المساعد الشخصي الرقمي

مشاهدة النسخة كاملة : ابن االوزير ؟؟؟؟

ضياء عاصى
26-10-2005, 12:14 AM
عين الغفير

سهرانه على ابن الوزير

اللى إتولد ...

دا يوم كبير

أنوار وزينه وحمام بيطير

كل واحد فى البلد ...

عبّا كرشه ...

وإتنفخ من شَبعُه وِشُه

وغطَى حتى دموع عيالُه

والحِرمان اللى فى عِشُه

*** *** ***

ربنا يخلّى الوزير

اللى غرّق البلد

قصدى شبّع البلد

والناس بتحكى عن الكرم

الوزير طِلع هَرَم

يارب يخَلِف مية ولد

يَحيَا الولد ... ابن الوزير

*** *** ***

وربنا يشفي الوزير

اللي طول عمره عقيم

والناس بتنسى إنه عقيم

مش مهم ابن الوزير و للا الغفير

المهم فيه ولد

خلى حمام الوزير يطير

والشَبَع يملى البلد

ويحيا الولد ... ابن الــ .... غفير

آه يا بلد ... ... نُصِك حمير ؟؟؟

*** *** ***
أبو يوسف
26-10-2005, 12:58 AM
يابني خللي بالك
بلاش رقبتك تطير...
.....
ضياء عاصى
26-10-2005, 01:10 AM
رقبتى تطير ...

احسن ما اكون زى الوزير

يا طائر الليل الحزين

:wink_smil :wink_smil :wink_smil
أبو يوسف
26-10-2005, 01:23 AM
يا ابني.... الوضع خطير
اليوم .. وزير .. و غفير
.. مين عارف بكرة وين راح تصير
خليك عاقل... العمر قصير
............
تحياتي
بنت القسام
26-10-2005, 01:32 AM
السلام عليكم ورحمة الله وبركاته

خاطره رائعة ومميزة

يعني الحمد الله رب العالمين

في أمل نخرج من دائرة خواطر

الحب وندخل :smilieA5: عالم السياسة

ننتظر المزيد أخ ضياء

بارك الله فيك