غادة عبدالله
03-10-2005, 07:28 AM
بسم الله الرحمن الرحيم..........
دة اول موضوع ارجع بيه بعد افتتاح المنتدى من جديد ......
انا مصريه اه لكن للاسف الحريه فى الكلام قليله فى البلد دى ...... الحقيقه بنقولها بسخريه اوهزار علشان اخونا البعداا;) ... طبعا معروفين ؟
عموما يارب موضوعى يعجبكم......
اليكم السبع عجايب ...... اسفه السبع خطايا.......ز
الخطيئة الأولى
التظـــــــــــاهر
انت مين ياه عشان تطلع فى مظاهرة وتهلفط بكلام مانتاش قده ...ليه هى سايبة البلد فيها قانون (طوارىء)وحرية(الظابط فى أنه يضربك على قفاك)....البلد مش سايبة دلوقتى فيه حلاوة رشيدى الميزان
الخطيئة الثانية
التفكيــــــــــر
ده الاستهبال بعينه ...زينة عقول البلد بتفكرلك من 24 سنة وانت مش عاجبك ..سهرانين على راحتك عشان ما يكونش عندك فكر
..يابنى الفكر من الشيطان استعيذ بالله كده وارجع عن اللى فى دماغك ...ده حتى ماما نجوى قالتها حكمة "فكر ثوانى تكسب دقايق"
فكر دقايق تخسر كرامتك وتتبهدل معانا ويمكن نقلعك بلبوص..وماذا يكسب الإنسان لو ربح العالم وخسر بنطلونه
الخطيئة الثالثة
التمـــــــــيز
فلقتنا يا أخى شايف نفسك حاجة إحنا مش وزعنا عليكوا استمبات عشان تبقوا شبهها...يإما عاطل أو مندوب مبيعات أو أهلاوى أو زملكاوى أو حزب وطنى يإما ع القهوة أو فى الحمام أو مطاطى البصلة أو سلمتنا البصلة من أساسه يإما تتنتخب حسنى مبارك أو جمال مبارك ......يابنى انت مجرد مواطن ومرقمينك كمان ...التميز يزرع الأحقاد وهو أساس الشرور..ولا فضل لعربى على أعجمى إلا بالواسطة
الخطيئة الرابعة
التطلــــــع
لحد هنا والصبر نفد ..مش عاجبك حالك وحال البلد يابنى عيش عيشة أهلك لكن عشان نثبتلك قد إيه احنا متسامحين وقد إيه انت واطى ومايتمرش فيك فالتطلع الوحيد المسموح بيه هو التطلع فى السقف(بما أنك فاضى وعامل قاضى ) أو التطلع فى صورة الريس اللى موجودة فى كل حتة تقريبا وهتطلعلك قريب من الحنفية ..يابنى اللى يبص لفوق يتعب وفى ناميبيا والدول المتقدمة عظة وعبرة عشان تعرف النعمة اللى انت غرقان فيها
الخطيئة الخامسة
الكرامــــــة
ما تنحش وقوم فز وانت بتكلم البيه الظابط..أسيادك وتاج راسك ..من ضربك على خدك الأيمن سلطحله قفاك الأيسر..يابنى ما تنحش مشيها سلانسيه وسايس أمورك عشان فيه اختراع اسمه فضيحة المطاهر يوم الطلوع على المعاش ..الكرامة دى داء بطال ولكل داء دواء واحنا بقى عندنا الدواء...
الخطيئة السادسة
الفهــــــم
ليه تفهم أكتر لما ممكن تفهم أقل ليه تفهم أقل لما ممكن ما تفهمش أصلا....وتفهم ليه أساسا ما دام الحدوتة حدوتتنا والحسبة حسبتنا والعزبة بتاعة والدتنا ...وتفهم إزاى يا حضرت إذا كانت المسائل اتكعبلت لدرجة ان احنا ما عدناش فاهمينها...وحتى لو فهمت حتعمل إيه يعنى روح العب بعيد ياه...كان غيرك اشطر...الفهم خطيئة فى ظروف زى ظروفنا واسأل أى مفتى سياسى ملاكى أو أجرة أو سرفيس
الخطيئة السابعة
الرفـــض
وهكذا سقطت لويز..فى ليلة أقل جمالامن تلك الليلة كانت كلمة لأ سببا مباشرا عشان نطلق عليكوا عساكر الأمن يضربوكوا..طب ليه تقل قيمتك معانا وانت ممكن تبقى زى الفل معانا ..لأ باب الجحيم ونعم من النعيم والإنعام والأنعام أحيانا أى البهائم وخير الدواب عند الحكومة ما لا يسمع ولا يبصر ..بقى بتقولى لأ ياخى لأة تلؤك وتشعوط فى بقك وتطلع من حباب عينيك تخرم حباب عينيك وتقعدلك ف عافيتك وتطلعلك فى بواسيرك تطعمك ما تحرمك وتاخد ما تديلك ..دعوة حكومة مفترية فى ساعة مغربية على مواطن لامؤاخذة هفية
دة اول موضوع ارجع بيه بعد افتتاح المنتدى من جديد ......
انا مصريه اه لكن للاسف الحريه فى الكلام قليله فى البلد دى ...... الحقيقه بنقولها بسخريه اوهزار علشان اخونا البعداا;) ... طبعا معروفين ؟
عموما يارب موضوعى يعجبكم......
اليكم السبع عجايب ...... اسفه السبع خطايا.......ز
الخطيئة الأولى
التظـــــــــــاهر
انت مين ياه عشان تطلع فى مظاهرة وتهلفط بكلام مانتاش قده ...ليه هى سايبة البلد فيها قانون (طوارىء)وحرية(الظابط فى أنه يضربك على قفاك)....البلد مش سايبة دلوقتى فيه حلاوة رشيدى الميزان
الخطيئة الثانية
التفكيــــــــــر
ده الاستهبال بعينه ...زينة عقول البلد بتفكرلك من 24 سنة وانت مش عاجبك ..سهرانين على راحتك عشان ما يكونش عندك فكر
..يابنى الفكر من الشيطان استعيذ بالله كده وارجع عن اللى فى دماغك ...ده حتى ماما نجوى قالتها حكمة "فكر ثوانى تكسب دقايق"
فكر دقايق تخسر كرامتك وتتبهدل معانا ويمكن نقلعك بلبوص..وماذا يكسب الإنسان لو ربح العالم وخسر بنطلونه
الخطيئة الثالثة
التمـــــــــيز
فلقتنا يا أخى شايف نفسك حاجة إحنا مش وزعنا عليكوا استمبات عشان تبقوا شبهها...يإما عاطل أو مندوب مبيعات أو أهلاوى أو زملكاوى أو حزب وطنى يإما ع القهوة أو فى الحمام أو مطاطى البصلة أو سلمتنا البصلة من أساسه يإما تتنتخب حسنى مبارك أو جمال مبارك ......يابنى انت مجرد مواطن ومرقمينك كمان ...التميز يزرع الأحقاد وهو أساس الشرور..ولا فضل لعربى على أعجمى إلا بالواسطة
الخطيئة الرابعة
التطلــــــع
لحد هنا والصبر نفد ..مش عاجبك حالك وحال البلد يابنى عيش عيشة أهلك لكن عشان نثبتلك قد إيه احنا متسامحين وقد إيه انت واطى ومايتمرش فيك فالتطلع الوحيد المسموح بيه هو التطلع فى السقف(بما أنك فاضى وعامل قاضى ) أو التطلع فى صورة الريس اللى موجودة فى كل حتة تقريبا وهتطلعلك قريب من الحنفية ..يابنى اللى يبص لفوق يتعب وفى ناميبيا والدول المتقدمة عظة وعبرة عشان تعرف النعمة اللى انت غرقان فيها
الخطيئة الخامسة
الكرامــــــة
ما تنحش وقوم فز وانت بتكلم البيه الظابط..أسيادك وتاج راسك ..من ضربك على خدك الأيمن سلطحله قفاك الأيسر..يابنى ما تنحش مشيها سلانسيه وسايس أمورك عشان فيه اختراع اسمه فضيحة المطاهر يوم الطلوع على المعاش ..الكرامة دى داء بطال ولكل داء دواء واحنا بقى عندنا الدواء...
الخطيئة السادسة
الفهــــــم
ليه تفهم أكتر لما ممكن تفهم أقل ليه تفهم أقل لما ممكن ما تفهمش أصلا....وتفهم ليه أساسا ما دام الحدوتة حدوتتنا والحسبة حسبتنا والعزبة بتاعة والدتنا ...وتفهم إزاى يا حضرت إذا كانت المسائل اتكعبلت لدرجة ان احنا ما عدناش فاهمينها...وحتى لو فهمت حتعمل إيه يعنى روح العب بعيد ياه...كان غيرك اشطر...الفهم خطيئة فى ظروف زى ظروفنا واسأل أى مفتى سياسى ملاكى أو أجرة أو سرفيس
الخطيئة السابعة
الرفـــض
وهكذا سقطت لويز..فى ليلة أقل جمالامن تلك الليلة كانت كلمة لأ سببا مباشرا عشان نطلق عليكوا عساكر الأمن يضربوكوا..طب ليه تقل قيمتك معانا وانت ممكن تبقى زى الفل معانا ..لأ باب الجحيم ونعم من النعيم والإنعام والأنعام أحيانا أى البهائم وخير الدواب عند الحكومة ما لا يسمع ولا يبصر ..بقى بتقولى لأ ياخى لأة تلؤك وتشعوط فى بقك وتطلع من حباب عينيك تخرم حباب عينيك وتقعدلك ف عافيتك وتطلعلك فى بواسيرك تطعمك ما تحرمك وتاخد ما تديلك ..دعوة حكومة مفترية فى ساعة مغربية على مواطن لامؤاخذة هفية