قصيدة الذاهبة - ناصر القحطاني

[Sameh]

الله الـلـي راد .. والعـقـده قـضــاه الـلــي عـقـدهـا
لاعـلـى الدنـيـا ســـلام ولالـبـاقـي الـعـمـر زيـنــه
الـفـضـا مـــا كـنــه الا خـيـمـة طـاحــت عـمـدهـا
والـفــرح مـــا كـنــه الا شـيــخ انـقـصـت يـديـنــه
والعمـر قطعـة زجـاج انكسـرت ولا طـال امـدهـا
والـعـرب فــي العـيـد بـدمـوع اليتـامـى مستهيـنـه
والـشـوارع لفـهـا ثــوب الـظـلام الـلــي هـجـدهـا
والبيـوت اطــلال مــن عـقـب المحـبـه والسكيـنـه
والشـتـا واللـيـل والـبـرد وسـمـا يـصـرخ رعـدهـا
والعـيـون الـلـي ورا الشـبـاك مـذعــوره حـزيـنـه
طولوا في الكهف الاصحاب وبقت روحي وحدها
كنـهـا فــي كـوكـب ثـانــي خـــلا مـــن ساكنـيـنـه
الـوداع اللـي بعلـم .. لعيـنـي اعـبـر مــن رمـدهـا
والـوداع اللـي بـلا علـم .. لقفـص صـدري غبينـه
والـوداع اللـي بـلا رجعـه .. علـي امــر وادهــى
والله انــــه غــرغــرة ســــم وسـكـاكـيـن سـنـيـنـه
والعـنـود الـلـي جفـيـت الـنــاس والـدنـيـا بـعـدهـا
مـــدت الـفـرقـا لغالـيـهـاوهـي تـعـطــي الثـمـيـنـه
وينهـا .. كيـف تركتنـي ..ليـه ماجـت فـي وعـدهـا
والـقـمـر لاطـــل خـابـرهـا تـجــي بـيـنـي وبـيـنـه
رحـت انـادي واتلـمـس فــي مـهـب الـريـح يـدهـا
كنـي حصـان بـلا صـاحـب طــوى البـيـدا حنيـنـه
رحت اصيح ( الصبح وينه ) والعرب مارد احدها
ماسمعت الا صدى صوتي يقول ( الصبـح وينـه )
كنهـم مـن يـوم ذيـك الشـمـس غـابـت عــن بلـدهـا
طلعـونـي فــي النـفـود وصـكـوا ابــواب المديـنـه
كنهـم مــن يــوم ذيــك الذاهـبـه مــا احــد وجـدهـا
كـل رجـال مـن الشرهـه قلـع فــي الــدرب عيـنـه
اثـرهـا مـاتـت ومـاتـت كــل فـرحـه فــي مـهـدهـا
والربـيـع اقـفـت بــه الـلـي كـانـت الـتـاج لجبيـنـه
جاورت عقب الحدايق .. حفـرة مـا اقسـى لحدهـا
حـفـرة مـانـي مـصـدق كـيــف ضـمــت ياسمـيـنـه
للـحـزن فيـنـي مـثــل ماللـطـهـاره فـــي جـسـدهـا
ويـش اسـوي لافتشـت اللـي لهـا وســط الخزيـنـه
زخرفت حلم .. وبنت له مسكن .. وسمـت ولدهـا
آه لـــو غـــرد ولــدهــا فــــي خـمـيـلـة والـديـنــه
عاهدتـنـي واظـفـرت بيمـيـن اقــوى مــن عـهـدهـا
والصـبـي لا خـيـر فـيـه ان كـــان مـانـفـذ يمـيـنـه
مــا تتـقـى عــن رثـاهــا عـــرق اكـتــظ بشـهـدهـا
ولا تبقـى خـلـف قضـبـان الجـفـن عــذرا سجيـنـه
كيـف عـنـد العـالـم ايــام الـعـزا محـصـى عـددهـا
والا انــا طـالـت شـهـوره والله اعـلـم كــم سنيـنـه
لا الثـرى فيـهـا نـبـات ولا المـشـي خـفـف نكـدهـا
لا السـمـا فيـهـا طـيـور ولا البـحـر يـمــه سفـيـنـه
لا القمـر هـذا مسـاه .. ولا العصـي هـذي رغدهـا
لا الزهـر هـذا شــذاه .. ولا الـذهـب هــذا رنيـنـه
قالـوا : الشـيـخ الفـلانـي مـرجـع الـقـوم وسنـدهـا
قــال ( يبـشـر بالـعـوض ) والعـلـم جيـنـا ناقلـيـنـه
سـاق لـك بـدر البـدور اللـي نشـدهـا مــن نشـدهـا
جــادل هــزت عـــروش وخـيـبـت روس ذهـيـنـه
قسمها في رسمهـا فـي جسمهـا .. الا فـي رشدهـا
واسمها ان جا للغضب قومه على الالسـن رطينـه
اتــرك الـنــاي وعـطـيـه شيـخـنـا غـــن لسـعـدهـا
وانبـسـط يـاعـم وانــس الـلـي ورا التـربـه دفـيـنـه
قـلـت ولـصـدري تنـاهـيـد تـــروع مـــن شـهـدهـا
آه واويــلاه مـــن يـجـلـب عـلــى قـلـبـي ضنـيـنـه
خـلـوا اغـلـى ذاهـبـه تـرعـى ربـيـع الـلـي فقـدهـا
والعطـا راعـيـه مــا احــد صـوبـه .. الله لايهيـنـه
لــو ضمـنـت الجـنـه وتـفـاحـة الـقـلـب وشـهـدهـا
قلـت مـن بكـره عسـى مجنونـهـا تـاقـف سنيـنـه ..

الشاعر / ناصر القحطاني