ضياء عاصى
23-10-2005, 10:19 PM
فاكر يا قلبى من سنين ...
لما كنا صغيرين
قلوب بترسم فى الليالى السهرانين
صورة الأحلام بتضوى
يعلى بينا البيت ونبنى
لجل نصبح زى حيط البيت بنعلى
ونبقى زيه كبرانين
*** *** ***
نتحدى كل شيء ... يفرق جمعِنا
ونحكى للقمر المضيء ...
عن بيت بيجمع شملنا
لا خوفنا يوم من نفسنا على نفسنا
مين كان يا قلبى زينا ... فى حبنا
ياريتنا سبنا الحيط صغير زينا
وكان زمانا وقفت ساعاته عندنا
*** *** ***
ياريتنا ما عرفنا الحنين
لزمان بريء ...
لقمر حزين وكان مضيء
لبيت ملامحه إتفرقت ويا السنين
فاكر يا قلبى لما كنا صغيرين
*** *** ***
عدت الأيام يا قلبى عالجدار
ومعدش جوه البيت صغار
كام حلم كان يتمنى يكبر فى الجدار
لكنه قبل أوانه طار
واللى يهرب م الليالى
عمره ما يشوف النهار
*** *** ***
آه م الزمان ....
لما يتواعد لصاحبه
يقسى عاللى خانه مره
واللى حبه يخونه قبله
و يألمه بذكرى وحنين
فاكر يا قلبى من سنين
*** *** ***
*** *** ***
لما كنا صغيرين
قلوب بترسم فى الليالى السهرانين
صورة الأحلام بتضوى
يعلى بينا البيت ونبنى
لجل نصبح زى حيط البيت بنعلى
ونبقى زيه كبرانين
*** *** ***
نتحدى كل شيء ... يفرق جمعِنا
ونحكى للقمر المضيء ...
عن بيت بيجمع شملنا
لا خوفنا يوم من نفسنا على نفسنا
مين كان يا قلبى زينا ... فى حبنا
ياريتنا سبنا الحيط صغير زينا
وكان زمانا وقفت ساعاته عندنا
*** *** ***
ياريتنا ما عرفنا الحنين
لزمان بريء ...
لقمر حزين وكان مضيء
لبيت ملامحه إتفرقت ويا السنين
فاكر يا قلبى لما كنا صغيرين
*** *** ***
عدت الأيام يا قلبى عالجدار
ومعدش جوه البيت صغار
كام حلم كان يتمنى يكبر فى الجدار
لكنه قبل أوانه طار
واللى يهرب م الليالى
عمره ما يشوف النهار
*** *** ***
آه م الزمان ....
لما يتواعد لصاحبه
يقسى عاللى خانه مره
واللى حبه يخونه قبله
و يألمه بذكرى وحنين
فاكر يا قلبى من سنين
*** *** ***
*** *** ***