ضياء عاصى
23-10-2005, 10:00 PM
يا خسارة الحب اللى شِلته ...
سنين عشانك
يا خسارة الحلم اللى عشته ...
أدوق حنانك
يا خسارة الأمل اللى ضيعته فـ طريقك
كان نفسي بس أكون حبيبك أو صديقك
أو حتى دمعه تفتكرها ...
لو فى يوم بكّاك زمانك
*** *** ***
صبّرت قلبى عـالاشواق ليالي
كل لما قلبى يقوللى انسى
أقول يا قلبى استنى لسه ...
لسه قمـــره جــى ... ينوّر لى الليالى
لسه قلبه فيه كلام ... عايش فى بالى
لسه موجة صبره على أشواقه جايّه
بس موجتُه ... جرّحت قلبى وعينيا
ليه بس غبت ... ولما عُدت ...
بكتني عاللى راح يا غالى
و آدى الليالى ....
اللى ياما قابلنا فيها قلوب حيارى
قلوب رقيقه وطيبه ... لكن خساره
مقتولين من صـــبرهم
والصمت واقف جنبهم
شافونى قالوا كلهم ....
إيه اللى جابك ... للــيل ميعرفش الآهـــــــات
روح عيش شبابك ... متسبش نفسك للسكات
متسبش قمر الليل يقول شرفتنــا
وتكلمه .... وتعشقه .... وتصدقه
وفى النهاية إتلاقى نفسك زيـــنا
*** *** ***
أنا قلت لا يا مجروحين دا حبيبي غير
حبيبى شايل جوه قلبــه شوق كبيــــر
شوق منسينى أهـــاتى والمواجـــع
يا مجروحين حبيبى سافر ... بس راجع
يروى عطش الحب فيّا
جى وواهب عمره ليّا
*** *** ***
وفضلت مستنى فـ مكاني
و كام شتا عدى عليّا
وفـ ليله زاد فيها المطر
زى دمعي اللى فى عينيّه
لقيته راجع من بعيد
بخطوه فيها شيء جديد
أنا قلبى طار ... ولهفتُه رفعت ايديّا
يا قلبى إهدا ... كام عمر عدا
اصبر يا قلبى ياريت شويه
*** *** ***
وفى لحظه هبت ريح توهت البشاير
ونزلت عالمسرح ستاير
ناس بتبكى بقلبها
و أنا قلبى فينه ؟؟؟ معدش طاير
راجع حبيبى وخطوته قالت اللى فيه
لمّا سابني وراح لغيرى يبوس عينيه
يا خسارة العمر اللى عشته
أستنى فيه ...
كان بس ليه...؟؟؟؟؟؟
سنين عشانك
يا خسارة الحلم اللى عشته ...
أدوق حنانك
يا خسارة الأمل اللى ضيعته فـ طريقك
كان نفسي بس أكون حبيبك أو صديقك
أو حتى دمعه تفتكرها ...
لو فى يوم بكّاك زمانك
*** *** ***
صبّرت قلبى عـالاشواق ليالي
كل لما قلبى يقوللى انسى
أقول يا قلبى استنى لسه ...
لسه قمـــره جــى ... ينوّر لى الليالى
لسه قلبه فيه كلام ... عايش فى بالى
لسه موجة صبره على أشواقه جايّه
بس موجتُه ... جرّحت قلبى وعينيا
ليه بس غبت ... ولما عُدت ...
بكتني عاللى راح يا غالى
و آدى الليالى ....
اللى ياما قابلنا فيها قلوب حيارى
قلوب رقيقه وطيبه ... لكن خساره
مقتولين من صـــبرهم
والصمت واقف جنبهم
شافونى قالوا كلهم ....
إيه اللى جابك ... للــيل ميعرفش الآهـــــــات
روح عيش شبابك ... متسبش نفسك للسكات
متسبش قمر الليل يقول شرفتنــا
وتكلمه .... وتعشقه .... وتصدقه
وفى النهاية إتلاقى نفسك زيـــنا
*** *** ***
أنا قلت لا يا مجروحين دا حبيبي غير
حبيبى شايل جوه قلبــه شوق كبيــــر
شوق منسينى أهـــاتى والمواجـــع
يا مجروحين حبيبى سافر ... بس راجع
يروى عطش الحب فيّا
جى وواهب عمره ليّا
*** *** ***
وفضلت مستنى فـ مكاني
و كام شتا عدى عليّا
وفـ ليله زاد فيها المطر
زى دمعي اللى فى عينيّه
لقيته راجع من بعيد
بخطوه فيها شيء جديد
أنا قلبى طار ... ولهفتُه رفعت ايديّا
يا قلبى إهدا ... كام عمر عدا
اصبر يا قلبى ياريت شويه
*** *** ***
وفى لحظه هبت ريح توهت البشاير
ونزلت عالمسرح ستاير
ناس بتبكى بقلبها
و أنا قلبى فينه ؟؟؟ معدش طاير
راجع حبيبى وخطوته قالت اللى فيه
لمّا سابني وراح لغيرى يبوس عينيه
يا خسارة العمر اللى عشته
أستنى فيه ...
كان بس ليه...؟؟؟؟؟؟