بحبك موووووووووت

[ضياء عاصى]

معقول يكون .. حنانى قسانى

بخاف اخون

و أخاف من كُتر خوفى تنسانى

بخاف اهوُن

و اخاف لـنار البُعد تهوانى

***

بتبقى أغلى أُمنياتى

و فجأه تختفى من حياتى

القى جوه الريح كيانى

اتوه و انا واقف مكانى

و إنتى لسه مِستحيّه

تحسى رغبة شوقى فيّا

و إن فيكى حُب جانى

*
بتنصحينى ...

أبعد قبل مـ تشوفينى

خايفه ليه تلقاكى عينى ... ؟

و نتفق ... و العطر بينا ينخلق

و انخِِنق فى عنيكى تانى

نلتقى ... ... و الريخ تغَرَبْ

ننتهى ... ... و الموت يطبطب

بأدين توَقَفلى زمانى

متخــــافيش

لو خُفنا لا يُمكن نعيش

إعرَفينى مـ تبعديش

دَ السنين معلمانى

*
مين بُكرَه ضامن يلقى زيُه ..؟

مين حارب الأحزان بذُلـُـه ..؟

دا اللى فيكى ... و مخاويكى

جوه قلبى ضِعف منُه

*
*
عـــــــاصى
26 – 3 - 2007

[AbU-iKraYeM]

الله الله

عظمة على عظمة يا جميل

كلمات واحاسيس جدا رائعة ومرفهة

وخصوصا انها باللهجة المصرية ...

تحياتي الخالصة لك اخي العزيزالغالي ضياء عاصي !!!

[ضياء عاصى]

و أيه كُنتى ... ؟

لما البدر خباكى و عليه رُحتى

و سبتى النار على فراقك تعذبنا

نحايل فى الحنين يمكن يكدبنا

و اشوفك زى نور الفجر من تانى

تدارى فى الم صابك علشانى

كأنك تُهتى من بعدى

و بعدى مستحيل كُنتى ..

[ضياء عاصى]

و إترمينا ...

فى قلب بير مفيهوش براح

فى صحرا أوسع مـ الكفاح

فى جرح أقرب للقلوب

من شموسنا للصباح

و إترمينا

بعد ما كُنا عِلِينا

و سبنا أجمل دُنيا فينا

البراءه فى حضن بعض

و الحنين مرسوم فى وعد

و فجأه هاج الريح عَلينا

و إترمينا