة شديدة وعلى هذا الكادر ينزل الشعار التالي :
( ثلاجة الفترة الخامسة .. اللهم احفظنا )
قطع .
ابن العراق