"القرصة" أكلة تراثية شوفوا العجب

[أبوحاتم]

السلام عليكم ورحمة الله وبركاته

موعدنا اليوم مع اكلة تراثية مشهورة " بالقرصة " البعض يسميها " لصيمة " ولها اسماء اخرى لا اتذكرها. يشتهربها أهالي جنوب قطاع غزة
تتكون من عجين الطحين " الدقيق " بدون خميرة طبعا + ملح . تخبز على النار الموقدة على الرمل مباشرة ويحبذ رمل ناعم.

واليكم طريقة عملها بالصور .....

http://img514.imageshack.us/img514/6753/85497572uw2.jpg

http://img514.imageshack.us/img514/3264/36828128sr8.jpg
مثلما ترون في الصورة يعجن على شكل قرص ... طبعا الحجم حسب العدد
دقيق ويفضل دقيق القمح وان خلط بدقيق الذرة ما في مشكلة + ملح وبدون خميرة ويفضل ان يكون متماسك جيدا

http://img514.imageshack.us/img514/6720/16950493oh6.jpg

http://img466.imageshack.us/img466/3338/61712998wy0.jpg
تشعل النار أثناء العجين ويفضل ان توقد بخشب النخيل او عنق جريدة النخل ما يسمى محليا بـ " الكرانيف " جمع " كرنافة " لانها تطول مدتها وهي مجمرة ومحتفظة بحرارتها.


http://img466.imageshack.us/img466/3939/20070807251cm5.jpg
وعندما تتحول النار الى جمر .. يزاح الجمر جانبا ليوضع مكانه قرص العجين على الرمل والرماد الساخن


http://img341.imageshack.us/img341/1020/23860312lp7.jpg

يغطى القرص بالجمر تماما

http://img120.imageshack.us/img120/6320/99811914qp8.jpg


http://img241.imageshack.us/img241/1039/69713002zx4.jpg

الآن تجهز السلطة في انتظار القرص طبعا القرص يقلب على كل وجه مرة حتى يستوي من الجهتين

http://img504.imageshack.us/img504/4486/67022812qo5.jpg

تتكون سلطة القرص من الخيار والبندورة والبصل والليمون والفلفل الاخضر مع الباذنجان والقرع المشوي و" العجر " العجر = يعني البطيخ الصغير جدا غير الناضج بحجم كرة التنس الارضي او اكبر بقليل طبعا مشوي

تخلط كل هذه العناصر مع بعضها لتكوين السلطة

http://img120.imageshack.us/img120/269/37302571xd7.jpg

القرص تقريبا جاهز بعد ان تم وضع كل وجه تحت النار ما يقارب من ربع ساعة


http://img179.imageshack.us/img179/1874/10bw4.jpg

الآن يزاح الجمر عن القرص ويتم تنظيفة أو " تكه " من الرماد بواسطة جريد النخيل الناعم يؤخذ من قلب نخلة صغيرة يضرب به القرص ويتم التخلص من الرماد
طبعا ممكن اي حد يتسآل عن الرمل ... الرمل لا يلتصق بعجين القرص لانه بيكون ساخن بفعل النار...هذا للتوضيح


http://img250.imageshack.us/img250/3750/12tm3.jpg
يؤخذ القرص وينتظر حتى يبرد قليلا ثم نبدأ بتفتيته الى قطع صغيرة يتم بعد ذلك خطلها " هرسها " مع السلطة المجهزة مسبقا يضاف اليه كمية ليست بقليلة من زيت الزيتون ويكون موضوعا في اناء من الفخار " زبدية كبيرة " أو ما يسمى " بالكشكولة "


انشاءالله اكون وفقت فيتقديم صورة موضحة عن هذه الاكلة الشعبية التراثية الغريبة ... أي استفسار انا جاهز

إعداد وتصوير : أبو حاتم
تحياتي

:Mbravo: :Mbravo: :Mbravo: :Mbravo: :Mbravo: :Mbravo:

[جوهرة فلسطين]

يسلمو ايديك يا اخي ابو حاتم على هذه الاكلي
انا بحبى كتير وكل ما بنزل فلسطين لزم اكل منى
وهيك شهيتني فيها ههههههه
:Mthanks:
تحياتي لك جوهرة فلسطين

[ابووديع]

:smilieA5: :MThumpsUpيسلمو يا ابو حاتم :MThumpsUp
لذيذه :bigtong:
وطيبه:medium-smه :medium-sm
بس يا ابو حاتم ما تكون بتحرق :z060:
بعدين يفور راس الواحد من الفلفل:cobra:

تحياتى ابو حاتم

[أبوحاتم]

جوهرة فلسطين ان شاءالله دايما تزوري فلسطين وتستمتعي بيها:medium-sm

ويا أبو وديع الفلفل لازم :medium-sm بس ما بنحط كتير في السلطة .. اللي بدو زيادة بياكل لوحده

والبصل ضروري للي بيحب البصل .... بعدها بيلزم " كوباية شاي" في رواية حافظ بن سليم

وبعد هيك بدها نومة لانه ما رح تقدر تتحرك

طبعا أبو اكريم نفسي اشوفه في الموضوع هنا هوه بيجبر الباقي :MThumpsUp

[حافظ العبادله]

من المأثورات

لا يفتى ومالك في المدينة

ومالك في موضوعنا هذا هو الأخ المجاهد أبو وديع

بما إنه أبو وديع شارك .. وقال حلو .. يبقى حلو

وأذكر الأخ ابو وديع انه وعدني بهذه الوجبة التي لم اتذوقها رغم كوني فلسطيني .. وعبادلي

هااااااااااا ... ناوي ولا مش ناوي يا شيخ .. (اللقب الجديد )


نرجع للموضوع


المبدع والمتألق

أبو حاتم

صدقاً .. لا يمكن القول سوى أنك

ابدعت

وتألقت

ونقلتنا معك خطوة بخطوة

لنشاهد كيف يتم إعداد هذه الجريمة

قصدي الأكلة الرهيبة

القرصة

فعلا انت تعطي منتدانا بموضوعك هذا تميزاً جديداً أعتقد أننا نستحقه

كل الإحترام والتقدير

وفوقهم كو با ية شاي كمان



تحياتي



حافظ العبادله

[أبو يوسف]

فعلا أبدعت اخي ابو حاتم و نقلتنا معك الى تلك الاجواء الرائعة


و لكن نسيت التحذير من شرب الماء ، و الا فالنوم واقع لا محالة

تحياتي

[أبوحاتم]

فعلا أبدعت اخي ابو حاتم و نقلتنا معك الى تلك الاجواء الرائعة



و لكن نسيت التحذير من شرب الماء ، و الا فالنوم واقع لا محالة


تحياتي



مشكوور أخي أبو يوسف

ونذكر بملاحظتك / يمنع شرب الكثير من الماء ... يسمح بشرب كمية قليلة جدا من الماء فقط

الماء أو العصير بعد هذه الوجبة ربما يسبب مشاكل في الهضم

مشكوور أبو يوسف على الملاحظة المهمة

[sami]

بعد التحيه يا ابو حاتم
لاادرى كيف اصف لك شعورى و انا ارى صوره القرص او الفته
ولاكنك شددتنى للوراء و الزكريات الجميله و الحنين لجلسه
فى العريشه و اكل مثل هذا الفته و الله انها تراودنى بين الحين و الاخر
بس لو انك مانسيت تشوى بتنجان او قرع او عجره بطيخ كان رتبت الموضوع
على اى حال الواحد لعابه بتسيل لما بيشوف فته القرص
ان شاء الله ربنا يجمعنا على خير ونأكله سويا

تحياتى

[ranim2007]

السلام عليكم و رحمة الله و بركاته

شكرا لك على هذه الوصفه

و على شرحها بالتفصيل


انا اول مره بسمع بهذه الاكله


و عندي استفسار


عندما تضع الفحم فوق العجين لا يكون هذا مضر او له طعمه فحم


يا ريت تشرحلي

و شكرا جزيلا لك ابو حاتم

[ميرا فلسطينية]

:appl:

يا عيني يا خيي ايش هالاشي الطيب

بعترف اني متل رنيم قلقلت من قصة الفحم... حسيت كانه طعم الفحم بتمي وانا بتخيل:smilieA3:

لكن اكيد الطعم طيب.. ولا ما كانت مشهورة هيك

بس الاسم هذا مين اللي اختاره

قرصة؟ طيب ليش الاذى؟:cry2:

يلا .. انا بقول بنتظر لحد ما انقرص:booo: أتذوق يعني
وبعدين بحكم

يسلم دياتك اخي ابو حاتم\عمل رائع

[سلسبيل]

يسلموا اديك أخي ابو حاتم
الضاهر الاكلو كثيير حلوة وطيبة
وشرح كثيير مفصل
بوركت يمناك
انشاء الله لما بننزل في فلسطين تعزمونا عليها
ولا شو راأيك يا حافظ




مع تحياتي سلسبيل

[زمزم الحب]

مشكور ابو حاتم علي هادا المجهود بس حبيت احكيلك انو الشتاء جاي دور النا علي اشي يكون شتوي ويكون لذيذ متل القرصة زي العدس ا :MThumpsUp

[The white rose]

مشكور اخي ابوحاتم متمنين لك مزيد من التفوق والابداع

[فارس فلسطين]

مشكور اخي ابوحاتم
:more19: فارس فلسطين

[مدفع الحق]

جزاك الله خيرا

[ابوكمال]

السلام عليكم ورحمة الله وبركاته
شـكــ وبارك الله فيك ـــرا لك ... لك مني أجمل تحية .

[ابوكمال]

السلام عليكم ورحمة الله وبركاته
مشكور يا ابو حاتم علي الاكلات الجميله
ولا تنسي ابن خالتك يا ابو حاتم في هيك اكلات
والا بتزعل خاللتك منك

[نور الشام]

بسم الله الرحمن الرحيم
شـكــ وبارك الله فيك ـــرا لك ... لك مني أجمل تحية . :more19:
موفق بإذن الله ... لك مني أجمل تحية . :more41:
بس ممكن سؤال يا أبو حلتم:more77:
ممكن أعمل قرصة على السطح:more40:
ولا ما بتنفع:more62:
وليه ما بتنفع:more62:

[نجمة العبادلة]

السلام عليكم ورحمة الله وبركاته
شـكــ وبارك الله فيك ـــرا لك ... لك مني أجمل تحية .
موفق بإذن الله ... لك مني أجمل تحية .

[ريما]

شكرا لك اخي ابو حاتم على ههذه الاكلة الجميلة

[أبو هاني]

بسم الله الرحمن الرحيم
شـكــ وبارك الله فيك ـــرا لك ... لك مني أجمل تحية .
موفق بإذن الله ... لك مني أجمل تحية .
:more29:

[نجمة العبادلة]

شـكــ وبارك الله فيك ـــرا لك ... لك مني أجمل تحية .
موفق بإذن الله ... لك مني أجمل تحية . :more19:

[أبو يونس]

والله انها اكلة الواحد بيشتاق الها كثير بصراحة فوق الخيال روعة فى الاكل حتي اني باذكر اجانب اجوا على البحر وعملنا الهم قرصة فكان اللى بيترجم الهم بيقول انهم خايفين ياكلوا منها قال ليش اشن خايفين على صحتهم ممكن تكون مليانا رمل هههههههههه

[أبو عبيدة]

مشكووووور اخونا ابو حاتم على الطريقة و التصوير و نقلنا الى الاجواء هناك

بس ايش اللي مخليك تفكر بالموضوع و التصوير و السلطة ..

- و الله ياخوو محمد يابن خالتو ما حد بتفكر التاني في الطشات هادي الا من رحم ربي .. انت عارف بيكون الوضع سخن

- وكان نفسنا نسمع اراء ابو اكريم في هيك مواضيع و يمكن عادل كمان الو فيها

- و ياريت يابو يونس تكثر من مشاركاتك خلينا نسمع صوتك

- و اخيرا مشكووور اخوي ابو حاتم على القرصة و بارك الله فيك على المجهود وربنا يديمك و يديم افكارك اللي خلتك تصور الطريقة و تجيبها للملتقى

--- و تحياتي للجميع .. أبو عبيدة

[نور الشام]

مشكور
مشكور مشكور
مشكور مشكور مشكور
مشكور مشكور مشكور مشكور
مشكور مشكور مشكور مشكور مشكور
مشكور مشكور مشكور مشكور مشكور مشكور
مشكور مشكور مشكور مشكور مشكور مشكور مشكور

[jefara_200]

اووووووووووووووه

يسلمو ايديك يا أبو حاتم..


والله يا حجي أنا أسطل.. تعال وجرب عنا.. راح تلاقي الها مذاق خاص..

يسلمو بجد ع المشاركة..

وبارك الله فيكـ

[عبدالله العبادله]

تسلم يا ابو حاتم
للتنويه فى ناس بتسميها قرص ملا
السنه هاى اول سنه ما اعملها
مرحبابك يا حافظ باعملها الك بس ما تجيب هالواحد معك والا حتضل تسمع عنها

[ابووديع]

مين قصدك يا عبدالله باشا انت اصلن ما بتعرف تعملها بس ===؟؟؟؟؟

[مجدولين جبريل]

شكلها زاكية كثير... وقصة الفحم..
والسكن (الرماد) شي معتبر...
صحتين وعافية للي راح ياكل منها :)

[عبدالله العبادله]

ابو وديع
ليش عصبت انا ما سميت حدا وليش اخدت الكلام عليك انت ولا ؟؟؟؟
وطالما انى ما بعرف اعملها فشو رايك
حافظ نفسه فيها اعملها ومتنازل عن نصيبى لابو يوسف
يلا ورينا شطارتك ولا هو حكى بس
الاخت مجدولين
لما تاكليها ما بتحسى طعم فحم والسكن (الرماد)
بتكون الها نكهة مميزه ولذيذه
طبعا انتى معزومه على هيك اكله بس تيجى غزه
وبتكونى ضيفة شرف الملتقى

[مجدولين جبريل]

ياااااااااااااااااااااااااااااااااااااااااا ريت...
بعدين أنا بحب طعم الفحم بالأكل :)
على كل إن شاء الله بتفتح على وجهي الطريق...
وبزوركم ليش لا...
الله يفتحها عليك يا أخ عبد الله من أوسعها باب :)
صباحكم زي العسل :more19:

[عبدالله العبادله]

بما اننا فى سيرة الاكل وقرب الغدا وانا لسه ما فطرت
بحولك للاخ ابووديع يشويلك فراخ فى البرميل (المندى)
طبعا اذا كان بيعرف يعملهم
اكله فحم فى فحم
بيتهيالى هيك تغدينا بدى اقوم اغسل ايدى
وصحتين وعافيه

[مجدولين جبريل]

على قلبك...
بس المندي بده رز...
في ولا أجيب معي؟؟؟؟

[عبدالله العبادله]

وليش الغلبه
انتى هاتى الفراخ والرز
واعملى المندى عندك
لتكونى جايه على ولايا
كويس الى ابو وديع مش هنا
والا كان اكلنا من الغيظ
وانا بدى اخليه يعملها لك
قوليلو انا عازماك على مندى عندك وانتهينا
ايش يا منتدى العبادله
البنات بدو يلطشو فينا
وينك يا عقيد
انا ساكت علشان خاطرك

[مجدولين جبريل]

الله يسامحك شو تلطيش وما تلطيش...
أنا كنت قاصدة أساعدكم ..
يعني الواحد لما بيجي زيارة عند ناس مو بجيبلهم هدية اعتبر الرز هدية..
وبعدين خيركم سابق..
ولا زعلك أنا عازمة حالي عندكم أول ما يفتح المعبر :)
ويخلونا ندخل بإذن الله واحد أحد..
ومن هله أعلنت الصيام عشان أكون جوعانة كويس لما آجي :)
يسعد صباحك كمان مرة:more19:

[لحن الحياة]

يسلمو اخي ابو حاتم على الاكله

[روان عبدالله]

شكرا لك لحن الحياة على هذه الاكلة المميزة
اختكم .
روان عبدالله