المساعد الشخصي الرقمي

مشاهدة النسخة كاملة : لحد جرحك يا صديق

ضياء عاصى
19-10-2005, 11:18 PM
بفرد قلوعى ...

لحد جرحك ياصديق

وبقيد شموعى ...

عشان اصاحبك عالطريق

وبمد شوقى مركبه

واحلم بضله قريّبه

يجمعنا من تانى الغُنا

عن طير برىء

بفرد قلوعى ...

لحد جرحك ياصديق

*** *** ***

انت اللى همك فى الحياه همى

شايلك مابين احضانى وبسّمى

واسمع نداك بيهز فى سكوتى

مين اللى فرّق عالدروب دمى

مين اللى خانق فى السما

قمرى المضىء

بفرد قلوعى ...

لحد جرحك ياصديق

*** *** ***

انت اللى رغم الجرح بتغنى

شايلك مابين الرمش والننى

واسمع غناك بيئن فى ضلوعى

إمتى هعيش يادنيتى سنى

إمتى يبان الندى

عالورد الرقيــــق

بفرد قوعى ....

لحد جرحك ياصديق

*** *** ***
ابن العراق
19-10-2005, 11:37 PM
مازلت أصر على انك رائع بالشعر العامي ومبدع كعهدي بك ..
والله شايف انك غلطان في حق نفسك بسفرك السعودية وبعدك عن مجالك الحقيقي ..
الكتابة يا ضو ..
وبعدين ما تقلقش علي الحجار أو ( فاطنة ) عيد ,هيتنشقوا على شعرك العامي ..
يعني الرزقاااااااااه كده كده جاياااااااه .. على رأي بحلق ..
إلا قللي انا حيرني بيت من أبياتك :
شايلك مابين احضانى وبسّمى
هو انت كنت مصاحب عيِّل لسا بيرضع ولا ايه ؟؟؟
أنا على حد علمي إن أصدقائك كلهم ناس مجدع وفوق سن الخمسين ..
والله والسفر غيّرك يا ضو ..!!!!
ع العموم الكلام اللي فات ده كلله تهريج ..
إنت فعلا رائع في الشعر العامي ..
بس أنا هنزلَّك بقصيدة عامي تجننك .. إستناها ..
الخطيب محمد
19-10-2005, 11:39 PM
ايوه كده انت كده ضياء اللى انا اعرفه . بس انا عارف وواثق انو فيه احسن من كده بمراحل . واحب اقولك ان مواضيعك دى بتعجب الاخ عبد الله منصور . بيحسسنى انها معموله عشانه.
وخشيلى بقى على قصيده مجرد رتوش . انا فاكر انى قريت ليك قصيده بهذا الاسم . حاسس ان الاخ عبد الله منصور لو قرى القصيده دى ممكن الشراع يغرق بيه.


ننتظر منك المزيد
أبو يوسف
20-10-2005, 12:18 AM
جميلة جدا التعبيرات المعبرة عن الاحاسيس الجميلة
كل التحية و التقدير
بنت القسام
22-10-2005, 12:51 PM
رائع يا أخ ضياء دائماً

بس برضه أنا مع ابن العراق

في العبارة :ups:الغريبه إلي هي

شايلك مابين http://www.cheesebuerger.de/images/smilie/figuren/c065.gif احضانى وبسّمى

يعني مع صديق ما بتنفع لكن مع طفل بيمشي الحال


وياريت تنزل القصيدة إلي قال عليها الخطيب قريباً انشاء الله


وسلام
حافظ العبادله
23-10-2005, 12:37 PM
السلام عليكم

كيف الحال ياعزيزى ضياء؟؟اتمنى ان تكون بألف خير بعد يوم الجمعه المرعب الذى يمر عليا اسبوعيا...

ندخل فى الجد...لا اعرف هل الاخ ابن العراق صادق فيما يقول ام يجامل؟؟

الحقيقه القصيده مكتوبه بالعاميه....مليئه بالاخطاء المريعه...الاخطاء طبعا فى الشعر العامى بتكون على مستوى النطق والقراءه

لو قريتها راح تشوف كيف فى ابيات راح توقف فى الحلق ...
وراح تحاول تعدل فى الكلمه عشان تمشى موسيقيا مع اللى قبلها...ومش راح تمشى...
انت اللى همك فى الحياه همى

شايلك مابين احضانى وبسّمى

واسمع نداك بيهز فى سكوتى

مين اللى فرّق عالدروب دمى
هاى المجموعه مثلا مالهاش علاقه بالشعر العامى لا من قريب ولا من بعيد...يعنى بسمى بتشديد السين دى مالهاش معنى..ولو قصدك بسمتى مش هى نفسها بسمى على الاطلاق...
اما المشكله الحقيقيه هى وين...همى وبسمى ودمى...وبعدين حاطط بينهم سكوتى...يعنى قاطم الموسيقى بكلمه مستحيل تركب معاهم..وهتضرب فى اذن المستمع...يمكن يصنج حضرتك..
قرأت لك فى السابق ماهو اجمل...اعتقد انه لو كتبت بالفصحى تجيد اكثر...ارجو قبول نقدى من اجل الوصول للافضل...

لك كل الحب والتقدير
الروح المغربة
23-10-2005, 12:51 PM
very nice deya2...keep it up..i would like to dedicate this poetry to my cute friend ebnat felastine...and wanna tell her i dont hate u ya majnooOooOoNy and im still wait'n the desert :(
ضياء عاصى
25-10-2005, 01:08 AM
شكرا يا اخ حافظ على نقدك البناء

بس الخاطره باللغه العاميه البحته

انت بس رقص لسانك وانت بتقرا وهتلاقى الموضوع بييجى معاك

وبعدين بسمى دى كلمه مصريه وعربيه عاميه مشهوره .. ازاى متعرفهاش

يعنى محدش قالك قبل كده اسماله عليك وعلى حواليك ؟

واسم النبى حارسك وصاينك .... اسماله ياخويا اسماله
بنت القسام
25-10-2005, 01:23 AM
والله يا أخ ضياء هي الكلمه عاميه


بس ما بتنفع:booo2: مع واحد صاحبك
ضياء عاصى
25-10-2005, 01:39 AM
انتو مالكو غيرانين ليه من صاحبى كده ؟؟؟؟ :laugh2: :laugh2: :laugh2:



وبعدين ايه المانع انى اقوله اسماله عليك وعلى حواليك ..



هوه انا مصاحب كافر ؟؟؟؟؟؟؟؟؟ :icon36: :icon36: :icon36: