شو بتعملو بين الحصص ؟؟

[عاشق فلسطين]

مع رجعة للملتقى من جديد
والله اني اشتئتلكو

***********************
اليوم حاب احط سؤال انشاء الله يعجبكم.. لأنو بيعتمد على مشاركاتكم

والسؤال هوا

شو بتعمل بين الحصص يعني ليجي المعلم يدخل الحصة؟!

**************************
يلا شباب وصبايا بدنا تتفاعلو مع السؤال

لاتنسو بدناا مشاركات
:D :D :D

[برائة الطفولة]

يعني هو اذا بدك كل الطلاب بيطلعو برا وبصير ازعاج وخرابيط

بس انا ما بحب الا اضل بالصف لانو كتير بتاخرو الطلاب عن الحصة لدقايق او ثواني حتى

بس المعلمة بتعاقب وانا ما بحب العقاب ههههههههههههه هادا رايي :beathim:

غير انو اصلا ما في وقت وكتير بنتسلم من معلمة لمعلمة مباشرة ما بعطونا وقت نتنفس

بس..................:booo2:

شكرا على الموضوع الحلو..........لك تحياتي

:heartpump

[cutymemo]

بالنسبة لي ايام الدراسة كنت لازم بين الحصص اروح جولةعلى الحمام اشوف اللوك بشكل عام
يعني ازبط شكلي واحيانا استشرواه لما اكون حابية السشوار معي ^_^

[عاشقة القدس]

والله انا مريت على الموضوع كذا مرة وما كنت ناوية ارد
بس شو اعمل ما بقدر :M3gol:

المهم وبدون لف ودوران وطولة كلام(لسان):z039:

احنا عندنا بالمغرب دراسة في الصباح وكمان بعد الظهر
يعني في فترة الاستراحة الصباحية بتكون عندنا محاضرة او موعظة هيك صغنتوتة بنحظرها فمسجد المدرسة (الثانوية)

والفترة المسائية بتكون صلاة العصر او اللي ما لحق صلاة الظهر لان الطريق طويلة فما بنلحق نصلي
واما بنكون في الفصل بنكمل اذا كان علينا واجب

هذا في فترة الثانوي
اما فهذه الفترة ففترة الاستراحة بنكون بنتغدى ونصلي فرضنا او ...يمكن بعدل حجابي لانه معنا شاب بالفصل هههههههههه

هذا باختصار
شكرا عالموضوع

[عاشق فلسطين]

برائة الطفوله
شكرا على المرور
بس الغريب .. مافي خمس اوعشرة دقايق
بين الحصص
احناا بالسعوديه بين كل حصه وحصه خمس دقايق هاد ازا التزم الأستاد
هيك بتاخد راحتك على الأقل ,, بس عندي استفهام كل المدارس هيك عندكم ولا لا؟؟؟
ووين انتي بتدري بأي بلد يعني.
ياريت ترجعي تجاوبي على السؤال..

ولك جزيل الشكر على المرور

[عاشق فلسطين]

cutymemo

هلا وغلا

ايوه هيك بنعرف البنات حتى بالمدرسه
لازم يشوفو حالهم على المراي..
بس بيسمحولكم تروحو تسشورو شعراتكم
امر غريب..
وانتي وين بالشارقه ابوظبي ولا دبي؟؟

دمتي متميز يامشرفتنااا

[عاشق فلسطين]

عاشقة القدس
اشكرك على المرور
وكمان بدون لف ودوران..

بصراحة نضامكم عجيب ..

فبدي اطلب طلب صغير,,

ازا بتقدري تعمليلنا موضوع عن الدراسه بالمغرب

وينتا ببلش الدوام ووينتا بينتهي... وكم عدد الحصص اليوميه
وكم مدة الحصه هاد ازا فيكي

عمتي مساءا
تقبلي تحياتي واحترامي

[عاشقة القدس]

والله يا اخ عاشق بالثانوي يعني احنا كعلميين بيكون اغلب الحصص فيها ساعتين يعني ساعتين مستمرة دون استراحة رياضيات او فيزياء او هيك
الصبح الساعة 8 لغاية 12
والمساءمن 2الى 6

وبين الحصص احنا ما نخرج من الفصل الاستاذ اللي بيخرج ويجي مكانه استاذ ثاني يعني يدوب تغير الكتب وفي الغالب الشباب اللي بيخرجوا خارج الفصل واذا عايزيين احنا حاجة من برة هما اللي بيجيبولنا
اما الادبيين فبيكون عندهم شوية فراغ يعني حصص قليلة مقارنة معنا

[AbU-iKraYeM]

أاااااااخ

ههههههههههههه

ايام المدرسة

كنا نعمل بلاوي

احيانا قتلة بين الشباب ..

احيانا كنا نجنن المدير والاساتذة بدنا نروح الحمام

واحنا لا رايحين حمام ولا نيلة

بس اللهم نضل برا الصف بعد بداية الحصة بربع ساعة ونرجع ...

هههههههههههههههه

وكانو الاساتذة ينغاظووو مووووت منا ههههههههه

تحياتي لصاحب الموضوع الشقي (أوس)

أطيب المنى ...

كل التقدير ايضا للمارين واصحاب الردود الكرام

[عاشق فلسطين]

عاشقة القدس
اشكرك علىالإيجابه ,,

تعبتك معي
بس نظامك حلووو ومميز

وكمان شفتي كيف لازم ترجعو لإلنا حتى بالمدرسه!!

واكرر شكري ومتناني
دمتي بخير

[عاشق فلسطين]

اهلين بالرجال
كيفك ياكبــــــــــير
نور المنتدى بوجودك

بعدين تعجبيني هيك المدرسه لازمها نربي الأساتزه

احنا عنا ماوصلهم اشي اسمو احترام المعلم ... طبعا اول تلات حصص
نــوم وبعدين منرجع من الفسحة الي بوكل فصفص ( بزر بالسعوديِِِِِِِ) ولي علكي
ولي بكون مبسووط ببلش تهبيل بالأستاد مره نكتب على السبوره بألم مابمحي
ومره نرمي الأقلام قضايف على السبوره بقلم سايل يعني كل الي بدك ايااه

معلش طولت عليكم,,
ابو اكريم ازا حابب تضيف اي قصه اعملتها انتا او اصحابك اترك لك المجال هنا,,

لك تقديري

[Dragon]

احنا عنا ماوصلهم اشي اسمو احترام المعلم ... طبعا اول تلات حصص
نــوم وبعدين منرجع من الفسحة الي بوكل فصفص ( بزر بالسعوديِِِِِِِ) ولي علكي
ولي بكون مبسووط ببلش تهبيل بالأستاد مره نكتب على السبوره بألم مابمحي
ومره نرمي الأقلام قضايف على السبوره بقلم سايل يعني كل الي بدك ايااه


هههههههههه .. مش على قدكم .. و احنا هيك كمان ..

تحياتي لك اخي عاشق و مشكور على الموضوع ..

مع تقديري

[AbU-iKraYeM]

يا حبيبي لو تشوف بحصة ابو عجينة شو كنا نعمل ...

استاذ كان يدرسنا تربية وطنية

وكنا نطلق عليه لقب (أبو عجينة)

يولع ... ويروح للمدير مرة انفصلنا تلات ايام من المدرسة

عشان ابو عجيبنة

يدخل الصف يلاقي ابو عجينة بالخط العريض على اللوح ...

يسكر الباب يلاقي الباب مكتوب من ورا ابو عجينة بالخط العريض

يروح يقعد على الطاولة يلاقي كلمة ابوعجينة مليون مرة مكتوبة على طاولتو !!!

ههههههههههههههههههههههه

ما ضل ولا شعرا براسه

شرد من المدرسة ونقل على مدرسة تانية

ههههههههههههههههههه

وفي هنا استاذ .. كنا نطبش عليه تباشير على قرعته (يعني صلعة راسه من ورا) ..

بيتطلع وبيقول مين اللي رمى؟؟؟

ما حد يرد

يقول مين الحيوان اللي رمى !!!!

يقومله اضخم شب في الصف طول بعرض ...

ليش بتقول عني حيوان .. وضرب الاستاذ واحنا قمنا عملنا حالنا بنحوش ..

وكملنا على الاستاذ مع الشب والاستاذ بيفكر احنا بنحوش عنو ..

نزل على المدير قميصه ممزوع .. وشعره اللي ضايله من الصلعة .. واقف زي اريل التلفزيون !!!

هههههههههههههههههههه

ايام وذكريات يمكن دراجون حضر جزء منها وابوحاتم كمان !!!

تحياتي يا شقي

(أوس) كل التقدير لك اخي العزيز

[ابنة فلسطين]

السلام عليكم ورحمة الله وبركاته

والله يا اختي عاشقة القدس انت " مثال للطالب المميز "

كل هادا كنت تعملو يا اخ عاشق فلسطين واخي ابو اكريم ودراجون بين الحصص وخلال الحصص كمان ....مش حرام عليكو....

افرضو جار عليكو الزمن متلي وصرتو اساتذة شو رح تعملو..بيضو صفحتكو من هلا ...احسن م ادعي ييجي الدور عليكم

تحياتي

[AbU-iKraYeM]

هههههههههه

اهلا اختي العزيزة ابنة فلسطين

والله اختي في اساتذة ما بيحبوا يحترموا حالهم ...

في عنا اساتذة والله لهلأ ... بينحطوا على الجرح بيطيب ..

وبالعكس بعرف اساتذة من الاعدادية لهلأ ... وانا بحكي معاهم على الجوال ...

والله عشرة عمر .. مش بس درّسني ...

حبني واعتبرني زي ابنو تمام ...

ولكن في اساتذة وجوههم ("مكلحة"..مصطلح غزاوي قح) هههههه

وانتي اكيد بتعرفي انو في اساتذة كويسين وفي اساتذة ما بيحترموا حالهم ..

بينالوا جزائهم ... (كلٌّ يُحاسَب بعمله)

تحياتي اختي الغالية ... واتمنى ما تفهمينا غلط ..

احنا بنحب الاساتذة والله !!!

كل التقدير !!!

[عاشق فلسطين]

هههههههههههههههههههه

ابنة فلسطين

هيك لهلأ ماشفتي اشي

انشالله بنكتب كتاب عن المدرسه


***********************

ابو اكريم

اغلب الأساتزه
مابحترمو حالهم
هاد عناا بالسعوديه ..
..فكيف الفلسطينيه

كفيت ووفيت
ياكبير

[ابنة فلسطين]

السلام عليكم


تحياتي اختي الغالية ... واتمنى ما تفهمينا غلط ..




انا ما فهمتكوش غلط ابدا اخي ابو اكريم..بس انا كنت متلكو ..كنت اكره معظم الاساتذة...بس والله ما حدا بيحس بالاساتذة غير اللي علقان بالقصة

بس يعني مع اني كنت اكره الاساتذه بس كنت طول عمري عاقلة...اول مرة حبيت اشاغب فيها بس كمان من تحت لتحت..انفضحت بكل الكلية..كل الكلية عرفت قصتي بالموقف اللي عملتو..ويومها المشاغبين انبسطو عليي ...اني اول مرة بعمل شي خارج القانون وطلع اضرب من اللي هني بيعملوه

خدو راحتكو بالحديث...ما تعتبرو انو في عليكو رقابة

تحياتي

[عاشقة القدس]

الله اكبر الله اكبر تعالو شوفويا ناس يلي هنا تعالو شوفوا ا الرجال شباب المستقبل
حماة الدين القدوة و............
الله اكبر
والله ذكرتوني بشلة شباب كانه بيدرسو معي بالفصل كنت بكرههم كره ما بيتصور
ما عندهم لا ..................بلاش خليني ساكتة احسن
سلام عليكم يا قدوة

[عاشق فلسطين]

ههههههههههههههههههههههههههه

حلوه هلأ احنا صرنــــا قدوه


عاشقة القدس

اشكرك على المرور وابداء رأيك

دمتي بحفظ الله

[cutymemo]

cutymemo

هلا وغلا

ايوه هيك بنعرف البنات حتى بالمدرسه
لازم يشوفو حالهم على المراي..
بس بيسمحولكم تروحو تسشورو شعراتكم
امر غريب..
وانتي وين بالشارقه ابوظبي ولا دبي؟؟

دمتي متميز يامشرفتناااdrawGradient()


بالحمام ما حد بيشوف وبعدين نص المدرسة بتعمل هيك
بدهم ينمنعوهم كلهم معقول برضو
انا بعجمان ساكنة بينفع ^_^

[AbU-iKraYeM]

الله اكبر الله اكبر تعالو شوفويا ناس يلي هنا تعالو شوفوا ا الرجال شباب المستقبل
حماة الدين القدوة و............
شباب المستقبل ..

شكلك بتتفرجي على سبيس تون

حماة الدين والقدوة ...

؟؟؟؟؟؟؟؟؟؟؟؟؟؟؟؟؟؟؟؟؟؟؟

---------------------------

ربنا يجمّلها بالستر ...

تحياتي لكل المارين هنا

[عاشقة القدس]

لا والله صار لي زمان ما شفتها بس بتفرج على mbc3

بس هاي كان املنا

وبعتقد انكم فمركز تعتبرون قدوة لكثير طبعا ا بحكي عن حال